|
المستويات المتقدمه محرومه من المكافاه
زي منتم عارفين ان صرف المكافاه موضوع جديد توه هذا الترم وطلبوا معدل تراكمي 4.50 واحنا المستويات المتقدمه راح علينا يعني من الصعب ان نوصل لهذا المعدل لاحد يجي يقولي شيء حيلك وانا ان شاء الله بشد حيلي بس لو كنا نعرف عن هذه المكافاه كان شدينا حيلنا من المستوى الاول يعني الحين اللي في المستوى الاول والثاني بشدون حيلهم بس احنا ماكنا نعرف عن هذه المكافاه لما كنا في المستوى الاول
واغلبنا خصوصا البنات مو موظفات وكل واحد وظروفه وانا الصراحه مقهوره لانهم طلبوا هذا المعدل المرتفع مررررره من باب العدل انهم يقولون اللي من المستوى الرابع وفوق مثلا مطلوب معدل 4 وفوق وحتى يعطونهم نص المكافاه مو لازم كلها والمستويات الادنى يمكن يوصلون 4.50 الحين اغلب اللي في المستويات الاولى بياخذون مكافاه والمستويات المتقدمه قليل منهم بياخذونها وانا تراسلت مع الفريدان على تويتر بخصوص هذا الموضوع بس لحد الحين مارد علي واطلب منكم ان توصلون صوتنا للجامعه عشان تنظر لهذا الموضوع كان خلوها لمرتبه الشرف الاولى ومرتبه الشرف الثانيه |
رد: المستويات المتقدمه محرومه من المكافاه
المكافأه الف ريال !!
|
رد: المستويات المتقدمه محرومه من المكافاه
انا اشوف لو خلوها الي يجيب 4,5
الترم الي بعده ماعليه رسوم لتسجيل المواد كانت محفزه اكثر |
رد: المستويات المتقدمه محرومه من المكافاه
زعلتي هههه
كلها 1000 ريال انتي تدفعين أكثر من كذا في سمستر مفروض من جامعتنا عزيزه :41: لإلغاء رسوم ترم كامل للمتفوقين وليس1000 بدري على زعل لمشوار طويل :21: اجتهدي لنفسك :43: |
رد: المستويات المتقدمه محرومه من المكافاه
عادي وإذا مااخذناها،، حنا مو داخلين علشان مكافئات وفلوس من الجامعه
الأفضل انج ماتفكرين فيها وتشدين حيلج |
رد: المستويات المتقدمه محرومه من المكافاه
اللي أعرف أن المكافئة بتكون ألف ريال مقطوعة.. يعني الإجمالي بيكون خلال أربع سنوات أربع آلاف ريال.. يعني الموضوع مو محفز أصلا ولا يستحق المناضلة من أجله.. لأن الطالب يدفع ستة أضعاف مبلغ المكافئة كل سنة!
|
رد: المستويات المتقدمه محرومه من المكافاه
:44: انتي مستوى ثالث مخلصه مستووين فقط صح يمديك ترفعين معدلك وخلي طموح تتخرجين بمعدل حلوووو مش عشان المكافئه |
رد: المستويات المتقدمه محرومه من المكافاه
المكافاه ١٠٠٠ كل شهر مو ترم
|
رد: المستويات المتقدمه محرومه من المكافاه
اقتباس:
|
رد: المستويات المتقدمه محرومه من المكافاه
ههههههههه
اتمنى تفكري بالمعدل لنفسك مو من شان المكافئه . المكافئه 1000 ريال كل عام دراسي >:30: |
رد: المستويات المتقدمه محرومه من المكافاه
اقتباس:
مره وحدة كل ترمين متتالين ويكون المعدل التراكمي من 4.50 وفوق |
رد: المستويات المتقدمه محرومه من المكافاه
مفروض المتفوق يكون شخص طموح وهمه الحصول على اعلى الدرجات لأجل التفوق
اما مكافأة فهذي تجي بعدين الحمدلله المعدل فوق 4.7 بدون مكافآت ولا حوافز لان الدافع ذاتي .. |
رد: المستويات المتقدمه محرومه من المكافاه
تري الف ريال حقت اشتراك نت شهر وش تسوي:5:
|
رد: المستويات المتقدمه محرومه من المكافاه
انسيها و شدي حيلك ، سواء اخذتيها أو لا
المهم تتخرجين بمعدل ممتاز والمكافأة اسمها مكافأة تفوق ، يعني اللي يأخذها الآن ، لازم يحقق المطلوب عشان يأخذها مرة ثانية |
رد: المستويات المتقدمه محرومه من المكافاه
هي تحسب انها مكافأه مثل الانتظام يعني خلاص تصير كل شهر ينزل لها 1000
غلطانه مافيه الا مره وحده بالسنه اذا جبتي اربعه ونص ترمين ورا بعض |
رد: المستويات المتقدمه محرومه من المكافاه
مكافأة التفوق ما تنزل كل شهر ، لا تفهمون غلط ، حنا انتساب ندرس بفلوس
مكافأة التفوق لها شروط ، إذا تحققت نأخذها :21: |
رد: المستويات المتقدمه محرومه من المكافاه
إرتفاع المُعدل أهم بمليون مره من الفلوس , الفلوس تروح وتجي وتتعوض بإذن الله إذا توظفتي
المُعدل هو اللي بيشفع لك للتوظيف ودمتي بخير إن شاء الله اتخرج بمُعدل عالي ومو لازم مُكافئات المُهم فرحتي بالمعدل اللي يرضي طموحاتي |
| All times are GMT +3. الوقت الآن حسب توقيت السعودية: 07:40 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه