|
انتهاء مشووواري في الجامعه
السلام عليكم ورحمة الله وبركاته.....
مساء/صباح الخير هالجامعه هذي عرفة نوياهم اول شي /يخلونك تنجح في اترم الاول علشان يصير عندك معنويه وتدفع فلوس ثانيا / يخلونك ترسب في اترم الثاني مادتين مثل الصحه والياقه والاداره الماليه وترتفع المعنويه عندك لنك ناجح بالرياضيات والمحاسبه وتدفع فلوس ثالثاً/يخلونك تنجح في الصحه والياقه والاداره الماليه وترسب بالرياضيات والانجليزي وتقول مادتين ماعليه هينات وتدفع فلوس يعني بالعربي هالجامعه تاكل فلوووووووووووووس بخطط مدروسه يعني ابي احول لجامعة الامام ادفع فلوس ونجح وملخصات سهله وكلها تجي بالاسئله مو جامعتنا عشرين ملخص واخر شي ولا سوال من هالملخصات يعني خسران فلوس من الجامعه تاخذ رسووم والمكاتب تاخذ فلوس الملخصات واخر شي (حامل )<<مواد اجلس على عسكريتي ولا اوجع راسي بالدراسه والخربيط اخلي الجامعه لهلها والناس اللي يكيشووووون |
رد: انتهاء مشووواري في الجامعه
خلي عندك اراده وصبر وانثبر بالجامعة
هذا مستقبلك وانت تعاند نفسك < مايعرف المجاملات :) |
رد: انتهاء مشووواري في الجامعه
عليكم السلام ورحمة الله وبركاته
حياك الله الظاهر انت ماجربت جامعات غيرها هالجامعه تعتبر من أرخص الجامعات وازيدك من الشعر بيت من اسهلها دراسة ودف وتسهيل على الطلاب هالكلام عن تجربة بعد الدراسة في 4 جامعات وعن خبرة في جامعه فيصل 7 مستويات :14: اذا اشتكى طلاب هذا لايعني بالجامعات الاخرى مايشتكون حط في بالك الضعف يشتكون من الظلم والتخبط الاداري الحمدلله الي سهل لنا ويسر امورنا في الجامعه واتمنى تتطور اكثر واكثر وتتلافى الاخطاء الحالية اعتذر على الاطالة وبالتوفيق يارب |
رد: انتهاء مشووواري في الجامعه
عين خير وراجع واستخر قبل لاتنسحب :6:
|
رد: انتهاء مشووواري في الجامعه
درب السد مايرد .. ..* |
رد: انتهاء مشووواري في الجامعه
عندك مشكله وانا اخوك بالاملاء والتعبير حاول تشتغل على نفسك شوي بالاملاء والتعبير قبل الرياضيات والاداره الماليه بالتوفيق
|
رد: انتهاء مشووواري في الجامعه
لازم تتحمل وتصبر
لا تطيح معنوياتك من البداية خل عندك عزيمة وطولة بال بالنهاية الفايدة لك :16: |
رد: انتهاء مشووواري في الجامعه
هلابكم .... نصيحه استخير والرسوب ليس نهاية المطاف وانا اخوك... تحياتي
|
رد: انتهاء مشووواري في الجامعه
دامك مقرر وخالص كاتب موضوع ليه؟
|
رد: انتهاء مشووواري في الجامعه
شد حيلك وخل عنك الاعذار ..
صح فيه اشياء ترفع الضغط لكن ابدا ليس بمبرر ان تترك الجامعة واصل دراستك والله يوفقك ويسعدك .. مستوى سادس ادارة اعمال .. |
رد: انتهاء مشووواري في الجامعه
بداية اهنيئ كل الناجحين والناجحات ، وأقول لمن لم يحالفه الحظ حاول تجتهد أكثر ...
وبالنسبة للأخ تساهيل 2012 أقول ... نحن بشر نخطأ ونصيب ، فإن أصبنا فرحنا وإن أخطأنا جزعنا .. فكلامك نابع من شخص جازع ويضع حمل أخطائه على الغير ، وهذا غير صحيح فاجعل إيمانك بالله قوي وحاول أن تنظر الى الاسباب التي جعلتك تخفق في النتيجة لا تضع اللوم على الجامعة ، فالجامعة ماهي إلا حصالة نضع فيها الفلوس ( حسب كلامك ) وهي نقطة انطلاق لكل طموح ... :30: |
رد: انتهاء مشووواري في الجامعه
اقتباس:
أنت بأي مستوى ؟ |
رد: انتهاء مشووواري في الجامعه
|
رد: انتهاء مشووواري في الجامعه
صباح الـ :16:
اوووف شنو هالتشاؤم من الصباح خذ الوضع بروح رياضيه عادي جدا لابد من العقبات راح تواجهنا لكن الاهم من هذا كله لآزم نجتاز كل هالعثرات وراح تكون ايام حلوه نتذكرها انا هالسمستر غاسله يدي بجميع انواع المساحيق لكن ماراح اخلي باقي المواد تأثر علي وانسحب ولااترك :7: بالعكس اولا بعتبر نفسي حتى لوحملت ماده أو اكثر اني ماخذتها ولامرت علي كلش :26::9: مع ان 3 ، 4 درجات ممكن تكون عقبه في حمل المواد وبستمر بدراستي ولوربي اراد وكتب لي حتى الماستر بكمل :34: موفق اخوي خلي عنك هالكلام ماينفع كلش اعتبر نفسك صارف قسط الماده في اي شغله تتباهى فيها :42: :16: |
رد: انتهاء مشووواري في الجامعه
اقتباس:
اقتباس:
قرار ترك الجامعة او الاستمرار راجع لك ولكن حاسب نفسك قبل ما تاخذ هذا القرار واسأل نفسك.. هل كنت تعطي المواد حقها من المذاكره.. هل كنت تتابع المحاضرات او تكتفي بالملخصات الجاهزه.. هل كنت تحل الواجبات بنفسك والا تاخذها جاهزه من المنتدى.. هل كنت تذاكر قبل الاختبار بوقت كافي والا تكتفي بليلة الاختبار..؟؟؟ اسئلة كثيره انت الوحيد اللي يقدر يجاوب عليها ويقييم الوضع..عموماً ومن وجهة نظري الجامعه ماقصرت معانا... والمواد والاختبارات ما راح تكون بمستوى واحد... فيها الصعب وفيها السهل والدكاتره برضه يختلفون.. فيهم اللي يتفهم وضعنا وفيهم اللي ما يقدر ولكن هدف الجامعة ليس مادي او "تاكل فلوسنا" كما اسلفت" بل بالعكس هدفهم تخريج شباب يفيد نفسه ويفيد البلد.. وبالنسبة لي الانتساب هذا نعمه وشي ما كنت اتصور انه بيحصل وأنا الآن في المستوى الثامن ومع كل العقبات والمشاكل اللي واجتهي ولكن ما زلت اكن كل الاحترام والتقدير لكل فرد في الجامعه ابتداء بالعميد وحتى عامل التنظيف.. اخوي.. انا اعتذر على الإطالة والاختلاف في وجهات النظر لا يعني أني ضدك.. بل بالعكس اتمنى لك الخير ويعلم الله اني اتمنى ان اقدم لك ولجميع اخواني واخواتي أي مساعده واتمنى لكم جميعاً التوفيق |
رد: انتهاء مشووواري في الجامعه
صدقني والله ثم والله ثم والله ماااراح تلقى مثل جامعة فيصل ترى انا درست بكذا جامعة كلهاااا دراسة صعبة استهدي بالله ولاتتعجل
|
رد: انتهاء مشووواري في الجامعه
الله يوفقك ويعوضك بالخير ..
انا مقدر اثر النتيجة عليك .. والجامعة يا غالي أكبر من هذا الظن اللي تتوقعه .. واذا كان التخصص ما يناسبك غيره ، وان شاء الله يتحسن معدلك ويا غالي .. حاول دائما تاخذ عدد ساعات مناسب لقدراتك وظروفك وهذا الامر يساعدك من ترم لترم انك تتاقلم مع التخصص ويمكنك في المستقبل من أخذ عدد ساعات أكثر .. وبالنسبة لصعوبة الاختبارات فتأكد انك اذا صرت مذاكر زين فما تهمك طريقة الاسئلة موفق ..:16: |
رد: انتهاء مشووواري في الجامعه
غير صحيح الجامعة تعطي كل ذي حق حقه، وأنا أبداً لا أشكو من أي رسوب ولا ضعف في المواد ولله الحمد. بس مشكلة اللي يبي ينجح بدون تعب ولا شوية دراسة.
|
رد: انتهاء مشووواري في الجامعه
الـ:16: للمتفائلين من الصباح
|
رد: انتهاء مشووواري في الجامعه
أقرط العافية وقل الحمدلله
|
رد: انتهاء مشووواري في الجامعه
ليت ما اخترت ادراة اعمال فيه صعوبة لغير المتفرغين -- غير التخصص مثل دراسات اسلامية |
رد: انتهاء مشووواري في الجامعه
وعليكم السلام ورحمة الله وبركاته
أولآ وأنا أخوك بالنسبه للي كانت ردودهم في بداية الموضوع هجوميه بعيده عن الانتقاد بكل أنواعه والتي لاتدل الا على جهل أصحابها فلا تلتفت لهم وتذكر مثل القافلة تسير..إلخ فليس كل من أتقن الإملاء عالم أو متعلم , والعلم مبني على الأخلاق أولآ وقبل كل شيء وهاؤولاء لم يجربوا السلك العسكري وكيف أن الوظائف العسكريه تآخذ حتى من وقتك المخصص لعائلتك فكيف لها أن تترك لك وقت تستغله في الدراسه ..! لكن أنا أعلم وانت تعلم بأن وظائفنا تفرض علينا أن يكون أمن هذا البلد وأستقراره قبل كل شيء ونحن نفرض على أنفسنا ان نبقى فدائآ لهذه الارض الطاهرة دومآ وأبدآ :16: وأجعل ردود هذه الفئة من البشر دافع وحافز لك من أجل الوصول الى هدفك وتحقيق أحلامك :21: وأفطن بنفسك الى ماهية هاوؤلاء الاشخاص وتفهم قصدي :28: ثانيآ انا مثلك موظف في أقسى قطاعات الجيش والذي يأخذ من وقتي يوميآ أكثر من 12 _ 16 ساعة وبعض الأوقات أبقى في عملي لأيام بالإضافه الى إني متزوج ولدي 4 أبناء والحمدلله لم أقصر في عملي وحتى لو وفقني الله وتخرجت وتركت السلك العسكري سوف أبقى مع هاوؤلاء الجنود شوكة في حلق كل من يعادي هذا الدين وهذه الدولة دائمآ وأبدآ :17: وطموحك في شهادة عليا يزيد من قدرك أمام نفسك وامام الجميع وليس العكس. لكن للوصول لهذه الشهادة علينا بذل الكثير والكثير من الجهد وتاكد بأن تأخرك في المواد التي ذكرتها وبالرغم من بعض الاشياء التي نراها أخطاء من الجامعه الا ان السبب الرئيسي هو تقصيرك او عدم أعطائك لهذه المواد الوقت الكافي لدراسة . انا الآن إنتقلت الى المستوى الرابع والحمدلله لم أحمل أي مادة ومعدلي مرتفع وليس الفرق بيني وبينك سوا الوقت الذي خصصناه للجامعة فقط . واتمنى أن تعدل عن قرارك وتكمل دراستك وأنا مستعد لمساعدتك في أي وقت لكن المهم أن تملك العزيمة للوصل لهدفك وصدقني سوف تصل بإذن الله :16: |
رد: انتهاء مشووواري في الجامعه
اخوي انا ترفعت مستوى الرابع ورسبت مادتين طريقة النجاح سهلة ادرس المادة وكان الدكتور راح يجيب اصعب اسئلة وصدقني راح تنجح باذن الله
|
رد: انتهاء مشووواري في الجامعه
سبحان الله وبحمده ، عدد خلقه ورضا نفسه وزنة عرشه ومداد كلماته
|
رد: انتهاء مشووواري في الجامعه
اقتباس:
استغربت من قولك بأن جميع قطاعات السلك العسكري ليس لديهم وقت مخصص للجامعه ؟؟؟؟؟؟؟؟؟؟؟؟ واي سلك تقصد ؟؟؟؟؟؟ أذا كنت تقصد الجيش بس .. يمكن انا معك غير كذا .. الباقين شفهم قبل صلاة الظهر وهم ببيوتهم وكروشهم 7 متررر قدامه :27: |
رد: انتهاء مشووواري في الجامعه
واصل ولا تنحبط.. ادارة اعمال اشوف كثير يرسبون فيه ويعدون والحين واصلين مستويات عاليه 6 و 7
وانت موظف يعني مو تنتظر لك وظيفه وتبي راتب احمد ربك:21: |
رد: انتهاء مشووواري في الجامعه
صبباح الخ ــير للجميع اسمح لي اخي العزيز بكلامي ويمكن يكون جارح لك شخصياً اذا انت انسان تبغى شهادة وعلم او تبغى وظيفه كلها تعتمد عليك شخصياً النجاح مايجي بسسسهوله ابداً والفششل هو بداية النجاح ابتعد عن كل شي يحبطك واجتهد وابدى بتصحيح فكرك ورايك أولاً قبل انك تفكر في الجامعه واخطائها انا مثلك كنت محبط جداً جداً جداً في اششياء خاصه فيني لكن مع التفائل والاجتهاد والعمل والاخلاص نجحت فيها ومازلت اطمح للأفضضل وصدقني فششلك في الوقت الحالي هو بداية نجاحك لكن ابتعد كُلياً عن اليأس امنياتي لك بالتوفيق |
رد: انتهاء مشووواري في الجامعه
:5:
|
رد: انتهاء مشووواري في الجامعه
الله يستر عليك
بس تذكر انك بتندم |
رد: انتهاء مشووواري في الجامعه
لا تكفى لا تنسحب هههههه
بالتوفيق وتأكد اللي يذاكر ويتعب ماراح يرسب مشكلتنا فاهمين إن اللي يدفع لازم ينجح مثل نظام المدارس الأهليه :42: |
رد: انتهاء مشووواري في الجامعه
اقتباس:
|
رد: انتهاء مشووواري في الجامعه
اقتباس:
كلفت على نفسك بتصفيف الكلام .. تعال يامتعلم وغيرك الجاهل .. راجع الموضوع ياخبير زمانك من جديد .. اقتباس:
شفت كيف التحليل العجيب ؟ اذا أيدته في كلامه ، فـ للأسف يوجد خلل فني في النصف الأيمن من دماغك .. إظاهر لاحظت كلمة ( عسكري ) بالموضوع .. وأخذتك العزة بالإثم وجلست تتفلسف على روسنا .. خليك في القافلة ، يابو قافله .. ههه ..* |
رد: انتهاء مشووواري في الجامعه
الكل دفع ماهوب بس انت الله يرضا عليك
لكن بالنهاية لكل مجتهد نصيب دفعنا مثل ما دفعت وهذانا نجحنا ولو اهملنا كان رسبنا مثلك ع العموم مع الف سلامة وبالتوفيق |
رد: انتهاء مشووواري في الجامعه
اقتباس:
كل واحد منا عنده مادة يكون تحصيله العلمي قليل فيها فعليه التركيز والمتابعة المستمرة أنا مثلا من يومي ونسبتي في الرياضيات ماتقل عن 96% في معظم المراحل الدراسية حتى الجامعة لكن القانون 70% ومع ذلك نقول الحمد لله أننا عدينا |
رد: انتهاء مشووواري في الجامعه
استعد ياعسكري
استريح للخلف در :17: |
رد: انتهاء مشووواري في الجامعه
ماعليك من الجامعة ونواياها:36: خل لك هدف من دراستك وركز علية واصر على حصولك الشهادة اترك عنك الافكار السلبية وصدقني مافية شئ يجي بالساهل ذاكر واجتهد والباقي على الله وبالتوفيق لك |
رد: انتهاء مشووواري في الجامعه
فيه ناس يبون جامعه وبس لاهم يم دراسه ولا عندهم اي اهتمام او اطلاع معرفي
استغرب ليش داخلين إدارة اعمال جامعة الامام شريعه وفالكم بيرقها |
رد: انتهاء مشووواري في الجامعه
كلامك غير صحيح :16:
الي يذاكر ينجح والي مايذاكر الا بيوم الاختبار يحمل وبتوأم بعد :21: |
رد: انتهاء مشووواري في الجامعه
يقولون الاولين : من لايغبر شاربه مادسمه ..وترى مافيه شي يجي بسهولة وانا اخوك
|
رد: انتهاء مشووواري في الجامعه
الارادة وبس
|
رد: انتهاء مشووواري في الجامعه
اقتباس:
للأسف أقولك معلومتك خطأ والصحيح هو كالآتي: رسوم الدراسة في جامعة الامام محمد بن سعود طريقة سداد رسوم الدراسة الفصلية: - رسوم الدراسة في الدورة التأهيلية 2500 ريال سعودي. رسوم الدراسة في أحد التخصصات:- - عدد ساعات قسم الشريعة : مائتان وساعتان (202) وقيمة كل ساعة 100 ريال - عدد ساعات قسم الدعوة : مائة وأربعة وتسعون ساعة (194) وقيمة كل ساعة 105 ريال - عدد ساعات قسم اللغة العربية : مائة وثمانية وثمانون ساعة (188) وقيمة كل ساعة 110 ريال - عدد ساعات قسم إدارة الأعمال : مائة وثمانية وثلاثون ساعة (138) وقيمة كل ساعة 145 ريال - عدد ساعات قسم الاقتصاد : مائة وأربعة وثلاثون ساعة (134) وقيمة كل ساعة 145 ريال |
رد: انتهاء مشووواري في الجامعه
دام هذي نظرتك للجامعه .. انسحب
وروح لجامعه تناسبك.. وموفق يارب |
رد: انتهاء مشووواري في الجامعه
اذا صرت داخل الجامعه على انك تشتري النجاح بفلوسك
انسى تنجح ذاكر وشد حيلك والتوفيق من الله غير كذا مافيه شي اسمه ادفع فلوس وانجح |
رد: انتهاء مشووواري في الجامعه
في بعض الناس يعقد مع نفسها ويهوجس ويطلع بفكار
ويقول الجامعه سوت كذا عشان كذا اها اجل نظامها كذا ويصدق عمره ويجي يكتب بالملتقى ياخي خل هواجيسك وافكارك لك واذ تبي تطلع مع الف سلامه الجامعات بكل مكان والله الحمد رح جرب بس لاتتهم ولا تشكك في مصداقية احد وتجعل كل هم الجامعه مادي متناسي ان المجتمع ومافيه يحكمه اخلاق وقيم اسلاميه ماوصلنا درجه ان نكون ماديين |
رد: انتهاء مشووواري في الجامعه
الجامعه ماوجهتنا فيها اي صعوبه مع ان اغلبيتنا مايذاكر الا ليلة الامتحان وامورنا ماشيه تمام
العيب مو بالجامعه العيب انك اخذت تخصص يمكن مو مناسب لك ادارة الاعمال تخصص بنظري يبي له اهتمام ومجهود اكثر ولاتنسحب استخير وبالنهايه مااقول غير الله يوفقك ويسهل امورك |
رد: انتهاء مشووواري في الجامعه
اقتباس:
برضه انت عندك مشكله بالاملاء وحالتك حاله وبعدين وش دخل امن البلد واستقرار البلد قلبتها حرب وقوافل ترى هذا منتدى جامعي لمناقشة المواضيع العلميه مو حروب وامن والحمد لله حنا بخير ونعمه وجميع من في المنتدى عندهم ولاء للبلد هده وبعدين اذا تحب الوطن وتسهر لحماية امن الوطن لاتحط ببالك انك تدرس على شان تطلع من الجيش ادرس على شان تطور من نفسك وتخدم الجيش اللي انت حريص على امن الوطن قبل كل شي نقطه اخيره انت كاتب هاوؤلاء والصح هؤلاء لانه مو حلو انت ادارة اعمال ومستوى رابع ومعدلك ماشاء الله وبالنهاية عندك اخطاء املائيه وسع صدرك شوي ولاتصير هجومي وتكتب مقدمه مو حلوه وشرسه وقوافل :26: واذا تبيني اساعدك بالاملاء فيه منتديات مره حلوه تساعد بتجنب الاخطاء الاملائيه بالتوفيق :27:للوصل تكتب كذا للوصول |
رد: انتهاء مشووواري في الجامعه
إذا هذا رائيك واكتشافك أنا افضل انه تحتفظ به لنفسك
لان بكلامك هذا تهبط معنويات الي عندهم طموح بسيط وتصعب الأمور في وجيههم وما في شئ بهالدنيا سهل وانسحابك بسبب الرسوب ممكن يدل ع اهمالك فلا تلوم الجامعة ع تقصير انت سببه أولا وأخيرا وموفق بعسكريتك |
رد: انتهاء مشووواري في الجامعه
اخي تساهيل الله يقويك
اول وقبل كل شي انت معتمد ع انك تتدفع فلوس وحللت من كلامك تبي تنجح بكل برود عذرا بتنجح ووانت جالس رجل على رجل الجامعه يبي له ربع جهدك من جهد دوامك العسكري فالله يقويك وبالتوفيق وعذرا على كلامي :16: اضيف ع كلامي انت اسعى للمعدل لاتسعى للنجاح واذ سعيت للمعدل بتنجح موفق خيو ً:16: |
رد: انتهاء مشووواري في الجامعه
الملخصات لاتعتمدها الجامعة
ماتعتمده الجامعة هو المحتوى اللي في البلاك بورد أما ملخصات الطلبة فهي غير مسؤولة عنها |
رد: انتهاء مشووواري في الجامعه
اقتباس:
وهذا انا سمعت من تويتر ومنتديات ثانية .. بس انت مجرب .. بالتوفيق للكل ان شاء الله |
رد: انتهاء مشووواري في الجامعه
تعلم فليسَ المرءُ يولدُ عالماً .. وَلَيْسَ أخو عِلْمٍ كَمَنْ هُوَ جَاهِلُ
وإنَّ كَبِير الْقَوْمِ لاَ علْمَ عِنْدَهُ .. صَغيرٌ إذا الْتَفَّتْ عَلَيهِ الْجَحَافِلُ وإنَّ صَغيرَ القَومِ إنْ كانَ عَالِماً ..كَبيرٌ إذَا رُدَّتْ إليهِ المحَافِلُ |
| All times are GMT +3. الوقت الآن حسب توقيت السعودية: 07:58 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام