متخرجة من 12 سنه ،، وابغى أكمل دراسه ،،
 

السلام عليكم


أن شاء الله وبأذن الله راح أكون من المنتسبين للجامعة بس عندي كذا استفسار

أولا أنا متخرجة من الثانوي لي تقريبا 12 سنه وقتها ماكان عندنا امتحان قدرات ولا تحصيلي

هل مطلوب عند تسجيلي بالجامعة هال امتحانات ؟

ثانيا أنا راح أبدا دراسه من الترم الثاني ،، المفروض أسجل برمضان مع بداية السنه الدراسة ولا انتظر الين موعد التسجيل الجاي تبع الترم الثاني ،،؟

ثالثا أنا قررت ادرس أداره أعمال أن شاء الله وألقيت نظره على عدد الساعات سؤالي هال ساعات لكل أسبوع ولا لكل شهر ولا الترم كامل ؟

رابعا ،، المحاضرات راح تكون عالنت ،، سؤالي في كتب نشتريها أو مقررات ولا بس نعتمد على المحاضرة



اسالتي كثيرة اعذروني بس حابة اعرف كل شئ :29:

رد: متخرجة من 12 سنه ،، وابغى أكمل دراسه ،،
 

عليكم السلام

لا بدون قدرات ولا تحصيلي تطمنى

وعن التسجيل بيفتح ان شاءلله بس مادرى والله وقته بالضبط

شهر 8 او في رمضان .. بس انتى تابعى الملتقى وتابعى اعلانات الجامعه ..

لا طبعا التسجيل اللي من شهر 8 او في رمضان بتدين الدراسه بشهر عشره باذن الله

عدد الساعات
محدد لك الخطه كامله 128 ساعه تقريبا

اول مستوى بيكون اجبارى 15 ساعه

والمستويات الثانية بيكون على كيفك عدد الساعات تنزلين المواد اللى تبينها ..

بعض المواد من ساعتين وبعضها من ثلاث ساعات

وعدد الساعات للماده نفسها

مثلا اخذتى هالترم ماده العقيده الاسلامية عدد ساعاتها ( ساعاتان )

وهكذا :37:

والمحاضرات وكل شى ع النت

الكتب بعض الدكاتره يطلب كتب .. والاغلبيه مايشترونها
يكتفون بالمحتوى او الملخصات


وعن تخرجك من 12 سنه يقبلونك ماعندك مشكله فيه ناس اكثر منك


توكلى على ربك وسجلى

والله يوفقك ويسهل امرك

رد: متخرجة من 12 سنه ،، وابغى أكمل دراسه ،،
 

انا نفسي اعرف ليش مقفلين الاقسام عن الطلبه؟؟؟؟!!!!!!!!
ولامسوين يعني اني تسكرون في الاجازه مافيه دوام
طيب واحد يبي يستفسر يبي يستعلم يبي اي شي

رد: متخرجة من 12 سنه ،، وابغى أكمل دراسه ،،
 

يعطيك العافية أخوي هتان

بس أنا ناويه ادرس الترم الثاني ،، يعني لازم أسجل ببداية السنه الدراسية الي هي بشهر شعبان أو رمضان
أو انتظر الين يعلن عن التسجيل للترم الثاني ؟

يعني أنا مؤ ناويه ادرس بشهر عشره أبيها الترم الي بعده أن شاء الله

رد: متخرجة من 12 سنه ،، وابغى أكمل دراسه ،،
 

لحظه قصدك ماتبين بشهر عشره الجاي ..

تبين اللى شهر 2 تقريبا السنه الجايه

لا اجل ماتسجلين بشعبان او رمضان ..

رد: متخرجة من 12 سنه ،، وابغى أكمل دراسه ،،
 

إذا تسجلين الترم اللي بعد القادم

أما إذا تبين تسجلين للترم القادم يفتح التسجيل في رمضان بإذن الله

ومو لازم تحصيلي وقدرات

وفيه ناس كثير تخرجوا من ١٠ سنوات و١٥ سنه وسجلوا

رد: متخرجة من 12 سنه ،، وابغى أكمل دراسه ،،
 

أوكي حلو ،،، يعني أسجل تقريبا السنه الجايه

طيب أخوي هتان ،،، ال١٥ ساعه المفروض كل أسبوع ولا ١٥ ساعه حق شهر ولا ١٥ ساعه للمستوى كامل ؟


يعني العقيدة الإسلامية الي عدد ساعاتها ساعتين ،،

المفروض أخذها كل يوم ساعتين ؟

ادري اسالتي غبيه بس حابة اعرف كل شئ قبل ما بدا دراسه ،،تحملني

رد: متخرجة من 12 سنه ،، وابغى أكمل دراسه ،،
 

لا ال 15 ساعه للمستوى كامل ..


لا تاخذين الماده كامله للمستوى كامل ساعتين


وهنا موادك حقت مستوى اول .. ولاحظى كلها ماده 3 ساعات

http://store2.up-00.com/Apr13/ocP40326.jpg


وباقى المستويات والمواد

تقدرين تشوفينها من هنا

http://www.kfu.edu.sa/ar/Deans/e-lea...bles_page.aspx


لا الاسئله مو غبيه .. توك مادخلتى ومحد يلومك

واستفسرى وخذى راحتك .. حنا هنا بالخدمه

رد: متخرجة من 12 سنه ،، وابغى أكمل دراسه ،،
 

ساعتين مو الزمن
ساعتين هو قوة المادة في المعدل

رد: متخرجة من 12 سنه ،، وابغى أكمل دراسه ،،
 

يعطيك العافية أخوي هتان ما تقصر

فالك النجاح يارب


سؤال أخير

المحاضرات لها وقت محدد ولا أنا ادخل الوقت الي أبي وأشوف محاظرتي ؟

رد: متخرجة من 12 سنه ،، وابغى أكمل دراسه ،،
 

مشكور أخوي الجلاد

يعني إذا دخلت المحاضرة يرتفع المعدل وإذا ماشفتها ينقص بالمعدل

رد: متخرجة من 12 سنه ،، وابغى أكمل دراسه ،،
 

كل أسبوع ينزل محاضرة لكل ماده يجب تحميلها ومشاهدتها

وتنزل مناقشه في كل محاضرة

وينزل 3 واجبات في الترم لكل مادة

هذي كلها عليها 30 درجه

طريقة التحميل وحل الواجبات والمناقشات بسيطه ومافيها تعقيد تتعلمينها لما تسجلين وتقبلين بالجامعه

أما الساعات إذا جبتي في مادة ساعتين جبتي 90٪ ومادة ثلاث ساعات 90٪

مادة أبو ثلاث ساعات ترفع معدلك العام أكثر من مادة أبو ساعتين


على العموم لا تشغلين نفسك في ساعه وساعتين لأنها ما تهم الطالب إلا أنه يشد حيله كل ما كان عدد الساعات اكبر عشان المعدل

إن شاء الله فهمتي

رد: متخرجة من 12 سنه ،، وابغى أكمل دراسه ،،
 

نصيحه كملي يالعبيطه قبل يقفلون نظام الانتساب للابد

رد: متخرجة من 12 سنه ،، وابغى أكمل دراسه ،،
 

ماقصر المجلاد ..

توكلى على الله وسجلى ترى الامور سهالات وبتتضح لك الصوره اكثر اذا سجلتى

وهنا برضو موضوع للمستجدين تستفيدين منه

http://www.ckfu.org/vb/t359568.html


لايغرك الموضوع طويل ترى كلها شغلات بسيطه ويمكن اكثرها عارفتها

رد: متخرجة من 12 سنه ،، وابغى أكمل دراسه ،،
 

أولاً نصيحه بما انك نويتي تكملي دراستك و هذا شي حلو إذا اتركي التسويف و التأجيل للفصل الثاني توكلي على الله و سجلي الترم القادم و ترى الأمور سهله بس تتوقف على أول خطوة اللي هي البداية و لا للتأجيل