|
مطالبه بمقر اختبار في الرياض
مرحبا للجميع الكل يعرف واولهم العميد ان 60 في الميه من طلاب الانتساب من اهل الرياض ومحافظاتها كيف يحصر الاختبار بالاحساء وفي رمضان كمان !! يعني وش الضرر لو حط ع الاقل مقر واحد في الرياض ؟؟ لازم نطالب بهالشي وياليت نشوف هاشتاق عن هالموضوع عشان يوصل للعميد |
رد: مطالبه بمقر اختبار في الرياض
صحيح المفروض فيه مركز اختبار صيفي
وكنت متوقعة راح يكون في الرياض مركز لكن للأسف ماصار .. وأتوقع لو طالبوا الطلاب والطالبات راح تستجيب الجامعة لأن العدد كبير |
رد: مطالبه بمقر اختبار في الرياض
أعتقد أن السبب قلة عدد الكوادر المتاحة في الإجازة. المدارس مغلقة والمدرسون في إجازة. صعب.
حتى في الأحساء الاختبار سيكون في الجامعة فقط. |
رد: مطالبه بمقر اختبار في الرياض
استاذي ليس كل مقرات الاختبار في مدارس او معاهد
حنا بسدير حاطين الطلاب بجمعيه تحفيظ قران والجمعيات ع مدار السنه والبنات حاطينهم في مركز سعدا جمعيه اجتماعيه حقت زواج وما زواج !! يعني عادي جدا لو شافو مثل هالجمعيات في الرياض |
رد: مطالبه بمقر اختبار في الرياض
يعطيك العافيه يا فهودي
والله موضوعك قيم ومهم وفيه فوائد لكن للأسف الغالبيه من الطلاب والطالبات كأنهم (( المصارية بعد ثورتهم )) كل ما زعل قال ابنزل لميدان التحرير واعمل مليونيه ضد الحكومة ههههههههه يعني لو تسوي موضوع تسب الجامعه بتشوف التفاعل (( وياليتهم على حق )) لكن موضوع فيه فائده وممكن ان الجامعه تتففاعل معه وتحرص على تنفيذه ما تشوف الا القليل عموما انا معكم وياليت والله يكون فيه مركز واحد على الاقل تفعل الفكره لو السنه القادمه اذا مو هذا الترم ويعطيك العافية |
رد: مطالبه بمقر اختبار في الرياض
إن شاء الله ينتبهون للموضوع ويراسلون الفريدان
مركز واحد للطلاب وآخر للطالبات ماراح يشكل عليهم لو يتحقق كنت أول المسجلين للصيفي |
رد: مطالبه بمقر اختبار في الرياض
اقتباس:
خلاص الجامعة قالت في الأحساء يعني في الأحساء. يا أخ فهد: ليس المقر وحده. ممكن يستأجرون أي استراحة، ما عندهم مشكلة. يحتاجون مراقبين وكوادر، وين يجمعونهم في الإجازة. |
رد: مطالبه بمقر اختبار في الرياض
أعانكم الله وحقق مطلبكم :16:
|
رد: مطالبه بمقر اختبار في الرياض
اقتباس:
انا جالس اطالب بشي منطقي بدون سب او شتم وبدون منًة اني دافع لهم اذا قبلوا نور على نور واذا ما قبلوا فـ كسبنا شرف المحاولة المطالب المنطقيه شي مشروع لكن اني اطلب منهم ليه الدكتور اسألته مو زي حقت العام وليه الجامعه اللي دافع لها فلوس وما تنجحني هههههههههه وش هالككلام اذا ما تعرف تفرق بين المطالبه المشروعه مع احترام اصحاب القرار .. وبين المطالبه الغير منطقيه مع السب والشتم فهذه مشكلتك ـــــــــــــــــــــــــــــــــــــــــــــــــ الاخ فهد تم ارسال رسالة للجامعه بهذا الموضوع وان هناك عدد من الطلبة في الرياض يطالبون بفتح مقر للأختبار في الرياض لو مقر واحد للطلاب ومقر للطالبات وانتظر ردهم |
رد: مطالبه بمقر اختبار في الرياض
أنت نزلت للتحرير خلاص.
من هو اللي طالب بأن الأسئلة تكون مثل حقت العام؟ ونجحوني علشاني دافع فلوس؟. لا تبالغ الله يهديك. ما أحد قال كذا. إلا قرار حكيم من الجامعة بأن يكون الصيفي في الأحساء فقط. كثر خيرهم. لو ما فتحوا صيفي خير شر، سكتّم. أنت اعترضت على المحتجين لأنك لم تعاني معاناتهم، وها قد انكشفت سريعاً في مطالبتك بفتح مركز للصيفي في مدينتك. تبغى صيفي تروح للأحساء. إزعاج وشكاوى كل شوي ما نبي. |
رد: مطالبه بمقر اختبار في الرياض
اقتباس:
وبين المطالب اللي تبي شي غير منطقي مع السب والشتم يعني يا نكون قطيع ونساق بدون رأيي او مشوره او مع الخيل يا شقرأ وعليهم عليهم هههههههههه ياخي الله يهديك ويصلحك الملك الله يحفظة اعطى لك انسان حق المطالبه لكن تكون بإحترام وموضوعيه وعقلانية على فكره انا من الناس اللي اعترضوا على النجار تدري عليه اعترضنا لأن الاسئلة كانت (( خارج المقرر )) وهذا حق للطالب والحمدلله صوتنا وصل للعميد ووعدنا خير وايضاً وصل للدكتور النجار ووعدنا خير في تغريداته وبإمكانك ان ترجع للقسم المستوى الرابع وتشوف بنفسك المقصد ان هناك حقوق وهناك واجبات اذا لك حق تطالب فيه ؟ وين المشكلة ! لكن تطالب في ان تكون الاسئلة زي حقت العام او تنجحك الجامعه عشان دافع لهم فلوس ههههههه او تطبق نظرية (( المصارية )) وتجمع لك كم فاضي على ميدان التحرير ههههههههه وسب وشتم واحنا بتوووع التحرير ههههههههه وين يا اخوي عايشين فيه اتمنى ان فكرتي وصلت اعترض اذا الحق معك (( ومو من حق أي طالب يحدد وش يكون اختباره طالما انه ضمن المحتوى )) لكن من حقة يطالب اذا الاسئلة خارج المقرر والجامعه ما قصرت تفهمت ووعدت الاخوان والاخوات في (( التحليل الاحصائي )) خير وعشان ازيدك من الشعر بيت انا ما نزلت (( التحليل الاحصائي )) لكن اعترضت معهم لأن الحق معهم ومن باب حب لأخيك ما تحبه لنفسك ومثل ما وقفت مع اخواني واخواتي والحق معهم ضد الدكتور (( واسئلته خارج المقرر )) راح اقف مع الجامعه ضد من يطالب بأسئلة تكون مكرر او يطالب بنجاحه عشان دفع فلوس واللهم ارزقنا اتباع الحق يا رب العالمين |
رد: مطالبه بمقر اختبار في الرياض
فعلا لازم يكون فيه مركز بالرياض
قمه الظلم يعني ما اسافر ولا استفيد ههههههه انا من المطالبين بمركز اختبار في الرياض يخي يجمعونا بمدرسه وحده ويحطون بارتشن بين الرجال والنساء راضين بس نستفيد بعدين قمه العجيز يعني ممكن الرجال يسافرون للاحساء لكن مو معقول ينحرمون البنات من هذه الفرصه |
رد: مطالبه بمقر اختبار في الرياض
ياجماعة الجامعة قررت وانتهت خلاص الفصل الصيفي سيكون في الاحساء فقط لان هذا الفصل الصيفي هو اول فصل صيفي وان شاء الله سيتم افتتاح مراكز اختبارات في جميع المناطق في الفصول القادمة
|
رد: مطالبه بمقر اختبار في الرياض
يعطيكم العافيه جميعا
مع ان الموضوع طلع شخصنه لبعض الاعضاء تم ارسال ع الايميل وسيكون هناك هاشتاق لمطالبه بحقوق مثل ماقال الاخ وليست شكاوي او ثوره تحرير وليس فيها اساءه لاحد انا طالبت ع شيء جائز بناء ع معطيات بان طلاب الرياض اكثر من طلاب الشرقيه كاااامله وهذا ماصرح فيه مدير مكتب العميد ويبين من عدد مراكز الاختبار الي حددت للرياض ومحافظاتها ثانيا ترم صيفي للطالبات بالاحساء صعبه جدا حنا الشباب لو نرقد بالسياره ماتفرق معنا المشكله الكبيره بالبنات ومساله مراقبين واجازه محد متواجد استاذي الكريم الاختبارات برمضان والكل متواجد محد يسافر برمضان الا القليل |
| All times are GMT +3. الوقت الآن حسب توقيت السعودية: 07:36 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام