ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   ادخل .. يمكن تكون انت اللي تقدر تساعدني .. (https://vb.ckfu.org/showthread.php?t=597220)

المطيري محمد 2014- 6- 4 04:55 PM
ادخل .. يمكن تكون انت اللي تقدر تساعدني ..
 
السلام عليكم ..
مساء الخير للجميع ..
سؤال بسيط :
انا ابي انسحب من الجامعة .. وعلي رسوم 2485 ريال
بسددها واطلب انسحاب لأني بسجل انتظام بجامعة ثانية
السؤال :
هل المدة طويلة بين طلب الإنسحاب ووصول الشهادة لي ؟!
لأن التسجيل للجامعات بعد 3 اسابيع وخوفي يتأخر الموضوع
اللي عنده خبر يقول لي ..
وشكرًا مقدمًا ..

shaam 2014- 6- 4 04:59 PM
رد: ادخل .. يمكن تكون انت اللي تقدر تساعدني ..
 
وعليكم السلام
مساء النور
سدد وقدم انسحاب
وبالنسبة للشهادة طلع بدل فاقد

بنت الداود 2014- 6- 4 05:00 PM
رد: ادخل .. يمكن تكون انت اللي تقدر تساعدني ..
 
وعليكم السلام

اي بالعاده يتاخر بس اذا رحت لهم لحد عندهم راح يعطونك اياها

بس اذا بتنتظرهم يرسلونها بتتاخر حيل

شد حيلك وروح للجامعه و خذها

او طلع بدل فاقد عشان م تتاخر


الله يوفقك

FaHoOoDe 2014- 6- 4 05:02 PM
رد: ادخل .. يمكن تكون انت اللي تقدر تساعدني ..
 
طلع بدل فاقد للشهاده

وخل فلوسك بجيبك

المحبه الى الله 2014- 6- 4 05:03 PM
رد: ادخل .. يمكن تكون انت اللي تقدر تساعدني ..
 
لاماطول بنفس اليوم تاخدها برسلك رقم الشعيبي يخلصلك كل شي

المحبه الى الله 2014- 6- 4 05:06 PM
رد: ادخل .. يمكن تكون انت اللي تقدر تساعدني ..
 
0507937304الدكتور الشعيبي

أبو رشيد 2014- 6- 4 05:14 PM
رد: ادخل .. يمكن تكون انت اللي تقدر تساعدني ..
 
طلع بدل فاقد لأنه تتأخر الشهادة

وبالنسبة للمبلغ لازم تسدد والا يسجلون اسمك في ( سمه )

لكن انت اتبع الإجراءات النظامية وخلها تمشي وطلع بيوم واحد شهادة بدل فاقد وشهادتك الي عندهم متى ما جت تجي

Hotspot 2014- 6- 4 05:39 PM
رد: ادخل .. يمكن تكون انت اللي تقدر تساعدني ..
 
اقتباس:
المشاركة الأصلية كتبت بواسطة fahooode (المشاركة 11141141)
طلع بدل فاقد للشهاده

وخل فلوسك بجيبك

لا تبوء بإثمه يوم القيامة ما دام الله سلمك

conscious 2014- 6- 4 05:44 PM
رد: ادخل .. يمكن تكون انت اللي تقدر تساعدني ..
 
اذا تقدر تدرس انتظام انا اوصيك وبقوه والانتظام افضل من الانتساب وبنسبة للشهادة خلص كل شغلك بنفسك رح لهم والله يسمح دربك

المطيري محمد 2014- 6- 4 06:02 PM
رد: ادخل .. يمكن تكون انت اللي تقدر تساعدني ..
 
يا شيخ الله يفتح عليكم ويفتحها في وجيهكم ..
انا بالقصيم يعني اروح ادارة التربية والتعليم ويعطوني أصل ؟!

المطيري محمد 2014- 6- 4 06:05 PM
رد: ادخل .. يمكن تكون انت اللي تقدر تساعدني ..
 
اقتباس:
المشاركة الأصلية كتبت بواسطة hotspot (المشاركة 11141201)
لا تبوء بإثمه يوم القيامة ما دام الله سلمك
لا وانا اخوك اعوذ بالله ما ابي اكل حق احد
لكن بالوضع الراهن .. الوقت حرج والفلوس انا بحاجتها
واسددهم ان شاء الله قريب
ف ليطمئن قلبك ..

Hotspot 2014- 6- 4 06:08 PM
رد: ادخل .. يمكن تكون انت اللي تقدر تساعدني ..
 
اقتباس:
المشاركة الأصلية كتبت بواسطة المطيري محمد (المشاركة 11141246)
لا وانا اخوك اعوذ بالله ما ابي اكل حق احد
لكن بالوضع الراهن .. الوقت حرج والفلوس انا بحاجتها
واسددهم ان شاء الله قريب
ف ليطمئن قلبك ..
جزاك الله خير

ابو غيداء 2014- 6- 4 06:11 PM
رد: ادخل .. يمكن تكون انت اللي تقدر تساعدني ..
 
حبيب قلبي اذا ما ودك تاخذ سجل اكاديمي عشان تعادل موادك

زي ما قالوا الشباب خل فلوسك في جيبك وطلع بدل فاقد وكمل دراستك

انت

المطيري محمد 2014- 6- 4 06:16 PM
رد: ادخل .. يمكن تكون انت اللي تقدر تساعدني ..
 
اقتباس:
المشاركة الأصلية كتبت بواسطة ابو غيداء (المشاركة 11141260)
حبيب قلبي اذا ما ودك تاخذ سجل اكاديمي عشان تعادل موادك

زي ما قالوا الشباب خل فلوسك في جيبك وطلع بدل فاقد وكمل دراستك

انت

طيب يا حيي يعطوني أصل والا صورة وفيها ختم ؟
وقريت انهم يحطون عليها ختم بدل فاقد واخاف يعني تسوي لي مشكلة بقبول الجامعة ؟!

ابو غيداء 2014- 6- 4 06:36 PM
رد: ادخل .. يمكن تكون انت اللي تقدر تساعدني ..
 
انا حدوني اني اطلع بدل فاقد عشان الترقيه

مكتوب بزاويه يسار بدل مفقود فقط

Be nice 2014- 6- 4 06:37 PM
رد: ادخل .. يمكن تكون انت اللي تقدر تساعدني ..
 
اي نعم بيكون مكتوب عليها بدل فاقد حسب اللي اعرفه

وبيختمون من ادراة منطقتك ..

اهم شي لاتجيب لهم سيرة ان الاصل بالجامعة : )

ومااعتقد بتسوي مشكلة بدل فاقد لأنها تُعامل
بحكم الأصل في حال عدم وجود الأصل

بالتوفيق يارب

المطيري محمد 2014- 6- 4 06:41 PM
رد: ادخل .. يمكن تكون انت اللي تقدر تساعدني ..
 
شكرا للجميع بكره ان شاء الله بروح للإدارة واشوف وش عندهم

المحترمه 2014- 6- 4 10:06 PM
رد: ادخل .. يمكن تكون انت اللي تقدر تساعدني ..
 

وعليكم السلام ورحمة الله وبركاته


حياك الله عزيزي ..
بخصوص الوثيقه عندك أحد الطريقتين لا ثالث لهما
أما أنك تستخرج بدل فاقد من أقرب وزاره للتربيه
والتعليم ... أو أنك تتوجه مباشره للجامعه وتبادر بالسداد
ومن ثم سحب الوثيقه .. لأن مدة إرسال الوثيقه راح
تطول عليك ربما تصل عام ونصف أو عامين

وبالتوفيق

كل الخاطر 2014- 6- 4 10:18 PM
رد: ادخل .. يمكن تكون انت اللي تقدر تساعدني ..
 
ايوه يعطونك شهادة بدل فاقد

ابو دعاء 2014- 6- 4 10:26 PM
رد: ادخل .. يمكن تكون انت اللي تقدر تساعدني ..
 
اخاف تزيد عليك لفلوس سوي اخلاء طرف من الجامعة وفك حالك

قائم باعمال 2014- 6- 5 12:25 AM
رد: ادخل .. يمكن تكون انت اللي تقدر تساعدني ..
 
بدل فاقد ﻻزم تعلن ف الجريدة الرسمية وبعد شهر من الإعلان اطلع بدل فاقد
هذا النظام أما المبلغ يعلقونك ف سماء لين تسدد.رأي خلك مع النظام. ...

2COOL 2014- 6- 5 12:33 AM
رد: ادخل .. يمكن تكون انت اللي تقدر تساعدني ..
 
اقتباس:
المشاركة الأصلية كتبت بواسطة قائم باعمال (المشاركة 11141918)
بدل فاقد ﻻزم تعلن ف الجريدة الرسمية وبعد شهر من الإعلان اطلع بدل فاقد
هذا النظام أما المبلغ يعلقونك ف سماء لين تسدد.رأي خلك مع النظام. ...
:(204)::(204)::(204):

وليد الطائي 2014- 6- 5 01:51 AM
رد: ادخل .. يمكن تكون انت اللي تقدر تساعدني ..
 
أتذكر واحد من الشباب سحب ملفه وتم إرساله بعد فترة تصل لشهر فقط لم تزيد عن ذلك .

لكن اذا الموضوع مهم حاول انك تتواصل مع ادارة التربية والتعليم التي تخرجت منها وتأخذ نسخه من مؤهلك وأبلغهم بأنك متقدم للجامعة وان اخر موعد لتسليم الوثائق في التاريخ الفلاني وأكيد ما راح يقتصروا معك وإذا قالوا اعلان وراجعوا بعد شهر ،،، سوي اعلان وبعد ظهور الإعلان بيوم او يومين روح واطلب بدل فاقد :mh12: تعرف بعض ربعنا يحبون التعقيد :33_asmilies-com: ....

ولا تنسى تسدد فلوس الجامعة

بالتوفيق


All times are GMT +3. الوقت الآن حسب توقيت السعودية: 07:09 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه