|
اقدر ادرس بجامعتين أنتظام وعن بعد؟
السلام عليكم
صباح / مساء الخير أنا موظف حكومي مو رسمي وكانو واعديني بترسيم على المرتبه الرابعه ولكن كل مواعيدهم وهم ولو حصل ان شاءالله اخذت شهادة عن بعد ماتفيدني كثير المهم مديري في العمل قالي أدرس أنتظام أضمن و أحسن لك ومن ناحية الدوام لا تشيل هم بعطيك اجازات لين تخلص حاليا انا في المستوى الثاني وما احب يروح الترم الاول ع الفاضي السؤال : اقدر ادرس انتظام و عن بعد بدون مشاكل؟ بالذات ان النظام عندنا مش ولا بد ومافي تنسيق بين الجامعات حسب علمي والشهاده بخلي الاصليه عند جامعة الملك فيصل واكمل و اطلب بدل فاقد واعطيها جامعة الانتظام اقدر اسوي هالحركه ولا في مشاكل |
رد: اقدر ادرس بجامعتين أنتظام وعن بعد؟
امممم برئي لايكلف الله نفسا الا وسعها وكلها دراسه مافرقت بشيئ اذا بتتعبين اتعبي بشيء واحد وعيشي لاجله وبس
|
رد: اقدر ادرس بجامعتين أنتظام وعن بعد؟
وعليكم السلام ورحمة الله وبركاته
للأسف ما عندي إفاده بهالخصوص ولكن تأكد من الجامعه اللي راح تسجل فيها ومن وجهة نظري حتى لا يؤثر عليك أعتقد الإنتظام أفضل إن كان يحصل لك ... والله يكتب لك الخيره بالتوفيق |
رد: اقدر ادرس بجامعتين أنتظام وعن بعد؟
اقتباس:
|
رد: اقدر ادرس بجامعتين أنتظام وعن بعد؟
اقتباس:
شكرا المحترمه والله يكتب الخير للجميع |
رد: اقدر ادرس بجامعتين أنتظام وعن بعد؟
اذا انت طالب منتظم حالياً فنصيحتي لك ان تواصل لأن شهادتك منتظم افضل لك بكثير من الانتساب ولها مجالات اكثر واذا حصلت على الشهادة الجامعية فلا يكون طموحك نفس شركتك الحالية بل ابحث عن الافضل وشهادتك تدعمك ولا يكون طموحك شهادة فقط
نظرتك لازم تكون للمراتب العليا وسوف تصل بإذن الله وكن ذا همه ....... تحياتي لك |
رد: اقدر ادرس بجامعتين أنتظام وعن بعد؟
اقتباس:
وشاكر لك مرورك احمد |
رد: اقدر ادرس بجامعتين أنتظام وعن بعد؟
ما شاء الله عليك تبي تاكل من الخدين
عموما ما اضنك تقدر تسوي الثانيه لانهم يشيكون ع رقمك بالهويه والشهاده ويظهر لهم انك مسجل بجامعه اخرى الحين صار كل شي مرتبط ببعض حتى الل درسون بامريكا ومسعودينهم بالمحلات وقفوا عليهم المكافاه بحجه السعوده عموما استفسر اكثر من اصحاب الاختصاص |
رد: اقدر ادرس بجامعتين أنتظام وعن بعد؟
أخي الغالي كولاج نصحيتي لك تكمل منتظم أفضل بكثير من شهادة التعليم عن بعد وإذا كنت هاوي دراسة وعلم فلا مانع انك تجمع بين الدراسة عن بعد وإنتظام وتجمع بين تتخصين آدبي وعلمي أو غير ذلك إذا مافيه تعارض بين الاختبارات النهائية ،،، والله يكتب مافيه الخير لك |
رد: اقدر ادرس بجامعتين أنتظام وعن بعد؟
الله يوفقك
|
رد: اقدر ادرس بجامعتين أنتظام وعن بعد؟
نعم تقدر تدرس انتظام وانتساب بنفس الوقت انا اعرف واحد يدرس بجامعة الملك عبدالعزيز انتظام ادارة عامة لان بالمستوى الاخير ويدرس بجامعة الملك فيصل علم اجتماع الان بالمستوى الثالث قدم لجامعة الملك فيصل صورة من شهادة الثانوية العامة وللي الجامعة الي تبي تدرس فيها انتظام الشهادة الاصل
وبالتوفيق |
رد: اقدر ادرس بجامعتين أنتظام وعن بعد؟
أنا اشوف انها صعبه عليك ويمكن يكتشفون امرك وتروح تخسر الدراستين
ركز على الانتظام افضل والله يوفقك |
رد: اقدر ادرس بجامعتين أنتظام وعن بعد؟
لاطبعا ماتقدر تدرس بنظامين لأن كل جامعه رح تحتاج ملفك والملف واحد وحيكون بجامعه وحده ..
كل ماعليك أن توكل أمرك لربك وتستخير والله يختار لك الخيره من أمرك .. والدراسه في كلا النظامين متشابهان المختلف فيهما هي فقط مسمى الشهاده .. بالتوفيق يارب .. |
رد: اقدر ادرس بجامعتين أنتظام وعن بعد؟
دز الدباب في الثنتين
ولكن نصيحه خفف المواد في الاتنساب خلها ١٣-١٤ ساعه |
رد: اقدر ادرس بجامعتين أنتظام وعن بعد؟
كيف بتدرس وشهادتك الثانويه محتجزه في الجامعه وما فيه جامعه تقبل بصوره من الشهادة
|
رد: اقدر ادرس بجامعتين أنتظام وعن بعد؟
بعدين انت في المستوى الاول اترك التعليم عن بعد ودرس انتظام افضلك
ونصيحه مني لا تجلس تمشي على كلام مديرك الكلام لوحده ما يفيد وسئل مجرب وتخيل وصلت للمستوى الرابع او الخامس وقالو خلاص جاء تثبيتك طيب الان حلها كيف تكمل الدراسه وانت رسمي |
رد: اقدر ادرس بجامعتين أنتظام وعن بعد؟
في شي اسمع معادله مواد ، مايحتاج تدرس الثنين
|
رد: اقدر ادرس بجامعتين أنتظام وعن بعد؟
نصيحة .! مافي داعي تدخل نفسك بمتاهات ممكن تعرضك في المستقبل لمشاكل وتحرمك وظيفتك إذا ترسمت .! نظاماً تعتبر مخالف .!! اتكل ع الله و واصل بدراستك الحالية .! لا تعلم عن المستقبل ورزقك .! وفقك الله لما فيه خيراً لك في دينك ودنياك وأعانك ع طاعته .! |
رد: اقدر ادرس بجامعتين أنتظام وعن بعد؟
علي حسب الدراسه الي بتدرسها
يعني اي كليه مااتوقع بالملك فيصل بسبب انه يكون لك سجل لكن انا كنت ادرس بمعهدخاص دبلوم وجامعه مع بعض مافي اي مشكله مثل منت قلت ماهي بهل الصعوبه والان مقدم علي التقنيه ومادري لسي ماردو لي خبر |
رد: اقدر ادرس بجامعتين أنتظام وعن بعد؟
اصل شهادة اخر مؤهل وين ؟؟
اي جامعة يتم قبولك فيها تطالبك بأصل الشهادة وتحتجز لديها |
رد: اقدر ادرس بجامعتين أنتظام وعن بعد؟
اقتباس:
اقتباس:
اخواني تبقى الاصل عند جامعة الملك فيصل واطلع شهادة بدل فاقد (تعتبر اصل) واستخدمها |
رد: اقدر ادرس بجامعتين أنتظام وعن بعد؟
شكرا لجميع اللي ردو وانا قررت اسويها بأذن الله واليوم طلبت شهادة بدل فاقد وبتجيني بعد شهر
وان شاءالله بكتب وش يصير معي ، مره ثانيه شكرا لكل من رد |
رد: اقدر ادرس بجامعتين أنتظام وعن بعد؟
ما تقدر ( تضحك على نفسك )
والمثل الشعبي يقول صاحب بالين هيفشل فححد لك جامعة وادرس فيها واذا قبلوك انتظام افضل لك واستمر وبالتوفيق |
رد: اقدر ادرس بجامعتين أنتظام وعن بعد؟
نصيحتي لك اذا كنت موظف لازم تتأكد من الخدمة المدنية بخصوص دراستك انتظام ,لانه معنا زميل في العمل كمل أنتظام وبعد ماتخرج الخدمة المدنية رفضو شهادته قالوله كيف موظف وتدرس أنتظام ورفع دعوى لديوان المظالم وأخرتها رفضت الدعوى والسبب كيف أنتظام ودوام في وقت واحد
|
رد: اقدر ادرس بجامعتين أنتظام وعن بعد؟
اقتباس:
شكرا على المعلومه المهمه بتاكد منها ان شاءالله |
| All times are GMT +3. الوقت الآن حسب توقيت السعودية: 11:19 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه