ملتقى طلاب وطالبات جامعة الملك فيصل,جامعة الدمام - مطالبة الجامعة بإعلان النتائج في وقت مبكر !

صفحة 1 من 2

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)

- - مطالبة الجامعة بإعلان النتائج في وقت مبكر ! (https://vb.ckfu.org/showthread.php?t=541821)

abood_k

2014- 1- 4 06:18 PM

مطالبة الجامعة بإعلان النتائج في وقت مبكر !

السلام عليكم ورحمة الله وبركاته

أحبتي طلاب جامعة الملك فيصل ..

جميعنا يعاني من تأخر اعلان نتائج الاختبارات والتي تصحح الكترونياً ومن المفترض ان تعلن بشكل سريع

نرى إخوتنا في الانتساب بالجامعات الأخرى تعلن نتائجهم بشكل مباشر أو في مدة أقصاها اسبوع

إلا ان جامعة الملك فيصل تستغرق اكثر من 3 اسابيع !!

نأمل ان يراسل الجميع عميد الجامعة او الجامعة لإعلان النتائج بشكل مبكر

من يؤيدني الرأي .. يصوت على الاستطلاع اعلاه :(204):

abood_k

2014- 1- 4 06:30 PM

رد: مطالبة الجامعة بإعلان النتائج في وقت مبكر !

هذا بريد الدكتور عبدالله الفريدان ( عميد الجامعة )

afridan@kfu.edu.sa

آمل من الجميع مراسلته .. وكذلك هذا حسابه على تويتر : ( @alfraidan )
https://twitter.com/alfraidan

ماجد سعد

2014- 1- 4 06:31 PM

رد: مطالبة الجامعة بإعلان النتائج في وقت مبكر !

ما ابطى بالسيل الاجوده :)

حــرامـــى

2014- 1- 4 06:37 PM

رد: مطالبة الجامعة بإعلان النتائج في وقت مبكر !

ما راح تشوف النتيجه الا في نهاية اول اسبوع من شهر اربعه

خذ الكلااااام

abood_k

2014- 1- 4 06:38 PM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة حــرامـــى (المشاركة 10277657)

ما راح تشوف النتيجه الا في نهاية اول اسبوع من شهر اربعه

خذ الكلااااام

للأسف دائماً النتائج تتأخر

توقعاتي النتيجة تكون في بداية شهر 4 أول يوم من الشهر ممكن

:24_asmilies-com::24_asmilies-com::24_asmilies-com::24_asmilies-com:

سعودالشهراني

2014- 1- 4 06:38 PM

رد: مطالبة الجامعة بإعلان النتائج في وقت مبكر !

الصبر زين وكل مطرود ملحوق

المراجل

2014- 1- 4 06:39 PM

رد: مطالبة الجامعة بإعلان النتائج في وقت مبكر !

الجامعات الأخرى لديها مقر واحد وبعضها كم مقر لاتقارن بجامعة الملك فيصل

التأخير والتدقيق في مصلحة الجميع لاعادي للاستعجال كلها أسابيع وكل طالب يأخذ حقه

abood_k

2014- 1- 4 06:40 PM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة سعودالشهراني (المشاركة 10277677)

الصبر زين وكل مطرود ملحوق

الصبر نصبر وأنا اخوك

بس المشكلة الطلاب اللي يختبرون بعدنا بيبدأون بكرا .. تجي نتائجهم قبلنا :/
واحنا جامعتنا عندها تصحيح الكتروني وكل هالتأخير !! :24_asmilies-com::24_asmilies-com:

abood_k

2014- 1- 4 06:41 PM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة المراجل (المشاركة 10277693)

اوافقك الرأي في مسألة المقرات
لكن باعتقادي ان الجميع يسلم اوراق الاجابات للجامعة في نفس اليوم
البريد الممتاز وفيديكس وترا لو ودوها بالسيارة ماتاخذ كم ساعة :/

الجامعة تتأخر وتتأخر في جميع اعمالها وقراراتها

المراجل

2014- 1- 4 06:50 PM

رد: مطالبة الجامعة بإعلان النتائج في وقت مبكر !

اكثر من 165 مركز بالمملكه وخارجها صعب ياخوي يجمعونها بيوم ولا بيومين
كلنا طلبة و نبي النتيجه بسرعه لكن الوضع يبيله صبر

مدرك	2014- 1- 4 06:53 PM

رد: مطالبة الجامعة بإعلان النتائج في وقت مبكر !

بو عبود انت الان لك سنتين بالجامعه

ما تعرف انه توجد مئات المراكز منتشره داخل المملكه و غير المراكز الموجوده بالخارج

جمع اوراق الاجابه يحتاج وقت
فما بالك بالتصحيح و الرصد

عشيقي A

2014- 1- 4 07:14 PM

رد: مطالبة الجامعة بإعلان النتائج في وقت مبكر !

من جد نبغى يسرعون في خروج نتيجتنا مايصير نصبر 3 اسابيع او شهر ابد مو معقول

أنفاس الياسمين

2014- 1- 4 07:27 PM

رد: مطالبة الجامعة بإعلان النتائج في وقت مبكر !

وشفيكم مستعجلين بيطلعونها بس يبيلها وقت

ابو كريم2012

2014- 1- 4 07:41 PM

رد: مطالبة الجامعة بإعلان النتائج في وقت مبكر !

التاريخ المتوقع لظهور النتائج

بين 20 و22 ربيع اول

roro2013

2014- 1- 4 07:41 PM

رد: مطالبة الجامعة بإعلان النتائج في وقت مبكر !

وووووووووووووووليه الاستتتععجال طيب عاادي خل يتاخررون عاااااااتي :119::(269)::d5::53:

أبوبسام3

2014- 1- 4 07:54 PM

رد: مطالبة الجامعة بإعلان النتائج في وقت مبكر !

مو عذر التاخر

لان الجامعة استقطبت موظفين وسبق ان قلت عملية فرز النتايج بامكان الجامعة استقطاب متعاقدين لتشغيلهم في الفرز والشغل يكون على مدار اليوم

واشوف مدة اسبوع كافيه واذا الالات اللي تفرز قليله يدبلونها لان دخل الجامعه خيالي وسلامتكم

عبدالصمد

2014- 1- 4 07:54 PM

رد: مطالبة الجامعة بإعلان النتائج في وقت مبكر !

3 أسابيع... تعتبر فترة مناسبة جدا بالنظر إلى عدد الطلبة وعدد المقررات وعدد مراكز الاختبار
الاستعجال لا يولد إلا الأخطاء
لنتركهم يصححون ويدققون النتائج وينظرون في ملاحظات الطلبة حول الاختبارات حسب الإجراءات المتبعة لديهم
وأتمنى للجميع النجاح

سلطان القصيم

2014- 1- 4 08:13 PM

رد: مطالبة الجامعة بإعلان النتائج في وقت مبكر !

استغرب من الطالب اللي مختار الاختيار اللي يقول فيه وقتها مناسب مدري وش يحس فيه 😳 طبعا اكيد مستحيل في نفس اليوم لكن نقول اسبوع كافي جدا خاصه اذا كان هناك ناس تعمل بذمه وضمير (بعيدا عن قهوه الضحى بالمكتب ولا جاء وقت الصلاه طلع قبل الاذان بساعه ورجع بعد الصلاه بساعه ويمكن بعد يتصل ويقول عندي ظرف او بجيب الورعان من المدارس 😜) علما ان ربعنا في جامعه الملك عبدالعزيز اسئلوا عنهم متى تطلع النتائج بالكثير اسبوعين والمصيبه الاعداد عندهم مو سهله كبيره .لكن للأمانه جامعتنا كثر مصدقيه في وضع النتائج
والله اعلم .

اسال الله لي ولكم التوفيق

تقبلوا مروري

x5x70

2014- 1- 4 08:34 PM

رد: مطالبة الجامعة بإعلان النتائج في وقت مبكر !

هاذي طريقة التصحيح في الجامعه

http://www.youtube.com/watch?v=Kg4To4hKMfc

خوخ وزهر

2014- 1- 4 08:34 PM

رد: مطالبة الجامعة بإعلان النتائج في وقت مبكر !

يا ذا الشعب الفيصلي اللي ما يركد
كل شوي مطالبة وزعلانين ههههههه

يا جماعة خلونا نركد ونهدا شوي بعد الاختبارات والجماعة يصححون على راحتهم واحنا ناخذها فترة راحة ونقاهه

انتو كيفوا نفسكم على وضع الجامعة بحكم الاعداد الكبيرة وكثرة المراكز هذا شي طبيعي

احنا مسجلين بالجامعة ومو شرط كل شي يجي على مزاجنا

احنا نتحملهم وهم يتحملونا والدنيا تمشي

وبس

OBD	2014- 1- 4 09:00 PM

رد: مطالبة الجامعة بإعلان النتائج في وقت مبكر !

نظام سبك ، انجزوا علينا يرحم امكم :(

سمو الإحساس

2014- 1- 4 09:37 PM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة المراجل (المشاركة 10277693)

ابدا هذا مو مبرر
تدري انه بعد كل اختبار وفي كل المناطق ترسل الاجابات مباشرة للجامعه في نفس الليلة
لو قلنا اسبوع تصحيح وعرض نتائج يكون الوضع مقبول ..
سؤالي لو كان التصحيح يدوي مثل السابق كم شهر ياترى بننتظر ؟

o_lg_ll

2014- 1- 4 09:48 PM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة خوخ وزهر (المشاركة 10279587)

هههههههههههههه

احسن شي في التعليقات كلها >>> الشعب الفيصلي :hahahahahah:

اشوي راح يطالبون بالانسحاب من فلسطين والا راح يقطعون النفط :hahahahahah:

ترا جد ياجماعة يا دوافير يلي راح تأخذون النتيجة منا وحفلات النجاح في الشانزليزيه منا

جد جد جد ركدو ترا كلها 3 اسابيع الــ شهر

يعني لو احد التعليقات يقول انا ابي النتيجة بدري عشان اخطط ايش انزل من مواد للسمتسر الجاي

اقول هذا من حقه يخطط ويشوف شنو المادة الى حملها ( رسب فيها ) وشنو المواد الى نجح فيها

ويشوف قوة المواد الى راح ينزلها للسمستر الجاي وعدد ساعتها مدام معدله قوي او ضعيف او حمل ماده او مادتين ويبي يعوض او يقلل او نجح بمعدل قوي ويبي يزيد مواد الخ

يعني لو اشوف تعليق مثل كذا اقول اوك هذا ما الومه

اما ظنتي الاغلب مو الكل الاغلب انا قلت راح يأخذ النتيجه منا وبس خلاص طاح مافي راسه

من حق الكل ياخذ نتيجته بس مطالبه وثورة ثورة على 3 اسابيع مدري شهر مالها داعي

https://www.youtube.com/watch?v=87tsloSVOpE

طموح فتاه

2014- 1- 4 09:58 PM

رد: مطالبة الجامعة بإعلان النتائج في وقت مبكر !

من رايي اسبوعين كويس
أما اسبوع الوقت مره ضيق ماعتقد يمدي

ghreeb spirit

2014- 1- 4 10:24 PM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة المراجل (المشاركة 10277693)

صحيح كلامك .. جامعتناا لديه اكثر من مركز اختبار حتى بدول الخليج وحريصه على كل طالب ياخذ حقه والتصحيح يعاد مرتين للتاكد من النتيجة .. وغير كذا فيه بعض الاوراق تكون البيانات ناقصه او غير واضحه ولابد بان تراجع البيانات ..... الخ
وكل تاخيره فيها خيره .. ونتيجتك بتعرفها قبل لا تسجل مواد الترم القادم

الباراتون

2014- 1- 4 10:29 PM

رد: مطالبة الجامعة بإعلان النتائج في وقت مبكر !

إستطلاع و الله مدري شو تحسون بوه
شكلها الفضاوه

مستوئ اول

2014- 1- 4 10:35 PM

رد: مطالبة الجامعة بإعلان النتائج في وقت مبكر !

SALEH ALOTAIBI

2014- 1- 4 11:02 PM

رد: مطالبة الجامعة بإعلان النتائج في وقت مبكر !

حتى أسبوع فترة طويلة!!!

المفروض خلال يومين أو ثلاث أيام بالكثير من أختبار أي مادة يتم إعلان النتيجة.. مافيه أي مبرر لكل هذا التأخير.

المدارس وهي مدارس باختلاف مراحلها تعلن النتائج في الأسبوع الأول من إنتهاء الاختبارات!!

ريم 2012

2014- 1- 4 11:04 PM

رد: مطالبة الجامعة بإعلان النتائج في وقت مبكر !

تعودنا عليهم نام وغني ياليل مطولك وتطلع تبيض الوجهه يارب :019:

وزير قادم

2014- 1- 4 11:16 PM

رد: مطالبة الجامعة بإعلان النتائج في وقت مبكر !

[glint]الحين ذابحين نظام الالكتروني لرصد الدرجات ومصورين لنا جهاز وشكبره وشارحين طريقة عمله هياط ولا شغلكم يدوي وكشختو وتوهقتو
ونظام متطور بالأخير النتائج تستغرق وقت طويل كانهم مش فاضين لنا

اطالب جميع الطلبه ان يبعثو ايميل ويبعثو ايميل لتعليم العالي واخوانا من الصحفيين طالبو الجامعه تنجز نتائجنا وحنا هم الاختبارات وهم النتائج عندنا اشغال وعيال وبيوت محد فاضي يشيل هم طلعت النتائج ماطلعت [/glint]

ثامر اليآمي

2014- 1- 4 11:19 PM

رد: مطالبة الجامعة بإعلان النتائج في وقت مبكر !

اشوف إن حملنا صار ثقيل على الجامعة كل يوم وحنا طالعين بمطالبة ..

الجامعة تستحق الصبر ولا قصرت معنا في امور كثير ما نحس فيها ..

أم يـــارا

2014- 1- 4 11:26 PM

رد: مطالبة الجامعة بإعلان النتائج في وقت مبكر !

طال الصبر متى الفرج ياااااااارب ::060:

o_lg_ll

2014- 1- 4 11:27 PM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة sholyel (المشاركة 10282308)

مساك بالخير اخوي

عسأك على القوة

شخبارك طيب

لا بس حبيت اسلم عليك واقولك هذي جامعة ماهي مدرسة ليلي

بس تبي الصراحه ممكن يكون كلامك صحيح لنا الظاهر انت ادري بأمور الجامعة والى يصير فيها

(بعيدالمدى)

2014- 1- 4 11:34 PM

رد: مطالبة الجامعة بإعلان النتائج في وقت مبكر !

ياجماعه التمسووووو لجامعتنا العذر بجوووووز ان جهاز التصحيح الالكتروني اللي عندهم واحد فقط ...

بعدين اشوف ان النتائج خلال اسبوعين ... لا ضرر ولا ضرار .... مقبوله

...mlak

2014- 1- 4 11:37 PM

رد: مطالبة الجامعة بإعلان النتائج في وقت مبكر !

اتوقع انه صعب بالنسبه لجامعة الملك فيصل..عدد الطلاب والطالبات كثييير جدا جدا جدا..
وعندهم بعد مراكز خارج المملكه ..
يعني ع بال مايجمعون ويسافرون بالاوراق ويصححون ..تحتاج وقت ..

ع فكره توني اليوم شفت شناط فيها اوراق اختباراتنا تقريبا عشر شنط _حجم كبير_ من مركزنا فقط ..اتوقع المسئله كبيره جدا الله يكون بعونهم..

خوخ وزهر

2014- 1- 5 12:10 AM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة ...mlak (المشاركة 10282842)

وانا بعد شفت شناط كبيرة ملزقة .. وعليها قفل برقم سري ..
يعني لسه عبال توصل الاوراق وعبال تتصحح وكذا ..

انا عاذرتهم ... هو أقل شي أسبوعين لازم ننتظر .. بعدها ممكن تظهر النتيجة
يعني اقل من 3 اسابيع .. بين اسبوعين وثلاثة

والفريدان بيعطينا التاريخ المتوقع وان شاء الله خير

YAZEED.A

2014- 1- 5 12:17 AM

رد: مطالبة الجامعة بإعلان النتائج في وقت مبكر !

جداً طويله ثلاث اسابيع ..

حلو ان الجامعه تجمع مابين سرعة الانجاز و الدقة وهذا دائما المطلب.
الله يصبرنا بس على هالثلاث آسابيع !

مريوم 2

2014- 1- 5 12:53 AM

رد: مطالبة الجامعة بإعلان النتائج في وقت مبكر !

بصراحة انا مو من جامعتكم بس اشوف ثلاث اسابيع زينة مراكزاكم كثييييييرة داخل وبرا السعودية فصعبة يخلصونها باسبوع او اسبوعين 100 الف سمعت طالب وطالبة في جامعتكم فانتو ليش مستعجلين انبسطوا ولاتعكرون مزاجكم بالنتايج
كل شيئ بوقته حلو وان شاء الله الكل ناجح والله يوفقكم

lo0lla

2014- 1- 5 12:53 AM

رد: مطالبة الجامعة بإعلان النتائج في وقت مبكر !

ياصبر سيدي عبدالله الفريدان عليكم

هع هع سيدي :mh35: ذكرتكم بمن :16.jpg:

بس من جد تقول بزران كل سالفه ..وانتم سادحين ايميله وحسابه

قسم بالله رحمته وااااعزتي له

اختششششششو ياعالم وارحمو الرجال خلوه ييركز في التصحيح

هالله هالله بالتصحيح يالفريدان

بالذات اوراقي:(316):

sarayoon

2014- 1- 5 01:02 AM

رد: مطالبة الجامعة بإعلان النتائج في وقت مبكر !

ياكثر مطالبكم كثررررررررااااه

صَمت^^

2014- 1- 5 01:13 AM

رد: مطالبة الجامعة بإعلان النتائج في وقت مبكر !

لاتستعجلووون متى ماخلصو التصحيح بينزلونها
100 الف طالب انتو مستوعبين العدد !! :sm5: داخل وخارج السعوديه
يعني صعبه والله حتى لو انه تصحيح آلي
اصبرو عليهم والله يعين
فالكم التوفيق ..:sm12:

فرولة توت

2014- 1- 5 01:18 AM

رد: مطالبة الجامعة بإعلان النتائج في وقت مبكر !

يعنى جامعة الامام بن سعود
ماتاخذ فترة نتائج الاختبارت اسبوع با الكثير
وحنا من شهر لشهر وونص
وربي كثير الجامعة ما ينقصها شيء
اعتقد يا ليت
تكوون اسرع بسسسس:007:

TaT	2014- 1- 5 01:37 AM

رد: مطالبة الجامعة بإعلان النتائج في وقت مبكر !

مفروض المادة اللي نخلص منها يعلمونا بدرجتها أو أقل شي بعد اﻹختبارات بأسبوع على اﻷقل صحيح عطلنا وارتحنا بس لا زال هم النتايج يطاردنا خصوصا في المواد اللي شاك الواحد بين الرسوب أو النجاح على الحفة
ثلاثة أسابيع مدة طويلة ومملة في اﻹنتظار وبعدين التصحيح إلكتروني يعني المدة مبالغ فبها

صمت...%

2014- 1- 5 01:39 AM

رد: مطالبة الجامعة بإعلان النتائج في وقت مبكر !

كل ترم على هالمنوال :)

o_lg_ll

2014- 1- 5 02:01 AM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة صمت...% (المشاركة 10284788)

كل ترم على هالمنوال :)

وياليت نخلص من هالاسطوانة

تقول ماتعودو

خاصة القديمين

مو ناقصهم غير ديرم في الشفايف وحنى في الشعر وخذ هذره

نسرين خالد

2014- 1- 5 02:06 AM

رد: مطالبة الجامعة بإعلان النتائج في وقت مبكر !

الوقت جيد
طولوا بالكم ...

sarayoon

2014- 1- 5 02:43 AM

رد: مطالبة الجامعة بإعلان النتائج في وقت مبكر !

بعد مواضيع المطالب
نجي لمواضيع النتايج والإشاعات واللي يحط العنوان مبهم عشان يدخلون بسرعه ويردون عليه مارحمت الا الطلاب الجدد بتنحرق أعصابهم
أعزائي مستوى اول النتايج ميب طالعه الا باليوم اللي بيحددونه الجامعه وأي مواضيع بهالخصوص كلها إشاعات وحرق أعصاب
فلا تتحمسون واجد وروقوا..

[| البرنس |]

2014- 1- 5 02:50 AM

رد: مطالبة الجامعة بإعلان النتائج في وقت مبكر !

يا ليت يستعجلون علينا ولو مره وحده دائما متأخرين مقارنتا بالجامعات الاخرى ...

ام المقدام

2014- 1- 5 02:58 AM

رد: مطالبة الجامعة بإعلان النتائج في وقت مبكر !

السلام عليكم ورحمة الله وبركاته
اخواني واخواتي في لله بسالكم عن تخصص علم اجتماع كيف هذا القسم ان شاء الله حلو؟ الله يجزاكم الجنة

Dr. Diamond

2014- 1- 5 03:12 AM

رد: مطالبة الجامعة بإعلان النتائج في وقت مبكر !

السلام عليكم جميعاً

تذكرون قولة: "كل تأخيرة فيها خيرة" ;)

ياجماعة الخير ترى العجلة لها نتائج وخيمة ، وأعطيكم على سبيل المثال:

# لو أحد الطلاب بعد التصحيح الآلي ظهر مجموعه الكلي 65درجة يعتبر (ناجح) :rolleyes:

وعند تطبيق النظام السريع اللي أنتم تطالبون فيه ، قام أحد الموظفين لحظة سرعة إدخال البيانات كتب 56درجة بدال مايكتبها 65 درجة ، يعتبر في هذه الحالة الطالب (راسب) :(

وفي أحد الأترام رسبت أنا بمادة "الأحصاء في الإدارة" أيام النجار اللي ياليته كان نجار ولا مدرس :mad: وتخيلوا كم كانت درجة رسوبي وللمعلومية درجة الواجبات والمشاركة كانت كاملة 30درجة!!؟
كانت الدرجة الكلية 56درجة :( يعني بس باقي لي 4درجات وأنجح :sm1:

لذلك أنصحكم بالصبر والروية ، ترا والله إنها لمصلحتكم بالأول والأخير ، وإلا هم ترا بيرتاحون لو يخلصونها بسرعة على طلبكم ، فالمسألة مصيرية وماهي سهلة لأن فيها إما (نجاح أو رسوب).

وعسى الله ينجحكم جميعاً

تحياتي :(188):

يآرب التوفيق

2014- 1- 5 04:01 AM

رد: مطالبة الجامعة بإعلان النتائج في وقت مبكر !

والله انا اشوف عادي كذا والا كذا راح انتقل للمستوى التالي والنتيجه بتطلع بتطلع فليش استعجل ممكن اللي ع وجه تخرج تهمهم تطلع بسرعه ...

والمدارس نتايجهم تطلع بدري لان مانقدر نقارن مدرسه طلابها مايتعدون 400 بجامعه ولها عدة مراكز واكثر من 100 الف طالب وطالبه

abood_k

2014- 1- 5 04:46 AM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة مدرك (المشاركة 10277898)

أظن أن التقنيات تطورت والدنيا صارت سريعة ..

يا أخي مسألة جمع الأوراق لاتأخذ كل هذا الوقت !!
بنظري لو تم تسليم الورق بشكل يومي للجامعة وتصحيحها في نفس اليوم
او في اليوم التاليي كحد اقصى

فالجامعة رح تعلن عن النتائج في مدة اقصاها أسبوع !!

abood_k

2014- 1- 5 04:47 AM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة ابو كريم2012 (المشاركة 10278576)

التاريخ المتوقع لظهور النتائج

بين 20 و22 ربيع اول

هذا المتوقع .. والتاريخ الفعلي في اعتقادي مطلع شهر 4

abood_k

2014- 1- 5 04:49 AM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة أبوبسام3 (المشاركة 10278844)

صادق يا اخوي

دخل الجامعة خيااااالي لو تحسبون كل طالب يدفع كل ترم 2500 اضربوها في عدد الطلاب والطالبات
واللي يوصل عددهم اكثر من 70 الف طالب وطالبة

تطلع ملايين .. وآخرتها موقع سيئ ولايستحمل عدد الطلاب
وتأخر بالنتائج !!

abood_k

2014- 1- 5 04:50 AM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة x5x70 (المشاركة 10279583)

هاذي طريقة التصحيح في الجامعه

http://www.youtube.com/watch?v=kg4to4hkmfc

شايفين طريقة التصحيح ياشباب !!!

سريعة جداً جداً جداً وممكن تتصحح جميع نتائح الطلاب في نفس اليوم وبغضون ساعة ..

لكن للأسف الجامعة لاتعمل ومتكاسلة !!

abood_k

2014- 1- 5 04:51 AM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة سمو الإحساس (المشاركة 10280820)

هنا القهرر وهنا المشكلة ..

يعني التصحيح الكتروني والمفروض ما ياخذ اكثر من اسبوع :(

abood_k

2014- 1- 5 04:53 AM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة وزير قادم (المشاركة 10282527)

الله المستعان :(

والله المفروض الجميع يراسل الجامعة
وبإذن الله رح يتجاوبون معنا .. أنا وضعت البريد وحساب عميد الجامعة بتويتر
آمل من الجميع التواصل مع الجامعة

abood_k

2014- 1- 5 04:57 AM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة مريوم 2 (المشاركة 10284077)

هنا الكلام .. 100 الف طالب وطالبة
يعني الدخل السنوي للجامعة ( 5000 * 100000 ) = 500.000.000 !!!
خمس مئة مليون ريال سعودي ..

ليش ما يكون في سرعة بإنجاز النتائج مادام الفلوس متوفرة !!

مستكشف 11

2014- 1- 5 05:00 AM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة ابو كريم2012 (المشاركة 10278576)

التاريخ المتوقع لظهور النتائج

بين 20 و22 ربيع اول

http://www.ckfu.org/vb/images/icons/icon14.gif

مستكشف 11

2014- 1- 5 05:19 AM

رد: مطالبة الجامعة بإعلان النتائج في وقت مبكر !

انا ارى ان المسأله ماهي مثل ما نتصور
اكثر من 100 الف طالب وطالبه
ارسال الاوراق ثم فرزها ثم تصحيحها ثم ادخال البيانات في النظام الخ

على اية حال اعلان النتائج لن يتعدى 20 يوما

براآءه

2014- 1- 5 05:25 AM

رد: مطالبة الجامعة بإعلان النتائج في وقت مبكر !

يجب اعلان نتيجة المادة في نفس يوم الاختبار :eek:

ههههههههه لا بالله طموحين :D

Mesh3l

2014- 1- 5 06:30 AM

رد: مطالبة الجامعة بإعلان النتائج في وقت مبكر !

في اعتقادي شي مهو ضروري متى ماعلنوا النتائج
اذا فيه مطالبات علشان تفيد الاخوان
1_ رفع عدد الساعات المستوى الخامس والسادس
2_ زيادة المواد في الترم الصيفي والسماح للطلبة الاختبار في مقرات اختباراتهم اذا تجاوز عدد الطلاب
100
3_ السماح بالتسديد على شكل دفعات لان في النهاية الطلاب راح يدفع الفلوس اللي عليه قبل ياخذ
الوثيقة وعلشان ماينضغط الطالب مادياً

جميع هالامور من وجهة نظري اهم من سرعة اعلان النتائج

أسماء 95

2014- 1- 5 06:35 AM

رد: مطالبة الجامعة بإعلان النتائج في وقت مبكر !

الاستطلاعات اللي تصير في المنتدى
في آحد من المسؤولين يشوفهآ اصلا ؟

وهل فيه مره جابت نتيجة ؟

صـــاحـي لهـــم

2014- 1- 5 07:50 AM

رد: مطالبة الجامعة بإعلان النتائج في وقت مبكر !

الله يستر انا اتوقع الجامعه من كثر المطالباااااات ع الصغيره والكبيره بتقلبها تحدي:mh12:
والترم الجااااي يصير بدون ال 30 درجه حقت المناقشات مثل ماطالبوا بانه الاسئله تقل عن سبعين وصارت خمسين سؤال وكل سؤال من درجه وربع :41jg: بعد ماكنا نستمتع بالسبعين سوال يعني لو تخطي بنص الاسئله ناجح:53:
نتائج الاختبارات خلال ثلاث اسابيع تعتبر كووويس فلا تستعجلون لانه التصحيح يعاد ثلاث اربع مرات واذا كان فيه اختلاف في النتيجه يعاد تصحيحها يدوي وقس ع ذلك الاعداد والمراكز بداخل وخارج السعوديه:oao:
وبالتوفييييييييييييق للجمييييييييييييييييييع:d5:

مازن اليامي

2014- 1- 5 08:41 AM

رد: مطالبة الجامعة بإعلان النتائج في وقت مبكر !

حطو هاشتاق في تويتر

Maithem

2014- 1- 5 09:23 AM

رد: مطالبة الجامعة بإعلان النتائج في وقت مبكر !

تاخر النتائج من صالح الطالب،لذلك لا تستعجلون على النتائج وكل تاخيرة فيها خير وربي يوفق الجميع
يعطيك العافية

أبو وليد85

2014- 1- 5 09:36 AM

رد: مطالبة الجامعة بإعلان النتائج في وقت مبكر !

أرجو الإطلاع

http://www.ckfu.org/vb/t542303.html

Silent Light

2014- 1- 5 09:48 AM

رد: مطالبة الجامعة بإعلان النتائج في وقت مبكر !

تم التصويت

:

الوقت أسبوع .. وهذا اعتقد كافي ومنطقي ..

طالبـه جامعيه

2014- 1- 5 10:47 AM

رد: مطالبة الجامعة بإعلان النتائج في وقت مبكر !

تو الناس خلينا مرتاحين هع :)

طالب شمالي

2014- 1- 5 11:07 AM

رد: مطالبة الجامعة بإعلان النتائج في وقت مبكر !

بداية تسجيل المواد الفصل الثاني بتاريخ ١٤٣٥/٣/٢٥هـ

يعني اتوقع قبل هذا الموعد ب عشرة ايام

سالم ابو مشاري

2014- 1- 5 11:24 AM

رد: مطالبة الجامعة بإعلان النتائج في وقت مبكر !

الله يعين ويسهل الامور .. وودي اعرف كم يبي لها وتطلع النتائج

Abu Shahad

2014- 1- 5 02:09 PM

رد: مطالبة الجامعة بإعلان النتائج في وقت مبكر !

ما معنا الا نصبر
اسألوا عنها في شهر 4 :(196):

سندس	2014- 1- 5 03:10 PM

رد: مطالبة الجامعة بإعلان النتائج في وقت مبكر !

الصبر مفتاح الفرج الله ينجحنااا كلنااا

قولوووا امين

أبو عبدالله13

2014- 1- 5 05:07 PM

رد: مطالبة الجامعة بإعلان النتائج في وقت مبكر !

الوقت جيد ولايحتاج الى تعديل

Veronica

2014- 1- 5 06:22 PM

رد: مطالبة الجامعة بإعلان النتائج في وقت مبكر !

طيب طالبو با البطاقه في ها الموضوع
http://www.ckfu.org/vb/t523810-28.html
الاعلان تعودنا عليه كل ترم انه يتأخر

أوفى الخلق

2014- 1- 6 12:50 AM

رد: مطالبة الجامعة بإعلان النتائج في وقت مبكر !

الوقت جيد ولايحتاج الى تعديل 69 14.29%

الحقيقه حنا نضغط على الجامعه
لو لا الله ثم التدقيق كان البعض في خبر كانا

165مركز داخل وخارج السعوديه 3 اسابيع معقوله

ريم 2012

2014- 1- 6 12:57 AM

رد: مطالبة الجامعة بإعلان النتائج في وقت مبكر !

يزينكم زينأأأأه روقو يااخواني الاعزاء وانبسطو بذي الاجواء الخوقاقيه والامطار الجميله :(314):

وبتطلع ان شاء الله عما قريب بس ياخوفي مستعجلين ونصها دواويح حمر :(313):

بتوفيق للجميع وفالكم A+ يبورقك من اعلى واسفل النتيجه :16.jpg::(125):

mansor 25

2014- 1- 6 01:08 AM

رد: مطالبة الجامعة بإعلان النتائج في وقت مبكر !

طيب وش الفرق بين بدري ومتاخر بالله ؟؟

ناس غريبه والله تبي كل شي عجاله وهذا من الامور الاساسيه في سبب تخلفنا عن الاخرين

pcboy175

2014- 1- 6 02:13 AM

رد: مطالبة الجامعة بإعلان النتائج في وقت مبكر !

انا عندي اقتراح
ليش مأتطلع. النتائج اول باول

SALEH ALOTAIBI

2014- 1- 6 03:47 AM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة o_lg_ll (المشاركة 10282687)

الله يمسيك بالنور والسرور يالغالي

كل الجامعات كذا أخوي تعلن النتائج للطلاب بعد مايختبرون أي مادة بيومين أو ثلاثة يصححها الدكتور ويرصدها بالنظام ويعلق بعد نسخة ورقية بأسماء طلاب الشعبة الي يدرسها وفيها درجاتهم.

وبعدين حنا مو خريجين ننتظر وثائقنا علشان نقول متى نستلمها لو كل مرة يخلصون من تصحيح مادة يرصدون درجتها في النظام مايصير شي!

اعمل لأعلم

2014- 1- 6 05:00 AM

رد: مطالبة الجامعة بإعلان النتائج في وقت مبكر !

يعني بعد الاختبارات بأسبوع يمكن

خوخ الله يوفقها

2014- 1- 6 05:10 AM

رد: مطالبة الجامعة بإعلان النتائج في وقت مبكر !

مامن عجلات اصبروا :019:

معيتق الجهني

2014- 1- 6 08:26 AM

رد: مطالبة الجامعة بإعلان النتائج في وقت مبكر !

ياحبيبي مستعجل على ايش الله يحفظك
الله يزين المخبي قولوا بس امين

{تهاويل}

2014- 1- 6 10:09 AM

رد: مطالبة الجامعة بإعلان النتائج في وقت مبكر !

ياحبكم للازعاج
ريحوا نفسكم شوي
كما ان الرصد ليست عملية بسيطة
لان حتى بعد نتائج الحاسب يتم تدقيقها ومراجعتها
صبراً جميلاً

بخيت الدوسري

2014- 1- 6 11:07 AM

رد: مطالبة الجامعة بإعلان النتائج في وقت مبكر !

قالها الفريدان الترم الماضي. يقول التأخير مو منا التأخير من المراكز اللي تختبرون فيها يرسلون الأوراق متأخر وهم سبب التأخر ع كلام الفريدان ..

KFU STUDENT

2014- 1- 6 02:06 PM

رد: مطالبة الجامعة بإعلان النتائج في وقت مبكر !

لو يوظفون هالعاطلين ويزيدون موظفين واجهزه تصحيح بيخلصون التصحيح بسرعه بغض النظر عن العدد

roro2013

2014- 1- 6 02:45 PM

رد: مطالبة الجامعة بإعلان النتائج في وقت مبكر !

[read]لا حول وشفيكم مستعلجين ماردكم بتشفون النتايج[/read]

Abu Shahad

2014- 1- 6 03:07 PM

رد: مطالبة الجامعة بإعلان النتائج في وقت مبكر !

عليكم بالصبر
:(204):

TT03	2014- 1- 6 03:32 PM

رد: مطالبة الجامعة بإعلان النتائج في وقت مبكر !

بعض الاخوان ناسين اننا ندفع متوسط 2500 بالترم * 100000 طالب = 250 مليون بالسمستر من طلاب التعليم عن بعد.

ماتوقع صعبه يوظفون مؤقتين ويزيدون ساعات لفرز وتدقيق النتائج خلال اسبوع!!

يكفي ان حتى مراكز الاختبار حقتهم حي الله وتطلع ببلاش. غيرهم يستأجر صالات نظيفة بمقاعد مريحة وتكييف يعمل فعلا

~{RORO}

2014- 1- 6 03:40 PM

رد: مطالبة الجامعة بإعلان النتائج في وقت مبكر !

تم :)

Dahoomy7777

2014- 1- 6 03:48 PM

رد: مطالبة الجامعة بإعلان النتائج في وقت مبكر !

done

توفيق الفارس

2014- 1- 6 07:31 PM

رد: مطالبة الجامعة بإعلان النتائج في وقت مبكر !

وجهة نظري ان فترة اسبوع بعد نهاية الاختبارات مناسبة جدا
بحسبة بسيطه اول اختبار بتاريخ 18/ 2/ 1435 والاختبار الاخير في 3/ 3/ 1435
ونحن نعطيهم اسبوع من ااخر اختبار يعني بين اول اختبار والنتيجة تصير ثلاثة اسابيع
اتوقع انها كافيه

ودمتم بود

SALEH ALOTAIBI

2014- 1- 6 09:53 PM

رد: مطالبة الجامعة بإعلان النتائج في وقت مبكر !

عسى ينولنا من الحب جانب :004:

http://www.alriyadh.com/2014/01/06/article898589.html

‏M!$s JnoO

2014- 1- 6 10:16 PM

رد: مطالبة الجامعة بإعلان النتائج في وقت مبكر !

^
لا الحب يشفطونه منا ويولونه للجانب الآخر!!

والله عني عرفت للجامعة وهذي سياستها بخصوص النتائج من اول دفعة..

مير اني استسلمت ..

بنت الداود

2014- 1- 6 10:31 PM

رد: مطالبة الجامعة بإعلان النتائج في وقت مبكر !

و الله م راح ارد و اتفلسف و اقول و بالاخير تعصبون !!

لكن خلوني اعطيكم اياها على بلاطه

تبي اذا شفت نتيجتك تلقى مقرر F و تنصدم و تقول ليه انا راسب و انا ضامن A+
هذا الشي كان يصير ع زمن الدكتور عبدالله النجار يخلي الاوراق اللي يبي لها تعديل بالاخير
و لما تطلع نتيجتك الفعليه !! م تفرح فيها للاسف لانهم خرعوا قلبك بالرسوب حتى لو عدلوه !!

تبي أقولك ليه يطولون لأن هـ الآله اللي تقولون سريعه م تقبل ورقه فيها حبر !
ولا تقبل ورقه مقطوع منها لو نقطه ولا تقبل ورق معفط !!

اذا جيت بتسوي ايداع في البنك يقبلون عمله فيها قطع ! لا طبعاً التصحيح نفسه

فـ يضطرون الموظفين يجمعون الاوراق اللي ترفضها الجهاز ثم يرجعون يجيبون أوراق و يعيدونها

او يصححونها يدوياً تتوقعون هالشي سسسسهل !

بعطيك نموذجين و اقولكم ظللوها بتقولون اح يدينا تعورنا

طيب ارحموا من في الارض يرحمكم من في السماء هالموظفين يقعدون ليلهم بنهارهم عشان تطلع لكم في ثلاث اسابيع

تعرفون كم عددكم !!

و تعرفون كم واحد يغلط بالسجل او يغلط بالرقم الجامعي !!

و في طلاب بدال التظليل يحطون صح ترا لو انا من الجامعه احط F و بس ليه اتعب نظري على طلاب مو معترفين بتعبهم

لكن الجامعه تحاول تصحح ورقه ورقه بما يرضي الله ولا يحرمونكم لو من درجه انتم مستحقينها عشان كذا لا تقولون الجهاز سريع

السالفه مو بالجهاز السالفه ان بعض الطلبه م يعرفون يظللون او يغلطون بأرقامهم او رقم الـ crn

اذا انت تعرف غيرك م يعرف و غيرك يغلط لا تحسب انت الطالب او انتي الطالبه الوحيده

لذالك استغفرو ربكم و اركدو انها تتأخر و تطلع كامله ولا انها تطلع بدري بس ياخرون رصد مقرر و ينقطع قلبك من الخرعه

لا اله الا الله محمد رسول الله

اذكرو الله

بنت الداود

2014- 1- 6 10:38 PM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة abood_k (المشاركة 10286193)

الجامعه تعمل و انت المتكاسل للاسف انت حاط رجل ع رجل و قاعد تكتب في الملتقى
و تلقى ممكن ورقه من ورقاتك هي اللي ماخره نتايجنا انت ضامن ان م في ورقتك اي عيب عشان ترفضها الآله !

اللي متكاسله ع قولتك روح الحساء و شوف متى يطلعون !!

عيالهم م يشوفونهم بسبب اوراقكم و انت بكل لا مبالة قاعد تقول متكاسله هزلت و الله

تخيل انت تكرف في دوامك ثم يجي واحد متفرغ و حاط رجل ع رجل و يلغي كل جهودك

اعرف كيف تتكلم عن جامعتك تراك طالب جامعي

معتقلة فكرياً

2014- 1- 6 10:41 PM

رد: مطالبة الجامعة بإعلان النتائج في وقت مبكر !

اكثر من مره في المستويات السابقة اعلنت الجامعه بأنه بعد التصحيح الالي تتم مراجعة الاوراق ويواجهون الكثير من الاخطاء والمعلومات الناقصة لبعض الطلاب ،، ووصول اوراق المراكز خارج المملكة كقطر والكويت ... والعدد الكبير للطلاب بعكس باقي الجامعات ....التأخير مهم لتظهر النتيجة بالدقة المطلوبة ... والنتيجة ستعلن سواء بعد ايام ام بعد شهر ! لافرق ... وشكرا لجهودهم

معتقلة فكرياً

2014- 1- 6 10:44 PM

رد: مطالبة الجامعة بإعلان النتائج في وقت مبكر !

اللي خايف على مصلحته مايستعجل باعلان النتائج

معتقلة فكرياً

2014- 1- 6 10:46 PM

رد: مطالبة الجامعة بإعلان النتائج في وقت مبكر !

اقتباس:

المشاركة الأصلية كتبت بواسطة tt03 (المشاركة 10297181)

كل مراقب يستلم 7 الاف من غير مدير المركز صاحب المدرسة مش بلاش

محمد ن. الحارثي

2014- 1- 6 10:49 PM

رد: مطالبة الجامعة بإعلان النتائج في وقت مبكر !

تم التصويت

All times are GMT +3. الوقت الآن حسب توقيت السعودية: 11:32 AM.

صفحة 1 من 2

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه