ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   نقص في درجات المشاركة (https://vb.ckfu.org/showthread.php?t=417078)

سليمان العلي 2013- 1- 20 10:42 AM
نقص في درجات المشاركة
 
وبعدين مع الجامعة هذي انا عندي نقص 10 درجات في درجات المشاركة لكل المواد
وش الحل ( احد يفيدني )

لزام الوايلي 2013- 1- 20 10:44 AM
رد: نقص في درجات المشاركة
 
الله يعين على الجامعة
انا عندي مادة وحدة بس ناقصه درجة وحده

يالله بخليها لهم صدقه ما ابيها مع العلم انه لو كانت موجوده الدرجة كان تغيرت من b+ الى a

متطلع 2013- 1- 20 10:45 AM
رد: نقص في درجات المشاركة
 
احمد ربك وقل يالله السلامة إذا كنت ناجح .. أنا معطيني صفر في كل المواد في درجات المشاركة وهذا أنا جالس أتواصل على الايميلات ولا أحد يرد علي ولا أحد يرد علي التلفونات .. الترم الي طاف نزلوني درجات لكن قلت أهم شي النجاح ..

سليمان العلي 2013- 1- 20 10:46 AM
رد: نقص في درجات المشاركة
 
احمد ربك بس درجة وحده
انا 60 درجه من مجموع المواد كلها
والله حرااااااااااااااااااااااام
عطوني حل تكفون

أبان 2013- 1- 20 10:48 AM
رد: نقص في درجات المشاركة
 
الله يعظم أجركم

فعلاً درجات المشاركة صارت من منحة لمحنة


أنا معترض على درجات المشاركة من الترم الماضي و مازال الطلب معلق بانتظر الرد :23:

إبتسامة 2013- 1- 20 10:49 AM
رد: نقص في درجات المشاركة
 
أنا مثلك حاطينهم لي 20 بس زين نجحت والله لو ماقدمت زين على درجات المشاركة حتى حملت مواد

عبدالله خالد 2013- 1- 20 10:49 AM
رد: نقص في درجات المشاركة
 
عادي ثالث ترم يخصم على اكثر من 20 درجه في ماده واحملها
لاحياه لمن تنادي

أبو عبدالهادي 2013- 1- 20 10:49 AM
رد: نقص في درجات المشاركة
 
انا ولله الحمد كلها كاملة الا مادة الصحة واللياقة 29

اموت واعرف الدرجة اللى نقصت وين راحت وانا مكمل كل شي بنفسي

لكن الحمد لله انها جات كذا

والشي الثاني مدري حسبوا الاسئلة اللى فيها اخطاء لنا مثل الانجليزي والا كلام جرايد

الله يعين

لكن اذا فتحوا ايقونة http://del.kfu.edu.sa/entisab_app/images/04dis.jpg

تعرف وين الخلل

موفق إن شاء الله

ال نجم 2013- 1- 20 10:50 AM
رد: نقص في درجات المشاركة
 
السلام عليكم
بخصوص الي عنده نقص بدرجات المشاركة اذا كنت مجتهد ومحمل جميع المحاضرات المسجلة والمباشرة وحال الواجبات رح للجامععه وقدم تظلم
اما انك مهمل ولا مو مرتب وضعك وتقول ليه نقصوني هذا نتيجة ماجهودك

ابو حصه 2013- 1- 20 10:50 AM
رد: نقص في درجات المشاركة
 
اف اف اف ياساتر

حتى المشاركة فيها مذلة

TAG~alghla 2013- 1- 20 10:51 AM
رد: نقص في درجات المشاركة
 
لحد يقول احد ربك احمد والسكوت عن حقوقنا هي اللي بتودينا ملح
عشر درجات كثير واكيد نزلت المعدل حيل
انا العام نقصوني 3 والسنه ذي 3 صح انه مااثر بالنتيجه بقت اي بلس
بس يمكن السنه الجايه تنزلني وبصير اي وتنقص نقاطي
طالب باعادة
وانا بطالب صيحيح انه ماضرني بس بعد بطالب لانه واثقه
.......

مازن اليامي 2013- 1- 20 10:55 AM
رد: نقص في درجات المشاركة
 
انا بعد مع اني مشارك وحال الواجب ومحمل المحاضرات!!!!!!!!!!!!!!!!!!!

أبان 2013- 1- 20 10:56 AM
رد: نقص في درجات المشاركة
 
اقتباس:
المشاركة الأصلية كتبت بواسطة ال نجم (المشاركة 8111218)
السلام عليكم
بخصوص الي عنده نقص بدرجات المشاركة اذا كنت مجتهد ومحمل جميع المحاضرات المسجلة والمباشرة وحال الواجبات رح للجامععه وقدم تظلم
اما انك مهمل ولا مو مرتب وضعك وتقول ليه نقصوني هذا نتيجة ماجهودك

صحيح كلامك أخوي

بس الجامعة تقدم خدماتها عن بعد

و الاعتراض المفترض يكون له آلية للعمل عن بعد

إبتسامة 2013- 1- 20 10:57 AM
رد: نقص في درجات المشاركة
 
وربـــك اني متأكدة لدرجة اني عدت على الواجبات بالبلاك بورد القديم وشفت المحاضرات المباشرة وكل شي

بس لعانة فيهم :25:

عبدالله خالد 2013- 1- 20 10:57 AM
رد: نقص في درجات المشاركة
 
اقتباس:
المشاركة الأصلية كتبت بواسطة ال نجم (المشاركة 8111218)
السلام عليكم
بخصوص الي عنده نقص بدرجات المشاركة اذا كنت مجتهد ومحمل جميع المحاضرات المسجلة والمباشرة وحال الواجبات رح للجامععه وقدم تظلم
اما انك مهمل ولا مو مرتب وضعك وتقول ليه نقصوني هذا نتيجة ماجهودك
ثالث ترم يخصم علي
وكل التحميل موجود بهارديسك عندي
وصور الواجبات اني حالها موجوده
والمشاركات موجوده بالمنتدى

وترفع تظلم ولا ماترفع ماحولك احددد !!

bader11 2013- 1- 20 10:59 AM
رد: نقص في درجات المشاركة
 
الله يعين والله غررريبة

مكن انت ماحليت الواجبات او المشاركة عندك فيه مشكله

انت راسل الجامعة ع الايميل وراح يردون عليك

من ناحية الدرجات بكل أمانه الجامعة تتعاطف مع الطالب


موفق خير يا رب

ما أحد بارك لي :39:

عبدالله خالد 2013- 1- 20 10:59 AM
رد: نقص في درجات المشاركة
 
الماده الاول خصم 9 درجات
الماده الثانيه 9 درجات
الثالثه 4 درجات
الرابعه 7 درجات
الخامسه 7 درجات
السادسه 13 درجه
مجموع الخصم هالترم بس 49 درجه !
الله يقلع نظامهم
مشكله اذا كل ترم كذا
المشكله الترم السادس لو اني توني بادي انسحبت

ام لمى 2013- 1- 20 11:00 AM
رد: نقص في درجات المشاركة
 
انا معاي دفتري اسجل فيه كل شي احمله ومع ذلك متاكده 100/ كل شي عملته ومراجعه الف مره ومنقصيني درجه في التخاطب وواثقه من حلي قلت اقل شي ممتاز وحاطين جيد جدا والله مستعده ادفع 1000 وتراجع ورقتي

ayood 2013- 1- 20 11:02 AM
رد: نقص في درجات المشاركة
 
انا عندي مادي منقصين علي 6 درجات في المشاركه وحملت الماده حسبي الله عليهم بس :32:

متطلع 2013- 1- 20 11:03 AM
رد: نقص في درجات المشاركة
 
أنا أقول احمد ربك مش من باب السكوت على حقك ، ولكن من باب وش آخرتها ؟ وش رح تحصل عليه ؟ هل أحد استفاد من التظلم في الأترام السابقة ؟!
لا يمكن أسكت على حقي خاصة اني رسبت بسبب عدم احتسابهم لدرجاتي ...

عبدالله م 2013- 1- 20 11:04 AM
رد: نقص في درجات المشاركة
 
انا منقصيني درجتين :17:بس في مادة واحدة

أم مجودي 2013- 1- 20 11:05 AM
رد: نقص في درجات المشاركة
 
:12::12::12::12::12::12::12::12::12::12::12::12::1 2::12:

الله ياخذهم يارب وربي دموعي ماوقفت ياليت ماكتيت حرف ولا تعبت نفسي بس

هي سبب رسوبي

صدام الشمري 2013- 1- 20 11:19 AM
رد: نقص في درجات المشاركة
 
جامعة كذا:23: انا متاكد من اختباراتي كلها معطيني 57 بالاحصاء ومحمل المادة:5:
برايكم هذي اخطاء منهم ويعدلونها والا اقدم طلب يعيدون تصحيح الماده

ال نجم 2013- 1- 20 11:31 AM
رد: نقص في درجات المشاركة
 
اقتباس:
المشاركة الأصلية كتبت بواسطة أبان (المشاركة 8111274)
صحيح كلامك أخوي

بس الجامعة تقدم خدماتها عن بعد

و الاعتراض المفترض يكون له آلية للعمل عن بعد
تتكلم عن المفروض والمفترض انك تعرف درجة مشاركاتك قبل الاختبارات والمفترض ان فيه مبنى مؤهل للتعلم عن بعد انا بعد مراجعتي لهم منصدم من طريقة تعاملهم ومبناهم:23:

sho-sho 2013- 1- 20 11:36 AM
رد: نقص في درجات المشاركة
 
طيب كيف نرفع تظلم

انا معدلي 3.50 .. كله من المشاركات لو هي كامله صرت 4.64

يعني مررررره كثير منقصيني

البآرد 2013- 1- 20 11:39 AM
رد: نقص في درجات المشاركة
 
4 مواد معطيني فيها 57 و اللي 58

ظظظظظظلممم

ال نجم 2013- 1- 20 11:44 AM
رد: نقص في درجات المشاركة
 
اقتباس:
المشاركة الأصلية كتبت بواسطة البآرد (المشاركة 8111748)
4 مواد معطيني فيها 57 و اللي 58



ظظظظظظلممم

راجعهم لاتسكت الترم الي فات ماسجلو لي درجة ماده وكان فيه بايقونه حضور الاختبار يسجل كل ماده ومكتوب حضر الاختبار وحاجيتهم فيها ولا كان فيه امل يقبلون الان معاد يحطونها يسجل بس الجدول وانك حضرت

لاحد يسكت ثلاث اسابيع من الصبر والنهاية لخبطه بلخبطه

فهد التميمي 2013- 1- 20 11:46 AM
رد: نقص في درجات المشاركة
 
يالله لك الحمد نجحنااا .. بس هم وش بلاهم كل التحميل محمله وحال الواجبات ,.. مخلين المشاركات كلهن 24 .رقم مميز . وش عليه خااصمين علي مااادري مع العلم اني حالن الواجبات كلهن وحال المناقشااات .ومشغل كل المحاضرات .. لكن الله يعين اهم شي اني كملت الساعات الي انا ابي .. وموووووووووووووفقين ان شاء الله بالاترام القادمه
..

حاضر 2013- 1- 20 11:48 AM
رد: نقص في درجات المشاركة
 
لا شك أن الخطأ وارد ..

لكن أرجو ممن نقصت درجاتهم ألا يسكتوا بل يرفعوا تظلم وطلب اعادة النظر
وهناك إيميل مخصص لذلك حسب ما قاله الدكتور الفريدان

وهو : del_academic@kfu.edu.sa

بالمناسبة أنا خٌصم مني ست درجات في مادة تاريخ الفكر الاجتماعي بغير وجه حق ..
وسأرفع طلب وأسأل الله لنا ولكم التوفيق والسداد ..

فهد التميمي 2013- 1- 20 11:50 AM
رد: نقص في درجات المشاركة
 
اقتباس:
المشاركة الأصلية كتبت بواسطة حاضر (المشاركة 8111862)
لا شك أن الخطأ وارد ..

لكن أرجو ممن نقصت درجاتهم ألا يسكتوا بل يرفعوا تظلم وطلب اعادة النظر
وهناك إيميل مخصص لذلك حسب ما قاله الدكتور الفريدان

وهو : del_academic@kfu.edu.sa

بالمناسبة أنا خٌصم مني ست درجات في مادة تاريخ الفكر الاجتماعي بغير وجه حق ..
وسأرفع طلب وأسأل الله لنا ولكم التوفيق والسداد ..

وش عندهم على الرقم 24 ههههههههههههه انا كلهن 24 وانت بعد 24

sho-sho 2013- 1- 20 11:54 AM
رد: نقص في درجات المشاركة
 
طيب وش اكتب بالايميل ؟

كول كول 2013- 1- 20 11:56 AM
رد: نقص في درجات المشاركة
 
سيدا على التويتر واتصلوا لا تسكتون عن حقكم يعني درجات تروح كذا
الله يعينكم انا لو منكم كنت جنيت
الله يعوضكم باخير منها

سليمان العلي 2013- 1- 20 06:40 PM
رد: نقص في درجات المشاركة
 
يالله احد يدلنا على الطريقه المضمونه لرفع تظلم

سليمان العلي 2013- 1- 20 06:44 PM
رد: نقص في درجات المشاركة
 
لازم نكون يد وحدة و مانسكت :33:

كبير طموحي 2013- 1- 20 06:49 PM
رد: نقص في درجات المشاركة
 
انا ناقصه 3 درجات من المشاركة مع أني حالتهم كلهم :28:

manon 2013- 1- 20 06:53 PM
رد: نقص في درجات المشاركة
 
تلاعب

سليمان العلي 2013- 1- 20 10:13 PM
رد: نقص في درجات المشاركة
 
ام التلاعب

life,s sweeet 2013- 1- 20 10:17 PM
رد: نقص في درجات المشاركة
 
بصراحه ماعندهم امانه

انا حليت كل شي ماعادا المحاضرات المباشره مادخلت اﻵ وحده والحمدلله اخذت الدرجه كامله

التصحيح مو دقيق

بروق 2013- 1- 20 10:25 PM
رد: نقص في درجات المشاركة
 
انا هترم والترم اللي فات ينقصوني من المشاركه درجه

لجين الشايع 2013- 1- 20 10:26 PM
رد: نقص في درجات المشاركة
 
انا ناقصه بالانجليزي كتابه مع العلم اني حريصه على الحل والمشاركه والتحميل اول باول لكن ما الحل :12:

ابو عبدالعزيز2 2013- 1- 20 11:22 PM
رد: نقص في درجات المشاركة
 
هذا الترم من وجهة نظري هو اتعس واتعب ترم مر علي .. ولعدم ثقتي في نظامهم قمت من بداية الترم بانزال جميع المحاضرات المسجلة والمباشرة مره عن طريق الصوت ومره عن طريق صوت وصورة ومرة نسخة جوال ولو عندهم عن طريق البيجر ماعندي مشكلة :26: وعلى انهم كبو محاضراتهم الأخيرة جميع وكان باقي على الإختبار 20يوم وغير فية نقص محتوى لبعض المواد .. جميع ماقمت بة سابقا"هو لسد باب الذرائع .. والحمد لله تعبي لم يذهب سدى فقد حصلت على درجات المشاركة كاملة لجميع المواد .. نصيحتي لمن كان واثق من إكمالة للواجبات والمناقشات والمحاضرات عدم رفع تظلم عن طريق الإيقونة الخاصة بذلك لأنك لن تحصل على رد سواء سلب أو إيجاب .. بل الأفضل والأجدى هو الذهاب لموقع الجامعة وتجهيز معروض تشرح فية بإسهاب عن مشكلتك حتى يتم النظر فيها إذا كان عندهم نظر .. بالتوفيق للجميع .. ومبروك لكل من تعب وسهر وقدم مجهود عقلي وبدني وتوجه بنجاح ينسية إرهاق أيام الإختبارات ..

al_atta 2013- 1- 20 11:47 PM
رد: نقص في درجات المشاركة
 
صبرآ جميل وو الله المستعان

غاوي 2013- 1- 21 01:22 AM
رد: نقص في درجات المشاركة
 
انا منقصين علي عشر درجات و حملت المادة شكلي راح انقزلهم الاحساء

ندى العالم 2013- 1- 21 01:47 AM
رد: نقص في درجات المشاركة
 
:12:أنا عندي إعتراض على قواعد البيانات متأكدة جدا إني a+ لأن الإختبار كان سهل ولكن تفاجأت منقصيني 20 درجة يعني bخسفت بالمعدل كيف أعترض على الدرجة هل هو من أيقونة أسئلة وأجوبة الشؤون الأكاديمية

غاوي 2013- 1- 21 01:50 AM
رد: نقص في درجات المشاركة
 
ياليت الشباب اللي مرو في نفس الحالة يفيدونا عن كيفية تقديم تظلم

المسعودي 2013- 1- 21 02:12 AM
رد: نقص في درجات المشاركة
 
الحمدالله المستوي الاول والثاني درجات المشاركة كاملة 30
برنامج اوبراء طلع ممتاز

الالماسة 2013- 1- 21 05:35 AM
رد: نقص في درجات المشاركة
 
اي والله المشاركة قاهرتني مع أني متأكدة أني حالة كل شي وعائدة ومراجعة وانا من الناس الدقيقة أعيد وأزيد على الشي من باب الحرص الا انهم خنق صيني 3 درجات في الأخلاق الاسلامية وحلقة تقديمي للاختبار سيئ غير المتوقع ومع كذانقصوني فيها والله قهر وقمة الضلم شكله من النظام الخصائص حقهم ماحسب لنا دراجاتنا حسبي الله عليهم

الالماسة 2013- 1- 21 05:38 AM
رد: نقص في درجات المشاركة
 
* منقصيني



*خلقة




*الخايس




الايباد يوهق هههههههههههههههههه. صائر طلاسم

رايق2006 2013- 1- 21 08:07 AM
رد: نقص في درجات المشاركة
 
عندي خمس مواد الدرجه 27 وانا متاكد ومسوي جدول وحليت الواجبات ومسجلهت بالدرجه والمحاضرات المسجله والمباشره والمشاركات كامله

حسبي الله ونعم الوكيل

rfe3 alth0g 2013- 1- 21 04:47 PM
رد: نقص في درجات المشاركة
 
انا نقصني الفصل هذا 15 درجة منها 13 في مادتين ومتأكد من حلها ، تخيلوا ان بينكم وبين النجاح وحمل مادة 5 او 7 درجات من المشاركة اللي تعبت في حلها وقد يكون البعض تعرض لمثل هذا الموقف الظالم ودون مبالاة من الجامعة ، تخيلو حجم الكارثة الى متى هذه المهزلة ،، حسبنا الله ونعم الوكيل

غاوي 2013- 1- 21 05:12 PM
رد: نقص في درجات المشاركة
 
اخر الكلام ...!!



وش خلاص نقول حسبي الله عليهم وبس ...!! ابي احد يفيدني هل انقز لهم للجامعة ..! الاربعاء ..! او فيه طريقة ثانية ...!!

FaHoOoDe 2013- 1- 21 05:14 PM
رد: نقص في درجات المشاركة
 
اكبد ماحملت المباشره او المسجله

او تاخرت بحل الواجبات

او المشاركه لازم فيه نقص ماسويته

غاوي 2013- 1- 21 05:35 PM
رد: نقص في درجات المشاركة
 
^
^
^
^


تصدق بالله ان المادة اللي نقصوني فيها درجات هي المادة الوحيدة اللي شيكت عليها اكثر من مره لأني عارف مسبقا انها صعبة ....!!

واخرتها جابوا العيد فيني ..!!:32:


All times are GMT +3. الوقت الآن حسب توقيت السعودية: 12:03 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه