ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   هل أستطيع انهاء الدراسه في 3 سنوات ونص مع اخذ الأترام الصيفيه ؟ (https://vb.ckfu.org/showthread.php?t=544265)

كهف المواجع 2014- 1- 11 01:19 AM
هل أستطيع انهاء الدراسه في 3 سنوات ونص مع اخذ الأترام الصيفيه ؟
 
السلام عليكم ورحمه الله وبركاته


اخوكم من مستوى 3 لغه انجليزيه وأجهل بعض الأنظمه والقوانين في جامعتنا


وعندي أستفسار هل استطيع انهاء الدراسه في سبع مستويات أي 3 سنوات ونص


طبعا مع اخذ الترم الصيفي كل سنه


ام انه لازم 4 سنوات ( 8 اترام )


ولكم جزيل الشكر

laylay 2014- 1- 11 01:43 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
عليكم السلام ورحمة الله وبركاتة
نعم تستطيع اذا انهيت موادك جميعها الموجود في الخطة مالمانع!!
اسال الله ان يسهلها علينا وعليك وبالتوفيق اخي

بنت الداود 2014- 1- 11 02:02 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
نعم يمديك آذا آخذت صيفي

و آذا آخذت كل سمستر ٩ مقررات ع الاقل

بالتوفيق

JASMENN 2014- 1- 11 02:05 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
للاسف مايمديك
وهالشي وضحه العميد بتغريده ع التويتر مانقدر نتخرج قبل 4 سنين قالها الفريدان
كنت ناويه اتخرج ب 3 سنين ونص لكن ماحصل للاسف

mansor 25 2014- 1- 11 02:08 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
لو خلصت حتى في سنتين معا انه مستحيل
الوثيقه ماتستلمها الا بعد اربع سنواااات دراسيه مكروفيه وانت تضحك : ) !!

Dr.Lavender 2014- 1- 11 02:25 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
كتبت في قوقل نفس سؤالك
وكان الرد بنعم تستطيع انهاء الدراسه في ثلاث سنوات ونص او ثلاث سنوات
لكن تحتاج لجهد مضاعف

كهف المواجع 2014- 1- 11 03:09 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
يعطيكم العافيه جميعا على مروركم وردودكم

وأسئل الله ان يوفقنا واياكم ويسهل علينا دراستنا

وبالنسبه للموضوع بحاول استفسر من الفريدان شخصيا

لأني شفت اختلاف في اجاباتكم ,,,

ولكم مني جزيل الشكر .

بنت الداود 2014- 1- 11 06:26 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة jasmenn (المشاركة 10322676)
للاسف مايمديك
وهالشي وضحه العميد بتغريده ع التويتر مانقدر نتخرج قبل 4 سنين قالها الفريدان
كنت ناويه اتخرج ب 3 سنين ونص لكن ماحصل للاسف
عزيزتي في طالبه اعرفها تتخرج هالسمستر فيه ثلاث سنين و نصف

و في طالب آيضاً تخرجه هالسمستر قسم علم اجتماع ايضاً 3 سنين ونصف

م عمري قريت آنو لازم 4 سنين

آو ممكن مع الصيفي يحتسب سمستر ثامن

ِ~ام الحلواتِ~ِ 2014- 1- 11 01:15 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
بالتوفيق يارب للجميع

خالد م العتيبي 2014- 1- 11 01:15 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
يمديك تتخرج في سنة ونص على حبه ونص بس مهوب في الجامعة الملك فيصل في فندق رمسسيس في القاهرة تروح معي محفول مكفول تولم
هههههههههههههههههههههههههههه

فواز بالحارث 2014- 1- 11 01:18 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
السلام عليكم ورحمة الله وبركاته
النظام الجامعي او الاكاديمي بشكل عام يتفق في انظمه معينه ويختلف في اشياء بسيطه
بشكل عاد انظام او انتساب او تعلم عن بعد بالنسبة لمدة الدراسة موحده والجامعة ما تطالبك الا بأنهاء المقررات المحسوبه عليك في الخطة الدراسية واذا قدرت تنهي مقررات في مدة اقل من اربع سنوات وش يمنع الجامعة من تسليمك وثيقتك بالعكس راح تستلمها وبكل سهولة واريحيه وتقدر تخلص المدة الدراسية في ثلاث سنوات ونصف بس يحتاج لك فصل صيفي واحد او فصلين صيفية الراحة على الاقل لكي تنهي المقررات لو جينا نحسبها
اعتقد اكثر مقررات او ساعات دراسية تكون في كلية الاداب تخصص جغرافيا 134 وحده دراسية
المستوى الاول 15
المستوى الثاني 18 ساعة
المستوى الثالث 18 ساعه
المستوى الرابع 18 ساعه
المستوى الخامس 18 ساعه
المستوى السادس 18 ساعه
المستوى السابع 22 ساعه
يبقى 7ساعات وزعها خلال دراسة على الفصول الصيفية
وبالتووفيق للجميع

rsnasser 2014- 1- 11 01:31 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اذا عادلوا لك

سمو الإحساس 2014- 1- 11 01:57 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
انا الان لي ثلاث سنوات ونصف وخريج هذا الفصل اذا ربي اكرمني بالنجاح في جميع المواد .. علما انني لم احمل ولا مادة في السنوات الماضية بالاضافة الى الفصل الصيفي انهيت 6 ساعات وهذا الفصل عندي 23 ساعة بمافيها مشروع التخرج والحمدلله .

شد حيلك وفالك التوفيق ان شاء الله .

لذا 2014- 1- 11 02:07 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
انت شكلك توك بالمستوى الاول ومتحمس تبي تخلص بسرعه

ترى العبرة بالتخرج مو انك تخلص بسرعه
العبرة هو انك تجيب معدل عــــــــــالــــــــــي...

JASMENN 2014- 1- 11 04:25 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة بنت الداود (المشاركة 10323229)
عزيزتي في طالبه اعرفها تتخرج هالسمستر فيه ثلاث سنين و نصف

و في طالب آيضاً تخرجه هالسمستر قسم علم اجتماع ايضاً 3 سنين ونصف

م عمري قريت آنو لازم 4 سنين

آو ممكن مع الصيفي يحتسب سمستر ثامن
مستحيل يتخرج احد قبل 4 سنين وانا قلت ان الكلام مو مني من العميد نفسه سالته ع التويتر وجاوب انه مستحيل حتى مع الصيفي وزياده عدد الساعات بالنسبه للقريبين من التخرج ماراح يخرجونهم قبل 4 سنين واذا مو متاكدين او مو مصدقين اسالوه بانفسكم
الصيفي تخفيف مثل ماقال مو اختصار سنين الدراسه اتمنى فهمتوا


كهف المواجع 2014- 1- 11 04:38 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة سمو الإحساس (المشاركة 10323983)
انا الان لي ثلاث سنوات ونصف وخريج هذا الفصل اذا ربي اكرمني بالنجاح في جميع المواد .. علما انني لم احمل ولا مادة في السنوات الماضية بالاضافة الى الفصل الصيفي انهيت 6 ساعات وهذا الفصل عندي 23 ساعة بمافيها مشروع التخرج والحمدلله .

شد حيلك وفالك التوفيق ان شاء الله .

الله يوفقك ان شاء الله ولي تواصل معك اذا تخرجت ان شاء الله عالرسائل الخاصه عشان نشوف وش سويت

الصراحه ودي انتهي في 3 سنوات ونص

كهف المواجع 2014- 1- 11 04:45 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة لذا (المشاركة 10324019)
انت شكلك توك بالمستوى الاول ومتحمس تبي تخلص بسرعه

ترى العبرة بالتخرج مو انك تخلص بسرعه
العبرة هو انك تجيب معدل عــــــــــالــــــــــي...
لا بالعكس مستوى 3 تطورنا شوي

شوف البروفايل حقي هههههههههههه


لكن حبيت اعرف هالمعلومه


وكلامك عين الحكمه اهم شي المعدل عالي :(204):

وهـج مطير 2014- 1- 11 04:49 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
من 4 سنوات الى 3 سنين ونص
أتوقع تقدر ونص لانه ع حسب مجهودك
اذا أخذت مواد من 6 الى 7 مواد وتاخذ صيفي كل سنه
بس أهم شي يكون موادك بالكورسات تخصص
وتاخذ قليل مواد عامه لانه يفتحون المواد عامه اكثر بالصيفي

وشد حيلك مافي شي صعب باذن الله

يالتوفيقـ ,,,:d5:

كهف المواجع 2014- 1- 11 04:51 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة خالد م العتيبي (المشاركة 10323872)
يمديك تتخرج في سنة ونص على حبه ونص بس مهوب في الجامعة الملك فيصل في فندق رمسسيس في القاهرة تروح معي محفول مكفول تولم
هههههههههههههههههههههههههههه

هههههههههههههههههههه

قدام دام الدعوة على حسابك محفول مكفول :oao:

JASMENN 2014- 1- 11 04:54 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
حبيت انبه صاحب الموضوع
كل اللي قالوا تقدر تتخرج باقل من 4 سنين مجرد تخمينات انه اي ممكن وليه لا اذا ضاعفت مجهودك
صدقني كنت بمكانك الترم اللي فات وكنت باسجل اكثر من 18 ساعه بنيه التخرج ب 3 سنين ونصف وسالت العميد ع تويتر ليه ماتفتحون لنا مجال نسجل اكثر من 18 ساعه قال بنفسه هالشي مسموح بس للي تاريخ تسجيلهم بالجامعه 2010 يعني الان هم بمستوى سابع وهالكلام صار الترم اللي فات يعني حتى سنه التسجيل يحسبونها لك مايطلعونك صدقني قبل 4 سنين
انا الان بمستوى سابع اقدر اسجل اكثر من 18 ساعه لكن ماارح اضغط نفسي دامني ماارح اتخرج الا بعد 8 اترام دراسيه
حبيت انبهك عشان تسجيلك للمواد يكون منصف وعادل ماتحط ببالك انك بتتخرج بدري

كهف المواجع 2014- 1- 11 05:05 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
مشكوره أخت ياسمين عالمعلومه وكلامك مصدق وعلى العين والرأس


والظاهر اني بمشي على الخطه بما ان الدعوه لازم 4 سنوات


الف شكر لك :106:

بنت الداود 2014- 1- 11 05:07 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
عزيزتي مو مجرد تخمينات في طلاب تخرجهم هالسمستر

السالفه مو آربع سنين آو ثلاث سنين آول م تنهين المتطلبات الجامعيه تتخرجين

شوفي آخونا سمو الآحساس تخرجه هالسمستر و تخرج في ثلاث سنين ونص

بنت الداود 2014- 1- 11 05:12 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة jasmenn (المشاركة 10324621)
حبيت انبه صاحب الموضوع
كل اللي قالوا تقدر تتخرج باقل من 4 سنين مجرد تخمينات انه اي ممكن وليه لا اذا ضاعفت مجهودك
صدقني كنت بمكانك الترم اللي فات وكنت باسجل اكثر من 18 ساعه بنيه التخرج ب 3 سنين ونصف وسالت العميد ع تويتر ليه ماتفتحون لنا مجال نسجل اكثر من 18 ساعه قال بنفسه هالشي مسموح بس للي تاريخ تسجيلهم بالجامعه 2010 يعني الان هم بمستوى سابع وهالكلام صار الترم اللي فات يعني حتى سنه التسجيل يحسبونها لك مايطلعونك صدقني قبل 4 سنين
انا الان بمستوى سابع اقدر اسجل اكثر من 18 ساعه لكن ماارح اضغط نفسي دامني ماارح اتخرج الا بعد 8 اترام دراسيه
حبيت انبهك عشان تسجيلك للمواد يكون منصف وعادل ماتحط ببالك انك بتتخرج بدري
كلامك صحيح و ع العين و الراس و صحيح هالسمستر راح تفتح 22 ساعه لدفعة 2011

بس م تجزمين انه لا يمكن هذا هو سمو الاحساس آكبر دليل

اهم شي آجتزتي المتطلبات كلها

بعضهم يآخذون صيفي و البعض معادلين مقررات

يقدرون ياخذون المتطلبات في ثلاث سنين و نصف لا تقيسين ع كلام الدكتور

مقصده مستحيل بدون سمستر ثامن تتخرجين و هذا صحيح لازم تجتازين كل المقررات

اذا اخذتي صيفي و ضغطتي ع نفسك بتتخرجين قبل

و السمستر الصيفي يعتبر سمستر كامل عزيزتي يعني بديل لنصف السنه المتبقيه

JASMENN 2014- 1- 11 05:16 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة بنت الداود (المشاركة 10324689)
كلامك صحيح و ع العين و الراس و صحيح هالسمستر راح تفتح 22 ساعه لدفعة 2011

بس م تجزمين انه لا يمكن هذا هو سمو الاحساس آكبر دليل

اهم شي آجتزتي المتطلبات كلها

بعضهم يآخذون صيفي و البعض معادلين مقررات

يقدرون ياخذون المتطلبات في ثلاث سنين و نصف لا تقيسين ع كلام الدكتور

مقصده مستحيل بدون سمستر ثامن تتخرجين و هذا صحيح لازم تجتازين كل المقررات

اذا اخذتي صيفي و ضغطتي ع نفسك بتتخرجين قبل


و السمستر الصيفي يعتبر سمستر كامل عزيزتي يعني بديل لنصف السنه المتبقيه
حبيبتي والله اتمنى انه يكون التخرج باقل كنت اول المتخرجين انا نقلت تجربتي
العميد برده قال التخرج يكون بعد اربع سنين دراسه غير ان التسجيل لاكثر من 18 ساعه للقريبين من التخرج تحسب لهم سنه التسجيل
حتى عاتبته ع هالشي وليه وليه لاني تحطمت صراحه كنت مخططه لاقل من 4 سنين بس هو قطع لي الشك باليقين مو بس بالنسبه لتسجيل اكثر من 18 ساعه وحتى الصيفي وكل شي قالها تخفيف فقط للي مثلا اجلوا لهم مواد من مستويات سابقه او رسبوا فيها او او مو اختصار سنين دراسه ابدا
المشكله السالفه صار لها فتره ولاكان صورت لكم رده بتويتر ع حسابه :106:

JASMENN 2014- 1- 11 05:27 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
بنت الداوود
بالنسبه للعضو سمو الاحساس تقولين هالترم يتخرج طيب ممكن بيخلص مواد بس يتخرج صعبه
ماراح يسلمونه الوثيقه الا بعد سنه
انا اتمنى هالشرط يتغير اكثر منكم بس ماحبيت تبنون آمال وتخططون ع ولاشي لان هذا نظام الجامعه وش نسوي

هيوفه دلع 2014- 1- 11 05:31 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
هذا اخر سمستر لي دراستي بالجامعة 3 سنوات و الجاي هو الاخير


تتوقعين مراح يعطوني وثيقة تخرج ؟؟

JASMENN 2014- 1- 11 05:34 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة هيوفه دلع (المشاركة 10324755)
هذا اخر سمستر لي دراستي بالجامعة 3 سنوات و الجاي هو الاخير


تتوقعين مراح يعطوني وثيقة تخرج ؟؟
بالنسبه للفريدان مستحيل :16.jpg:
ياليت تكلمونه يمكن يعدلون ع هالشرط مع اني اقترحت هالشي ان الاهم هو انهاء عدد الساعات بس انه بعدها سكت مارد علي كانه يقول معصي :cheese:

هيوفه دلع 2014- 1- 11 05:36 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
معليه يخلون الوثيقة عندهم يمكن تتحول الى ماستر كل ما طولت هههههه

المهم راحة البال

Man in light 2014- 1- 11 05:52 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
مشاركه بنت الداوود الاخيره مقنعه

مافيه شي يقول ٤ سنوات واذا عالمستويات فالصيفي يحتسب سمستر اصلا ؛)

وسمو الاحساس وهيوفه ورضا اضن اكبر مثال

اللي بينك وبين الجامعه الخطه الدراسيه
مدام خلصتيها مافيه شي يمنع

بنت الداود 2014- 1- 11 06:15 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة Man in light (المشاركة 10324819)
مشاركه بنت الداوود الاخيره مقنعه

مافيه شي يقول 4 سنوات واذا عالمستويات فالصيفي يحتسب سمستر اصلا ؛)

وسمو الاحساس وهيوفه ورضا اضن اكبر مثال

اللي بينك وبين الجامعه الخطه الدراسيه
مدام خلصتيها مافيه شي يمنع
آهلين بـ آخوي اللي نفس دفعتي :verycute:

بعدين الوثيقه تسلم آول م تجهز شنو تجلس عندهم :hahahahahah:

~> ماتت ضحك ع رد هيوفه

جد يمكن تتحول ماجستير و يريحونا :verycute:

Man in light 2014- 1- 11 06:33 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة بنت الداود (المشاركة 10324936)
آهلين بـ آخوي اللي نفس دفعتي :verycute:

بعدين الوثيقه تسلم آول م تجهز شنو تجلس عندهم :hahahahahah:

~> ماتت ضحك ع رد هيوفه

جد يمكن تتحول ماجستير و يريحونا :verycute:
هلابك

يازين دفعتنا الدوافير بس :biggrin:

ياسمين ضبطي جدولك ع 22 ساعه بس والصيف وحنا مخلصين واتركي عنك تغريده الفريدان

او اذا مصممه ارسلي له / هل يوجد متطلب للتخرج غير انهاء ال 132 ساعه اللي بالخطه ولا لا !؟

بنت الداود 2014- 1- 11 06:50 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة Man in light (المشاركة 10325018)
هلابك

يازين دفعتنا الدوافير بس :biggrin:

ياسمين ضبطي جدولك ع 22 ساعه بس والصيف وحنا مخلصين واتركي عنك تغريده الفريدان

او اذا مصممه ارسلي له / هل يوجد متطلب للتخرج غير انهاء ال 132 ساعه اللي بالخطه ولا لا !؟
دفعتنا آجمل دفعه :16.jpg:

لا تقول دوافير يعطونا عين :eek:

اي آسآليه هـ السؤال حلو و بيوضح الموضوع لك :16.jpg:

سحــ الليل ــاب 2014- 1- 11 06:52 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اوووما 22 ساعة يا مان :(107): ... 18 لوحدها نفسيه ...

تأكدو من الفريدان شخصياً .. قبل ما تسجلون

والله يكتب الي فيه خير للجميع ويا ليتهم بس ينزلون مقررات الصيفي قبل بداية الترم عشان يمدينا نخطط

ندى العالم 2014- 1- 11 06:54 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
ليه تضغطون أنفسكم الفرق ترم أهم شي المعدل ما يتأثر

Man in light 2014- 1- 11 07:02 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة سحــ الليل ــاب (المشاركة 10325092)
اوووما 22 ساعة يا مان :(107): ... 18 لوحدها نفسيه ...

تأكدو من الفريدان شخصياً .. قبل ما تسجلون

والله يكتب الي فيه خير للجميع ويا ليتهم بس ينزلون مقررات الصيفي قبل بداية الترم عشان يمدينا نخطط
لا مهو 22 عاد
انا باقي لي 25 ساعه
باخذ 19 و الصيفي 6 مادتين وبحث وانتهت هالقصه :S_45:

صعبه اقسمها ع ترمين ومشوار انتظر الترم الاول السنه الجايه

ملينا يا بندر :24_asmilies-com:

Man in light 2014- 1- 11 07:04 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اي صح مقررات الصيفي اذا مثل العام ترا مستوى ثامن اختارو ثمن سابع وبعدها فتحوها للكل
وبشكل عام راح تكون مواد ثامن وسابع تقريبا كلها بالصيفي :33_asmilies-com:

سحــ الليل ــاب 2014- 1- 11 07:17 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
الله يوفقك يا مان وان شاء الله تتسهل

وترا الصيفي بيجيك بعد هم اختبارات والظاهر ما معك غير شهر وعندك مشروع التخرج يقولون يبيله روقان ومعه مادتين


بكذه شكلك بتفطر رمضان كامل ههههههه

Man in light 2014- 1- 11 07:23 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة سحــ الليل ــاب (المشاركة 10325212)
الله يوفقك يا مان وان شاء الله تتسهل

وترا الصيفي بيجيك بعد هم اختبارات والظاهر ما معك غير شهر وعندك مشروع التخرج يقولون يبيله روقان ومعه مادتين


بكذه شكلك بتفطر رمضان كامل ههههههه
بندر فكنا من تحطيمك

بدال ما تقول قدها وقدود تسوي كذا
يبي لك زركشه الظاهر

JASMENN 2014- 1- 11 08:03 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة Man in light (المشاركة 10325018)
هلابك

يازين دفعتنا الدوافير بس :biggrin:

ياسمين ضبطي جدولك ع 22 ساعه بس والصيف وحنا مخلصين واتركي عنك تغريده الفريدان

او اذا مصممه ارسلي له / هل يوجد متطلب للتخرج غير انهاء ال 132 ساعه اللي بالخطه ولا لا !؟
بس كذا بضغط نفسي ع ولاشي وينزل المعدل وش فايدتي :mh12:
وكيف بطنش كلام العميد لو كلام احد غيره بقول عل وعسى يكون غلطان :000:
تذكر مان الترم اللي فات سالفتي يوم بغيت اسجل اكثر من 18 ساعه صح؟
بعدها استسلمت للامر الواقع :139:

قال مافيه تخرج الا بعد 4 سنين كيف اتاكد؟ شككتوني بنفسي :(107):

JASMENN 2014- 1- 11 08:08 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقول اركد يامان وخلك ع مواد المستوى لاتزيدها والله ماراح تشم الوثيقه الا بعد سنه لاتقول ماقلنا لك
انا لو مو بنفسي كلمته كان سجلت قبلكم كلكم والله
اكثرر منك مليت وحتى حطيت حرتي فيك الترم اللي فات :16.jpg:

الحرمآن 2014- 1- 11 08:27 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
انا السمستر الجاي هذا يعتبر اخر سمستر لي لان باقي معي 21 ساعه بس ويعتبر كيذا اني خلصت الجامعه في ثلاث سنوات ونصف صح ضغط 10 مواد بس انشاءالله نطلع قدها
وبالنسبة للوثيقة بقعد على باب الجامعه لين يسلموني اياها هههههه

cup of tea 2014- 1- 11 08:28 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
لحظة لحظة ... فهموني السالفه يادفعتي .. تكفون لاتقولون مانقدر نخلص المستوى الجاي كفايه كذا ماخذين 6 مستويات وترم صيفي هذي 7 مستويات مع المستوى الجاي قضينا اكثر من كذا وش اسوى الزبدة فهموني صاير جديد بموضوعنا لا تخلوني اروح الجامعه واجيب العيد من المستوى الماضي شادين الحيل بنتخرج بس ماضبطت معانا ومشيناها غصب الان وش عندهم جديد ....

JASMENN 2014- 1- 11 08:34 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
ابشركم للتو سالت الشعيبي وقال تغير الشرط ونزل له اعلان الفصل الماضي :biggrin:
يعني سجلوا ع كيفكم

الحرمآن 2014- 1- 11 08:36 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
يعني نقدر نتخرج هذا السمستر ^^
الله يبشرك بالجنة

JASMENN 2014- 1- 11 08:39 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة الحرمآن (المشاركة 10325524)
يعني نقدر نتخرج هذا السمستر ^^
الله يبشرك بالجنة
حسب كلامه اي
حتى قال بيكون ضغط ع الطالب بس عادي يقدر يتخرج
انا الحين احترت كيف وش اسجل
مان هلب هلب وش بتسجل انت علمني :bawling:

الحرمآن 2014- 1- 11 08:50 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
انا راح اخذ كل موان مستوى ثامن واظن فيع مادة علم اللغة النفسي من مستوى سابع باخذها بعد وبكذا يكونون 21 ساعه ^^

cup of tea 2014- 1- 11 08:56 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اية كذا الاخبار الحلوة شكرا ياسمين وشكرا للجميع .... باقي لهم عندي 21 ساعه ياخذونها
ان شاء الله ونحن واياهم طيبين .. وبالتوفيق للجميع

آلله يسهلهآ 2014- 1- 11 09:00 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
بالنسبه لي مدة الدراسه الجامعيه راح تكون أربع سنوات ونص

msteamo 2014- 1- 11 09:02 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اااييييييييييي اكيييد يميييدك
اللحين الترم بداال ماتنزل 7 مواااد مقررر نزل لك 11 ماده واذا مسسموح لكل ولاتصادف نفس يوم مااده

بس شششرط معدلك لاينززززل اذا نزل معدلك مجبور تاخذ بس 6 مواااد بللترم واااحد يعنني شد حيلك كل مارتفع معدل اعطوك ساعات اكثر للانا سمعت اعلى شي 22 وحده يمكن فيه اكثر ويمكن مافي

والله يوووووفقككك ياارب

Man in light 2014- 1- 11 09:37 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة JASMENN (المشاركة 10325529)

حسب كلامه اي
حتى قال بيكون ضغط ع الطالب بس عادي يقدر يتخرج
انا الحين احترت كيف وش اسجل
مان هلب هلب وش بتسجل انت علمني :bawling:
بيكون ضغط عالطالب > يعنني مهتمين :(269):

هلب هلب هاااه :sm4:
توك تقولين ضغط وش تغير :icon120:

شسمه وش باقي لك من المشتويات اللي راحت ؟ وكم ساعه باقي
السالفه يبي لها تكتكه

JASMENN 2014- 1- 11 09:44 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
ضغط اذا مافيه تخرج الا بعد 4 سنين يافالح ركز شوي :cheese:
بس اذا ضغط فيه فايده مو مشكله مو اضغط نفسي بلاش :139:
انا ماشيه ع الخطه تمام
بس اخذت من مواد ثامن اللغه والتقنيه وادب الاطفال

بنت الداود 2014- 1- 11 10:23 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
ههههههههههههه

الله يوفقك ياسمين و تتخرجييييين و ترتاحين

conscious 2014- 1- 11 10:29 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
الله يوفقك تقدر

يارب تحقق أملي 2014- 1- 11 10:35 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
الا تقددددر انا 3سنوات ونص تربيه خاصه وتخرجت طبعا ماشيه ع الخطه اخذت صيفي

يارب تحقق أملي 2014- 1- 11 10:37 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
كل تخصص له ساعات معينه عشان يضيف 22 ساعه

roro2013 2014- 1- 11 10:37 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
تتصدقوون انا مو مستعجلة اني اخذ وووثيقتهم مخخيسة الا اني باقي لي ع ماتخرج كثير
هذاي وثيقتهم
تشهد جامعة الملك فيصل
طالب / طالبة
التخصص
قد منحت درجة البكالوريوس بمعدل 5/ 5
والله ولي التوفيق :mh001::cheese::biggrin:

JASMENN 2014- 1- 11 10:41 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
بنت الداوود وياك يارب تسلمين

ماتحسون ان الفريدان مايعطي احد وجه :(107): كيف الشعيبي يقول نزل اعلان بهالخصوص وبالفصل الماضي وبهالوقت بالذات انا سالت الفريدان وكان رده جدا جاف ع الاقل قال بينزل اعلان طيب مو يصرفنا :mad:
مع انه كان العكس يرد بسرعه وباجابه كافيه ووافيه .. يمكن من ضغط الاسئله عليه :16.jpg:
الله يسامحه عميدنا الموقر
بالنسبه لصاحب الموضوع دامك بمستوى ثالث تقدر تاخذ صيفي فقط لين توصل مستوى سابع تقدر تزيد عدد الساعات لين 22 ساعه وباذن الله تتخرج
موفقين جميعا:rose:

يارب تحقق أملي 2014- 1- 11 10:46 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اختي ماعليكم تقدرون تتخرجون ب3سنوات نص انا باذن الله خريجه وباقي تطلع النتائج والله ييسر

بس خوفوتوني من استلام الوثيقه وش المانع ماخذها وانا مخلصه كل شي مومعقوله
يعني الفريدان اكد لكم انكم ماتسلمون الوثيقه حتى لو تخرجتو ب3سنوات نص ماتستلمونها الا بعد 4سنوات بليز فهمونننني ضاق صدري

معقول 2014- 1- 11 10:49 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
كم معدلك التراكمي يا أخت جاسمين ؟

JASMENN 2014- 1- 11 10:51 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة يارب تحقق أملي (المشاركة 10326147)
اختي ماعليكم تقدرون تتخرجون ب3سنوات نص انا باذن الله خريجه وباقي تطلع النتائج والله ييسر

بس خوفوتوني من استلام الوثيقه وش المانع ماخذها وانا مخلصه كل شي مومعقوله
يعني الفريدان اكد لكم انكم ماتسلمون الوثيقه حتى لو تخرجتو ب3سنوات نص ماتستلمونها الا بعد 4سنوات بليز فهمونننني ضاق صدري
ارتاحي عزيزتي ان شاء الله متخرجه هالترم لايضيق صدرك
الفريدان قال مافيه تخرج الا بعد 4 سنين بس اليوم سالنا الشعيبي وقال تغير هالشرط وتقدرون تتخرجون متى ماانهيتوا الساعات المطلوبه



JASMENN 2014- 1- 11 10:52 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة معقول (المشاركة 10326159)
كم معدلك التراكمي يا أخت جاسمين ؟

why :16.jpg:

roro2013 2014- 1- 11 10:54 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
سين سؤال الي يتخرجون من الغة انجليزية هل يتقنون محادثة ترجمة ولا شنو :119:

Man in light 2014- 1- 11 11:02 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة معقول (المشاركة 10326159)
كم معدلك التراكمي يا أخت جاسمين ؟
هالسؤال للدوافير مثل كم راتبك للخواجات :hahahahahah::hahahahahah:

JASMENN 2014- 1- 11 11:35 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة Man in light (المشاركة 10326236)
هالسؤال للدوافير مثل كم راتبك للخواجات :hahahahahah::hahahahahah:
:16.jpg::16.jpg::16.jpg:
مع نفسك ياعصمان :24_asmilies-com:

o_lg_ll 2014- 1- 12 12:16 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
http://www.youtube.com/watch?v=dEk-MtDkFdY

مجمدالهنيدي 2014- 1- 12 12:23 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
مرحبا يا دفعتي.....العزيزه كيف تنقزون لمستوى سابع وحنا لسه بالدور السادس.......
المووهم....يستطيع من انهى عدد الساعات المقرره من الحصول على وثيقة التخرج..سواءا ي جامعة الملك فيصل اوغيرها....وكمثال ...من انهى 3 سنوات في الكليه التقنيه بمعدل مرتفع يستطيع اكمال سنتين اضافيتين والحصول على البكالوريوس...
مثال ثاني لو لديك مواد من جامعه اخرى تعادل 40 ساعه مثلا وتم احتسابها لك...فستتخرج في اقل من 3 سنوات..
الخلاصه ...في كل الجامعات العبره في انهاء الساعات المطلوبه وليس في المده ...وفيه طلاب يتخرجون في 8 سنوات.....يعني ضعف المده المطلوبه...وبرضوا يمشي الوضع...

سمو الإحساس 2014- 1- 12 08:52 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة jasmenn (المشاركة 10325519)
ابشركم للتو سالت الشعيبي وقال تغير الشرط ونزل له اعلان الفصل الماضي :biggrin:






يعني سجلوا ع كيفكم
ياليت يكون هذا درس لك بعدم الاصرار على رأي حتى لو كانت مصادر رأيك قوية
الدكتور عبدالله الفريدان وان قال لابد من اكمال 4 سنوات يظل كلامه كلام انسان بشر (وغير قرآن منزل) واكيد قابل للتغيير والتعديل والاستثناء .. والدكتور بنفسه في كل مناسبة يردد ( مصلحة الطالب تهمنا وفوق كل اعتبار ووو...... ) واعتقد الجامعه غير ملزمه تكتب لي في الخدمات الطلابية وفي ايقونة ( كم باقي واتخرج ) : انت خريج اذا اكملت مواد الفصل الحالي بنجاح .. اذا لم تنوي تخريج احد من هذه الدفعه وايضا غير ملزمة بفتح ايقونة بوابة الخريجين وتعبئة نموذج التخرج والاحتفاظ به سنه كاملة ومن ثم اعتماده ،،
اكثر من عضو هنا أكد للجميع انه تم السماح له بالتخرج في ثلاث سنوات ونصف .. فمن غير اللائق التشكيك بمصداقيتهم لأن الكذب لن يقدم ولن يؤخر ولا اظن لأحد مصلحة في ادعاء هذا الأمر وهو خلاف الواقع ،


ملاحظه : اول ترم بالجامعه كانت الساعات المحدده 15 ساعه فقط .
وبالنسبة لي ماعادلت اي مقرر وماسبق احتسب لي ولاساعه من معادلة مقررات .

هيوفه دلع 2014- 1- 12 11:00 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اهلين دفعتنا المجيدة الي تسعى بقصارى جهدها للتخرج في 3 سنوات ونصف ههههه
اهنيكم على الاصرار و المجهود المبذول لنيل المقصود

" وثيقة التخرج " الجميلة !!

سواء طالت المدة الى اربع سنوات او قصرت عنهاا
فقد ذهب الكثيرر وبقى القليل

و عقبال تجمعكم في موضوع الخريجين و القبول في الدراسات العليا

موفقين يارب

مجمدالهنيدي 2014- 1- 12 11:22 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اهلا بحبايبي كلهم بدون استثناء.......بقي لي على التخرج 23 ساعه مواد المستوى السابع كامله...و3مواد من الثامن فقط......المطلوب من يملك نفس خطتي للتخرج خلال هذا الفصل مع الصيفي....لوضع جدول لذلك...او لتعاون اكبر في الموضوع.....

Silent Light 2014- 1- 12 11:24 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
الدكتور الفريدان رد علي بتغريده ( حينما عقد التغريدات عن طريق تويتر )

سألته عن هذا الموضوع

( أجابني )

الدراسه 4 سنوات لا تحتمل النقصان حتى لو بأترام صيفيه ..

وأن الجامعه لا تسمح بذلك ..

( عن طريق البانر ما يقبل )

إلا بأربع سنوات

تحيتي

هيوفه دلع 2014- 1- 12 11:28 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة مجمدالهنيدي (المشاركة 10328248)
اهلا بحبايبي كلهم بدون استثناء.......بقي لي على التخرج 23 ساعه مواد المستوى السابع كامله...و3مواد من الثامن فقط......المطلوب من يملك نفس خطتي للتخرج خلال هذا الفصل مع الصيفي....لوضع جدول لذلك...او لتعاون اكبر في الموضوع.....
انصحك تاخذ مقرر طرق بحث و تصميم الابحاث و الترجمة الابداعية نظام اجتماعي
و كمل الباقي للمستوى السابع حسب ترتيب الجدول بحيث ماتكون اختباراتك يومياا
مرهقه

و الفصل الصيفي بإذن الله يكون المشروع و الترجمة التتابعية و مقرر ثالث يكون ساعتين
لان المسموح هو 6 ساعات !

7amood 2014- 1- 12 12:25 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اذا كل سمستر اخذت مادة من مستوى 8 وتصير 18 ساعه والسابع تاخذ 22 ساعه مسموح لك
ومع الصيفي وكذا تخلص

Silent Light 2014- 1- 12 12:28 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة 7amood (المشاركة 10328416)
اذا كل سمستر اخذت مادة من مستوى 8 وتصير 18 ساعه والسابع تاخذ 22 ساعه مسموح لك
ومع الصيفي وكذا تخلص

اخوي الفريدان صرح بتويتر قديم ..

غردت له ورد علي

انها 4 سنوات لا تحتمل النقصان


هذا ما قاله ...

مجمدالهنيدي 2014- 1- 12 03:55 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
انتهى النقاش يا جماعه ...في 4 سنوات واقل منها......طالما خلصت الساعات المطلوبه ...اذا انت تخرجت.....انتهى النقاش ...3 سنوات او اربع او خمس...العبره في الساعات...ونظام الجامعه يسمح بذلك...طالما سمحوا للفصلين السابع والثامن بتسجيل ساعات اكثر..وفاتحين الصيفي...اذا الموضوع لا يحتاج احد يجتهد ويقول ما فيه تخرج قبل 4 سنوات......انتهى النقاش ...انا مسئول عما اقول.....

JASMENN 2014- 1- 12 04:29 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة سمو الإحساس (المشاركة 10327860)
ياليت يكون هذا درس لك بعدم الاصرار على رأي حتى لو كانت مصادر رأيك قوية
الدكتور عبدالله الفريدان وان قال لابد من اكمال 4 سنوات يظل كلامه كلام انسان بشر (وغير قرآن منزل) واكيد قابل للتغيير والتعديل والاستثناء .. والدكتور بنفسه في كل مناسبة يردد ( مصلحة الطالب تهمنا وفوق كل اعتبار ووو...... ) واعتقد الجامعه غير ملزمه تكتب لي في الخدمات الطلابية وفي ايقونة ( كم باقي واتخرج ) : انت خريج اذا اكملت مواد الفصل الحالي بنجاح .. اذا لم تنوي تخريج احد من هذه الدفعه وايضا غير ملزمة بفتح ايقونة بوابة الخريجين وتعبئة نموذج التخرج والاحتفاظ به سنه كاملة ومن ثم اعتماده ،،
اكثر من عضو هنا أكد للجميع انه تم السماح له بالتخرج في ثلاث سنوات ونصف .. فمن غير اللائق التشكيك بمصداقيتهم لأن الكذب لن يقدم ولن يؤخر ولا اظن لأحد مصلحة في ادعاء هذا الأمر وهو خلاف الواقع ،


ملاحظه : اول ترم بالجامعه كانت الساعات المحدده 15 ساعه فقط .
وبالنسبة لي ماعادلت اي مقرر وماسبق احتسب لي ولاساعه من معادلة مقررات .
سبحان الله هذي جزاتي اخاف ع زملائي كخوفي ع نفسي ونبهت صاحب الموضوع مرارا وتكرارا ان اللي حصل معي مايحصل معه وثانيا يااخ سمو الاحساس اصراري مااظنه ضر احد كله نابع من حرصي ع مصلحه الجميع لايضغطون انفسهم !!
وزي ماقلت مصدري قوي ومن العميد نفسه وش بشر ومدري وش ؟
اظن لو غيري بيكون نفس رده الفعل له لو مكلم العميد بنفسه وطبعا لو كان حريص ع الكل مثل ماانا حرصت !!
وانا ماشككت باحد قلت ((( تخميناااات )))
وياليت تتنبه لاسلوبك قبل لاتنصح يااخي الكريم
اذا العميد بشر وتتعذر له بالاخطاء انا بعد بشر وجيت بمصدر لايقبل النقاش اظن !!
استغفر الله العظيم
انا تحملت مسؤليه اصراري وسالت وتاكدت وجيت طمنت الجميع وش اللي صار وش تغير ومنهو تضرر من اصراري؟؟؟
مااقول الا الله يسامحك يااخ بعد انت بشر تمر بظروف ماارح اخذ عليك :16.jpg::16.jpg::16.jpg:

JASMENN 2014- 1- 12 04:30 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة Silent Light (المشاركة 10328426)
اخوي الفريدان صرح بتويتر قديم ..

غردت له ورد علي

انها 4 سنوات لا تحتمل النقصان


هذا ما قاله ...
وهذا ماقاله لي
اتمنى العضو سمو الاحساس شاف هالكلام ولايتحامل علي انا وكأني جبت الكلام من جيبي :oao:

JASMENN 2014- 1- 12 04:31 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اخ مجمد الهنيدي
وانت الثاني لاتقول شي مو متاكد منه لايجيك نصيبك من سمو الاحساس
ع الاقل احنا عندنا مصادر انت وش مصدرك ياشايبنا :16.jpg:

ياجماعه دام الموضوع فيه بلبله العميد يقول شي والوكيل شي ثاني
احد يتبرع لنا ويكلم العميد ويبلغه بعد بتصريح الوكيل عشان ياكد لنا منهو اللي كلامه صح
لان فعلا كلام العميد كان صارم والاعلان اللي قال عنه الوكيل ماشفناه ولادرينا عنه كل اللي شفناه تسجيل 22 ساعه للقريبين من التخرج
انا سالت امس وطمنتكم بس بالنسبه لي الموضوع باقي فيه تشويش وخصوصا مع رد العميد ع Silent Light بنفس الرد
وقال ان البانر اساسا مايقبل التخرج الا بعد 4 سنين
يااحد يساله ويتاكد او تنتظرون نشوف الاخ سمو الاحساس يسلمونه الوثيقه هالترم ولالا :biggrin:

سحــ الليل ــاب 2014- 1- 12 05:58 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
كلن يعرف قدرته وخلاصه

انا بمشي على الخطه وان كان فيه مقر اختبار للصيفي بجده سجلت

اما شحططه حتى الأحساء وبرمضان ... بنووووب ما بفكر فيها ... ان شاء الله ابقى وحدي بثامن

آلله يسهلهآ 2014- 1- 12 06:28 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
أنا من سُكان الخبر ولا جاء في بالي أسجل صيفي و في رمضان بعد
ما بضغط نفسي و راح أخذ مستوى تاسع بعد ... أهم شي يكون المعدل مرضي بالأخير

سمو الإحساس 2014- 2- 6 03:39 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة jasmenn (المشاركة 10329587)

وهذا ماقاله لي
اتمنى العضو سمو الاحساس شاف هالكلام ولايتحامل علي انا وكأني جبت الكلام من جيبي :oao:
مساء الخير

ابدا يااختي ماتحاملت عليك واعتذر اذا اسلوبي في الرساله السابقه كان فيه نوع من العتاب ,,

على العموم يااختي الحمدلله انا نجحت وتخرجت في 3 سنوات ونصف .. وبانتظار الوثيقة باذن الله .

دعواتي لك وللجميع بدوام التوفيق ,

سمو الإحساس 2014- 4- 22 04:45 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
1 مرفق
السلام عليكم

في المرفقات صورة وثيقة التخرج في 3 سنوات ونص الحمدلله ( خاص لام مصادر مع ملاحظة الرقم الجامعي 211)

وتمنياتي للجميع بدوام التوفيق .

الرفيق1 2014- 4- 22 12:57 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
لا تستطيع الا بعد اربع سنوات كاملة سنة تنطح سنة حتي لو اخذت صيفي حتي لو اضفت الحد الاعلي المسموحة للتسجيل كل ترم الا وهي 18 ساعة وعلي فكرة تم الغاء الصيف نهائيا علشان تشيل هل فكرة من راسك نهائيا

أفا يا قلب 2014- 4- 22 03:16 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
بدون صيفي ماتقدر تتخرج بثلاث سنوات ونص
شكيك على عدد الساعات ترى ماتقدر تاخذ اكثر من 18 ساعه بالترم!!
بتتسهل وبتمر السنوات لا تستعجل
والله يوفقنا جميعا

أفا يا قلب 2014- 4- 22 03:20 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة سمو الإحساس (المشاركة 10761075)
السلام عليكم

في المرفقات صورة وثيقة التخرج في 3 سنوات ونص الحمدلله ( خاص لام مصادر مع ملاحظة الرقم الجامعي 211)

وتمنياتي للجميع بدوام التوفيق .

عادلو لك مواد ولا شلوون!!

لحنّ 2014- 4- 22 05:45 PM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
كح كح

الموضوع قدييييم

سمو الإحساس 2014- 4- 26 06:58 AM
رد: هل أستطيع انهاء الدراسه في 3 سنوات ونص مع اخذ الأترام الصيفيه ؟
 
اقتباس:
المشاركة الأصلية كتبت بواسطة أفا يا قلب (المشاركة 10762400)
عادلو لك مواد ولا شلوون!!
ابدا ماعادلوا لي مواد .. لكن اخذت فصل صيفي وطيلة دراستي ماحملت مواد الحمدلله وتخرجت .


All times are GMT +3. الوقت الآن حسب توقيت السعودية: 11:06 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه