ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   مساعده ضروري تكفون (https://vb.ckfu.org/showthread.php?t=504181)

nana2010 2013- 10- 3 06:06 PM
مساعده ضروري تكفون
 
السلام عليكم ورحمة الله وبركاته تكفون محتاجه مساعده انا سجلت وارسلو لي الجامعه الرقم الاكاديمي وانه لازم ادخل الرابط واطلع الرقم السري ودخلت وسجلت الرقم وكل شي بس طلبو مني ارفع صورة من الهويه ورفعت صوره بس كتبو لي انه تم رفع صوره وسيتم التحقق من طلبك ونتظرت ماطلع ل شي هل انتظر ليوم الدوام هو مكتوب في الشروط انه يتم مراجعة طلبك خلال 24 ساعه من ساعات الدولم الرسمي يعني انتظر ليوم الاحد والا ايش السالفه تكفون احد يرد علي ماعندي وقت ابغي اذاكر واسجل مواد وشكراً جزيلاً

فواز الزهراني 2013- 10- 3 06:17 PM
رد: مساعده ضروري تكفون
 
اذا انت رفعت الصورة اللي طلبوها معناته الخلل من عندهم ، يعني انتظر لين يتحدث النظام وهاللخبطه موجوده كل سنه

انت سدد ونزل مواد وامورك طيبه

nana2010 2013- 10- 3 07:14 PM
رد: مساعده ضروري تكفون
 
طيب كيف ايش المطلوب مني غير التسديد كيف ادخل عادي بدون رقم سري اقدر انزل المواد واتابع والله مو عارفه

nana2010 2013- 10- 3 07:28 PM
رد: مساعده ضروري تكفون
 
تكفون احد يرد علي والله ماعندي فكره ايش اسوي هل انتظر لما يطلع الرقم السري والا كيف

nana2010 2013- 10- 3 07:47 PM
رد: مساعده ضروري تكفون
 
وعندي سوال ثاني هل لازم اسدد لانه لسه ماسددت هم ارسلو لي اليوم الرقم الجامعي بليييييييز لاتطنشون اللي عنده فكره يرد علي الله يوفقكم

فواز الزهراني 2013- 10- 3 07:52 PM
رد: مساعده ضروري تكفون
 
تدخلين الموقع وتروحين الخدمات الطلابيه
بعدها تدخلين رقمك الجامعي والرقم السري
تجيك ايقونات كثيره خاصه فيك انتي
تنزلين مواد وتشوفين محاضرات وتشوفين كم رسوم دراستك واشياء ثانيه بعد

فواز الزهراني 2013- 10- 3 07:54 PM
رد: مساعده ضروري تكفون
 
بالنسبه للسداد لازم تدخلين برقمك الجامعي والرقم السري وبعدين تروحين على وضعك المالي تشوفي كم طلبوا منك وتسددين طبعا السداد بعد ماتنزلين مقررات

انتي تابعي الموقع كل يوم لان الطلبه الجدد لهم تواريخ معينه لتنزيل المقررات وسداد الرسوم

nana2010 2013- 10- 3 08:14 PM
رد: مساعده ضروري تكفون
 
الله يجزاك خير بس الرقم السري انتظر لما هم يرسلونه والا كيف اجيبه

nana2010 2013- 10- 3 08:49 PM
رد: مساعده ضروري تكفون
 
ياعالم احد يرد علي تكفون اعرف استفساراتي كثيره بس الدعوه دراسه وفلوس مابغي اخسر تكفون كيف اجيب الرقم السري كيف ادخل هل هو من الجامعه انا دخلت ورفعت صورة الهويه وكل شي سويته افيدوني في الرقم السري

7amood 2013- 10- 3 10:42 PM
رد: مساعده ضروري تكفون
 
انتي خايفه على الفلوس يعني مثل ماقالولك روحي على استخراج الرقم السري وسويلك واحد جديد وبعدين تدخلين على الخدمات وتحصلين المبلغ اللي اعرفه الجدد خلص وقت التسديد لهم بس مو متأكد المهم النظام من آبو ريآلين لو ياخذوني اضبط نظامهم اعجبكم عندي دبلوم شبكات قسم لاحسبلكم الدرجات كامله

nana2010 2013- 10- 4 01:10 AM
رد: مساعده ضروري تكفون
 
تكفون ابغي احد يفهمني الحين لما ادخل على استخراج الرقم السري وادخل الرقم الجامعي والجوال يطلع انه لا زم ارفع صوره من الهويه ورفعت وخلصت يكتب لي لقد قمت برفع صوره من هويتك مسبقاً الرجا الانتظارحتي يتم مراجعتها يعني ايش بس فهموني المطلوب مني انتظر والا ايش اسوي

راشد العتيبي 2013- 10- 4 01:44 AM
رد: مساعده ضروري تكفون
 
يالغاليه انتظري الين الاحد واتصلى على الرقم المجانى لعمادة الجامعه الدراسه عن بعد
http://www.kfu.edu.sa/ar/Pages/contactus.aspx هذا رابط الاتصال فى الجامعه
بالنسبه يالغلا للسداد سمعت ان اخر فتره للسداد راح تكون 31 اكتوبر يعنى نهاية هالشهر بالميلادي واليوم احنا 4 يعنى قدامك احدود 25 يوم
حاولى تسددين علشان تلتحقين مع زميلاتك
بالنسبه للمحاضرات وخاصه المحاضرات المباشره لا تحاتين ولا تخافين
تحميل الماده من نظام البلاك بور او الافتراضي تحسب لك الدرجه

nana2010 2013- 10- 4 02:17 AM
رد: مساعده ضروري تكفون
 
الله يجزاك خير مشكور اخوي ويعطيك العافيه

راشد العتيبي 2013- 10- 4 03:00 PM
رد: مساعده ضروري تكفون
 
ربى يعافيك


All times are GMT +3. الوقت الآن حسب توقيت السعودية: 11:38 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه