ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   الموظفين ارجاء الدخول للاهمية .......! (https://vb.ckfu.org/showthread.php?t=581896)

عبدالله العـتيبي 2014- 5- 2 11:38 PM
الموظفين ارجاء الدخول للاهمية .......!
 
السلام عليكم مساء الخير جميعا

اخواني عندي اخر اختبار يوم الثلاثاء 21 /7 الفتره الثانيه علما ان مركز الاختبار يبعد عن بيتنا 100 كيلو .. سؤالي هل اداوم يوم الأربعاء والخميس او الأحد 26/7 ؟؟؟

ابو هيفا 2014- 5- 2 11:45 PM
رد: الموظفين ارجاء الدخول للاهمية .......!
 
اكيد لان اجازتك تنتهي باخر يوم من الاختبارات

برق الشمال 2014- 5- 2 11:49 PM
رد: الموظفين ارجاء الدخول للاهمية .......!
 
اخر اختبار الثلاثاء

يوم الاربعاء تداوم هذا في النظام

وعلى حسب المدير المسئول عنك يمكن يعفيك بسبب المسافه اللي تختبر فيها

البارقة 2014- 5- 2 11:53 PM
رد: الموظفين ارجاء الدخول للاهمية .......!
 
تداوم الاربعاء

WALEID 2014- 5- 2 11:57 PM
رد: الموظفين ارجاء الدخول للاهمية .......!
 
تبي تغيب هاه لا داوم الله يعينك انا قدمة إجازه اضطرارية يومين ومشيت اموري

عبدالله العـتيبي 2014- 5- 3 01:28 AM
رد: الموظفين ارجاء الدخول للاهمية .......!
 
يعطيكم العافيه .. بس انا سمعت انه مايباشر الموظف بنهاية الاسبوع

Adel F 2014- 5- 3 02:41 AM
رد: الموظفين ارجاء الدخول للاهمية .......!
 

لو انتداب كان قلنا لك لاتداوم .. لكن هي اجازة دراسية لها بداية ونهاية .. :biggrin:

B.B.A 2014- 5- 3 02:47 AM
رد: الموظفين ارجاء الدخول للاهمية .......!
 
اذا انك مقدم اجازة الى يوم الثلاثاء فـ معناته الاربعاء تدوام ..

مالك الا تقدم اجازة على يوم الاربعاء او الاربعاء والخميس اذا ماتقدر تدوام ، وانا سويت كذاآ ...

اصلا نفسيا ادوام وامس مختبر فـ هذي شيء يقفل الاخلاق ..

بعدين وش ذا المركز اللي 100 كيلو ؟!

فعلا من شاف مصيبة غيره هانت عليه مصيبته ..

بالتوفيق ياصاحبي

MuNira Mohammed 2014- 5- 3 10:12 AM
رد: الموظفين ارجاء الدخول للاهمية .......!
 
تدوآم. :5aga:

بناء على التعميم الصادر بحق اجازه الاختبار يمنح الموظف اجازه بيوم الأختبآر فقط

" الـعـذب " 2014- 5- 3 10:25 AM
رد: الموظفين ارجاء الدخول للاهمية .......!
 
:::::::::::

هو المفروض. تداوم.

بس السحبه حللللوه.

*_*

عبدالله العـتيبي 2014- 5- 3 10:27 AM
رد: الموظفين ارجاء الدخول للاهمية .......!
 
اقتباس:
المشاركة الأصلية كتبت بواسطة b.b.a (المشاركة 10810473)
اذا انك مقدم اجازة الى يوم الثلاثاء فـ معناته الاربعاء تدوام ..

مالك الا تقدم اجازة على يوم الاربعاء او الاربعاء والخميس اذا ماتقدر تدوام ، وانا سويت كذاآ ...

اصلا نفسيا ادوام وامس مختبر فـ هذي شيء يقفل الاخلاق ..

بعدين وش ذا المركز اللي 100 كيلو ؟!

فعلا من شاف مصيبة غيره هانت عليه مصيبته ..

بالتوفيق ياصاحبي
اي والله ياخوك 100 كيلو رايح و100 جاي الله يصبرنا بس ... والمشكلة قبل سنة فيه مجموعة من الطلاب قالو احنا راح نتكفل بالمطالبه لكم بفتح مركز اختبار واخذو ارقامنا الجامعيه وارقام جوالاتنا .. والاالآن ماصار شي !!!!!!!!! المشكلة انهم فتحو مركز اختبار لجامعة الأمام عند بيتنا ولما جيت ابي احول للامام قالو لازم تفصل وتكمل من جديد بالامام !!!!! ماشاءالله عليهم الامام مراكز بكل منطقة والاختبارات من اسهل مايكون لاتعقيد ولا شي .....
وثاني شي انا ماعندي اجازة اظطرارية اخذتها والعادية تخبر لازم اقل شي اسبوع كامل وإذا اخذت اسبوع معناته راح تحسب يوم الجمعه والسبت اجازة من العادية ...

SALEH ALOTAIBI 2014- 5- 3 12:59 PM
رد: الموظفين ارجاء الدخول للاهمية .......!
 
يارجال 100 كيلو بسيطة انا كل ليل أروح للإستراحة تبعد 72 كيلو تخيل!!!

بس بيني وبينك الدوام بعد الاختبارات ثاني يوم مايصلح والله حاول تدبرلك إجازة لو مرضية :(269):

احمد-علي 2014- 5- 3 02:10 PM
رد: الموظفين ارجاء الدخول للاهمية .......!
 
اذا مديرك رجال بيعطيك اجازه تريحك اما اذا رخمه مثل الي عندي ومايعرف معنى الرجولة مايعطيني الا يومين بعدين لازم اجيه واخذ يوم و و و لا ويمن فيها عشان كذا اتعمد اغيب او اتاخر عشان مايضحك معي ولايسولف

ابوفجر. 2014- 5- 3 02:21 PM
رد: الموظفين ارجاء الدخول للاهمية .......!
 
اقتباس:
المشاركة الأصلية كتبت بواسطة MuNira Mohammed (المشاركة 10811252)
تدوآم. :5aga:

بناء على التعميم الصادر بحق اجازه الاختبار يمنح الموظف اجازه بيوم الأختبآر فقط
ماخليتي شي لمجلس الوزراء

:biggrin:

MuNira Mohammed 2014- 5- 3 03:11 PM
رد: الموظفين ارجاء الدخول للاهمية .......!
 
ههههههههه ابو فجر لان حفظت هالكلمه من كثر ما أكررها بالدوام للي يسآلون ☺️☺️

طموح داجه 2014- 5- 3 03:29 PM
رد: الموظفين ارجاء الدخول للاهمية .......!
 
نظاما اذا مقر الامتحان بعيد عن مقر عملك يسمح لك بأخذ الإجازه كامله من بداية الاختبارات لنهايتها اما اذا بنفس المقر اليوم الي ماعليك فيه امتحان تداوم هذا نظاما بس بعضهم ممكن يتعاون معك ويسمح لك بأخذها كامله

عبدالله العـتيبي 2014- 5- 3 03:33 PM
رد: الموظفين ارجاء الدخول للاهمية .......!
 
اقتباس:
المشاركة الأصلية كتبت بواسطة طموح داجه (المشاركة 10812441)
نظاما اذا مقر الامتحان بعيد عن مقر عملك يسمح لك بأخذ الإجازه كامله من بداية الاختبارات لنهايتها اما اذا بنفس المقر اليوم الي ماعليك فيه امتحان تداوم هذا نظاما بس بعضهم ممكن يتعاون معك ويسمح لك بأخذها كامله
انا اتكلم عن يوم الاربعاء والخميس الي بعد اختباري ... اخر اختبار لي الثلاثاء 21/7

طموح داجه 2014- 5- 3 04:14 PM
رد: الموظفين ارجاء الدخول للاهمية .......!
 
الاختبارات تنتهي في 21 يعني مافيه شي يشفع لك انك ماتداوم هاليومين

الا اذا بتاخذ لك اجازه هذا شي ثاني

%فيصل% 2014- 5- 3 07:52 PM
رد: الموظفين ارجاء الدخول للاهمية .......!
 

المشكله ان القرارات والتعاميم مهيب واضحه ابد وكلن يفسرها على كيفه عاد وقتها طلع عمرك

شف وانا اخوك اذا تبي تتعب راسك وتسوي لك زحمه غب هاليومين

تبي ترتاح من الحوسه والكلام الفاضي داوم

خصوصا لو ان مديرك واحد نشبه ... وانت ابخص

الحل الاسلم انك تاخذهم اجازه اضطراريه وبعدين تنبش ورا الموضوع وبس تتاكد ان هاليومين يدخلون من ضمن ايام الاختبارات كونك تختبر خارج منطقتك ارفع طلب اشرح فيه انك اخذت اجازه في وقت انت كنت باجازه رسميه وهي اجازة الاختبارات

صابت رجعت لك اليومين ما صابت انت ماخسرت

والله يسهل لك وعقبال النجاح للجميع


فنوُ * 2014- 5- 3 08:07 PM
رد: الموظفين ارجاء الدخول للاهمية .......!
 
السحب وكبر المخدة و انا أختك :019:

و إذا سألك مديرك قول أفنان نصحتني :16.jpg:

وهذي نصيحة أخصائية إجتماعية ماعليك إذا تبي عذر بعطيك:tongue:


لا أنت السحب من نفسك بس علمة قلة عندي ظرف طارق :5aga:

i7DAYS 2014- 5- 3 08:21 PM
رد: الموظفين ارجاء الدخول للاهمية .......!
 
امممم في التعريف اللي بتقدمه للعمل
مكتوب اخر الاختبارات 7/21
يعني لازم تداوم وتستأذن :d
نعمه أعطونا وجه وأعطوا اجازة

عبدالله العـتيبي 2014- 5- 3 08:21 PM
رد: الموظفين ارجاء الدخول للاهمية .......!
 
اقتباس:
المشاركة الأصلية كتبت بواسطة فنوُ * (المشاركة 10813847)
السحب وكبر المخدة و انا أختك :019:

و إذا سألك مديرك قول أفنان نصحتني :16.jpg:

وهذي نصيحة أخصائية إجتماعية ماعليك إذا تبي عذر بعطيك:tongue:


لا أنت السحب من نفسك بس علمة قلة عندي ظرف طارق :5aga:
ههههههههههههه وش معرف مديري لاأفنان ؟ وبعدين مانتي نافعتني إذا جاني استجواب يمشي 180 :53:
لكن شكلي اخر يوم اختبار ابي اتصل على مدير شؤون الموظفين واشوف هل يسمحلي هاليومين او لا :verycute:

عبدالله العـتيبي 2014- 5- 3 08:22 PM
رد: الموظفين ارجاء الدخول للاهمية .......!
 
يعطيكم العافيه الجميع :106:

ابو جنااا 2014- 5- 3 08:27 PM
رد: الموظفين ارجاء الدخول للاهمية .......!
 
غيب اسمع مني وغيب


الله يستر عليك شوف مديرك او مشرفك او فعلا غيب الاربعاء و باشر الخميس




موفق خير ....

.
.

عبدالله العـتيبي 2014- 5- 4 11:26 AM
رد: الموظفين ارجاء الدخول للاهمية .......!
 
ابشركم كلمت مديري ومدير شؤون الموظفين وقالو الاربعاء لا تجي الله يجزاهم خير يارب ويرحم والديهم ... مشكورين ماقصرتو الجميع .....


All times are GMT +3. الوقت الآن حسب توقيت السعودية: 10:45 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه