|
فكونا من التشاؤم - إذا مو قد الدراسة خلها لأهلها.
الســلام عليكم
من الأخير دعوة لإخواني اللي يبثون التشاؤوم المتأصل عندهم ويعدون بقصد او بدون قصد الآخرين بهذا الأمر كفو أذاكم عنا مو قد الدراسة, مو حاب تذاكر وتجتهد أمامك ثلاثة أمور شد حيلك لتحصل على درجات أفضل خلك على وضعك وارض بالدرجات اللي تحصل عليها الآن خل الدراسة لأهلها ما يحتاج تسب وتنتقد وأنت من جنبها الجامعة تعطيك هدية 30 درجة (حضور, مشاركة, واجبات) اسئلة شبه مكررة او متشابهة مقرات الاختبار في كل حارة في كل مدينة الجامعة تتطور مع الوقت ومستواها افضل تجاوب مع الشكاوي حضور وتواصل مع الطلبة في برامج التواصل الاجتماعي كل هذا مو عاجبك ؟ يمدحون صحن فول ونام الله يعافيك وخل الدراسة لأهلها |
رد: فكونا من التشاؤم - إذا مو قد الدراسة خلها لأهلها.
هههههه
وش فيك الحين انت من مزعلك |
رد: فكونا من التشاؤم - إذا مو قد الدراسة خلها لأهلها.
امورك طيبه ياكاتب الموضوع الله لا يغير عليك
انت الله يهديك تبي تمسك ايدين العالم لا تكتب ولا تبي تسد افواهم دام ربي مسر امورك مالك ومال الناس احمد ربك وترك الناس بحالها |
رد: فكونا من التشاؤم - إذا مو قد الدراسة خلها لأهلها.
مع إنك معصب :(107):
لكن كلامك منطقي :(204): تحياااااااااااااااتي |
رد: فكونا من التشاؤم - إذا مو قد الدراسة خلها لأهلها.
نسأل الله حسن الخاتمه
|
رد: فكونا من التشاؤم - إذا مو قد الدراسة خلها لأهلها.
صحححح عليك تعبنا من التشاؤم نبي شيء يرفع من معناوياتنا مو ناقصين اكثر يعني
|
رد: فكونا من التشاؤم - إذا مو قد الدراسة خلها لأهلها.
انا منقصيني في الدرجات ونزل معدلي وظلموني وانا متاكدة اني مسويه كل التحميلات والواجبات والمناقشات
وما سبيت بس اقول حسبي الله ونعم الوكيل من سب غلط بس اكيد بدون قصد واحنا تكلمنا عن ظلم الجامعه في التظلمات نرفع ولا نستفيد ولا نخذ اي فايدة وانت يا اخ نادر جزاك الله خير بس اكيد ما ذقت طعم النقص وان شاء الله ما تذوقه انت والاخوان |
رد: فكونا من التشاؤم - إذا مو قد الدراسة خلها لأهلها.
اكيد التشاؤوم مو زين
بس لما تقول ارضى بالدرجات والا اجتهد و انت ماتدري لانك مامريت بهالمشكله وإن شاء الله انك ماتمر فيها و ماراح يحس الا اللي جرب انظلم ونقصت درجاته على غير حق والله من عذرهم يكتبون ( كفو اذاكم عنا ) !! ماضروك بشيء يمديك ماتدخل مواضيع لهم وقولك درجات المشاركه هديه لا غلطان ياخوي شلون هديه ؟ حنا نتعب ونحل واجبات ونكتب مناقشات ونحمل محاضرات ومع ذلك ماسلمنا منقصينا ظلم وين الهدية في الموضوع ؟! الله يصلح الحال |
رد: فكونا من التشاؤم - إذا مو قد الدراسة خلها لأهلها.
شكراً لكتابتك موضوعك
التفائل مطلوب والتشاؤم مذموم ولكن لا يحب الله الجهر بالسوء من القول إلا من ظلم |
رد: فكونا من التشاؤم - إذا مو قد الدراسة خلها لأهلها.
الروقي انت لم تشعر بالظلم
وخل الناس تعبر عما بداخلهاااا وبعدين 30 درجة جهدي وتعبي ما جتني هدية واغلب الطلاب انسرقت منهم وغش وظلم من بعض الدكاتره في طرح الاسئله التعجيزية الله يعافيك مثل موضوعك هذا تثير الفتنه ارتاح وما احد طلب رأيك :41jg: |
رد: فكونا من التشاؤم - إذا مو قد الدراسة خلها لأهلها.
اقتباس:
اختى نسيتى ندفع مقابل دراستنا مو بالمجان :33_asmilies-com: انا وحدة متضررة من النقص وسببهم خطأ فى تحميل المحاضرات نفس السبب السمستر الماضى وعشان الشك ها السمستر بدل المرة مرتين شاهدت المحاضرات ... واضحة السبب منهم وليس منا :017: الى يكتب وعاتب من قهرة تاعب على المتابعة اول بأول :007: وهم ظالمين لنا اقلها يتفرجو على السجل الاكاديمى للطلاب وشوفو كيف نحل الواجبات والمناقشات والمحاضرات اول بأول ما نتأخر ابدا وفى الاخير يتفلسفو وطلعوك غلطان :017: |
رد: فكونا من التشاؤم - إذا مو قد الدراسة خلها لأهلها.
اللي اقدر اقوله إن شاء الله ننهيها بسلام بس نبي الشهاده منهم |
رد: فكونا من التشاؤم - إذا مو قد الدراسة خلها لأهلها.
نادر الروقي الله والخيبه تتكلم من فراغ لو أنه منقصين عليك درجة
قومت الدنيا وقعدتها عموما هد الدعسة شوي وفكونا من المجاملات اللي مال امها داعي اللهم إني صائم وحسبي الله ونعم الوكيل علي من نقص درجاتي |
رد: فكونا من التشاؤم - إذا مو قد الدراسة خلها لأهلها.
الظلم ظلمات يوم القيامه
والله ما أحد تكلم ولا كتب هنا من فراغ الا من المعاناه والظلم لو نقص عليك ربع درجه صرت تصارخ عندي هنا الله يهديك بس |
رد: فكونا من التشاؤم - إذا مو قد الدراسة خلها لأهلها.
بسم الله الرحمن الرحيم
والسلام عليكم ورحمة الله وبركاته اخي الكريم اخواني اخواتي الطلاب والطالبات لا يخفى عليكم نظام الجامعة وتحذيراتها المتكرره عن حل الواجبات والمشاركات ونحمد لله ان الجامعة تعطينا 30 درجة والاختبار من 70 من حل واجباته بنفسه ونقص عليه درجات فهذا قمة الظلم ومن اعطى المكتبات تحل عنه وعطوه الدرجة الكاملة فهذا من حظه ومن عطوه صفر فلا يحق له التكلم ولاكن لي مآخذ على الجامعة كيف نثبت للجامعة ولانفسنا بأننا اكملنا الحل الصحيح في الواجبات والمناقشات وتنزيل المحاضرات والنتيجة ما تبان إلا في آخر الترم ليه ما يكون فيه آليه سريعه لاثبات النقص في الحل في حينه او في وقت سريع اثناء الترم وليس في آخر الترم ونتفاجئ باننا لم نكمل الحل او لم نكمل انزال المحاضرات خلاصة الكلام اذا الجامعة تطالبنا بالانضباط في حل الواجبات والمناقشات وتنزيل المحاضرات لابد عليها ان تقنن آلية سريعة ومناسبة في انصاف من يكمل واجباته بشكل ادق وسريع في اخراج النتيجة ودمتم ... |
رد: فكونا من التشاؤم - إذا مو قد الدراسة خلها لأهلها.
اقتباس:
انا احملها بصيغتين ومنقصيني بس الله كريم واللي يتفلسفون ماذاقو الظلم والا ماكان شفتي هالموضوع |
رد: فكونا من التشاؤم - إذا مو قد الدراسة خلها لأهلها.
احسنت اخوي الروقي اهنيك على هذا الموضوع
فعلاً لكل مجتهد نصيب |
رد: فكونا من التشاؤم - إذا مو قد الدراسة خلها لأهلها.
اقتباس:
لا مريتو بمثل كذا وقتها بالضبط بتعرفون :119: |
رد: فكونا من التشاؤم - إذا مو قد الدراسة خلها لأهلها.
من جد ، الناس تبي سلامتك بس فكهم من هياطك .. وضعك أوكي ؟ درجاتك عاجبتك ؟ تحمد ربك وتحتفل ب نجاحك .. الضعوف اللي ناقصتهم درجات ، طاقين باب بيتك ؟ انت نجحت ، فارق الملتقى منت ملزوم فيه ولاهو محتاج لك أساساً .. ترى ماقد نقصتني ولادرجة ، ووضعي بالسليم وعلى وشك تخرج .. بس عجيب أمر اللي يتذمرون من شكاوي الطلبة .. بدال ماتتعاطف معاهم وتضع لهم حلول مستقبلية ؟ جاي تتصادم معهم ؟ يطلبونك شي ؟ بياخذون من درجاتك لاسمح الله ؟ ولنفترض أنهم على خطأ والجامعه ماقصرت معهم ، شو المشكلة خلهم يفضفضون .. الآن اجازة ومواضيعم او شكاويهم ماتأثر .. لو في وقت حساس مثل الاختبارات ممكن نلومهم .. هذي والله العقوبة .. فاضي ومسك له كيبورد .. |
رد: فكونا من التشاؤم - إذا مو قد الدراسة خلها لأهلها.
بيض الله وجهك وكثر الله من امثالك اول مرة
اشوف واحد يقول كلمة حق ومنصفة في هذا الملتقي ارفع عقالي لك تحية وتقدير يابن الأجواء وأخيرا تقبل مروري وتحياتي لك |
رد: فكونا من التشاؤم - إذا مو قد الدراسة خلها لأهلها.
[
شكرا لك اخي عادل كفيت ووفيت بالرد اقف لك احتراما الناس مظلومه وتبي تفضفض لانها بتنفجر ويجي زي الاخ يورينا انه اهو مجتهد لك يوم يالروقي لاتستعجل الناس مو جايه تلعب الناس تاركه اشغالها واولادها وجايه تدرس. [/quote] |
رد: فكونا من التشاؤم - إذا مو قد الدراسة خلها لأهلها.
مواضيع مثل هذه المفروض مانرد عليها ولا نعطيها اكبر من حجمها
|
رد: فكونا من التشاؤم - إذا مو قد الدراسة خلها لأهلها.
مع ان الصياغه مفزعه
الا انه موضوع اكثر من رائع مع كثرة المواضيع المحبطة هنا جزاك الله خيرا |
رد: فكونا من التشاؤم - إذا مو قد الدراسة خلها لأهلها.
صحيح اني نجحت لكن مافرحت بنجاحي كثير لاني كنت أدخل الاختبار مذاكرة زين وشادة حيلي من قبل وكنت أحل واجباتي ومناقشاتي أول بأول واخذت الدرجة الكاملة بالأعمال الفصليةلكن أنظلمت بدرجاتي احل زين وأطلع متأكدة اني بأخذ درجات عالية واتفاجأ بدرجاتي المتدنية وفوق هذا أشوف أقوى تحطيم من أخوي اللى احسبة عضيدي وسندي بالدنيا وكانه دافع شي من جيبه لكن ماأقول ألا ياجبل ما يهزك ريح وعسى الله يخليلي امي اللى تشجعني وتدعمني أستمر ولاتحطمني وتقولي مشوارك قدام ولايهمك احد لكن مدري وش حادك فاتح موضوع كأن احد مشتكيك سبحان الله |
رد: فكونا من التشاؤم - إذا مو قد الدراسة خلها لأهلها.
الروقي
العوج مايشوف عوجة رقبته كلامك 100% |
رد: فكونا من التشاؤم - إذا مو قد الدراسة خلها لأهلها.
أشكرك .. أخي صاحب الموضوع
عتبي فقط أن الـ 30 درجه ليست هديه . فلو كانت هديه فحرام أن تسلب من بعض الطلاب . فهي أتت من تعب تحميل 14 محاضرة للمادة الواحدة وحل 14 مناقشة للمادة الواحدة و3 واجبات لكل مادة و 3 محاضرات مباشرة للمادة الواحدة . وهي تأخذ الوقت والجهد لإكمالها بالرغم من ظروف المنتسبين فهي بجهدهم وليست هديه . فنعتبرها فكرة جيدة من الجامعة لتواصل الطالب بالجامعة ومدرسيه والنقاش والاهتمام ولكنها لا تأتي الا بجهد كبير . والاخوان والاخوات يكتبون من الغيظ .. البعض يحلف بالله ومن حلف فيجب أن نصدقه انه حمل المحاضرات والمناقشات والواجبات ونقصوا درجاته 10 أو 20 وخبطت بمعدله واشتكى وجميع الردود كانت بلا فائده . فماذا يفعل ؟ قد تكون كتابته هنا ترويح عن النفس وتطفئ غضبه ولكن بدون شتم أو سب . نعم هناك كتابات تشاؤميه لا أطيق قرائتها ولكن ايضا هذا رأيه وحريته كعدم الاعتراف بالشهادة والخرابيط اللي مثل كذا . أشكرك وتقبل تحياتي ,, |
رد: فكونا من التشاؤم - إذا مو قد الدراسة خلها لأهلها.
خلاص فضفضتوا ؟
سيبتوا وطلعتوا اللي عندكم ؟ تفائلوا وذاكروا واللي شتمني أو تنقص مني شكرا ويعلم الله مسـامحكم |
رد: فكونا من التشاؤم - إذا مو قد الدراسة خلها لأهلها.
اقتباس:
30 درجة هدية يعني هدية الطالب يحصل عليها من جهد لا يزيد عن ساعة واحدة لكل مادة في آخر اسبوعين من الدراسة وكلها كوبي بيست .. شلون ما تكون هدية ؟ سبق لي الحصول على بكالوريوس من جامعة الملك سعود مدة البكالوريوس خمس سنوات درجة اعمال السنة كنا نكرف كرف عشان نحصل عليها لذا لما اقولك ان 30 درجة تعتبر هدية .. فصدقني هي هدية مقارنة بالجامعات الأخرى ما راح اتعمق في الموضوع فكرتي بسيطة .. وقفوا التشاؤوم |
رد: فكونا من التشاؤم - إذا مو قد الدراسة خلها لأهلها.
النار ماتحرق إلا رجل واطيها :smile:
|
رد: فكونا من التشاؤم - إذا مو قد الدراسة خلها لأهلها.
الله يسامحك غلطان وتقول الله يسامحكم
|
رد: فكونا من التشاؤم - إذا مو قد الدراسة خلها لأهلها.
من خلال خبرتي في التعاميم الدراسية السكوت واللرضى دائما يعتبر خطأ
لان بيساعد على التدهور والناس اجناس مختلفه وظروفهم مختلفة هذا غير ان الهدف مادي بحت من فتح باب التعليم عن بعد |
رد: فكونا من التشاؤم - إذا مو قد الدراسة خلها لأهلها.
صادقين بس الاسئله الاختبارات حيل دقيقه ولا الاجابات تتشابه
مو كلهم يكرروا الاسئله الاختبارات من ذكاء بنات يسالوهم دكاتره وحنا اللى اتورطناااااا ومع تراكمى جد نزل معدلنا |
رد: فكونا من التشاؤم - إذا مو قد الدراسة خلها لأهلها.
ارى بأن للجميع الحق بأن يشتكي او يرفع تظلمه اذا كان فعلاً وقع عليه ظلم هناك البعض وليس بالكثير مع الخيل ياشقرا في الشكاوي ونقص درجاته بسبب اهماله وهناك من هو مظلوم حقا ً وتم انقاصه في درجات المشاركه بالرغم من اجتهاده .. الشوشره الاخيره بالنسبه لدرجات المشاركه اعتقد انها راح تغير الكثير بالايام القادمه بالنسبه لقرارات الجامعه وشبه متيقن انها ستلغى قريبا ً وتصبح درجه الاختبار من 100 احقاقا ً للحق ومنعًا للظلم .. فمن اجتهد له الحق في تقديم تظلمه والتذمر ان لم يعطى حقه ، ولكن المشوشر هنا ومن يطالب بشئ ليس من حقه فليتقي الله لانه هنا يرفع تظلمه وهو الظالم فلم يجتهد ويرغب بثمرة اكثر من جهده ويضر باخوته الطلبه وهو لا يعلم .. وبأذن الله نرى تطور للافضل في الايام القادمه بالنسبه لرصد الدرجات وكلن منا يأخذ حقه بانصاف تمنياتي للجميع بالتوفيق .. |
رد: فكونا من التشاؤم - إذا مو قد الدراسة خلها لأهلها.
انا مو من المتضررين الحمدلله ولكن مو من حقك ولا حق اي حد انه يسكت احد اذا انظلم
مثل ماانت معبر عن مشاعرك وفرحان بجتهادك بعد في ناس اجتهدو وماخذو حقهم وكل شخص له حرية انه يتكلم وان كان في شي منرفزك من شكاوي الاخوان بختصار منت مجبر تقراه الله يسامح الجميع :) |
رد: فكونا من التشاؤم - إذا مو قد الدراسة خلها لأهلها.
اقتباس:
هالنوعيات هي المسئولة على تردي وضع الجامعة ككل ياشين الهياط بس ناس عائشه بمبداء خالف تعرف يعني انت صح وكل الطلبة اللي تشتكي على خطأ انا بقسم ادارة اعمال معدلي 4.75 بالمستوى الثالث وتقدير ممتاز بس لا ارضى اني انظلم او غيري ينظلم بغير وجه حق خاصة عندما تتعمد الجامعه اللعب بدرجات الطلبة وتخسف بمعدلاتهم وذلك عندما تعين اشخاص غير اكفاء واشخاص بلا ذمة او ضمير ليقودوا مناصب حساسة داخل الجامعة عموما.... خلك مع الفول حقك استانس معاه يمكن تقلب صعيدي على اخر عمرك وتتعاقد معاك الجامعة وتجيبك وتصير تصب شاهي لعمك الدوغان :8::8::8: اللهم اني صائم بس :53::53: |
رد: فكونا من التشاؤم - إذا مو قد الدراسة خلها لأهلها.
اقتباس:
عرفت العقليه :53::41jg: بالتوفيق للجميع ولله ينصرنا وكل واحد ياخذ حقه |
رد: فكونا من التشاؤم - إذا مو قد الدراسة خلها لأهلها.
فعلا
كلام سليم:(204): |
رد: فكونا من التشاؤم - إذا مو قد الدراسة خلها لأهلها.
اقتباس:
وعليكم السلام والرحمة اللي يطالب بحقه وبدرجاته يعتبر موذي؟ أنت ملاحظ كثير من الشطار والمتفوقين مخصوم عليهم في الاختبار او في المشاركات او مو ملاحظ ؟ انت شفت كم طالب او طالبة مظلومين هالترم او لا ؟ وبعدين اخي الكريم الاسلام يحث على العلم والتعلم لذلك مو من المنطق تبعد البعض عن طلب العلم ، اتركهم يخوضوا هالتجربة بقناعتهم اقتباس:
نشد حيلنا ولكن عندنا بيوت واهل وعمل نشد حيلنا باللي نقدر عليه ونرضى بالدرجات اذا ماكان فيها ظلم لكن تنقص درجات على شيء متاكدين منه هذا يالغالي يسمونه ظلم ظلم ظلم والساكت عن الحق شيطان أخرس اقتباس:
30 درجة هدية كانت بالأول كان سهل الحصول عليها ولكن الآن قمنا نشارك مرتين وثلاث عشان نضمن حقنا ونضمن ال 30 درجة وللآسف على ذلك يصير ظلم ويصير خصم على غير وجه حق اقتباس:
ما أنصفت يالغالي كم نسبة من استفاد من التظلم والشكاوي ؟ كان بالسابق في فايدة من الشكاوي والتظلمات لكن الآن لا فائدة ولا جدوى اذن الجامعه في تدهور |
رد: فكونا من التشاؤم - إذا مو قد الدراسة خلها لأهلها.
كلامك صحيح ميه بالميه .......................... وعلى شان مانظلم الاخرين كل عشرين دكتور يطل واحد معقد بس ويمكن يكون من صالحنا واغلب اللي ينتقدون الله يهديهم يعتمدون على غيرهم نسال الله التوفيق للجميع |
رد: فكونا من التشاؤم - إذا مو قد الدراسة خلها لأهلها.
اذكروا الله يا اخوان
اللي انظلم يحق له يطالب برفع الظلم عنه بدون تعدي بالقول واللي سلم من الظلم يحمد الله ويدعي لاخوانه بالعوض |
رد: فكونا من التشاؤم - إذا مو قد الدراسة خلها لأهلها.
اقتباس:
قلت الاغلب والاغلب يعني النص زايد واحد ! كلهم ينتقدون وظالمين الجامعه من فراغ وهم مايسوون شي ! الا الله يهديك انت وغيرك اللي تقولون شي وانتو اصلاً ماتدرون عنه و تؤيدون صاحب الموضوع على اساس انه على حق كلمة لصاحب الموضوع ( ترى مجتهدة ومن المتفوقات من يوم سجلت بالجامعه ولا اسلم مشاركاتي لأي احد كان واحمل بصيغتين واكتب مناقشاتي كتابة مو نسخ ولصق واعيد وازيد فيهم بس نقصت اللي بوصله لك ترى حتى المتفوق والمجتهد ينقص ادع ربك ماتنحط بهالموقف بس ) |
رد: فكونا من التشاؤم - إذا مو قد الدراسة خلها لأهلها.
علي اي اساس قلت الاغلب يعتمدون علي غيرهم لاتحط بذمتك دام انك مو متاكد والطلاب زعلانين وانظلمو لاتجلس تزكي الجامعه ترا اذا نجحت لاتفكر انك سلمت من يتشمت ومن يرمي زملائه بالباطل راح يجيه يوم تاكد من هذا الشي
|
| All times are GMT +3. الوقت الآن حسب توقيت السعودية: 01:03 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه