مهم جداً لـ أدارة الاعمال
 

سلام عليكم ورحمه الله وبركاته


كيف حالكم اخواني اخواتي الكرام .. :16:


لكم مني كل الود والاحترام


بالنيابة عن اخواني الي انتهينا من المستوى الاول والى المستوى الثاني

نبي توجية ونصائح اخواني واخواتي أهل الخبره والي مرو ودرسو قبلنا هالوضع

ياليت يفيدونا شنو حصل وياهم وشنو نختار مواد وانطباعهم :31:


والف شكر للكل :2:

رد: مهم جداً لـ أدارة الاعمال
 

يا حياكم الله يا اصدقاءنا :16:

الف مبروك لكم النجاح واللي مانجح ان شاء الله خيرها بغيرها .


طبعاً النصيحة الأولى والأخيرة اللي دايم نرددها بأي قسم ( المذاكرة أول بأول )

ليش بالذات الادارة ما نراكم موادنا ؟ لأنها علمية ويبي لها ممارسة ونباهة .

ممكن احنا اكثر قسم مظلوم في عدم وجود خطة وعدم وجود تطبيق ومشروع تخرج وعدم اختيار دكاترة أكفّاء .

فصاير الضغط علينا كبير كبير كبير .. يبي لنا نكون قدّه لين الله يلطف فينا ويضبطون وضعنا .


واحب اقول لكم دائماً الصعوبة تكون بالبداية .. يعني بما انكم اجتزتوا المستوى الأول بنجاح .. فأنتوا بتتخطّون المسويات القادمة بسلاسة وبقوّة أكبر ان شاء الله .


اسأل الله التوفيق لي ولكم يا مُدراء الاعمال .:16:

رد: مهم جداً لـ أدارة الاعمال
 

الف شكر على التجاوب السريع أخت ريم


والله يبارك لك ويوفقك يارب :16:

صحيح هذا الشي الي ماطبقناه المستوى الاول وهو المذاكرة بس الحين الوضع بيتغير وبندرس صح
بس اللخبطة الي نبي نفهمها الحين نختار اي مواد وهل الخطة كافية وشنو العقبات الي مريتو فيها بالمستوى الثاني عشان نقدر نتلافى الوضع :33:

رد: مهم جداً لـ أدارة الاعمال
 

شوف يا اخوي .

مشكلتنا ان حنا ياللي قبلكم بدينا والخطة ملخبطة وبعض الدكاترة ماكانوا كويسين فاضطرينا ماننزل بعض المواد لين يتغير الدكتور .


واختربت خطتنا وصرنا ناخذ مواد يمين ويسار عشان نضبط وضعنا ..

وكنا نرفع لهم نبي نحذف رياضيات 2 وحذفوه لكم انتوا يالدفعات الجديدة
وضبطوا خطتكم وصارت بطلة جداً .. حنا بنظل نحوس لين نتخرج بس انتوا خذوا خطتكم كامممله لأنها مثالية حالياً .. وبطّل يكون عندكم رياضيات2 ومهارات اتصال ..

خذوا الخطة بالترتيب ولاتراكمون المواد الصعبة معليه اضغطوا على انفسكم .:16:

رد: مهم جداً لـ أدارة الاعمال
 

بالتوفيق لك وللجميع..

الأخت Reem ماقصرت واهم شيء هو "المذاكرة أول بأول"..

ونصيحتي من خلال تجربة ، وهو لا تعتمد تسأل اي أحد من الزملاء عن صعوبة او سهولة المواد.. لأن كل شخص وله حيثية خاصة مع المادة.. قد يكون شخص فاهم محاسبة وبيقول لك سهل ، راح يعطيك انطباع بالسهولة ، وفيه شخص آخر يرى المادة صعبة لوجود صعوبة عنده في مواد المحاسبة او الرياضيات او غيرهم، وهذا الشيء راح يخلي عندك انطباع بصعوبة المادة واخذ موقف مسبق منها.

أنت عليك بالمذاكرة اول باول وتخصص لك وقت في سماع المحاضرات ، وثق تماماً بأن كل شيء صعب راح يكون سهل، وثق بالله وتوكل عليه..

كلامي وجهة نظر ، قد أكون خاطئ فيه
الله يوفقك ،،

رد: مهم جداً لـ أدارة الاعمال
 

السلام عليكم

امشوا على الخطة والاختبار من المحتوى واسئلة الاعوام السابقة

رد: مهم جداً لـ أدارة الاعمال
 

وهو كذلك شكلي باخذ الخطه كاملة واضغط على نفسي لاني ماشوف اي صعوبة بالمقررات ومع الدراسة بتكون اموري بالسليم باذن الله والف شكر يالغاليه على التواصل والتعاون :16:

رد: مهم جداً لـ أدارة الاعمال
 

اي الله وكلامك بالسليم يالغالي بس لابد نشوف نصائحكم

رد: مهم جداً لـ أدارة الاعمال
 

صباح الخيرات والليرات


اول شي اعقد العزم والنية عالجد والاجتهاد

احنا انتساب صح لكن مش معناته نكسل ونأجل وما نذاكر اول بأول تقسيم الوقت والمقررات والجهد مهم جدا جدا

قبل اختيارك للخطة كن على علم بأن ما يناسبك ليس بالضرورة يناسب غيرك

اختر ما تستطيع انت دراسته والاجتهاد فيه

اطلع على المقررات قبل اختيارها لمعرفة الصعب والسهل والمتوسط الصعوبة

مذاكرتك خليها تكون دقيقة ومتابعة المحاضرات وكتابة ملاحظاتك وتسهيل وتبسيط المعلومة بطريقتك بكذا تضمن فهمك للمقرر 100٪

اطلع عالملخصات والاختبارات السابقة لكن لا تعتمد عليها اعتماد كلي لان اللي كتب الملخصات وحل الاختبارات بشر مثلنا ممكن يخطأ تاكد بنفسك من كل معلومة بالكتاب والمحتوى والشرح وبكذا تثبت المعلومة براسك افضل

بقدم لكم موجز للمقررات من وجهة نظري

محاسبة 2 : تحتاج دراسة اول بأول مادة معلوماتها كثيرة وتطبيقتها اكثر والاختبار كان بحتاج تركيز ومتوسط الصعوبة

اقتصاد كلي : تحتاج دراسة وفهم ودراسة اول بأول وامتحانها كان سهل جدا جدا

عقيدة اسلامية ومذاهب : مقرر حلو وسهل لكن يحتاج تركيز خاصة عند المذاهب هاي اكثر شي تعبت فيه بس الا الماده حلوة وخفيفة

صحة ولياقة : المقرر حلو لكن الدكتور عمل عماااايل معانا :9:

تقنية : مقرر جميل وكلنا نعرفه بس يحتاج دراسة وتطبيق عملي الاختبار كان 60 منه مكرر و10 اسئلة جديدة بس اسئلة تفر المخ فر :9:

واخذت مهارات البحث والتفكير : حلو وسهل وخفيف ومعلومات عامه

بالنهاية المحاسبة المحاسبة المحاسبة ركزوووا عليها الاختبار كان لف ودوران خاصة بالاختيار جميع ما سبق

هذا رأيي الشخصي ويمكن غيري يخالفني الرأي

لكن ثق تماما لو اجتهدت رب العالمين ما بيضيع جهدك واستمتع بالدراسة عشان تحس بالانجاز وقت تشوف نتيجتك

وبالتوفيق للجميع ولو احتجتوا اي شي الاعضاء ما بيقصرون :16:

رد: مهم جداً لـ أدارة الاعمال
 

لله درك يالغاليه

نصائح من ذهب

ماقصرتي وفالك التوفيق يارب :16:

رد: مهم جداً لـ أدارة الاعمال
 

مشكور على النصحه:16:

رد: مهم جداً لـ أدارة الاعمال
 

رد: مهم جداً لـ أدارة الاعمال
 

الاخوان كفو ووفوا :21:
بس حبيت ازيد نصيحه وهو لاتهمل المعدل باول سنتين لان اخر سنتين صعب انك ترفعه كثير
يعني كل ماتقدمت بمستوى يصعب عليك رفع المعدل مدامك بالبدايه شد حيلك لانه سهل يرتفع :19:

رد: مهم جداً لـ أدارة الاعمال
 

الله يوفقكم ولا تركت لنا مجال ريم وام سيف ربي يبارك فيهم



موفقين لكل خير

رد: مهم جداً لـ أدارة الاعمال
 

رد: مهم جداً لـ أدارة الاعمال
 

اشكرك على موضوعك المهم الذى سوف يوجهنا فى المستوى القادم واشكر من وضع بصمته من المستويات التى سبقتنا


وتقبلو مرورى ابو عبداللطيف

رد: مهم جداً لـ أدارة الاعمال
 

جزاكم الله خييير

ماقصرتووو

وبالتوفيق للجميييييع :16:

رد: مهم جداً لـ أدارة الاعمال
 

انا صحيح توني طالعه من المستوى الاول بس الواحد يتعلم من اغلاطه
اكتشفت الاشياء المهمه بنسبه لي متابعه المحاضرات بتركيز اول باول
الحرص ع حل المشاركات والواجبات مباشره بعد المحاضرة عشان تتاكدو انكم فهمتو المحاضرة ولا
ووقت الاختبار مذاكره الملخصات واسئله اختبار السنوات السابقه مهمه وتساعد كثير

والاهم من كذا تنزلون كل المواد اللي عليكم كلها عشان تتخرجو بسرعه واللي داخل انتساب ماظن داخل يلعب همه يتخرج باسرع وقت فتأخير المواد ماله فايده لان اساسا الماده راح ندرسها الحين ولا بعدين فالافضل ناخذها في نفس الوقت اللي تنزل فيه

رد: مهم جداً لـ أدارة الاعمال
 

يوجد لدي سؤال

لماذا لا تنزل المواد حسب الخطه للطالب بدلا ان يتخبط في اختيار مواده

لكي تكون هناك نتائج افضل في المذاكره والتحضير للمواد من مراجعات وملخصات واسئله





شكرا على الطرح المفيد .............

رد: مهم جداً لـ أدارة الاعمال
 

اي والله ال30 كان لها الفضل الكبير بالنجاح

والله كلامك عين العقل

رد: مهم جداً لـ أدارة الاعمال
 

نصيحة من ذهب

رد: مهم جداً لـ أدارة الاعمال
 

جزاك الله خير أخوي على الموضوع المهم

شكرا لكل من مر وفادنا ولو بكلمة الله يعطيكم العافية وفالكم التوفيق ..

رد: مهم جداً لـ أدارة الاعمال
 

رد: مهم جداً لـ أدارة الاعمال
 

ماقصرو الزملاء وفوو بالاجابة
أنا أأكد على شي مهم جدا لاتعتمد فقط على أسئلة الأعوام السابقة وأركز على المذاكرة أول بأول والإستفادة من المواد السهلة في رفع المعدل وعدم إهمالها كمادة الأخلاق الإسلامية ومادة التقنية 1 و 2 وغيرها من المواد اللي نلاقي فيها عطلة من مواد التخصص

رد: مهم جداً لـ أدارة الاعمال
 

:21: