|
راسسب بجميع المواد 9)
السلام عليكم ورحمة الله وبركاته
اخواني انا مستوى ثاني ومسجل مواد وامور تمام يوم جت وقت الاختبارات حصل لي ظرف ولا حضرت ولا اختبار والمصيبه ماعندي اي عذر فما ادري وش النظام الحين هل ساحرم من الجامعه او باستطاعتي حمل جميع المواد واكمال الدراسه بحكم انها 9 مواد :smile: ؟ |
رد: راسسب بجميع المواد 9)
تبي تحملها لاكن بتعقدك بالمعدل لان الساعات المحمولة راح يتقسم عليها المعدل
|
رد: راسسب بجميع المواد 9)
شفلك مستوصف ويعطيك عذر وارفعه لهم
الشكوى لله |
رد: راسسب بجميع المواد 9)
شف لك احد يسنع لك عذر طبي
من مستشفى حكومي حرام تحملها كلها |
رد: راسسب بجميع المواد 9)
روح للجامعه وعطهم عذرك وترفع مع العذر خطاب للجامعه هم بيعطونك ورقه تكتب فيها الظروف وبعدين بتراجعهم واذا تم قبول عذرك يخلونك تدرس المواد 9 الفصل الاول كلها ولاتزيد ولا تنقص ماده وتدفع رسومها كامله اما اذا كنت دافعها قبل بتدرسها بس واذا رفضو طلبك الله يعينك تدفع رسوم المواد الي مادفعتها مرة ثانيه وموفقك:)
|
رد: راسسب بجميع المواد 9)
خذلك عذر طبي اسرع وقت وارفعه
واذا اقبلوا عذرك لا تضيف مواد الترم الجي هم يضيفونهن لك |
رد: راسسب بجميع المواد 9)
اخوي الاهم قبل كل شي هل سددت الرسوم قبل تقدم عذرك ..
اذا كنت مسدد الرسوم حاول انك تدبر لك عذر وتقدمة لهم ,, واذا تم قبول عذرك راح يسجلون لك المواد ولا راح تدفع رسوم جديده وراح تتعدل موادك في السجل الي امامها f |
رد: راسسب بجميع المواد 9)
إذا الظرف اللي صارلك ماهو طبي , فلا تجيب عذر طبي بالغش
http://ar.islamway.net/fatwa/7210/%D...A7%D8%AF%D8%A9 أرسلهم عذرك الحقيقي حتى لو ما قبلوه , أهم شي ما تغضب الله رضى الله أهم من الأموال و الصدق منجاة |
رد: راسسب بجميع المواد 9)
السلام عليكم جميعاً
والله اخوي ماادري وش اقولك بس الاخوان يفيدونك واعتقد لو تروح الفريدان الرجل هذا طيب ومتواضع وتشرح عذرك اذا كان قوي راح يساعدك ان شاء الله. |
رد: راسسب بجميع المواد 9)
اذكرك كنت معنا في مستوئ ثاني مشاءالله عليك نشيط
فجأه اختفيت ماعاد بينت.. شكلنا سبقناك الله يعينك علئ هالمواد افضل حل تكلم الفريدان احسه انسان يتجاوب بسهوله <~ مجرد احساس :rolleyes: |
رد: راسسب بجميع المواد 9)
الله يعيينك وييسرلك أهل الخير ياارب :g2:
|
رد: راسسب بجميع المواد 9)
لا تأيئس لو تحول قسم ثاني ... انا صارلي نفس مشكلتك كنت أدارة اعمال مستوى ثاني ورسبت في كل المؤاد بسبب ظروف مريت فهيا وحولت علم اجتماع والحمدلله مشت اموري
|
رد: راسسب بجميع المواد 9)
LittleN اسال الله لنا ولك الفردوس الاعلى من الجه
واسال الله ان يجعل هاذه الفائدة بمواززين حسناتك |
رد: راسسب بجميع المواد 9)
اقتباس:
كلام جميل ورائع ............. الدكتور عبدالله الفريدان رجل متفاهم جدا , راي تحمل حالك له وتقابله في مكتبه وتشرح له ضروفك وباذن الله انه ما تخرج من عنده الا وهو ملبي لك طلبك توكل على الله , بس خلك عجل |
رد: راسسب بجميع المواد 9)
اول اشكر كل من رد على الموضوع والله يبيض وجيهكم جميع
ثانيا حكاية اخذ عذر طبي غير صحيح لانه كذب ومابي حياتي وشهادتي تقوم ع الكذب الرسوم ايه دافعها وبيني وبينكم الظرف اني طلعت امريكا دراسه للغه والحمدلله نجحت مدتها سنه و3 شهور على جيتي قد انتهت الاختبارات السؤال هل بيلحقني انذار او طرد انا ما عندي مشكله اني احملها والله يعين عليها بس اخاف انحرم من الجامعه |
| All times are GMT +3. الوقت الآن حسب توقيت السعودية: 08:06 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه