ملتقى طلاب وطالبات جامعة الملك فيصل,جامعة الدمام - دخلت فية وبكرة اول يوم دوام شرايكم

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)

- - دخلت فية وبكرة اول يوم دوام شرايكم (https://vb.ckfu.org/showthread.php?t=566939)

مرفى الامل

2014- 3- 15 11:16 PM

دخلت فية وبكرة اول يوم دوام شرايكم

مساء الخير اخباركم شباب وصبايا ان شاء الله تمام
ان سجلت بمعهد نيوهرايزان بالخبر مستوى اول انجلش ب 1800 كاش طبعا دفعت المبلغ وكذا
والدراسة تبدا بكرة مدة شهر يوميا من 4 الى 6 المساء مادري متخوفه شرايكم حلو بيفدني ولا خربوطة
ابي اقوى اللغة والله قبل لاتخرج من الجامعه بس احس ضغط قربت الامتحانات وكذا وخصوصا انه بعد عندي عمل
بس انتو شرايكم احد جربة يسردلي تجربته او احد من الشباب جربة كيف التدريس مافي وحدة من هنا تجي معاي نصير قروب واحد وندرس مع بعض فلة ههه :71:

الجــــ@ـارح

2014- 3- 15 11:35 PM

رد: دخلت فية وبكرة اول يوم دوام شرايكم

بالتوفيق اختي لكن المعهد لايكفي

لانهم فقط يعطونك الاساسيات انتي لازم تتعودين على المحادثه

وحفظ اكبر عدد ممكن من الكلمات على شان تستفيدين

يعني لو كل يوم تحفظين 10كلمات رح تحفظين خلال الشهر 300 كلمه

وخلال العام رح تحفظين 3600 كلمة

الاهم هو الحفظ والمحادثه ,,

لان المعهد يشرحون لك لكن اذا ماواصلتي الحفظ مارح تستفيدين من العهد

لانهم مثل ماقلت لك يعطونك فقط الاساسيات والقرمر

والله يوفقك وتكونين بلبل انجليزي

انا والله امنيتي اكون بلبل انجليزي لكن نحفظ كم كلمه وبعدها نجي مع الشباب

وننسى الكلمات

N555	2014- 3- 16 02:34 AM

رد: دخلت فية وبكرة اول يوم دوام شرايكم

اذا تبغين تتعلمين فالمده يادوب حق اساسيات واذا تبغين حق شهاده تضيفينها في ملفك فالافضل تكون قبل التخرج مباشره او بعد التخرج لان كل ماكانت الشهاده حديثه كانت اقوى وبالتوقيق..

نواسي

2014- 3- 16 03:01 AM

رد: دخلت فية وبكرة اول يوم دوام شرايكم

إذا دراستك في الدورة حول الأساسيات
فبتغنيك عنها المادة الأساسية تبع القسم ..
مواضيعها قيمة ودكتورها جدا متمكن ..
وأيضا معها ملخص سكرتير عبادي -جزاه الله خير- مغطي الأساسيات تبع المادة بزيادة

عديتها الحمد لله واستفدت منها .. ومحاضراتها وملفاتها من ضمن المحفوظات لدي
وناوي إذا الله يسر أرجع أدرسها ثاني

يبيلنا احنا همة عالية ..
لأن المنتدى هذا يحوي أرشيف زاخر بالعديد من المواضيع والأفكار القيمة

فمثلا حول هالموضوع ..
لدينا قسم لمتخصصين اللغة الإنجليزية ..
يغطي جميع جوانب المادة .. ومقدم ملخصات جميلة لدارسي المواد
بإمكاننا نستفيد منه .. وندرس هالمواد شخصيا

وقس على هذا مختلف الأقسام التعليمية

بعتذر إن شطحت .. :d
والله يوفقك ويكتب لك اللي فيه الخير

بحر العطا

2014- 3- 16 04:58 AM

رد: دخلت فية وبكرة اول يوم دوام شرايكم

معهد فاشل نهوريزن لي فالدمام للي بالخبر مادري عنه

رحت سجلت في برتشل كنسل المعهد البريطاني بالخبر في عمارة الراشد الدور السابع ،، 6 أسابيع وثلاث ايام بالاسبوع وساعتين في الحصه مدرس بريطاني مايتكلم عربي نهائياً استفدت كثير منهم والحمدالله وراح اواصل معهم المستويات وراح اختبر عندهم بذن الله ايلتس ،،، او اكمل في الاكاديمية الامريكية بالدمام

في الاكاديمية الامريكية للغات بالدمام ممتازه ايضاً وهناك عروض بتسجيل بامكانك تشوفين موقعهم عن طريق لنت

اتمنى انني افتدك ياختي

نحن لآن في عصر التحدث بالغة الانجليزية فان لم تبداء اليوم فغيرك راح يبدا ويستغل الوقت والفرصة

بالتوفيق الجميع

مرفى الامل

2014- 3- 17 07:10 PM

رد: دخلت فية وبكرة اول يوم دوام شرايكم

خسارة قالو بعد اجازة المدارس خلوة متحمسة وخايفة بنفس الوقت والله اني ماستفيد

احساس جامعي

2014- 3- 17 07:18 PM

رد: دخلت فية وبكرة اول يوم دوام شرايكم

صحيح ان نيوهورايزن مدرسينه عرب

بس يميزه ان في كل مستوى يعطونك كلامات تحفظينها

عكس المعهد البريطاني يعتمد على المحادثه واهمال حفظ الكلمات

استمري للمستوى الخامس في نيوهورايزن وبعدها انتقلي للبريطاني

والسبب تقوية جانب المحادثه فقط

ولا بقية الجوانب انا اشوف ان معهد نيوهورايزن يتفوق على البريطاني

عزة محمد

2014- 3- 17 08:13 PM

رد: دخلت فية وبكرة اول يوم دوام شرايكم

شوفي اذا انتي عندك رغبة انك تتعلمين للغة رح تتعلمين وتتقنينها كمهارة وكل شي في البداية بيكون فية صعوبة لكن عند الرغبة والاصرار رح تكونين ممتازة اتمني لكى التوفيق والنجاح

فاقده ضحكتي

2014- 3- 17 08:34 PM

رد: دخلت فية وبكرة اول يوم دوام شرايكم

انا الحين ادرس فيه وما شاء الله خلصت التمهيدي والاول كان كله قرامر والحين في ليفل ٢ وكله محادثه ونقاشات وكلمات جديده وكمان شويه قرامر
وباقي ٣ بس غريبه انا شايفه عندهم عروض
ليش ما اخذتي ٤ مستويات بخمسه الاف
بصراحه احسن
وبصراحه من احسن المعاهد اتكلم بالنسبه للمدينه
فرررررق كيف كنت والحين
ما كنت اعرف الحروووف بحكم اني ما درست انقلش بالمدرسه كثير
الحين اتكلم واطلب من المطاعم وتغيرت لغتي تماما
وكنت ادخل كنفرزيجن ( محادثه )كمان والاستاذه ما تتكلم عربي
بس يبغاله جهد خصوصا ليفل ١
كله فهم وحفظ

هـمـس التميمي

2014- 3- 17 08:40 PM

رد: دخلت فية وبكرة اول يوم دوام شرايكم

التعليم الذاتي افضل من اي معهد

كتاب + سيدي
ومن نفسك سوي لك قاموس انجليزي انجليزي
التشات الخاص بتقويه اللغه تقويك بعد

احساس ذابل

2014- 3- 17 08:43 PM

رد: دخلت فية وبكرة اول يوم دوام شرايكم

ان شاءالله تستفيدي
انا كان ودي اسجل بس خفت ماستفيد
ف قررت اقوي شوي من نفسي عشان لمن اسجل يكون عندي خلفيه
ياليت تعلمينا اول باول وش يصير معك
موفقه

هنوش	2014- 3- 18 09:22 AM

رد: دخلت فية وبكرة اول يوم دوام شرايكم

شوفي انا في معهد بس ماخذه حاسب الانقلش ناس تذم وناس لا حلوه يقواون وينفهم وعلى حسب التيجر\معلمه يعني \\بس تر اذا رسبتي في الاختبارات من غير شر تدفعين لهم والله الجامعه ارحم :mad: ناس تبي فلوس يعني الله يعينك ويسهل عليك وبدايه موفقه

Loli ahmed

2014- 3- 18 01:57 PM

رد: دخلت فية وبكرة اول يوم دوام شرايكم

اقتباس:

المشاركة الأصلية كتبت بواسطة بحر العطا (المشاركة 10629764)

لو سمحت كلمنا عن المعهد البريطاني أكثر؟
وكيف الأكسنت البريطانية لأني بصراحة مو كل الأنجليز أفهم لغتهم خصوصا إذا تكلموا بسرعة.

قولنا عن كل شي وعن الرسوم.

وشكرا.

Loli ahmed

2014- 3- 18 02:01 PM

رد: دخلت فية وبكرة اول يوم دوام شرايكم

اقتباس:

المشاركة الأصلية كتبت بواسطة هـمـس التميمي (المشاركة 10638385)

كلامك صحيح
أنا بصراحة ما استفدت من المدرسة ولا الجامعة
وسائل التواصل الإجتماعي أفادتني كثير

الاستماع أهم مافي اللغة خصوصا في البداية.

مرفى الامل

2014- 3- 29 07:32 PM

رد: دخلت فية وبكرة اول يوم دوام شرايكم

يوم الثلاثاء راح ابدا وافيكم باول التفاصيل بكل مصداقية وشفافية هههه

balqeesgh

2014- 3- 31 01:24 AM

رد: دخلت فية وبكرة اول يوم دوام شرايكم

الله يوفقك ،لكن اتمنى انك تحاولين تسجلين في مواقع تعليم اللغه عن طريق المحادثة في النت وتتعرفي على ناس اجانب يبغون يتعلموا انجليزي وتصيروا تتدربون سوا هذا اكثر شي راح يفيدك طبعا غير الاساماع المكثف للبرامج الانجليزية .

كبير طموحي

2014- 3- 31 01:33 AM

رد: دخلت فية وبكرة اول يوم دوام شرايكم

موضوع مفيد

عبدالله الخريصي

2014- 3- 31 02:02 AM

رد: دخلت فية وبكرة اول يوم دوام شرايكم

تبين تصرين نجليزي تقول جنبي
روحي برره 6 شهور علي حسابج جلسي

balqeesgh

2014- 3- 31 11:18 PM

رد: دخلت فية وبكرة اول يوم دوام شرايكم

من كثر فلوسنا عشان نروح برى تدري شهر كم يكلفك بلندن 17000 اذا بتحزق على عمرك احنا مو مصدقين متى نفتك من رسوم الجامعه :007:

فتاة الغد

2014- 4- 1 01:10 AM

رد: دخلت فية وبكرة اول يوم دوام شرايكم

انا ادرس فيه الحين بقى لي ٣اسابيع واخلص لفل١ عجبني ومن حسن حظي ان المدرسه كويسه وتترجم لنا كل شيء بعكس المدرسات الثانيات مرتاحه والله وبس وفي بنات معنا بشركه ويدرسون

doodoo

2014- 4- 1 03:19 AM

رد: دخلت فية وبكرة اول يوم دوام شرايكم

اناسمعت عنه من وحده تمدحه بس شخصيا ماجربته:no:==دخلت قبل فتره معهد4 شهوروماكملت:(269): -بس بكمل انشاءالله اذاتخرجت -الله يعين:verycute:

معقول

2014- 4- 1 05:42 AM

رد: دخلت فية وبكرة اول يوم دوام شرايكم

افضل طريقة الزواج من الاجانب مدة لا تقل عن 3 سنوات كافية لتعلم اللغة الإنجليزية

...mlak

2014- 4- 1 05:45 AM

رد: دخلت فية وبكرة اول يوم دوام شرايكم

اقتباس:

المشاركة الأصلية كتبت بواسطة معقول (المشاركة 10675999)

افضل طريقة الزواج من الاجانب مدة لا تقل عن 3 سنوات كافية لتعلم اللغة الإنجليزية

............................

ههههه تمزح :cheese: وبعدين طلاق ها ..الله يهب لك حظ :hahahahahah:

.............................

...mlak

2014- 4- 1 05:46 AM

رد: دخلت فية وبكرة اول يوم دوام شرايكم

..............................

الله يوفقك وياليت تخبرينا عن تجربتك..

...............................

أفا يا قلب

2014- 4- 1 08:08 AM

رد: دخلت فية وبكرة اول يوم دوام شرايكم

ليه ماتخلينها بعد ماتخلصين اختبارات!!
لا تشتتين نفسج بين المعهد والاختبارات والدوام

هنوش	2014- 4- 2 01:27 PM

رد: دخلت فية وبكرة اول يوم دوام شرايكم

اللي في الخبر يبون فلوس باي طريقه وانا صراحه طفشت بس لا خلصت بنشب لهم على شهاده :017:الله يعين

All times are GMT +3. الوقت الآن حسب توقيت السعودية: 03:45 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه