ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   الجامعه اتصلت علي اليوم ..وقالت لي !!!! شرايكم انتوا ؟ (https://vb.ckfu.org/showthread.php?t=347096)

Ambition 2012- 6- 30 02:31 PM
الجامعه اتصلت علي اليوم ..وقالت لي !!!! شرايكم انتوا ؟
 
مسائكم ورد

المهم بدخل في الموضوع داااااااااايركت

اليوم الجامعه اتصلت علي بخصوص الخطاب الي رفعته للعميد بخصوص نقس 3 درجات مشاركه من ماده التقويم التربوي

قالي ان المشاركات ماراح تتعدل لان شيكوا على نظام البلاك ولقوا نقص في مشاركاتي

قلت له طيب حملت وشاركت 3 مرات معقوله ماحسبو لي ولا مره

قالي انا رسول اتصل عليكم مابيدي شي ..علي بس اخبرك انهم ماراح يعدلونها

طيب الحين شرايكم ...اسكت واخليهم يولون ..او اراجعهم مره ثانيه

والله ماتلاججت ولا تكلمت معاه يكفي قلبي فيه ورمه من هالمرابطات الي مدري على وش

قوقوا لي شنو اسوي .....شوركم علي

البريئة2 2012- 6- 30 02:33 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
راجعهم مرة ثانية لا تخليهم

خلدون-2010 2012- 6- 30 02:34 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
انا اقول انسيهم انا ناقص على 3 درجات , ووحده 2 وما راجعتهم
انتي بكيفت اذا عندت طولت بال استمري

البريئة2 2012- 6- 30 02:34 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
يا اخوان اقترح ان نرسل خطاب ثاني بعد ونحط المزيد من التوقيعات والارقام الجامعية

Ambition 2012- 6- 30 02:41 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
مشكوره البريئه

خلدون انا يهمني المعدل اكثر من اي شي

والثلاث الدرجات تسوي فرق شاااااااااااااااااااسع

وانا ماقدمت الا لاني واثقه اشد الثقه اني حملتهم ولاني شيكت عليهم بعد اكثر من مره ...يعني متأأأأأأأأأأأأأأأأأأأأأأأكده..

بخلي احد من اهلي يراجعهم شخصيا هناك

لي اكثر من 10 ايام من رفعت الخطاب توهم اليوم يردون شلون لو ارفعه ثانيه يبيلهم لرمضان يردون علي

خلدون-2010 2012- 6- 30 02:44 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
ودي اعرف القطو وش شايف عشان عيونه تطلع :cheese:

Ambition 2012- 6- 30 02:57 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
منصدم من عمايل الجامعه :sm5:

انفاس مشرقة 2012- 6- 30 03:50 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
وين ارسلتي الخطاب

انفاس مشرقة 2012- 6- 30 03:51 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
وصدق ياخذون فلوس ع التضلم

السااااهر2 2012- 6- 30 03:59 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
واااصلي في التظلم

ونصيحه لو احد يرووح او تروحين انتي لمقر الجاامعه راااح يتسااااعدوون معك >>>وهذا الكلام ع مسؤوليتي بس اللي يجيهم يكوووون ملسن >> :10111:>>>>>> يعني يعرف يتكلم معهم ويحااااورهم زين :biggrin:

زقم نملة 2012- 6- 30 04:14 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
:139: لا لا لا ما انصحك لا يروح احد يتلاسن معهم ولا انتي ترفعين مره ثانية رأيي لك هو انك مره ثانية يعني المستوى القادم بإذن الله ركزي زين وانتي تشاركين واحرصي انه اول بأول تشاركي مش لابقى على الاختبارات اسبوع صرتي تشاركين بعدين حطي لك ورقة بأسم المادة وخانة للنقاش وخانة للمسجلة وللواجب وللمباشرة وهكذا وكل ما خلصتي مشاركة في شي اشطبي عليه وانا متأكدة انك ان شاء الله راح تاخذي الدرجة كاملة . والله يوفقك

السااااهر2 2012- 6- 30 04:19 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
كلامي يازقم نمله

مو ملاسنه يعني واااحد مصري كلام ممنسق وسلووووب :10111:

قلب ودمعتين 2012- 6- 30 04:22 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
الله ييسر أمرك , فائق ودي لك

هنـــاء 2012- 6- 30 04:30 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
انااا ابي اراسلهم اعطوووني الطريقه بليييز

ارسلوها لي خاااص


تكفوووووووووووووون :bawling:

حورmiss 2012- 6- 30 04:39 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
نصيحتي لك اختي الفاضله ..

بما انك رفعتي خطاب وتم الرد عليك من قبلهم بشكل شخصي ..معناتها بأن ليس هنالك اي جدوى ترجى عند الرجوع الى محاولات اخرى وهذا هو واقع الاغلب ..
فَ لا تهتمي بصغائر الامور من حيث التركيز عليها واجهاد جسدك ونفسيتك في امور فعلتي بها جل استطاعتك .. ركزي على القادم وتعلمي من اخطائك مع انك ذكرتي بأنك ثلاث مرات دخلتي على كل محاضرة ولكن في النهايه هذا جهاز يتعرض للعطب ..والصيانه.. فيجب عليك في المستويات القادمه الدخول اكثر من مرة على كل مادة في اوقات متفرقه ..
واذا هو خوفك على المعدل فوالله انك سوف تأخذي معدلك بما قد قدرة الله لك وكتبه لكِ فلن يزيد او ينقص قد انمله فلا تحزني لامر قد قضاة لك فهو اعلم بك من نفسك ..
فعليك التوكل والجهد والجتهاد وان شاء الله معدلك سوف يرتفع في المستويات القادمه ..
وبالتوفيق يارب

آلمستشآر 2012- 6- 30 04:55 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
نفس آلحكآيه رفعت خطآب تظلم حتي شرحت لهم ظروفي العمليه وايام الاختبارات كنت بعمل والحمد لله انه لحقت ع المحاسبه وقدمت اعتذار وأليوم آتصلو عليه ونفس الكلام تاكدنا واللى حصلت عليه هو اللى تم رصده لك :139:،، الخلاصه لا تتعبي حالك الجامعه مقنتعه في رصدها ودرجاتها ولا فيه جهه احرى نقدر نتظلم عليهم

المصيبه انهم يكلفون اشخاص يتصلو من جوالاتهم ،، حتي ما يطلع رقم الجامعه والشخص ما عنده اي معلومات فقط يبلغنا بالانجاز اللى وصلوو له

عن نفسي وكلت امرى لله ،، وعسآهآ خيرهآ لنا

white paper 2012- 6- 30 05:04 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
حبيبتي امبشن .....


قدر الله وماشاء فعل

لاحول ولاقوة الابالله

امبشن ...انا متأكدة وواثقة بكلامك لانك ماشاء الله مواظبة ومثابرة ومجتهدة من بداية الترم وانا عااارفة انك بسم الله عليك متفوقة بل اجزززم انك حملتي جميع المحاضرات والمشاركات والواجبات ومتأكدة كمان من ان النظاام صاار فييه عطل هالترم وعطل فضيع وليس من نهاية الترم لكن من بدايته مماتسبب في ظلم الكثيرين

لكن ليس بوسعنا جميعا الا تفويض الامر لله ..توكلي على ربك ..فوضي الامر له ..وتبرأي من حولك وقوتك الى حوله وقوته سبحانه ..

صديقتي ....

سبق لنا في احد الاتر اام ان اعترضنا على درجات الاختبار في مادة كنت متيقنة منالامتياز فيها وصعقت باقل الدرجات وشكوت وتظلمت وفوضت صديقا لزوجي في الاحساء ليرى الامر وارسلت للعميد حتى اني قلت لهم
ادفع اللي تبووون بسس اشوف ورقتي وورقة الاسئلة ونموذج اجابة الدكتور واراجعهم امامكم من الملزمة

لم يردعلي احد والله يا اختي احس بغصة كل ماتذكرت مذاكرتي لهذيك المادة والظلم اللي جاني فيها
واللي يقولي يمكن عندك اخطاء يمكن فهمتي السؤال خطاأ يمكن ...ويمكن ...وانا متأكدة مثل اسمي من الاسئلة ومن اجاباتي ..لكن حسبنا الله سيؤتينا من فضله انا اليه لراجعون ..حسبي الله وكفى ..قدر الله وماشاء فعل ..رضيت بما كتب ..واستسلمت لماقدر ..والحمد لله على كل حاال


ولوتذكرين يا اختي سبق لك انتي ان تعرضتي لظلم في مادة العقيدة وتكلمت وقلت ورفعت وماذا تغير؟؟؟؟

حبيبتي ..منسوبي الجامعة هداهم الله لايريدون ان يضعوا ولو نسبة 1% لحدوث خطأ منهم او من النظام او من الدكتور وهل هؤلاء معصومون من الخطأ ...الكل يخطىء وجل من لايخطىء سبحانه



اخيرا ...اشير عليك بالتوكل على الله وتفويض الامر له ولن تندمي وحقوقنا التي سلبت منا سواء بالخطأ او بالتجاهل سوف لن تضيع في يوم لاينفع مال ولابنون الا من اتى الله بقلب سليم


اللهم اكفنا اخطاء الجامعة ونظامها بماشئت وكيفما شئت

Ambition 2012- 6- 30 05:07 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
اقتباس:
المشاركة الأصلية كتبت بواسطة السااااهر2 (المشاركة 6850706)
واااصلي في التظلم

ونصيحه لو احد يرووح او تروحين انتي لمقر الجاامعه راااح يتسااااعدوون معك >>>وهذا الكلام ع مسؤوليتي بس اللي يجيهم يكوووون ملسن >> :10111:>>>>>> يعني يعرف يتكلم معهم ويحااااورهم زين :biggrin:
براجعهم ثانيه ...حرام تعبي يضيع بسبب اغلاط البلاك :sm5:

اقتباس:
المشاركة الأصلية كتبت بواسطة انفاس مشرقة (المشاركة 6850681)
وصدق ياخذون فلوس ع التضلم
لا ارفعي خطاب ماياخذون فلوس عليه على فاكس العميد

اما التظلم الي من الخدمات ياخذون عليه 300 ريال


اقتباس:
المشاركة الأصلية كتبت بواسطة زقم نملة (المشاركة 6850734)
:139: لا لا لا ما انصحك لا يروح احد يتلاسن معهم ولا انتي ترفعين مره ثانية رأيي لك هو انك مره ثانية يعني المستوى القادم بإذن الله ركزي زين وانتي تشاركين واحرصي انه اول بأول تشاركي مش لابقى على الاختبارات اسبوع صرتي تشاركين بعدين حطي لك ورقة بأسم المادة وخانة للنقاش وخانة للمسجلة وللواجب وللمباشرة وهكذا وكل ما خلصتي مشاركة في شي اشطبي عليه وانا متأكدة انك ان شاء الله راح تاخذي الدرجة كاملة . والله يوفقك
:Looking_anim::Looking_anim:

من صجج انتي

من اول مايفتح البلاك كل محاضهر ومناقشه تنزل احلها
لما تنزل جميع المحاضرات والمناقشات والواجبات اشيك عليهم مره ثانيه واحمل المحاضرات مره ثانيه

قبل يقفل النظام بعد اخذ فره عليهم واحملهم مره عااااااااااااااااااااااااااااااااااااشره

جايه تقولين لي اخر الترم

اخر الترم انا مخلصه مذاكره انتظر الاختبار بس ..
وسالفه جدول ومدري شنو يعني اثبات اروح به الجامعه اني حليت وناقشت

اقولج في اليوم اقعد ساعتين متواصله احمل كلللللللللللللللللل شي واشيك ع المناقشات والواجبات اذا بعدهم بخير وسلامه

يعني هالثلاث الدرجات من حقي ...ومن حقي اطاالب فيها لان تعبت وحملت اكثر من مره

النظام طفش مني صار يطردني يقولي اقلبي وجهج ترى اذيتينا :sm5:


اقتباس:
المشاركة الأصلية كتبت بواسطة حورmiss (المشاركة 6850798)
نصيحتي لك اختي الفاضله ..


بما انك رفعتي خطاب وتم الرد عليك من قبلهم بشكل شخصي ..معناتها بأن ليس هنالك اي جدوى ترجى عند الرجوع الى محاولات اخرى وهذا هو واقع الاغلب ..
فَ لا تهتمي بصغائر الامور من حيث التركيز عليها واجهاد جسدك ونفسيتك في امور فعلتي بها جل استطاعتك .. ركزي على القادم وتعلمي من اخطائك مع انك ذكرتي بأنك ثلاث مرات دخلتي على كل محاضرة ولكن في النهايه هذا جهاز يتعرض للعطب ..والصيانه.. فيجب عليك في المستويات القادمه الدخول اكثر من مرة على كل مادة في اوقات متفرقه ..
واذا هو خوفك على المعدل فوالله انك سوف تأخذي معدلك بما قد قدرة الله لك وكتبه لكِ فلن يزيد او ينقص قد انمله فلا تحزني لامر قد قضاة لك فهو اعلم بك من نفسك ..
فعليك التوكل والجهد والجتهاد وان شاء الله معدلك سوف يرتفع في المستويات القادمه ..
وبالتوفيق يارب
ماضاع حق وراه مطالب ....

بس انزل للحسا مابتركهم .... هذي 3 درجات يعني تقريبا 0.5 %

يعني تخيلي ماخذه معدل 4.47 ...هالثلاث درجات تخلي معدلج ممتاز والتراكمي يرتفع

وكله ينفعني للماستر بعدين ...وهذا تعبيييي

المشكله لو في درجات الاختبار اسكت واقول ماعليه يولون يمكن غلطت
بس المشاركه ولا فوق المليون مره احمل واشيك عليهم اخر شي ينقصوني

مو كيفهم

ولو فيهم خير مايخلون واحد مايدري عن السالفه يتصل ويوقولنا الخبر ..:139:

Ambition 2012- 6- 30 05:10 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
اقتباس:
المشاركة الأصلية كتبت بواسطة white paper (المشاركة 6850864)
حبيبتي امبشن .....


قدر الله وماشاء فعل

لاحول ولاقوة الابالله

امبشن ...انا متأكدة وواثقة بكلامك لانك ماشاء الله مواظبة ومثابرة ومجتهدة من بداية الترم وانا عااارفة انك بسم الله عليك متفوقة بل اجزززم انك حملتي جميع المحاضرات والمشاركات والواجبات ومتأكدة كمان من ان النظاام صاار فييه عطل هالترم وعطل فضيع وليس من نهاية الترم لكن من بدايته مماتسبب في ظلم الكثيرين

لكن ليس بوسعنا جميعا الا تفويض الامر لله ..توكلي على ربك ..فوضي الامر له ..وتبرأي من حولك وقوتك الى حوله وقوته سبحانه ..

صديقتي ....

سبق لنا في احد الاتر اام ان اعترضنا على درجات الاختبار في مادة كنت متيقنة منالامتياز فيها وصعقت باقل الدرجات وشكوت وتظلمت وفوضت صديقا لزوجي في الاحساء ليرى الامر وارسلت للعميد حتى اني قلت لهم
ادفع اللي تبووون بسس اشوف ورقتي وورقة الاسئلة ونموذج اجابة الدكتور واراجعهم امامكم من الملزمة

لم يردعلي احد والله يا اختي احس بغصة كل ماتذكرت مذاكرتي لهذيك المادة والظلم اللي جاني فيها
واللي يقولي يمكن عندك اخطاء يمكن فهمتي السؤال خطاأ يمكن ...ويمكن ...وانا متأكدة مثل اسمي من الاسئلة ومن اجاباتي ..لكن حسبنا الله سيؤتينا من فضله انا اليه لراجعون ..حسبي الله وكفى ..قدر الله وماشاء فعل ..رضيت بما كتب ..واستسلمت لماقدر ..والحمد لله على كل حاال


ولوتذكرين يا اختي سبق لك انتي ان تعرضتي لظلم في مادة العقيدة وتكلمت وقلت ورفعت وماذا تغير؟؟؟؟

حبيبتي ..منسوبي الجامعة هداهم الله لايريدون ان يضعوا ولو نسبة 1% لحدوث خطأ منهم او من النظام او من الدكتور وهل هؤلاء معصومون من الخطأ ...الكل يخطىء وجل من لايخطىء سبحانه



اخيرا ...اشير عليك بالتوكل على الله وتفويض الامر له ولن تندمي وحقوقنا التي سلبت منا سواء بالخطأ او بالتجاهل سوف لن تضيع في يوم لاينفع مال ولابنون الا من اتى الله بقلب سليم


اللهم اكفنا اخطاء الجامعة ونظامها بماشئت وكيفما شئت
صح عليج

ماده العقيده لما سويت موضوع في النقاش رد وبكل برود النجار قال مافيه خطأأأ مع انه مو بس انا الي صارت لي المشكله

اخذت فيها 70 وهم اثرت على معدلي حسبي الله عليهم من أداره

ودايما الغلط علينا احنا الطلاب


بطالب فيها مره ثانيه دام صار في تجاوب منهم ..... وانشوف لوين نوصل معهم ..لان الخطأ من نظامهم مو منا ....

حسبي الله على كل ظالم

أبو ماجد2010 2012- 6- 30 05:46 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
لو نقصوني 3 درجات بالمشاركه اهون علي من رسوب بماده متأكد مليون بالميه اني مجاوب

مع انه ظلم في كلا الحالتين

Just have fun 2012- 6- 30 05:53 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
اه بس متى يجي اليوم الي تكون فيه الدرجات واضحه للطالب و يكون فيه ايقونه خاصه بدرجة المشاركه اول ما تخلصها يطلع لك انك حليتها و اذا عندك شي ما كملته يعلمك انك ما كملته مب يفجعونك اخر الترم و يقفلون البلاك بورد . انا الحمد لله ما نقصت و لا درجه و محمل كل المحاضرات وحال الواجبات و المشاركه بس كنت خايف يصير شي لأنه ما فيه شي واضح الا الواجبات و مواضيع النقاش اما تحميل المحاضرات هنا المشكله و اتوقع الطلاب الي ناقصهم درجات ميه بالميه من تحميل المحاضرات

ماجد الخرج 2012- 6- 30 06:03 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
تبغى الخبر الاكيد روح الجامعه واجهم هناك ماينفع خطاب وخرابيط اذا مارحت مابتلاقي نتيجه

مجتهد 101 2012- 6- 30 11:46 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
مايضيع حق وراه مطالب

ارجعي ارفعي لهم خطاب وروحي لهم ....لاتسكتييين

انا نقصوني اربع درجات وانا متاكدة ميه بالمية اني محملتها ....

وشجعتيني اروح ارسل لهم خطاب واشوف اش ردهم .... والله يكتب لنا الخير وين مايكون يارب

موفقة قلبي

آحسـآس آنثى 2012- 7- 1 12:14 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
طيب آختي وين رسلتي الخطـآب

MRRMRR 2012- 7- 1 12:46 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
انا اقول خلهم حتى انا نقصوني بماده مع اني متأكده
بس الظاهر هترم راسهم يابس وكم واحد كلمهم بس ماستجابو

القادم أحلا 2012- 7- 1 01:23 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
شوفي 3 درجات الحمد لله انه مو اكثر
وانتي سويت اللي عليك و رفعتي خطاب

هذا رأيي

ابو الحسن 2012- 7- 1 01:58 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
لا تتركهم الى لين تتعدل الدرجة:017:

سروبه 2012- 7- 1 03:50 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
امبشن
فيه نقطه أنا كنت ناسيتها وذكرتها ويمكن هي اللي سببت هالمشكله معك ومع كثير الطلاب والطالبات اللي نقصت عندهم درجات المشاركة

المستوى هذا اول ما بدا حنا بدينا معهم بحل المناقشات و تحميل المحاضرات
لكن بعد أسبوعين او ثلاث
رجعوا قالوا لنا لازم تحملون المحاضرات من جديد والمشاركات تعيدونها
لانه صار فيه خلل بالنظام او مدري وش سالفتهم المهم ان الدرجات ما انحسبت
ورجعنا حملنا كل شي من جديد
أنا اذكر أني رجعت حملت فوق العشرين محاضره من جديد
وعدت المشاركات

يمكن انتي وبعض الاعضاء اللي يأكدون انهم متابعين أسبوعيا ما انتبهوا للنقطه هذي ولا رجعوا حملوا من جديد
ويمكن عشان كذا نقصت درجات المشاركة من ان الكل متأكد من مشاركاته

خلف الشمري 2012- 7- 1 04:23 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
امبشن طلعتي شرطيه ومرابطـه :eek:

علمينا طيب وش سبب المرابطـاات :biggrin:

Mr.Kiwi 2012- 7- 1 10:53 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
السلام عليكم

الله يعينك اختي... انا يوم الاربعاء طلعت مخصوص للاحساء عشان اراجع بدرجات المشاركة
لأن عندي سبع مواد ومنقصيني عليهم كلهم
مجموع الدرجات اللي نقصتها 30 درجة :sm1:
المهم قالو مضوعك عند دكتور مصلح العضايلة
رحت مكتبه لقيته يتهاوش مع طالب غاش ومعصصصصصب
ويوم قلت له عن درجات المشاركة قال هاض انتو الطلاب بتهملووو طول السنة وتجو لعندي تدورو درجااات
المهم طولت بالي عليه (لأني اصلا تارك كرامتي في البيت قبل لا اطلع) ويمين يسار ولا طلعت بنتيجه
ونشبت عنده وقال شو يعني ما بدك تروح قلت ماني طالع غير اذا حليت مشكلتي
قال ما عندي حل قلت اجل حولني على اللي عنده الحل
ورحنا لعميد التعليم عن بعد عبدالله الفريدي (النجار طلبوه جامعة الرياض على قولتهم)
المهم هو دخل عليه اول وشرحله وجهة نظره وبعدين طلع ودخلت انا
راح العميد عاد لي نفس كلام د.مصلح
قال انت ما شاركت غير بكم محاضره وركزت عليهم (لأني بعض المحاضرات مبين اني داخل عليها 17 مره:(269):)
واهملت الباقي
قلت لا والله هذا من زود الحرص بس نظامكم مضرووووب
سويت صاحبه :139: ما نفع
ضحكت معه شوي :hahahahahah: ما نفع
اترجيته :sdfgdsf: ما نفع
هددته :41jg: ما نفع

اخرتها طلعت من عندهم ورحت على ماك تيك اوي وطريق الرياض اجرجر خيبتي

الله لا يسامح اللي كان السبب وخلاني ارسب بمادة و حاس لي المعدل

showg 2012- 7- 1 10:56 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
أنا من راي اذا مارسبت في المادة هذي معناتعها ان شاء الله ماضرك شي بأذن الله ونصيحه فكر في الجاي مو اللي رايح والخطأ وارد في كل الحالات ترى حتى احنا نخطئ مو بس هم اهم شي اذا كان الضرر مو كايد الامور اجل بسيطه تحياتي :rose::004::106:

Ambition 2012- 7- 1 01:38 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
اقتباس:
المشاركة الأصلية كتبت بواسطة سروبه (المشاركة 6852830)
امبشن
فيه نقطه أنا كنت ناسيتها وذكرتها ويمكن هي اللي سببت هالمشكله معك ومع كثير الطلاب والطالبات اللي نقصت عندهم درجات المشاركة

المستوى هذا اول ما بدا حنا بدينا معهم بحل المناقشات و تحميل المحاضرات
لكن بعد أسبوعين او ثلاث
رجعوا قالوا لنا لازم تحملون المحاضرات من جديد والمشاركات تعيدونها
لانه صار فيه خلل بالنظام او مدري وش سالفتهم المهم ان الدرجات ما انحسبت
ورجعنا حملنا كل شي من جديد
أنا اذكر أني رجعت حملت فوق العشرين محاضره من جديد
وعدت المشاركات

يمكن انتي وبعض الاعضاء اللي يأكدون انهم متابعين أسبوعيا ما انتبهوا للنقطه هذي ولا رجعوا حملوا من جديد
ويمكن عشان كذا نقصت درجات المشاركة من ان الكل متأكد من مشاركاته

قبل يقفل النظام حملتهم من جديد مرتين

وشيكت ع المناقشات والواجبات مره ثانيه وكلللللللللللل شي تمام

يعني الغلط مننننننهم
اقتباس:
المشاركة الأصلية كتبت بواسطة خلف الشمري (المشاركة 6852882)
امبشن طلعتي شرطيه ومرابطـه :eek:

علمينا طيب وش سبب المرابطـاات :biggrin:
هههههههههه

والله الناس في وادي وانت في وادي ثاني

اقول انحاش
المرابطات عشانك انت ...يدورون عليك خخخخخخخ


اقتباس:
المشاركة الأصلية كتبت بواسطة showg (المشاركة 6853380)
أنا من راي اذا مارسبت في المادة هذي معناتعها ان شاء الله ماضرك شي بأذن الله ونصيحه فكر في الجاي مو اللي رايح والخطأ وارد في كل الحالات ترى حتى احنا نخطئ مو بس هم اهم شي اذا كان الضرر مو كايد الامور اجل بسيطه تحياتي :rose::004::106:
مارسبت الحمد الله

بس اذا الدرجه تاثر وترفع المعدل وتنزله

فمابالج ب3 درجاااات

حسبي الله عليييييييييييييهم

يعني الحين النجار ذلف وجا الثاني بداله ؟

{%{محمد}%} 2012- 7- 1 03:01 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
اذا اتصل عليك المسؤول خلاص اغسلي يدك .... الله كريم

أبو فارس العنزي 2012- 7- 1 06:36 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
يا ليت اللي عنده رقم المسؤول يحطه هنا

او على الاقل اخر اربع ارقام

لان الاتصالات اللي تجينا كثير ولا ندري اي واحد منهم

سروبه 2012- 7- 2 06:03 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
اقتباس:
المشاركة الأصلية كتبت بواسطة ambition (المشاركة 6853702)
قبل يقفل النظام حملتهم من جديد مرتين

وشيكت ع المناقشات والواجبات مره ثانيه وكلللللللللللل شي تمام

يعني الغلط منههههم
ايواااا
هذي هي

قلتي انك شيكتي على المشاركات

يعني ما عدتيها ما شاركتي من جديد

هي موجوده لكن درجتها ما انحسبت
هذا الكلام اللي قالوه ذاك الوقت
لازم نعيد كل شي
ما قالوا شيكو هي موجوده والا انحذفت

أنا بكل ماده شاركت17مشاركه وبعض المواد اكثر من كذا
والحمد لله أخذت الثلاثين كامله

منكم نستفيد 2012- 7- 2 09:44 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
يعطيك العافيه اختي

ياليت تحطين لنا طريقة ارسال الخطاب يعني ايميل بريد فاكس
وبأسم مين اوجهه ؟؟

لأني بصراحه ناوي احذو حذوك لاعبين في درجاتي لعب .

سرمدية 2012- 7- 2 10:08 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
انا نفس مشكلتكم ناقصني 7 درجات
والي فهمته من ردودكم انكم رفعتوا خطاب تظلم ؟؟؟؟؟
لمين ؟؟؟؟
وفين؟؟؟؟
والي موقادر يروح لهم اش العمل يعني؟؟؟؟
:007:

سرمدية 2012- 7- 2 10:13 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
اثني علا كلام اخوي( منكم نستفيد)
وضحي لنا الطريقة في الخطاب

المكافح 77 2012- 7- 2 10:26 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
اقتباس:
المشاركة الأصلية كتبت بواسطة ambition (المشاركة 6850436)
مسائكم ورد


المهم بدخل في الموضوع داااااااااايركت

اليوم الجامعه اتصلت علي بخصوص الخطاب الي رفعته للعميد بخصوص نقس 3 درجات مشاركه من ماده التقويم التربوي

قالي ان المشاركات ماراح تتعدل لان شيكوا على نظام البلاك ولقوا نقص في مشاركاتي

قلت له طيب حملت وشاركت 3 مرات معقوله ماحسبو لي ولا مره

قالي انا رسول اتصل عليكم مابيدي شي ..علي بس اخبرك انهم ماراح يعدلونها

طيب الحين شرايكم ...اسكت واخليهم يولون ..او اراجعهم مره ثانيه

والله ماتلاججت ولا تكلمت معاه يكفي قلبي فيه ورمه من هالمرابطات الي مدري على وش


قوقوا لي شنو اسوي .....شوركم علي
ابغى افهم حاجة وحدة بس اذا ممكن يا اختي ايش علاقتك بالمرابطة ثانيا ارسلي لهم خطاب بالبريد اذا كنتي متاكدة من عدد مشاركاتك والله يوفقك

تكفيني 2012- 7- 2 11:44 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
هههههههههههههههههههه
بس انت مرابط كلنا مرابطينن الحمد لله اني عزوبي ماتزوجت

Ambition 2012- 7- 2 11:54 AM
رد: الجامعه اتصلت علي اليوم ..وقالت لي !!!! شرايكم انتوا ؟
 
ياللي تسألوا انا مرابطه

من صجكم ؟؟؟:000:

زوجي مرابط :24_asmilies-com:

فاكس العميد اخذته من هنا من الملتقى

كتبت الخطاب على وورد وطبعته ...وادرجت معاه كشف الدرجات الي هي النتيجه ...طبعا وضحت في الخطاب المطلوب وكل شي

في اخر الخطاب اكتب الاسم والتخصص والمستوى والرقم الاكادييمي ورقم التواصل ..جوالك او من يعز عليك

وبس روح ارسلهم فاكس ...انا جاني الرد بعد اكثر من 10 ايام تقريبا



وووووشسمه بلا فلسفه زايده

Ambition 2012- 7- 2 12:04 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
اقتباس:
المشاركة الأصلية كتبت بواسطة سروبه (المشاركة 6856040)
ايواااا
هذي هي

قلتي انك شيكتي على المشاركات

يعني ما عدتيها ما شاركتي من جديد

هي موجوده لكن درجتها ما انحسبت
هذا الكلام اللي قالوه ذاك الوقت
لازم نعيد كل شي
ما قالوا شيكو هي موجوده والا انحذفت

أنا بكل ماده شاركت17مشاركه وبعض المواد اكثر من كذا
والحمد لله أخذت الثلاثين كامله
شمعنى باقي المواد اخذت فيها 30

:(269):

Ambition 2012- 7- 2 12:06 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
اقتباس:
المشاركة الأصلية كتبت بواسطة أبو فارس العنزي (المشاركة 6854415)
يا ليت اللي عنده رقم المسؤول يحطه هنا

او على الاقل اخر اربع ارقام

لان الاتصالات اللي تجينا كثير ولا ندري اي واحد منهم
8575

هذي اخر اربع ارقام

والي كلمني مو المسؤل الي كلمني فقير مايدري وين اله قاطه

يقول العميد قالي اتصل عليكم واقولكم كذا وكذا وكذا

كل ماسالته يقولي اختي ماعندي علم انا رسول فقط اوصل لكم كلام

ووووووووووووبس

ناوي السوكبا 2012- 7- 2 12:24 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
من وجهة نظري المتواضعه ( كبري الوسادة )

انتهى

مطمئنه 2012- 7- 2 02:16 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
الله يكون بعونك يالغلا
عاد مالقو الا انتي من جد ماتستاهلين
لكن قدر الله وماشاء فعل
والله يعوضك بخير منها
اما الجامعه فا الله يعينك عليهم
اسال الله ان يسهل لك ويرد لك حقك
ودي لك :rose::rose:

um lenda 2012- 7- 2 04:07 PM
رد: الجامعه اتصلت علي اليوم ..وقالت لي !!!! شرايكم انتوا ؟
 
والله لو تبين رأيي انسي الموضوع لو بيعدلون شئ كان عدلوا من زمان وشدي حيلك السمسترات الجايه '''' العالم مرابطات وحروب وأنتوا تسولفون عن الدرجات :bawling::bawling::bawling:


All times are GMT +3. الوقت الآن حسب توقيت السعودية: 08:35 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه