ضرووري من يوصلني بالعضوة همس التميمي؟
 

السلام عليكم ورحمة الله

معنا عضوة هنا اسمها همس التميمي ..جزاها الله عني خير الجزاء


البنت هذي فزعت لي بالتسجيل بالترم الصيفي

ووعدتني خير
لكن للآن ما تسجلت المواد للاسف
فما عندي طريقة لمراسلتها

كان عندي تويتر وشكلة تهكر او شي المهم اختفى تويتري <كنت خلال تويتر اتواصل مع احد العضوات والعضوة تتواصل معها


ارجوا من اي بنت هنا تراسلها وتقولها وش صار على الطالب ايوب
هل هناك امل ام لا
حتى احذف المادة المسجلة مسبقاً <مادة وحدة قدرت اسجلها

رد: ضرووري من يوصلني بالعضوة همس التميمي؟
 

وعليكم السلام ورحمة الله وبركاته

حبيت افيدك بس للاسف ما اعرفها والله
الله يعينك وموفق خير يارب

رد: ضرووري من يوصلني بالعضوة همس التميمي؟
 

جرب سجل بنفسك في البانر
ممكن يقبل معك

رد: ضرووري من يوصلني بالعضوة همس التميمي؟
 

مشاااالله عليك...
اشياﺀ خطيره زي كذا يسويها الطالب بنفسه
مرررره لايعتمد ع احد
واذا فيه مشكل ولا استفسار يسأل هنا الاخوان بالمنتدى ويفيدونه
وااالله يعينك

رد: ضرووري من يوصلني بالعضوة همس التميمي؟
 

كيف يعني ؟
ما فهمت عليك يا بعدي

رد: ضرووري من يوصلني بالعضوة همس التميمي؟
 

الموضوع مهو مثل ما تعتقد
التسجيل قفل وحاولت اثناء فتح التسجيل ولكن ويقولي الاقسام مغلقة وانا ابي الصيفي
وجت الاخت وما قصرت وقالت ابشر بالخير بعد ما قفل التسجيل وباءت كل المحاولات بالفشل

رد: ضرووري من يوصلني بالعضوة همس التميمي؟
 

رد: ضرووري من يوصلني بالعضوة همس التميمي؟
 

وياك

يابنات وحده تتوسط لي وترسل لها وتكتب الرد هنا
بليز

رد: ضرووري من يوصلني بالعضوة همس التميمي؟
 

أنا همس التميمي آمر ياخوي مافهمت طلبك










لقد خدعتك وكأنني همس التميمي >>>> كف + تقييم سالب + طرد من الملتقى :13:



إن شاء الله يتحقق طلبك في القريب العاجل

رد: ضرووري من يوصلني بالعضوة همس التميمي؟
 

رد: ضرووري من يوصلني بالعضوة همس التميمي؟
 

ارسل لها رسالة خاصة

هذا رابط صفحتها www.ckfu.org/vb/u62423.html

رد: ضرووري من يوصلني بالعضوة همس التميمي؟
 

النظام بالمنتدى يمنع المراسلة بين الجنسين ...

انتي ارسلي لها خاصة وفيها الرابط وهي ترد بالموضوع


الموضوع سهل بس ما احد فهم :42:

رد: ضرووري من يوصلني بالعضوة همس التميمي؟
 

رد: ضرووري من يوصلني بالعضوة همس التميمي؟
 

أخوي الظاهر اختنا همس مسافره

لان صار لها ثلاثة أيام ما دخلت الملتقى :)

رد: ضرووري من يوصلني بالعضوة همس التميمي؟
 

رد: ضرووري من يوصلني بالعضوة همس التميمي؟
 

اوكي اخخخوي برسل لصديقتي تعرفها وارد عليك

رد: ضرووري من يوصلني بالعضوة همس التميمي؟
 

رد: ضرووري من يوصلني بالعضوة همس التميمي؟
 

رد: ضرووري من يوصلني بالعضوة همس التميمي؟
 

الله يعينك

رد: ضرووري من يوصلني بالعضوة همس التميمي؟
 

تسلمووون

خصوصا رحيق لاهنتي :16:

قصيمي .. زي ما قلت لرحيق توصله لك

وضيف ع ردها من شوي ارسلت للمسجل قالي كلميني ع الساعه 9 ..!!

وان شاء الله هالمره ما يماطل معي

واذا لا سمح الله ما سوا شي .. فالسموحه يا اخوي .. وانا بدفع لك قيمه الفرق
:44:

رد: ضرووري من يوصلني بالعضوة همس التميمي؟
 

همس كالعادة كذا:21:
ان شاء الله تضبط

رد: ضرووري من يوصلني بالعضوة همس التميمي؟
 

سبحان الله . . . اخلاقك جدا راااقيه في زمن يندر فيه وفاء الاصدقاء
كثر الله من امثالك واسال الله ان يرزقك من حيث لاتحتسبين
والله يوفق الجميع :16:

رد: ضرووري من يوصلني بالعضوة همس التميمي؟
 

اول شي شكراً لكل من تفاعل معي من الاعضاء
ولا استثني منهم احد
بح'ـلم بيك :16:
لحظات صدق :16:

♥ βąỵℓįşǻʼn ♥:16:

يارب تحقق أملي:16:

ترآنين :16:
:16::16:رَحيق الورد:16::16:


اول شي انا متأسف جدا لان امي تعلق وعلقتك واشغلتك بسفرك ..وارجوا منك العذر والسموحه
ثاني شي اشكرك جزيل الشكر واتمنى لي ولكل المسلمين ان يرزقهم اناس مثلك بدروبهم حتى تسهل عليهم الحياة ..

المبلغ وانا اخوك بسيط جدا ولا يستحق حتى الكلام والحمد لله الامور طيبة ولا اشكال عندي

انا بنتظر اليوم ولو ما سجلت بحذفها وانتي رايتك بيضاء وسامحينا على الملاحق ..حقول هولندا من الورد لاتكفي لعرفانك علي :16::21:

رد: ضرووري من يوصلني بالعضوة همس التميمي؟
 

:21::21::21:
اشهد بالله انها اميرة
اشعر امامهم بصغر حجمي الكبير امام الكثير !
لرقته قلبها هيبه ..ولحبها للخير هيبه ..يحق للانسان ان يفتخر انه انسان إذا صادف امثالها

رد: ضرووري من يوصلني بالعضوة همس التميمي؟
 

لا العكس.. الاسف مني انا
والسفر بكره ان شاء الله

مشكور ع كلامك الطيب :34:
يارب تتسهل اليوم يااااارب
السموحه:24:

رد: ضرووري من يوصلني بالعضوة همس التميمي؟
 

ليت كل الناس مثلك
لا ..لا ليت منك واحد لكل انسان بس ..انا متأكد ان الكل بيكون بخير

مسموحة وانتي بعد سامحينا ..بحفظ الله وتوفيقه :21:

رد: ضرووري من يوصلني بالعضوة همس التميمي؟
 

:12::12::12:
بكيتوني يقطع إبليسكم
بس ياحسين بس

رد: ضرووري من يوصلني بالعضوة همس التميمي؟
 

[QUOTE=قصيمي 1982;9158493]اول شي شكراً لكل من تفاعل معي من الاعضاء
ولا استثني منهم احد
بح'ـلم بيك :16:
لحظات صدق :16:

♥ βąỵℓįşǻʼn ♥:16:

يارب تحقق أملي:16:

ترآنين :16:
:16::16:رَحيق الورد:16::16:





العفو ياأخوي ماسوينا إلا الواجب وأنا في الخدمة في أي وقت ونشكر الأخت همس دائماً مبادرة باالخير للكل الله يعطيها ألف عافيه ويجعلها في ميزان حسناتها ،،

رد: ضرووري من يوصلني بالعضوة همس التميمي؟
 

بعض المشاعر تشبه الصحة ما يحسها الا من فقدها !
اتمنى ان لا تحتاجها
انا اشعر باحساسك ولا الومك ..بس لا تلومني باحساسي..ولو شعرت به لحسدتني !

رد: ضرووري من يوصلني بالعضوة همس التميمي؟
 

[quote=♥ βąỵℓįşǻʼn ♥;9158537]آمين
ويجزاك عنا خير الجزاء :21::16:

رد: ضرووري من يوصلني بالعضوة همس التميمي؟
 

ربي يوووفقكم :16:

رد: ضرووري من يوصلني بالعضوة همس التميمي؟
 

و الله في ناس معنا في ها الملتقى تخلي الواحد يخجل من نفسه

اخلاق ورقي في التعامل وحب الخير للجميع

الله يجزاهم عنا خير الجزاء

رد: ضرووري من يوصلني بالعضوة همس التميمي؟
 

أقول ترى نمزح لأحد يأخذ الأمور بجدية .
زين
الموضوع كله عادي جدا والناس المتربية مثل همس أكيد بيكون ردها كذا

ولا يحتاج أحاسيس ورومانسية زايدة.

رد: ضرووري من يوصلني بالعضوة همس التميمي؟
 

انت الفايز خلاص فكنا :42:

رد: ضرووري من يوصلني بالعضوة همس التميمي؟
 

الاخت همس نقول لها جزاك الله خير وهي فعلا صاحبة مواقف بيضا مع الجميع

ونصيحيتي لجميع الاخوان : وهي الاتكال على الله ثم الاعتماد على النفس في جميع المهام الجامعية وخاصة تسجيل المواد والمشاركات والواجبات وتحميل المحاضرات... عشان ما يضطر احد منكم الى ضرب مطب قوي بهذا الشكل :14:

بالتوفيق للجميع

رد: ضرووري من يوصلني بالعضوة همس التميمي؟
 

والله انت حالتك مستعصيه

حتى تويتر هكروك ولا صيفي ولا عرفت تتواصل مع احد

ايش وضعك انت ههههههههههههه

رد: ضرووري من يوصلني بالعضوة همس التميمي؟
 

تويتر ما اعرفله
خبصت تخبيص

تويتر والفيس بوك اشياء عظيمة إذا واجهت دماغي :42:
هههههه

ابشرك وضيعي الآن اوكي والبنت وصلها علمي واموري بخير :21:

رد: ضرووري من يوصلني بالعضوة همس التميمي؟
 

ايه وصلهااا صراحه


شكراً لردها لخلووووووووووق جداً

اسلوبك حلو قصيمي ولكن نتمنى عدم تكراره من غيرك بهالمنتدى هههههههههههههه


رومنسيات بعيدة المدى ياقصيمي الله يهديك ويهدينا يارب

رد: ضرووري من يوصلني بالعضوة همس التميمي؟
 

ليه يزعجكم اللطف ؟
انت ثاني واحد

يارجل ما تملون من الشراسة والصراعات !
لهدرجة تستنكرون اللطف
كن لطيف ترى الوجوه لطيفه ..اللطف شي جيد ولطيف !
ابدا اللطف لا يعني التفكيري الذي يدور برؤوسكم
لكن الانسان ابن بيئتة والله يرحم ابو فارس غازي القصيبي يوم قال ..
أيا ابنة كل اخضرار المروج.. أنا ابن الجفاف وما استولدا
..

ابدا ما اخطط لسؤ كانكم خايفين على البنات..:27:
وعلى فكرة ترا البنات توديني وتوديك للبحر وتردك عطشان ..لا تفكرون البنات تحتاج لقيادة وتوجيه ورعايه من احد ..وهذا لا يتنافى مع الدعوة للتذكير إن كان التذكير محترماً

شكراً

رد: ضرووري من يوصلني بالعضوة همس التميمي؟
 

/

من لايشكر الناس لايشكر الله :1:
وانا مو شايفة أي رومانسية بالموضوع أبدا :30:
ذا الي المفروض يكون اظهار الود والعرفان والامتنان وعدم جحد المعروف :004:
وين اليوم أحد يلقى أحد يفزع له بعز ضيقه :(177)::(177):
وان لقينا هالشخص نادر تلقى الي يعترف له بالفضل :verycute:

/

الله يجملها مع همس وتتسجل لك المادة :004:
وربي يوفقك ويسخر لك الطيبين :004:

رد: ضرووري من يوصلني بالعضوة همس التميمي؟
 

والنعم بالله
البنت فزعت فزعة نادر من يسويها ...بعد انزالي لعده مواضيع بالمنتدى عن رغبتي للتسجيل بالترم الصيفي وعدم وجود اماكن شاغرة لي وبعد ما تسكرت بوجهي قالت ابشر بالخير وكلمت لي المسؤول عن التسجيل بالجامعة ووعدتني خير ..وكنت مسجل مادة من ثلاث مواد وانا من منطقة تبعد عن الاحساء 1600كيلو ذهاباً وعودة ..وقلت لها مادة لا تستحق السفر برمضان وإن لم تتسجل المواد الاخرى سأتنازل عنها واليوم وبعد معرفتها عن عدم اكتمال تسجيلي عرضت علي دفعت المستحقات المترتبة حيال المادة المتبقية ...حتى لا اخسر مال !!
(ويقولون ليه تكون لطيف بعد كل هذا ! )
لو انا حجر لنطقت شكر وعرفان لها ..وانا بشر

والبنت من الردود بالموضوع هذا والموضوع السابق ((كل)) من يعرفها يثني عليها


سبحان من خلق (الرحمة) و (القسوة) ووزعها بين البشر
:16:

رد: ضرووري من يوصلني بالعضوة همس التميمي؟
 

شووف ياغالي ردك مسسسسسسكت بقووووووووه صراحه لكن برد من باب المجاراه ومعرفة قدرتي على الرد هههههههه


البنت والله مافكرت فيها بشيء موب زين بالعكس خدومه وكتاباتها جيده تجبرنا على احترامها غصب عنا هي وغيرها كثير بهالمنتدى


بالنسبه لخوفنا على البنات وهيك لا ياغالي لأن كل وحده احرص على نفسها من غيرها إلا( والديهاا)

اللطف ربي يجزاك خير عليه والله انه من مميزات الشخص ومطلوووووووووب بهالزمن وتسسسلم عليه وواضح من ردودك عليها وعلى غيرها هالشيء وربي يجزاك عليه كل خير وابد مالومك إلا اشجعك عليه لأن كما تعامل الناس سيعاملوك ومن ردودك تستاهل الطيب ولا اجامل

التفكير مو شرط سيء لاااااااا فديتك ولو ترجع لردي قلت لك اسلوبك حلو واتمنى مايتكرر من غيرك لظني الحسن فيك والله العظيم

اما تودينا وتردنا وهيك كلام ماحبه لسبب كل بنت مهما كان فيه من سوء يبقى قلبها ابيض فمستحيل يصير هيك من بناتن بالسعوديه بحكم الوضع اللي صاير مع احترامي للي مو من السعوديه وهنا اقصد الكرف والتعب ومخالطة لرجال في عمل وهيك مما يفقدها انوثتها..


ردي عليك اتمنى اان مافيه اي تجريح لكم وهذا للي يهمني بالدرجه الاولى

اسف لو حصل هالشيء

رد: ضرووري من يوصلني بالعضوة همس التميمي؟
 

كان ودي اخدمك بس ما عرف

رد: ضرووري من يوصلني بالعضوة همس التميمي؟
 

ههههههههههه ثقافة الذيب والنعجه طاغيه عليهم :41:

رد: ضرووري من يوصلني بالعضوة همس التميمي؟
 

توقعت هذا الفكر انقرض هههههههههههههههههههههههههههههه مازال حاضر وبقوه :8:

رد: ضرووري من يوصلني بالعضوة همس التميمي؟
 

رد: ضرووري من يوصلني بالعضوة همس التميمي؟
 

تحياتي لك قصيمي 82.
وتحياتي لك بنت العم همس التميمي.
إذا ذهب الحمار بالمغترب، فلا رجع ولا رجع المغترب.
حيفيدنا إيه من غربته إلا خبالاً وضلالاً.

رد: ضرووري من يوصلني بالعضوة همس التميمي؟
 

بالتوفيق يارب وان شاءالله تتم امورك على خير

رد: ضرووري من يوصلني بالعضوة همس التميمي؟
 

ماعرف عن اي فكر تتكلمين واللي اتكلم عنه شي بالدي يحفظ البنت ويحفظلها كرامتها

رد: ضرووري من يوصلني بالعضوة همس التميمي؟
 

والله ماااادري وش تبي بردك هذا مع العلم ان الموضوع لايعنيك لا من قريب ولا من بعيد

عموماً مابي ارد اكثر من كذه وتفداااك ذنوبي :)

رد: ضرووري من يوصلني بالعضوة همس التميمي؟
 

لا يعنيني ولكنه يعنيك هاه؟
أنا عارف العينات هذه.
لا ترجع.

رد: ضرووري من يوصلني بالعضوة همس التميمي؟
 

وش فيكم قلبتو على بعض :30:

رد: ضرووري من يوصلني بالعضوة همس التميمي؟
 

والله إني مدري وش المقصود اول الموضوع بحث وتحري وتاليه لطف وكلام معسول ودعوة ومجاراة
باختصار الاعمال بالنيات واي شخص قدم خدمه لشخص خير من الاشادة دعوه له بسر الغيب
وخلاص والموضوع هذا يا ليت ينحذف اذا تكرمتوا .

رد: ضرووري من يوصلني بالعضوة همس التميمي؟
 

رد: ضرووري من يوصلني بالعضوة همس التميمي؟
 

عيب ياعزيزي كلامك مبطن بالسوء

انتوا على طول كذا يالسعوديين ظ؟ اعوذ بالله من شر الصحراء :8:

رد: ضرووري من يوصلني بالعضوة همس التميمي؟
 

قال الله تعالى: ( إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً )

اللهم انصر اخواننا في الشام
اللهم عليك ببشار واعوانه

اللهم لا تقم لهم رايه
واجعلهم لمن خلفهم ايه


اللهم انصر اخواننا المجاهدين بالشام
اللهم ثبت اقدامهم وسدد سهاهم

اللهم افرحنا بمقتل بشار الفار
قبل حلول شهر رمضان المبارك

رد: ضرووري من يوصلني بالعضوة همس التميمي؟
 

قصيمي الله من البثاره و ثقل الطينة هذا اللي منزل إعلان يبي يشتري المتنفذين بالجامعة مدري بالبلد و اذا رد عليه رجال قال خلاص هزمتني مدري انت الفايز بس اطلع و خلني على راحتي وإذا جاه رد من بنت أنواع التميلح و الرومانسيات ... أخجل و استح على وجهك هذا ملتقى طلبة للعلم و الفائدة ما هو للمصخرة فرّق بينه و بين الشات ...
و بعدين همس وصلوني بهمس دوروا لي همس ... ول عساك ما تفيد ... وش تبي بالبنت كرهتها بالفزعات كلها و قالت لك شوف اللي يخصم كم و ادفعه لك ... يعني شغل البهلله و العبط هذا سيبك منه ... و لما ردت و قالت كذا و بلغتك باللي حاصل قلت لا و الله انا بخير و لا ابي الفلوس و اشتغلت رومانسياتك السامجه ... و اذكر يوم كنت عارض فلوس قالت لك بسجلك و لا ابي فلوس و اللي بتدفعه تبرع فيه لوجه الله عني ... يعني تقفيله من الآخر ... لزقة كذا ليه ... كرهتنا بالملتقى اللي كان الهدف من وضعه أسمى و أرقى مما تريد له أن يصل إليه
و تقبل مروري و ودي :8:

رد: ضرووري من يوصلني بالعضوة همس التميمي؟
 

اشكر كل المتداخلين جميعاً
وانبه على شي مهم ويجب ان يكون دائماً في اذهاننا
الاختلاف لا يعني الخلاف هذا اولاً
الله لم ولن يخلقنا بنفس الفكر والعقل والثقافة
ماتراه انه الاصح ليس بالضروره يكون الاصلح لكل الناس والعكس صحيح
كل انسان سفير لثقافته الصغيرة التي اعتاد عليها ..ويجيب عليه التكيف من التنوع والاختلاف ..لا تنزعجوا من اختلاف الناس عنكم فهذا اجمل مابالكون (التنوع)...تخيلوا كل الناس نسخ كربونية منا ..نفس الثقافة نفس العيب نفس العادات الغذائية نفس اللبس نفس ..نفس نفس..شي موحش وقبيح

للمعلومية هناك بشر وببلادنا يرون ان الذي يجلس على الانترنت او من يشاهد الدش انسان منحل و(رايح فيها)!
وقس عليه.. ما تراه انت خطأ الكثير غيرك يراه طبيعياً !!!

عشان كذا تأكد ان ما تراه شيً خطأ ليس بالضروره عند كل البشر خطأ


هههههههههههههههههههه
سارة الانسان ابن بيئتة وبالعموم بعض البشر ضحية لفكر متخلف اكثر من كونه مجرماً بتمثيل فكر متشدد !
ولا اقصد ردك على الاخ لكن كلامي بالعموميات

شكراً لك :16:

رد: ضرووري من يوصلني بالعضوة همس التميمي؟
 

وش انا معورك فيه ؟
لا اعرف ولا اذكر جيتك بدرب
هذا ثاني موضوع تلاحقني فيه طنشتك ولا فاد
تلاحقني من موضوع لموضوع واقولك اكثر من مرة انت البطل وانت الفايز وانا هزمت شر هزيمة من كلامك الجبار ودفاعك عن ...عن ..والله مدري وش تدافع عنه ! ولا ادري وش هدفك انت بس قلي وش تبي وانا احقق لك امنيتك
يا اخي اعتقنا لوجة الله

شف لو رديت بعطيك قدام الاعضاء عنواني كامل واسمي كامل ورقم جوالي (تقدر تقول ترقيم بذهنيتك) وبقولك كان ودك تضربني تعال ..اهم شي راحتك ..بحقق لك هالامنية يالله اختصرت عليك
وهذا عرض جديد انا بالقصيم وبكرة رايح للرياض كانك باحد هالمنطقتين بجيك لحد بابك وما راح اضربك بس بشوف وش بتقول لي وكيف بتضربني بقبضتك يا كلنديزر

(آسف للاعضاء على هذا الرد بس خلاص اخر العلاج الكي)

رد: ضرووري من يوصلني بالعضوة همس التميمي؟
 

كان يعنيني من باب النصيحه والمزوح لا اكثر

صار يعنيني لمن زعل من ردي قصيمي ورجعت اعتذرت منه وهذا واجب علي طالم غلطت


العينات اللي تعرفها هذي تخصصك وعلمك ومبروك عليك راحت حياتك تتعرف على عينات


اخر رد ارجع اقوله لك فدااااك ذنوبي :)

شكراً على نواياك وعينااتك

رد: ضرووري من يوصلني بالعضوة همس التميمي؟
 

يامشرفين:31:
ترى بتقوم حرب داحس والغبرآء...

رد: ضرووري من يوصلني بالعضوة همس التميمي؟