ملتقى طلاب وطالبات جامعة الملك فيصل,جامعة الدمام - ╝ ~ ◄ █▓▒░ مرحلتكم القادمة من العام للخاص ( نبذه مختصره عن مستوى خامس وتحديد المسار + دعوة للنقاش حول إختيار التخصص ░▒▓█ ► ~ ╚

صفحة 1 من 2

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)

- - ╝ ~ ◄ █▓▒░ مرحلتكم القادمة من العام للخاص ( نبذه مختصره عن مستوى خامس وتحديد المسار + دعوة للنقاش حول إختيار التخصص ░▒▓█ ► ~ ╚ (https://vb.ckfu.org/showthread.php?t=413229)

هتآآن

2012- 12- 31 01:08 AM

╝ ~ ◄ █▓▒░ مرحلتكم القادمة من العام للخاص ( نبذه مختصره عن مستوى خامس وتحديد المسار + دعوة للنقاش حول إختيار التخصص ░▒▓█ ► ~ ╚

السلام عليكم ورحمه الله وبركاته ..
الله يسعد اوقاتكم بكل خير ..
بسم الله والصلاة والسلام على أشرف الأنبياء والمرسلين .. وبعد
اخواني واخواتي الاعزاء ..
الكل منا كان حلمه أن يصل لهذا اليوم يوم اختيار
وتحديد المسار لبدايه حياته الأكاديميه ..

هذا ماأردت توضيحه في هذا الموضوع
وأيضاً الموضوع مفتوح لكم للنقاش حول تحديد المسار ..

وإليكم نبذه مختصره عن التخصصات

المستوى الخـــامس
هو بداية اختيار المسار في تخصص التربيه الخاصه
وهنا نقاط اضيفها لكم عن المسارات قد تساعد الطالب في اختيار مساره
اهم نقطة ..
اريد توضيحها ان الوظائف والأحتياج غير ثابت ولايمكن
التنبؤ به ..
فلايوجد مسار يتفوق على مسار الا بنسبه قليله

لاتدع توجهك يكون فقط للأحتياج الأكبر

ولكن ركز على الفئه التي سوف تتعامل معها بعد
التخرج وهل انت مؤهل لذلك ؟

الكثير ينظر للمسار من زاويه ضيقه وهي الحصول على الوظيفه
والأهم منها ان تنظر لنفسك هل ستقدم شيء في هذا المسار او لا ؟
هل سوف تتأقلم مع هذه الفئه او لا ؟

لا استطيع ان اشير على شخص بمسار معين
والتوفيق والارزاق بيد الله أول شي ..

وسوف اضع نبذه حسب مالدي من معلومات

المسار الأول : اعاقه سمعيه
تتعدد فرصه الوظيفيه فيه
من وظائف تعليميه + مراكز ومعاهد للتربيه الخاصه + مجال الأعلام

المسار الثاني : صعوبات التعلم
وهو من افضل المسارات واكثرها توظيفا في الوظائف التعليميه
حاليا تم وضع اخصائي صعوبات التعلم مثل المرشد
الطلابي في كل مدرسه
وفتح مجال واسع لهذا المسار ويرفع مستوى الأحتياج والطلب عليه
وهو خاص بالتدريس وتعليم الأطفال غير العاديين

المسار الثالث : الأعاقه العقليه
وهذا مسار يفتقر للخريجين المتمرسين في التعامل مع هذه النوعيه من الطلاب
يكون احتياجهم اكبر والطلب عليهم اكثر
مع العلم بأن خريج التربيه الفكريه يستطيع ان يدرس صعوبات تعلم
وقد ارتفع مستوى التوظيف عليه بعد فتح ثانويات للأعاقه العقليه
في بعض مدن المملكه

نأتي لدراسة المسارات في كلية التربيه الخاصه للتعليم عن بعد في جامعة الملك فيصل
هناك مواد مشتركه بين المسارات وهناك مواد تخصص مسار
بمعنى ان المواد المشتركه هي المواد العامه في التربيه الخاصه
مثال : المستوى الخامس المواد المشتركة بينهم ست مواد
ومادتين لكل تخصص تختلف عن الاخرى

للنقاش والحوار في تحديد مسارك ها هو الموضوع أمامكم
خذوا وقتكم وتفكيركم فاانتم من يحدد قدرته على اختيار مساره من
« أعاقه عقليه _ صعوبات التعلم _ أعاقه سمعيه »

أسال الله العلي القدير أن يحالف كلاً منكم التوفيق دائما وأبدا ..
فلكل مجتهد نصيب ولكل تعب نجاح

دعوة للنقاش والتمحور حول هذا الموضوع
وكلن يدلي بدلوه لعلنا نجد معلومه تفتح فكر أحدكم لمعلومات
لم نكن نعلمها سابقا ..
أفيدوا بعضكم فكلن منا في هذا الصرح مسؤول عن آخ أو آخت له ..

والله يوفقكم ويرعاكم ..

رهينة الماضي

2012- 12- 31 01:11 AM

رد: ╝ ~ ◄ █▓▒░ مرحلتكم القادمة من العام للخاص ( نبذه مختصره عن مستوى خامس وتحديد المسار + دعوة للنقاش حول إختيار التخصص ░▒▓█ ► ~ ╚

كالعاده دائماً مبدع ومتميز:21:
الله يوفقك ويحقق لك أمنياتك يارب
وكل الشكر لك:16::16:

رهينة الماضي

2012- 12- 31 01:13 AM

هتان سؤال بس لو سمحت
أنت داخل أي تخصص وليش أخترته بالتحديد
أدري أشغلناك بس الله يعينك ويصبرك علينا:8:

رهينة الماضي

2012- 12- 31 01:16 AM

أنا أفكر في الإعاقه العقليه عشان أطفال متلازمة داون وأطفال التحود أحب هالفئتين مررره
لكن باقي محتاره وماقررت
الله يكتب لنا اللي فيه الخير

شايب منتسب

2012- 12- 31 01:21 AM

الله يوفقك يا هتان يا اخي انت عجيب والله

احترت معاك شايل همنا كأننا اولادك ولو اني اكبر منك

بس فعلاً الشكر ما يوفيك و يعطيك العافيه وربي يسعدك

ونشوفك بأعلى المراتب ، ومشاء الله الدعاء في المنتدى

ما ينقطع كلهم يدعون لك وانا واحد منهم والله ادعي لك بظهر الغيب

اما بالنسبه لااختيار التخصص فهو يختلف كل واحد من ناحيه نظره وهدفه

انا ببحث و اسأل لاني يهمني التوظيف اكثر شي و اكيد الاستخاره هي افضل حل

بالتوفيق للجميع

عسل بالليمون

2012- 12- 31 01:23 AM

ماقصرت ياهتان كفيت ووفيت:21:
وبصراحه انا محتار مابين العقليه وصعوبات التعلم
لكن الاستخار والمشوره زينه :14:
والله يكتب الي فيه الخيره

تربوي

2012- 12- 31 01:25 AM

والله الموضوع رائع .. ونحن بحاجة إلى التناقش .. لان هُنا بداية إنطلاقك .. وأرى أن المستوى الخامس يشاركنا الموضوع كونـه محدد مسارة نُناقش المواد .. لكي نصل الى هَدف لأني الى الأن مُشتت لا أدري ماذا أختار :42:

ذلتهم عـيوني

2012- 12- 31 01:25 AM

مشكووور هتان
واللهً يعطيك العافيه

انا حددت مستوي ورغبتي
حبيت الاعاقه السمعيه
بس يبي لها جراء وانا افتقر هذا شي

يمكن اغير مساري ويمكن لا

الله يوفق الجميع ياربي:21:

بـBaderـدر

2012- 12- 31 01:27 AM

الله يجزاك خيـر هتان بصراحه موضوع الكل محتاجه وضروري بهالوقت..
انا بصراحه محتار لأني أحاول أبعد عن لغة الإشاره
وافضل صعوبات تعلم بـس مأحب مجال التعليم يعني التدريس ...
بس بأخد وقتي واشوف الآراء وعسى الله يكتب لنا الي فيه الخيــر.

بالتوفيق للجميــع.

مس نوره

2012- 12- 31 01:29 AM

يلاااا ياصبايا الاعاقه السمعيه يد بيد :19:

شايب منتسب

2012- 12- 31 01:34 AM

اقتباس:

المشاركة الأصلية كتبت بواسطة ذلتهم عـيوني (المشاركة 7962352)

رهينه كيف يعني يبي لها جراءه

اذا تقصدي جراءة المقابله و المواجهه

نصيحه لا تغيري تالتخصص الي تحبينه بسبب هالشي

لانه مو محتاجه هالقد تري كلها ثلاثه ايام وتتخطين هالمرحله

وتتعودين

تحَدٍَۅﻬ أﻟﮩبشر

2012- 12- 31 01:38 AM

مشكور هتــآن انـآ نفسي فى صعوبات تعلم
بس سمعت انـ التوظيف مايقبلونـ شهــآده انتســـآب فى التعليم
ياليتـ احد عنده معلومه اكيده يفيدنآ

أعذب اليأس

2012- 12- 31 01:39 AM

الحمد لله والصلاة والسلام على سيد الخلق

لا ادري ماذا اقول .. فالكلام يذهب ولا يعود

قضيت هنا مع احبتي أياما نسعى بجد للعطاء

سهرنا ليل نهار

وتعاونّا على الخير ومساعدة الغير

وحزنّا على ماجرى بنا من معوقات بالأمس

وتجلت غيمة كانت بالامس سوداء

وها نحن الأن نسعد بموضوع لـ هتان الذي يستحق كل الخير

له من الجهد المبذول هنا أحسنه .. وله من الشكر علينا أوفره

* * *

أنا أحاول جاهدا تلبية رغبة من هي بالقلب سبتقى
وبالفردوس بإذن الله تكون وستبقى
أمي الغالية ودها أصير مدرس رحمة ربي عليها

صعوبات تعلم

أطلت عليكم فسامحوني
لنا في الغدِ القريب لقاءُ

تحياتي

قصه قهر

2012- 12- 31 01:46 AM

مشكور هتان على كل الي سويته معانا في موازيين حسناتك ان شاءالله انت وكل من ساعدنا انا والله الا الحين محتاره اي مسار ادخل بس طموحي عقليه ومامي رافضه اني ادخل هالقسم ولا عندي المعلومات الكافيه عن كلقسم

:29:الي يبي قيمات يقلي (لقمه القاااضي):29:ارسلها على اقرب ديفكس :42:

دائـــم التواصل

2012- 12- 31 01:48 AM

ماشاء الله عليك اخوي هتان ............دائما مبدع ومواضيعك في غاية الاهميه
الله يكتب لك الاجر ........واسئل الله ان يوفقك وجميع الزملاء في هذه الجامعه الى مايحب ويرضى...

Mansi

2012- 12- 31 01:58 AM

اقتباس:

المشاركة الأصلية كتبت بواسطة قصه قهر (المشاركة 7962710)

مادري بس كان احد عزم

:8:

أعذب اليأس

2012- 12- 31 02:07 AM

اقتباس:

المشاركة الأصلية كتبت بواسطة قصه قهر (المشاركة 7962710)

:29:ارسلها على اقرب ديفكس :42:

ديفكس ..:41:
اسمها فيدكس

وربي ابي منها والا بتبلشو

رسام الخيال

2012- 12- 31 02:33 AM

أخوي هتــان :1: لو أتكلم من الآن الى بكرة ما نوفييك حقك .. صراحة أنت كنت خير معين مع بعض الزملاء والزميلات بعد الله سبحانه وتعالى ..
فلك ولجميع من ساهم في نشر وكتابة ومشاركة بأي شكل من الأشكال كل الشكر والتقدير ..:43:
ولا أستطيع أن اقدم لكم الإ دعوة في ظهر الغيب ( فأسئل الله الحي القيوم أن يوفقكم في الدنيا والآخرة .. وأن ييسر أموركم ) ..

* وبالنسبة للموضوع أنا والله متردد بين صعوبات التعلم وإعاقة سمعية وأسأل الله أن يدلني لما هو أصلح لي ..

وأتمنى من كل شخص عنده معلومات عن التخصصات زيادة على كلام هتان وهو ما قصر .. يسدحها لنا هنا عشان يفيد ونستفيد ..

ودمتم بصحة وسلام :16:

شموخ انساان

2012- 12- 31 02:53 AM

سمعيه ابي اطلع بالتلفزيون عادي ملون المهم تشفوني وانا مشخص واقهركم

وتحياتي للمبدع الاخ هتان

hdooshe

2012- 12- 31 02:53 AM

انا بصراحة بابا اللي مختارلي تخصص التربية بالتحديد صعوبات التعلم
وبمشي ع كلامة ابي احقق حلمه ..
:37::1: baba love you:1::37:
مايهمني صعب او سهل اهم شي عندي اني احقق حلمه يالبى بسس :27:

Thank you Hattan:16:

ارق انسان

2012- 12- 31 03:09 AM

كلام جميل وجدا بالصميم ولا اكثر على كلامك بل اثني بارك الله لك

لاكن أخي الحبيب في ملاحظة انت تكلمت عن بعض الاحتياجات الوظيفية مساعد او مرشد

انا لا اريد انا أنقص من الشأن شي لاكن وضائف التدريس مثل مدرس غير معترف فيها

مثل الانتظام وارجع وأقول انا لا اريد التحطيم بل التأكيد

وهناك وظائف كثيرة في شت المجالات أضف على ذالك المستشفيات

وألأهم من ذالك تاهيل الشخص نفسه وقدرته واستيعابة هل سوف يبدع في أي تخصص

واي مجال يتعامل معه

وشكرا للجميع

هتآآن

2012- 12- 31 03:48 AM

وفيه نقطه حبيت اوضحها لكم ..

نصيحه اللى يقدر يدخل مركز ياخذ خبره يدخل ..

حتى لو تطوع بدون راتب

الخبرة تفيدكم ..

الا ياوقت

2012- 12- 31 03:59 AM

الله يجزاك خيررررررر ماقصرت معنا من بداية المشوار رايتك بيضاء
بنسبه لتخصص مثل ماقالو اخوي ارق انسان تكلم بشيء الي افكر فيه مهنة التدريس ماهي طموحي
وحتى لو هي طموحي بتكون صعبه لان التدريس يلزم تكون الشهاده تربوي واحنا شهادتنا غير تربويه
هذا الي صاير الان ماندري بعد سنتين وش بيتغير !!

بصراحه انا مافي بالي اي تخصص لاكن ودي بتخصص بعيد كل البعد عن سقف المدارس
ياليت الي عندها معلومات يفيدنا بشيء هذا

:2:

أمونة وبس

2012- 12- 31 04:00 AM

هتان ياهتان...عن جد مو عارفة كيف أشكرك..
الله يسعدك يارب دنيا وآخرة ويجعل كل اللي تسويه لنا في ميزان حسناتك
ويحقق لك كل أمنيااااااااااااااااااتك:2:
وتوصل لأعلي المراتب في الدنيا واللآخرة..

بالنسبة للتخصص:
لأني أحبكم حقلكم النصائح والتوجيهات اللي اتوجهتلي من متخصصين ودكاترة في ميدان التربية الخاصة..
بصراحة دائما أحب أستشيرهم..(أنا حتكلم من ناحية التوظيف فقط)

بالنسبة لمسار صعوبات التعلم:النصيحة توجهت لي من مشرفين ومتميزين في صعوبات التعلم..قالوا لي استبعدي هالمسار تماما.....مع علمهم إني دخلت التربية الخاصة من أجل الصعوبات عشان أقدر أساعد :1:بنتي:1:
وأكون عارفة اللي لها واللي عليها لكن نصحوني بأن أدعم نفسي بالقراءة والدورات.
لكثرة خريجيه ولم يتوظفو الي الان ومجاله محصور بالمدارس.*ولا ننسي أن الأرزاق بيد الخالق*

مسار الإعاقة العقلية:40% نصحوني فيه لإختلاف مجالات التوظيف فيه ومثل ماتفضل الأخ هتان بأنهم بحاجة لأشخاص يحسنون التعامل معهم...حبيت هالقسم لعشقي اللامحدود لأطفال الداون:1:
*ولا ننسي أن الأرزاق بيد الخالق الرزاق*

مسار الإعاقة السمعية:60% نصحوني بهالقسم للاحتياج الوظيفي وقلة متخصصيه..وتعدد مجالات التوظيف فيه أكثر..
بصراحة لما زاكرت هالمادة استمتعت فيها:15:
*ولا ننسي ان الأرزاق بيد الخالق*

:2:أنا محتارة مابين السمعية والعقلية:2:

أوصيكم بالإستخارة فلا يعلم ما ينتظرنا من جميل الا هو سبحانه وتعالي:2:

أسأل الله لي ولكم التوفيق والسداد خصوصا أخ هتان

ولا تنسو هالفئة تحتاج إخلاص وضمير وحب لأن اللي يحسو فيه ويعانوه مو بيدهم ويحتاجو مين يساعدهم وياخد بإيدهم.. وربي إنهم مظلوميييين كثييييير.. ويارب نكون احنا اللي نساعدهم ياخدو حقوقهم وينعمو بحياة كريمة ..أسألو مجربة:19::27::1:

أحبكم في الله:16:

Manseetk

2012- 12- 31 04:14 AM

هتآآآن آنآ لو بجمع حروووف آلكون مآرآآآح آوفيييك حقك ..

Manseetk

2012- 12- 31 04:16 AM

اقتباس:

المشاركة الأصلية كتبت بواسطة أمونة وبس (المشاركة 7964816)

ربي يخلي لك بنتك ويشفيهآآآ ..
وآلف شكر على هآلمعلومآآآت آلقيمة :16:

ورده..

2012- 12- 31 04:42 AM

الله يعطيك الف الف عافيه يارب
والله يوفقك وين ما حطيت وجهك يا هتان
انا طموحي من اول ما دخلت التربيه اني اختار العقليه مع ان الكل يقول اختاري شي ثاني ومحد ايدني الا امي وخالي فديتهم بس ابغى العقليه لاني اعشق هالتخصص
الله يوفقنا لما يحبه ويرضاه ويسهل امورنا يارب :21:

سمو الحقيقه

2012- 12- 31 05:43 AM

السلام عليكم أسعدك الله هتان وكما يقال لكل مسمى من اسمه نصيب موضوع بصراحه جميل جداً وجا في وقته لك مني أحلى التحايا

@بوفهد

2012- 12- 31 06:13 AM

اخوانى اول شيء شكرا هتان /شكرا غييييير /شكرا من القلب. شكرا لاشياء كثيرة . صحيح اني فى تخصص اخر ومستوى ثاني ولكن مجهودك واضح ومواضيعك دائما تحمل قيمة حتى وان كانت لاتخصني .

ثاني شى انا ظنيت التخصص بعد المستوى الثاني ( طبعا انا علم اجتماع)
هل سوف يكون لنا تخصص اكثر فى مستوى خامس مثلكم ولا كيف ؟

ابو إلياس

2012- 12- 31 06:59 AM

ماقصرت اخي هتان والله يعطيك العافية هل يوجد تخصص تربية موهوبين :16:

جود الحربي

2012- 12- 31 07:35 AM

سمعيه ان ششاءالله :21::34:

حلمي أنجح

2012- 12- 31 07:46 AM

عقليه بأذن الله علشان خاطر ولدي:12:

جيهان بنت حامد

2012- 12- 31 07:52 AM

هتان كعادتك مميز بمواضيعك وسباق الى الخير
الحمدلله عدت على خير ايام الاختبارات :42:

بالنسبه لي اتوقع صعوبات تعلم وربنا يسهل ..

مشكور ماقصرت لك ودي :16:

ولد النماص

2012- 12- 31 07:56 AM

جاااري التفكير

جبال الروك

2012- 12- 31 09:07 AM

السلام عليكم ... الف شكر لك هتان
الله يسعدك بدنيا واخره .

طلبتك طلب هتان انك تفتح موضوع بطاقه شخصيه عنك يارجال الفضول ذابحني :g2:

نفسي اعرف عنك كل شي :42: تخصصك , هواياتك , .....

لانك بحق شخصيه رائعه وانسان مذهل وقدوه لناجميعا وتستحق ان تدرس :33:

:icon1:

بالنسبه لتخصص محتاره بين السمعيه والعقليه .

غلآ آلكوون

2012- 12- 31 09:13 AM

آلسسلآم عليكم... مآقصرت معنا يآهتآن آلله يسعدك ويوفقك يآ أخوووي:16:

آمآ بالنسسسبه للتخصص محتآإره بييين سمعيه وصعوبات تعلم والله يكتب اللي فيه الخيير:2:

*نسايم*

2012- 12- 31 11:05 AM

السلام عليكم ورحمة الله وبركاته

اسعد الله اوقاتكم

مشكوور ع طرحك للموضوع

بنسبة لي محتاره

استبعدة السمعيه لاني احس نفس ما اقدر اقدم لهفئه شي

باقي صعوبات و عقليه

بنسبه لصعوبات حسيتها ثقيله و دسمه ما هضمتها مع ان يعني لمن بتخرج يكون التعامل وتدريس ممتع وطرق التدريس مسليه وكذا

اما عقليه <<< قلت اذا دخلتها ماراح امل منها بصير عندي دافع اني اكمل لان عندنا في عيلتنا متلازمه دون والتخلف العقي فكل ما شفتهم بصير عندي دافع اني اقدم لهم شي
لكن طرق التدريس ما حبيتها ما هضمتها

واحترت

لكن بقول عقليه وبستخير واللي كاتبه ربي بصير

وشكراً مع تمنياتي لكم بتوفيق

مس نوره

2012- 12- 31 11:22 AM

(الا ياوقت ) منو قالك شهادتنا مو تربويه ؟
ياليت يابنات او شباب محد يكتب معلومه الا متاكد منها

شهادتنا تربويه 100%
افهموا معنا تربويه , احنا كليه التربيه والتربويين عادهً لكليات التربيه
الغير تربوييين يكونون كليه الاداب والطقه الثانيه :10:

بعدين على اي اساس دخلتوا التربيه وانتوا ماتدرون تربويين او لا :4:

هتونه

2012- 12- 31 11:50 AM

اعاقه عقلييييييييه ان شاء الله:1:

حنين الماااضي

2012- 12- 31 11:54 AM

اعاااقه عقليه بادن الله الا هتاان وش مسسسارك يياراجل

هيناتا

2012- 12- 31 12:04 PM

الله يوفقك يآهتان ويفتح عليك دنيآ وآخره ويحقق لك امآنيك ويرفعك لأعلى المرآتب ..
الكل في مركز الاختبار يدعيله واغلب الملازم تحمل اسمه :16:
مايمر يوم الا يدعون له ويتكلمون عن مواضيعه وتصحيحه للأسئله

وعن نفسي من المستوى الأول الى الآن بطلع الخآمس وانا مااقدر اوصل شكري وتقديري بقدر ماستفدت من نصايحه ومواضيعه ..
الف ياشكررر ياهتان على كل ماتبذله معنا من جهود :16:

.. عن نفسي كـ دراسه الإعاقة العقليه ممتعه جداَ ب النسبه لي .. لآكن كمجال وظيفي اتوقع صعب نفسياَ ومتعب بدنيياَ ..
الإعاقه السمعيه كـ دراسه غير محبذه لي .. لاكن كـ مجال وظيفي مقبول نفسياَ سهل بدنيياَ ..

........ محتإأآره لآكن ماخاب من استخإآر واستشإأآر ..

zoz55

2012- 12- 31 12:16 PM

اقتباس:

المشاركة الأصلية كتبت بواسطة شموخ انساان (المشاركة 7963777)

سمعيه ابي اطلع بالتلفزيون عادي ملون المهم تشفوني وانا مشخص واقهركم

وتحياتي للمبدع الاخ هتان

:5:نشوفك بالمربع اللي بالزاويه تحت وانت تاشر وكلن ييطقطق عليك :8:

وانا سمعية باذن الله:19:

بحة الناي

2012- 12- 31 12:27 PM

انا النيه عقليه ان شاء الله
بنات اللي حابه تدخل عقليه ترسل البن كود على الخاص نزين لنا قروب :42:
عشان نتفق على كلش من بدري :33:

وجزاك الله خير هتان على كل شي :16:

بحة الناي

2012- 12- 31 12:29 PM

اقتباس:

المشاركة الأصلية كتبت بواسطة جبال الروك (المشاركة 7967012)

:20::20::41:

roqa	2012- 12- 31 12:47 PM

اقتباس:

المشاركة الأصلية كتبت بواسطة @بوفهد (المشاركة 7965791)

مرحبا ابوفهد ..
حاسة نفسي شوي مستحية لاني مو بقسمي ..:29:

لايوجد غير التربية الخاصة ان تخصصهم يبدا من المستوى الخامس ...اما كلية الاداب بشكل عام من المستوى الثالث يبتدي التخصص..

مصدر معلومتي : عندي صديقات في التربية التقيت بهم وصرحولي بهالمعلومة مؤخرا جدا ..

قلب ودمعتين

2012- 12- 31 12:51 PM

بستخير الله والله يكتب اللي فيه خير , يعطيك العافيه , فائق ودي لك

الثريا الثريا

2012- 12- 31 01:13 PM

اقتباس:

المشاركة الأصلية كتبت بواسطة roqa (المشاركة 7969635)

اي والله حتى انا :31: بس انا اعرف في الانجلي تخصصين ترجمه و ادب انجليزي متى نتفرع في المسارات

والا التخصص ادري يبدا من ثاني ونفس شي التربيه .........

لكن المسارات هي الي تختلف بخامس مستوى

لكن الانجليش مثلا او علم اجتماع ماعندهم مسارات برابع او خامس ؟؟؟؟؟؟؟؟ متى نتفرع الى ترجمه او ادب انجليزي

جيـلان

2012- 12- 31 01:42 PM

باذن الله سسسمعيييه حابه المسسار كثييرررررا الله يوفقنااا يارب ,,, :2:

روح نجد

2012- 12- 31 02:02 PM

باذن الله سمعيه :16:

وردة 2011

2012- 12- 31 02:06 PM

محتاااااااااااااااااااااااااااااارة بين سمعيه وعقليه اذا قررررت بقولكم

قصه قهر

2012- 12- 31 02:33 PM

اقتباس:

المشاركة الأصلية كتبت بواسطة أعذب اليأس (المشاركة 7963051)

ديفكس ..:41:
اسمها فيدكس

وربي ابي منها والا بتبلشو

ههههههههههههههههههههههههههههههههههههاااااااااااااا ااااااااااي :13:

واي فشله
فيدكس الله لايفضحنا خخخخخ

ابشر ولايهمك

(بيلسان)

2012- 12- 31 02:38 PM

طيب واللي طموحه بصريه وموهوبين وش يسووي

تَفَاصِيْل

2012- 12- 31 02:45 PM

طيب متي اختيار التخصص
اي تاريخ

ابو أسيف

2012- 12- 31 02:56 PM

اقتباس:

المشاركة الأصلية كتبت بواسطة تَفَاصِيْل (المشاركة 7971615)

طيب متي اختيار التخصص
اي تاريخ

اختيار التخصص بعد النتايج

عصفورة الغروب

2012- 12- 31 03:05 PM

السلام عليكم وحمة الله وبركاته جزاك الله خير ياهتان ماقصرت دايم سباق للخير الله يكتب اجرك والله نفسي ادخل اعاقة عقليه وخايفه يقلون انها صعبه وخايفة اني مااعطيهم حقهم وهذا اهم شي مع اني لدي اخ فيه مرض الدوان ونفسي اساعده ومحتاره وش رايك

نيوتن الغامدي

2012- 12- 31 03:30 PM

انا اخترت صعوبات تعلم لاني ناوي اكمل الماجستير وحبيته لان واحد من اوخوياي متخرخ صعوبات

ومن كثر مايعلمني حسيت اني رايح ابدع فيه ونا وي انا وياه نكمل الماجستير لانه مدرس هوه
الان

αήFάѕ ~ άł ώяđ

2012- 12- 31 03:44 PM

يعطيك العافيه هتان
بصراحه الى الحين ماحددت عقليه او صعوبات تعلم ربي يسسر

جبال الروك

2012- 12- 31 03:56 PM

اقتباس:

المشاركة الأصلية كتبت بواسطة بحة الناي (المشاركة 7969355)

:20::20::41:

:16.jpg:

هتآآن

2012- 12- 31 03:59 PM

اقتباس:

المشاركة الأصلية كتبت بواسطة @بوفهد (المشاركة 7965791)

يا هلا وغلا اخوي بو فهد
لا حنا غير :8:

علم الاجتماع يدخلون تخصصهم من المستوى الثالث

هتآآن

2012- 12- 31 04:05 PM

اقتباس:

المشاركة الأصلية كتبت بواسطة تَفَاصِيْل (المشاركة 7971615)

طيب متي اختيار التخصص
اي تاريخ

مع تسجيل المقررات ..

كل شي بيتضح لكم دامنا هنا فى الملتقى يد وحده

انشلوتي

2012- 12- 31 04:06 PM

شكراً لك هتان

لكوني موظف بمستشفى حكومي

أعتقد ان اكثر تخصص قد يناسبني ( الإعاقة العقلية )
عشان اعدل وضعي الوظيفي

بس ان شاء الله تعترف وزارة الصحة بالشهادة :7:

واي شخص لديه وجهة نظر مخالفة
فليعرضها لنستفيد منه ويستفيد منا

شكراً لك هتان

نصف القمر

2012- 12- 31 04:15 PM

الله يوفقك اخوي هتان تسلم
امممممممممممممممممم
انا مادري والله بفكر وبشوف اول شي النتايج وبعدين نفكر

ماعآد بدريْ

2012- 12- 31 04:28 PM

انا حاااابه عقليه

الادميرال

2012- 12- 31 04:42 PM

الى الاخ /هتان اشكرك من اعماق قلبي ولك من اخلص الدعاء فجزاك الله خير على ماقدمت من جهود فى هذا المنتدى
بالنسبه لى انا شخصيا فأنا موظف والحمدلله ولم اواصل دراستي الجامعيه الا لطموحي وذاتي بالحصول على شهاده جامعيه ومتخصصه
اما التخصص الرغبه ان شأالله صعوبات تعلم والطموح الى الدكتوراه نسأ الله التيسير والاخلاص

الدمعة البريئة

2012- 12- 31 04:48 PM

شكرا لطرح الموضوع ذا :2:
وبكل امانه كلمة شكر قليلة بحق الاخ هتااان على كل اللي قدمه لنا
وعلى اهتماامه في دراستنا في كل المستويات اللي راحت
كان اعتمادي الاساسي بعد الله سبحانه وتعالى عليه
الله يوفقه ويباارك فيه ويجزاااه خير الجزاااء عنا جميع ...:2::16:

اما بالنسبة للتخصص فأنا كانت امنية حياااتي اعاقة بصرية :1:
من جد حلم عندي اتخصص بهالمجاال ليتهم يفتحونه
واحس اني اقدر شي بهالمجااال لاني افضله من ناحيتين (دارسته جميلة وممتعة +والتعامل مع هذي الفئة وتدريسها )..:1:

بالنسبة للتخصصات الثانية ..
فأستبعد الاعااقة السمعية رغم ان دراستها ممتعة لكن التعامل مع هذي الفئة اتوقع ماعندي القدرة ..

والاعاقة العقلية هي دراستها ممتعة وحلوة لكن ماتحمل اشوفهم واتعامل معهم قلبي يشفق عليهم ..

وصعوبات التعلم بالنسسبة لدراسة موادة اقل بكثيييير حلاوة من كل الاعااقاات ..
لكن اتوقع عندي قدرة اتعاامل معهم ..لاني انا من النوع اللي يحبون يشرحون ويكثرون الكلام والسوالف
ويظلون ورا المعلومة الين توصل وعندي طووولة باااال كبييييرة .
مبدئيا الاقرب صعوبات التعلم ..
وبستخير ربي ان شاء الله وماخاب من استخااار ..
اتمنى لو عندنا مركز اسوي دورة حتى لو بدون رااتب .. بس ماعندنا هنيا ..
ربي يكتب لنا الخيرة ويوفقنا جميع بكل تخخصصاتنا ..:2::2:

جود الحربي

2012- 12- 31 04:48 PM

وش اختبااره ؟!!

ليش في اختباار لتخصص !!!!

:31::9:

ṂṦtЯe7h ĂlβĂŁ

2012- 12- 31 04:51 PM

محتآرهه بين الاعآقةة العقليةة وصعوبآت تعلمم ..:31:

الله يكتب الي فيه الخخخير :2::2:

شكراا يااعضاء الممملتقى وكل الشكككر لأخونآ الككبير هتآآن :34::2:

@ سمو القلب @

2012- 12- 31 05:13 PM

(من لا يشكر النـاس لا يشكره اللـه)
وكل الشكر والتقدير والاحترام لأخوي هتاأن واسئل الله العظيم ان ينفع به وبعلمه جميع اخواني واخواتي الاعضاء والزوار
اما بالنسبه للمسار فا التوجه الحالي هو صعوبات تعلم لأني خرمان وعاشق تدريس وليست الرغبه النهائيه
يعني رح استشير واستخير (ولا خاب من استشار)

ضووء القمر

2012- 12- 31 06:32 PM

مساء الخير

هتآآن, يـــ هتآآآن ..... اسأل الله يوفقك ويسعدك .. ويابختنا فيك اخو مجتهد تحرص على كل واحد فينا . اصلآ انا

سميتك البابا الروحي حق الملتقى

مانوفيك حقك من الشكر والعرفان والامتنان لشخصك .. الله لايحرمنا من اخو

مثلك

انا بالنسبه ليه حابه كثير تخصص الاعاقه السمعيه وبقوووووووووووووووه واميل له كثير بس خايفه منه .

انا أختي تخصص صعوبات تعلم في جامعة عبد العزيز بجده انتظام ... ونصحتني بهالقسم .. بصراحه كمان

قالت .. يعتبر الصعوبات اسهل تخصص في التربيه الخاصه .. برغم تفوقها ماشاء الله من قبل التخصص ومازالت .

فأنا بتوكل على الله بأختار صعوبات تعلم .. وربنا ييسر للكل ويوفقهم

:2::2::2::2::2::2::2::2::2::2::2::2::2::2:

Charisma

2012- 12- 31 08:48 PM

الله يجزآك الجنة هتآن ومن سآهم معآك :2:

بالنسبة لي اعآقة سمعية ان شـآلله , لأني مآخذه قآموسين لغة الإشآرة

والحمدلله نسبتي 100% بهالقآموسين ..

شهـآدة تقدير واحترآم مني للأصم :18: عشآن تعرفون اش قد عآلمهم ممتع وصآآآآدق وبريء ..

كنت أحضر لهم بمركز مرآت قليله وحولي معآقين سمع حببوني بفئتهم كثير ..

فئة بريئة , طــآهرة , نقيه , صآدقة .. صعب أوصف المعآقين سمعيـآ لدرجة أني أبي أتعلم لغتهم

وأدرس تخصصهم عشـآن أفضل معآهم مستقبلي كله :2:

HnOsh_A

2012- 12- 31 09:10 PM

هتااان .. بجد شهاده شكر لا تفيك حقك على مجهوودك الرائع معنا ..

بالنسبه لي انا محدده مساري من اول ما تم قبولي في الجامعه وهي اعاقه سمعيه :11:بـ اذن الله ..

انا جربت جميع الاعاقات قبل ادخل الجامعه لانها كانت رغبتي ..
ثانياً اخواني اثنين اعاقتهم سمعيه .. عالمهم رائع جداً صادقين ..
لي مع الصم تقريبا 18 سنه تعاملت مع الصم من قبل اتخرج من الثنوي مع اخواني في البيت اولاً ..
بعد الثنوي امي كانت رافضه اني اروح الرياض عشان هالتخصص.. توجهت لمراكز المعاقين و تعاملت معهم وتعلمت منهم الكثير ..
وايضاً درست قاموسين اشاريين مع Charisma وكانت نسبتي ولله الحمد 100% فيها ..

رقة ورده

2012- 12- 31 09:34 PM

السلام عليكم ورحمة الله وبركاته

:16::16::16: مساكم ورد :16::16::16:

أولاً : مشكور أخوي هتان الله يوفقك دنيا وآخرة ومثل ما قالوا الاخوان اللي قبلي كل حروف الشكر والعرفان ما توفيك حقك وحق مجهودك وتعبك معنا ... فأنت الموجه والمرشد لنا بالملتقى الله يرضى عنك ويوفقك ويحقق لك اللي تمناه

:16::16::16::16::16:

ثانياً : بالنسبة للتخصص :24: كنت متحمسة حييييييييييييييييييييييل لصعوبات التعلم :18:
لكن بعد ما درستها :18: تحطمت ما هضمتها ما جازت لي ابد ابد ابد ابد :7:
والحين محتارة مدري وين اورح :12:
:24: بانتظر الين تطلع النتائج وعقبها بقرر :36:
لاني جبت العيد هالمستوى اسوء مستوى مر علي :9:
الله يوفقنا وياكم لما يحبه ويرضاه

:16::16::16::16::16:

الف شكر لكل ومن اجتهد وقدم لنا يد العون

أسأل الله لي ولكم التوفيق والسداد

¾قبور الياسمين¾

2012- 12- 31 10:38 PM

والله مالي نفس في اي مسار موجود:12::12:

اتمنى بصريه من قبل ادرس او موهوبين
:24::24::24:

شيخة الغد

2012- 12- 31 10:57 PM

بإذن الله اعاقه سمعية لوجه الله تعالى طريق الجنة بإذن الله تعالى

:15::15::15::15:

بنت غامد

2012- 12- 31 11:16 PM

جزاك الله خييير ياهتااان وربي يجعل كل شيء سويته في ميزان حسناتك باذن الله ويحقق لك ماتتمنى :1:

وربي يوفق جميع اخواني الطلاب واخواتي الطالبات لما يحبه ويرضاااه ومحد ماخذ الا اللي ربي كتبه له :2:

وبالنسبه لي راح اختااار صعوباااات التعلم اذا ربي كتب .. :3:

الله يكتب لكم جميعاً مااافيه الخير ويحقق مطالبكم ولايضيع لاحد تعب ..:16:

تراتيل المطر

2012- 12- 31 11:28 PM

يسعد مسآاك أخوي هتآان وويسسعد مسسآاءكم جميعاًا
يعطيك الف عآافيه هتآان ويجزآاك عنآا وعن الجميع كل الخير وفي ميزآان حسنآاتك يَ رب
وكل الششكر على جهودك معنآا وقفآاتك مآاتنسي ابداًا ومهمآا قلنآا مآاراح نكفي او نوفيك
نجي للتخصص
اانا بصرآاحه محتآاره في الاختيآار بين الثلآث تخصصآات بس الأكثر حيره فيهم همآا " صعوبآات التعلم - الاعآقه السمعيه "
انا ماانكر ان الوظيفه مهمه بالنسبه لي لكن انا ودي اخدم الفئه اللي في حآاجه اكثر من الثآانيه
اعاقه سمعيه تخصص جداًا رآائع وأنا كآان من زمآان ودي اتعلم لغة الأششآاره علشآان اقدر اتوآاصل مع هذه الفئه اخذ وأعطي منهآا بس مآادري اخاف ماا اقدر افلح فيهآا ويقولوا انه تخصص صعب وقليل لمن يتفوق فيه :24:
وهم صعوبآات التعلم ودي ادخله خصوصاًا لمآا تآابعت الفلم الخآص فيهم مره تششجعت لكن لحد الأن مآاني قآادره اختآار :39:
الله يكتب لنآا اللي فيه الخير

سحر العسيري

2012- 12- 31 11:35 PM

اولا اشكر الاخ هتان علي وقفتوة وجهدة معنا الله يحفظها ويوفقة يارب

ما قصر معنا ابد :2:

وبعدين اللي يقولون غير تربوية مدري شنو لالا ان شاء الله انها تربوية مدام التدريب الميداني 60ساعة يعني ترم كامل :27:

بنسبة لتحديد المسار والله الي الحين محتارة بين العقلية والصعوبات

اما السمعية لالا والف لا من بعد ما صار في الاختبار :7:

لكن احتمال كبير عقلية

والله يوفقنا يارب

:16: :16: :16:

سحر العسيري

2012- 12- 31 11:52 PM

نسيت اسال عن كم ساعة عشان اقدر اتخصص :42:

رَحيق الورد

2013- 1- 1 12:03 AM

اقتباس:

المشاركة الأصلية كتبت بواسطة سحر العسيري (المشاركة 7982060)

نسيت اسال عن كم ساعة عشان اقدر اتخصص :42:

على مااذكر 55

متفائلة بالفرح

2013- 1- 1 12:17 AM

التخصص .. و ما اادراك مالتخصص

ياجماعة الخير انا دخلت التربية على البركة .. كنت محتارة بـ ادراة اعمال و بين التربية

واستخرت كثيييير ,,, و شاء الرحمن ان اكون من طالبات التربية .. ولله الحمد << قصة حياتي هههه

بجد الآن محتارة بالتخصصااات .. مرة اقول عقلي ( لأنه شامل كل التخصصات)بس اتذكر انه فية فئات ما اقدر استحملهااا ( رحت مرة زيارة مدرسية )

الصعوبات .. كون انه تخصص يخدم طلبة عاادييين اللهم عنده صعوبة في التعلم

السمعية .. تخصص نااادر دخوله من طلاب التربية .. بس اخاف ما انجز فية

مدري .. http://www.ckfu.org/vb/images/ashwqsmile/24.png

سحر العسيري

2013- 1- 1 12:21 AM

اقتباس:

المشاركة الأصلية كتبت بواسطة رَحيق الورد (المشاركة 7982272)

على مااذكر 55

مشكووورة يا قلبي

:16:

ملح البنات

2013- 1- 1 12:25 AM

أول شيء ربي مآ يحرمنآ منك يآ هتااااان :2:

ثآنيء شيء آن شآء الله صعوبآت تعلممم :19:

رَحيق الورد

2013- 1- 1 01:10 AM

كتبت رد طويل عريض <وفجأة انقطع الاتصال وطار كل شيء:12:
لي عودة مرة اخرى للموضوع <:icon19:

علكة توت

2013- 1- 1 01:22 AM

باذن الله الاعاقه السمعيه

عصفوره بيضاء

2013- 1- 1 01:26 AM

س م ع ي ه

بحححححححححيل الللله وهتان وش مساره :42:

هتآآن

2013- 1- 1 01:26 AM

هي انتم :42:
الى يكتب وش يبى يحط الاسباب

بنت غامد

2013- 1- 1 01:41 AM

:5::5::5:

مايهمني أحد

2013- 1- 1 02:07 AM

لي باك

صقلي الأسمري

2013- 1- 1 02:32 AM

بإذن اللهـ إعاقهـ عقليهـ
و بغض النظر عن التوظيف
أحس أنو مسار ممره ممتع بالنسبه لي وبقدر أبدع فيه..

شككرا هتان :29:

جنتي أومي

2013- 1- 1 03:29 AM

جزاك الله خير اخوي هتان

الله يرفع مقدارك دنيا واخره

والله مادري

ضايعه ...بس اعرف اني اكرررررره شي اسمه تدريس واشرح والدليل تركت قسم لو درسته كنت متخرجه من كم عام ومدرسه بس ماقدررر
انا مدري شدخلني عالم التربيه الخاصه ميولي اداريه وبزنس هههههههههه شي في اداره اموت فيه زي مثلا البنوك والاحوال والاداره والشركات اميل لها اكثر

صعوبات <<مستحيل ادخله اكرهه الا اذا الله اراد

سمعيه<<حلووو جدا لاكن مالي خلق احفظ اشارات وبكرا انساها يبي لها وااااااحد فاضي لها ويبدع فيها ويكررها حتى ماينساهااااااااااا او مراح يستفيد شي
وبنسبه لمجالاتها كتوظيف العلم عند الله ثم يقولون انه قليل
لاكن مو شررررط الي يحبه انصحه يدخله لانه حلووووو هالقسم والي فيه ناس طبيعين
اممم
اعاقه عقليه مايله لها اكثر<<<لاكن متردده اخاف ماقدر اقدم لهالفئه الغاليه شي خايفه اظلم نفسي واني مايتحمل قلبي
شرايكم نروح مراكزززز ونجرب على الطبيعه ؟؟؟:31:

جنتي أومي

2013- 1- 1 03:31 AM

غيرت مستواي من رابع الي خااااااااااامس
غيرو يلا:42:

جيـلان

2013- 1- 1 03:36 AM

ههههههههههههههه طيب لو دخلتي تخصص ادارة اعمال وريحتي راسسك من التدريس :42:

وهم!	2013- 1- 1 03:52 AM

اتمنى التوفيق للجميع واﻻختيار السليم :21:

الا ياوقت

2013- 1- 1 05:33 AM

اقتباس:

المشاركة الأصلية كتبت بواسطة مس نوره (المشاركة 7968330)

يابنت الحلال قولي لا اله الا الله
وسعي صدرك زين انا ماودي اتكلم عن النقطه هذي لان الموضوع عن نوع التخصص ف مانبي نشطح ونغير السالفه حقت المسار :8:

لاكن المعلومه هذي انا ماجبتها من جيبي ولا من خيالي انا بنفسي رحت لفرع وزارة الخدمة المدنيه وكان فيه تقديم على وظائف تربويه ( تدريس ) قالت لي الموظفه بالفم المليان
بكالريوس تعليم عن بعد او انتساب شهادتهم غير تروبية ايا كان تخصصهم ماعدا الانجلش
هذا كلامها لي من قلب الحدث :25:

اتمنى يكون كلامها لي غلط ويكون كلامك صدق من كل قلبي اتمنى :18:

طمووووحه

2013- 1- 1 09:50 AM

أسعد الله صباحكم بكل خير:16:

جزاك الله كل خير اخوي هتان موضوع مشجع وكلامك عن التخصصات طمني

لاني سمعت عن نسب احتياج وظيفي قليله جداً وماتشجع:39:

بالنسبه لأختيار التخصص:34:
صعوبات تعلم ان شاءالله حبيت المادة واحس اني ببدع فيها

واذا بغير بختار سمعيه مع اني احس انها صعبه من حيث الدراسه لكن التطبيق بيكون ممتع
وفئة الصم فئة رااائعه سبق واخذة لغة اشاره مرررره ممتعه

لكن انا ودي ادخل تخصص اقدر اجيب فيه نسبه عالي لاني ناويه ان شاءالله اكمل ماجستير ودكتوراه اذا فيه لتعليم عن بعد؟؟:39:

اعاقه عقليه زمان كانت عاجبتني ونفسي ادخلها بس لما شفت فئة التوحد وداون:7:بصراحة خفت منهم مااقدر اتعامل معهم اخاف تصرفاتهم غريبه وتخوف :39:<<استغفرالله يارب اشفيهم ولا تبتلينا

والله يكتب الخير للجميع ويسر لنا التخصص الموفق.:21:

amjad

2013- 1- 1 09:51 AM

انا ابي تفوق وموهبة !!! مافي متوفر لاهو ولا توحد والله مشكلة

نصف القمر

2013- 1- 1 12:38 PM

انا احتمال كبير سمعية ليش ولمازا
اممممممممممم
انا بقولكم
عشان هالقسم اقل إصابات من العقلي والصعوبات كالحالة لان انا قلبي رهيف حيل ما يتحمل ولا ابي اظلم هالفئة الغاليه وكل شوي اجلس التعذر ما بي اقدم مصلحت نفسي عليهم هالفئة هم اهم من نفسي بنسبه لي وانا زي ما قلت قلبي رهيف ما يتحمل أشوف أطفال يعانون انا اذا رحت مستشفى ولا اي مكان عام أطقها بتشوه :12: فشلون أتعامل معهم صعبه حيل فالسمعي ممتع تتعامل مع الناس الصم وضعفاء السمع بكل الريحيه وبس أحس أني طولت صح احملوني هذرتي واجد هههههههههههههههه:13:
اشوفكم ع خير:16:

ملاك الغلا

2013- 1- 1 05:49 PM

اخ هتان تحجز الحروف عن وصفك :16:فانت ساعت كثيررر منا وحققت انجاح لنا بعد الله فاشكرا لك على جهوودك لانستطيع ان نرد لك تعبك وجهودك غير بالدعاء لك يشهد الله كل يوم ندعيلك الله يوفقك ويفتحلك ابواب الخير ورزق وسعاده ويحققلك لك امانيك وفرجها عليك يارب:16: انا محتاره بين السمعيه وعقليه انا نفسي بعقليه وامي تقول لاتدخلين لاسمعيه ولاعقليه خليك صعوبات تعلم وحترت بس فيه سوال يدور في راسي اخ هتان شو تخصصك ياليت ترد :27:

شذا الورد

2013- 1- 1 06:17 PM

س سؤال ...

لازم اكون درست مادة صعوبات التعلم في المستوى الرابع حق اتخصص صعوبات ؟؟؟

:22:

عبدالعزيزالمطلق

2013- 1- 1 09:55 PM

اولا الشكر لله اولا ثم لاخي هتان وجميع من في هذا القسم الجميل من شباب وبنات
فعلا كنتم ولازلتم خير معين لنا بعد الله سبحانه وتعالى في اكمال مسيرتنا التعليميه ومنحتمونا رغم مشاغلكم وارتباطاتكم الكثير والكثير فلكم جزيل الشكر والامتنان وجعل الله ماقدمتموه في موازين اعمالكم ونور طريقكم بالعلم ونجحكم ووظفكم ورزقكم جميعا من حيث لا تحتسبون امين يارب العالمين
ثانيا بالنسبه لموضوع التخصص هو موضوع حساس جدا ولا فيه بصراحه مجامله ورغم انني في مجال التعليم حاليا كمعلم ولكن تخصصي يختلف ( مختبرات) ولكن يقف هذا التخصص وللأسف في السعوديه عند درجة الدبلوم فحبيت اكمال تعليمي البكالوريوس في تخصص اخر وتعديل مستواي التعليمي والأن محتار بين مساري الاعاقه العقليه او صعوبات تعلم والجميع يقبل في التعليم ولكن ميولي اعاقه عقليه وما زالت متردد والاستخاره لابد منها ونسأل الله ان يوفقنا ويوفقكم لمافيه سعادة الدارين بحوله وقوته والشكر لكم جميعا .

All times are GMT +3. الوقت الآن حسب توقيت السعودية: 09:08 AM.

صفحة 1 من 2

عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه