ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)

- - رسوب رسوب رسوب رسوب رسوب (https://vb.ckfu.org/showthread.php?t=547411)

رآجيه الفردوس

2014- 1- 20 04:39 PM

رسوب رسوب رسوب رسوب رسوب

السلام عليكم ورحمه الله وبركاته

بدآيه ههههههههههه بدآيه قويه صراحهه انا رسبت بكل المواد f بس ابي استفسر اذا بغير تخصصي طبعا اكيد بتقولون مو هالترم لمن اكمل الساعات واخلص الترم الثاني طيب اذا خلصت الترم الثاني وغيرت التخصص لازم انجح بالمواد الي رسبت فيهم وهل اشيلهم معي ولا كيف؟؟ وعطوني اسهل تخصص هناااا وش تنصحوني اطلع وارجع اسجل السنه الجايه ولا ع قولتهم وقف التسجيل ؟؟

انتظر ردكمم

تمنيآتي للجميع بالتوفيق والنجاح

مقام العز

2014- 1- 20 04:42 PM

رد: رسوب رسوب رسوب رسوب رسوب

شفيك تتكلمين مسرع انتي ,,!
الزبده مو في شئ سهل وصعب
الزبده هل انتي لديك الرغبه في الدراسه والتعلم وإكمال دراستك ..!
ولا...؟

مربط الفرس في الاراده والعزيمه والمقومات المعنويه التي تدفعك للامام وليس
تدفعك للخيارات من اول ترم لما هو سهل او صعب او تحويل او تشطيب او تعمير
المهم مع السلامه..

ام روز 111

2014- 1- 20 04:43 PM

رد: رسوب رسوب رسوب رسوب رسوب

اختي تاكدي من درجاتك لايكون حاطين لك المشاركه 0

رآجيه الفردوس

2014- 1- 20 04:49 PM

رد: رسوب رسوب رسوب رسوب رسوب

اقتباس:

المشاركة الأصلية كتبت بواسطة مقام العز (المشاركة 10371104)

اي عندي الرغبه باني اكممل :|

سبشل ون

2014- 1- 20 04:50 PM

رد: رسوب رسوب رسوب رسوب رسوب

اقتباس:

المشاركة الأصلية كتبت بواسطة مقام العز (المشاركة 10371104)

انت اذا هذي صورتك غاسل يدي منك

رآجيه الفردوس

2014- 1- 20 04:50 PM

رد: رسوب رسوب رسوب رسوب رسوب

اقتباس:

المشاركة الأصلية كتبت بواسطة عنود 44 (المشاركة 10371109)

اختي تاكدي من درجاتك لايكون حاطين لك المشاركه 0

لالا كل مشاركاتي 30 :( بس ابي حل

كابتن200

2014- 1- 20 04:53 PM

رد: رسوب رسوب رسوب رسوب رسوب

اجل كبري الوسادة ونومي في بيت اهلس اذا كان اول ترم رسوب والمشاركة عندك 30 انا من وجهه نظري النوم سلطان

roro2013

2014- 1- 20 04:54 PM

رد: رسوب رسوب رسوب رسوب رسوب

رروحي لعلم آجتماع اذا تبين بس آحسن شي انجليزي وادارة اعمال:smile:

ام روز 111

2014- 1- 20 04:55 PM

رد: رسوب رسوب رسوب رسوب رسوب

شدي حيلك وش اقولك بس

ρяĕŝť¡ĝė

2014- 1- 20 04:56 PM

رد: رسوب رسوب رسوب رسوب رسوب

اقتباس:

المشاركة الأصلية كتبت بواسطة رآجيه الفردوس (المشاركة 10371068)

شوفي ياعمري لازم تخلصي سنه كامله عشان تقدري تحولي للقسم اللي تبينه

اسهل قسم هذا شي يرجع لك انتي شوفي اللي نفسك فيه وتحسيه سهل مررا

بالتوفيق ياقلبي :106:

هدوئي مزعجني

2014- 1- 20 05:04 PM

رد: رسوب رسوب رسوب رسوب رسوب

ماشاء الله عليكك راسبه في كل المواد وتضحكين اجل لو ناجحه ايش راح تسوووين تفهقيين:(107):
المهم اذا في راسكك دراسه كملي وحطي في راسك الشئ الزين والمعدل الكويس مو نجاح وسلام :sm4:
شدي حيلكك ولا احد يحطمكك وباذن الله الترم الجاي افضل الله يوفقكك:(204):

رآجيه الفردوس

2014- 1- 20 05:09 PM

رد: رسوب رسوب رسوب رسوب رسوب

اقتباس:

المشاركة الأصلية كتبت بواسطة كابتن200 (المشاركة 10371192)

اجل كبري الوسادة ونومي في بيت اهلس اذا كان اول ترم رسوب والمشاركة عندك 30 انا من وجهه نظري النوم سلطان

والله انا داخله بفلوسي شي يرجع لي اكبر الوساده ولالا

سبشل ون

2014- 1- 20 05:10 PM

رد: رسوب رسوب رسوب رسوب رسوب

اقتباس:

المشاركة الأصلية كتبت بواسطة رآجيه الفردوس (المشاركة 10371353)

والله انا داخله بفلوسي شي يرجع لي اكبر الوساده ولالا هههههههههههه

بفلوسي هههههههههههههههههههههههههههههه الجامعة صرت سوق نسائي

رآجيه الفردوس

2014- 1- 20 05:13 PM

رد: رسوب رسوب رسوب رسوب رسوب

اقتباس:

المشاركة الأصلية كتبت بواسطة سبشل ون (المشاركة 10371361)

بفلوسي هههههههههههههههههههههههههههههه الجامعة صرت سوق نسائي

الحين انا سادحه الموضوع ابي جواب مابي احد يتفلسف فوق راسي ومسوي لي فيها فاهمم وكبري الوساده وصغريهااا :|

بنت الداود

2014- 1- 20 05:21 PM

رد: رسوب رسوب رسوب رسوب رسوب

عيوني سوي طاف لردودهم استغفرك ي ربي اذا تعرف تعطي نصيحه رد اما تعلق و تستهبل لا ترد

اسمعي شدي حيلك و آنجحي و اذا بغيتي تكملين في آدارة الاعمال كملي آذا بغيتي تحولين حولي علم آجتماع و بآذن الله تتخرجين بآحسن المعدلات

لا يهمك كلامهم ثابري وواصلي و الفشل بداية النجاح

ميمي كساب

2014- 1- 20 05:23 PM

رد: رسوب رسوب رسوب رسوب رسوب

الله يسعد قلبك ياشيخه

شوفي غلاي مافي شيء صعب ولافي شيء سهل
في شيء اسمه طموح ورغبه
مادام انتي حابه تكملين
بتنجحين إن شاء الله وبدرجات حلوه كمان بإذن الله
المهم في الموضوع خليك مسنتره على المنتدى
من هلحين ابتدي حبه حبه
تقرين الواد كعموم وبعدين تقسمينها جزئيات
بالنسبه لاسهل شيء
الدراسات ماشاء الله حلو وسهل كثير
ولوجينا للتخصص الافضل
اداره وانجلش
انتي بس لان فيك شوية ربكه من الاختبارات
الله يوفقك حبيبتي وإن شاء الله وبإذن الله بتكملين بالإداره
وبدرجات حلوه كمان أهم شيء توثقين بنفسك
ومهما قالوا لك ارمي الكلام ورى ظهرك
كل اللي قالوا لك شيء مو زين طنشي
ولاكأن في احد تكلم
الله يوفقك حبيبتي إن شاء الله
اتوقع تعرفون ((قل خيرا أو اصمت))
إذا مابتساعدونها مافي داعي تردون حرام
لاتشمت باخيك فيشفيه الله ويبتليك.

رآجيه الفردوس

2014- 1- 20 05:25 PM

رد: رسوب رسوب رسوب رسوب رسوب

اقتباس:

المشاركة الأصلية كتبت بواسطة بنت الداود (المشاركة 10371470)

يسلمو فديتج ,, تمنياتي لج بالتوفيق والنجاح :)

أم الغالي

2014- 1- 20 05:26 PM

رد: رسوب رسوب رسوب رسوب رسوب

الله ييسر لك مافيه الخير ..ودي انصحك تكملين ادارة اعمال بس اذا ماعندك استطاعه حاولي تحولين علم اجتماع ..يارب يقدر كل خير

رآجيه الفردوس

2014- 1- 20 05:28 PM

رد: رسوب رسوب رسوب رسوب رسوب

اقتباس:

المشاركة الأصلية كتبت بواسطة ميمي كساب (المشاركة 10371495)

مشكوره ع الرد تمنياتي لج بالتوفيق والنجاح

رآجيه الفردوس

2014- 1- 20 05:29 PM

رد: رسوب رسوب رسوب رسوب رسوب

اقتباس:

المشاركة الأصلية كتبت بواسطة أم الغالي (المشاركة 10371516)

امين ياارب والجمييع

طموح..

2014- 1- 20 05:31 PM

رد: رسوب رسوب رسوب رسوب رسوب

السلام عليكم ورحمه الله وبركاته

حبيبتي نصيحه ضلي بقسمك
لانه مهما حولتي اكيد في صعوبات كل الجامعه
يعني مستوى اول واجهتنا مواد صعبه مثل الحاسب الصحه الانجليزي
احس مافي امل يروح الواحد الاختبار تخمين حتى لو كان اختياري
انتي حاولي تشدين حيلك
وصدقيني بتنجحين بإذن الله

سماء أرض

2014- 1- 20 05:34 PM

رد: رسوب رسوب رسوب رسوب رسوب

بصراحه شدي حيلك في اداره اعمال القسم كثير يمدحوه

لكن اذا مو حابه الفهم وتشوفي نفسك ماراح تمشي فيه

عندك تغيري لاي قسم الحفظ فيه اكثر.

وباذن الله تتوفقي

والترم هذا خذي مواد تكون موجوده بالاداب واداره اعمال
حتى ماترجعي تاخذي من جديد

ولا تضيعي عليك ترم

وبالتوفيق يارب

...بس أحبني...

2014- 1- 20 05:35 PM

رد: رسوب رسوب رسوب رسوب رسوب

الله يوفقك .. ويكتب لك الخير ..
حآولي تشوفين نفسك تحفظين او تفهمين أكثر ..
وبعدها توكلي على الله ولازم مع المذاكرة والمثابرة أكيد بتنجحين ..
كل شخص وله اخفاقات وقدرات
وبنفس الوقت قادر على تخطيها ان شاءالله ..

الباراتون

2014- 1- 20 05:36 PM

رد: رسوب رسوب رسوب رسوب رسوب

علم إجتماع
دراسات إسلامية
تاريخ

هذا مناسب لك ، سهل + مستقبل

الله يوفقك

د.بآهتهـ

2014- 1- 20 06:09 PM

رد: رسوب رسوب رسوب رسوب رسوب

ليس كل سقوط نهاية
ف سقوط المطر اجمل بداية

:)

تفائلي ، وشدي الهمة والعزيمة
وابدأي الترم القادم بإصرار ونجاح

حطي لك جدول مذاكرة وتابعي وناقشي وفالك النجاح

( ادارة اعمال ) ماعندي علم هل يُسمح بتغيير التخصص او لا !

لكن لتغير التخصص فيه شرووووط ومن ضمنها نسبة عالية :)

ارفعي نسبتك بالاول وربي يسهل امرك

طالبـه جامعيه

2014- 1- 20 06:15 PM

رد: رسوب رسوب رسوب رسوب رسوب

بتوفيق الك حبيبتي

روان انتساب

2014- 1- 20 06:15 PM

رد: رسوب رسوب رسوب رسوب رسوب

بنت ههههههه ضحكتيني يلعن ابليسك وأنا جاية أبي أواسيك :cheese:

عموماً الله يوفقك ومعوضة خير ان شاء الله وبالنسبة للقسم حسب ميولك

وصدقيني مافي شي مستحيل الله يوفقك

الطالب المملوح

2014- 1- 20 06:15 PM

رد: رسوب رسوب رسوب رسوب رسوب

ماعلى كلام الاخوات اللي فوق كلام

ما اقدر اقول الا الله يوفقك ,,

turkialqurashi

2014- 1- 20 07:00 PM

رد: رسوب رسوب رسوب رسوب رسوب

السلام عليكم يا أختي الكريمه .... اولا شوفي ميولك واختاري تخصصك عليه .... ثانيآ حاولي تعطي نفسك فرصه كافيه للمذاكره وصدقيني راح تاخذي أحسن الدرجات .... مثال بسيط اهتمي بالمذاكره زي ماتهتمي كيف تشحني جوالك واعتقد راح تكوني اخت مصطفى :(204): وانا أؤمن بذلك بإذن الله
وبالتوفيق ولا تخلي رسوبك يأثر عليكي ولاتنسي انه السهم قبل الانطلاق يرجع للوراء والعداء كذلك
وياما علماء بنتعلم نظريات لهم في علوم كثيره وهم في بداياتهم كانو مطنشين الدراسه (زي وضعنا)
بالمختصر لربما نراك في المستقبل عالمة للأمه والسبب رسوبك في هالمواد فلاتيأسي والى الامام
اسف اطلت الكلام ولكن السبب لأول تعليق لهذا الموضوع وبعض التعليقات السلبيه الاخرى
تحياتي

شرواك

2014- 1- 20 07:09 PM

رد: رسوب رسوب رسوب رسوب رسوب

بقولك شي من واقع تجارب سابقه لناس اعرفهم
يدخلون الجامعه ارضاء لاهلهم او انه يقول وش عندي اسولف مع الشباب واضيع وقتي ان مشيت والا عادي
وبعد سنه او سنتين يتركون الجامعه لانه بدون رغبه وطموح يدفعه للجد ويكون ضيع كم سنه من عمره

بالنسبه لوضعك الان
تاكدي ان ماحد بيقدر يقدم لك شي يفيدك مع كل التقدير والاحترام للاخوان اللي سبقوني
لان اللي داخلك ماحد يعرفه الا انتي ولا احد بيغيره غيرك انتي
ويكون بعلمك الجامعه مو دراسه عاديه وامورك تمشي الجامعه تحتاج جد واجتهاد وتضحيات في بعض الاحيان باشياء تعودنا عليها ومافي شي اسمه سهل وصعب كلها تحتاج حفظ ومذاكره
اللي بقوله لك باختصار
هل عندك الرغبه في الدراسه؟
هل فيه قسم معين او ماده معينه تحبينها؟
هل بتحسين بوقتك وجهدك وتتضايقين لو مانجحتي؟ لاني شايفك تضحكين وهذا عدم اهتمام
هل بتحسين بقيمة المبلغ اللي تدفعينه؟
اذا فهمتي هالاسئله بتقررين تواصلين او تنسحبين ..اما سالفة اسهل واصعب تاكدي مابتغير شي داخلك الا مزيد من الاهمال لان هالقسم سهل ومابهتم كثير فيه ..الجامعه جهد وتعب يوصل للطموح والحلم

اما سالفة f بكل المواد وتضحكين شي ماقدرت استوعبه

اتمنى تتقبلين كلامي وان كان قاسي لكن تاكدي انه لمصلحتك من وجهة نظري
واعتذر لو اعتبرتيه قاسي وغير مقبول مني

ربي ييسر لك امورك ويكتب لك الخير
وان لا يضيع لك جهد وتعب
دمتي بحفظ الله وتوفيقه

دمعة حلم

2014- 1- 20 07:18 PM

رد: رسوب رسوب رسوب رسوب رسوب

يارباه مره وحده كلها

الله يوفقكك ي\بالجاي يارب

Hnoo1990

2014- 1- 20 07:55 PM

رد: رسوب رسوب رسوب رسوب رسوب

لا تكونون قاسين

ما تدرون وش ضروف البنت !!
البيوت اسرار وكلن له ضروفه

حاولي تشدين حيلك الترم الجاي ونجحين بكل المواد
بعدها اطلبي تغيير قسم
وان شاء الله تضبط معاك ❤❤

3hoodtk

2014- 1- 20 08:23 PM

رد: رسوب رسوب رسوب رسوب رسوب

اصعب تخصص الي انتي قيه ويحتاج رياضيات كثير نصيحه لاتكملين فيه لان كل الي اعرفهم فيه مو قاعدين يتقدمون ابد
علم اجتماع جميل والانجلش
لا تكملين بشي صعب
خذي الي تحسين بتكملين قيه وبتجيبين معدل زين

الدكتور بزنس

2014- 1- 20 08:28 PM

رد: رسوب رسوب رسوب رسوب رسوب

أولا احيي فيك روح الاصرار والهدوء والرقي في النظر الى ماهو الافضل

ثانيا انتي لا تستطيعين تغيير التخصص الان وسيكون الامر بالنسبة لك غير مجدي
الا اذا كان في داخلك لا يهوى مواد الادارة بشكل كامل اما اذا كنتي تحبين هذا التخصص انصحك بالبقاء والتمسك

كل ماعليك هو تفعيل روح المشاركة في داخلك الامر سهل وبسيط
من وجهة نظري الشخصية بأنك غير متفاعله مع الدراسة بشكل كبير

انا انصحك من المستوى القادم تسجلي كل المواد وتكون بدايتك تفاعليه مع الاخرين
مثلا عمل كويزات واختبارات للأعضاء تقومين انتي بكتابتها واختيار الاسئلة
مثلا الشرح للطلبة المستجدين عمل ملخصات خاصة وباسمك

فقط انتي محتاجة للتفرغ التام وروح المشاركة خلال الاسابيع المقبلة وستكون النتيجة ايجابية
لأن هذا بمثابة مستقبل لك عليك فقط بالنظرة الأوسع وهي ماذا ينتظرك اذا قدمتي لنفسك ماتحبين
سواء في هذا التخصص او اي تخصص اخر
اتمنى منك تطبيق التالي في المستوى المقبل
1- محاولة التفرغ للدراسة
2- الدخول للمنتدى بشكل كبير وجعله هو التسلية الاكثر لديك
3- عمل ملخصات بجهد شخصي
4- عمل كويزات اختبارات بجهد شخصي
5- عمل شروحات توضيحية لبعض المحاضرات بجهد شخصي

بإذن الله ستجدين نفسك تأقلمتي على طريقة الدراسة وفهم مايركز عليه الدكتور في المستويات القادمة

كل التحية والتقدير

سارة ع

2014- 1- 20 08:32 PM

رد: رسوب رسوب رسوب رسوب رسوب

شوفي ماعليك من كلام الي يحطمون وكبري الوساده ومادري ايش انتي اكيد مادخلتي الا حاطه ببالك الدراسه لكن خلاص قدر الله وماشاء فعل ذا المستوا راح لاتفكرين فيه بالعكس خليه يعطيك دافع وحماس انك تتقدمين شدي حيلك المستوا الجاي مافيه شي صعب ولا تحولين ولا شي صدقيني حتى لو حولتي وانتي ماعندك رغبه لو انك داخله دراسات حملتي مواد لكن خلي ذا المستوا يعطيك دافع ايجابي واثبتي لنفسك انك تقدرين تعدين وتنجحين المستوا الجاي واتمنى كلامي يكون لطيف عليك وعقبال نجاحك بكل المواد المستويات الجايه يارب

Dr.Lavender

2014- 1- 20 08:43 PM

رد: رسوب رسوب رسوب رسوب رسوب

الله المستعان . . .

امممم عندي اقتراح لكن ماادري اذا بيضبط معاك او لا

الحين لا تفكرين في المستوى الاول

سجلي مواد المستوى الثاني كلها

واذا نجحتي فيها وزعي مواد المستوى الاول على مستووين

يعني المستوى الثالث خذي ثلاث مواد

والمستوى اللي مافيه تعارض مع مواد يعني تشوفينه مناسب

خذي معاه ثلاث مواد ثانيه ووو الخ

وان شاء الله تعدين منها بتفوق

وبالنسبه لتغيير التخصص انتي شوفي اكثر تخصص رغبتك فيه

تابعي المواضيع في كل قسم وشوفي اكثر قسم يناسبك

ان شاء الله افدتك . .

Dr.Lavender

2014- 1- 20 08:59 PM

رد: رسوب رسوب رسوب رسوب رسوب

اختي الغاليه :

تأكدي بأن رسوبك هذا هو بداية تفوقك ونجاحك وراح تتذكرين كلامي ان شاء الله

ماعليك من الردود المحبطه وتغيير التخصص او الانسحاب ووو الخ

جربي الطريقه اللي عطيتك وراح تدعين لي بأذن الله :icon19:

الحين فكري في المستوى الثاني فقط

واعتبرك ناجحه من الحين :smile:

والله يوفقك يارب ويكتب لك الخير

:icon19:

المعالي غالية

2014- 1- 20 09:10 PM

رد: رسوب رسوب رسوب رسوب رسوب

قاعده ردديها وشوفي قلبك قسم ينتعش
(( بداية الفشل نجاح)) ردديها رثقه ﻻن راح تعرفين نفسك اذا مصره بتكافحين وتبقين في تخصصك اذا انت عزيمتك فوق فوق ﻻ تنسين اعزمينا هههه
واذا مافيك حيل وعزيمتك متجهه توجه ثاني اشوف من لقبك جعللك الفردوس ومن تحبين ومن رد عليك وسع صدرك تحولين دراسات اسﻻميه

المعالي غالية

2014- 1- 20 09:12 PM

رد: رسوب رسوب رسوب رسوب رسوب

واذا قررتي تحولين اذا اﻷيقونه مفتوحه لحقي وحولي يحولونك اذكر فيه مثلك ما انتظرو ترمين جربو وقبلو طلبهم
وخذي مواد مشتركه على اساس ماتخسرين

الله المستعان

2014- 1- 20 09:27 PM

رد: رسوب رسوب رسوب رسوب رسوب

اقتباس:

المشاركة الأصلية كتبت بواسطة رآجيه الفردوس (المشاركة 10371068)

لابد تخلصي سمسترين لكي تغيري التخصص

نصيحة :
السمستر الجاي ركزي على اسئلة الاعوام السابقة شكلش ما تتابعين في المنتدى ؟!
المهم ركزي على الملخصات والاسئلة والاعضاء هنا مو مقصرين
وراح تنجحي ب جيد جدا

~ شمآلي ~

2014- 1- 20 09:34 PM

رد: رسوب رسوب رسوب رسوب رسوب

الله يوفقك ويسهر دربك ..

ماعندي شي اقوله .. اكتفي بردود الاخوان والاخوات الايجابية :)

W A R D

2014- 1- 20 09:36 PM

رد: رسوب رسوب رسوب رسوب رسوب

كممملي لا تفكرين تتركينها
الله يعوضك بالنجاح الترم الجاي بإذن الله
بس شدي حيلك و توكلي على الله

maljahmi

2014- 1- 20 10:00 PM

رد: رسوب رسوب رسوب رسوب رسوب

شدي حيلك في الترم القادم

والله يوفقك

i7DAYS

2014- 1- 20 10:48 PM

رد: رسوب رسوب رسوب رسوب رسوب

ي حياتي رسويك مايعني فشلك
الحياة دروس وتجارب
واذا ما ضبط معك الترم هذا يضبط معك بإذن الله الترم الجاي
وبصراحه إدارة اعمال تخصص صعب مره < مع اني احب افهم اكثر من اني احفظ
بس طموحي تخصص انقلش < قلبت اتكلم عن نفسي :$
قبل ما تغيرين التخصص للاسف ﻻزم تجتازين المواد اللي اخفقتي فيها < قرار ابد مو حلو :(

الله يوفقك ويوفقنا في مسيرتنا الجامعية

Nura*

2014- 1- 20 11:15 PM

رد: رسوب رسوب رسوب رسوب رسوب

ياويلي عنوان الموضوع يجيب الاحباط :sm1::Looking_anim:

طيب انتي ذاكرتي كويس ؟ :icon9:

والله يا اختي العزيزه ودي انصحك نصيحه مافي شي يجي بالسهولة لازم تذاكرين كويس
اذا لك رغبة في اكمال دراستك طبعاً

بالنسبة للادارة ماتقدرين تحولين للاقسام الثانيه الا اذا خلصتي 24 ساعه دراسية !

شدي حيلك نصيحة

الكينق

2014- 1- 20 11:26 PM

رد: رسوب رسوب رسوب رسوب رسوب

ودي اقولك كلام كثير بس ابختصره لك في كلمتين

حدودي الهدف ايش هو الهدف ع أساسه انتي تكونين:119:

im Diamond

2014- 1- 20 11:28 PM

رد: رسوب رسوب رسوب رسوب رسوب

ههههههههههههههه ياقلبي انتي عجبتني الصوره تبعك ونشلتها بعد

شوفي ياعسل انا لي معانه في مستوى اول حملت الرياضيات فيه واخذتها وحملتها الين حسيت الجامعه مستقعدين لي

بس الحمدلله هالسمستر عديتها بنسبه 87

فعرفت ان الموضوع مني مو منهم معليش عيدي السمستر واذا انتي ماتقدرين ع مواد الفهم روحي للاجتماع

كل المواد حفظ بس دبلت كبد حلو التنويع بين المواد العلميه والنظريه

فكري بل موضوع وكملي وتشوفين ان الامور تسهل عليك شوي شوي

ابوفـهد

2014- 1- 20 11:47 PM

رد: رسوب رسوب رسوب رسوب رسوب

نصيحه اختاري تخصص علم اجتماع
لانه سهل للغايه

محمد عبدالله_

2014- 1- 21 12:03 AM

رد: رسوب رسوب رسوب رسوب رسوب

بالعكس ادارة الاعمال تخصص روعه بس يبيله تركيز اشوي

تجنبي النقد الجارح وغير الفعال من قبل الاعضاء فأستمرار النقد لكي والنقد الجارح الذي لا يراعى فيه بالذات قدرات الشخصه وأمكانياته سوف يؤدي بالنهاية الى نتيجه سلبيه والى فقدان الرغبه في الدراسه إضافه إلى التشتت والقلق والخوف من الفشل انا اقووول لكي استمري الله يعوضك .

عندي لكم نظريه رهيبه

لا دراسة = رسوب

دراسة = لا رسوب

ام تاليا

2014- 1- 21 12:07 AM

رد: رسوب رسوب رسوب رسوب رسوب

التحويل لازم تكوني مخلصة اظن سنتين قبل تحولي يعني تكملي ع التخصص افضل لنك راح تضيع وقت و جهد ومال ..

بالبداية انتي واضح ان عندك اخطاء بالدراسة ..

حاولي تدرسي اول بأول افضل من تراكم المواد وتجي تحوسي بالنهاية تبي تخلصي ..

ونصيحة تابعي مع دكتور المادة محاضراته وامسكي المحتوى وابدأي سجلي ملاحظاتك وكمان لاتعتمدي ع حلوول الطلاب و الطالبات في اسئلة النهائي كثير يعتمدون عليها و ضاعوا بالنهاية كلها اجتهادات طلاب تحتمل الصح وتحتمل الخطأ ..

وآخر شي الله يوفقك المستويات الجاية ونشوفك من المتفوقات ودام عندك عزيمة انا متأكدة انك قدها وراح تتغلبي ع ذي العثرة الصغيرة

kh@led

2014- 1- 21 12:08 AM

رد: رسوب رسوب رسوب رسوب رسوب

اقتباس:

ماشاء الله عليكك راسبه في كل المواد وتضحكين اجل لو ناجحه ايش راح تسوووين تفهقيينhttp://www.ckfu.org/vb/images/shrqwea/%28107%29.gif

ههههههههههههههههههه

AZIZ999

2014- 1- 21 12:12 AM

رد: رسوب رسوب رسوب رسوب رسوب

انا سبق وحملت مواد المستوى الرابع بس بسبب ظروف

والحمدلله كلمت صحيح معدلي نازل بسجالس احاول ارفعه

ومافي شي صعب

نوره السبيعي 00

2014- 1- 21 12:29 AM

رد: رسوب رسوب رسوب رسوب رسوب

اذا بالبدايه انتي كذا بتحطمين نفسك واذا بتسالين راي احد اكيد بيقولون لك اجلسي ابيتك ابرك لان كل شيء يبي له جد واجتهد يختي وشدي حيلك والله يوفقك ومن ناحيه التخصص السهل كل واحد ورغبته بتخصص

ســــلآف

2014- 1- 21 05:14 AM

رد: رسوب رسوب رسوب رسوب رسوب

الله لا يبلانااااااااااااااااااااااااا
والله مدري وش اكتب لك

فنوُ *

2014- 1- 21 07:32 AM

رد: رسوب رسوب رسوب رسوب رسوب

كملي وكملي ادارة أعمال وذاكري أول بأول وبتنجحين بمعدل غالي سجلي المواد إلي حملتيها أول إذا الملازم عندك تمام ذاكري منها ولخصي وتابعي المحاضرات كل السبوع مادة ونظمي وقتك وفالك النجاح أهم شيء كملي ماقدرتي حولي أهم شيء لا تنسحبين أبد أنا أول مأشجلت جامعه انتظام كذا رسوب جماعي وهذا أنا مستوى سابع لأحد يحطمك ولا أحد يهمك الشهادة ترفعك ~
موفقه وأسأل الله ان يوفقك بجمبع أمورك ويسهل عليك

New Vision

2014- 1- 21 09:27 AM

رد: رسوب رسوب رسوب رسوب رسوب

أولاً لا تهمك الناس الي تحبطك ... كلنا مرينا بتجارب فاشلة ولكن بالإرادة والإصرار تغلبنا عليها

النقطة الثانية والمهمة (مافيه شيء يجي بالساهل)

كل شيء يحتاج مجهود وعمل وإتقان ورغبة وتحدي

مستحيل تأخذ بدون ما تعطي!

مافيه تخصص سهل وتخصص صعب!

فيه تخصص أنتي تحبينه وتحسين إنك بتبدعين فيه أكثر من غيره

حاولي تعيدين ترتيب أوراقك وتتلافين الأخطاء السابقة وتذاكرين أول بأول وتعطين الدراسة حقها...

شيء أكيد بتلقين نتيجة تسعدك

موفقة:119:

http://www.traidnt.net/vb/attachment...5271074t-6.gif

سعود العالمـي

2014- 1- 21 09:37 AM

رد: رسوب رسوب رسوب رسوب رسوب

من وجهة نظري اولاً ابتعدي عن المتذمرين اللي ردو عليك والمحبطين

ثانيا : إذا كنتِ تميلين للفهم أكملي قسمك وإذا كنتِ تميلين إلى الحفظ أنصحك في علم الأجتماع أو تاريخ أو

لغة عربية والأنسب أشوفه علم الأجتماع

تحياتي واشواقي

جنون بالهون

2014- 1- 21 10:05 AM

رد: رسوب رسوب رسوب رسوب رسوب

:000:بصرااااحه قوووووويه

رسوب في كل المواد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عسى ماشر اختي ؟؟؟

احتمال تكون عندك ظروف وماقدرتي تذاكري

عموما" حاولي السمستر الجاي تجدي وتجتهدي ووتابعي المحاضرات اول بأول وتذاكري كويس
وفالك النجاح والتفوق إن شاء الله

moghtrb

2014- 1- 21 10:50 AM

رد: رسوب رسوب رسوب رسوب رسوب

مدري ليه فيه ناس ردودها تحطيم

يابنت الناس ادرسي واتعبي على نفسك شوووي تراها جامعه مو قهوه وربي مافيه احد بهالمنتدى افضل من احد الا بتقوى الله عز وجل

يمديك ترفعين معدلك وتوصليه فوووووق وامتياز لاتتحطمي من اول ترم لأنه جديد عليك وبالايام الجايه راح تتعلمي وتتقدمي بس شدي حيلك وقبلها توكلي على الله

مجننهم بغمزاته

2014- 1- 26 08:59 AM

رد: رسوب رسوب رسوب رسوب رسوب

السلام عليكم
ان شاء الله معوضه خير وانا اخوك
ونصيحه اتمنى تفهمينها
ترا مافيه شي سهل وشي صعب
فيه شي انتي تحبينه او تتقبلينه وبيطلع سهل عليك
وفيه شي ماتفهمينه ولا تحبينه ولا تشوفين نفسك فيه اكيد بيكون صعب
وغير كذا لو قسم سهل وااسئله سهله وماتذاكرين اكيد بيكون صعب عليك
حاولي تشدين حيلك شويتين بس وشوفي القسم اللي ترتاحين فيه

-

وبخصوص التحويل أتوقع لازم 24 ساعه

كوثر عسيري

2014- 1- 26 09:35 AM

رد: رسوب رسوب رسوب رسوب رسوب

ههههههههاااااااااي هههههههههههههاااااااااااي هههههههههههههااااااااااي وربي لا لا مو معقول كل المواد وربي لو انا صديقتك كان هجيت منك الاهمال مسااااوي فعايل فيك الله المستعان:(177): يا اختي انا في النهايه مو عارفه ظروفك وشي لكن لو اهمال بجد مشكله:41jg:*

All times are GMT +3. الوقت الآن حسب توقيت السعودية: 02:38 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه