|
ودي اعرف كيف حياة المنتسب الاقتصاديه
صبااااح الخير اخباركم شمسوين
وحج مبرور وذنب مغفور للي بحجون السنه هاذي ياليتني معاهم المهم سوال جا بالي طبعا عام كذا لفرفشة وتغير جو الدراسه والزحمه طبعا كل المنتسبين سوا شباب او بنات موظفين و بعض البنات عاطلات كيف هي حياتكم الاقتصاديه بعد مادخل الانتساب فيه ورسوم جامعه وكتب وملازم وملخصات الي غيرها من اجهزة الاب توب والاجهزة الذكيه لمتابعه المسيرة التعلميه كيف قادرين توفقون بالمصاريف الحياه العامه ومصاريف الجامعه صح الرسوم ماهي كثيرة لكن في النهايه هي مصاريف وتعرفون الغلاء الي احنا فيه ورواتب المتدنيه واحنا شعب نحب الصرف شوفنا برمضان والاعياد ومواسم المدراس شي لايطاق لكن احنا شعب مكافح اخر درجه الي الرمق الاخير هههه رغم كل الظروف والعقبات والتحديات احنا واصل عاد اما البنات مصاريفهم سالفه ثانيه الا الي عاد البابا يدفع عنها وهي مرتاحه وحافز موجود اخر فله هههه انا بنسبه لي موظفه قطاع خاص صحه راتب ثلاثه ونص متدني لكن الحمد الله معتمدة علي نفسي اعتماد كامل من اربع سنين بس جد الراتب يشتكي ودي اوفر شي لكن مصاريف كثيرة من اساسيات الي ترفيه وتمشيات وبس عاد انتو قولولي كيف يالمكافحين :19::21::14: |
رد: ودي اعرف كيف حياة المنتسب الاقتصاديه
ههههههههههههههههههههههههههههههههههههههه
وش ودك تعرفين دمار وخالطه غبار المتزوج بيحريم مرته من السوق العزابي بينطق ببيته من الطفره ما دوجه ولا تمشيات |
رد: ودي اعرف كيف حياة المنتسب الاقتصاديه
اقول راتب مربوط بالتزامات لليل ماهو راتب لنك تشتغل لغيرك اخر الشهر
حسبة بسيطة لو قلنا موظف رابته مثلاً 10700 وعلية اقساط لليل نفنطها على النحو التالي 3500 قسط للبنك 2000 قسط سيارة 2500 اجار السكن 1500 فواتير الخدمات العامة ( جوال + كهرباء + هاتف ثابت ) يعني المجموع = 9500 - 10700 = 1200 المتبقي من هذا الراتب هذا وهو ما جاب مقاضي البيت :4::12: يعني من اول يوم الراتب طاااااااااااااااااااااااااااااار :23: |
رد: ودي اعرف كيف حياة المنتسب الاقتصاديه
الحمدالله على كل حال بس والله احمدالله ان الفصل القادم اخر شئ علشان ٣٠٠٠ نستفيد منها في تذاكر سفره خلاص طفح الكيل :32::32::32::32:نبغى نغير جو
بس يمكن اذا شفت ٣٠٠٠اغير رايي ومسك ارضي:8: |
رد: ودي اعرف كيف حياة المنتسب الاقتصاديه
لاوظيفه ولاحافز داجه هاجه
كل مستوى اقول منين لى ادفع وربي يسهل من عنده وادفع والحمد لله حتى يبلغ الحمد منتهاااااه |
رد: ودي اعرف كيف حياة المنتسب الاقتصاديه
ييسرها ربي الحمد لله يكفي انها في طلب العلم
يالله من الفلوس اللي تنصرف في شي ماله داعي خلها تروح في دراسه احسن لنا :34: |
رد: ودي اعرف كيف حياة المنتسب الاقتصاديه
السلام عليكم و رحمة الله
موضوع في الصميم والله حلو تعرفت ع الحياة الإقتصادية عند البعض و الله شعور جميـل انك تصرفين ع نفسك بس بالنسبة لي الله يطول في اعمارهم و يخليهم لي فديتهم والله انا بس اعطيهم معلومه عن المبلغ المطلوب دفعه و الله يسهلها من عنده عليهم و يدفعون للجامعه ولو اني اعرض خدماتي بدفع المقدور عليه 10 ولا 15 بس ابد ما يبونها ههههه تعبت نفسي :42: الله يكتب لنا التوفيـــــــق و النجاح بأعلى المعدلات تحياتـــــــي :16: |
رد: ودي اعرف كيف حياة المنتسب الاقتصاديه
نصيحة
اللي يشتكي من قلة ذات اليد اوصيكم بالصدقة،،مانقص مال من صدقة بل تزدة بل تزدة بل تزدة ولو بمبلغ بسيط والله بتجيكم بأذن الله فلوس ماتدرون من وين جت والدعاء اللهم اغننا بحلالك عن حرامك وبفضلك عمن سواك :16::16::16: |
رد: ودي اعرف كيف حياة المنتسب الاقتصاديه
اقتباس:
ما أجملها من كلمـات جعلها الله في ميزان حسناتك (( و ذكر فإن الذكرى تنفع المؤمنين )) بارك الله فيك .. الله يوفقنا لكل ما فيه رضاه و توفيقه تحياتـي لكِ:16: |
رد: ودي اعرف كيف حياة المنتسب الاقتصاديه
وضاقت ولما استحكمت حلقاتها فرجت وكنت اظنها لاتفرج
الحمدلله على كل حاااااااال اهم شئ بالموضوع اننا صرنا طلاب جامعه اخيرا بعد عنااااااااااااااء. |
رد: ودي اعرف كيف حياة المنتسب الاقتصاديه
الحمد الله على كل حاال
احمدوا ربكم يفرجها عليكم ويوسعها ان ضاقت الحمد الله على كل حال |
رد: ودي اعرف كيف حياة المنتسب الاقتصاديه
:11::11:
الله يخلي الوااالد يسدد وانا ماعليه الا انجح:42: |
رد: ودي اعرف كيف حياة المنتسب الاقتصاديه
-امممم موضوع حلو -
فعلا الجامعة غيرت كثير بالميزانية - بالنسبة للبعض 0 اما عني - انا عاطلة باطلة - وبدون حااافز بعد ) وابوي الله يحفظة ويخلية هو اللي يتكفل بكل شي - الله لايحرمني منة - المكافحين اصحاب الدوامات والعوائل - وش تسوووون ؟ |
رد: ودي اعرف كيف حياة المنتسب الاقتصاديه
انا على الله ثم حافز بس بعد شهرين راح يقطعونه عني ماادري كيف اسدد المستويات الجاية يارب تسهلها الله كريم الله كريم
|
رد: ودي اعرف كيف حياة المنتسب الاقتصاديه
الحمدالله الامور تيسر من الله سبحانه وتعالى و الامور ماشيه جيدةجدا مصارفي متوازنه والحمدالله معتمد على نفسي ومسؤل عن اهلي بعد وفات الوالد الله يرحمة ويسكنة فيسحه جناته
كل هذا من توفق الله من يريد توفيق يتبع كلامي وفي المستقبل القريب يتذكرة من اهم الاشياء على جلب الخير اذكرها لكم اول الأشياء في جلب الرزق طاعه الام في كل شي مالم تامرك في معصيه ( هذا الزمن لا توجد ام تامر اولادها في معصيه ) طاعتها في كل شي 1: في اعمال المنزل مهما كانت ( للشباب والفتيات لا تقول ما ابي اغسل مواعين انت تغسلها عشان تشتري راحت امك ) وانت تشتغل والله تحسون بسعادة والله مجربها 2: ما تقول امك مهما كان (لا) في اي وقت 3:اذا امك طلبت منك شي وانت في سابع نومة قم لا تقول ابي اكمل نومتي قم خلص شغل الذي طلبت منك تم ارجع نم ( تكمل نومتك بسعادة مجربها) لا تقصر مع امك مهما كان الامر الثاني الصدقة لوجه الله تعالي ( مانقصل مال من صدقة با تزد ) اجل لك كل يوم مبلغ بسيط لو ريال واجعله في حصاله او في مكان معين في غرفتك وكل يوم حط مبلغ الذذي تطلع منك لمدة اسبوع من السبت إلي الجمعه في يوم الجمعه خذ المبلغ لا تحسبه كم صار خذة بيدك اليمين وطلعه بيدك اليمين وتصدق فيه لو مبلغ بسيط مرة بس اجرة عظيم وتذكر دائم قول النبي ( مانقص من مال من صدقة با تزد) كل هذة الاشياء انا مجربها و الحمدالله الله فاتحها علي من كل مكان سبحان الله اذا الطريق امامي تقفل سبحان الله ثاني يوم تتسر الامور كلها اخرها الحج هذا العام نويت احج وكانت الاسعار غاليه مرة وانا ناقصني حدود 6 الف ريال وضاقت النفس من وين هذا المبلغ والحملة ما عندهم صبر اخر شهر اسدد حتي الوالدة قالت بعطيك المبلغ انا رفضت وبشدة المفروض انا اعطيها مو اخذ منها بس سبحان الله جاني اتصال قال انا بسلفك وسددني براحتك لو 200 كل شهر سدد على مهلك سبحان الله الذي اذا وعد عبده ما اخلف تيسرت لي الامور لهذا نقلت تجرتي لكم حتي الكل يستفيد وبذكر لكم قصه طويل في موضوع اسباب الرزق بس الوقت وما ادارك ما الوقت ما نقول غير الله لا يشغلنا إلا في طاعته هذا بختصار كلامي واعتذر اذا طولت عليكم في كلامي:16:ولكم مني اجمل الشكر والتقدير :16: اعتذر على الازعاج لاني طولت على صاحبة الموضوع وعليكم والسلام عليكم ورحمة الله وبركات |
رد: ودي اعرف كيف حياة المنتسب الاقتصاديه
والله يااختي موضوعك حرك غصات بآلقلب طبعا عاطله حالي حال الكل او الاغلب حرمت حالي من مصروفي ومن اشياء كثير ملابس للعيد طلعات وروحات لسنوات مقابل اجمعهم للجامعه والي جمعته فيه هالسنوات الله قدرني شريت لي جهاز حق الدراسه فقط والنت الحمد لله اخوي موفوره لنا شهور فيه وشهور لا وصادف قبل سنه طلوع حافز وحسبت بقدر اكمل كل الدراسه منها بس لللاسف اغلبها راحت على مصاريف مايعلم بها الا الله قدرت احوش منها بس لسنه فقط يعني الاترام الجايه ...؟؟؟..!!! لاني النفسيه داجه لللاخر وحطيت في بالي عشان اغير جو حياتي ان اكمل دراسه وحلمي هو الانجلييييزي ولقيت هالفرصه كنت محسبتها دراسه عن بعد بس مجانا لان الانتساب القديم جربته وماقدرت اكمل لانه متعب ويحتاج مصاريف اضعاف مضعافه واكثر يمكن من رسومه الي هالحين يعني الحال نفسه ماتغير شي بس بفلوس مامنها مفر ماباقي محل مارحت سجلت فيه لوظايف ولا به جديد طببعا الوضوع المالي لعايلتي قليل فيه اذ بقول داج تحت تحت شفتي (آلملف الاخضر) لو انقرض عندنا في السعوديه اعرفي انه انآآآآآآآآ آلسبب في انقراضه من كثر ماشريته ورحت ادرور من وظيفه لوظيفه ةتعبت ابوي معآيآ يعني حنا مانتظر صدقه ولا فلوس وحنا جالسين نبي نتوظف ونصرف ع نفسنا ولا نحتاج لاي حد ((غير انو الحين ماتنفع البنت الا الشهادهـ والوظيفه مهمين للبنت سو متزوجه او عازبه هذا سلاحها اليوم)) يعني ربك ماينسى حد ... :39: الله العالم الاترام الي بعدها كيف بسددها بتظل حرقه بلقلب مايعلم بها الا رب العباد ربي يعطيك العافيه والله يوفقك يارب ..:16:.. |
رد: ودي اعرف كيف حياة المنتسب الاقتصاديه
كلما اشتد القتال .. زادت حلاوة الإنتصار :21:
والله ان بعض الأخوة والأخوات في جهاد وربي يعينهم ويقويهم .. بس حلاوة جهادكم ان شاء الله بتحصلونها في نهاية الطريق .. شدوا حيلكم وربي يحقق امانيكم .. :16: |
رد: ودي اعرف كيف حياة المنتسب الاقتصاديه
الله يعين وييسر
اللي موظف لو راتبه ١٢٠٠ ممكن يوفر لو يدخل جمعية ٢٠٠ لكن اللي ماله وظيفة ولا شئ هذا اللي ممكن يعاني الحمد لله عو اسع فضله انا ضيعت رواتب حافز بشي ما ادري شقوا عنه ولا صحيت إلا بالأخير سددت رسوم ذا الترم والحين جالسه اجمع حق الترم الجاي رغم أني ع وجه ولادة واحتاج بعض المصاريف تعرفون الرجال يشوف اغلب احتياجاتنا مالها داعي وفشخره لكن الحمد لله متفائلة وحاه ان ربي اللي يسر لي التسجيل وسهله بيسهل الأحوال واسأل الله أن يغنينا من فضله والأخ البار الراشد صدقت بكل كلمة قلتها لكن اللي انحرم من الغالية وش يسوي الله يرحم أمواتنا واموات المسلمين |
رد: ودي اعرف كيف حياة المنتسب الاقتصاديه
الراشد
الله يجزيك الخير عن ما تقدمه لامك واهلك مثلك نااااادر فالزمن هاذا الله يرزقك من حيث لا تحتسب ويجعل ولدي بار فيني مثلك والوضع المالي اغلب العالم وضعهم صعب بس الله ييسر سواء موظف او لا فيه التزامات كثيره عالوواحد |
رد: ودي اعرف كيف حياة المنتسب الاقتصاديه
مو شرط ان جميع الطلاب والطالبات موظفين ..!
أعرف شباب كثر معنا بالجامعة عاطلين عن العمل ويدرسون بنظام الانتساب <مثلي .. يعني أنتم يالموظفين أحمدوا ربكم ع النعمة والعافية غيركم ما حصل مصروف يومة وبلشان وشايل هم رسوم الجامعة .. صحيح بعض الموظفين رواتبهم متدنية ((3000 - 5000 ريال )) ..ويصعب عليهم بجد تيسير حياتهم اليومية بل ان البعض منهم وصل عمرة 36 سنة وهو ما بعد تزوج ولا فتح بيت يالله يالله يصرف الراتب على نفسة وعساه يكفية .. يوم أفكر بحالهم أقول هذا اللي اللحين يشتغل ب3000 ريال وعمرة تعدى الثلاثين متى بيحصل وظيفة زي العالم والناس يفتح منها بيت ويكون مستقبلة ..وش بقى من شبابة بعد الثلاثين ..! أما الموظفين اللي رواتبهم توصل للعشر الاف وتتعداها ويقول ما تكفيه ..! بصراحة أتعجب وأستغرب منهم ..!!!!! لابد ان الانسان يقدر مصاريفة على حدود راتبة ولايرفع رقبتة فوق واجد لأنها بتنكسر ويأكل هوا ...!! |
رد: ودي اعرف كيف حياة المنتسب الاقتصاديه
انا من حافز ادخرت حق سنه ونص والباقي بجمع من مصروفي وبضغط على نفسي عشان الشهادة
بس والله ثم والله أني متأكدة ان ربي بيسرها ويسهلها لنا لانه كتب لنا ندرس بهونها علينا لا حياة مع اليأس ولا يأس مع الحياة:16: |
رد: ودي اعرف كيف حياة المنتسب الاقتصاديه
اما انا لي قرابه سنه ادور وظيفه هذا كله بس عشان ادفع رسوم الجامعه ولحد الحين مالقيت وان شاء الله ربي يسهلها
|
رد: ودي اعرف كيف حياة المنتسب الاقتصاديه
اقتباس:
الله يجزاك الفردوس الاعلى من الجنه و جعل ولدك بار فيك يارب العالمين والله يجزاكم كل خير وانا ما قلت هذا الكلام رياء و العياذ بالله انا قلت هذا الكلام لكم لكي افيدكم من واقع تجربه لان ما اريد احد ينحرم من البر امة لانها اول شي عبادة الله وتقرب لي والثاني تيسير الامور في الدنياء و الاخرة |
رد: ودي اعرف كيف حياة المنتسب الاقتصاديه
موضوع مٌنتازززز :13: انا اول مستوى ابوي سدد بس المستوى الثاني سددت من حافز وابوي كمل الناقص :43: عشان اخفف عليه لان صعبة يسدد رسومي ورسوم اختي فقررنا ا نا واختي نسدد 2000 من حافز وابوي يكمل الناقص.. ولا تنسوين قول رسولنا الكريم عليه افضل الصلوات والتسليم وعن أبي هريرة رَضِيَ اللَّهُ عَنهُ أن رَسُول اللَّهِ http://upload.wikimedia.org/wikisour...%D9%85.svg.png قال: (ومن سلك طريقاً يلتمس فيه علماً سهل اللَّه له طريقاً إلى الجنة) رَوَاهُ مُسلِمٌ. :16: |
رد: ودي اعرف كيف حياة المنتسب الاقتصاديه
والله أن هذي المواضيع تهز البدن :22:
ولكن يجب تصعيد موضوع الاخوات والاخوان نحن اكبر دوله نفطيه اقل شئ ان لايعاني ابناء هذا الوطن الطيب المعطاء من تلك الامور ولو نقترح حساب يوضع فيه ٥٠ ريال من كل منتسب مقتدر لمساعده اخوته ويعتبرها صدقه تدفع عنه وعن اهله كل مكروه وليكن الحساب باسم الجامعه للمصداقيه ومن ثم يتم الترويج له ليتم دعمه من التعليم العالي كالمنح الداخليه ومن أهل الخير فرج الله لكم كل كربه محبتي للجميع .:16: |
رد: ودي اعرف كيف حياة المنتسب الاقتصاديه
اسأل الله أن ييسر على كل مسلم و مسلمه ..
صدقوني إن مع العسر يسر .. اسأل الله ان ييسر لي و لكم امورنا في الدنيا و الاخرة يارب العالمين ... |
| All times are GMT +3. الوقت الآن حسب توقيت السعودية: 09:22 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه