|
ما يقبل السداد
سجلت المواد والوضع اوكية 18 ساعة رسومها 2950 بس اذا جيت الصراف او المصرفي يقول لا يوجد معلومات
|
رد: ما يقبل السداد
أخوي كلنا نفس حالتك
انتظر كلها كم يوم وكل شي يتعدل |
رد: ما يقبل السداد
النظام مخربط ان شاء الله يتعدل والله يعين |
رد: ما يقبل السداد
قايل لكم ماصدقتوني هالجامعه خرطي وماعندها ماعند جدتي هههههههههههههههههههه تخطئ كل سنه نفس الاخطاء ونفس المشاكل :5: منتديات بسيطه جداً ماتكرر اخطائها بأنضمتها كل سنوات الجامعه نفس الاخطاء في كل مستوى ونفس المشاكل الزبده .. اصبر حتى يعدلون واذا ماعدلوا ترا ماحد بيرد عليك لا تكلف ع نفسك صف معنا .. وقل يارب يعدلون :5: مافيه شيشه ياعيال ؟ :5::26: |
رد: ما يقبل السداد
اقتباس:
لا إله إلا الله .. مصدقينك بس أهجد :5: أولا :لآحظ أنه عددنا ككل (مستجدين وقدامى) العدد كبير.. ثانياً: أحنا هنا كله نتحلطم والبعض يدعي عليهم وو....الخ حنا مآندري عنهم وأنهم شغالين ع السستم يمكن عطل شي لآنسبق الأحداث .. ولآتقارن منتدى بـ نظام جامعه مواقع & برامج كثيرة لأنه مافيه مقارنه اساسا ... فيه سمن .. إنك تخلي الناس بحالها :5:ولآتخليهم يشيشون:41: لآ أغير جنسيتك مرا وحده:5: |
رد: ما يقبل السداد
^
^ انا كنت شاك انك حجه دفعتنا بس قلت مابي اضلمك الان تأكدت ههههههههههههههههههههه انزلعي اويلاه وش الي نظام جامعه يختلف عن منتدى ؟ المنتدى اصعب مرات فيه اعضاء اكثر وادق وكل شي بعدين انا ماعندي مشكله يخطئون بالمبلغ ويصلحونه كل سنه بس بشرط مايخطئون بأمور اخرى التسجيل يخطئون .! النظام يعلق .. التحميل مايضبط مرات ولو حبيتي تتواصلين مع الجامعه بأرقامها او مسنوبيها موتي حتى احد يرد عليك .!؟ انتي جاده بكلامك والا تستهبلين ؟ :5: مشاكل الجامعه كثيره وانا اعرف ان عندها طلاب كثير بس من المفترض بعد تجارب كبيره وسنوات اصلحت كثير من مشاكلها يابنت الحلال الاحوال تطورت وانتي واقفه تاخذين حاجتك يعني هذا الامر كان من سابع المستحيلات بعصر الشيبان الي مثلي يتذكرون ملفات الاحوال ههههه الان كل شي الكتروني وجامعتنا بنفس اخطائها الغبيه :32: ترا ماحبك وانتي تكذبين على نفسك ههههههههههههههههههاي |
رد: ما يقبل السداد
اقتباس:
ههههههههههه حسبي الله ع عدوك أولاً كتابتك غلط أظلمك مو أضلمك :41: أيه جاده :30: وشو أستهبل :5: أنآ أتواصل مع الجامعه بين فترات .. وهالفترات يكونون ي أنه يردون أو أنه مايردون ع قولتهم ضربة حظ وأنت لآتشوف الجامعه ع سلبياتها .. شوفها بإيجابياتها كل الجامعات فيها عطل بالسستم وكل الجامعات يتأخرون وو....الخ ولمن انا قلت أنه نظام الجامعه يختلف عن منتدى .. وأنآ أعني هالجمله أنه بجد انهم يختلف كليا .. مع أحترامي لمدير المنتدى ومشرفينه واللي قايمين عليه ..مجهوداتهم تجي كثر مجهودات الجامعه طبعا لآ .. مع شكري لكل منهم .. أنت شوف قبل ع أيام النجار فيه شي تغير لصالحنا أحنآ يعني فيه أشياء كنا ننتظرها وماصارت.. الا من تغير النجار وعلى قولتك الأحوال :30: طيب صارت الكتروني مواعيدهم بالشهور بالموت يصير لك موعد واذا رحت بدري او تكلمت معهم بدون أخلاق وو.....الخ مايحتاج أذكر أكثر :27: أحسن لآتحبني من قال تحبني :41::8: وبعدين انا ااسذب أقول الصدز ولآتنسى جامعتنا أكبر جامعة بالشرق الاوسط وشسمه ذاك دامها مو عاجبتك ي كومار :41: أسحب ملفك هع هع |
رد: ما يقبل السداد
وانا كل من كلمت قال اذا ماعجبتك طس ؟ ههه اجل كلكم بتطسون معاي اذا ماطسيتوا من الجامعه بتطسون من امور اخرى الي يتذمر من الاحوال يرجع الي اخذ منهم والي يتذمر من الجوازات يجيب الجواز لا اطب ببطنه والي يتذمر من الصحه اذا صخن يروح يكوي :5:\ و ووالخ هذا نظامكم يام شوشه ؟ :5: شوفي انا بعرف وش تغير بعد النجار ؟ احتاج امور جوهريه ايش تغير النظام هوا هوا الدراسه هيا هيا الطريقه هيا هيا كل شي هوا هوا الا نسيت عشان ما اظلم العميد الجديد حط مكافأه للمتفوقين هههههههههههههههههههه وظلم الاقسام الاخرى بالمقالي .! وحشرنا بـ 50 سؤال وحشرنا بأعمال السنه .. لو تحلينهم بيوم واحد يخصم من درجاتك .! و و والخ ايش سوا هالعميد الي اذيتوا نفوخي فيه ؟ اتحفوني تكفون :5: |
رد: ما يقبل السداد
اقتباس:
المشكله أنت ماخذ الوضع مدري كيف :30: شف ي كومار .. الاحوال والجوازات والصحه ..كلهم بكوم وجامعتنا بكوم نتذمر حنا من أييييش.؟؟؟ المعاملة البعض مستهتر وو...ألخ بس الفرق بين النجار والفريدان النجار ..كانو اللي قبلنا يختبرون 100 سؤال وماكان فيه اعمال فصلية .. عقب طورها الين ماصارت بدفعتنا النجار ما ابي اظلمه يرد ع الطلاب والطالبات بس مو الكل يعني مو مثل الفريدان يرد برحابة صدر ويسهل الامور ...النجار كان يصعبها قولي أنت شنو سوى النجار ؟؟ عشان الكل ؟؟ اقولك الفريدان اذا ع 50 سؤال كلنا أعترضنا بس عقب صارت من صالحنا أحنا انه نكسب الدرجات .. صار اسئلة مراجعه مراكز جديدة افتحوها .. مكافأت + وضع حد للي يغشون ايام الاختبارات بدال ماننضغط في اسبوعين صارو 3 اسابيع اللي كنا نبي الصيفي ومتلهفين عليه أفتحوه .. وإذا ع النظام انه مايتعدل وانه السجل والبنر ...الخ هذا شي بديهي خلآص أكتفيت .. يلآ سي يو |
رد: ما يقبل السداد
طيب ي اخو وان متى اخر يوم للسداد؟؟؟؟
|
رد: ما يقبل السداد
اقتباس:
أخر يوم 26 / 12 شهر ذي الحجه |
رد: ما يقبل السداد
اقتباس:
|
رد: ما يقبل السداد
اقتباس:
الله يسعدكـ حتى أنا لسه ماسددت لآن النظام مخربط شوى |
رد: ما يقبل السداد
اقتباس:
ركزي لا اشوتك انا ما امتدحت النجار عشان تقولين لي ايش سوا النجار ؟ او غيره .! انا اتكلم عن الجامعه كلها .. سواءً النجار او العميد هذا النجار مثله مثل هذا .. له اخطاء وله ايجابيات انتم هذا العميد منزهينه .! بعدين من يقول انه يرد على الكل ؟ مو صحيح هالكلام واتحدى .! موضوع المميزات الي طلع فيها المكآفأه << اعتقد مالها داعي ولكن بقول خطوه جيده منه الصيفي << ايش مميزاته تكفين ؟ اتحدى فيه فايده .. 6 ساعات وبالاحساء والخ يعني هذا المستوى اصبح شاق اكثر من انه مريح .!!! فهذه الخطوه غير جيده ابداً اما انه يفتحها على جميع المناطق وبجمع الساعات كما الرسمي والا ماقدم خطوه جيده للطلاب .! ايش باقي بعد ؟ :5: خليني ارجع اقرأ حتسيك وارجع ارد عليك .. نسيت :39: ايه الـ 50 سؤال مضره جداً وشوفي تغير المعدلات وقارنيها بالمستويات السابقه اتحدى بالارقام :) بالنسبه لاسئلة المراجعه لاتضحكيني تكفين ههههههههههههههه 20 سؤال من الاسئله الي وضعوها الدكاتره للاختبارات الرسميه انتقيوا منها 20 وقالوا اسئلة مراجعه هذا يسمى يعني اننا سوينا شي للطلاب وهم ماسوا شي ابداً ولا جديد يذكر بعدين الدكتور الي انتي تدافعين عنه راح وخصم من طلاب درجات مشاركه بحجة انهم حلوها بوقت واحد فقط رغم انه مانبه للمنع مسبقاً .! على حد علمي ع الاقل ولو نبه سابقاً .. مو من حقه .! المشاركات تحل ربما عندي على ورق ونسخها للجهاز بوقت واحد لان ماعندي انترنت او بعيد عنه الخ بيكذبني بعد ؟ وبيدخل في ذمتي ؟ :32: مع ذلك انتي تلفين وتدورين وتنسين الامور الجوهريه الي تكلمت فيها انا لا مع النجار ولا مع الفريدان ومعاناتنا مستمره النظام .. التسجيل .. المبلغ المالي .. الخ هو لو يضبط النظام 100% بعتبر له انجاز لو يخلي الطلاب براحتهم بحل المناقشات بأي وقت يكون انجز شي بعدين التحميل يحتاج ايقونه تثبت هل انا حملت والا لا .! لو فتح اتصال متعدد للطلاب ووضع موظفين على مدار 12 ساعه يردون على استفسارات الطلاب ويساعدونهم بيكون انجز عمل لو ولو ولو كل الي سواه لا جديد بالعكس .. وضعه وطريقته بالاداره ماجازت لي << احلف ههههههههههههههههاي :5: انزلعي داخن اصابعي وانا اكتب لك :5: |
رد: ما يقبل السداد
طيب ي ساري روح أشتك عند العميد وقوله عن النظام :13:
|
رد: ما يقبل السداد
^
مابشتكي .. مثلي مثل غيري الي بيجيني بيجيكم انا مسلم للامر يا ام السعف والليف لكن لو اشتكيت مثلاً تتوقعين بيرد علي ولو رد علي بيناظر شكواي ذكرتيني بأغنيه طلال سلامه .. شكواي للي يفتهم شكواي :5: وخري خشمك بروح اسمعها واطرب :17::5: |
رد: ما يقبل السداد
اقتباس:
خلآلآص أصبر والصبر جميل وشفيك تهذر كثير ليكون مكثر كبسسه :13: |
رد: ما يقبل السداد
شكواي للي يفتهم شكواي راح الحبيب راح طول الغيبه :12::5: من اول خلي على يمناي :11::43: مرتاح بالي ومتهني به :5: واليوم ماكنه قعد وياي :32: هذا ولا يرسل مكاتيبه :39: .. طررررررررررررررب للنخاع هالفنان صوته اليم وجبار < قلب المنتدى منتدى طربي :42::5: |
رد: ما يقبل السداد
اقتباس:
انا شايب عادي احن وازن واون وتسذاتا والاحق اللمبات اطفيهن وتسذاتا طنشوا :14: بس لا تدافعون عن الجامعه وتصيرين صقيقاتي الصقوقيات :42: |
رد: ما يقبل السداد
أبنادي لك أبو نواف ي ثرثار
وخل الطرب ينفعك :oao: |
رد: ما يقبل السداد
اقتباس:
لاتجمع مو الكل ينزه الفريدان بس ع الاقل يرد ع الكثير صح أو لا غير النجار اللي نادر مايرد أو يكتب شي بتويتر .. إذا على المكافأت مو عاجتك هذي تحفز الكل أنه يجتهد ولكل مجتهد نصيب .. لو عندك طفل وقلت له ي بابا إذا كتبت الواجب كامل وبخط حلو ومرتب راح أعطيك هدية صح أو لا ؟؟؟ ذي مثلها بالضبط بس بفوارق فهمت ولا :30: الصيفي أنآ ماأضحك لآ عليك ولا على نفسي بالبداية قالوا أنه بس للي قريب يتخرجون وشافو أنه فيه أمكانية لأعداد محدودة قام الكل يسجل وأنا من ضمنهم .. 6 ساعات صيفي تغنيك عن 6 مواد بترم بالسنة الجديدة تعتبر فرصه أوك ما اقول أنه تعب إلين الاحساء ومشوار و...الخ بس لو تسأل الاغلبيه منهم راح يعيد التجربة ومنهم لآ .. والجامعه لمن قالت بالاحساء الكل التزم وقالت احتمال الصيفي الجاي يفتحوا بمناطق ثانية فلآتسبق الاحداث وطبعا كل شخص له وجهة نظر أما الـ 50 سؤال .. أنا معك فيها انها مضرة بس هم انها إيجابية لنا البعض نزل معدله والبعض ارتفع ... من الممكن الاسئله صعبة ومن الممكن انه الطالب نفسه مهمل أو مايركز .. فمن الطبيعي بينزل معدل اذا جاء الطالب ليلة الاختبار يبي يذاكر 14 محاضرة وينه من بداية الترم معه 3 شهور ..:30: اما 20 سؤال لـ اسئلة المراجعه أحسن من لآشي انا شخصيا استفدت منها ..والبعض استفاد تراها تفيد ماتضر اذا مش لنا للمستويات الجاية .. أنت لك وجهة نظر أحترمها وعلى عيني وراسي بس مايمنع أنه بعد الطلاب لهم أراء انت تشوف كل هذا انه الجامعه ماسوت أي حاجة طيب شنو اللي تبيه بالجامعه عشان تتغير الجامعه بنظرك :30: انا ماأدافع أنا أقول الحق واللي اشوفه أنت مو عاجبك شي المشاركات خصم منها لأنه فيه ناس يدها تتعبها إذا قعدت تكتب فتروح لبرنامج وتنسخ وتلصق ولآ شي هامها ..:32: فأنا أقول يستاهلون انه خصم منهم مافي جامعه بالعالم كله انها جامعه ماشيه 100% كل جامعه فيها مشاكل بالانظمة والتسجيل وغيرها .. اما عن تحميل المحاضرات وأيقونة انا معك فيها نطالب فيها نفتح موضوع بالقسم العام والكل يراسلهم وان شاء الله يفتحون:29: أتمنى تغيرت نظرتك لأنه مافيه شي كامل لا جامعات ولا غيرها .. وزي ماقلت لك با الاول والاخير وجهات نظر:29: |
رد: ما يقبل السداد
اقتباس:
ي أختي تعالي شوفيه الشايب :5: هلكني مو جاي يقتنع :5: شكل المدام مسويه له كبسه بفلفل هندي يحرق هاللي شاب فجأه علينا :5: |
رد: ما يقبل السداد
اقتباس:
|
رد: ما يقبل السداد
الله يعين بس على النظااااااااااام:20:
|
رد: ما يقبل السداد
اقتباس:
شوفي كلامك طويل عريض ومايقنعني نختلف ونتفق واحترم رأيك كثير بس ماراح نتفق :) انتي ترين بنظور الرضى القريب من الكمال وانا ارى بمنظور النقصان التام بجوانب جوهريه يعني مابنوصل طريق سوا كلن يصلح سيارته :32: وستبدي لكي الايام ماكنتي جاهله هههههههه من أنتم ؟ :8: بعدين ماعندي مدام تسوي لي كبسات ولا شي انا عزوبي من فضل ربي :5: انا ناقص بثارتكن ههههههههههههههههههههههاي صقيقتك تقول بتعلم علي انا شاك فيكن انك جحح الجامعه والان تأكدت ولكن ولا بيهمني هههههههههههههههه وصديقتك ماتقدر الطرب الاصيل حدها حبتين وقراشيع رابح وموضي وشلتهم :14: < فيس يتتن :26: ماهنا شيشه ياعيال ؟ :5: |
رد: ما يقبل السداد
اقتباس:
وأتفق معك مانتفق :35: أنآ أشوفها بعين الرضى والكمال والايجابيه ليه أحرق أعصابي الوضع بيتعدل آلحين أو بعدين والسموحه لأنك تشوف هالشي من منظور سلبي وهذا وأنت علم إجتماع إذا عقب تخرجت بإذن الله كيف راح تسآعد النآس والمجتمع هل تعطيهم كل أرائك بالسوادويه و السلبيه ماراح ينفع :23:لأنك راح تزيد الطين بله أحمد ربي إنك بعدك عزوبي ولا المدام الله يكون بعونها عليك ..,, والبثاره مو الكل يتصف فيها :27: و ع قولتك لو كنا بجحح الجامعه :5: ماكنا تعليم عن بعد كان حنا إنتظام :8:وحنآ طالبات علم إجتماع مانحب نكون كذا :41: اما الطرب مدري عنها .. عن نفسي مااسمع لا اغاني ولا شي يطرب اللهم لك الحمد :34::29:.. مآراح يذبحك الا هالتتن اللي عافس المجتمع :10::24: |
| All times are GMT +3. الوقت الآن حسب توقيت السعودية: 09:37 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه