ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   استفسار عن التظلم على خصم بعض درجات الاعمال الفصلية (https://vb.ckfu.org/showthread.php?t=547173)

OF SAIDE 2014- 1- 20 10:09 AM
استفسار عن التظلم على خصم بعض درجات الاعمال الفصلية
 
السلام عليكم ورحمة الله وبركاته

عندي باحد المواد ناقصه 3 درجات من الاعمال الفصلية ولو اضيفت كان فرقت بالمعدل والتقدير السؤال واتمنى الاجابة تكون عن معرفة ( هل لو رفعت تظلم من الايقونة ورفضو التظلم بحجة انه غير صحيح يتم خصم اي شي من درجاتي او تلحقني اي مسؤلية مع العلم باني متأكد من ان تظلمي صحيح )

مع الشكر للجميع والتمنيات بالتوفيق والنجاح

جبرني الشوق 2014- 1- 20 10:11 AM
رد: استفسار عن التظلم على خصم بعض درجات الاعمال الفصلية
 
من حقك


بس وانا اخوك 3 درجات ماتعدل في المعدل اي شي حسب مااسمع



بس اذ انت متاكد انك تستاهل 30 فيها ومشارك ومحمل كل شي ارفع ماخسرت شي

Sitah.Alotaibi 2014- 1- 20 10:18 AM
رد: استفسار عن التظلم على خصم بعض درجات الاعمال الفصلية
 
ليه الخوف طالب بحقك وانت مرفوع الراس وش يلحقني مسئوليه وخصم درجات ... ﻻ تجعل للخوف ان يعشعش في مخك طالب بحقك وبرر واسأل واعط اقترح كل شئ فيه استرداد لحق ورد ظلم شئ مطالب به الجميع .....انا رافعه تظلم على درجاتي في احدى المواد ونشوف الرد من الجامعه

OF SAIDE 2014- 1- 20 10:40 AM
رد: استفسار عن التظلم على خصم بعض درجات الاعمال الفصلية
 
الله يعطيك العافيه ياخوي ( جبرني الوقت ) والله يسهل كل امورك يارب

والله يعطيك العافيه ياختي ( سرنديب ) والله يسهل كل امورك وان شاء الله تعدل درجاتك ويضيفون لك اللي ناقص منهم الله يوفقك والمسأله مو خوف كثر ماهو حرص على عدم الاقدام على خطوة تحسب ضد الطالب او الطالبه في ضل عدم وضوح بعض اجراءات انظمة الجامعة

وشكرا

7amood 2014- 1- 20 11:07 AM
رد: استفسار عن التظلم على خصم بعض درجات الاعمال الفصلية
 
قدم تظلم بتاخذ حقك ماراح ينقص شي من درجاتك

OF SAIDE 2014- 1- 20 12:58 PM
رد: استفسار عن التظلم على خصم بعض درجات الاعمال الفصلية
 
الله يعطيك العافيه اخوي حمود

تم رفع تظلم على نقص الدرجات وان شاء الله يارب تتعدل

وياليت الاخوان والاخوات اللي رفعو تظلم على نقص بعض الدرجات وليس الصفر وتم التعديل لهم يفيدونا لانه حتى الان ماتعدل شي

وبالتوفيق للجميع

Lavender flower 2014- 1- 20 01:04 PM
رد: استفسار عن التظلم على خصم بعض درجات الاعمال الفصلية
 
عادي قدم تظلم
بس ماراح تستفيد شي
العام نقصوني ٣ درجات والسبب على قولتهم ان ماحملت المحاضرات المسجله
لو ماحملتها بيدي وبنفسي ولو انها مو قدامي ع الكمبيوتر بقول الحق معهم
بس عيني عينك ظلم ليش
وهالترم درجه في احدى المواد تظلمت وعارفه ومتأكده اني ماراح انصف
ادري في احد بيقول درجه ماتسوى شوف لو انها من درجات الاختبار كان قلت عادي لان عندي احتمال حليت صح واحتمال غلط
بس من درجات المشاركه متأكده مليون بالميه منها واسجل اول باول ولو التحميل هنق عندي ارجع احمل من جديد باكثر من طريقه
اذا الغلط هنا على مين ؟!!!!!
بس الحمدلله عندنا رب كريم يأخذ ابسط حقوقنا من هالخلق حتى لو انه حق دنيوي

راشد الحديبي 2014- 1- 20 01:09 PM
رد: استفسار عن التظلم على خصم بعض درجات الاعمال الفصلية
 
السلام عليكم

انا نقص عندي مجموع 16 درجة في درجات المشاركة في جميع المواد وبعض المواد نقص عندي 4 درجات ورفعت تظلم وان شاء الله يتم التعديل لاني متأكد من جميع المشاركات

OF SAIDE 2014- 1- 20 01:14 PM
رد: استفسار عن التظلم على خصم بعض درجات الاعمال الفصلية
 
الله يعطيك العافيه ياختي ( Lavender flower ) تم رفع تظلم وان شاء الله يكون هناك انصاف وتعديل لان هذا حق من حقوقنا ومتأكدين منه عسى الله يوفقك ويسهل كل امورك



وعليكم السلام اخوي ( راشد الحديبي ) نقول ان شاء الله انه يؤخذ بالتظلم وتتعدل الدرجات بما اننا متأكدين من جميع الاجراءات وبالتوفيق يارب

شكرا للجميع

иαšeя αłωαđαич 2014- 1- 20 01:14 PM
رد: استفسار عن التظلم على خصم بعض درجات الاعمال الفصلية
 
انا نقصت عندي 13 درجة من جميع درجات المشاركة مع اني متأكد من القيام بكل متطلبات تلك المواد بنفسي

لكن ما نقول الا حسبنا الله ونعم الوكيل على نظامهم الفاشل في طريقة رصد الدرجات

على كل حال رفعت تظلم واتمنى يتم تعديل الدرجات




.

خالد بن وليد 2014- 1- 20 01:22 PM
رد: استفسار عن التظلم على خصم بعض درجات الاعمال الفصلية
 
العام عطوني بمادة 29 وانا متأكد من كل شي كان عندهم واجب فيه مشكله هو السبب
رفعت تظلم ردو علي انه لا يوجد اي تظلم لك وهذي درجاتك .

وما خسرت شي مع اني وضحت ان المشكلة من عندهم ومصور لهم المشكلة انه فيه خلل بس ما انصفوني .

ضمير مستعار 2014- 1- 21 02:29 AM
رد: استفسار عن التظلم على خصم بعض درجات الاعمال الفصلية
 
وانا بعد رفعت تظلم لاني ناقصه درجات ببعض المواد وانا متاكده اني حالتها ,,,,, ومازلت انتظر الرد

ابو ديما @ 2014- 1- 21 02:40 AM
رد: استفسار عن التظلم على خصم بعض درجات الاعمال الفصلية
 
الله يعين والله قهر مجموع الدرجات 8 الي ناقصتني من المشاركه
و8 درجات ترفع معدلي الى 4 تم رفع تضلم والله يعين

صهيل الاصيلة 2014- 1- 21 02:51 AM
رد: استفسار عن التظلم على خصم بعض درجات الاعمال الفصلية
 
لا والله فيه ظلم انا احل جميع الواجبات واحضر جميع المحاضرات واحل النقاشات
يعطوني 29 طيب ليش ماادري مزاجيات

OF SAIDE 2014- 1- 21 12:12 PM
رد: استفسار عن التظلم على خصم بعض درجات الاعمال الفصلية
 
بالفعل شي يحز بالخاطر الجميع متأكد من اكمال جميع المهام المطلوبة بشكل كامل وصحيح ومع ذلك يوجد نقص وتفاوت بدرجات الاعمال الفصلية تؤثر على النتيجة والمعدل

مع العلم بانه تم رفع تظلم عن طريق النظام من صباح الامس وحتى الان لا جديد لم يتم الرد وتعديل اي شي

نتمنى ان يتم انصافنا واعطائنا حقوقنا كاملة فقط

وبالتوفيق للجميع

super-ELF 2014- 1- 21 12:32 PM
رد: استفسار عن التظلم على خصم بعض درجات الاعمال الفصلية
 
هم انا نقصني عشر درجات من اربع مواد معني متأكدة اني حليتهم ، واللي يقولون انها ما تأثر على المعدل غلطانين لان بس بسبب غلطهم نزل معدلي .. ورفعت تظلم والظاهر ماراح يعدلونها .. لكن حسبي الله ونعم الوكيل ،وربي جامعة فاشلة ونظام فاااشل

نوف بنت سعود 2014- 1- 21 12:37 PM
رد: استفسار عن التظلم على خصم بعض درجات الاعمال الفصلية
 
وانا مثلكم موحدين لي درجات المشاركة على 27 في جميع المواد يعني من كل مادة ناقصة 3 درجات مع اني متاكدة من كل شئ ورفعت تظلم بس كيف اتاكد من قبولهم للتظلم او الرفض

balqeesgh 2014- 1- 21 12:37 PM
رد: استفسار عن التظلم على خصم بعض درجات الاعمال الفصلية
 
انا بعد ناقصني درجات ورفعت وحتى الآن لم يتم التعديل ويا اخوي اللي تقول ماتأثر في المعدل اي درجه ممكن ترفع مادة من اي ل اي بلس تأثر في المعدل الشغله مو بس كذا احنا نفتح ونحل ونحمل الظلم ظلمات لكن ربي حسيبهم

balqeesgh 2014- 1- 21 12:38 PM
رد: استفسار عن التظلم على خصم بعض درجات الاعمال الفصلية
 
نقصوني ١٠ من ٣ مواد تفرق بكثير لكن الله مايضيع حق احد

صالح الوعله 2014- 1- 21 01:42 PM
رد: استفسار عن التظلم على خصم بعض درجات الاعمال الفصلية
 
انا ناقص ٢٣ درجه من درجات المشاركه في مادة الاقتصاد الكلي وانا حال الواجبات ومؤدي المناقشات ومحمل المحاضرات الاختبار جايب فيه ٤٢ وحملت الماده ظلم ورفعت تظلم والى الحين ماوصلني شي

صالح الوعله 2014- 1- 21 01:44 PM
رد: استفسار عن التظلم على خصم بعض درجات الاعمال الفصلية
 
اذا عدلوا لي ولا الله يعين بطلع الجامعه في الاحساء وبأضرب عن الطعام واخليها قضية رأي عام والله ظلم اهم شي اذا احد عدلوا له يقول لنا بالله

شوقي لك جنون 2014- 1- 21 02:29 PM
رد: استفسار عن التظلم على خصم بعض درجات الاعمال الفصلية
 
:(

قهر

يوم طلعت النتيجة فرحت وطنقرت بنفس الوقت

ماعندي ولا مادة درجتها كاملة فالاعمال الفصلية

وانا متأكدة اني سويت كل شيء من واجبات ومناقشات ومحاضرات

وسويت تظلم للحين ماصار شيء

:Cry111::Cry111:

لاإله إلا الله7 2014- 1- 21 03:28 PM
رد: استفسار عن التظلم على خصم بعض درجات الاعمال الفصلية
 
اقتباس:
المشاركة الأصلية كتبت بواسطة شوقي لك جنون (المشاركة 10378522)
:(

قهر

يوم طلعت النتيجة فرحت وطنقرت بنفس الوقت

ماعندي ولا مادة درجتها كاملة فالاعمال الفصلية

وانا متأكدة اني سويت كل شيء من واجبات ومناقشات ومحاضرات

وسويت تظلم للحين ماصار شيء

:Cry111::Cry111:
انا مثلك والله قهر ولحد الحين مافي تجاوب
حسبي الله ونعم الوكيل:mad:


All times are GMT +3. الوقت الآن حسب توقيت السعودية: 05:42 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه