|
طلاب وطالبات كلية ادارة الاعمال .. هنا تعاون لتغيير جدول الاختبارات
2 مرفق
طلاب وطالبات كلية ادارة الاعمال
السلام عليكم ورحمة الله وبركاته وأسعد الله ايامكم بكل خير وسرور أولا : أتمنى لي ولكم التوفيق والنجاح ثانيا : لاحظنا سوء تنظيم جدول الاختبارات في الفترة الأخير خاصة عند اكتمال الخطة وظهور مقررات المستوى السابع والثامن فأصبح الجدول يسبب ضغط كبير لنا ناهيك عن الحاجة الكبيرة في ثبات المعدل في المستويات الاخيرة ولابد ان يكون هناك وقت كافي بين المقررات حتى نتهيأ للمقرر التالي واستعادة الذاكرة واستقبال المعلومات كما لاحظنا أيضاً الاختبارات التعجيزية بعض الشيء في بعض المقررات خاصة السهلة منها فلابد ان نتعاون هنا جميعا لمخاطبة العمادة بإعادة النظر في الجدول وأرفقت لكم خطاب موجه لعميد التعلم الالكتروني والتعليم عن بعد مع الجدول المقترح وأتمنى الاطلاع عليه وتعديله بما ترون وانا انتظر اقتراحاتكم |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
و عليكم السلام والتحية والاكرام أخي العزيز أبو يزن
أوافقك جُميلة و تفصيلا فيما تفضلت. أين الخطاب الذي وضعته؟ لا أرى أي مُرفق رعاك الله و حفظك و وفقك أنت والاخوة لكل خير طموح لا ينكسر |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
وعليكم السلام ورحمه الله وبركاته
بالتوفيق يارب لكم يا مستوى سابع وثامن تمنيت انا أساعدكم واقدم لكم الإرسال الى العميد ولكن الجدول كويس لنا مستوى رابع وخامس واذا تغير أنتم أكيد راح يتغير لنا ولكن أتمنى اذا ارسلت الخطاب ان تكتب ملاحظه وهي مهمه من اجلنا ما يتغير في باقي المستويات عشان الباقي ما يتضرر وبالتوفيق لكم يارب |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
يعطيك العافية..
هذا اللي كنا مخططين عليه.. وفرت علينا..الله يجزاك خير.. بانتظار الخطاب.. + تنبيه .. |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
جزاك الله خير يا أبا يزن
أنا أنظم معكم بالمطالبه جدول مستوي سابع جدا سيء |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
وعليكم السلام ورحمة الله وبركاته
وين الجدول المقترح ياابو يزن |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
1 مرفق
اعتذر منكم الجدول ارفقته في الأعلى
والخطاب هنا أتمنى التعديل من المشرفين لأني شابك من ايباد وحوسة |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
يعطيك العافيه ابويزن
معاكم باذن الله |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
انضم صويتنا معك ياخوي ياابويزن يعطيك العافية على هذا الموضوع ألي جدا مهم لمستويات6*7*8 جدول يبليه فرمته وعملية تصحيح لمافيه مصلحة للجميع |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
وانا معاكم
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
والله خوفي يحوسونه زود
بس عموما لو تلخصون الموضوع بشكل جدول عشان يسهل على المسؤول إستيعاب المشكلة بشكل أكبر وأتمنى مايكون فيه تعارض لأني بإذن الله تعالى حسب الجدول الحالي بكون آخر مستوى والمواد اللي عندي هي :- من مستوى 8 موضوعات خاصة بالإدارة + أخلاقيات الأعمال + إدارة المشاريع من مستوى 7 إدارة الأعمال الصغيرة + نظرية المنظمات من مستوى 6 مبادىء التوريد وناوي أخلصهم المستوى هذا طالما مافيه تعارض بإذن الله أتمنى للجميع التوفيق وان حصل تغيير بالجدول وصار فيه تعارض مع مصلحتي لعيونكم بتأخر بالتخرج أهم شي راحة الأغلبية |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
نتمنى التغيير بالجدول بصراحة اختبارين ورى بعض جدا فيها صعوبة وان شاء الله التعديل مايكون فيه ضرر على المستويات الثانية.
شكرا لك ابو يزن على هالمبادرة منك تحياتي لك |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
ياليت يتغير وتكون الاداره العامه ثالث يوم الموافق الخميس علما بان اكثر الطلاب راح ياخذ رياضيات 2 اوختباره اول يوم الموافق الثلاثاء
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اخوي ابو يزن انا معاك في موضوع تغيير الجدول الخنفشاري اللي هم حاطينه
بس ابي ألفت انتباهك لشي يمكن تسوون جدول ثاني فيه مواد الفاصل بينهم هو يوم الجمعة !! يعني لو بداية الاختبارات تغيرت بيرجعون يتلاصقون يعني مثلا المستوى الرابع فيه ادارة مالية 2 وبعدها على طول ادارة تسويق الفرق بينهم يوم الجمعة على اعتبار ان بداية الاختبارات هو الثلاثاء لكن تعال لو قدمو الاختبار زي ما صار هالفصل وصار بداية الاختبار سبت او احد ؟؟؟ بتصير الادارة المالية وثاني يوم بالظبط تختبر ادارة التسويق!!! وقيس عليها المستويات الثانية وهذا صار شي متوقع بعد اللي سووه هالفصل فالأفضل اننا نركز على ان الفواصل بين الاختبارات تكون فواصل من ايام الامتحانات نفسها مو اجازة الجمعة يعني اليوم الاول عندنا اختبار اليوم الثاني(من الاختبارات) ما عندنا اليوم الثالث عندنا اليوم الرابع فاصل الجمعة مو محسوب من الفواصل لان الأيام ممكن تتغير ويصير الرابع لاصق في الثالث كأننا ما سوينا شي !! أتمنى توافقوني الرأي لان المشكلة هذي اصلا هي اللي مخوفتني من الجدول ومخليتني مو عارفة اش المواد اللي اسجلها والمواد اللي ما اسجلها؟:bawling: |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
ماااتوقع
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
..
ماشاء الله الجدول حلو بالنسبه لمستوئ 8 بس للاسف اذا تم كذا راح اضطر اني ازيد ترم على مادتين لانه راح يكون في تعارض عندي مادة الدوليه بما اني تغيبت فيها حملتها وراح تتعارض مع الموضوعات الخاصه والتحليل الاحصائي مع القانون التجاري ، انا ودي الجدول حقهم يتغير عشان التحليل الاحصائي مع القانون بس الظاهر راح يكون ضغط 8 مواد وبزيد ترم وع الراحه وبنفس الوقت ودي اخلص :139: ع العموم يعطيك العافيه اخوي ابو يزن :16: |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
وعليكم السلام ورحمة الله وبركاته ..
عندي ملاحظه بسيطة اتمنى تعديلها .. وهي مقرر نظم معلومات ووضعها في يوم الاحد بدلاً من الاثنين .. اتمنى اخذ ملاحظتي ف يالاعتبار اخي الكريم .. وجزاك الله كل خير |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
معاكم باذن الله
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
السؤال هل غيروا الجدول الترم الثاني
عن جدول الترم الاول اذا غيروه هنا مشكلة كبيرة من الجامعة خلاص يرسون على خطة في طلاب يسسون جداولهم لثلاث او اربع مستويات قدام والتغيير يلخبط المطلب الاساسي الحين الثبات |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
الجدول كذا رائع بما إن يوم السبت الأول فاضي و أقدر أحط فيه مهارات الإتصال .. أنا معكم بهذا التغيير وبرسل |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
جزاك الله خير
الجدول جميل جدا مرتب معكمممممم |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
مبادره جميله منك اخ ابو يزن ..
وفعلا الجدول يحتاج تغيير .. تشكر وجزاك الله الف خير .. |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
ممتاز جداً ، بارك الله فيك . ..* |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
الله يعطيك العافية ابو يزن
يسلمووو نسيم للتنبيه معاكم |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
معكم و أن شاء الله انهم يعدلونه لنا
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
انظم صوتي معك
بارك الله فيك اخي ابو يزن ولا يحرمك ربي الجنة |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
معكم بعنف ،،،
كفوو ي بو يزن ،،،، |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
وانا معاكم بكل شي تسوونه
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
انا عجبني جدول مستوى 8 معاكم ان شاءالله
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
شكراً لك ابو يزن و اذا صار و تغير للجدول الي انت حاطه اتوقع الاغلب بيوافق .. اما لو كان جدول الجامعة الي تو نزل نهائي و ما بيغرونه و بيستمر ل المستويات القادمة كلها ف انا عن نفسي موافق لاني بختصار من دخلت الجامعة و انا كل سمستر اغير مادة او مادتين عشان يتعدل الجدول .. حتى لو القيت نظرة على الجدول الجديد بتشوف انه لو تغير كم مادة يعني تحط مواد مستوى سادس مع مادتين من مستوى سابع بتضبط امورك طبعاً هذا للطلاب الي انهو جميع مواد المستويات السابقة .. هذا اللي عندي و زي ما قلت في البداية انا لست ضد جدولك او تعديلك بل بالعكس اوفقك و اشد على يدك و اتنمى يتغير لاكن لو صار و ما تغير صدقني في حلول كثيرة عشان كل شخص يضبط جدوله حسب الي يناسبه .. وشكراً لك عزيزي +وشكراً بوسي على التبيه . |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
السلام عليكم ورحمة الله وبركاته ..
ابو يزن ادارة التغيير وادارة الجودة ما ينفعون بيوم واحد .. انا احد الطلاب الي باقي له من مستوى سابع نظرية منظمات و ادارة تغيير وفي غيري .. الافضل ان تكون مواد سابع وثامن كل واحده بيوم .. |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
أفضل يظل الجدول كذا ما يتغير لانهم بحوسون الجدول ومحنا ناقصين حوسه
وأنا شخصيا مانيب ما شيه على الخطه ماخذه من كل المستويات |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اولا أشكركم على المرور والتأييد
اما الأخوة غير المؤيدين ارجوا منكم تعديل الجدول بما يناسب الجميع هذا الجدول مقترح وليس معتمد اجتهاد شخصي فقط ويحتاج الى مساعدة وتعاون |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
الدكتور الفريدان إنسان متفهم ويرد على حسابه في تويتر فلو كثرنا عليه المطالبة بتغيير الجدول أو بالأصح تحسين الجدول مايتأخر بالرد علينا ..:love080:
وشكراً للأخت بوسي كات ع التنبيه :106: |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
قبل ما تقدمون اي شي تأكدوا من الجدول بالكامل وبعدين قدموها
ولا تنسون وقت التقديم على المواد قصير جدا لازم يردوا بالرفض او القبول بأسرع وقت ممكن |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
ادارة التغيير اما ان تكون يوم الاحد خامس يوم من الاختبارات
او الاثنين قبل الاخير .. ( ملاحظة : انا ركزت على مستوى سابع وثامن فقط .. بحكم انهم القريبين من التخرج انا مثلا بأذن الله خريجة أذا ما حصل تعارض بين ادارة التغييير و نظرية المنظمات مع مواد مستوى ثامن ) ومثل ما قلت سابقا اختبر يوم ورا يوم ولا اختبر باليوم مادتين .. |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
وعليكم السلام ورحمة الله وبركاتة والله ان الجدول لخبطة باقي لي ثمان مواد للتخرج وكلها ورا بعض . |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
ماله حل جدول الجامعه
حاولت اجيبه يمين اجيبه يسار مايضبط الا كذا اهم نقطه فيه ان مواد مستوى سابع وثامن ماتتعارض والباقي عادي الفصل الماضي اخذت مهارات الاتصال ومبادىء الادارة في يوم واحد لاني عارف انها غلطتي ماهي غلطة الجامعة دام ان مقررات مستوى سابع وثامن غير متعارضة معناه الجدول مافيه مشكله |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
عليكم السلام
نعم يفترض ان يكون جدول الاختبارات فيه متسع من الوقت لكن العمادة يحكمها الطاقة الاستيعابية للمراكز ومراعاة الطلاب من باقي التخصصات يعني صعب يتراكم عدد طلاب يفوق طاقة المركز في فترة او اختبار معين انمتى ان تنظر العمادة في موضوع الجداول ك كل |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
اهلًا بك اخي الكريم اشتقنا لتواجدك بالفعل أنا راعيت الطاقة الاستيعابية في الجدول لأن من اكثر الطلاب هم ادارة والاجتماع والإنجليزي فحاولت ان انسق بينهم |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
.
. مع التغيير بشرط أن لا يتضرر أحد خاصة لمن رتب جدوله على الخطة المفتوحة الثابتة. |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
:d5:
معكم بكل ما فيه مصلحة للجميع أهم شي يكون في يوم راحة بين الاختبارات لأنه بعضنا تكون مواقع المراكز بعيدة عنهم ونرجع هلكانين نبغى ننام:53: عندي بس ملاحظة على تنسيق الخطاب ليأخذ صفة رسمية أكثر الاسم يكون يمين الخطاب وليس في المنتصف ويفضل لو ينتهي بالمحترم او حفظه الله او ماشابه الفقرات لاترقم باستثناء ما تم تفصيله عن المستويات عمل ضبط للفقرات الخاتمة تنزل سطر عن باقي الفقرات التوقيع يكون يسار الخطاب يضاف التاريخ بخط صغير في الزاوية العلوية اليسرى بعد البسملة وقبل التوجيه :sm12: |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
بالنسبة للتنسيق ما تتحدثين عنه هو معروض وليس خطاب تختلف الصياغة بين المعاريض والخطابات ولكن أصبتي في مسألة التوقيع والتاريخ |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
معكم
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
كنت اتمنا الاداره تكون اول يوم الثلاثاء والنظم يوم السبت
بس اذا هالترتيب متوافق مع الجميع ......فأنا معه....الله يوفق |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
أضيف بعد انه يمكن تاخذ اخلاقيات الاعمال او بحوث الاعمال د/الحماد.....الكلام بالنسبه للمستوى السادس
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
يا اخوان ويا خوات احنا باذن الله الترم القادم خريجين
فطلب تغيير الجدول يؤثر علينا لان عندنا مواد من سابع وثامن فياليت الواحد ينظر للمصلحة العامة وليس الخاصه .. كل ما طرأ موضوع فتح صاحبه وحرض الاخوان بالموقع وسبب لنا مع العمادة قلق ... فلا تكونوا سبب في تاخير تخرج اي من اللاخوان ويقول حسبي الله على من كان السبب احترامي |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
يفترض مستويين ورا بعض ماينحطون بنفس اليوم
اللحين انا متوهقه عند بحوث الاعمال واخلاقيات الاعمال كلهم بيوم واحد وهذا اخر سمستر لي بالجامعة مو معقوله ااخر تخرجي ترم كامل بسبب ماده !! |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
ومعظم الطلاب هنا في إعمار متقدمة لا أتوقع بأنهم سيتأثروا من موضوع فُتح للنقاش او كما تفضلت تحريض الجدول لن يضر اي شخص ملتزم بالخطة ولكن فتحنا هذا الموضوع المشاركة منكم وإبداء رآيكم بما يناسب الجميع وكان باستطاعتي إرسال رسالة لكل شخص مؤيد بأن يرسل للعميد ولكن من باب التعاون والمشاركة فُتح هذا الموضوع لذلك أتمنى قراء الموضوع والردود كاملة قبل الرد احترامي لشخصك |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
تسمح لي اعتبرها خفة دم ؟ عندك خليط من مستويين ، وتبينا مانطالب بالتغيير عشان حضرت جنابك ؟ الله أكبر يالمصلحه العامه ؟ الحين صارت مصلحتكم عامه ؟ واحنا ياللي متضررين وماعندنا مواد من مستويات مختلفه ؟ فقط مواد مستوانا الحالي ؟ صارت مصلحتنا خاصه ؟ وتبي تتحسب علينا بعد ؟ لا والله خوش .. شين وقوي عين .. فارقنا ي صديق نفسك .. ..* |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
كل اللي معارض ، عنده مواد من مستويات مختلفه .. والجدول الحالي جاي على مزاجه .. أعوذ بالله من الحسد .. مالنا شغل في اللي مأجل ومأخر وحالته حاله .. هذي مشكلته ويحلها مع نفسه .. اللي يتضرر من جدول الاختبارات ، وهو منزل مواد مستواه الحالي بدون زيادة او نقصان .. هو الأولى بتعديل الجدول له .. ..* |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
هدو أخلاقكم ترى الموضوع مجرد مقترح مايسوى التشنج هههههههههه
الجدول مضغوط مضغوط سواء كان على الخطه والا مخلوط مع مستويات سابقه بالتخطيط والتنظيم والتوجيه والرقابة توصلون لحل :) |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
الله يعطيكم العافية
الجدول حلو |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
مادري صـراحة ليه قلب الموضوع من مقترح الى مشكلة
كأني من منسوبي العمادة والكل يهـاجم لو اتفقنا وتصولنا الى حل والكل راضي احتمال العمادة ما توافق يعـني اتركـوا شدة الأعصاب لحين ظهور النتائج |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
وعليكم السلام ورحمة الله وبركاته
الله يجزاك عنا كل خير يا أبو يزن .. بصراحه الجدول حسيته موضوع من باب نكتبها والسلامه عن قولة ما كتبنا جدول .. فيه أيام كثيره ليه الجامعه انتهجت علينا الضغط !؟ ولو بنضيف سمسترات ماراح يكون واحد لأن العله متكرره ومتشابهه مع المستوى اللي قبله وراح يكون سنه أو سنه ونصف إضافيه نتمنى المسارعه بالإرسال للعماده وننتظر القرار منهم خاصه وأنه باقي أسبوع على تسجيل المقررات شكرآ للجميع على التنبيه .. ووفق الله الجميع لكل خير |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
واناا معكم
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
أبو يزن والجميع ... أرى أننا تأخرنا بالإرسال للعميد ياليت اليوم كـ حد أقصى نرسل له عبر البريد الشخصي حتى يصل الصوت وتتلبى المطالب بإذن الله حتى لا يكون الرفض سببه التأخير بالطلب تقديري للجميع |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
شو السالفة ؟! تهاوشوا الشباب !! هههههههههههه |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
بالمنطق ياجماعة الخير .. لو تم تغيير الجدول حسب مزاجكم .. راح يتضرر طلبه آخرين !
فلذلك مستحيل يتم تغيير الجدول .. حيث تم اعتماده نهائياً .. ولا أتوقع تغييره في المستقبل لكي لا يحدث إشكال أو تعارض على الطلبه .. وكل طالب يتحمل خطأه |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
معكم يا آخواني وخوآتي .. الله يعطيك العآفية أبو يزن .. الجدول رآئع وأتمنى أن العمادة تحطة بعين الاآعتبار .. من جد مو من صالحنا التأخير خلونا نتدارك الوقت ونرسل وعسى يفرجها الله .. والمصلحة عآمه دآم أن 90% يمشي على الخطة أذا مو أكثر ..
باقي لي أنجليزي من السآبق وكل المستويات الجايه متعارضة لكن مايهم خطأ مني ما مشيت على الخطة ورآح أرسل معكم يتعدل الجدول للمستويات اللي باقيه لي وللطلبة خير وبركة والانجليزي بحلها ربي بإذن الله .. |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
لاحظ ان يوم الثلاثاء الاول 5 مواد
ويوم الست الاول 5 مواد مع ان فيه ايام 3 مقررات فقط |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
بس اتمنى من كل شخص يتكلم عن المستوى الي فيه
لاني في المستوى السادس ولا ارى ان تكون مقرر الادارة العامة في اليوم الثاني ونريده في اليوم الثالث علشان نقدر نسحب ماده الادارة الاسترتيجيه من المستوى السابع وياليت تشددون على ان تكون بدايه الامتحانات في يوم الثلاثاء الي هو 7 - 7 - لان اغلب الطلاب تفرق عنده يوم الخميس ويوم السبت بحيث ينزل ماده يوم الخميس وماده يوم السبت ويفرق معه يوم الجمعه فرق بين المقررين علشان كذا افضل ماده تسحب من المستوى السابع هي الادارة الاستراتيجيه على الرغم انه توجد ماده المحاسبه الاداريه ولكن في حاله تغيير ايام الجدول راح تكون فيه مادتين وراى بعض |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
وش صار على التغيير
وانا معكم بالتتغير لمصلحة الجميع رغم انه بجدول الجامعة ماعندي تعارض وبجدول ابو يزن ماعندي تعارض لكن والله اعلم ان العمادة راح ترفض تغيير الجدول |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
عزيزي أبو تركي ما أحد مجبر على أمر .. الجدول مرهق بالنسبه لنا نحن المستوى السادس مقررين متتاليين جدا فيه إرهاق وخاصة الجدول فيه سعه .. سبق أن طالبنا لجميع المستويات التكاتف معنا ونظرآ لإعتراض البعض تركناها شخصيه لكل مستوى حتى لا يقول قائل مستويات أخرى تتدخل بأمورنا ... معدل نبني فيه من بداية التسجيل ما يمنع أن نحافظ عليه ونطلب العماده وهي صاحبة القرار والله يوفق الجميع لكل خير |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
انا راسلت الجامعه قبل نزول الجدول وماتغير والان راسلتهم مره اخرى معكم لعل وعسى يتغير
وان شاءالله يتغير للأفضل ويرضي الجميع |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
لا يا عزيزي لا ترفقون جداول من اجتهادات الطلبه حنا ما نفرض على الجامعه جداول ... فقط نطلب أنهم يراعون الفارق بالأيام وتعديل الجدول بحيث يخدم مصلحة الطلبه ويكون هناك يوم على الأقل بين المقررات حتى يساعدنا في الراحه والإستيعاب .. بالتوفيق |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
ياخوي قبل المنطق افهم الموضوع الجدول اللي نطالب فيه ماشي على الخطة والمسألة ماهي مسألة تعارض ونحن لم نخطأ بالأصل ولكن نطالب فارق يوم واحد بين الأيام فقط ولم افتح هذا الموضوع الا للمشاركة وليس التهجم والرفض دون ابداء الرأي وكل شخص تهمه مصلحته فقط بسبب انه غير ملتزم بالخطة المنطق هو تعديل الجدول بما يتناسب مع الخطة مع الأخذ بالاعتبار فترة الراحة بين الاختبارات لوجود ايام خالية |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
بكل صراحة ..أنا فعلاً أستغرب أن الجامعة لا تلتفت لمثل هذه الأمور من تلقاء نفسها ..خصوصاً لأولائك الذين يمضوا على الخطة
- مهما يذاكر الطالب ..يحتاج له وقت يستنشق فيه الهواء ليستعد للأختبار الذي يليه ...خصوصاً للكورسات لذات المستوى !! هذا أمر غريب جداً .. بارك الله خُطاكم |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
طيب يجماعه وش رسيت عليه ارسل بنفس صيغة الخطاب لإخونا ابو يزن ولا ننتظر:017:.....ترى الايام القادمه نتايج ودوشه:007::71:......واذا كان على الكثره فدفعتنا(المستوى السادس) حاليا ماشا الله ......:(204):اتوقع اكبر دفعه
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
مساء الخير
يعطيك العافيه ابويزن انا معاكم بتغير الجدول وياليت على الاقل يكون الفاصل يوم واحد لان مادتين ورا بعض تسبب ضغط والواحد مايقدر يركز |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
وفي منتدى المستوى السادس الكل يؤيد ذلك وانا ارى ان كل قسم ينسق جدول لحاله لانهم هم اعلم بحالهم من غيرهم ارجوا عدم ارسال الخطاب |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
عليكم السلام ورحمة الله انا معكم وجدولك ممتاز بالنسبه لمستوى 7 و8 |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
1 مرفق
اقتباس:
اخيرا قدرت ادخل من الكمبيوتر عشان انزل جدولي اللي اطمح له بما ان مافي احد حط جدول :33_asmilies-com: اللي هو زي ما قلت في تعقيبي الاول انه ايام الفواصل تكون من ايام الاختبارات مش ايام الجمعة تحسبا لأي طارئ يتسبب في تحريك بداية الاختبارات لان وقتها الايام راح تنقلب والجمعة اللي كنا بنعتمد عليه راح يتحرك ويصير يوم عادي ننكب فيه .. (اقصد نختبر فيه) :hahahahahah: الزبدة هذا هو جدولي (في المرفقات) مو متغير فيه اي شي ولا شايلة مواد ولا حاطة مواد مكان مواد هو هو لكن اللي متحرك هو الايام حتى الفترات نفسها ... بس انا بديت الجدول من مستوى رابع الى مستوى ثامن لان قبل كذا مادري ايش انشال من عليهم وايش حطو اصلا جدول اول وثاني وثالث حلوين مافيهم شي :oao: وان شالله نتفق عليه او ع الاحسن منه بعد مراجعتكم له :oao: |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
أختي الكريمة .. أنا لست مع أو ضد ! أنا فقط أبديت رأيي في تغيير الجدول أو تعديله .. سوف يرضي طلبه ويضر طلبه آخرين وندخل في دوامه لن تنتهي .. والله يكتب اللي فيه الخير للجميع |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
نؤيد التغيير وبقوه..وبذات في اليوم الرابع مزحوم بالنسبه لادارة اعمال على عكس اليوم الثاني والخامس غريبه يومين لا يوجد فيهم اي اختبار من المستويات الثلاث الاخيره.
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
مع العلم أنا ملتزم بالخطه ولا يوجد لدي مواد متأخره ومتضرر من جدول المستوى السابع حيث لدي مادتين وراء بعض في يومين مختلفين .. ولكن حليت مشكلتي بتوزيع الجدول على المستوى السابع والثامن بحيث يكون لدي يوم راحه بين المواد جزاك الله خير أبو يزن والله يعطيك العافيه |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
الجدول كذا ممتاز بالنسبة لنا م. سابع وثامن
ياليت بس يتغير |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
< قرأت باقي الموضوع
ابو يزن طال عمرك أعتمد الجدول ضع علية بصمتك المباركة يارعاك الله :d |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
الله يعافيكم لاتصير الاداره العامه ثاني يوم طالبوا انها تكون ثالث يوم في كثير منا ماخذ السلوك التنظيمي وانا اولهم
فخلوا يكون فاصل بين السلوك والاداره يوم رحم الله والديكم |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
بس لاتصير اداره العامه باليوم الثاني خلها باليوم الثالث كثير طلاب ماخذو سلوك تنظيمي وانا منهم وناويه هالسمستر اخذه فرحم الله والديك لاتطالب انه يكون باليوم الثاني :Cry111: |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اخي سوال هذا الجدول الجديد ؟
بأيامه وكل شي ؟ يعني متأكد منه ؟ انه صح حتى الفترات والايام صحيحه اتمنى الاجابه في انتظارك |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
صحيح والله ياليت يتغير الجدول بدال مادتين وراء بعض
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
الله يعطيك العافيه
بانتظارك |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
على جدولهم ما فيه ايام يآليت يحطونه :icon9: جداً مريح معكم قلباً وقالباً :004: |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
ارجع واقول
ادارة التغيير مستوى سابع .. وادارة الجودة مستوى ثامن .. ما ينفع ويا بعض :( |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
+
جدولك الي مسويه جداً مريح و جميل صراحه يآليت فيه منه جدول لجدولهم الاصلي حق الجامعه ونكون شآكرين ومقدرين :106: |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
أخوي ابو يزن ممكن تحط الجدول اللي حطيت فيه الفواصل في موضوعك الاساسي عشان الناس تشوفه
ياليت يوافقون عليه لاني من جد خايفة من فكرة يوم الجمعة ولو احنا اخترنا جدول و الجامعة اقرته وحبو يغيرو الايام احنا بنتورط وساعتها ما راح نقدر نتكلم ولا كلمة لانه اختيارنا:sm1: مادري هو احد مستوعب فكرتي وتخوفي وللا لا :bawling::bawling::bawling: |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
صراحة ما اقدر اعدل على الموضوع لككن سبق وكلمنا العمادة وافادوا بأن الاختبار يوم الثلاثاء وماراح يتقدم ان شاءالله |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
انا معاكم :53: مع اني كنت مستوى خامس بس شطحت و خلصت ادارة المعرفه .. والاستراتيجيه .. والجوده .. وادارة التغيير بدعت الترم اللي راح الله يستر بس :verycute: بس برضوو معاكم قلباً وقالباً :cheese: |
رد: طلاب وطالبات كلية ادارة الاعمال .. هنا تعاون لتغيير جدول الاختبارات
اقتباس:
|
رد: طلاب وطالبات كلية ادارة الاعمال .. هنا تعاون لتغيير جدول الاختبارات
بداية تحية طيبة للجميع :
بودي التعليق على الموضوع الذي أثاره الأخ العزيز أبو يزن بداية الجدول منذ ما يقارب الأربع سنوات لم يتغير وكل المستويات من المستوى الأول حتى المستوى الثامن الخريجين هذا العام ونبارك لهم النجاح لم يعترضوا عليه والآن وبعد كل هذه السنوات علشان تبي تريح ما بين كل اختبار واخر مدة ثلاثة الى اربع ايام ما يصير أخي عندما كنا في المدرسة نختبر مادتين في يوم واحد والان ولله الحمد نختبر مادة واحدة فقط وبدلا من المطالبة بتغيير الجدول يجب المطالبة بتغيير اسلوب المراجعة أي تكون المراجعة تسبق أيام الامتحانات بأكثر من شهر كامل وبتنسيق وتنظيم وليس المذاكرة في يوم الامتحان فالعقل لا يمكنه تخزين كل تلك الكمية من المعلومات في سويعات عديدة .... وهذه وجة نظري وآمل من الجميع احترامها وشكرا لكم |
| All times are GMT +3. الوقت الآن حسب توقيت السعودية: 02:25 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه