ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   استمارة طلب الدراسة للعسكريين (https://vb.ckfu.org/showthread.php?t=577814)

فارس حمود 2014- 4- 23 03:50 PM
استمارة طلب الدراسة للعسكريين
 
السلام عليكم ورحمة الله وبركاته
الله يجزاكم خير لوسمحتو وين الاقي استمارة طلب الدراسة بنظام الانتساب للعسكريين

ابو غيداء 2014- 4- 23 03:59 PM
رد: استمارة طلب الدراسة للعسكريين
 
من نفس عملك يالغالي

تقدم معروض تطلب فيها الموافقه على اكمال دراستك الجاميعه انتساب

عبدالله الحربي0 2014- 4- 23 04:08 PM
رد: استمارة طلب الدراسة للعسكريين
 
سمعت انهم معاد يعطون موافقه رحنا فيها ولا تحسب بالترقيه

أبو حور 2014- 4- 23 05:21 PM
رد: استمارة طلب الدراسة للعسكريين
 
تقديم طلب الموافقة عن طريق المرجع لكن الموافقة نفسها ممكن تطول لأنهم يقبلون عدد معين كل سنة حسب كل قطاع

بالنسبة للترقيات يحسب لكل سنة دراسية (30) ساعة نقطة واحدة

بالنسبة للموافقة تحتاجها لاستحقاق اجازة اداء الاختبارات الدراسية

ابو رزون 2014- 4- 23 07:13 PM
رد: استمارة طلب الدراسة للعسكريين
 
اذا كنت في وزارة الدفاع فلا يحتاح موافقه مرجعك
اما بالنسبه للامن العام فمثل ماشرح ابو حور
ولايهمك الناس اللي تقول مايسمحون او ماعاد يعطون
الكل كمل دراسته ..
الله يوفقك يابطل

فارس حمود 2014- 4- 23 10:36 PM
رد: استمارة طلب الدراسة للعسكريين
 
الله يوفقكم انا قصدي فيه نموذج تطبع من موقع الامن العام يوضح فيه معلوماتك وكذلك معلومات الجامعه الي تبي تدرس بها وتخصصك ويوقعه مديرك ويرفع الى مرجعك مع خطاب طلب مواصلة الدراسه .بس مالقيت النموذج بموقع الامن العام وش الحل كانت فيه قبل
طولتها عليكم الله يعين على الانظمه المعقده

فهد التميمي 2014- 4- 23 11:05 PM
رد: استمارة طلب الدراسة للعسكريين
 
اقتباس:
المشاركة الأصلية كتبت بواسطة فارس حمود (المشاركة 10769123)
الله يوفقكم انا قصدي فيه نموذج تطبع من موقع الامن العام يوضح فيه معلوماتك وكذلك معلومات الجامعه الي تبي تدرس بها وتخصصك ويوقعه مديرك ويرفع الى مرجعك مع خطاب طلب مواصلة الدراسه .بس مالقيت النموذج بموقع الامن العام وش الحل كانت فيه قبل
طولتها عليكم الله يعين على الانظمه المعقده
الخطاب موجود عند نفس مرجعك ... مافيه شي يسحب من موقع الامن العام.... بالتوفيق

HAMDANz 2014- 4- 24 12:28 AM
رد: استمارة طلب الدراسة للعسكريين
 
خطاب الموافقه من العمل هذا ما راح يعطونك لان هذا معناه ان راح يكون عندك اجازة وقت الاختبارات وانت عسكري وتعرف حركات (..........) الي في العسكرية


انا عسكري في الامن العام ووصلت الان في المستوى السادس ولا عمري اخذت ورقة من العمل ولا شي
كل ما اخلص 30 ساعة اخذ خطاب من الادارة موجه للجامعة ليتم تعبئته من الجامعه بعدد الساعات المستحقه ويتم اضافتها في ملفي

ووقت الاختبارات يرخصوني ساعتين اختبر وارجع للعمل والله يعين

سلطان 456 2014- 4- 24 01:01 AM
رد: استمارة طلب الدراسة للعسكريين
 
السلام عليكم يا اخوان مو على كيفهم ما يعطونكم إجازة من ضمن الأنظمة أنه يعطيك إجازة دراسية سوآءا جامعة أو مدرسة إنت تطبع الخطاب من موقع الجامعة وتوديه لهم و لا تنسى إن الخطاب مختوم وموقع من الجامعة جااااهز ليه يرفضة (إلا إذا كان العمل بحاجتك و ما يقدر يستغني عنك عاد هذا موضوع ثاني)

أبو حور 2014- 4- 24 04:06 AM
رد: استمارة طلب الدراسة للعسكريين
 
اقتباس:
المشاركة الأصلية كتبت بواسطة سلطان 456 (المشاركة 10769926)
السلام عليكم يا اخوان مو على كيفهم ما يعطونكم إجازة من ضمن الأنظمة أنه يعطيك إجازة دراسية سوآءا جامعة أو مدرسة إنت تطبع الخطاب من موقع الجامعة وتوديه لهم و لا تنسى إن الخطاب مختوم وموقع من الجامعة جااااهز ليه يرفضة (إلا إذا كان العمل بحاجتك و ما يقدر يستغني عنك عاد هذا موضوع ثاني)

كود HTML:
المادة (53) مكرر: (مضافة بموجب المرسوم الملكي رقم (م/11) وتاريخ 10/3/1424هـ)
إِجازة أداء الامتحان الدراسي:
يجوز منح الفرد إِجازة للمدة اللازمة لأداء الامتحان الدراسي ، بشرط أن يقدم مايثبت أداء الامتحان ومدته.
ويجوز استدعاء الفرد من هذه الإِجازة أو إِلغاؤها لأسباب تقتضيها ظروف العمل
في قطاعات نظمت المسألة هذي عشان مايتقدمون كل الافراد باجازة اداء امتحان ومايبقى احد في القطاع هذا يعتبر من الصلاحيات اللي منحت لقائد المنطقة وهو له صلاحية تنظيم المسألة هذي

كمبرر يعتبر منطقي لكن المشكلة دخلت فيها محسوبيات وصار اللي عنده واسطه يحصل على الموافقة بسرعة واللي ماعنده واسطة يحصل على الموافقة بعد التخرج :hhheeeart4:

الواسطة فيكم فيكم

شايب جامعي 2014- 4- 24 04:42 AM
رد: استمارة طلب الدراسة للعسكريين
 
1 مرفق
اقتباس:
المشاركة الأصلية كتبت بواسطة فارس حمود (المشاركة 10769123)
الله يوفقكم انا قصدي فيه نموذج تطبع من موقع الامن العام يوضح فيه معلوماتك وكذلك معلومات الجامعه الي تبي تدرس بها وتخصصك ويوقعه مديرك ويرفع الى مرجعك مع خطاب طلب مواصلة الدراسه .بس مالقيت النموذج بموقع الامن العام وش الحل كانت فيه قبل
طولتها عليكم الله يعين على الانظمه المعقده
مرحبا اخي فارس ..

صدقت نموذج الامن العام تاخذه من النت من موقع الامن العااام

على العموم موجود عنديوهذا انا رفعتة لك بالمرفقات تحت ..

حملة وعب بياناتك كاملة وارسلة الى قسم الدورات

لكن اعتقد الان مايستقبلون شي ... وانتظر الى مابعد رمضان تابع معهم شهر عشرة

وعب بياناتك وتوقيع مرجعك ..

بالنسبة للموافقه هو فقط للاجازة .. اما الترقيات لاينظرون للموافقه نهائيا ..


النموذج بالمرفقات

htooom 2014- 4- 24 02:15 PM
رد: استمارة طلب الدراسة للعسكريين
 
السلام عليكم ورحمه الله و بركاته

اختصر على نفسك يا صاحب الموضوع و قدم لك معروض على مديرك المباشر و فيه أنك ترغب بأكمال دراستك على حسابك الخاص و بدو ن اي التزمات مالية
ثم يرفع للمنطقة لشؤون التدريب و بكذا تجيك موافقة اكمال دراسة بقرار اداري من مدير الأمن العام هذا بالنسبة لتقديم المعروض
اما اذا تبغى تقدم النموذج حق الامن العام الي انت تبحث عنه
هذا النموذج له شروط :
1/ ما تبدأالدراسة الا لين تجيك الموافقة
2/ لازم ترفع النموذج قبل الدراسة بترم على الاقل
3/ اجرائته طويله لانه بيمر بكذا قسم

لكن نصيحه اختصر الوقت على نفسك و اكتب معروضك و ارفق معه موافقة الجامعة على انتسابك و صورة بطاقتك و قدم اوراقك و ادرس لا تنتظر الموافقة لانه يبي لها ثلاث اشهر و تجيك
و تمنياتي لك و لجميع الأخوة بالتوفيق

و بالنسبة لموضوع الترقيات الشهادة تحتسب كل سنة = نقطة = 30 ساعة دراسية
و أنا الان مستوى سادس و ادرس بدون موافقة و اخذ اجازة اداء امتحان دراسي فقط احضر لهم جدول الأختبارات و تحتسب لي و لله و الحمد نقطة عن كل سنة دراسية

htooom 2014- 4- 24 02:19 PM
رد: استمارة طلب الدراسة للعسكريين
 
و موضوع الأجازات يرجع لمديرك المباشر اذا هو يحب الخير و رجل متفهم بيعطيك اجازة بدون موافقة و بدون جدول بعد
و اذا هو مسكين يحب التسلط فا أنسى انه يسمح لك بحضور الأختبار
و النظام معك و لكن حطو ثغرة لا يلجأ لها الا المدير الفاشل الي ما يحب لأفراده الخير و الحمدلله نادرا ما تجد هذه النوعية بين ضباط الداخلية

احمد-علي 2014- 4- 24 02:33 PM
رد: استمارة طلب الدراسة للعسكريين
 
ارفع من عملك وتراهي تطول بس عادي مافيها مشكلة

وكل ماخلصت 30 ساعة تحسب لك نقطة

انا موافقين على نقطتين بس من جامعة سابقة

عاد انت تعرف النقطه ووش فايدتها

فارس حمود 2014- 4- 24 09:49 PM
رد: استمارة طلب الدراسة للعسكريين
 
الله يجزاكم خير على تعليقاتكم وكلها اخذها بعين الاعتبار وشكرا لكم
واشكر شايب جامعي على تسهيله لنا بوضع الاستماره وهذي الي نبيها والله ينجحكم دنيا واخره وكل من يحب الخير

عزيّـز 2014- 7- 3 01:03 AM
رد: استمارة طلب الدراسة للعسكريين
 
ياسلام عليك

دنت شايب ولا كل الشيبانات هههههه

بيض الله وجهك يا عسل
انا رفعت النموذج السنة الماضية وتوهقت فيه الحين كم واحد طلبوه مني .. لما رجعت لموقع الداخلية ما لقيت النموذج مدري وين طار :)
والعم جوجل ما قصر طلع لي موضوعك اول واحد :)
شهر مبارك عليكم جميع
وشاكر ومقدر جهودك يا زميلي الشايب :)

عزيز مجد 2014- 7- 3 02:33 AM
رد: استمارة طلب الدراسة للعسكريين
 
طلب الموافقه
من المرجع وفيه نموذج يعبى من عملك


All times are GMT +3. الوقت الآن حسب توقيت السعودية: 10:47 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه