|
طالب في الجامعه العربيه بيحول الى جامعه فيصل هل تنصحوني
السلام عليكم
انا طالب في الجامعه العربيه ابي احول لجامعه الملك فيصل وابي اعرف بعض النقاط اتمنى تفيدوني انا تخصصي حاسب وسمعت انه بيفتح عندكم على الفصل الجاي طبعا عن بعد كم يعادلولي ساعه؟ كيف نظام الاختبارات عندكم طبعا الي عن بعد هل هي مقالي او غير كذا؟ الدراسه كيف تعتبر سهله والامعقده مثل جامعتنا:017:؟ هل تنصحوني احول لها والا اجلس بجامعتي ابد ماقدرت امشي بهالجامعه راح تعبي وفلوسي على الفاضي |
رد: طالب في الجامعه العربيه بيحول الى جامعه فيصل هل تنصحوني
هلا اخوي هو صح يقوول انه يفتح وان شأء الله نقول ..الجامعه الملك فيصل مايعادل من الجامعه العربيه ..الاختبارات هيا اسهل بكثير واختياره الاختبار ويجيب من اللي أنت درسته مو من بره ..أنا انصحك تحول وأنت براحتك واتسخير ربك ...أنا كنت في الجامعه العربيه وصراحه في فرق كتير والحمد لله مرتاحه كتير ماتحس انه تعبك ومجهودك يروح هدر ..مو زي الجامعه العربيه مهما تدرس يجيب الواحد درجة النجاح والاسئلة بحيل مقعده ..موفق يارب
|
رد: طالب في الجامعه العربيه بيحول الى جامعه فيصل هل تنصحوني
اقتباس:
بقولك عن نظام جامعتنا .. الاختبارات كلها اختيارات متعدده وعلى حسب دكتور الماده اذا حبيب سهله واذا لا ذاكر زين يعني لو شديت على نفسك بس قبل الامتحانات شهر ونص راح تنجح بفلل ماارك وممكن تنجح بمعدل متوسط اذا بديت قبل الاختبارات باسبوعين اوثلاثه يعني الدراسه مريحه نوعا ما بس يبي له متابعه مع البلاك بورد بالتوفيييييق لكك:106::106: |
رد: طالب في الجامعه العربيه بيحول الى جامعه فيصل هل تنصحوني
يأخوي أنت بالضبط وين تدرس الجامعه العربيه المفتوحه يعني بالسعوديه أو الخليج
|
رد: طالب في الجامعه العربيه بيحول الى جامعه فيصل هل تنصحوني
اهلا بك بيننا ونسال الله ان يلهمك الصواب وتختار الاصلح لك .
انت فيما يبدو قد اتخذت قرارك بالالتحاق بجامعتنا وتحتاج التشجيع فقط فما بعد ضايع الجهد والمال في جامعتك شيء يسوى . التخصص اسمه تقنية المعلومات وهوتخصص جديد لانملك عنه معلومات اكيدة والاختبارات عندنا اختيار متعدد ولدينا 30 درجة للمشاركة كهدية من الجامعة والدراسة بشكل عام اسهل بكثير من جامعتكم فقد كنت طالب هناك قبل الاعتراف بها من اول يوم فتحت وعانيت كثيرا من طريقتهم . وللتذكير الدسجيل سيبدأ عندنا في 5 رمضان ولغاية 11 رمضان والمعادلة تبدا من الترم الثاني نسال الله للك التوفيق والسداد |
رد: طالب في الجامعه العربيه بيحول الى جامعه فيصل هل تنصحوني
اقتباس:
وعليكم السلام ورحمة الله وبركاته ،،، بالإضافة إلى ماتم ذكره في الإجابات السابقة فإن جامعة الملك فيصل لاتُعادل أي مادة من مواد الجامعة العربية المفتوحة . بالتوفيق للجميع ... |
رد: طالب في الجامعه العربيه بيحول الى جامعه فيصل هل تنصحوني
متى نسمع خبر تقفيل الجامعه العربيه المفتوحه :biggrin:
انصحك بالتحويل لجامعه الملك فيصل للاسف مواد العربيه ماتتعادل وبالنسبه للتخصص زي ماوضحوا لك الطلاب جديد وماعندنا معلومات عنه موفقّ |
رد: طالب في الجامعه العربيه بيحول الى جامعه فيصل هل تنصحوني
ماقصرتوا يعطيكم العافيه
بس انا خلصت مايقارب 50 ساعه ماتتوقعون يعادلولي ابد وكم تقريبا راح اخذ بالتخصص دراسه الحاسب عربي والا انجليزي |
رد: طالب في الجامعه العربيه بيحول الى جامعه فيصل هل تنصحوني
نصيحة لوجه الله تعالى لا تحول ع جامعتنا افضل خيار لك هو الجامعة السعودية الالكترونية تسجيلها برمضان وشهادتها تعادل الانتظام بالخدمة المدنية وممكن لو تجتاز اول سنة بتفوق تشملك المنحه وتدرس ببلاش استخيييييييير ولااا تنساني من دعائك |
رد: طالب في الجامعه العربيه بيحول الى جامعه فيصل هل تنصحوني
احول عندنا :d5: والله هنا متعة وفائدة بس ذاكر الملازم لي هنا في المنتدى وكان الله غفور رحيم وشوف التسهيلات كيف تكون احبك ياجامعتي المحترمة احلى شيء جامعة الملك فيصل:106::004:لاتتردد ولا بلحظة بالتوفيق:53:
|
رد: طالب في الجامعه العربيه بيحول الى جامعه فيصل هل تنصحوني
تبي رآيي ((إنحش)) |
رد: طالب في الجامعه العربيه بيحول الى جامعه فيصل هل تنصحوني
أستخير و الخيره فيما إختاره الله لك الله يكتب لك الخير و التوفيق بأي جامعه :106: |
رد: طالب في الجامعه العربيه بيحول الى جامعه فيصل هل تنصحوني
والله ماينجلس بالجامعه العربيه كسرت ظهورنا واخرتها راسبين ولاتجي تبي تشوف اجابتك
طيب لو بعادل المواد متى اعادلها مع التتسجيل |
رد: طالب في الجامعه العربيه بيحول الى جامعه فيصل هل تنصحوني
وهل اقدر اخذ اترام صيفيه عشان اخلص بدري احس كرهت الدراسه من الجامعه العربيه
|
رد: طالب في الجامعه العربيه بيحول الى جامعه فيصل هل تنصحوني
اقتباس:
|
رد: طالب في الجامعه العربيه بيحول الى جامعه فيصل هل تنصحوني
اقتباس:
اذا توك بالبدايه ولاتعمقت بالتخصص في العربيه فالحق وحول !!! انا كنت بالعربيه سنه ونص وانا مواد عامه !!! الحمدلله لحقت على نفسي وحولت جامعة فيصل افضل بمليون مره من العربيه!!!! من ناحيه الدراسه احس اني جد جالسه ادرس بفيصل بالعربيه كنت احفظ بدون فهم بس عشان اختبر وانجح ومعدلي كان نازل مررره :sm1: ثانيا فيصل شهادتها افضل :004::004: العربيه همهم بس الماديات وودهم لو تعيد الماده مية مره عشان يسحبون منك فلوس وبالنهايه كلهم شهاداتهم تعليم عن بعد واللي يقولون لك انحش من فيصل بلاهم ماجربوا العربيه ونظامها ويحسون بالنعمه اللي هم فيها !!!:sm5: بالتوفيق |
رد: طالب في الجامعه العربيه بيحول الى جامعه فيصل هل تنصحوني
آلححين فيه تخصص تقنية المعلومآت اسمع عنه ُ,,,
بس هل بينزل هالترم ولآ اسجل ادآرة وآذآ نزل احول عليه ؟ |
رد: طالب في الجامعه العربيه بيحول الى جامعه فيصل هل تنصحوني
ماهي شروط معادلة المواد ؟ 1/ أن تكون المادة من المواد الموجودة في الخطة الدراسية لتخصصك: معنى ذلك أنك لاتستطيع معادلة مادة ليست موجودة في الخطة الدراسية لتخصصك ، حتى وإن كانت هذه المادة موجودة في تخصص آخر في الجامعة . 2 / تماثل عدد الساعات : يجب أن تتساوى عدد ساعات المادة التي نجحت فيها في جامعتك أو كليّتك السابقة مع عدد ساعات المادة التي تريد أن تعادلها في جامعة الملك فيصل أو أن يكون عدد ساعاتها أكبر من عدد ساعات المادة المماثلة لها في جامعة الملك فيصل . 3 / التقديم في الموعد المحدد لمعادلة المقررات : التقديم على معادلة المواد يوجد له تاريخ بداية ونهاية ، وهذا الموعد تستطيع معرفته من خلال دخولك على التقويم الدراسي . 4 / أن تكون المواد التي تطلب معادلتها في تخصصك موجودة في المستوى الثاني فأعلى : المواد التي تدرسها في ترم القبول (الفصل الدراسي الذي تم قبولك فيه) هي مواد إجبارية يجب أن تدرسها حتى وإن كنت ناجح فيها في جهة دراسية أخرى بدرجات عالية . حين تقدمك لطلب المعادلة يجب أن تنظر إلى الخطة الدراسية لتخصصك ، وتبدأ في إختيار المواد الموجودة في المستوى الثاني في الخطة الدراسية وتتقدم بمعادلة ما نجحت فيه سابقاً منها . بعبارة أخرى : مواد ترم القبول هذي انساها ماراح تتعادل لك حتى لو كنت ناجح فيها من قبل ، لازم تدرسها . 5/ أن لايقل معدل المواد التي تريد التقدم بمعادلتها عن c المواد التي نجحت فيها بتقدير أقل من c لاتتم معادلتها . 6/ المعادلة تكون كحد أقصى لـ 15 ساعة فقط وليس أكثر من ذلك . |
رد: طالب في الجامعه العربيه بيحول الى جامعه فيصل هل تنصحوني
توكل على الله وحول
وباالتوفيق باااااااااااااااااااااااااااااارب |
رد: طالب في الجامعه العربيه بيحول الى جامعه فيصل هل تنصحوني
أنا ما قريت الموضوع عدل بس اذا انت توك بالبدايات انقل افضل لك
بصراحة جربت الجامعة العربية كورسين وما تنفع مرة دراستها معقدة وصعبة جدا ويحاولون يضعون الف مطب امامك وجامعة الملك فيصل افضل منها مليون مرة على ان الجامعة فيها مشاكل ومحد راضي عنها بس تبقى افضل من الجامعة العربية |
رد: طالب في الجامعه العربيه بيحول الى جامعه فيصل هل تنصحوني
خليك على مجنونك لا يجيك اجن منه
حرام تضيع عليك 50 ساعه كذا لأن فيصل ماراح تعادل لك اي ماده بالتوفيق |
رد: طالب في الجامعه العربيه بيحول الى جامعه فيصل هل تنصحوني
من جد بس استخير
حرام 50 ساعه تروح وفالك التوفيق |
رد: طالب في الجامعه العربيه بيحول الى جامعه فيصل هل تنصحوني
المعادله حد اقصى 14
الجامعه الالكترونيه |
رد: طالب في الجامعه العربيه بيحول الى جامعه فيصل هل تنصحوني
كان الله في عونك
أنا كنت في الجامعة العربية والله من حولت على فيصل قسم بالله مرتاح نفسيا وماخذ حقى في الدرجات وتغيرت حتى نفسيتي للدراسة لكن شف الجامعة الأليكترونية أذا لقيت تخصص يناسبك رح لها وأنت مغمض لأن انجليزيتك كويسة على أعتبار انك منهي 50 ساعة بالعربية أذا مالقيت التخصص تعال لجامعة الملك فيصل قسم بالله لتدعي لكل من قالك بها الموضوع أنحــــــــــــــــــــــــــــــش من العربية |
رد: طالب في الجامعه العربيه بيحول الى جامعه فيصل هل تنصحوني
الجامعة السعودية الالكترونيه ماهي ضمن الجامعات المعتمده في وزاره التعليم دخلت على موقعهم ماهي فيه ابد
|
رد: طالب في الجامعه العربيه بيحول الى جامعه فيصل هل تنصحوني
انا درست في الجامعه العربيه وضيعت كثير من وقتي فيها
دراسه صعبه واسئله اصعب وفلوس تطير وبدون فايده من اول ما سجلت بفيصل وانا مرتاحه ومعدلي مرتفع وادخل الامتحان وانا ضامنه بعد الله سبحانه 30 درجه في يدي نصيحه لوجه الله ادخل جامعة الملك فيصل لا يضيع باقي عمرك في جامعه راح تلطش كل ما في جيوبك موفق يارب |
| All times are GMT +3. الوقت الآن حسب توقيت السعودية: 06:37 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه