|
استفسار : ليش الجامعه حددت النسب للقبول
السلام عليكم
اخواني واخواتي ابي اعرف ليش حددوا النسب بعد التسجيل ليش ماقالوا لنا قبل التسجيل انه فيه نسب لكل تخصص كان والله ريحت راسي ولاسجلت بهالجامعه حسبي الله ونعم الوكيل ليش خلونا نعيش على امل ضايع . يعلم الله اني فرحت انهم يقبلون اي نسبه لكن انصدم بنتايج القبول انهم يقبلون الاعلى نسبه!. انا طيب نسبتي فوق الستين وشهادتي علمي ومتخرجه من كلية المجتمع اكثر من اربع سنوات ولااستفدت شي استبعدوا الدبلوم من مكرمة الملك وربي اني فقدت الامل بشهادة الدبلوم اللي مالها مستقبل قلت خليني ادرس انتساب عشان اخذ شهادة البكالوريس لكن اليوم اتفاجئ وانصدم وانصدم انهم ماقبلوني !!! بالله وش اسوي مع هالحظ احس ان كل الابواب تقفلت بوجهي كان اخر امل وحلم لي اني ادرس بجامعة فيصل كان حلمي اخذ هالشهاده واتوظف واساعد اهلي وافكهم من مذلة الضمان اللي عايشين عليه حرمت نفسي من كل شي وقعدت اجمع بحافز عشان ادرس بالجامعه وادفع رسومها وبالاخير خلاااص مافي شي آآآآآآآآهـ بس ياالقهر اتمنى من الجامعه انها تلغي قرار النسب وتقبلنا بالجامعه تكفون الغوا هالقرار واقبلونا :Cry111: |
رد: وش اسوي نفسيتي حيل اتعبت
اختي اللي اعرفه ان النسب السنوات اللي قبل توقفت على 60%
دليل انهم قبلوا اغلب الناس لا تيأسين تفائلي وكلميهم بعد شوي اساليهم |
رد: وش اسوي نفسيتي حيل اتعبت
وعليكم السلام ورحمه الله وبركاته..
اذا اقفلت امامك كل الابواب...!!! تبقى باب مازال مفتوح.. الله فوقنا وفوق الجميع.. ارجعي له صدقيني ماراح يخيب املك ابداً... وماتدري يمكن تنقبلين بالجامعه بس ماتحصلي وظيفه .. خلي املك بالله اكبر ما تنهيدات تقال.. قول ياللهم ارزقني خيراً منها وعوضني افضل منها .. وكون عوناً لي.. الله يوفقك ي رب |
رد: وش اسوي نفسيتي حيل اتعبت
حطــي أملك فـآآلله ان شـآآء الله فييه دفعـــه ثانيه تنقبلين خليك اقووى من كذا لا تيأأسين ان شاء الله ربي يكتب لك ولي الخيرر وللجميع القبوول |
رد: وش اسوي نفسيتي حيل اتعبت
تفائلوا بالخير تجدوه انا متأكد ان فيه دفعات قادمة مثل كل ترم النسب المعلنه هذه من توقف عليها الاعلان وان شاء الله فيه دفعات قادمة شيكوا بين فترة واخرى على رابط الاستعلام وفالكم التوفيق :106: |
رد: وش اسوي نفسيتي حيل اتعبت
الله يجبر بخاطرك ويعوضك خير
كثير يقولون فيه دفع ثانيه وثالثه بتنزل شيكي بين فتره وفتره وان شاء الله تبشرينا وسجلي بجامعه الملك عبدالعزيز يمكن يكون لك نصيب هناك التسجيل باقي ماقفل هو نفس نظام جامعة فيصل بسرمدري وين اختبارهم يكون استفسري وحاولي تسجلين قبل لاينتهي التسجيل الله يوفقك |
رد: وش اسوي نفسيتي حيل اتعبت
السلام عليكم جميع الكل يهدا وعلى قولتهم ريلاكس يعني لا احد يشيل اي هم عن القبول راح تنقبلون كلكم وراح تشوفون يعني اللي ماجاء له قبول الان راح يجي له القبول الفترة الجاية فهدوا انفسكم ولا احد يعور قلبه ويزعل نفسه يسعدكم ربي جميع وفالكم التوفيق يارب :106: |
رد: وش اسوي نفسيتي حيل اتعبت
أسأل الله أن يسهل لكل الذين لم يقبلوا ويوفقهم ولا تيأسوا ولا تنسوا :
عمر بن الخطاب رضي الله عنه ، أن رسول الله صلى الله عليه وآله وسلم قال : " لو أنكم توكلتم على الله حق توكله لرزقكم كما يرزق الطير تغدو خماصا وتروح بطانا " |
رد: وش اسوي نفسيتي حيل اتعبت
الحمدلله على كل حاااااال
|
رد: وش اسوي نفسيتي حيل اتعبت
لا تيأسي
انا على حسب ما اسمع في دفعه ثانية الصبر يمدحونه الوقت هذا و عسى الله يكتب لك الخير |
رد: وش اسوي نفسيتي حيل اتعبت
الله يجبر بخآآطرك
ولاتزعلي نفسسك :icon9::icon9: اذ البابا ياخذ ضمان يدخلوكي بدون رسوم اي(فلوس) الله يفتحهـآ بوجهك ويبشرك بالقبول |
رد: وش اسوي نفسيتي حيل اتعبت
الله يوفقك ويفتح بصيرتكك اممممممين
وانشالله تفرحين وتفرحينا بنتيجة قبولك |
رد: وش اسوي نفسيتي حيل اتعبت
وعليك السلام
الصبر عاقبته خيرا وان شاء الله يكون فيه دفعات اخرى وتنقبلون جميعكم وفيه فرصة اخرى الفصل الثاني اذا الله ماكتب لك نصيب في الفصل الأول الله يوفق الجميع |
رد: وش اسوي نفسيتي حيل اتعبت
الحمد لله الله يسمعك يقولك مصيبه والله خيره انا نفس الشي اول ماسجلت ماقبلوني زعلت وجاني احباط وحالتي حاله بعد اسبوعين وانا جالس في البيت جتني رساله تم قبولك الحمد لله بعد فيه اكثر من جامعة قدمي والله الامر خيره باذن الله الزعل مايفيييد ابد اسال الله لك التوفيق |
رد: وش اسوي نفسيتي حيل اتعبت
//
لاتيأسي مآتدرين وين الخيره فيه ومثل مآقالوا ان شااءلله تنقبلين بالدفعات الجديده , وعشان الضمان درآستك بتكون ع حساب الجامعه بدون رسوم الله يكتب لك اللي فيه خير لك :004: |
رد: وش اسوي نفسيتي حيل اتعبت
الله يعوضنا كل خير بحاول اسجل بجامعة الامام ان شاء الله
اشكركم اخواني واخواتي على مشاعركم الطيبه الله يوفقكم ويوفق الجميع تحياتي :rose: |
رد: وش اسوي نفسيتي حيل اتعبت
انا رايح لمستوى رابع وعند التسجيل بالجامعة ما انقبلت على طول وضاق صدري مثلكم لكن ولله الحمد قبلت بالدفعات الثانية
نقول ان شاء الله تنقبلون معانا |
رد: وش اسوي نفسيتي حيل اتعبت
استعيني بالله واكثري من الاستغفار وباذن الله تقبلين وراح تبشرينا بالقبول بإذن الله تعالى.
|
رد: وش اسوي نفسيتي حيل اتعبت
انا كل م دخلت هالمنتدى وانا بس اضحك :)
احس ان هالجامعه حرام فيها اسم ( جامعه) قالبينها ابتدائي من الفوضى اللي فيها والقرارت اللي م يصدرونها الا وهم نايمين :) جامعة الامام فيها دوره تأهيليه وتدفعين رسومها وعاد انتي وحظك ي تنقبلين ولالا |
رد: وش اسوي نفسيتي حيل اتعبت
الله يكتب لج الخير وقوولي خيرهـ والله يوفقج:106:
|
رد: وش اسوي نفسيتي حيل اتعبت
اختي والله حتي انا مثلك مانقبلت ولا جاني قبول في اي جامعه اقدم عليها بحياتي لانه ماعندي واسطه بس صدقيني مكتوبه كذا وشو نسوي عاد الله المستعان
|
رد: وش اسوي نفسيتي حيل اتعبت
اختي العزيزة الله يكتب لك اللي تتمنينه يا حي يا قيووم
يقول الشيخ الشعراوي (عندما لا تنجح في امر ما فاعلم ان الله -سبحانه وتعالى -يعلم ان هذا خير لك -اما لانك غير مستعد له بعد -او لانك لن تقدر على تحمله الان -او لان هناك قادم افضل لك فارض بما كتبه الله لك وابتسم ولا تعجز ) |
رد: وش اسوي نفسيتي حيل اتعبت
الله يرزقنا من حيث لاندري ولا نحتسب :106::106::106: |
رد: وش اسوي نفسيتي حيل اتعبت
يااااقلبي تري مو نهايه الحياه والفرص قدامك كثير وان شالله تنقبلين بدفعه الجااايه يلا نتظرك معانا ان شالله الترم الثاني والله لو اطلعنا علي الغيب لاخترنا الواااقع وكلي امرم للحي القيوم والله ماراح يخذلك |
رد: وش اسوي نفسيتي حيل اتعبت
قولي الحمدلله على كل حال وربي يوقف معاك ويساعدك ويفر حك باللي تتمني ان شاء الله ربي يسهل لك اللي تبين ويوفقك والمسلمين أجمعين يارب
|
رد: وش اسوي نفسيتي حيل اتعبت
تصدقون ياخواني انا من 11 سنه اقدم علي الجامعات هذي ولا جامعه قبلت اهلي وربي مع العلم نسبتي في 71 وكسور يعني اكيد نسبه حلوه وجيد في تخصصات تقبلني لهذي النسبه لكن الحين بعد الجامعتين الي قدمت فيها الملك فيصل والجامعه الاكترونيه ولا قبلوني غسلت يدي من لتعليم خير شر والله ,,, مو مساله احباط مساله انه الامور كل مالها تزيد تعقيد ,, علي فكره ياخوان تدرون وشو معني الانتساب المطور والتعليم عن بعد معناه انه الجامعه تقبل الطالب الذي نسبته من فوق 60% غصب عنها لانها كاتبه اولا الشروط هذي في شروط التسجيل ثاني شي طلاب الانتساب يكونون متخرجين من اعوام قديمه ولا اكملوا دراستهم بسبب انشغالهم بامور الدنيا والمعيشيه واشتغلوا من صغرهم مثل حالتي فتتاتي الجامعه لكي توفر لهم المستقبل والمساعده انا الي اشوفه الجامعه بدت تفهم الانتساب غلط وصارت تقبل الطلاب والطالبات الي نسبهم تدخلهم جامعات حكوميه انتظام هههههههههههه وربي لاتعليق من جد في الجامعات باوربا عندما تسجل عن بعد وانت في بيتكم الان يقبلونك ولا يناظرون في نسبتك بس المشكله احنا نبعد عن هذي الجامعات ليه ؟؟ لانك لو تخرجت بعض الجامعات معترف فيها والبعض لا وتدخل في دوامه الاعتراف والا اعتراف ففضلنا جامعاتنا السعوديه لكن جامعاتنا لما تساعدنا بتاتا وطردتنا من اوسع الابواب ,,, الي اقوله حسبي الله ونعمه الوكيل لك وحدك يارب العالمين اعلم اني عبدتك ولم اشرك بك احدا واشهدوا انا محمد عبدك ورسولك المصطفي خير الانام فعشان كذا ياخواني واخواتي ريحوا اعصابكم وارتاحوا فالبلاء ليس منكم انتم والله البلا من الجامعات نفسها والتخطيط العشوائي وانا متاكد لو انقبلتوا في الجامعه سوف تتفوقون دراسيا وعلميا افضل من الذين جابوا نسب بالثانويه لاني مجرب الشي هذا بسبب حرمانكم الدراسه من صغركم لكن ادعوا الله لكم اولا ولي ثانيا ان ييسير امرا اخوكم العبد الضعيف بحر الكلام |
رد: وش اسوي نفسيتي حيل اتعبت
اقتباس:
11 سنه الله يعوضك يارب خذ لك دبلوم ينفعك |
رد: وش اسوي نفسيتي حيل اتعبت
اقتباس:
|
رد: وش اسوي نفسيتي حيل اتعبت
يارب ننقبل ادعو لنا |
رد: وش اسوي نفسيتي حيل اتعبت
لاتيأسي حبيبتي
انا يوم بدت الدراسه اول اسبوع زوج اختي قدم لي من الجامعه هناك وقبلت :004: والله يكتب لك الي فيه خير |
| All times are GMT +3. الوقت الآن حسب توقيت السعودية: 12:49 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه