|
تنصحوني بالدراسة في جامعة الملك فيصل ..؟
السلام عليكم ورحمة الله وبركاته انا موظف حكومي ومعي ثانوية عامة وودي أكمل الجامعة إدارة أعمال تنصحوني بالدراسة عن بعد في جامعة الملك فيصل تخصص إدارة أعمال وياليت تفيدوني بنظرة سريعه عن الجامعة كيف طريقة الدراسة عن بعد والرسوم وكيفية التعامل والإختبارات والتواصل والمشاركات والمقررات والجداول والملخصات وغير ذلك واكون لكم من الشاكرين |
رد: تنصحوني بالدراسة في جامعة الملك فيصل ..؟
انصحك بالدراسه في جامعة الامام
اسهل بكثير خصوصا ادارة الاعمال بما انك موظف الامام اريح لك:21: |
رد: تنصحوني بالدراسة في جامعة الملك فيصل ..؟
وعليكم السلام ورحمة الله وبركاته بالعكس جامعه فيصل أحسن لانى هي الجامعه الوحيدة اللي لها ٣٠ درجة الاعمال الفصلية وهي كالتالي :/ -المنهج للمقرر :* ان دكتور المقرر يعتمد على كتاب معين يشرح منه المنهج , وعلى ضوء ذلك سيكون هناك 14 محاضره ( فديو ) يقوم الدكتور من خلالها بشرح المنهج ويصاحب ذلك عرض لشرائح بور بوينت وتسمى المحتوى وهي من اعداد الدكتور وستجدون كل ما تحتاجون من ملخصات ومحاضرات للمواد في منتدى* ويمكن طباعه المحتوى من موقع جامعه - نظام توزيع الدرجات وكيفيه الحصول عليها : كل مقرر خصص له 100 درجه , وللنجاح يجب الحصول على ما لايقل عن 60 درجه من 100 درجه ولقد تم تقسيم الـ100 درجه على النحو التالي : 70 درجه للاختبار النهائي ..ولكن الحين تغير ٥٠ سؤال على ٧٠ درجة 30 درجه اعمال الفصل الدراسي .. وهي مقسمه كما يلي* 10 درجات لحل الواجبات , حيث سيكون هناك 3 واجبات خلال الفصل الدراسي ( 3 + 3 + 4 = 10 ) 10 درجات للرد على القضايا التي يطرحها الدكتور للنقاش وعددها 14 قضيه* 10 لمشاهده المحاضرات او تنزيلها على اجهزتكم .. والمحاضرات هناك 14 محاضره مسجله عباره عن شرح المقرر و 3 محاضرات مباشره مع الدكتور للتحاور معه حول المنهج وكل مايهمكم . |
رد: تنصحوني بالدراسة في جامعة الملك فيصل ..؟
صوتي من صوت الأخت منيره وهي ماقصرت والله ..
|
رد: تنصحوني بالدراسة في جامعة الملك فيصل ..؟
استخير افضل
|
رد: تنصحوني بالدراسة في جامعة الملك فيصل ..؟
انصحك وبقووووووووووه بعد
اذا انت راح تهتم في حل الواجبات وتحميل المحاضرات وحل المناقشات وبتذاكر وقت الاختبارات (( شف قلت وقت الاختبارات بس )) راح تكون سهله عليك اما اللي يقولك جامعة الامام مع احترامي الشديد له اخوي فيها ادارة اعمال ومتورط فيها وفي انظمتها المعقده وحاول ينقل هنا بس مافيه فائده توكل على الله وسجل هنا وربي ويوفقك يا اخوي |
رد: تنصحوني بالدراسة في جامعة الملك فيصل ..؟
اهم شيء ان تستخير وانا انصح بجامعه فيصل
|
رد: تنصحوني بالدراسة في جامعة الملك فيصل ..؟
وانا من ناحيتي اشوف جامعه الملك فيصل حلوه الدراسه فيها
وانصح كل واحد يسألني بالتسجيل فيها .. تضمن 30 درجه مشاركات وواجبات ، 70 درجه على ورقة الإختبارات .. والرسوم 165 للساعه ،، شويه إهتمام تجيب معدل عــآلي .. بالتوفيق لكـ .. :16: |
رد: تنصحوني بالدراسة في جامعة الملك فيصل ..؟
جامعة الملك فيصل :21::21::21: والافضل الاستخااااره
|
رد: تنصحوني بالدراسة في جامعة الملك فيصل ..؟
جامعة الملك فيصل هي افضل لانها جامعة حكومية معترف بها .
|
رد: تنصحوني بالدراسة في جامعة الملك فيصل ..؟
احفظ هالموضوع بالمفضلة وشرفنا بعد الاختبارات وبتشوف كيف التذمر والسب في الجامعة
الترم هذا الاختبار مقالي وبتشوفون العجب العجاب |
رد: تنصحوني بالدراسة في جامعة الملك فيصل ..؟
رأيي لك...عط الرقة وانحش الجامعة كل مالها في نزول ....الامام افظلك اللحين بيجعلون االاختبار مقالي مو متعدد.
|
رد: تنصحوني بالدراسة في جامعة الملك فيصل ..؟
اقتباس:
نفس الكلام كنت بقوله لاتتورط في اي جامعه لحد ماتبحث مضبوط وتتأكد بان وحده فيهم انسب لك انا ارشح لك جامعه الامام لان فيها مميزات احسن والي يقول جامعه فيصل حكوميه .. يعني .. اجل جامعه الامام ايش اهليه!!! |
رد: تنصحوني بالدراسة في جامعة الملك فيصل ..؟
وبما انك موظف جامعة الملك فيصل حلووه لك ..عليك فقط تحميل المحاضرات وحل المناقشات والواجبات وجب في الاختبار 60 وفوق وفالك التوفيق ....:34:
|
رد: تنصحوني بالدراسة في جامعة الملك فيصل ..؟
أنصحك لا تسجل هنا والله تعب خاصة أنك موظف
راح تروح عليك درجات المشاركة لانك ماراح تلقى وقت تحل والنظام قبل الاختبارات يتعطل شوف لك اي جامعة غير هالجامعة |
رد: تنصحوني بالدراسة في جامعة الملك فيصل ..؟
يس و بقووه خصوصاً بعد ما صار الفريدان العميد + هي افضل من غيرها ~ |
رد: تنصحوني بالدراسة في جامعة الملك فيصل ..؟
الثلاثين درجة مو جايبه همها مع تخبطات الجامعه
|
رد: تنصحوني بالدراسة في جامعة الملك فيصل ..؟
اقتباس:
قلق وشد اعصاب والهاء عن الشيء الاساسي وهو المذاكرة |
رد: تنصحوني بالدراسة في جامعة الملك فيصل ..؟
اقتباس:
اخوي جامعتنا بصراحه رائعه بس قسم اداره اعمال ماأقدر افيدك فيه يجونك الخبراء ومايقصرون ولا تتأخر نصيحه ادرس انا تأخرت 5 سنين وتحسفت بس كل تأخيره وفيها خيره الحمدلله:21::17: |
رد: تنصحوني بالدراسة في جامعة الملك فيصل ..؟
اقتباس:
والنظام قبل الاختبارات شي طبيعي يتعطل ويتأخر وجامعتنا افضل من غيرها مقارنتا بعبدالعزيز عبدالعزيز عندها تخصصات افضل بس تذاكرون زيكم زي النظام "كتب" مو ملخصات و 14 محاضره :17: |
رد: تنصحوني بالدراسة في جامعة الملك فيصل ..؟
اقتباس:
المقاليه اشاعه |
رد: تنصحوني بالدراسة في جامعة الملك فيصل ..؟
انصحك فيها ادخل وتوكل عللى الله
الدراسة مرة سهله الاختبار اخياري الحمدالله مافي صعوبه وايذ انت حريص على المذاكره بتاخذ االمعدل 5ان شاء الله اهم شي تكون مقتنع وعندك ارادة بالدراسة وشكرا:21: |
رد: تنصحوني بالدراسة في جامعة الملك فيصل ..؟
والله كل الدراسسه حلوووووه فيها اهم شي المتابعه والدراسه اول ب اول مابه شي صعب ومابه شي سسهل هو عل حسب الشخص نفسه
وي عسسى ربي يوفقك ويسر لك امرك :2::2: |
رد: تنصحوني بالدراسة في جامعة الملك فيصل ..؟
اقتباس:
نحنا نوكل امرنا لربنا وندرس عدل وتساهيل انشاءلله وربي مايضيع تعب احد وي عسسى ربي يوفقنا ويسخر لنا كل شي :2::2::2::2: |
رد: تنصحوني بالدراسة في جامعة الملك فيصل ..؟
اقتباس:
|
رد: تنصحوني بالدراسة في جامعة الملك فيصل ..؟
اقتباس:
يقول لكم موظف يعني وقته قليل زملائي بجامعة الامام مرتاحين ع الاخر وفوقها ترم صيفي ونظام مستقر مو زي الفريدان كل يوم مشروع اضرط من اللي قبله |
رد: تنصحوني بالدراسة في جامعة الملك فيصل ..؟
اقتباس:
ولا تدرين عن القادم من الايام دخلنا الجامعة على اساس موظوعي وشغل مطور والان رجعنا خطوتين للخلف |
رد: تنصحوني بالدراسة في جامعة الملك فيصل ..؟
اقتباس:
وش بعد ؟ وش بعد امممم بس الدراسة تتأخر بالاسابيع والمقررات تتغير بنص الترم وحوافز للمتازين 500 ريال كل ترم /او عشر وجبات في ماكدونالدز(نفس السعر) ومحد عارف شو الخبر من الاشاعة وهو يقول انه المصدر الوحيد واخباره غلط مثل التقويم الزمني ومثل تحميل المحتوى |
رد: تنصحوني بالدراسة في جامعة الملك فيصل ..؟
يالي يفول المقالي اشاعه ما الاشاعه الا ردك
لان مليون مره يكتب ويبين الشعيبي وغيره ان الاقسام قليله الطلاب مثل التاريخ مساكين والجغرافيا راح تكون اختباراتهم مقاليه ويارب يسهل لنا ونتخرج قبل مايحولون علينا بعد اما صاحب الموضوع فالله يكون بعونك سو لك جدول واكتب فيه كم مؤيد وكم معارض وتوكل على ربك من ناحيتي انا انخمييييت .. علما بأن تخصصي دخلته عن نص رغبه وحبيته لكن .. الله يوفقنا |
رد: تنصحوني بالدراسة في جامعة الملك فيصل ..؟
اقتباس:
انا اقصد المذاكره النهائية يعني اكيد اتابع محاضرات واركز على المهمه بس قصدي المذاكره النهائية يا اختي الفاضلة |
رد: تنصحوني بالدراسة في جامعة الملك فيصل ..؟
احس ان الرجال بيلحس مخه ههههههههههههه
يا اخوي انا موظف ومكروف في شغلي والحمدلله في المستوى الرابع واموري طيبة هنا احلى جامعه واحلى تعامل هنا يارجال هالترم فاتني التسجيل (( بإهمال مني )) وبعد ما كلمت الاستاذ / احمد الشعيبي الله يوفقه سجلني يدوي لو انك في الامام هههههههههه حب كوعك اذا سجلوك هههههه ياخي اذا تبي الحق لا تصدقني ولا تصدق من يمدحها هنا روح لمنتديات جامعة الامام وتشوف بعينك المشاكل والتظلم هنا النظام زي العسل الحين توني مخلص المحاضرات اللي نزلت وخلصت المناقشات وترى مافيه شي اسمه النظام يتعطل قبل اغلاقه هذا لأن الكثير طول الترم يطنش ويجي اخر يومين يبي يحمل المحاضرات كلها ويحل الواجبات ويحل المناقشات طبيعي بيكون ضغط ومع هذا الجامعه ما تقصر تمدد لنا اسبوع من عندها لكن سبحان الله كما يقال (( مزمار الحي لا يطرب )) اما اللي يقولك ان جامعة الامام فيها ميزات وافضل من هنا ههههههههه وش هالميزات 1- السنه التحضيريه 2 - الاختبار من 100 بدون اعمال فصليه احترم رأيهم اذا يعتبرونها ميزه لكن انا اشوفها انها عيب وليست ميزه اسمع نصيحة اخوك ومن واقع تجربة هنا افضلك 100 % من اي جامعه في المملكة وبعدين وش مصلحتي امدحها لك يعني اباخذ نسبة اذا سجلت فيها انت ههههههههههههه انا انصحك لأنك اخوي المسلم فقط جامعتنا تبي منك شوية اهتمام حل واجبات و تحميل محاضرات و حل مناقشات وتحميل المحاضرة المباشره كذا ضمنت ( 30 ) درجة ويبقالك 30 درجة من 70 وتنجح عاد قبل الاختبار الاخوان والاخوات هنا ما يقصرون ينزلون الملخصات المهمه والنماذج واسئلة هامه ذاكرها زين وراح تنجح وانت (( مروووووق )) :8: عاد انت ابخص بنفسك اذا كنت تشوف نفسك ان عندك شوية اهتمام في الامور اللي ذكرتها راح ترتاح وراح تعجبك الدراسة بقوووووووووه اما اذا بتهمل وتطنش وتجي قبل الاختبار بيومين ما سويت شي وتظن انك (( دافع فلوس عشان تاخذ شهاده )) وكأنك شاريها كذا راح تتعب وتتذمر لكن من باب الامانه والانصاف النظام زي العسل ومافيه اي شي وعلى طاري النظام الحين ابكمل تحميل محاضرتين اللي باقيتلي في ماده وحده هذي نصيحتي لك وانت ابوها وسمها سلام :17: |
رد: تنصحوني بالدراسة في جامعة الملك فيصل ..؟
على فكره اخوي
فيه نقطة نسيت اقولها لك اخوك العبد الفقير الى الله الترم اللي طاف غايب اختبار ماده الاحصاء ورفعت العذر وانا في البيت والجامعه في الاحساء وتم قبول عذري + ترحيل الماده الى هذا الترم + ادرس المادة واختبرها مجاناً + حذف درجاتها وساعاتها الماضية كي لا تأثر على المعدل هذا بس اللي حبيت اضيفة والله يوفقك ويوفق الجميع |
رد: تنصحوني بالدراسة في جامعة الملك فيصل ..؟
اتوقع ان صاحب الموضوع حرم يكمل من الردود
ههههههههه |
رد: تنصحوني بالدراسة في جامعة الملك فيصل ..؟
هههههههههههههههههههههه
تعبتوني ههههههههههه اممممممممممممم بأستخير وبأشوف بارك الله فيكم جميعا وشاكر لكم مروركم وتعليقاتكم وبارك الله فيكم ونفع بكم |
رد: تنصحوني بالدراسة في جامعة الملك فيصل ..؟
أنصحك بـ جامعة الملك فيصل :16: .. وأستخير و الله يكتب لك كل مافيه خير لك :1: .. |
رد: تنصحوني بالدراسة في جامعة الملك فيصل ..؟
انصحك بجامعة ام القرى بمكة المكرمة ممتازه والله جدااااا .. ولد عمي يدرس فيها ومستانس .. وبالتوفيق
|
رد: تنصحوني بالدراسة في جامعة الملك فيصل ..؟
وعليكم السلام ورحمة الله وبركاته
بالعكس جامعه فيصل أحسن لانى هي الجامعه الوحيدة اللي لها ٣٠ درجة الاعمال الفصلية |
رد: تنصحوني بالدراسة في جامعة الملك فيصل ..؟
سلام عليكم كيف حالكم جميعا اخواني و اخواتي انا مسجل انتساب مطور ودي اشوف لي وظيفه مناسبه بعد التخرج علما اني موظف حكومي انا خايف ماتكون معتمده شهاده تعليم عن بعد ارجو افادتي. اكون لكم من الشاكرين |
رد: تنصحوني بالدراسة في جامعة الملك فيصل ..؟
اقتباس:
والله صاحب الموضوع خبلوه اللي مؤيد والا مررررره تحطيم اخوي هذا نصيحت اخونا ذا وفعلا كلامه يشجع انك تدرس وانا من المودييين لجامعة الملك فيصل بعد بحث واسئله عن جميع الجامعات !! توكل ع الله وانا اخوووك ...:16: |
| All times are GMT +3. الوقت الآن حسب توقيت السعودية: 11:57 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه