|
بشتكي الجامعة
احمدوا الله ماجاكم اللي جاني اليوم كان عندي مادتيين تذوق ادبي وعلم اجتماع الاسرة والطفولة عاد مسجل عندي بالجدول الاختبار الاول التذوق الادبي والثاني علم اجتماع الاسرة فجأة صار العكس طلع اجتماع الاسرة الاول عااد انا جاني جلطة مؤقتة :4: وريتهم الجدول ماصدقوني قالو تبي تختبر والا اضرب الباب لكن الحمد لله مرت بخير كلها
لحد الان مصدوم مدري الخطاء من الجامعة ولا من المركز مع العلم ان الجدول طبعته من الخدمات الطلابية انا بنفسي قبل اسبوع:32: |
رد: بشتكي الجامعة
و الله معك حق تشتكي وانا اخوك و ابذل جهدك ف الموضوع
بس لا تشتكي للفريدان لأنه متعجرف بيلفها لين يحط البلا فيك عاد ماندري نشتكي عند بين لهالمشاكل لكن ممكن تشوف احد غيره و تشتكي |
رد: بشتكي الجامعة
طيب وش الفرق فتره اوله اوثانيه مومذاكرهم من قبل يعني
|
رد: بشتكي الجامعة
اهم شيء انك مذاكر ..
|
رد: بشتكي الجامعة
اقتباس:
|
رد: بشتكي الجامعة
صارت لي الفصل الاول:12:ومن بعدها كل يوم اشيك على الجدول ماضمن ايش يتغير فيه :12:حاسه بالموقف لاني جربته طارت كل المعلومات من الصدمه
|
رد: بشتكي الجامعة
لامن حقها اكيد بكون مراجعه الماده الي علي فجاءه تطلع الماده الاولى قهررررررر:25:
يالله الله يعميهم عن اخطاءك وتعدينها بااذن الله :17: |
رد: بشتكي الجامعة
عدت على خير
الاهم هو تاريخ الاختبار :40: |
رد: بشتكي الجامعة
بسم الله اشبكم صراحه محد يقدر يقولكم شي ، لو صار لكم زي هالموقف كان قلبتو الدنيا ايه يفرق الفترة الاولى عن الثانيه الاولى نحي من البيت مركزين عليها اما الثانيه يبغالنا نركز عليها بين الفترتين الله يعينك ي صاحب الموضوع ع الدوافير الا هنا :30: بالتوفيق |
رد: بشتكي الجامعة
الله يعينكـ ي خيي .
من جد شي يقهههر والله ليش ماتفرق الي ي قولو ماتفرق تكفي النفسيه والربكه تاثر عليه :38: الله يوووفقكـ يارب |
رد: بشتكي الجامعة
:5:وش هالحتسي
|
رد: بشتكي الجامعة
ليه ما تأكدت من الموقع هنا أو من ربعك
|
رد: بشتكي الجامعة
الجدول من نزل من بداية الفصل هذا هو ماتغير ابد
|
رد: بشتكي الجامعة
الله يعينك ...بس الشكوي لغير ربك مذله ....ما حد بيرد عليكككككككككككـــ....!!!:24:
|
رد: بشتكي الجامعة
ايه يفرق لان عادتنا الماده الثانيه نخلي المحاضرات الاخيره بين الفترتين
المهم كيف اختبارك عساك حليت زين |
رد: بشتكي الجامعة
وربي شي يرفع الضغط:32: الا فيه فرق كبف اكون مستعده نفسيا ومعنويا وعقليا لماده معينه اتفاجا بماده الثانيه لا مايصير بس الحمد الله عدت على خير :35: درس لك ولنا بعد مايندرا من ذي الجامعه اكشناتها واجد:39:
|
رد: بشتكي الجامعة
بصراحه شي يقهر
يبي قبل ماتسوي اي شي تمخمخ لك طريقه تناقشهم فيها وتحجهم وتوثق كل شي بالتوفيق اخوي |
رد: بشتكي الجامعة
صارت معي بالمستوى الاول
ووسع صدرك بس :42: |
رد: بشتكي الجامعة
اكيد تفرق ولابد تتقدم بشكوى للجامعة
بس قبل لاتتقدم شوف في احد غيرك حصل معاه نفس الموقف لانه مو معقول انت الوحيد اللي تغير جدولك كل اللي معاك في نفس التخصص اكيد حصل لهم |
رد: بشتكي الجامعة
الحمدالله عدت ع خير
وانا نفس الشي مكتوب بالجدول اللي مع تعريف الجامعه العكس بالمادتين بسس الجدول الصحيح تاخذه من ايقونه الاختبارات النهائيه :/ |
رد: بشتكي الجامعة
الله يعينكك .. اعتقد التذوق الادبي الفترة الثانية لان واحد بجنبي عنده اختبار التذوق الادبي بصراحه الله يعينكك والله تفرق انا اذا علي مادتين اذاكر المادة الثانية اول شيء ثم ابدا بالمادة الاولى الصبح اراجع المادة الاولى وبين الفترتين اراجع المادة الثانية اذا امداني و بكذا تفرق :18:
|
رد: بشتكي الجامعة
آيش اللي مـاتفرق !؟ تفرق الرجـال مـاقال يبي يختم المـادة بين الفترتين بس الروعـه والخضـه تلعب دور أجي أدخل أختبار على أبو أنه فتره أولى يطلع فتره ثانيـه لاتضيع علومـي لا وبعد فيهـا تذوق كدينـا خيرر :4: بس الحمد لله عدت على خير |
رد: بشتكي الجامعة
اتخيل الموقف:31::18:
|
رد: بشتكي الجامعة
والي ماعنده الا الماده الثانيه وحطوها الفتره الاولى وراح عليه الاختبار وحضر الساعه 7 وش يسوي :7: الا تفرق وتفرق بعد
|
رد: بشتكي الجامعة
الله يعينك ياخوي ويازميلي سعد,
لكن انا بقولكم سالفتي الي صارت لي الترم الي طاف طبعة الجدول قبل الاختبارات بسبوع قريبا وكان مسجل في الجدول ان الفتره الثانيه تبدا الربعه ونص وانا عاد علي نياتي درعمت علي الوقت المسجل في الجدول:12:وعاد انا في اليوم الاول من الاختبارات قاعد اتقهو مع المدام واطقطق علي راحتي في الماده لين جات الساعه اربعه وعشرين دقيقه طبعا موقع الاختبار قريب جدا من بيتي المهم يوم جت الساعه اربعه وعشرين دقيقه وانا ادرعم الي الاختبار علي اربعه ونص وانا داخل المدرسه علي اتجهت للقاعه بستلم ورقه الاسئله وببدا احل الا ذالك المراقب يقول خلاص اختبرو الناس :32: كيف!!!!!! طيب باقي لسا الوقت توا اربعه 28 دقيقه قال لا ياحبيبي الاختبار يبدا 3 نص قالت كيف هذا جدولكم معي قال لا والله خلاص نص الطلاب سلمو اوراقهم وطلعو الهم قالي خلاص رح لمشرف وتفاهم معه طبعا انا كان ضغطي h وجيلكم امشي 2000 واحضر علي طاولت المشرف ومن حسن الحض كان الجدول معي الي مسجل في الوقت ان الاختبار يبدا اربعه ونص وكلم المشرف كيف تعطوني جدول وتسبقون ساعه علي كيفكم الدعوا . المهم مالكم في الطويله خذيت عندهم ساعه وانا اتهاوش معهم واحد واحد وفي النهايه حمت الماده والسبب الجامعه ولا لقيت لا حق ولا تقدير , وسلامتكم جميعا,,,, |
رد: بشتكي الجامعة
الله يعينكم ولا يحطني في هالمواقف :7: لأني بدووووون نقاش :Cry111: بمجرد ما أنصدم أصييييييح :12: |
رد: بشتكي الجامعة
لاحولا ولاقوة الا بالله
الله يعوضكم خير |
| All times are GMT +3. الوقت الآن حسب توقيت السعودية: 03:49 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام