|
اللي موظف في قطاع حكومي يدخل ..!!
]السلام عليكم ورحمة الله وبركاته يااخوان انا عندي مشكله وهي كالاتي .. ارسلت اوراقي لجهة العمل لطلب الموافقه منهم لاكمال دراستي الجامعيه للاستفاده من النقاط مع العلم اني الان طالع للمستوى الثالث والحمد لله ارفقت لهم شهادة التعريف وارفقت ايضا شهادة حضور الاختبارات وطبعت لهم نسخه من قبول الجامعه واتفاجأ بأنهم مرجعيين الخطاب بكامل مرفقاته ويقولون انه ناقص من ناحية اشعار قبول الجامعه طيب ممكن احد يوضح لي وش المقصود من الكلام هذا هل يجب مراجعة الجامعه ام هل توجد ايقوونه خاصه بهالشي وانا ماانتبهت لها واتمنى تفيدوني بكيفية تقديمكم لطلب اكمال الدراسه لجهة عملكم شاكر لكم .. |
رد: اللي موظف في قطاع حكومي يدخل ..!!
أطبع لهم شهادة التعريف عن طريق الخدمات الطلابية
وارفق معها ايضا السجل الاكاديمي وربي يوفقك |
رد: اللي موظف في قطاع حكومي يدخل ..!!
وعليكم السلام اخوي الدعوى تعقيد خطاب اشعار الجامعه اهو ان عملك قد سبق وان ارسل خطاب للجامعه بأن الطالب الي اهو انت يرغب بالدراسه لديكم والجامعه ترد بخطاب الموافقه هم يبون كذا الدعوى يبيلك واسطه وسلامتك |
رد: اللي موظف في قطاع حكومي يدخل ..!!
النقاط تحسب بعدد الساعات
وهم يبون السجل الاكاديمي لازم تكون معدي ٣٠ ساعه لكي يعتمد من الجهه الحكوميه اذا كنت معدي ٣٠ ساعه اطبع سجل الاكاديمي وفيه ايقونه افاده بانهاء مستويين دراسيين. واذا ماعاديت ٣٠ اصبر تطلع النتايج تكون ان شاء الله معدي لان ماتحسب الا بساعات |
رد: اللي موظف في قطاع حكومي يدخل ..!!
50 ساعه كيف تحسب ؟
|
رد: اللي موظف في قطاع حكومي يدخل ..!!
اي جهه حكوميه بناء ع نظام الخدمه المدنيه
تحسب نقاط الترقيات والمفاضلات كل 30 ساعه يعني بالترتيب 30 اقل شي. و60 59 لاتحسب منها الا 30 فقط لابد ان تكمل ال60 كل ثلاثين ساعه لها عدد معين من النقاط في حالت انك كنت تريد افضليه بترقيه او زياده نقاط واكثر من تفيده العساكر والموظف المدني المقبل ع ترقيه |
رد: اللي موظف في قطاع حكومي يدخل ..!!
والله شكل الدعوى كلها تعقيد بتعقيد والا كل شي مرفق لهم وواضح ماعليهم الا الموافقه لكن الشكوى لله
وبالنسبه للساعات لحد الان لم انهي ال30 ساعه بأتتظر طلوع النتايج وبعدها باطبع لهم الافاده بانهاء مستويين الله يجزاكم خير جميعا ماقصرتو وافدتوني كثيير :21: |
رد: اللي موظف في قطاع حكومي يدخل ..!!
ااخوي لااازم تكمل ٣٠ ساعه كل ماتكمل ٣٠ ساعه ارفعها وتجيك الموافقه ،، لاتعقيد ولا شي مثل ماقال اخوي فهوودي |
رد: اللي موظف في قطاع حكومي يدخل ..!!
نسخه من اشعار قبول الجامعة هو نفسه القبول بالجامعه
اعانك الله ياعزيزي اتوقع القطاع السلك العسكري اذا كان السلك العسكري عادي ارفقلهم الاشعار من جديد وزود كم ورقه انك تدرس سجل اكاديمي عشان تبين للي اعادها انه فاهم الوضع وكذا ام ان كان قطاع حكومي مدني شكلهم فهموك خطأ ويتوقعون انك ناوي تدرس برا واستغربو كيف جاب قبول وماخلص المعهد الا متى راح ! مشهى لهم يابن الحلال تصدق والله ماعرف اجازه اختبارات كلها من رصيدي السنوي او الاضطراري تدري ليش انا الوحيد الي في المنطقه الي يطبقون عليه التجارب عشان لانجحت وكذا وطلعت سي سعيدان يقولون كنا نختبر قدراتك تعرف طايحين بالوضع ذا الشعب معليش للشطحه ،، |
رد: اللي موظف في قطاع حكومي يدخل ..!!
اقتباس:
أتوقع هذا اللي يقصده مقر عملك:21: |
رد: اللي موظف في قطاع حكومي يدخل ..!!
المفروض أول ماتسجل ومن حقك لأن مكتب العمل يحمي لك هذا الحق ومع اجازة رسمية من اول يوم اختبار :17:
|
رد: اللي موظف في قطاع حكومي يدخل ..!!
اقتباس:
|
رد: اللي موظف في قطاع حكومي يدخل ..!!
اقتباس:
وهم يدرون اني ادرس في جامعة فيصل عن بعد والموضوع واضح بالنسبه لهم !!! اما اجازة الاختبارات يعطونا غصبا عليهم لانه حق من حقوق اي طالب موظف :17: |
رد: اللي موظف في قطاع حكومي يدخل ..!!
اقتباس:
لكن بنطبعه ملون ونرفقه ونشوف بيمشي الحال او لا شاكر لك :21: |
رد: اللي موظف في قطاع حكومي يدخل ..!!
الله يعينك .. اخوي انت قبل لا تدرس بالجامعة خذت موافقه من جهة عمل ؟
اذا ما خذت هذي مشكله لانهم بيبون اي عذر والله يعينك وييسر لك .. الحين الترقية ما عاد تترقى الا معك جامعه الكل ما شاء الله اهتم بالدراسه |
رد: اللي موظف في قطاع حكومي يدخل ..!!
انشهد انها تعقيد وحوســه أسأل مجرب رفعنا لهم يقولون ليش تدرس قبل تجيك مواقفه ومدري ايش لكن بإذن اللي ماتنام عينه مواصل مواصل قبلوا ولا ماقبلوا اهم شي الدراسه ولا تيأس وانا اخوك بس الشي اللي للحيـن مادري عنه ومحيرني هل إذا أخذت الجامعه بيقبلون الشهاده او لا ..؟ |
رد: اللي موظف في قطاع حكومي يدخل ..!!
اقتباس:
لكن جامعة الملك عبد العزيز عندها الشرط من البدايه واضحين لاني كنت مقدم عالجامعتيين .. بس يوم قبلوني جامعة فيصل اكملت الدراسه بدون موافقت جهة عملي ..كان الاولى من جامعتنا انها تهتم بوضع الشرط هذا حتى لا تتعقد الامور وتتعسر على الموظفين مثل وضع اغلبنا الان .. الله ييسرلنا ولكم ياارب |
رد: اللي موظف في قطاع حكومي يدخل ..!!
اخوي ان شاءالله ماراح تحتاج قبول جامعي
انت تقصد بالقرارات اللي وصلت سابقا بخصوص اكمال الدراسة فيها شروط والكثير كمل دراسته دون موافقة جهة عمله اللي عليك الان بعد النتائج ترفع السجل الاكاديمي بعد اجتيازك 30 ساعة وترفع اثبات انهاء مستويين دراسيين وخطاب التعريف مه خطاب تغطية من قسمك ويرفع للإدارة عندكم المسؤولة عن الترقيات وان شاءالله امورك تزين موفق |
رد: اللي موظف في قطاع حكومي يدخل ..!!
اقتباس:
الحمد لله اكملت الدراسة واجازة مع انه اخر ترم جانا مدير لقسمنا جديد ومعقد شوي يقول مو لازم اجازة انتم ما غير تقضونها بالمقاهي والشيش بصراحة رفع ضغط بس ربي يسر و عطوني اجازة بعد عناء :7: |
رد: اللي موظف في قطاع حكومي يدخل ..!!
بإذن الله ماراح يصير الا الزين وبعدين الجامعه لو سوت اللي انت تقول عنها بيصير شي حلو ومو حلو في نفس الوقت يعني تعقيد للأمور لكن ماقصروا جزاهم الله الف خير تساهلوا معنا وبإذن الله مايصير الا كل طيب وخير ومايضيع حق وراه مطالب ولاتيـأس وبيني وبينك على حسب رئيسك يقدر يعطيك إجازه للاختبارات من كرمه وطيبه ولا يعقدك ويبهذلك وعليك بالكلام الحلو والطيب ويجي معهم ههههههه الله يوفقك ويوفقني ويوفق الجميع يارب عقبال مانتخرج ونترقى ونعتلي المناصب والمراتب العليا بالدنيا والآخره |
رد: اللي موظف في قطاع حكومي يدخل ..!!
الله يرفع قدركم جميعا شكرا عالمساعده والله يكتبها فموازين حسنااتكم .
|
رد: اللي موظف في قطاع حكومي يدخل ..!!
بالنسبـة لخبرتــي في قسم الموارد البشرية ...
اتبع الأتــي اذا ماقبلو شهادة التعريف والسجل الاكاديمي عن طريق موقع الجامعه ... 1- اطلب خطاب رسمي من مرجعك موجه لعمادة جامعة الملك فيصل بالاحساء. 2- وضح في الخطاب الرسمي ان مرجعك يريــد تعريف من الجامعة عدد الساعات الناجح فيها والسجل الاكاديمي. 3- خذ الخطاب وتوجه للجامعة اذا انت قريب منهم او سلم الخطاب لاحد تعرفة ينشب لهم. 3- ممكن يرفضون الجامعة اعطاك عدد الساعات والسجل الاكاديمي (( لكن بين لهم موقفك مع جهة عملك وانهم رفضوا يقبلون الطباعة عن طريق الموقــع )) وان شاء الله رح يعطونك لانه فيه خطاب رسمي ولابد من رد بخطاب رسمي من الجامعة سوا يسجلون لك بالخطاب عدد الساعات والسجل الاكاديمي او يكتبون بالخطاب ان الطباعة عن طريق الموقع معتمد من قبل الجامعة . وهذا الي اقدر افيدك وان شاء الله الشباب الي قبلي افادوك ... |
رد: اللي موظف في قطاع حكومي يدخل ..!!
بالنسبة لي انا اذكر اني رفعت الطلب وكان مرفق معه شهادة التعريف المطبوعة من النت
وتمت الموافقة عليه وبسرعة قصوى ولله الحمد المهم ان الواحد لازم يحفظ خطاب الموافقة لانه بعد التخرج ما تعتمد الشهادة من جهة العمل الا بخطاب الموافقة |
رد: اللي موظف في قطاع حكومي يدخل ..!!
من نحيتي أنا دخلت الجامعة بدون اطلب منهم شي ولما خلصت 34 ساعة طبعت سجل وانهاء مستووين ورحت شؤؤون الموظفين قلتله حطها بالملف عندكم قالي مراح احطها الى بشرح المدير عليها قلت بسيطه وخش على المدير وقدمتها قالي شنهو ذا قلتله هذا مثمور دراستي وقالي وش المطلوب قلتله ابي توقيعك عليها عشان يحطونها بالملف قال خلنا انشوف درجاتك بعدها قال اااف افااا مقبول ويضحك . قالي راز وجهك كل مره جايب لانا جدول عندي امتحنات والاخير مستواك مقبول انا انحرجت المهم وقعها ووديتها لشؤون الموظفين بس قولو ان شاء الله تنفع لاني على بند الرواتب
|
رد: اللي موظف في قطاع حكومي يدخل ..!!
السلام عليكم اخوي اطبع لهم افاده بإنهاء مستووين من الخدمات الطلابيه واطبع السجل الأكاديمي
بطابعه ملونه وينتهي الموضوع ان شاءالله . |
رد: اللي موظف في قطاع حكومي يدخل ..!!
اقتباس:
بالضبط هذا اللي صار معي ياخوي اعطوني مرجعي خطاب موجه للجامعه فيه خانات فيها عدد الساعات وفي اي مستوى دراسي وكل ماعليك الذهاب للعماده وياخذون رقمك الاكاديمي ويجمع الساعات الموظف وتروح للعميد يختمها لك بس بس خلهم يكتبون سعادة عميد التعلم الالكتروني عشان مايعدلونه الجامعه المهم انا اخذت كذا ومشت اموري وترقيت قبل ايام والحمدلله اتبع كلام اخوي اللي فوق وباذن الله الامور بسيطه وبالتوفيق لك |
رد: اللي موظف في قطاع حكومي يدخل ..!!
السلام عليكم اذا كنت في القطاع العسكري ...
ما تحتاج الموافقه الدراسية .. الا في حالة انك تبي اجازة دراسية اما بالنسبة للنقاط الترقية ... جب لهم السجل الأكديمي فقط وكل سنه بنقطه اذا تبي معلومات اكثر ارسل لي رقم جوالك على الخاص |
رد: اللي موظف في قطاع حكومي يدخل ..!!
اقتباس:
|
| All times are GMT +3. الوقت الآن حسب توقيت السعودية: 03:30 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام