|
تغيبت عن الاختبار
مساء الخير جميعا غبت اليوم عن اختبار الفقه والسيره لان السواق حسبي الله عليه تأخر علي وحاولت مليون مره ادخل الاختبار ولا رضو كيف ممكن اختبر مره ثانيه ..؟؟ اللي يعرف بليز يدلني شسوي والله مسدوده نفسي مالي خلق اذاكر اختبار بكره |
رد: تغيبت عن الاختبار
الله يعينك بس اتوقع تحملين الماده
تقدرين تتأكدين بالاتصال على الجامعه نفسها وخلاص لاتفكرين مو مكتوب لك تمتحنينه اليوم خيره اهم شي فكري بالقادم واتفقي مع السواق قبل الوقت بربع ساعه عالاقل :2: بالتوفيق |
رد: تغيبت عن الاختبار
من جدك احمل الماده
والله انها قهر الماده سهله بس من وين الاقي رقم الجامعه |
رد: تغيبت عن الاختبار
كلمي الجامعة يمكن تلاقين حل افضل
|
رد: تغيبت عن الاختبار
طيب وين القى رقمهم ..؟
|
رد: تغيبت عن الاختبار
ممكن احد يعطيني رقم الجامعه
لاني ماحصلته ابد |
رد: تغيبت عن الاختبار
8003030308
حرام عليك تضيعي الاختبار اليوم |
رد: تغيبت عن الاختبار
الرقم مايستقبل مكالمات من الجوال
وانا ماعندي غير الجوال مافيه رقم غيره ومو حرام علي انا مالي ذنب :12: |
رد: تغيبت عن الاختبار
قدمي عذر بعد نهاية الاختبارات
وعادي يعيدونه لك السمستر الجاي بدون رسوم يعني ماتحملينه ولا ترسبين في الماده |
رد: تغيبت عن الاختبار
من جد
الله يبشرك بالجنه |
رد: تغيبت عن الاختبار
بعد الاختبارات راح يفتحون ( ايقونة تقديم اغذار للغائبين عن الاختبار ))
قدمي عذرك وارسليه لهم وراح يعيدون لك الاختبار مجاني ولا تعتبرين راسبه ولا يأثر على معدلك ابد بس الاعاده تكون في الترم الجاي وربي يوفقك |
رد: تغيبت عن الاختبار
واياك يارب
بس العذر لازم يكون طبي ؟؟ |
رد: تغيبت عن الاختبار
اللي اعرفة انهم يقبلون الطبي علطول
عاد اعذار ثانية والله ما ادري عنها اصلا وش العذر الثاني غير الطبي اللي ممكن ترسلينه لأنهم ما يقبلون الكلام والنقاش يبون شي رسمي ويطبع ويرسل لهم |
رد: تغيبت عن الاختبار
قبل ان تقدمي عذر غير صحيح استشيري الجامعه.............راسليهم عن طريق الايميل او ارسلي لهم بالبريد الممتاز اهم شي لاتكذبي بتقديم عذر غير صحيح
|
رد: تغيبت عن الاختبار
زين قلت لي
شكراً يعطيك العافيه |
رد: تغيبت عن الاختبار
اسئلي احمد الشعيبي على تويتر عن نوعية العذر
انا شفته يتكلم عن تقديم العذر وانه راح ينقبل على طول لطالب فاته الاختبار بسبب الجدول هو اللي بيعطيك الجواب الشافي @rrr898 هذا حسابه على تويتر |
رد: تغيبت عن الاختبار
الترم اللي راح تغيبت عن مادة الرياضيات ( 2 ) لظرف طارئ
كلمت الجامعه وحاولت التواصل معهم وللأسف مافيه فائده ابداً وبعد ما انتهى الوقت كلمت احد المسؤولين وقالي بكل بساطه (( تأخرت كثير )) وكان جبتلك اي تقرير من مستوصف كنا نقدر نساعدك للأسف الاعذار لا تقبل عندهم الا بصوره رسمية ولا يقدرون اي ظرف او مشكلة للطالب هذا هو الواقع المؤلم واللي يضطرنا اننا نجاريهم فيما يريدون والمثل يقول (( اللي رجله في الماء مو مثل اللي رجله في النار )) وثقي ان اي شخص يدعي المثاليه لو حصله نفس ظرفك راح يسوي تماماً الشي اللي في مصلحته ربي يوفقك يا اختي |
رد: تغيبت عن الاختبار
اقتباس:
الاستاذ احمد الشعيبي رجل في قمة الاخلاق ويحب يساعد الجميع للأسف ماعرفت عنه الا متأخر وفي هذا الترم ولا كان حل مشكلتي في الترم اللي طاف |
رد: تغيبت عن الاختبار
الخيره فيما اختاره الله ..
بالنسبة للإختبار إن كنتِ طلبتِ الدخول قبل إنتهاء نص الوقت عليك بمراسلة الدكتور الفريدان بأقرب وقت وإن كان بعد إنتهاء نص الوقت فـ مالك عذر .. حاليا الماده تُحمَل معاك للسمستر الثاني بكامل رسومها إلا أن قُبِل عذرك يكون من غير رسوم بالتوفيق :16: |
رد: تغيبت عن الاختبار
لا حول والا قوة الا بالله
عسى بالامر خيره :21: |
| All times are GMT +3. الوقت الآن حسب توقيت السعودية: 09:03 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه