ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   توقيت استلام الوثائق زفت ! صيام + سفر + حر (https://vb.ckfu.org/showthread.php?t=601812)

R m z 2014- 7- 8 04:11 AM
توقيت استلام الوثائق زفت ! صيام + سفر + حر
 
السلام عليكم ,,

و كالعاده مع الجامعه حتى بإستلام الوئاثق وهي اخر شيء يربطنا فيهم حاااااالفين يطلعون عيونااا


التوقيت جداً ضيق ! يوم واحد بس و بعدها اجازه !!


ماعلينا , استفساري للأخوه اللي سبقونا باستلام وثيقة التخرج ,

هل لازم بنفس الأيام اللي حددوها ؟

انا ما اقدر استلمها برمضان , و المكان بعيد يعني سفر و صيام و حر


أقدر استلمها بعد الاجازه ؟ ولا ما راح القى المسؤوله و تعالي وقت ثاني من هالسوالف :007: !

اللي استلمو قبل , طمنوني كيف سارت اموركم ؟

3hoodtk 2014- 7- 8 05:05 AM
رد: توقيت استلام الوثائق زفت ! صيام + سفر + حر
 
يوم واحد!!!

شمس الحقيقه1 2014- 7- 8 05:43 AM
رد: توقيت استلام الوثائق زفت ! صيام + سفر + حر
 
والله يااختي مثل ماقلتي سفر طويل وصوم ، وحر

اخاف اذا تاخرنا ندخل في اجراءات ثانية وتعقيدات آخرى
انا اتمنى من الأخوه المتخرجين العام السابق يفيدنا هل اذا تأخرنا الى بعد العيد
نستلم شهاداتنا بسهولة او تختلف الاجراءات .

فيصل الخالد 2014- 7- 8 06:09 AM
رد: توقيت استلام الوثائق زفت ! صيام + سفر + حر
 
هلابكم
الامور طيبه انا حصل لي مثلكم وطنشت ولا جيتهم الا بعد العيد ومع بدايه دوام طلاب والكل مداوم وقتها
موفقين يارب

توهقنا 2014- 7- 8 06:53 AM
رد: توقيت استلام الوثائق زفت ! صيام + سفر + حر
 



طيب ياجماعه لو أجلناها لبعد العيد احسن بس يطوفنا تسجيل الخدمه المدنيه يقفل ب 22 رمضان

وش الحل برأيكم أرغب نصيحتكم ؟

M O T A Y A M 2014- 7- 8 10:31 AM
رد: توقيت استلام الوثائق زفت ! صيام + سفر + حر
 
اولاً الف مبروك التخرج وعقبال الجميع ان شاء الله

والله الموضوع سهل .. انظروا لها من زاوية اخرى

السيارات الحمدلله الان 99.99% مكيفه والواحد ما يحس بالحر

تجربه الصيام والافطار في مكان آخر غير مكان السكن

زيارة مدينة أخرى قد تراها لأول مره

بالتوفيق للجميع وآسف على الاطاله

ولد ابو متعب 2014- 7- 8 10:36 AM
رد: توقيت استلام الوثائق زفت ! صيام + سفر + حر
 
مبروك للجميع!

الاجراءت تطول ؟ والا الا
والتوصيات

جبرني الشوق 2014- 7- 8 10:47 AM
رد: توقيت استلام الوثائق زفت ! صيام + سفر + حر
 
الي مايقدر يخليها بعد العيد

ترى مافرقت كلها اسبوعين



الوضع عادي دام الجامعه اعلنت التاريخ خلاص انت حر في اي يوم تبي تستلمها

الي مايقدر يروح يوكل اخوه او قريب له يستلم بداله ....بس لازم التوكيل من اقرب محكمه عندك ^_^


انا باالنسبه لي بأخذها بعد العيد لاني بسافر في العيد وربي يزين الحال

king the net 2014- 7- 8 11:21 AM
رد: توقيت استلام الوثائق زفت ! صيام + سفر + حر
 
حددوا متى استلام الوثائق؟

reaching higher 2014- 7- 8 12:20 PM
رد: توقيت استلام الوثائق زفت ! صيام + سفر + حر
 
السلام عليكم

اولا: الف مبروك للأخواني الخريجين ..

ثانيا: ان كان ولابد .. شوفي الايجابية في وضعك ..

صايمة (وفي نهار رمضان) + مسافره ..

والله اني اشوفها فرصه لا تعوض .. جمعتي من احوال استجابة الدعاء .. السفر مع الصوم .. في بداية الحديث يقول لا يرد الله دعائهم و في حديث ثاني لا شك في إجابتهن

استغلي الفرصة و ادعي لنفسك و من تحبين من خير الدنيا و الاخرة ..


ولا يهون الحر ..عظم الاجر مع عظم الادى ..


الله يقدم لك الخير

SALEH ALOTAIBI 2014- 7- 8 01:49 PM
رد: توقيت استلام الوثائق زفت ! صيام + سفر + حر
 
ترا الدعوة سهالات

الحين السيارات تقرب البعيد وحتى لو كنت في أقصى الشمال أو أقصى الجنوب أو من الغرب المسافة ماراح تزيد عن يوم واحد أو شوفوا أقرب مطار وقصوا تذكرة أسهل وأسهل لكن ماظن تحصلون

والوضع أساساً يعتمد أولاً وأخيراً على ظروفك إذا تستطيح تأجيل استلامها خير وبركه والوثيقة محفوظة ماراح تروح مكان وإذا ملزوم بها شد حيلك وأتعب شوي والدنيا جهاد وكبد

بالتوفيق


All times are GMT +3. الوقت الآن حسب توقيت السعودية: 01:34 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه