|
هااااام بخصوص الصيفي ,,
السلام عليكم ورحمة الله وبركاتة اخواني اخواتي ماسائكم خير وسعاده اخواني بما ان جامعتنا قامت مشكوره بفتح الدراسه للترم الصيفي وكنا جميعنا سعدا بهذا الخبر الا ان سعادتنا لم تكتمل لوجود شروط تعتبر شروط تعجيزيه واتوقع انها معتمده من الجامعه اول الشروط , الاختبار رح يكون في مدينة الاحساء ونسبة الطلبه الي يدرسون في الجامعه وهم من خارج مدينة الاحساء تقريبا 90% من جميع مناطق المملكه , الشرط الثاني ان الاسئله رح تكون مقالي لجميع المواد الي رح يكون طلابها اقل من 100 طالب ماعدا مواد الانجليزي رح تكون اختياري الشرط الثالث وهو الاختبار رح يكون في رمضان وفي وقت العصر ,, فوالله اني كنت متحمس للترم الصيفي مع اني اعتبر قريب من الاحساء 120 كيلو لكن المشكله فترة الاختبار العصر فلو كان الاختبار وقته من الساعه 9 حتى 11 لكان افضل واريح لجميع الطلبه وخاصة في رمضان وهذي رساله منقوله من احد الاخوات وكانت مع الدكتور عبد الله , تحياتي العطرة ... وبعد بعد موافق الجامعة على الترم الصيفي انهالت كثر الاسئلة وهناك من اجتهد بالاجابات وهناك من تواصل مع الجامعة ومع هذا تشتت الاجابات ولم يعلم الجميع عن مدى حقيقتها على ذلك قمت بالاتصال على الدكتور عبدالله الفريدان وسالته كم سؤال لقطع الشك باليقين ****************** وكانت الاسئلة ما يلي : ******************* دكتور السلام عليكم عليكم السلام عندي كم سؤال حول الفصل الصيفي اود معرفتها ؟ تفضلين ان شاء الله نفيدك دكتور ... كم مادة اقدر اخذ في الترم الصيفي ؟ قال تاخذين ست ساعات ... يعني تقدر تاخذين ثلاث مواد اذا كانت المادة ساعتين اين مقر الاختبار ؟ مقر الاختبار راح يكون في الاحساء فقط هل الاسئلة مقالية ام اختيارية ؟ القسم الانجليزي لا توجد لهم مقالية على طول اختيارية على طول مشوارهم الدراسي هل نقدر نسجل من المستويات الاخرى ؟ مدام انها موجوده معك في الخطه ومن المواد المطلوبه عليكم تقدرين تسجلي من اي مستوى كيف راح تنزل المحاضرات في خلال شهر ونصف تقريباً ؟ راح تنزل في الاسبوع محاضرتين هل هناك واجبات ومشاركات في منتدى الحوار ؟ نعم هناك كل شي .... فالترم الصيفي مشابه تماما للفصول الاخرى هل الترم الصيفي خاص فقط للخريجين ؟ اي مادة موجودة في الصيفي مطلوبه على الطالب يقدر ياخذها , من اي دفعه كان متى راح يكون وقت الاختبار مساء ام عصرا ؟ الاختبار راح يكون فترة العصر متى راح تبتدي الاختبارات في اي يوم بالضبط ؟ راح تحدد لكم الجامعة اي يوم والاكثرية راح يكون يوم السبت لانه الاختبار لمدة اسبوع واحد فقط طبعا اختتم اتصالي بالشكر والتقدير للعميد على تفاعله معي وتجاوبه الطيب منقووووول |
رد: هااااام بخصوص الصيفي ,,
الله يعطيك العافيه اخوي على النقل .
لكن الاستاذ ماذكر ان الاسئلة ستكون موضوعيه او مقاليه ماحدد قال الانجليزي . ولا عقب على باقي المواد ّ@ |
رد: هااااام بخصوص الصيفي ,,
الله يستر ويلغون هالمقالي اللي غثنا وجاب لنا الكوابيس :10:
|
رد: هااااام بخصوص الصيفي ,,
عليكم السلام ورحمة الله وبركاته الله يعطيك العافية ،،ويكتب اللي فية خير للجميع |
رد: هااااام بخصوص الصيفي ,,
الف شكرااا علي معلومات ايضاح
اهم شئ تكون متاكد من معلومات |
رد: هااااام بخصوص الصيفي ,,
اقتباس:
هلابك اخوي ابو نايف ويكفيك السؤال هذا وجوابه فيه يعني ماقد سمعت بالدبلوماسيه في الحوار وعدم وجود شافافيه واضحه شف جواب الدكتور عبد الله السؤال واضح من الطالبه قالت هل الاسئله مقالي شف جوابه فقط تكلم عن الانجليزي ,, وهذي حط بعدها علامة استفهام هل الاسئلة مقالية ام اختيارية ؟ القسم الانجليزي لا توجد لهم مقالية على طول اختيارية على طول مشوارهم الدراسي |
رد: هااااام بخصوص الصيفي ,,
مشكور يالجارح بارك الله فيك
|
رد: هااااام بخصوص الصيفي ,,
اوضحت الجامعة عبر موقعها ان الاختبارات وطريقة الدراسة نفس الاترام العادية
لكن مادري من وين تجيبون الاشاعات هذي وتسببون ربكه للطلاب |
رد: هااااام بخصوص الصيفي ,,
كنت متحمسه بس بعد المقالي
لا خليني جالسه احسن موضوعي ونلخبط أجل كيف بالمقالي الله المستعان يا جامعة فيصل تغيرتي كثير والظاهر ما عاد بيكون حماس كثير فيك :8: |
رد: هااااام بخصوص الصيفي ,,
هل الاختبار مقالي أم أختياري ياليت تفيدونا
|
رد: هااااام بخصوص الصيفي ,,
اقتباس:
الزمن غدار والحكمه تقول **** كل شي معقول . :17: باخذ مادة الاخلاق الاسلامية وباذاكر فيها وحفظها من الجلد للجلد وخله يجيب مقاليه موضوعيه 100 % جايبها بمشيئة الله يعني جايبها . الا اذا بيجيب اسئلة من سطح القمر . شي ثاني! |
رد: هااااام بخصوص الصيفي ,,
اقتباس:
اخوي اكيد الدراسه نفسها والاختبار نفسه لكن مشكلتك انك ما تدري عن شي فقط تسمع بكلمة اشاعه وتقولها حبيبي فيه نظام وضعته الجامعه اتوقع انك لو كنت مطلع لعرفت معنى المقالي لكن حاول انك تقرى نظام الجامعه وبعدين تعال رد |
رد: هااااام بخصوص الصيفي ,,
اقتباس:
بالتوفيق وفالك النجاح في الدرين |
رد: هااااام بخصوص الصيفي ,,
مشكووووووووووووووور يالجارح والله يعطيك الف الف عافيه على الجهود اللي تبذلها بحق الطلاب ومايحرمك هالاجر يارب :16: انا وبصراحه من وجه نظري صراحه مافضل اكون اول دفعه يطبق عليها الترم الصيفي بالاول بشوف الاوضاع اشلون واذا جازت لي نقول بسم الله :34: وتسلم يالجارح وماننحرم لامنك ولامن مواضيعك القيمه ولك ودي واحترامي :1: :16: |
رد: هااااام بخصوص الصيفي ,,
تسلم على النقل اخوي الجاااارح
كنت متحمسه للصيفي بس اللحين ماا اعتقد اني بااخذه:17: باذن الله مع اﻻيام القادمه يكون الصيفي في كل المناطق واختياري طبعاااا متى النتايج مليت من اﻻنتظاار ::42: بالنسبه للدماام والزززحمه :11::1::34: |
رد: هااااام بخصوص الصيفي ,,
اقتباس:
هلابك اختي ياسمين وسلمتي وانا والله ان عندي نيه ومتحمس للترم الصيفي لكن الجامعه الله يهدي المسؤلين عن العماده ماعندهم شي وضح دائما فيه غموووض في اعلاناتهم كذالك وقت الاختبار العصر وقت غير مناسب المفروض من الساعه 9 مساء الى 11 |
رد: هااااام بخصوص الصيفي ,,
اقتباس:
هلابك اختي عفت الغلا والله يكتب الي فيه خير والنتائج اتوقع انها من بدايه شهر 8 والله يعين على الزحمه |
رد: هااااام بخصوص الصيفي ,,
انا أقول ياجماعة العجلة تراه مهوب زينة
والي يدور بالمنتدى كلة إشاعات راسلت الدكتور على ايميله وجواب على كل أسئلتي إلا مسألة طريقة الأسئلة موضوعي او مقالي ولا جاب طاري لفترة الاختبار معناها انه في شي للحين ما تحدد ولا تنسون ياجماعة انه اول ترم صيفي يعني ماراح يكون فيه تعقيد ماعندي مشكلة أفطر على الورقة واروح له آخر الدنيا اهم شي يخف هالجدول الغثيث |
رد: هااااام بخصوص الصيفي ,,
والله كلامك صحيح اخوي الجارح
بس شخصياً رايح اسجل والباقي على الله اتمنى ان يغيير موعد الامتحان لانه رمضان وحر وسفر بس اذا اصرو على رايهم لاحول ولا قوه الابالله وان شاء الله يتراجعون او يخلون الاختبار بعد رمضان وشكرا لك |
رد: هااااام بخصوص الصيفي ,,
تسلم الجارح علئ الموضوع الرائع
انا عني اتمنئ تكون فيه مراكز اختبار في المدن الرئيسيه عشان الكل يقدر يستفيد من الترم الصيفي لكن بالاحساء :24: |
رد: هااااام بخصوص الصيفي ,,
وعليكم السسلآم :16:
يعطيك الف عآفييه الجآررح ,. ليتني اقدر اروح اختبر :24:^ |
رد: هااااام بخصوص الصيفي ,,
شكرًا يالجارح .. بالنسبة لي ماني موجّعه راسي بالصيفي |
رد: هااااام بخصوص الصيفي ,,
انا ناويه اسجل بس خايفه من ذا المقالي
.. بس هنجرب ونشوف الوضع كيف بيكون شكرا الجارح .~ :16: |
رد: هااااام بخصوص الصيفي ,,
الاختبار مقالي???????????
|
رد: هااااام بخصوص الصيفي ,,
الله يكتب اللي فيه الخير
وانا اشوف انو ماتكونو اول دفعه بالتوفيق للجميع يارب:16: |
رد: هااااام بخصوص الصيفي ,,
هلٱ الجارح . ربي يبٱرك فيك
مشكور علئ جهودك بالنسبه لي حاليا ماافكر بالصيفي ابد لكن يمكن اذا قربت اتخرج بإذن الله اكرر شكري لك :21: |
رد: هااااام بخصوص الصيفي ,,
بارك الله فيك وجزاك عنا خير على هذا الجلب ماننحرم من جديدك ياجااارح لاعدمتك ياخوي:16::16: |
رد: هااااام بخصوص الصيفي ,,
والله اخواني انا معكم ومتحمس للصيفي لكن انا فقط وضحت لكم نقاط على الشروط الي وضعت للصيفي ولا الصيفي شي حلو ان الجامعه تطبقه لانه رح ينزل حمل كثير من المواد للطلبه وخاصة اذا كان عدد الساعات المسموح بها 6 ساعات وحيث ان الاجازه طويله الى وقت بداية الترم القادم وانا حاولت مراسلة الدكتور الفريدان على التويتر مايرد له 3 ايام وكذالك احمد الشعيبي له يومين نبي نتاكد منهم لكن الله يوفق الجميع |
رد: هااااام بخصوص الصيفي ,,
واضح من جواب الدكتور انه راح يكون هناك اختبارات مقالية
ماعدا تخصص انجليزي لكن السؤال يوجد مواد في تخصص انجليزي مشتركة يعني مواد عامة وهي اغلب المواد المطروحة بالترم الصيفي للمستويات الأولية هل ستكون مقالية ام اختيارات ؟ مع انها موجودة بقسم الانجليزي ؟ مثل فقه السيرة اخلاق اسلامية قواعد البيانات نخاف ناخذ شيء منها ونتخوبر في الاختبار |
رد: هااااام بخصوص الصيفي ,,
نصيحه للجميع سجلو........ والاسئله ليست مقاليه .اختياريه والعدد وصل 5 الف وقابل للزياده,,,,,
احتمال الرياض الفرع الثاني والله اعلم |
رد: هااااام بخصوص الصيفي ,,
اقتباس:
هلابك اخوي ملك بلا مملكه صرحه ماادري وش قصد الدكتور انه فقط تخصص انجليزي مواده اختياري لكن انا ابي اوضح صوره ممكن يجهلها كثير من الاخوان من شروط المقالي ان الماده الي يقل عدد طلابها عن 100 طالب تكون الاسئله مقالي لكن اذا سجل عدد كبير من الطلبه في اكثر المواد الموجوده في الصيفي اتوقع ان شاء الله يتعدون العدد 100 ويكون الاختبار اختياري |
رد: هااااام بخصوص الصيفي ,,
العدد وصل 5 الف ...... يعني مافي مقالي ....... ان شاء الله ننتظر من الجامعه ..ان يكون الرياض الفرع الثاني للصيفي,,,, باالتنسيق مع جامعه سعود والله اعلم |
رد: هااااام بخصوص الصيفي ,,
مشكور أخوي بارك الله فيك
لو سمحتوا عندي كم سؤال أحترت من كثر ما شفت أجوبة متناقضة لها هنا في الملتقى أنا كنت مستوى أول إدارة أعمال وأختبرت قبل كم يوم يعني كذا رحنا لمستوى ثاني صح ؟ :14: إذا صح هل يحق لي التسجيل في الترم الصيفي ؟ يعني هل يوجد مواد خاصة بإدارة الإعمال مستوى ثاني ؟ وما هي ؟ وكم مادة أقدر اسجل فيها ترم صيفي وما هي المواد وسلامتكم :16: |
رد: هااااام بخصوص الصيفي ,,
اقتباس:
أشكرك اخوي الجارح على اجتهادك بس فيه بعض المفاهيم الأكثرية موب واضحة لهم مسألة ال 100 ما تدخل على المادة تدخل للتخصص والدكتور الفريدان قالها قبل مسألة المقالي واقفة على دكتور المادة واكثر المواد الي نازلة مشتركة مع الانجليزي يعني ارتاحوا والي يبي يسجل لا يفوته ويتوكل على الله ومثل ماقال واثق الخطوة العدد وصل 5000 |
رد: هااااام بخصوص الصيفي ,,
اقتباس:
هلابك اخوي ال100 مرتبطه بالمواد ماهي بالتخصص واشكر لك حضورك لاني اناقريت كلام الدكتور يقصد الماده الي يقل عدد الطلاب فيها عن 100 طالب يكون اختبارها مقالي اما اذا قسناه اخوي بالتخصص مستحيل تحصل تخصص يكون عدد طلابه اقل من 100 طالب ,, اما مثل ماذكرت 50000 خمسين الف عدد طلبة جامعه الملك فيصل كلهم 30 الف ماوصولو خمسين الف لكن ان شاء الله الصيفي يتعداء عدد الطلاب لكل ماده 300 طالب يكفي |
رد: هااااام بخصوص الصيفي ,,
اقتباس:
منين جبت الخمسين ألف :38: واثق الخطوة قال 5 ألف وأنا ايدته بالعدد 5000 اذا كانت الاختبارات الفصلية بالمركز الواحد عدد الطلاب والطالبات من ألف إلى ألفين هذا من غير الاعداد الهائلة الي بالرياض والمواد الي نازلة للصيفي جداً قليلة وبمركز واحد يعني الحسبة بتضرب عدد موب قليل يمكن يضرب الألف او أكثر |
رد: هااااام بخصوص الصيفي ,,
اقتباس:
هههههههههههه انا الي منين جايبها ولا انت في ردك |
رد: هااااام بخصوص الصيفي ,,
ههه انت الي معدلها حتى اللون واضح
على العموم ولا تزعل جامعة الإمام تعتبر اقل من جامعة فيصل وجامعة عبدالعزيز وعدد طلابها اكثر من 55 ألف وهذا الرابط ياليت اخوي تجيب مصدر كلام الفريدان عن المقالي لأني دورت علية ماحصلته وبالنهاية أقول الأمور سهالات التوكل والإيمان بقضاء الله من مسببات النجاح "تفاءلوا بالخير تجدوه" |
رد: هااااام بخصوص الصيفي ,,
اقتباس:
هههه لا ما عدلتها انا حطيت لك اللون على شان تشوف انت الي عدلت لاني اقتبست ردك ,, جامعه الملك فيصل اذا تبي عددطلبتها لهاذا العام هو 34932الف فقط لجميع التخصصات , اما بالنسبه لكلام الفريدان موجود اخوي وله اكثر من 3 اشهر وضح فيه عدد الطلاب لجميع التخصصات + وتكلم عن المقالي وان المقالي يعتمد على مدرس الماده وعدد الطلاب في تلك الماده اذا قل عن 100 طلاب فانه رح يكون مقالي |
رد: هااااام بخصوص الصيفي ,,
با النسبه لدكتور الرياضيات والتخاطب تربيه خاصه اكدو للطلبه هاذان الدكتوران ان الاسئله ستكون موضوعي ومتعدد من اختيارات علم اكيد
|
رد: هااااام بخصوص الصيفي ,,
الجارح الله يجزاك خير ويرضى عليك دائما سباق للخير كما عهدناك :16::16: بس دامك تقدر تتواصل مع المسؤلين تكفى اسألهم .. إذا في نية يكون لنا مركز بالرياض لانهم صعبوها علينا والله متحمسه ومحد حولي يعني قهر مركز واحد بس ؟؟؟ يعني بالنسبة لي يافرحة ماتمت :23: |
| All times are GMT +3. الوقت الآن حسب توقيت السعودية: 06:13 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه