الصيفي وما ادراك ما الصيفي ؟!! (سلبيات وايجابيات)
 

السلام عليكم ورحمة الله وبركاته .
مساء الخير :2:
كثرت المواضيع حول الفصل الصيفي ..
وبحلول الوعد المنتظر (الصيفي ) فرحنا واحترنا وزعلنا بنفس الوقت .. :42:

فرحتنا كانت لانه شي من مطالبنا الكثيره .. واستبشرنا خير بتحقيق رغبتنا :29:
وفرحتنا كانت لانه 6 ساعات ( يعني بيخفف علينا 3 مقررات و بالمختصر المفيد فزعه
نخلص موادنا بدري بدري .. ونتخرج قبل الاربع سنوات:27:)

لكن
احترنا نسجل ولا لا لما عرفنا ان مقر الاختبار بالاحساء فقط!!!!
(مشوار وتعب ورحلة الشتاء والصيف:42: )
واحترنا اكثر لما عرفنا ان الاختبار بيكون برمضان وتحديدا وقت العصر!!! (صيام وبهذله :42:)
واحترنا نسجل ولا لا ..لما عرفنا ان الاختبار قد يكون مقالي باستثناء قسم الانجليزي !!!
واحترنا نسجل ولا لا ..لما عرفنا عن الفايروس كرونا المنتشر بالاحساء العزيزه !!:24:

يعني رمضان وصيام ومشوار ورحلة الشتاء والصيف .. :42: واللي بيسجل فيه بيكون للاسف فأر تجارب:42: ولست ادري ان كنت سالتحق بقافلة فئران التجارب ام لا ..:42: !!!

لكن عموما وبايجاز نحتاج لتغيير فعلي في بعض سياسات الفصل الصيفي ليتناسب معنا .. :24:

رد: الصيفي وما ادراك ما الصيفي ؟!! (سلبيات وايجابيات)
 

السلام عليكم ..

الصيفي .. أحلا شيء تقدمت فيه الجامعه .. بالعكس .. لو كل صيفيه 3 مواد .. يعني 6 مواد من كل سنتين ..

شيء جميل والله ..

بالنسبه للضغوط اللي بتعانين منها هي (( لا شيء ))

لا توجد أي ضغوط بل بالعكس .. كلها ثلاث مواد .. وشهر رمضان .. شهر الخير والبركه ..

أتمنى ما يكون عائق لك .. بل خليه يكون دافع لك .. تفائلي خير وخاصه مع هذا الشهر ..

أنتي لن تذهبي (( مشي )) للجامعه ..

بل في بيتك .. وتحت سقف ومكيف بارد .. ولله الحمد ..

فقط في وقت الإختبارات .. شدي حيلك وإبدئي مشوارك مع الصيفي تراه نعمه وتنتهين بدري

تحيتي لك

رد: الصيفي وما ادراك ما الصيفي ؟!! (سلبيات وايجابيات)
 

رد: الصيفي وما ادراك ما الصيفي ؟!! (سلبيات وايجابيات)
 

لا شك ان الفصل الصيفي نعمه و خطوه ايجابيه من الجامعه ..
لكن يحتاج لتعديل في بعض الشروط ..

عموما ..شكرا لدعمك المعنوي اخ Silent Light

رد: الصيفي وما ادراك ما الصيفي ؟!! (سلبيات وايجابيات)
 

انا بسجل ان شاء الله
لكن !! اذا الاسئله مقالي لا :7:
يكفي التخبيص بماده

رد: الصيفي وما ادراك ما الصيفي ؟!! (سلبيات وايجابيات)
 

ههههههه يعني متفقه معي بنقطة فئران التجارب :42:

نجرب في الناس وبعدين لاضبط الوضع نسجل ها :27:

رد: الصيفي وما ادراك ما الصيفي ؟!! (سلبيات وايجابيات)
 

من قال إنها مقالية يا نورة؟ ما فيه مقالي في أكثر المواد.
الفيروس انتهى أو في طريقه بسبب اشتداد الحرارة.
اختبار العصر، غير أكيد حتى الآن. ولو تأكد وشاف الطالب أنه غير قادر على الجمع بين الصيام والاختبار، بإمكانه يأخذ الرخصة ويفطر بحكم أنه مسافر. ما ودنا نفطر علشان ما نصوم مرة أخرى والناس مفطرة. لكنها تبقى رخصة مشروعة.

رد: الصيفي وما ادراك ما الصيفي ؟!! (سلبيات وايجابيات)
 

انا بخليه فآر تجآرب هالسنه وبفلهآ في السفر ان شاء الله اذا فكرت فيه ع السنه الجايه وفيه الف تغير ويمكن يقرب لنا في المنطقه :13:

رد: الصيفي وما ادراك ما الصيفي ؟!! (سلبيات وايجابيات)
 

اخوي العضيد ان كتبت قد يكون مقالي (احتمال )
لكن كلامي بناءا على اتصال الاخت ملاك الروووح بالدكتور الفريدان وسؤاله شخصيا
وهذا نص كلامها معه ما ادري الاجابه غير واضحه اذا كان مقالي ام لا ..لكنه استثنى قسم الانجليزي فقط :24:

وكذلك اختبار العصر ايضا من خلال مكالمة الاخت ملاك الروح مع دكتور الفريدان
اما بالنسبه للفايروس فانا اي وش انه يكون انتهى وقضوا عليه .. ان شاء الله

رد: الصيفي وما ادراك ما الصيفي ؟!! (سلبيات وايجابيات)
 

لاحول ولاقوة الا باللـــــــــــه

رد: الصيفي وما ادراك ما الصيفي ؟!! (سلبيات وايجابيات)
 

الأخت ملاك لم تسأله سؤالاً واضحا وشاملاً: هو عرف أن تخصصها إنجليزي فقال لها: الإنجليزي ما فيه مقالي أبداً.
الفيروس، يا سلام. وش فرقك عن سكان الأحساء؟. خذي معك حلتيت أو مُرة. نقعيها في الماء واشربي منها، ولا عليك إن شاء الله.

رد: الصيفي وما ادراك ما الصيفي ؟!! (سلبيات وايجابيات)
 

كنت اتمنى هالصيفي وحاولت كثير اني اطالب فيه يوم جا طططرت من الفرحة بعدها تحططمت يوم طلع بالاحساء

بس

وإن شاء الله يفتحون اكثر من مركز غير الأحساء مدري ليه احس العدد بيكون كبير مره ومارح تتحمله جامعة الملك فيصل وبيغيرون رايهم بنقطة مكان الاختبار ،، نتفائل خير ونقول

الله كريم ..

رد: الصيفي وما ادراك ما الصيفي ؟!! (سلبيات وايجابيات)
 

رد: الصيفي وما ادراك ما الصيفي ؟!! (سلبيات وايجابيات)
 

مرحبا نوره
لي فتره مااشوفك واقول عسى المانع خير:34:

وأثاريك مدهره فيذا:42:

والله الصيفي حلو لو كل صيف ناخذ كذا ماده بحول الله نتخرج بدري..

لكن بالاحساء مررره بعيد ورمضان وعصريه صعبه قدآ قدآ

اتمنى يحطون مراكز بالمدن الرئيسيه على الاقل..



ويعيدون النظر في هالسياسه:20:

رد: الصيفي وما ادراك ما الصيفي ؟!! (سلبيات وايجابيات)
 

نونه الحلوه..:3: سميتي وحبيبتي هههه
ابد والله .. كنت اذاكر للامتحانات والنت فصل عندي وقلت عل وعسى خير عاساس اقدر اذاكر:42:
لان الملتقى ياخذ من وقتي بدون ما احس وهكا الامور صارت :34:
وهذاني رجعت لكم من جديد كني سبيس تون ههههه..

اما بخصوص الصيفي فانا متامله انهم يحطون مراكز اخرى ..
ومتردده بخصوص الصيفي وماني قادره احسم قراري ..:24:

رد: الصيفي وما ادراك ما الصيفي ؟!! (سلبيات وايجابيات)
 

حياك الله يالغلا نورتي المنتدى:16::16:
بس عسى الفصله جابت نتيجه:42:اهم شي الصحه كيف!!
الافضل نشوف اللي بيدرسون وش بيصير عليهم بعدين نشوف خاصه انه شي جديد وصعب المغامره:35:

رد: الصيفي وما ادراك ما الصيفي ؟!! (سلبيات وايجابيات)
 

فكره فئران التجارب جازت للجميع ههههه

اما يا عزيزتي بخصوص الصحه .. تقدري تقولي اني جبت العيد فيها .. :23:
والعقيده بعد جبت فيها اعياد السنه كلها ..:42:
ما اقول الا الله يستر من النتيجه

رد: الصيفي وما ادراك ما الصيفي ؟!! (سلبيات وايجابيات)
 

انا ماكان عندي مانع اجي للاحساء واختبر وانا صايمه لكن من عرفت ان

الاسئلة مقاليه بالصيفي ماعدا الانقلش على طول الاترام موضوعي هذا كلامه لاحد الاخوات شطبت على الصيفي

:23:

رد: الصيفي وما ادراك ما الصيفي ؟!! (سلبيات وايجابيات)
 

تو عرفت انه بالأحساء .. :30:

فكري زين اجل ..

رد: الصيفي وما ادراك ما الصيفي ؟!! (سلبيات وايجابيات)
 

رد: الصيفي وما ادراك ما الصيفي ؟!! (سلبيات وايجابيات)
 

:18:

رد: الصيفي وما ادراك ما الصيفي ؟!! (سلبيات وايجابيات)
 

اختي طرحك جميل وفيه نقاط اثرتيها مهمه وحساسه . لكن نحن بشر اعزنا الله وشرفنا على سائر الخلق 000

قال تعلى (( و لَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُمْ مِنَ الطَّيِّبَاتِ وَفَضَّلْنَاهُمْ عَلَى كَثِيرٍ مِمَّنْ خَلَقْنَا تَفْضِيلاً )) صدق الله العظيم .


لكن ليس من اللائق وصف الطلاب بعبارات مثل . فئران تجارب او بهايم وغيرها من العبارات التي لاتليق بنا ....

رد: الصيفي وما ادراك ما الصيفي ؟!! (سلبيات وايجابيات)
 

الترم الصيفي الاول نشوف تجارب الي اختبروووو

والترم الجاااي ان شاء الله نسجل معهم بششششششرط

تكون باالمناطق الرئسيه الرياض الدمام

وتكون غير شهر رمضان

غير هاالشروووط ماراح اختبر صيفي حتى لو اخذ مستوى 9 و 10

الرزق على الله

رد: الصيفي وما ادراك ما الصيفي ؟!! (سلبيات وايجابيات)
 

السلام عليكم ورحمة الله وبركاته
وش اخباركم بعد اروقااااااااان:8
الحمدالله على انتهه فترة الاختبارت وان شاءالله الجميع متفوق
والحين ابي اسئلكم


س1-هل فعلن اذا خذية صيفي راح اختصر على نفسي سنوات الدراسه ؟


يعني اذا نزل لي 3 مواد خذيتها من كل صيفي اقدر اخلص من الجامعه في كم سنه ؟؟

ويعطيكم العافيه والصحه يارب :16:

رد: الصيفي وما ادراك ما الصيفي ؟!! (سلبيات وايجابيات)
 

رد: الصيفي وما ادراك ما الصيفي ؟!! (سلبيات وايجابيات)
 

اخي ابو نايف .. قلت هذه الكلمه من باب الدعابه والمزاح.. اكيد ما اقصد اهانة احد
لاني اذا سجلت بالصيفي شملتني الكلمه اللي قلتها ..
واكيد مافي احد يشتم نفسه :27:

وهذه الكلمه دارجه لكل شيء قيد التجربه ... ومعظم الطلاب فهموا معناها (واضح من ردودهم)
لكن على كل حال اذا ماجازت لك الكلمه اعتذر لك ..:29:

ملحوظه بخصوص الايه اللي كتبتها : صدق الله العظيم لاتكتب ولا تقال في نهايه الايات القرآنيه لانها من البدع وكل بدعه ضلاله وكل ضلاله في النار ..:29:

رد: الصيفي وما ادراك ما الصيفي ؟!! (سلبيات وايجابيات)
 

موضوع رائع كالعاده يارائعه

أما بخصوص موضوع الصيفي:

حقيقه أنا عن نفسي للحين ماقررت

والصراحه خطوه جميلة من جامعتنا وماقصرت

ولاتستعجلوا على جامعتنا وتحكموا عليها من أول فتح باب للصيفي

ان شاء الله السنه القادمه (( ترم الصيفي القادم ))

راح تكون فيها عدة مناطق لانه يحتاج لها ترتيب وتعديل وتوزيع

لاتفكروا الموضوع بسيط

ويحتاج مراقبين للامتحانات

..... ألخ بالموضوع مو سهل

أنتم بتجوا حق الامتحان وتطلعوا بعد الانتهاء

لكن مين اللي ياخذ الاوراق ويجمعها ويرتبها

كل حاجه يحتاج لها أكيد والجامعه مو لعبه

جامعتنا كريمه وماقصرت بالصيفي معانا

وماراح تقصر بالسنوات القادمه

وبتشوفوا مناطق آخرى

بس لانه الان توهم فاتحين باب ترم الصيفي

كل شي يحتاج له وقت


أما بخصوص في مدينة الاحساء:

أكيد بتكون في مدينة الاحساء هل تتوقع الكل راح يتقبل يشتغل في رمضان؟؟؟!!!

وهنا مثل ماقلت لكم لازم تكون كذلك موافقه وترتيب من قبل الادارة

يعني مثل ماخبرتكم أول شي جديدة الفكرة يعني أكيد السنه القادمه بتكون أحلى

وان شاء الله كل الامور بخير


أما بخصوص الفايروس (( كورونا )) :

مين قال لكم هذا الفايروس خطير وماله علاج؟؟؟؟!!!!

وأنتم من تشوفوا الاعلام تصدقوهم

هذا مدينة الاحساء اهاليهم عايشيين ومرتاحين

لا خوف ولاقلق ولا يحزنون

والفايروس بإختصار مثل باقي الفيروسات اللي لها علاجات

لو فعلاً خطير وماله علاج أو علاجه صعب أو الفايروس يؤدي إلى الموت فوراً

ماتشوف أحد في الاحساء كان حتى الجامعه تغير موقعها

كان تشوف الفريدان تذكرة سفر للطيران

مو كل شي تسمعونه تصدقونه

(( لعبة الاعلام )) مثل (( لعبة الكيرم ))

المبدع والفنان (( مايغلبونه بسهوله )))


أما بخصوص القرار الان لهذا الترم أم الترم القادم:

بعتقادي الترم القادم أفضل

أصلاً مو بس بالجامعه نطبقها

أي شي جديد لاتركض وراه بسرعه

مثل الايفون فايف أول مانزل الناس (( هيلي هوووبااااا )) >>> يعني يركضون بسرعه مع القفز

(^_^)

وبالاخير ينزل سعره وتطلع فيه مشاكل أو يعني ميزاته ماتسوى الواحد ياخذه

خصوصاً مشابه للأيفون فور

مو كل شي جديد مثل القطاوه من اعطيهم شي ياكلونه بسرعه

ذاك اليوم قلت بعطيهم بصل اشوفهم ،،، وحده من ضمن القطاوه

قامت تغني حتى ما نامت زعجتنا أول كانت تقول (( مياو مياو ))

بعد مااكلت البصل قامت تقول (( مي مي اااو ،،، مي مي اااااو ))

بعدين رجعت مثل أول وصارت تمام

يعني يحتاج لها تفكير

بس عن نفسي إحتمال ماراح أدخل فيها

(( يركدووون ونشوف سبيستووون وبالليل ناكل زيتووون برمضان قناة فنووون ذبحنا حرف النون ))


تسلم الايادي على الطرح الرائع منك

الله يعطيك ملاييين الملاييين من العافيه

(^_^) الله يحفظ خدودك


ومسائكم أخضر جميعاً


تحياتي لكم
أخوكم / فارس

رد: الصيفي وما ادراك ما الصيفي ؟!! (سلبيات وايجابيات)
 

رد: الصيفي وما ادراك ما الصيفي ؟!! (سلبيات وايجابيات)
 

رد: الصيفي وما ادراك ما الصيفي ؟!! (سلبيات وايجابيات)
 

سبب انها بالاحساء. لان اول شي مقر الجامعه هناك

ثاني شي راح يكون عطله والكل اجازه .. حتى المدارس اللحين حنا نختبر بمدارسهم لانها مفتوحه
بس بالعطله راح تكون مقفله راح يحتاجون اماكن للاختبار راح يحتاجون مراقبين ومشرفين للمراكز
وعطله واكيد الاغلب راح يكون مسافر

رد: الصيفي وما ادراك ما الصيفي ؟!! (سلبيات وايجابيات)
 

أعتقد واللهُ أعلم أن المواد العامة يستحيل أن تكون مقالية

رد: الصيفي وما ادراك ما الصيفي ؟!! (سلبيات وايجابيات)
 

عبادي
الرابط مافتح معي :22:

رد: الصيفي وما ادراك ما الصيفي ؟!! (سلبيات وايجابيات)
 

رد: الصيفي وما ادراك ما الصيفي ؟!! (سلبيات وايجابيات)
 

اتصال ملاك نفاه الدكتور جملة وتفصيلا
الاختبارات اختيار متعدد وبيكون الظهر او العصر لكل الجامعه

رد: الصيفي وما ادراك ما الصيفي ؟!! (سلبيات وايجابيات)