ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   طالبه مساعدتكم.. (https://vb.ckfu.org/showthread.php?t=553710)

وجـدان عبدالله0 2014- 1- 30 02:38 PM
طالبه مساعدتكم..
 
السلام عليكم اخوااني وخواتي الطلبه
كيف الحال ان شاءالله بخير..

انا الحمد لله نجحت بس معي مادة الانقليزي المستوى الاول قسم انقليزي .
واخوي كذلك معه الانقليزي قسم علم اجتماع ..

بالنسبه لجداول المواد للقسمين ابيها للمستوى الاول والثاني عشان اقدر انزل موادنا براحه .

غير كذا الانقليزي لو نزلته السمستر الثاني اجباري احطه مكان فقه السيره .ليش مو ماده ثانيه وكيف اعرف انه بنفس اليوم الاختبار ؟

الي ابيه الله يعافيكم :
1-جداول الامتحانات للقسمين والمستوى الاول والثاني انقليزي طالبات وعلم اجتماع طلاب.
2- كيف انزل المواد على اي اساس ترتيبها والا عادي اي شي.
3-crn انقليزي طالبات المستوى الاول قسم انقليزي -crnانقليزي طلاب المستوى الاول قسم علم اجتماع.


الله يخليكم ساعدوني بكره موعدنا بتسجيل المواد لايفوتنا .

الله يوفق الجميع:rose::rose::rose:

o_lg_ll 2014- 1- 30 02:47 PM
رد: طالبه مساعدتكم..
 
وعليكم السلام ورحمة الله وبركاتة


مشاء الله توني فاتح الجهاز وشفت موضوعك

وفوق كذا انتي قسم انجلش طيب طيب


راح ارتب جدولك أبشري


أول حاجه تدخلين على رابط الجدول الاختبارات النهائية لتخصص اللغة الانجليزية

http://www.ckfu.org/vb/t548326.html

في هذا الجدول راح تشوفين الايام الى راح تخبرينها لكل مادة


بعدها ادخلي على الرابط هذا وراح تشوفين طريقة تسجيل المواد للفصل هذا والفصول الدراسية في المستقبل بهذي الطريقة

http://www.ckfu.org/vb/t551685.html


هذول الموضوعين الى حطيتهم لك اقريهم بتأني وروقي عليهم وراح تفهمين كل شي تبينه



بالنسبة لمادة الانجلش المستوى الأولى ماتقدرين تحطينه معك في المستوى الثاني

لنا مواد مستوى ثاني كثيره واصلاً لابد تحذفين منها مادة لنا غير مسموح تدرسين أكثر من 18 ساعة للفصل الواحد


أنتي ادخلي على الرابط الثاني وراح تفهمين شنو أقصد

لمن تفهمين كل حاجه ارجعي لموضوعك هنا وعطيني اقتراحاتك للمواد الى تبين تحذفينها

او تبين تحذفين مادة من مواد سمستر 2 ( مستوى 2 ) وتحطين بدالها انجلش عام حق المستوى 1



بالنسبة لجدول اخوك تخصص علم اجتماع موجود هو في القسم العام بس أبحثي عنه وراح تحصلينه

او ابحثي عنه في قسم المستوى الثاني



اذا مافهمتي شي قوليلي :hahahahahah:

بالتوفيق

وجـدان عبدالله0 2014- 1- 30 02:59 PM
رد: طالبه مساعدتكم..
 
الله يسعدك بدخل على الروابط ولي رجعه بإذن الله

الف شكر اخوي

وجـدان عبدالله0 2014- 1- 30 05:53 PM
رد: طالبه مساعدتكم..
 
الله لا يحرمك الاجر اخوي كل شي واضح وسهل ان شاءالله .
الله يسهلك امورك ويكتب لك الخير في كل خطوه يارب......الف شكر لك

o_lg_ll 2014- 1- 30 06:14 PM
رد: طالبه مساعدتكم..
 
اقتباس:
المشاركة الأصلية كتبت بواسطة وجـدان عبدالله0 (المشاركة 10449718)
الله لا يحرمك الاجر اخوي كل شي واضح وسهل ان شاءالله .
الله يسهلك امورك ويكتب لك الخير في كل خطوه يارب......الف شكر لك
اللهم أمين

يور ولكم


بالتوفيق

وجـدان عبدالله0 2014- 1- 30 06:35 PM
رد: طالبه مساعدتكم..
 
اخوي فيه نقطه بسيطه مافهمتها ممكن توضحها لي لو تكرمت

اللحين انا بنزل الانقليزي المستوى الاول بدرسه بالسمستر الثاني قالولي نزليه بدل فقه السيره عشان مايكون معه بالامتحانات شلون وليش فقه السيره بالذات ليش مو ماده ثانيه هي هانقطه الوحيده اللي مافهمتها وعجزت افهمها ...

دلع! 2014- 1- 30 06:37 PM
رد: طالبه مساعدتكم..
 
طيب ممكن تساعدنى انا بعد ههه وهقتك

انا خلصت مستوى خامس اوك اخذف فيه اربع مقرارات بحكم الظروف الصعبه ..
والحين مستوى سادس باقي فيه 6 مقرارات م اخذتهم ابي تعطينى مواد سهله ارفع فيها معدلي ل4 ونص ابقولك شنو حطيت
علم الدلاله والبراغميك/الصوتيات/المقال/نظرية الترجمه /الادب ف القرن17/مهارات التحدث ..

رايكممم وشكرا"

o_lg_ll 2014- 1- 30 06:42 PM
رد: طالبه مساعدتكم..
 
اقتباس:
المشاركة الأصلية كتبت بواسطة وجـدان عبدالله0 (المشاركة 10449979)
اخوي فيه نقطه بسيطه مافهمتها ممكن توضحها لي لو تكرمت

اللحين انا بنزل الانقليزي المستوى الاول بدرسه بالسمستر الثاني قالولي نزليه بدل فقه السيره عشان مايكون معه بالامتحانات شلون وليش فقه السيره بالذات ليش مو ماده ثانيه هي هانقطه الوحيده اللي مافهمتها وعجزت افهمها ...
عشان مايكون في تعارض

يعني ممكن يكون يوم اختبار الانجلش مع الفقة في وم واحد ووقت واحد بكذا راح يكون تعارض


انتظري خليني اشيك متى يوم اختبار الانجلش عام واقولك متى وقتها بالضبط ...

o_lg_ll 2014- 1- 30 06:47 PM
رد: طالبه مساعدتكم..
 
اقتباس:
المشاركة الأصلية كتبت بواسطة دلع! (المشاركة 10449997)
طيب ممكن تساعدنى انا بعد ههه وهقتك

انا خلصت مستوى خامس اوك اخذف فيه اربع مقرارات بحكم الظروف الصعبه ..
والحين مستوى سادس باقي فيه 6 مقرارات م اخذتهم ابي تعطينى مواد سهله ارفع فيها معدلي ل4 ونص ابقولك شنو حطيت
علم الدلاله والبراغميك/الصوتيات/المقال/نظرية الترجمه /الادب ف القرن17/مهارات التحدث ..

رايكممم وشكرا"
من عيوني افا :060: عليك لا وهقتيني ولا شي


لنا بكل بساطة راح اقولك لمن اوصل مستواك واخذ هذي المواد اقولك اذا سهلة والا لا :hahahahahah:


شوفي انا مسوتى 3 يعني توني مثل هذا المقطع

http://www.youtube.com/watch?v=P2imHtMAR48


يعني الله لايهينك روحي مستوى 6 او 7 وافتحي موضوع جديد واكتبي للي سبقونا وخذو هذي المواد :biggrin:


شرايك خدمتك صح وماتوهقت :hahahahahah:

o_lg_ll 2014- 1- 30 07:02 PM
رد: طالبه مساعدتكم..
 
اسمعي يا وجدان

انتي تقدرين ماتحذفين مادة فقة السيرة لنا راح تكون الفترة الثانية واللغة الانجليزية عامة راح تكون في الفترة الاولى


اوضح لك اكثر

اذا راح تأخذين اللغة الانجليزية العامة + فقة السيرة

راح يكون اختبارك في هذي المادتين في يوم واحد الى هو يوم الخميس تاريخ 1435/7/9

اختبار الانجلش عام راح يكون في الفترة الاولى الساعه 3.30 الى 5.30

و فقة السيرة راح يكون الفترة الثانية من 6 الى الى 8

هذا جدولك راح يكون كذا عاد انتي بكيفك


بس انا اقولك فقة السيرة سهل والحقي على الدكتور خوفك يتغير كلنا الحمد لله خذنا في مادته a+ وقليل جداً خذو في هذي المادة b

انتي براحتك شوفي الى تبينه وسويه بس مثل ماعلمتك لابد تحذفين مادة من مستوى 2 لنا المسموح لك فقط 18 ساعة

يعني انتي في حالتك راح تضيفين انجلش عام لابد تحذفين مادتين من مستوى 2


بالتوفيق

وجـدان عبدالله0 2014- 1- 30 07:13 PM
رد: طالبه مساعدتكم..
 
الله يسعدك تمام كذا

طيب انا اللحين
المواد اللي معي هي
لغه انقليزيه كتابه
القراءه والمحادثه
فقه السيره
مبادئ الاحصاء
علم الاجتماع
تلاوه وتجويد
التذوق الادبي
النحو2
برامج المحاسب المكتبيه
اللغه الانقليزيه قراءه

زين كذا

لو نزلت الانقليزي العامه يصير لازم احذف3 مواد عشان يكون 15 ساعه

بما انك نفس قسمي وش تنصحني فيه اخلي اي ماده واحذف ايش يعني عطني السهل اللي تساعدني ارفع معدلي .

والدكاتره كيفهم سهلين والا صعبين .

o_lg_ll 2014- 1- 30 07:36 PM
رد: طالبه مساعدتكم..
 
اها انتي شكلك معدلك نازل يعني ماتقدرين تنزلين الا 15 ساعه


طيب اسمعي نزلي 18 ساعة وماعليك من الجامعة لنا سمعت بعض الاعضاء هنا يقولون معدلهم نازل ونزلو 18 ساعة وقبلت معهم

يعني هي تجربة جات جات ما جات عادي


طيب اسمعيني انتي تقدرين تأخذين صيفي وتجين الاحساء وتختبرين هذي المواد في رمضان والا لا ؟؟؟

اذا تقدرين تجين او انتي من الاحساء انحلت المشكلة


لابد اعرف قبل ما انصحك في حذف المواد لنا فقة السيرة لو راح تحذفينه ماراح تقدرين تأخذينه الا في مستوى 8

اذا موافقة تأخذين فقة السيرة في مستوى 8 خلاص انحلت المشكلة

وجـدان عبدالله0 2014- 1- 30 07:44 PM
رد: طالبه مساعدتكم..
 
لا والله ما اقدر اجي

طيب وش تنصحني فيه اذا عندك رسم لجدول حلو وسهل

o_lg_ll 2014- 1- 30 08:03 PM
رد: طالبه مساعدتكم..
 
الجدول واضح انتي بنفسك احذفي الى تبينه وحطية في المستويات المتقدمة


يعني انتي الحين لمن تحذفين مادة شوفي لها مكان تاخذينها في السمسترات الجاية



http://imagizer.imageshack.us/v2/800x600q90/23/yyrc.jpg

احذفي انجليزي كتابة

بس هاه انتبهي لابد تأخذينها في سمستر 3 ( مستوى 3 )


احذفي برامج الحاسب المكتبية

تقدرين تأخذينها في مستوى 4 و 5 و 6 و 7


باقي وحده

يا تحذفين فقة السيرة وتاخذينه في مستوى 8 <<< ماتقدرين تأخذينها الا في مستوى 8 غيره لا

وعندك تلاوة وتجويد تحذفينه وتاخذينه في مستوى 3 او 4 او 8



اختاري بين هالثنتين

بس لاتنسين اذا راح تأخذين فقة السيرة اختبارها مع انجليزي عام راح يكون في يوم واح


بالتوفيق

وجـدان عبدالله0 2014- 1- 30 08:11 PM
رد: طالبه مساعدتكم..
 
الله يجزاك خير كذا واضح بقوه
اتعبتك معي

الحظ العنيد 2014- 1- 30 08:28 PM
رد: طالبه مساعدتكم..
 
مواد ثاني حلوة وسهله بس اذا اﻻنقلش صعب عليك غيري التخصص

o_lg_ll 2014- 1- 30 08:34 PM
رد: طالبه مساعدتكم..
 
اقتباس:
المشاركة الأصلية كتبت بواسطة وجـدان عبدالله0 (المشاركة 10450621)
الله يجزاك خير كذا واضح بقوه
اتعبتك معي
يور ولكم


ونسيت اقولك صحيح مستوى 2 ترا موادها سهلة جداً جداً جداً والله أسهل من مستوى بكثييييييييييييييييييير

انا ربي لك الحمد رفعت معدلي في مستوى 2 بدرجة كبيرة ربي لك الحمد


ولاتخافين من الانجلش انا مثلك كنت برسب في الانجلش عام بس عديتها بدرجة متدنية

المستوى 3 جبت في انجلش قراءة ممتاز وانجلش كتابة جيد جداً


وعلى فكرة انا ما اذاكر وماني دافور قبل الاختبار بيوم او 8 ساعات

بس جد جد مستوى 2 سهلللللل جداً

وجـدان عبدالله0 2014- 1- 31 05:45 PM
رد: طالبه مساعدتكم..
 
الله يجزاكم الف خير ويوفقكم وين مارحتوا
اختي الحظ العنيد : المشكله الانقليزي ما احبه ولا ابيه بس وش نسوي اذا صار اللحين حتى فتحت الباب لازم انقليزي بعدين الا متى مانعرف انقليزي نجرب حظنا والله يسهلها علينا وعليكم.
اخوي الوله ماقصرت والف الف شكر لك على المساعده .


All times are GMT +3. الوقت الآن حسب توقيت السعودية: 02:10 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه