|
كلام محبط لكن لازم له حل ..نقاش عن وضع الشهاده
السلام عليكم ورحمه الله
كيفكم طلاب وطالبات طبعا اختكم لسى باقي عالتخرج (الله يوفقنا ويكتب لنا النجاح ) كل فترة وفتره طبعا نسمع كلام عن مسمى شهادتنا وانه معترف فيها او مو معترف وتنزل مواضيع بالمنتدى يتساءلون واللي يرسل للعميد ومعرف ايش .. طبعا الموضوع مايخصني بس يخص وحده نعرفها تخرجت وقدمت على الوظايف الكل قالها الشهاده مو معترفين فيها لانها انتساب وقالو لها قدمي بشهاده الثانوية احسن!! لانها افضل بالله هذا كلام مو محبط؟؟دراسة ودفع فلوس طيب ياما ناس درسو انتساب بالجامعات والكيات وتوظفوو ايش قصتنا احنا وايش الوضع؟؟ ممكن تكون الجامعه معترفين فيها كشهاده انتساب لكن هل الاماكن معترفين فيها ومو مستقلين فيها وانها اقل من غيرها؟؟ طبعا بتقولون الانتظام مايتساوى مع الانتساب طيب حتى الانتساب تعب وحطوا الاولويه للانتظام بس لاتلغوو الانتساب اتمنى التعليق منكم |
رد: كلام محبط لكن لازم له حل ..نقاش عن وضع الشهاده
بتزين الاموره ان شاء الله انتي توكلي على الله وشدي حيلك وتخرجي
وخلي عنك معترف فيها ومو معترف فيها لاتخلين كلام الناس ياثر فيكِ ويحبطك باقي على تخرجنا سنوات وان شاء الله بتتغير امور كثير في وضعنا |
رد: كلام محبط لكن لازم له حل ..نقاش عن وضع الشهاده
انتي تخرجي اول ويصير خير
لان اللي يمشي ورا الناس ما يفلح ماتدرين وش مكتوب لك عند ربك |
رد: كلام محبط لكن لازم له حل ..نقاش عن وضع الشهاده
اكيد انا عندي امل بالله وعندي عزيمه
لكن للاسف هذا مو كلام الناس هذا كلام جهات العمل اللي ذهب لهم الاخت اللي تخرجت وقدمت (هنا المشكله ) وربي جاتنى صدمه بصراحة |
رد: كلام محبط لكن لازم له حل ..نقاش عن وضع الشهاده
وانا اعرف ناس كلموا ماجستير موازي وانتظام وناس توظفة وناس ترقت عمر العلم ما كان خسره |
رد: كلام محبط لكن لازم له حل ..نقاش عن وضع الشهاده
غير صحيح كثير متوظفين بشهادة انتساب .
مدير عندنا شهادته انتساب. القطاع الخاص يرفض شهادتها لأن راتبها بناء على شهادتها يكون اعلى. الله يرزقها بوظيفه ترضي طموحها و اكثر. |
رد: كلام محبط لكن لازم له حل ..نقاش عن وضع الشهاده
الله كريم
العلم نور وهذا بحد ذاته انجاز عظيم يبقى اثره في حياة الطالب مثل الشمعة المضيئة في غرفة مظلمة |
رد: كلام محبط لكن لازم له حل ..نقاش عن وضع الشهاده
اللي يكتبه ربي هو الخيرة
|
رد: كلام محبط لكن لازم له حل ..نقاش عن وضع الشهاده
امين يارب
والله اتمنى جامعتنا تكون من تقدم الى تقدم وكل الاماكن يحترمون اسمها كانتساب وتعليم عن بعد واسال الله ان يبارك فيها |
رد: كلام محبط لكن لازم له حل ..نقاش عن وضع الشهاده
(ومن يتوكل على الله يجعل له مخرجا ) الله يجعل لنا مخرج نخرج به للحصول على وظيفة انه الولي والقادر عليه لي ولجميع اخواني واخواتي بجامعة الملك فيصل
|
رد: كلام محبط لكن لازم له حل ..نقاش عن وضع الشهاده
تعديل لرد
الموضوع مستهلك :24_asmilies-com: |
رد: كلام محبط لكن لازم له حل ..نقاش عن وضع الشهاده
انا من ناحيتي بالكمل لين اتخرج ولا تخرجت ان لقيت شئ زين وان ما لقيت هذا نصيبي وانا راضي
|
رد: كلام محبط لكن لازم له حل ..نقاش عن وضع الشهاده
الرزق بيدين الله
والطموح ماله نهايه |
رد: كلام محبط لكن لازم له حل ..نقاش عن وضع الشهاده
يكفيك قوله عز وجل : { وفي السماء رزقكم وماتوعدون فورب السماء والارض إنه لحق مثل ما أنكم تنطقون } :004:
|
رد: كلام محبط لكن لازم له حل ..نقاش عن وضع الشهاده
اقتباس:
بس تصحيح للايه (ومن يتوكل على الله فهو حسبه ) |
رد: كلام محبط لكن لازم له حل ..نقاش عن وضع الشهاده
اقتباس:
اكيد العبيط ردك الواحد يرد باحترام ولا لا يرد افضل والمفروض الانسان يرتقى باخلاقه التي تظهر بردوده مو ينزل للاسفل نسال الله العافيه والسلامة بس |
رد: كلام محبط لكن لازم له حل ..نقاش عن وضع الشهاده
كل ماتسمعين عنه كلام فاضي والانتساب معترف فيه وارمي كلام الناس ورى ظهرك ولاتلقين له بال
والجهات اللي قالت هذا الكلام لزميلتك من باب التصريف لااكثر يدورون اي عذر والانتساب الأن افضل من اول من ناحية التدريس والشهاده لأن فيه محاضرات مسجله ومباشره ومواضيع نقاش |
رد: كلام محبط لكن لازم له حل ..نقاش عن وضع الشهاده
اقتباس:
فنو اش هذا الكلام ردي باادب ولا مااحد جبرك عالرد اوك |
رد: كلام محبط لكن لازم له حل ..نقاش عن وضع الشهاده
لاحول ولاقوه الابالله كل الملتقى اليوم ف خصام :16.jpg: حبيبتي طنشي وكملي دراستك وبعد كم سنه بأذن الله يتغير كل شي :love080: |
رد: كلام محبط لكن لازم له حل ..نقاش عن وضع الشهاده
معترف فيهآ في قطآع الخآص ومتأگده 100%
اما الحگومي ما ادري |
رد: كلام محبط لكن لازم له حل ..نقاش عن وضع الشهاده
اكيد بكمل ان شاء الله
والله يوفقنا جميعا .. |
رد: كلام محبط لكن لازم له حل ..نقاش عن وضع الشهاده
آللي نعرفوه معترف فيها ب القطآع الخآص فقط آما آلحكومي تعجييز وشغل بـ آلوآسطه
وآذا على آنتسآب عن بعد صرآحه م آشوف آي فرق بينه وبين آلآنتظآم غير آلدوآم وآلا التعب وآحد مع آني آشوف آحنا نتعب آكثر منهم لان هم يصير لهم تحديد ف الاختبارات وحذف .. آلخ عكسنا المقرر كآمل مطالبين فيه وحتى الاجآزآت هم آفضل منا آحنا م عندنا غير آجآزة آلصيف وهم كل آجآزه معطلين يعني بـ آلعربي آحنا نتعب آكثر منهم ومع ذلك ظآلمين شهادتنا ، ونرجع ونقول الارزآق بيد الله آهم شيء م نستسلم . |
رد: كلام محبط لكن لازم له حل ..نقاش عن وضع الشهاده
لا كثرت المواضيع التافهه حتى والعميد راد بهذا الخصوص لتحبيط الطلبه الجدد
الحقيقة ذي ؟! |
رد: كلام محبط لكن لازم له حل ..نقاش عن وضع الشهاده
اقتباس:
شهدتنا موجودة باوزارة التعليم العالي وعندي معلومات كافيه لرد على مثل هالمواضيع مواضيع زي ذي تنرفز :119: |
رد: كلام محبط لكن لازم له حل ..نقاش عن وضع الشهاده
يوجد في تويتر هاشتاق #تهميش_الانتساب اتمنى من الجميع المشاركة لكي يتم انصافنا واعطانا حقوقنا المسلوبة في التوظيف وفي هذه الرسوم المبالغ فيها على الطلبة . يجب علينا الوقف جميعا للمطالبة بحقوقنا , اتمنى عدم الاستهزاء بالموضوع فاكثر القطاعات الان بدات في تهميش الانتساب بدون اي حق .
|
رد: كلام محبط لكن لازم له حل ..نقاش عن وضع الشهاده
الل يتنرفز من موضوع لا يرد عليه وموضوعي مو لتحبيط الجدد بالعكس انا اشجع اللي حولي بالتسجيل
وموضوعي مجرد فضفضه ومش مضطره ابرر ههههه يارب لك الحمد |
رد: كلام محبط لكن لازم له حل ..نقاش عن وضع الشهاده
وبعدين معاكم يابنات ؟!!
|
رد: كلام محبط لكن لازم له حل ..نقاش عن وضع الشهاده
|
رد: كلام محبط لكن لازم له حل ..نقاش عن وضع الشهاده
فكيف تخشى الفقر والله رازق ، فقد رزق الطير والحوت في البحر ،
ومن ظن أن الرزق يأتي بقوة ،، لمآ أكل العصفور شيئا مع النسر .. كل شيء مكتوب لنا لااحد يتحلطم ويحطم الاخرين ، احسنوا النية بدراستكم والله ماراح يخيب تعب اي واحد اخلص واجتهد وتعب في سبيل تحسين مستواه العلمي والمعيشي .. القرارت تنزل بين يوم وليلة ، وانا متفآئل بالخير سوف ياتينا ان شاءالله .. |
رد: كلام محبط لكن لازم له حل ..نقاش عن وضع الشهاده
يا صبر الارض
وش حادك تسجلين بالجامعه خلاص افصلي عجيب ومن قوة التشاؤم كاتبه بالعنوان محبط وفي بداية الموضوع تدعي لنفسها بالنجاح تنااااقض |
رد: كلام محبط لكن لازم له حل ..نقاش عن وضع الشهاده
ولى زمان ابي وظيفة حكوميه .. شد حيلك وادخل بكراعينك بالقطاع الخاص
اشتغل وجرب واتعب .. انت بعمر الشباب اذا ماتعبت الحين متى بتتعب؟ نتشكى ان الاجانب رواتبهم عاليه ولا فكر واحد انه يدخل هالمجال ! موضوع ان الخاص فيه تلاعب هذا كان زمان .. الان مع الانظمة الجديدة القطاع الخاص مشجع جداً ورواتب مبدئياً معقولة ,, زيادة راتبك بناءاً على خبراتك كلما زادت الخبره زاد الراتب .. من وين تبيهم يعطونك راتب ممتاز وانت ماشتغلت لو شهرين على بعض؟ انا بديت بالخاص وراتبي مايتعدى 2800 والان الحمد لله بعد 7 سنوات تدبل مرتين وعرضت علي وظيفة بهيئة حكومية وقبلت طبعاً ماعرضوها لسواد عيوني عرضوها بسبب الخبره تجلس ورى كمبيوتر وتتشكى وتقول شهادتي وشهادتي ماينفع انزل واشتغل وسو اللي عليك واللي كاتبه ربي بيصير لو مامعك الا ثنوي ,,, ياكرهي لمواضيع التحطيم |
رد: كلام محبط لكن لازم له حل ..نقاش عن وضع الشهاده
اقتباس:
انا نقلت كلام وحده نعرفها ومو انت تقرر ايش اسوى ايوا كلام بالبدايه حبطنى وادعي بالنجاح انا دعيت عليك عجيب امرك مااقول الا حسبنا الله ونعم الوكيل من قلبي اقولها على اي واحد تطاول بالكلام حسبنا الله ونعم الوكيل الواحد يرد بادب واخلاق ولا لا يرد |
رد: كلام محبط لكن لازم له حل ..نقاش عن وضع الشهاده
من حق اي طالب ان يعرف مدى قوة شهادته وكذلك اين ممكن ان يتوظف بها خصوصا لما يكون تعبان على الشهادة ودافع مبالغ عليها وان لا يتفاجاء بعد التخرج بعدم فائدة شهادته وتكون فقط للتعليق على احد جدران المنزل كما حصل لطلبة الانتساب للاسف ياليت نقدر نقدم شكوى عليهم حسبي الله عليهم ماسوواء هذي البرامج الا من اجل سلبا اموالنا جعلها سحت عليهم يارب حسبي الله عليهم .
|
رد: كلام محبط لكن لازم له حل ..نقاش عن وضع الشهاده
انا قريت كل الردود واغلبهم من ادارة اعمال يقولك الرزق على الله واشتغل وش التحبيط الخ،،، طبعا اغلب تخصص ادارة اعمال للمعلومية ما تهمهم الاعتراف بالشهادة لان مصيره اما ترقيه وهذي مضمونه سوى قطاع عام او خاص او يتوظف بقطاع خاص لكن هنا نتكلم على تخصصات مصنفه من التعليم او الصحة ولزم شهادتنا تعترف فيها قبل ماندخل الجامعة كان التعليم العالي معتمد الشهادة ولازال والجامعة معترفة لكن بعد تقريبا سنه وعليها بدينا نلاحظ جحود كثير من القطاعات الحكومية لشهادة الانتساب عشان كذا لزم نكون يد وحدة وكلمه وحدة ونطالب بحقوقنا واحب اضيف كل الامراء والتجار واي مسؤول واي مدير في اصغر ادارة راح تلاقي اولادة يدرسو في مدارس اهليه وانتو تعرف المدارس الاهليه والنجاح في الجيب وفي الاخير يسابق في الجامعات والبعثات زيه زي الطالب الي متخرج حكومي يعني حلال عليهم حرام علينا !!
|
رد: كلام محبط لكن لازم له حل ..نقاش عن وضع الشهاده
يابنت الحلال شوفي رزقك مكتوب عند ربنا لاشهادة ولا الواسطة ربي يكتب كل الخير للجميع ويوفقنا ان شاءالله
صحيح اني متضايقة من هذا الموضوع بس ماحطيت في بالي اني ماراح اتوظف لا ....لاتحبطين نفسك خلي هدفك شي زين وتفائلي |
رد: كلام محبط لكن لازم له حل ..نقاش عن وضع الشهاده
بعض الردود عجيبة
اخواني البنت عادي كتبت موضوع من حقها تتكلم بس مو الاجباري الرد بالخناقة اذا ماعجبك موضوعها مولازم ترد روح للمواضيع الثانية |
رد: كلام محبط لكن لازم له حل ..نقاش عن وضع الشهاده
المواضيع هذي مطروحة للنقاش وتبادل الرأي والمشورة والمعلومات اي انسان ماعنده استعداد يشارك بمعلومة مو مجبور ابدا انه يتهجم على صاحبة الموضوع او يسيئ لها عيب والله عيب
|
رد: كلام محبط لكن لازم له حل ..نقاش عن وضع الشهاده
ونعم بالله صدق ماعليك من كلام الناس الحمدالله عندنا طموح وراح نحققها وحقنا عند ربنا ماراح يضيع هدر وعسى ربي يوفقنا ونتوظف فى أعلى المراتب يارب ويرزقنا على قد ماتمنينا و اكثر
|
رد: كلام محبط لكن لازم له حل ..نقاش عن وضع الشهاده
. . بالنسبه لبعض الردود ماألومهم إذا جاء يوم وماقبلوكم لأنكم فقراء أدب متى نتعلم الذوق بالرد واداب الحوار طُرح الموضوع ضع رأيك بأدب وبين وجهة نظرك بأحترام وإذا عندك غيره وفره لنفسك المنتدى للنقاش العام وللكل بالنسبه لك ي اختي الفاضله ماأنكر إني اتضايق من هالموضوع ومن جهلي بمصير شهادتي لكنِ متوكله على الله والله مايضيع تعب احد نكمل ونطور من نفسنا شوي والله يرزقنا ويرزق المسلمين اجمع . . |
رد: كلام محبط لكن لازم له حل ..نقاش عن وضع الشهاده
الحكومة تزين امورها اذا فكها الله من وزارة الخدمة المدنية و قوانينها و اجراءاتها القديمة.
|
رد: كلام محبط لكن لازم له حل ..نقاش عن وضع الشهاده
اقتباس:
هذا هو الكلام الصحيح على ارض الواقع البنات يتم توظيفهم ادرايات بالثانوي كل المطلوب لغة وحاسب بسيط لان وظائف الادارة بالبلد بسيطه وماتحتاج شهادات والشركات ماتبغى تدفع رواتب عالية مع ان البنت في نظام العمل بأثنين موظفين رجال :cool: لكن استغلال |
| All times are GMT +3. الوقت الآن حسب توقيت السعودية: 04:46 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه