|
بخصوص التدريب الميداني ومعاناته
السلام عليكم ورحمه الله وبركاته بدايه انا اتكلم بشكل خاص عن قسم علم الإجتماع مدري اذا باقي الاقسام عندهم تدريب او لا الموضوع مفتوح لكل من يعاني مثل هالمعاناه .. فيه مشكله صادفت الكثير من طلاب وطالبات التدريب الميداني 1 في الزيارات اللي يطلبونها الجامعه واكيد انها تكررت في التدريب 2 بما اني اول مره اخذ التدريب وتعذبت فيه كلمت الدكتور وطلبت منه يشوف لنا حل قال لي انه الجامعه ايام عبدالله النجار كانت حاطه من خططها اذا جاء التدريب يوجهوننا لمؤسسات تستقبلنا وبكذا يريحونا بس للإسف طلع النجار وتبهذلنا من بعده سؤا بالانظمه او غيره المهم هنا انه الدكتور قال لي انا مابيدي شي وهذا كله بيد العماده هي المفروض تخصص لكم اماكن تتدربون فيها زيكم زي الانتظام بس للإسف ماوفرت واحنا اللي تعذبنا ،، ( الكلام هنا للتدريب الميداني لعلم الاجتماع تفاجإت لما جيت ازور المؤسسات اللي طلبوا مننا زيارتها انهم يرفضون اسقبالنا وبعضهم رفض الورقه اللي طبعتها بالبيت والبعض قال لي عادي نسمح لك بالزياره بس مانختم لك والختم اساسي عشان يقبلون التدريب - انا حليت الموضوع بواسطه ولاحظوا اضطريت اروح مدرسه وحده من قريباتي وختمت لي زي السلام عليكم وقالت لي بالحرف الواحد جاتنا قبل اسبوعين وحده من فيصل ورفضنا نختم لها انا ضبطت وضعي بس البنت مسكينه الله العالم ايش سوت ) انا مدري اذا الاقسام الثانيه فيها تدريب ويعانون مثلنا او لا ..، الهدف من انشاء هذا الموضوع ابي الكل معي يساعد في ارسال فاكس للعماده تشوف لنا حل بالتدريب عشانكم وعشان اللي بعدنا بيجون مايتبهذلون بسالفه التدريب سوا التدريب 1 او 2 او 3 طبعا راسلت بتويتر الدكتور عبدالله الفريان بس مارد علي ،،. اتمنى من الكل التعاون في هذا الموضوع وعدم اهماله خصوصاً انه التدريب عليه 20 درجه وخساره تروح علينا يعني انا ماني شايله هم تدريب 2 لإني بكل بساطه بروح لنفس مدرسه قريبتي وبضبط وضعي بس غيري بيضيع خصوصا اللي مايعرف احد ..، |
رد: بخصوص التدريب الميداني ومعاناته
اختي انا اشوف الموضوع ماهو كبير ماانتي متصورته وكل شخص يتعب شوي ويلقي الي يستقبله واحنا طلاب تعليم عن بعد وعندنا تسهيلات كثيره ولكن التعقيد الحقيقي هي من الجهات الي ترفض الطالب يعني واحد جايب خطابه ومعاه اوراقه ومعروف هدفه تعليمي لا اقل ولا اكثر يطرد ؟! فلا نلوم الجامعه دائما عموما اتمنى اختلاف الراي لايفسد للود قضيه وياليت تقولينا عن ماده التدريب وكم ساعه مطلوب حضور ومن هالمعلومات اذا ماعليك امر |
رد: بخصوص التدريب الميداني ومعاناته
اختي
Manal.87 السلام عليكم ورحمة الله وبركاتة اولا جزاك الله الف خير لإهتمامك بأخواتك اللاتي لديهن تدريب ميداني وهذا مو مستغرب منك فجزاك الله عنا الف الجزاء ووفقك وجعلك ذخرا للجميع ... ثانيا / نتمنا اذا في احد من ادارة الجامعة او يستطيع ان ينقل الموضوع ان ينقلة للجهات المختصة لدراستة لان اذا كان الكلام صحيح تعتبر كارثة قادمة لكل من لدية تدريب ميداني فالجامعة تريد والمؤسسات يرفضون ومن لدية تدريب ميداني يصبح مثل من يكون بين حدود دولتين وتصبح حرب فلا يستطيع الرجوع للوراء ولا للأمام ... |
رد: بخصوص التدريب الميداني ومعاناته
حطمتوني وش هالسالفه يعني محد يقبلنا ؟
|
رد: بخصوص التدريب الميداني ومعاناته
اقتباس:
ولاتعتقد انك طالب عن بعد يعني اي مؤسسه بتقول لك حياك الله خذ لك مستشفى كبير ومعروف بالخبر اسمه مستشفي المانع العام تم رفضي وانقال لي بصريح العباره لانستقبل طلاب فيصل تعليم عن بعد ابداً ولا نرضي لهم بالتدريب او حتى الزياره ولو ليوم واحد داخل المؤسسه انطردت من هذا المستشفى ومستشفى سعد الصانع بهذولني من شخص لشخص والحرس هزئتني بالتليفون لما قلت لها انا لي وقت محدد لتقديم التقرير قالت لي تحسبون الناس علي كيفكم ياطلاب فيصل احنا موفاضين لكم عندنا التزامات واذا تبين زياره خلك تعالي قدمي اوراقك وانتظري الاداره توافق بعد ماتوافق نشوف لك متي تفضى الاخصائيه وتستقبلك !!! لين مامليت ورحت لكذا مستوصف ونفس الحكايه لين ما مليت واضطريت بآخر يوم بالتدريب الميداني اترجى جمعيه خيريه يستقبلوني اشوي وابكي علي التليفون لين مارضي وقدمت التدريب بآخر يوم .. وبناء علي طلبك راح اشرح لك ايش الماده ( تدريب ميداني 1 ) عدد المحاضرات 12 محاضره ل 3 دكاتره كل دكتور له 4 محاضرات وكل دكتور له مجال خاص فيه طبي او مدرسي او رعايه شباب يطلبون منك الجامعه تروح مدرسه او مستشفي وتزورهم معك خطاب الجامعه اللي مامنه فايده والإوراق اللي فيها كل البيانات اللي الجامعه تبيك انت من زيارتك تعبيها بعد تزور المؤسسه سوا مدرسه او مستشفي او جمعيه تطلب مقابله الأخصائي الاجتماعي وهو يعلمك باللي انت محتاجه مثل بدايه المؤسسه وتطورها والعدد العاملين وميزانيها وبنود الصرف ولما تخلص يختم لك عليها وهنا انت يا ينقال لك تفضل وينختم لك يا ينقال لك ممنوع الختم اسفين وهنا تحس بالأزمه اللي انا جالسه اشرحها لكم ( مطلوب منك في التدريب الميداني1 زيارتين لمؤسستين مختلفات ولك وقت محدد بالتقديم ) يعني انا الاولى تسهلت معي الله يجزاها خير قريبتي بس الثانيه هي اللي فحطت لين ماقدرت بعد ماترجيت الاخ مدير الجمعيه .. |
رد: بخصوص التدريب الميداني ومعاناته
بسم الله الرحمن الرحيم
اتمنى من الاخوان او الاخوات انهم يشرحون لنا اكثر عن التدريب الميدانى وش سالفتة من طق طق الى سلام عليكم :16: |
رد: بخصوص التدريب الميداني ومعاناته
اقتباس:
ارسلت للدكتور بتويتر بس ما التفت علي للآسف ومثلك عارف يد وحده ماتصفق احتاج تعاون معي عشان نقدر نوصل هالمعاناه |
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
اوووف والله شكلها السالفه صعبه اذا حتى التدريب الميداني صار فيه واسطه !!
والله حسيت بمعاناتك وان شاء الله الكل يوقف معك وترسلون لدكتور الفريدان ويحل المشكله وحتى انا ودي ارسل بس اخاف يقول وش دخلك انتي 2 :5: لان جد شي مو معقول تجلسون كذا ومحد يستقبلكم :18: الله يعينكم جميعا :16: |
رد: بخصوص التدريب الميداني ومعاناته
اقتباس:
سبب المشكلة نوع من انواع (..........................) نحنوا معك اختي وانشاالله يوصل كلامك الي الجهات المعنية للنظر لموضوعكم |
رد: بخصوص التدريب الميداني ومعاناته
اقتباس:
لا يجي وقتك الا وانحلت هالمشكله ووفرت لنا الجامعه اماكن تستقبل المتدريب بدون عذاب |
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
معاكم ياحلووين انا بخذها هالمستوى والله يعين شكلنا بناكل هوااء
:21:نتكاتف ونرسل للعمييد ونشوف وش يصيرر |
رد: بخصوص التدريب الميداني ومعاناته
طيب احنا ليش ماعندنا تدريب ميداني :42:
|
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
:6:
اقتباس:
|
رد: بخصوص التدريب الميداني ومعاناته
اقتباس:
صحيح والله يوفقنا جميييع :27::16: |
رد: بخصوص التدريب الميداني ومعاناته
اقتباس:
:16: |
رد: بخصوص التدريب الميداني ومعاناته
اقتباس:
ولكن مقصد كلامي هالاشياء ماراح تمشي الا بمعرفه ومااتوقع احد ماعنده علاقه لا بمدرسه ولا بمستشفى ولا حتى مستوصف اهلي او حكومي هاذي كانت وجهه نظري بمعني اصح اختي قبل مااسجل هالماده المفترض جهزت الي رايح يستقبلني بوقت مبكر وعرفت وين رايح وبخصوص دفاعي عن الجامعه لان بصراحه العدد كبير ماشاء الله وتدخل الجامعه مستحيل وهم عارفين هالاشياء ماراح تمشي الا بعلاقات شخصيه وعلاقات بسيطه ماهي علاقات كبيره اي موظف بهاذي الجهات يخلص الموضوع عموما احترم وجهة نظرك واتمنى مااحد يمر بمعاناتك ان شاء الله وشاكر لك تلطفك والاجابه على سؤالي واعطائي معلومات عن الماده بس باقي لي سوال اخير الاختبار النهائي من كم ؟؟ واي معلومات عن تقسيم الدرجات بماده تدريب ميداني اذا كان ممكن |
رد: بخصوص التدريب الميداني ومعاناته
اقتباس:
لاتقوليلي مااعرف احد لا بمستشفى ولا بمدرسه ؟ ولا احد من علاقاتي له علاقه في هالاماكن ؟ |
رد: بخصوص التدريب الميداني ومعاناته
نصيحه الي مايعرف احد لا يروح مستشفى سعد او مستشفى المانع او المستشفى العسكري
يمشي حاله بمستوصف مثل مستوصف الربيع :14: وانا متاكد الختم عند الهندي الي واقف عند الباب ههههه طبعا مستوصف الربيع يعرفونه اهل الدمام وماجاورها |
رد: بخصوص التدريب الميداني ومعاناته
ماله داعي هاالتدريب جالسه افكر فيه وانا توني باديه دراسه يعني الشغله فيها ذل مااذل:44:؟
لحول لله ولاقووووه ليت احد يشرح لنا عنه اشويه مب عارفين شي فيه واتمنى البشاره من الفريدان بحذفه وربي اريحححححححح شغل الدعوه فيها بهذله:39: |
رد: بخصوص التدريب الميداني ومعاناته
يسلموووو
|
رد: بخصوص التدريب الميداني ومعاناته
والله صح انا تببهدلت ورحت لمدرسة المديره خاايسه ونفسها شينه ومارضيت لي حتى اقابل المرشده ..ماني عارفه اكتر من اني موريتها الاوراق ايش تببغى
ويبغو ورقة من شؤؤن الطلاب ..وجد ججد بابا تعب معاايا واحنا من مدرسه لمدرسه بالزات ف المدينه المدارس مي جنب بعض ورحت لشؤن وجبت ورقه ورحت مدرسه تانيه والمديره مي راضيه تختم لي لما شفت بابا من حرارة الشمس تعببب قتلو خلاص انحلت المششكله عشان لايشيل هم وهيا لانحلت ولا شي وارسلت لدكتور تقريري بدون ختتم والدرجه اللي بيحطها خليه يحطها ولما رحت اختبر وحده قالت انا اختي مديره عشان كدا ختمت لي ..واللي ماعندهم واسطه تدور من مكان لمكان الله للنننا |
رد: بخصوص التدريب الميداني ومعاناته
ياربي شكلي يتبهذل انا راح اخذ هاالمادة هاالترم يعني بيجي لنا الاعصار الاحولاة ولا قوة الا باالله انا لا اختي مديرة ولا بنت عمتي مدرسة يعني من وين اجيب واسطة اصنع ياربي لنا الله منك الله ياجامعة :12:
|
رد: بخصوص التدريب الميداني ومعاناته
اقتباس:
الإختبار النهائي من 50 درجه و 20 درجه للتدريب و30 للمشاركه المجموع 100 وفالك الميه كامله بإذن الله ..، |
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
اقتباس:
اتمنى يضبط وضعك ويدبر لك واسطه عشان تقدرين تحلين امرك ؟ والله مو حل مو كل الخلق تلقى من يستقبلها ويختم اوراقها وهو مبتسم ويقولون لك اذا مافيه ختم مانقبل او ينقص من درجاتك !! يعني خسرانه تعبك نحتاج احد يحل لنا مشكلتنا !! |
رد: بخصوص التدريب الميداني ومعاناته
الموضوع ماهو معقد لهذي الدرجه
ممكن اي مدرسه تستقبلك واي مستشفى حكوومي بيستقبلكم لاتعقدون المواضيع وتعطونها اكبر من حجمها وتخوفون المقبلين على الماده مافي شي يستاهل الدنيا مليانه مدارس ومستشفيات |
رد: بخصوص التدريب الميداني ومعاناته
اقتباس:
طيب اسآلك بالله اذا خذتي الماده او لا واسآلك بالله ماوجهتي اي صعوبه !؟؟ وبغض النظر عنك ترا غيريك تبهذل وانا اطالب بحقي من الجامعه هذا الموضوع حق من حقوقنا مهو المفروض نسكت عنه حطوا لنا تدريب ميداني يوفرون لنا مكان يستقبلنا زي الخلق احنا ندرس ما نطر الأسلوب اللي استقبلوني فيه المستشفيات كان اسوا من الزفت وبالمناسبه الحرس يعتبر مستشفي حكومي والموظفه تكلمت معي بطريقه وقحه يعني يكفيك تقول لي انتم تحسبون الناس علي كيفكم !؟ |
رد: بخصوص التدريب الميداني ومعاناته
شوفي مافي شي يجي بسهوله اكيد واجهت صعوبات بس مو لدرجه السيئه
اناا صراحه رحت 3 مدارس كل المديرات استقبلوني واطلعو على اوراقي وكل مديره حولتني للمرشده الطلابيه اللي بمدرستها وكلهم محترمات لكن الخلل كان عند المرشدات ولكن بادب وحده قالت تخصصي مش علم اجتماع لو تروحي لعلم اجتماع بتفيدك اكثر مني وتاسفت شديد الاسف وقالت لي انها جديده في الارشاد فقلت لها معذوره وثنتين قالو لي خلي اوراقك ونكلمك اذا خلصناها لان عندهم اليوم العالمي للمرشد الطلابي وانا سويتها باخر لحظه مافي وقت اخليها عندهم وارجع فرفضت اخليها بالنسبه للمستشفى رحت العسكري بالرياض قسم الخدمه اجتماعيه والله ماابالغ انهم استقبلوني احلى استقبال والمديره حولتني على الاخصائيه الاجتماعيه اسمها الاخصائيه ناديه البلوي قمه في الاخلاق والتعاون حتى انها دخلتني على حاله جتها وقت المقابله وجلستني على مكتبها واعطتني كل الاوراق اللي ممكن استفيد منها لتدريب اناا معاكم في انهم يوجهونا لاماكن معينه نسوي التدريب فيها ونرتاح وهذا الاقتراح اللي كتبته في التدريب الاول بس اقصد المبالغه في قول ان التدريب معقد ممكن يخووف الكثير منها ويحذفوها :16: |
رد: بخصوص التدريب الميداني ومعاناته
باختصار شديد التدريب الميداني معارف
يعني اللي يعرف مدرس او اخصائي اموره طيبه واللي داخل جد يتعب |
رد: بخصوص التدريب الميداني ومعاناته
صعب جدا الطالب يحكم على مقرر معين لم يتم دراسته او تطبيقه .. لانها سوف تكون بنظر الطالب الذي لم يدرسه ولما يطبقه شيء سهل ..لكن في نظر الطالب الذي تم تطبيقه و دراسة التدريب الميداني بيكون صعب... ومن ذكرك لتطبيقك الميداني اعتبرها معاناه..
الله يعينا و يعينكم ... ويفرجها علينا وعليكم .. اللهم امين:16: |
رد: بخصوص التدريب الميداني ومعاناته
انا اخذت التديب 1 و2
المنهج سهل عليه خمسين درجه التدريب عليه 20 درجه (عاد ترجع للعلاقات اللي يبي يريح راسه) |
رد: بخصوص التدريب الميداني ومعاناته
اقتباس:
نبدا معك باول شي المدرسه اللي انا رحت لها شهاده المشرفه الطلابيه ثاااااااانوي ! وختموا لي المدرسه ومشت اوضاعي :15: النقطه الثانيه انا رحت ل 4 مستشفيات ورفضوا ومن بينهم الحرس اللي بالخبر ( عشان ما نظلم باقي المناطق ) اخيراً انا ماذكرت بموضوعي انه التدريب الميداني معقد :15: كل اللي قلته انه تبهذلت وابي الجامعه تشوف لي وللطلاب الباقي من بعدي واللي سبقونا حل وهذا الحل من حقنا كطلاب انا يكون لنا جهه تستقبلنا ،، اخيراً الله يوفقك ويجزاك خير علي رايك :16: |
رد: بخصوص التدريب الميداني ومعاناته
اقتباس:
انا بحكم انه عندي قريبه بمدرسه مشت اموري وانا مرتااحه ولا حتي اجهدت نفسي بشي بس الزياره الثانيه مابقي مكان ماترجيت الخلق فيه وبما اني بروح مستوي 7 فالتدريب اللي باخذه2 ماراح يكلفني شي لأني بروح لنفس مدرسه قريبتي وبخلص وضعي بس الكلام هنا للي بيتبهذلون احنا في بدايه ترم ومن حقنا نتعاون ونخلي الجامعه توفر لنا مكان يستقبلونا فيها استقبال يلق فينا كطلاب هذي زبده موضوعي كله وهذا الهدف من فتحي لهذا الموضوع بهالوقت |
رد: بخصوص التدريب الميداني ومعاناته
:7:
|
رد: بخصوص التدريب الميداني ومعاناته
اقتباس:
هذا يعتبر ظلم وانا ما ارضي لا لي ولا لغيري ،، |
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
الحين التدريب هذا ماهو بالضبط ؟ من زمان ودي اعرف عنه ؟ هل هو ضروري ؟ وكيف الموظف يتدرب ؟ وكم مدة التدريب ؟ |
رد: بخصوص التدريب الميداني ومعاناته
افهم من النقاش ان التدريب لايختص بمكان محدد .. اي مدرسة وأي مستشفى تفي بالغرض ..
ام ان لكل مرحله من مراحل التدريب مكان مخصص .. كنت اظن ان التدريب يختص بإماكن تحتاج رعاية وخدمة اجتماعيه محدده كمدارس المكفوفين او السجون او دور الرعاية الاجتماعية .. ارجو تأكيد ذلك .. |
رد: بخصوص التدريب الميداني ومعاناته
ياليت توضحون لنا
والتقرير لازم يتختم من مدرسه ومن مستشفى والا واحد منهم يكفي كمان لازم تقابل اخصائيه اجتماعيه والا بس تختم الاوراق وتمشي فهمونا الله يجزاكم خيررررر |
رد: بخصوص التدريب الميداني ومعاناته
اقتباس:
المده تختلف تدريب 1 عباره عن زياره يوم واحد تروح المؤسسه اللي انت تختارها وتقابل الاخصائي الاجتماعي وتعبي التقرير اللي بتلقاه اذا اخذت الماده في الخدمات الطلابيه بعد ماتعبيه لازم تختمه وبعدها ترفعه للجامعه عن طريق الخدمات الطلابيه |
رد: بخصوص التدريب الميداني ومعاناته
السلام عليكم اتفق معك عزيزتي .. بأن من واجب الجامعه تحديد المؤسسات المطلوب منآ زيارتهآ واعطآء هذه المؤسسات خبر مسبق بموعد الزيآره .. وهذا ماكتبته بالتقرير الذي رفعته للدكتور!! لأنني ذهبت لأكثر من مدرسه ولم أجد المرشده الطلابية لأنهن في إجآاازه !!! والوقت المحدد من الجامعه لعمل الزياره قصير ولا نستطيع المرور على جميع مدارس المدينه بحثا عن اخصائيه !!! ذهبنآ لإدارة التربية والتعليم إختصآراً للوقت فأرشدونآ مشگورين لمركز اليتيمات لوجود أخصائيات إجتماعيات هنآك .. ولكن لكي تقبل الزياره لابد من خطآب رسمي وموقع من إدارة التربية والتعليم وكذلك الأمر بالنسبه للمستشفى لم يقبلوا الزياره إلا بخطاب رسمي من الشؤون الصحيه :( وحتى مع وجود هذا الخطاب لم يختم الاخصآئي .. سوآ الاستماره لوجود شعار الجامعه أما اسئلة التقرير فقد رفض ختمهآ بحجة أنهآ ليست رسميه ولا يوجد بها مايدل على أنها للجامعه !!! لذلك اتمنى من الجامعه .. ان تجد لنا حل لهذه المشگله .. فليس جميعنا يملك واسطه او قريب بوزارة الصحه او التربيه والتعليم واتمنى من الاخ ماريوت اذا كان عنده حل لنا فليسعفنا المستويات القادمه .. فلازال أمامنا التدريب الميداني 2 والتدريب الميداني 3 |
رد: بخصوص التدريب الميداني ومعاناته
اقتباس:
بالنسبه لتدريب2 يختلف عن 1 |
رد: بخصوص التدريب الميداني ومعاناته
ان شاء الله خير:16::16:
|
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
اقتباس:
بالضبط هذا اللي اقصده انا احنا بالتدريب1 راحت علينا فرصه المطالبه بحق من حقوقنا لازم الجامعه توفر لنا مكان يستقبلنا انا الجمعيه اللي رحت لها قال لي اوراقك مهي رسميه بس شكله رحمني لأني اكلمه اترجاه واشرح له الموضوع وانه 20 درجه وهذا اللي توفر لنا الجامعه من اوراق واحنا انتساب جلست معه نص ساعه او اكثر بس عشان افهمه طبيعه وضعي وبالاخير رحمني يعني مش معقوله احنا نروح للناس نترجاهم عشان يوافقون لنا زياره المفروض هي تكون اساس متوفره لنا من الجامعه |
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
طيب التدريب الميداني 2 عبارة عن شنو :39:
لا تقولون اروح مدرسة واطبق هناك اشرح مادة علم الاجتماع :7: |
رد: بخصوص التدريب الميداني ومعاناته
اقتباس:
يختلف عن تدريب ميداني 1 باشياء كثير يعني مطلوب منك تقارير يومية وشهرية ونهائية طبعا في مدرسه بالاضافه الى عدد ايام حضور معينه لا تقل عن الحد الادنى والعلامة الفارقه بين التديب 1 و 2 انه بواحد الاكتفاء بالتقارير اما اثنين مطلوب بحث غير الزيارات والمدرسه يعني تختارين موضوع ومراجع وخطوات البحث المعروفه |
رد: بخصوص التدريب الميداني ومعاناته
يعني انصحك تركز فيها زياده لان الدكتور حاسنا بالاسئله تطلع من القاعه دايخ ما تدري انت حليت صح والا خطا
|
رد: بخصوص التدريب الميداني ومعاناته
طلاب الادارة عندهم تدريب طيب ؟!
|
رد: بخصوص التدريب الميداني ومعاناته
الله يعين
شكلها بهذله والجامعة مو مقدمة اي شي لطلاب علم الاجتماع في التدريب الميداني اقلها يرسلون لنا مراكز يكون بينها وبين الجامعة تعاون لتسهيل على الطلاب هذي لابد من مخاطبة الادارة او عميد الكلية ليجد لنا حلولا لهذه المادة |
رد: بخصوص التدريب الميداني ومعاناته
اقتباس:
أولاً: تسجيل عضوية باأحدى الجمعيات الخيرية القريبة منكم والمشاركة معهم في الأعمال التطوعية. ثانياً: القيام بزيارة ميدانية شهرياً إلى دار مسنين أو مركز ذوي الأحتياجات الخاصة للتعرف عن قرب الخدمات المقدمة والأهم تكونوا قريبين. ثالثاً: المشاركة في الفعاليات المقامة في منطقتكم. من هُنا سيكون التدريب الميداني بسيط لأن كونت علاقة مع الجمعية الخيرية القريبة مني ودار المسنين أو مركز ذوي الأحتياجات الخاصة و قدمت خدمة لنفسي وللأخرين . بالنسبة أني أعمل تقرير بالواسطة أبتعدوا عنه أعملوا ميدانياً من الأن العمل التطوعي بين أيدينا في كل مكان وباب الجمعيات الخيرية مفتوح ويقدم لنا الكثير. ملاحظة: الكثير سيقولون لا يوجد وقت خصصوا ساعات أسبوعية للعمل التطوعي بالنسبة لي من قرأت عن العمل الميداني :14: قلت شئ بسيط لا تعتمدوا على الغير أعملوا باأنفسكم . موفقين لكل خير |
رد: بخصوص التدريب الميداني ومعاناته
الله يكون بعونكم
|
رد: بخصوص التدريب الميداني ومعاناته
والله يأختي ما عتقد إن هذي الجهة التي رفضت تستطيع تعطيك خطاب للجامعة بأنها رفضت تتدرب عندها .فأنتي أوأحد الشباب أو البنات أطلبو منهم خطاب في حالة رفضهم وأرسله للجامعة
والله ما يستطيع يروح فيها من وزارة التجارة او التعليم او الجهه اللي يتبع . |
رد: بخصوص التدريب الميداني ومعاناته
المشكله يوم الجامعه فكرت تاسس تعليم عن بعد
ما خططت للميداني لكل التخصصات المهم تاخذ الرسوم ..!! الله يستر اذا الواسطه بتدخل في الميداني بعد وش بقى؟ نراسل الشعيبي والفريدان والله يسهلها |
رد: بخصوص التدريب الميداني ومعاناته
الله يستر هذا أولها!!؟؟؟
|
رد: بخصوص التدريب الميداني ومعاناته
الحين الجامعه دامها مهيب قد ليييه تستقبل الطلاب ...!
بعدين وش هالتفرقه بينا وبين النظظظظام :32: النظام الجامعه تدفع له مكافئه وتضبط وضعه ومدلعته :32: وحنا تاخذ منا رسسسوم ومبهذلين بكل شي ..! طيب اقترح ان احد منكم يكتب لنا مسسسودة خطاب موحده نرسلها كلنا ..' حتى لو كان بعضنا ف اول المسستويات .. لازم الجامعه تحترمنا وتهتم فينا مب تحسسسسنا إنّ حمل فوق أكتافها :18::18: |
رد: بخصوص التدريب الميداني ومعاناته
العمل الميداني يحتاج الى علاقات عامة جيده ومن يقوم به يجب ان يحمل جينات الصحفي
اذا كان هدف الجامعة هو تحفيز جيناتنا للعمل الميداني - وهذا بعيد - فلا بأس ببعض المعاناة ولكن اعتقد ان الجامعة ليست بصاحبة بعد نظر ولا يصل تفكيرها الى هذا العمق . شخصيا اكره احراج معارفي بابسط الامور ولا املك لقافة الصحفي . ولا احبها اتمنى ان تمنحنا الجامعة صفة رسمية مصانة ومحصنة ضد مزاجيات بعض الموظفين وارحب باقتراح الانظمام الى اي جمعية خيرية لاكتساب الخبرة |
رد: بخصوص التدريب الميداني ومعاناته
اذا كان التدريب الميداني مدته يوم واحد .. اظنه لا يحتاج لكل هذا الزخم ... خاصة انه مفتوح على مصراعيه لاكثر من جهه .. مدارس مستشفيات او حتى دور رعايه ..
والصحيح على الجامعه فقط منحنا خطابات موقعه ومختومه فقط زي ورقة التعريف الموقعه للاختبار ... اما التوجيه المباشر..لا اظن .وكل الجامعات لاتنمح اكثر من ذلك مهندسين وماليين يتدربون في شركات وبنوك ولمدة اربعة اشعر فقط بهذه الورقه ويمنحون شهادة تدريب في هذه القطاعات ... لكن اظن ان العقده عند النساء .. للاسف يعقدون ويدققون على الفاضي والمليان ... برغم اني اعرف طالبات تربيه خاصه ذهبوا الى مؤسسات رعاية مرضى متلازمة داون ..وعملوا بها كمتطوعات فقط من اجل اختبار مقدرتهم الشخصيه على الانسجام في عمل كهذا .. ووجدوا كل ترحيب .. اذا كان هناك صعوبه فهو يشخص تخلف المجتمع والبيروقراطيه .. التي تفرض بدون وجه حق .. |
رد: بخصوص التدريب الميداني ومعاناته
زين هل هو اجباري ؟ لو ما سويت التدريب الميداني وش يصير ؟ |
رد: بخصوص التدريب الميداني ومعاناته
اقتباس:
ترسب لو ما جبت الدرجة كاملة في الامتحان والاعمال الفصلية لان علية 20 درجة ودرجة النجاح 60 |
رد: بخصوص التدريب الميداني ومعاناته
كما هي العادة في مثل هذه الأيام من الدراسة تأتي بعض المواضيع التي يكون مبالغ في وصفها وأيضاً التطرق إلى مواضيع لا تأتي إلا من الفراغ الرهيب وانتظار نتائج الاختبارات :8: . ولكن الحق يقال فهذا الموضوع هو من يستحق أن يبقى ويستحق أكثر مشاركة من درسوا هذه المادة وعانوا الأمرين فيها . بالأخير بعض الطلبة صغار في السن ويجهلون البيروقراطية المقيتة التي تعمل بها الكثير من الجهات الحكومية وحتى للأسف الخيرية والتعاونية ، فهم لا بد أن يعلموا بأن من أراد أكل العنب فليذهب لمحل الفواكه :8::17: . |
رد: بخصوص التدريب الميداني ومعاناته
طيب ادارة اعمال فيها تدريب ماسمعت الى الان بروح مستوى سادس ؟:31:
|
رد: بخصوص التدريب الميداني ومعاناته
:24:
|
رد: بخصوص التدريب الميداني ومعاناته
:33:
|
رد: بخصوص التدريب الميداني ومعاناته
الله يوفق كل من سعى بحل لهذا الموضوع
|
رد: بخصوص التدريب الميداني ومعاناته
التدريب الميداني في اي مستوى
وهل الدراسات الاسلامية فيها الكلام هذا.؟ |
رد: بخصوص التدريب الميداني ومعاناته
اقتباس:
أتفق معك عزيزتي في بعض مآطرحته ..فالجامعة أعطتنآ خطاب موقع ومختوم ولكن الجهآت التي ذهبنآ إليهآ لم تعترف بهذآ الخطاب كونه غير موجه لهآ بصفة خآصة ! وأختلف معك بنقطة أن النسآء يعقدن الأمور على الفاضي والمليان ! بالعكس فالتعامل من جهة النسآء كان أفضل .. _ |
رد: بخصوص التدريب الميداني ومعاناته
اقتباس:
موفق ،. |
رد: بخصوص التدريب الميداني ومعاناته
اقتباس:
يضرها كلها فاكس او خطاب ترسله لجهه معينه بكل منطقه وتحل المشكله ،. |
رد: بخصوص التدريب الميداني ومعاناته
اقتباس:
فيه بيننا موظفين هذي نقطه والنقطه الثانيه انا شخصياً متطوعه في الندوه العالميه لرعايه الشباب الاسلامي وعلاقتي بالاداره ممتازه بس احنا نتكلم عن الختم مانحصله بسهوله ولا الأماكن اللي ذكرتيها تستقبل اي احد واي وقت .. اتمنى وصلت الفكره |
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
اقتباس:
الرابط للفريدان .. |
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
ان شاء الله تنحل اموركم وامورنا على خير
صراحه حيل اتخوفت منها الله يكون بالعون لنا ولكم |
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
:31:
|
رد: بخصوص التدريب الميداني ومعاناته
سؤال. لي سنه وانا اسأل عنه
مدارسنا. مافيه. اخصائيه اجتماعيه. ولا مشرفه طلابيه من وين اجيبها انزين. فيه وحده تخصصها علم اجتماع بالتوجيه. مدري تنفع او لا ووحده موظف بالكليه. سمعت من وحده تعرفها انها طيبه وتساعد. ينفعون ذولي ولا لازم مدرسه لازم تقرريين بالميداني 1 والميداني2. ويش راح يطلبون منا بعد |
رد: بخصوص التدريب الميداني ومعاناته
ترى ياختي تجربتك لا تعمميها على الغير
في غيرك اخذوا تدريب 1 و2 ولا صار لهم مسوية من الحبة قبة |
رد: بخصوص التدريب الميداني ومعاناته
الله يكون بالعون يارب تنحل لابد نتحرك الكلام هنا ماينفع.
أنا ماجربته بس جد حسيت بمعاناتك |
رد: بخصوص التدريب الميداني ومعاناته
مكرر
|
رد: بخصوص التدريب الميداني ومعاناته
موضوعك رائع وانا معك
وبالفعل واجهت مشكلة كبيرة حتى قبلتني مدرسة اتدرب فيها وعانيت حتى تدربت عندهم ارسلي لحساب مدير مكتب العميد احمد الشعيبي في تويتر يوصل المعاناة للعميد يحلونها لنا |
رد: بخصوص التدريب الميداني ومعاناته
التدريب الميداني بس لطلاب علم الاجتماع او للكل ؟؟
|
رد: بخصوص التدريب الميداني ومعاناته
اقتباس:
أخواتي الكريمات كتبت هُنا نصيحة فقط من حكم تجربة أراها يومياً ولماذا التقليل بشأن من هم في المستويات الأولى والثانية يمكن عندهم خبرة في هذا المجال بالنسبة للجمعيات الخيرية و المراكز الاجتماعية ودور المسنين متعاونين جداً مع الطالبات في هذا المجال. ملاحظة : العمل الميداني سهل جداً إذا كان فيه أبداع :14: |
رد: بخصوص التدريب الميداني ومعاناته
كلام الاخت صحيح وسمعته من بنات بالاختبارات وحملواالماده علشان الختم والاعجب زوجي مرشدطلابي جوله طلاب من فيصل وكتب لهم الاستبيان بيده جعل النارماتجيها يقول مافيه نظااام يمنع استقبالهم اوالختم لهم شكلي بروح له المدرسه :42:
|
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
اقتباس:
حق ماطلبته الا لأني اعرف زين انه حقي كطالبه اني اطلب من الجامعه توفر لي مكان يستقبلني كمتدربه |
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
اقتباس:
واذا وريته الاوراق يقول لك اوراقك مهي رسميه |
رد: بخصوص التدريب الميداني ومعاناته
اقتباس:
|
رد: بخصوص التدريب الميداني ومعاناته
يمكن سوال متى يفتحون الايقونة حقت التدريب الميداني من اول اسبوع دراسة ولا متى:7:
|
رد: بخصوص التدريب الميداني ومعاناته
اقتباس:
|
| All times are GMT +3. الوقت الآن حسب توقيت السعودية: 10:03 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه