ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   نصيحة: بخصوص طلب توصية لدراسة الماجستير (https://vb.ckfu.org/showthread.php?t=570460)

طالب قديم 2014- 4- 2 07:36 AM
نصيحة: بخصوص طلب توصية لدراسة الماجستير
 
السلام عليكم ورحمة الله وبركاته

الزملاء والزميلات ، مبروك جميعاً التخرج، وعقبال البقية.

بالنسبة لطلب توصية لدراسة الماجستير، جميع الدكاترة الي مريت عندهم كانوا يشترطوا حصول الطالب/ـة على على A او A+ في المادة الي درستها. يعني مثلا لو مريتوا عند الدكتور محمد الحجاج، فراح يشترط حصولك على على A او A+ في مادة المحاسبة الإدارية،، وهكذا

فعليه الي انصح به:

1- قبل لا تروحوا سجلوا في ورقة المواد الي حصلتوا عليها A وسجلوا بجانبها اسم الدكتور.. لأن احتمال تنسوا اسم الدكتور وايش المواد الي درسها.
(( أحد الزملاء الي كان يريد توصية ، سأله دكتور أنا ايش المواد الي درستك اياها، في البداية فاجئه السؤال ونسى المواد خخخخخ)) فخلكم جاهزين.

وبالنسبة للطالبات (لأن مبنى إدارة الأعمال دخوله للرجال فقط) ، ف تسجيل اسماء الدكاترة في ورقة شيء ضروري لأن ولي الأمر بينزل ومايعرف اسم الدكتور ولا بيعرف اسماء المواد الي درستوها عند الدكتور الي بيمره( وكذا راح يتعب في البحث).

2- بعض الدكاترة اذا مو أغلبهم يريدوا صورة من سجل الدرجات قبل عمل التوصية، فخلكم جاهزين بالصور.:oao:

3- اخيرا، اذا الدكتور عطاك توصية موقعة ، لاااااااااااااااتنسى تنزل تحت (الطابق الأرضي) لمكتب العميد وتختمها بختم الجامعة..

والله يعينكم على الدوران في مبنى إدارة الأعمال للبحث عن مكاتب الدكاترة :biggrin:

TheDream 2014- 4- 2 07:42 AM
رد: نصيحة: بخصوص طلب توصية لدراسة الماجستير
 
مبروك التخرج

والف مليون شكر على النصيحة الحلوة

طالب قديم 2014- 4- 2 07:49 AM
رد: نصيحة: بخصوص طلب توصية لدراسة الماجستير
 
اقتباس:
المشاركة الأصلية كتبت بواسطة thedream (المشاركة 10681446)
مبروك التخرج

والف مليون شكر على النصيحة الحلوة
الله يبارك فيك ، وعقبال بقية الزملاء والزميلات..

لأني أمس تعبت ولو كنت اعرف بهالشيء كان أرتحت ،، فحبيت أريح الطلاب/الطالبات الي ماراحو، أو اللي راح يتخرجوا السمستر الجاي..

اضفت شغلة ع المشاركة وهي ضرورية رقم (3) بأنك لازم تختم التوصية بختم الجامعة من مكتب العميد ،،


موفق إن شاءء الله..

الاخصائية بشرى 2014- 4- 2 07:58 AM
رد: نصيحة: بخصوص طلب توصية لدراسة الماجستير
 
الله يجززاك خيير

خارج القانون 2014- 4- 2 08:05 AM
رد: نصيحة: بخصوص طلب توصية لدراسة الماجستير
 
الله يجزاك الجنه ولايحرمك الاجر




عندي بعض استفسارات
انا بالمستوى الثامن اقدر احصل على التوصيه قبل الاختبارات والا لازم بعد الاختبارات
وانا خارج الشرقيه هل اقدر ابعث احد ينوب عني فيها

الامر الآخر وهو خارج الموضوع

عندما شيكت على معلوماتي وجدت ان التخصص ادراة اعمال القسم / ادارة
هل الجميع مثلي (للي نفس تخصصي)
واعتقد اننا خلصنا من هالموضوع منذ مبطي والدكتور الفريدان انهى هالاشكاليه والا فيه مستجدات ماعرفها
اللي عنده علم يفتينا لاهنتوا

طالب قديم 2014- 4- 2 08:23 AM
رد: نصيحة: بخصوص طلب توصية لدراسة الماجستير
 
اقتباس:
المشاركة الأصلية كتبت بواسطة خارج القانون (المشاركة 10681477)
الله يجزاك الجنه ولايحرمك الاجر




عندي بعض استفسارات
انا بالمستوى الثامن اقدر احصل على التوصيه قبل الاختبارات والا لازم بعد الاختبارات
وانا خارج الشرقيه هل اقدر ابعث احد ينوب عني فيها

الامر الآخر وهو خارج الموضوع

عندما شيكت على معلوماتي وجدت ان التخصص ادراة اعمال القسم / ادارة
هل الجميع مثلي (للي نفس تخصصي)
واعتقد اننا خلصنا من هالموضوع منذ مبطي والدكتور الفريدان انهى هالاشكاليه والا فيه مستجدات ماعرفها
اللي عنده علم يفتينا لاهنتوا
أخي العزيز "خارج القانون"..
اممم حقيقة ماأقدر افتي ، هل تستيطع الحصول على التوصية قبل التخرج أو بعده ، أو هل يستطيع من ينوب عنك.
لكن أنا بوصف لك ايش صار معي، وأنت أبني على الشيء مقتضاه.
انا رحت للدكتور (1) وقلت له دكتور فلان أنا طالب انتساب ودرست عندك المادة الفلانية وجبت فيها A، اخذ سجل الدرجات شيك ع المادة هل فعلا جبت فيها A أو لا .. وبعدها فتح كمبيوتره وفتح خطاب عنده جاهز، فقط يعدل على الأسم وعلى تاريخ دراستي للمادة وهوه يطلع التاريخ، واما بالنسبة للأسم لأنه يكتبه بالإنجليزي ، أخذ الشهادة واقتبس الأسم منها ، طبع الورقة ووقعها ومشيت عنه،،
وكان فيه سوالف جانبية وماكان فيه نقاش مباشر بالمادة،،

....

بالنسبة للشهادة مكتوب فيها التالي:
بعد المعلومات الشخصية

وقد تخرج من كلية إدارة الأعمال
وحصل على درجة البكالوريوس في إدارة الأعمال (انتساب)
في تخصص إدارة الأعمال

...
مكررينها ثلاث مرات :Looking_anim:

احساس مفقود 2014- 4- 2 08:41 AM
رد: نصيحة: بخصوص طلب توصية لدراسة الماجستير
 
اللي فهمته ان المادة اللي تبي
تدرسها ماجستير لازم تكون ماخذ فيها ممتاز
يعني ماينفع جيد جدا او جيد مرتفع

تركي العياش 2014- 4- 2 09:09 AM
رد: نصيحة: بخصوص طلب توصية لدراسة الماجستير
 
الف شكر على النصيحه

Dima 2014- 4- 2 09:18 AM
رد: نصيحة: بخصوص طلب توصية لدراسة الماجستير
 
الله يجزاك خير على الموضوع القيم واللي راح يفيد الجميع

أبو محمد 2014- 4- 2 10:48 AM
رد: نصيحة: بخصوص طلب توصية لدراسة الماجستير
 
وعليكم السلام ،،
بارك الله فيك ،،

الباراتون 2014- 4- 2 10:49 AM
رد: نصيحة: بخصوص طلب توصية لدراسة الماجستير
 
اسم الشهادة غلط
المفروض تخرج من كلية العلوم الإدارية و التخطيط
تخصص : إدارة الأعمال

مهزلة ،، كلية إدارة الأعمال
بكالوريوس إدارة الأعمال
تخصص : إدارة الأعمال
الشهادة غير منسقه بشكل إكاديمي محترم للأسف

خارج القانون 2014- 4- 2 10:55 AM
رد: نصيحة: بخصوص طلب توصية لدراسة الماجستير
 
اقتباس:
المشاركة الأصلية كتبت بواسطة طالب قديم (المشاركة 10681502)
أخي العزيز "خارج القانون"..
اممم حقيقة ماأقدر افتي ، هل تستيطع الحصول على التوصية قبل التخرج أو بعده ، أو هل يستطيع من ينوب عنك.
لكن أنا بوصف لك ايش صار معي، وأنت أبني على الشيء مقتضاه.
انا رحت للدكتور (1) وقلت له دكتور فلان أنا طالب انتساب ودرست عندك المادة الفلانية وجبت فيها a، اخذ سجل الدرجات شيك ع المادة هل فعلا جبت فيها a أو لا .. وبعدها فتح كمبيوتره وفتح خطاب عنده جاهز، فقط يعدل على الأسم وعلى تاريخ دراستي للمادة وهوه يطلع التاريخ، واما بالنسبة للأسم لأنه يكتبه بالإنجليزي ، أخذ الشهادة واقتبس الأسم منها ، طبع الورقة ووقعها ومشيت عنه،،
وكان فيه سوالف جانبية وماكان فيه نقاش مباشر بالمادة،،

....

بالنسبة للشهادة مكتوب فيها التالي:
بعد المعلومات الشخصية

وقد تخرج من كلية إدارة الأعمال
وحصل على درجة البكالوريوس في إدارة الأعمال (انتساب)
في تخصص إدارة الأعمال

...
مكررينها ثلاث مرات :looking_anim:





اول شي ندعي لك بالتوفيق دنيا واخره

ايضااااحاتك وصلت ومايمنع نمعط الدكتور إتصال ونشوف:s_45:

أبو عبدالله13 2014- 4- 2 05:11 PM
رد: نصيحة: بخصوص طلب توصية لدراسة الماجستير
 
الله يجزاك خير
على النصيحه

طالب قديم 2014- 4- 2 10:23 PM
رد: نصيحة: بخصوص طلب توصية لدراسة الماجستير
 
الله يوفق الجميع .. ومشكورين على الدعاء

جنيهات 2014- 4- 2 11:08 PM
رد: نصيحة: بخصوص طلب توصية لدراسة الماجستير
 
واذا الدكاتره طلعو من الجامعه شلون ناخذ التوصيه في موادهم

هـمـس التميمي 2014- 4- 3 12:36 AM
رد: نصيحة: بخصوص طلب توصية لدراسة الماجستير
 
لاهنت

بخصوص وقت التوصيات اعرف ناس أخذوها ع مستوى السابع
يعني قبل التخرج بسنه

لانه احتماليه تغيير الدكتور وارده

فلوريدا 2014- 4- 3 07:16 AM
رد: نصيحة: بخصوص طلب توصية لدراسة الماجستير
 
لازم اكون ماخذه a بالماده الي بتخصص فيها والا عادي اي ماده اخذه فيها a
اروح لدكتور ويعطيني توصيه

H N O O 2014- 4- 3 08:00 AM
رد: نصيحة: بخصوص طلب توصية لدراسة الماجستير
 
٨
٨
٨



نفس السوال


لازم تخصص يعني


طيب واذا ولا ماده اخذت فيها ممتاز ش الحل م ينفع اخذ توصيه

حرآآم كذآآ ><

خريجة الفيصل14 2014- 4- 3 11:10 AM
رد: نصيحة: بخصوص طلب توصية لدراسة الماجستير
 
نصييحه رائعه ومفيدده
بارك الله فيك

نادر511 2014- 4- 3 12:02 PM
رد: نصيحة: بخصوص طلب توصية لدراسة الماجستير
 
وعليكم السلام ،،
بارك الله فيك ،،

هـمـس التميمي 2014- 4- 3 12:41 PM
رد: نصيحة: بخصوص طلب توصية لدراسة الماجستير
 
الأفضل مواد التخصص
والتقدير فيها من ٩٠ وفوق

أحمد باسمح 2014- 4- 3 02:49 PM
رد: نصيحة: بخصوص طلب توصية لدراسة الماجستير
 



ألف مبروك التخرج !!

ARWA^_^ 2014- 4- 9 03:07 PM
رد: نصيحة: بخصوص طلب توصية لدراسة الماجستير
 
جزاك الله خير

طالب قديم 2014- 4- 10 05:12 PM
رد: نصيحة: بخصوص طلب توصية لدراسة الماجستير
 
اقتباس:
المشاركة الأصلية كتبت بواسطة H N O O (المشاركة 10686282)
٨
٨
٨



نفس السوال


لازم تخصص يعني


طيب واذا ولا ماده اخذت فيها ممتاز ش الحل م ينفع اخذ توصيه

حرآآم كذآآ ><
اقتباس:
المشاركة الأصلية كتبت بواسطة فلوريدا (المشاركة 10686224)
لازم اكون ماخذه a بالماده الي بتخصص فيها والا عادي اي ماده اخذه فيها a
اروح لدكتور ويعطيني توصيه
حقيقة ماادري..
لو، لي روحة ثانية كنت راح أسأل لكم أكثر .. بس أنا نقلت النصايح المهمة للي يريد يأخذ توصية وبالذات للفتيات لأني قابلت بعض اولياء الأمور وماهم عارفين ايش يسووا ولا يعرفوا وين يروحوا ووين يجوا ومن الدكاترة..
فكتبت هالشيء البسيط عشان الجميع يستفيد فقط..

وأما بشأن ليش لازم الدكتور يشترط أن الطالب ماخذ A في المادة الي درسها عنده:

حسب تعليلهم أنه مااكو تواصل مباشر بين الطالب والدكتور طول السمستر، لو كان فيه تواصل.. هذا الشيء راح يخلي الدكتور يعرف الطالب هل يستحق أم لا ..
لكن في الانتساب لأن الدكتور مايعرف الطالب ولا قابله وتناقش معاه وأخذ وعطى معاه، يقول كيف أعطيه توصية وانا مااعرفه؟
فالحل : قرروا يعطوا للي أخذ A :000:..... وبعضهم اشترط A+ كحد أدنى :mh12:
لأني دخلت على دكتور وقال لازم A+.. ولله الحمد أخذت عنده ،، لكن الي ماأخذ الله يساعده :106:


بحاول في وقت لاحق أصور لكم توصية حق تكونوا على إطلاع بمحتواها..

تحياتي

طالب قديم 2014- 4- 10 05:15 PM
رد: نصيحة: بخصوص طلب توصية لدراسة الماجستير
 
اقتباس:
المشاركة الأصلية كتبت بواسطة هـمـس التميمي (المشاركة 10685614)
لاهنت

بخصوص وقت التوصيات اعرف ناس أخذوها ع مستوى السابع
يعني قبل التخرج بسنه

لانه احتماليه تغيير الدكتور وارده
ممتاز.. معلومة مفيدة، مشكورة عليها :icon19:..
الطلبة/الطالبات الي في الأحساء او القريبين لازم مايفوتوا هالفرصة
وأقول : الله يعين البعيدين لأن لازم بيكون عليهم سفر :007: عشان يأخذون توصية ،، وبكذا بتكون عليهم مشقة

الله يوفق الجميع.. :106:

womenوبس 2014- 4- 10 06:17 PM
رد: نصيحة: بخصوص طلب توصية لدراسة الماجستير
 
ألف مبروك التخرج وعقبالنا يارب
ومشكور على النصائح اذا سمحت في سؤال: التوصيات لها ( تاريخ صلاحية اذا جاز التعبير)
يعني مثلاً اخذتها الان وماقدمت على الماستر الابعد سنتين تكون سارية المفعول ولا لازم تاريخها يتزامن مع تاريخ الدراسة المسقبلية؟
ارجو انك فهمت قصدي
وشكراً

الطالب المملوح 2014- 4- 10 06:31 PM
رد: نصيحة: بخصوص طلب توصية لدراسة الماجستير
 
الدكاترة اللي اشترطو بس a+ وش يحسون به معليش !! :biggrin:

يعني a طايحة من عينهم ولا ايش :biggrin:

لاجد يعني كلهم ممتاز A او A+ :biggrin:



الزبدة يادكتوري العزيز وش تحس بة بالظبط :biggrin:


^الف شكر ياصاحب الموضوع :icon19:

اكتواريهـ 2014- 4- 12 09:50 AM
رد: نصيحة: بخصوص طلب توصية لدراسة الماجستير
 
يعطيك العافيه
معلومه اول مره اعرفها


All times are GMT +3. الوقت الآن حسب توقيت السعودية: 07:38 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه