|
دماغي ح ينفجر
صباح الخير
بارك الله فيكم دوام الجامعة متى يبدأ بالضبط ؟؟ انا خريجة وبسافر للاحسااء علشان استلم الوثيقة ومررة ضايعة راح اسافر انا ومامتي م عندي محرم علشان يخلص اجراءات اخلاء الطرف يعني ح اخلص كل الامور بنفسي:Cry111: يقولون فيه صعوبة اذا الوحدة راحت بدون محرم م تقدر تخلص امورها بسرعة افيدوني بهالنقطة :((( وسؤال اخير انا رحلتي من الجنوب للدمام م في رحلة دايركت للاحساء عادي اخذ تاكسي والا مو اماان !! :( يعني هل افضل اطلع قطار للاحساء ؟؟ اسفة طولت بس وربي من القلق اللي انا فية بليز اللي يشوف كلامي يرد علي :mh12: |
رد: دماغي ح ينفجر
صباح النور اولا وسعي صدرك ولا ينفجر راسك ولا شي الامور ان شاء الله سهالات . دوام الجامعة يبدا يوم الاحد 3 اغسطس ممكن يوافق 7 شؤال بس الافضل ما تروحين اول اسبوع او اول يومين على الاقل لانه دائما تكون حوسه بعد الاجازه . . وان شاء الله راح تخلص امورك قبل اللي عندهم محرم انت بس توكلي على الله. اكيد اي احد من منسوبين الجامعة راح يساعدك لما يعرف ظروفك اهل الاحساء اجاويد .. . بالنسبه للتكسي الامان من رب العالمين بس ممكن الافضل تاخذون قطار ومنها تجربين القطار :) . ومبروك التخرج والله يحفظكم |
رد: دماغي ح ينفجر
الله يسهل امورك ولاتحاتيين ،،،
ان شاء الله تتسهل امورك ،،،، القطار أفضل وأرخص كمان ،،، |
رد: دماغي ح ينفجر
صباح النور
ماانصحك تروحي بإمكانك عمل وكالة لاي ذكر او انثى في الاحساء وهم ياخذونها ويرسلونها لك بدون اي مخاطرة او تكاليف إضافية بالتوفيق |
رد: دماغي ح ينفجر
الامور سهالات
|
رد: دماغي ح ينفجر
طولي بالك
|
رد: دماغي ح ينفجر
الله يسهل امرك وقبل مده شفت احد الاخوة هنااا
يعرض خدماته في مساعدة الطلاب لاستخراج وثايقهم وارسالهاااا الله يكتب لك اللي فيه الخير |
رد: دماغي ح ينفجر
الله ييسر أمرك..
ليتني من الأحساء كان خدمتك.. رأيي عكس اللي قبلي،أفضل تاخذي تاكسي حتى لو أغلى لكنه أريح،لأن اذا بتركبي القطار راح تضطري تأخذي تاكسي من المطار لمحطة القطار،ومرة ثانية من المحطة للجامعة،فماتسوى هالشحططة وانتي ماعندك محرم.. الشغلة الثانية اذا بتسافري وترجعي نفس اليوم خذي أحتياطك في وقت الرحلة عأساس اذا تأخرت الإجراءات من الجامعة.. شغلة كمان اذا بتاخذي توصيات الأفضل تتواصلي قبل مع الدكاترة وتشرحي ظروفك عأساس يخلصوا لك بدري.. موفقه يارب.. |
رد: دماغي ح ينفجر
الله يسهل أمورك
|
رد: دماغي ح ينفجر
الله يسهل امرك اختي ,,
الافضل انك تخلي جيتك بعد بداية الدوامات على الاقل 3 ايام لانهم راح يبدى دوامهم 7 شوال على شن تخف عليك الزحمة ,, وبالنسبه اذا بتجي عن طريق مطار الدمام الافضل اخذ تكسي من المطار الى الاحساء افضل المسافة 140 كيلو تقريبا في خلال ساعة وربع بالكثير افضل من القطار لان القطار رحلات وممكن ماتحصلي رحلة في وقت جيتك للدمام فلافضل التكسي من المطار على طول والله يكتب لكي ماهو خير ,, |
رد: دماغي ح ينفجر
مبروك التخرج
الله يسل أمورك |
رد: دماغي ح ينفجر
صباح النور ..
الف مبروك التخرج وعقبالنا ان شاء الله :(315): لو تقدرين تتواصلين مع احد قبل لا تروحين يكون افضل من الجامعة مثلا تراسلين احد منسوبي الجامعة عشان تضمنين تروحين تلقينها جاهزه وثاني شي التاكسي افضل شئ تاخذينه يوم كامل يخلص اموركم ويردكم للمطار بدال ما تتوهين بالمشاوير هنا وهنا وحطي ببالك اهم نقطه يكون حجزك للرجوع بعد يوم اقل شئ يمكن تتاخر الوثيقه وتروح عليك الرحله يعني روحي مثلا يوم الاثنين عشان اذا تاخرتي يكون من البكرا دوام مو تروحين يوم خميس وتتورطين اذا تاخرت لا سمح الله لان الجمعه اجازه واذا تبغين كمان احجزي عن طريق النت شقه مثلا بالاحساء تكون قريبة من الجامعة عشان تريحون فيها وتكون جاهزة بدل التعب اتمنى لك التوفيق ويسهل الله لك امرك اختي |
رد: دماغي ح ينفجر
كل عام والجميع بخير والف مبروك التخرج ليش ما تطلعون من المطار الى الهفوف بالنقل الجماعي اتوقع لهم جدول رحلات تأكدوا من النقل الجماعي بالاتصال عليهم عن طريق تلفوناتهم اتمنى اكون افدتكم |
رد: دماغي ح ينفجر
الف مبروك يستاهل الموضوع الشحططه وهو كله يوم ورئي بقطار أفضل دام ماعندك محرم وربي يسهلها
|
رد: دماغي ح ينفجر
انا من رائي القطار افضل حيييل واكثر امان والله شلون بتركبون مع رجال غريب بدون محرم ساعه وربع في طريق شبه خالي
تاكسي من المطار الي المحطه وبعدها من المحطه الي الجامعه وراح تحصلينهم بكل سهوله وطبعا مثل ما قالو لك الاخوان حاولي تصبطين الحجز بحيث تاخذين يومين او ثلاثه يعني علي الاقل تضمنين ان امورك تترتب بدون ماتنضغطين بالوقت والله يسهل لك امورك وتفرحين بالوثيقه :love080: |
رد: دماغي ح ينفجر
مبارك التخرج
الامر سهالات ولله الحمد حرصا من الجامعة على راحة الطلبة وتسهيلاً لهم في اجراءات اخلاء الطرف من الجامعة تم اتاحة اخلاء الطرف الالكتروني واجراءاته كما هي موضحة بالصور على موقع الجامعة على الرابط التالي http://www.kfu.edu.sa/ar/Pages/workflow.aspx رأيي : اولا : بعد العيد وعودة الموظفين اعملي اخلاء طرف الكتروني وانتظري حتى يخلص بالكثير يومين تقدرين تتابعينه من الموقع كما هو مبين من الصور في الرابط اعلاه اطبعي النموذج وراجعي عمادة التعليم الالكتروني ( اسألي هل يوجد قسم النسائي ) ثانيا : كيفية الوصول للاحسا (( الهفوف )) الافضل تحجزي على الاحساء مباشرة حيث يوجد فيها مطار , وتوجد رحلة مباشرة من جده وكذلك من الرياض العديد من الرحلات ** يبعد مطار الاحسساء عن الجامعه مسيرة ربع ساعه بالسسيارة او عشر دقائق اما مطار الدمام فهو في منطقه برية معزوله عن الدمام تقريبا 30 كلم وبعدها بتاخذين خط الدمام الاحساء 140 كلم جيتك لوحدك فيها خطوره نوعا ما اذا سويتي توكيل من المحكمه ممكن احد يقوم بالمهمه من الاحساء ويرسل لك شهادتك علما اني من الاحساء |
رد: دماغي ح ينفجر
القطار افضل لك الف مره لأنك تسافرين مع ناس كثير وعوائل ماتحسين بالخوف ولا تحسين أنك بلحالك..
واذا وصلتي للأحساء أخذي تكسي والرجعه نفس الطريقه بقطار واذا وصلتي لدمام اخذي تكسي معليك وانا وخوك ربي معكم ومراح يخليكم والأمور بسيطه |
رد: دماغي ح ينفجر
من الافضل مراسلة الاستاذ احمد الشعيبي رئيس قسم الخدمات الطلابيه لتعليم الاكتروني بالجامعه علي حسابه في تويتر وشرح ضروفك له وان شالله يفيدك
حساب الاستاذ احمد بتويتر rrr898 |
رد: دماغي ح ينفجر
احسن لك خذي دايركت على طول الى مطار الهفوف
وترا المطار موبعيد عن الجامعه نص ساعه تقريبا تشوفين التكاسي شكثرهم عند المطار قولي له يوديك للجامعه , كذا اسهل بدل الشحططه موفقه يارب |
رد: دماغي ح ينفجر
صبااح الخير ع الجميع ،، وكل عاام وانتوا بصحة وسعاادة
اشكر كل اللي ردو علي فديتكم م قصرتوا طمنتوني واعطيتوني ارائكم اللي استفدت منها اكيييد "محمد العتيبي" الله يجزاك خير ع هالرابط م تقصر اخوي و ع راااسي والله كلكم :rose::love080: |
رد: دماغي ح ينفجر
الله يسهل امورك يارب
|
رد: دماغي ح ينفجر
الله يعينك ويسهل امرك بدون محرم فيها مخاطره ونهى عنها رسولنا الكريم لخطورتها من الافضل تدورين على وكيل ذكر توكلينه حتى لو تعطينه اتعابه واذا اضطر الامر اخذي معاكي وحده من قريباتك وكلمي الدكاتره واشرحيلهم الضروفك لعل يكتبلك توصياتك ويجهز امورك وانتبهي من كثر الكلام والتبرج هذه نصيحة اخ لكي وليس عدو الله يستر عليكي ويوفقكي
|
| All times are GMT +3. الوقت الآن حسب توقيت السعودية: 06:33 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه