|
الي يضغطون بالقلم بقوه
السلام عليكم
معليش المووضوع قالقني وابغى اعرف احد يفيدني فيه كنت احل بالاختبارات تحديد بقوه مره واغمق ع الدرائره وبعض الاحيان التحديد يخرج برا الدائره واخليه اخر يوم الاختبار خلوني اعيد الاختبار لانهم اكتشفو تحديد وان الورقه من ورا من قوه التحديد برزت وقالو جهاز التصحيح مايقبل الورقه عشان البروز قلت للمراقبه انا كل اختباراتي كذا يعني كلها بحملها وهذي بنجح فيها اذا نجحت بالاسئلله خفيفة الظل من مر بهذي التجربه :Cry111: |
رد: الي يضغطون بالقلم بقوه
أنا بعد أذكر أني أغمق ع تضليل الله يستر :mh12:
|
رد: الي يضغطون بالقلم بقوه
ما يضر ان شاء الله
الجهاز ماله دخل بالبروز لأنه يمر من على الدائرة الصحيحة واذا حصلت فيها تضليل يحسب لك الدرجه واذا صاار مشكلة فهم يصححونها يدوياً بالتوفيق ،، |
رد: الي يضغطون بالقلم بقوه
لا طبعا اكيد الجامعه اذا شافت نتيجتك بالامتحان صفر من التضليل يصححونها يدوي
عشان كذا نتايجنا تطول لانهم يراجعون بعض الاوراق يدويا ناس ينسون بياناتهم او بياناتهم غلط لاتخافين ان شاء الله خير بس مره ثانيه لاتثقلين التضليل ولاتخففينه عودي يدك اهم شي الحرف ماييبن مو شرط اسود يصير ! :)) |
رد: الي يضغطون بالقلم بقوه
ماتوقع له دخل اهم شي تضليل وبس
|
رد: الي يضغطون بالقلم بقوه
لا تحاتين
به تصحيح يدوي بعد الآلي |
رد: الي يضغطون بالقلم بقوه
ياكرهي للي يتفلسفون وهم مايدرون شسالفه:139:
سلامات مايقبل عشان البروز!! كان قلتي لها ارتاحي الجهاز يصحح حسب الماده اللي بقلم الرصاص فقط عشان كذا محددين لنا اقلام معينه ماله دخل شكل الورقه ثانيا لاتخافين بتنضغط مع باقي الاوراق وترجع كأنها مكويه:cheese: وأحب أطمنك ست مستويات وانا مايرضي ضميري التظليل الا لين تتحول ملامح الورقه والحمد لله ماشيه في السليم |
رد: الي يضغطون بالقلم بقوه
عوافي ماشاء الله وانا اقول وشفي الطاوالت مخرقه دواير اثاريها منكم حرص عالدرجه تحفر ام الورقه
موفقين جميعاً .. من واقع تجربه مايضر ان شاء الله |
رد: الي يضغطون بالقلم بقوه
مايضر شيء أنــا3مستويات كل يوم اسمع هذا كلام درجاتي احسن ماتكون
مـــاشاء الله تبارك الله |
رد: الي يضغطون بالقلم بقوه
حبيبتي لا تقلقين م يرسبونك يعيدون المواظفين كتابتها و تصحيحها
|
رد: الي يضغطون بالقلم بقوه
الله يسسعدكم ريحتوني
|
رد: الي يضغطون بالقلم بقوه
لو طلعت كلها خطا يراجعوووون ورقتك اكيد
بس المفروض تظللينهم بغامق بس مو لدرجه يبرز من ورى والمفروض المراقبه سوووت لك شي مثل ملاحظه للجامعه |
رد: الي يضغطون بالقلم بقوه
لا تقلقيننن ابدا
|
رد: الي يضغطون بالقلم بقوه
مايضر ان شاء الله تعلى
|
رد: الي يضغطون بالقلم بقوه
تفاولي بالخير وان شاء الله تتسهل لك لا تشيلين هم
الله يسهل امرك |
رد: الي يضغطون بالقلم بقوه
غريب آمرهم :no:
أحد آيام الاختبارات وحده من المراقبات تقول لبنت لية مضللتها بالخفيف غمقيها وسرى الليل وحنا ماسرينا :(269): أنا أكسر القلم أذا كان مبري زي الدبوس عشان أحدد بسرعة وماتنخرم الورقة :biggrin: |
رد: الي يضغطون بالقلم بقوه
يآبعد حيي لايضيق صدركـ ولا شئ ..
ماعليتسسس منهم , ماغير يتفلسفن على غير سنـع !! اللي يسمعهن يقول مندوبآت بـ الجآمعة هاللحيـن :(177): ~ [ صـآير لي كذآ موقف غبــي معهن ] .. المشكلة استغفر الله .., ماعندهن أسلوب !! خصوصـاً بـ آخر مدرسة اختبرته .. مآغيــر يهبّلن بالواحد .. يدفقن قلوبنـآ ~ < دابلتن تسسسبدي منهن , توي مقيّمـة المركز و أرسلت لهم ملاحظاتي :S_45::004:" .. يـآليتــه على التظليل بس !! تخيلي أول اختبـآر قالت لي المراقبة [ الله يامنتس ] ابكتب لج تعهد !! قلت له وراه ؟! .. قالت ماعندج إثبات !! .. قلت وذي بطاقة العائلة ! قالت .. هذي مو إثبات !! شيضمني ان اسمج هذا .. يمكن أسم اختج !! قلت له يآبنت الحلال .. شوفي رقم الهوية نفس اللي بورقة التعريف .. قسم بالله :verycute:" قالت يمكن مو أنتي !!! + والثانية طلت بوجهي تقول لي / تعتبريــن غآشـة .. الجامعة تحطج من ضمن الغاشين .. أنتي غاشة !! [ ورب الكعبة أن قلبي دق .. خفت .., وش اللي غآشـة !! قسم ماغشيت !! حتى اللي حولي طلعن .. فيه أنـآ و كذآ بنت بس ] ! قالت لي / ظللتي هنـآ , [ تقصد المراقبة ] اللي بورقة الاجابات .. قلت وبسسسس !!! .. قالت : ايه الجامعة تحسبج غاشة ! قالت و من متى إن شـاء الله ؟! .. كل الاترام اسوي تسذآ .. ولاني مستجده ما أعرف بالقوانين ! السنة الاخيرة تراي .. ! قالت خلاص مسحيـة .. + والثالثة تقول .. ظللي أكثر !! قلت : خلاص ماأقدر < أشق الورقة مثلآ ؟ |
رد: الي يضغطون بالقلم بقوه
خلصنا الاختبارات وبدينا بالوسوسة ... مستحيل تاخذين صفر سلامات والله لو اسمك على الورقة ويشوفون اجابات يصححونها يدوي في حالة ماقبلها الجهاز ... ريحي بالك فالك a+ |
رد: الي يضغطون بالقلم بقوه
مايضرك يالحلوة انا احب احفر ما احب اضلل ههه كله خوف انه ماتنحسب والحمد لله
ماصار الا الخير |
رد: الي يضغطون بالقلم بقوه
انا كل اختباراتي احفر الورقه حفر والحمد لله ماشي تمام |
رد: الي يضغطون بالقلم بقوه
الله يجزززززاككككم خير مره مره كنت شايله هم
|
رد: الي يضغطون بالقلم بقوه
هههههههههههه
اما تقول لج بروز انا خلصت ٧ سمسترات وما اذكر سلمت ورقة بدون ما يكون فيها بروز مكان التظليل اعبي الدائرة مضبوط واطلع شوي بعد واحيانا وانا انتظر نص الوقت اعيد عليهم :) والحمدلله ما حملت ولا مادة |
رد: الي يضغطون بالقلم بقوه
عادي حبيبتي انا احيان اخفف واحيان اضغط بقوه :16.jpg: ودايم فيه كم شخبوطه طالعه برا الدائره :icon120: يعني لاتشيلين هم وارقدي :019: |
رد: الي يضغطون بالقلم بقوه
مستحيل انا تظليلي عادي
لكن والله اشوف تضليل المراقبات على الرقمين اللي عاليمين فوق يظللون بقووووه ومره مراقبه قالتلي قمقي التظليل يعني كل واحد من راسه |
رد: الي يضغطون بالقلم بقوه
،
:Looking_anim::Looking_anim::Looking_anim: تصدقي عاد أنا 3 اختبارات أغير ورقتي :16.jpg: بس المشكلة في أنا :10111: إضلل بذمه و ضمير و أشق الورقة :hahahahahah: لا تشلي هم بإذن الله أمورك بتكون في السمبتيك :10111: :love080: |
رد: الي يضغطون بالقلم بقوه
ههههههههههههههههه
انا يوم السبت اختبرت آخر ماده لي في الجامعه يعني اذا وفق رب العالمين ونجحت في الاختبارات اتخرج .. وبحكم الخبره اقولك بالتضليل خصوصا البيانات اضغط بقووه لدرجة مره تمزقت الورقه وانا اضلل دائره .. وماارتاح لحد مااشوف التضليل اسوود ومافيه مره كلمني مراقب وحتى لو قال لي اعيد التضليل مااوافق نهائيا .. هو دوره المراقبه (الغش - والتأكد من الهويه ) فقط . لذلك يفترض ماطاوعتيها في طلبها الغريب . و اذا انت حاسه ان التضليل خفيف مره بعد الاعاده وتتوقعين ان الاله ماتقرا الاجابه انصحك تكتبين الملاحظه في ايقونة تلقي ملاحظات الطلبه في الخدمات الطلابية وتحددين الماده وبكذا انت ماعليك اي مسئولية نهائيا وهم مجبرين يضللون ورقه جديدة فيما لو رفضت الاله تصحيح الورقة . وبصراحة الله يعينكم يالبنات اشوف عليكم تدقيق غريب وعندكم نظام البصمه وحركات ودعواتي لك وللجميع بالتوفيق . |
رد: الي يضغطون بالقلم بقوه
منجد والله مدري ايش يبغون
ومسوين فيها شخصيات قويه مايضحكون ابد عشان الهيبه ماتضيع شكلها مشكلنا احنا امهات ومو من الذوق يتعاملو معنا بهالطريقه |
رد: الي يضغطون بالقلم بقوه
نفس الحال الله يستر من دريت واناا قلقانه
|
رد: الي يضغطون بالقلم بقوه
انا في تظليل ورقة الاجابه ينخرم الحرف وينفتح واذا كان خطأ امسحه هو مخروم ومفتوح الحرف والظلل الحرف الصحيح وبعض ورقة الاجابة امسح الحرف الخطأ مسح ثقيل لدرجة يختفي الحرف او أمسحه خفيف وظلل الحرف الثاني،، هل فيه مشكله في تصحيح ورقة الآجابة وخصوصاًآلة التصحيح تصحح المخروم او الممسوح خفيف وتترك الاجابة والله هذه أفكر فيها إلى حد الآن ياليت لو تفيدوني مالعمل ؟؟؟ |
رد: الي يضغطون بالقلم بقوه
لاحبيبتي مايأثر أبدددا توكلي على ربي وماتاكلي هم وتفكيرر
موفققه يارب 🌷 |
رد: الي يضغطون بالقلم بقوه
انا في تظليل ورقة الاجابه ينخرم الحرف وينفتح واذا كان خطأ امسحه هو مخروم ومفتوح الحرف والظلل الحرف الصحيح
وبعض ورقة الاجابة امسح الحرف الخطأ مسح ثقيل لدرجة يختفي الحرف او أمسحه خفيف وظلل الحرف الثاني،، هل فيه مشكله في تصحيح ورقة الآجابة وخصوصاًآلة التصحيح تصحح المخروم او الممسوح خفيف وتترك الاجابة والله هذه أفكر فيها إلى حد الآن ياليت لو تفيدوني مالعمل ؟؟؟ |
رد: الي يضغطون بالقلم بقوه
هههههههههه حلوه تضغطين على القلم يبوووي شو خوف والاحرص يخرب بيت العدو ههههه
اناعن نفسي اظلل خفيف واطلع برا الدائره يعني براحتي اشخبط واطلع من اللجنه الدكتوره تبع جامعه الملك فيصل الي جت لمقرنا قالت انهم بيدققون يدويا بعد يعني لاتخافي تطمني ويارب تجيبين فل مارك |
رد: الي يضغطون بالقلم بقوه
اقتباس:
الله يسمع منك والله يوفقك وتحصلي على مرادك وعقبال جميع المواد +a ان شاءالله |
رد: الي يضغطون بالقلم بقوه
ماعليتس منها انا احبر بااقوى ماعندي وارجع اعيد عليهم لما اراجع :16.jpg:
والحمدالله لين الحين ماشيه اموري ياشين اذا جت جديده وجلست تتفلسف كل امورتس بااذن الله طيبه لاتحاتين :oao: |
| All times are GMT +3. الوقت الآن حسب توقيت السعودية: 07:29 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه