|
ابي فزعتكم
سلام عليكم ..
ياربع تكفون عطوني رايكم لاتبخلون علي .. انا توني متخرج من كليه المجتمع بالرياض تخصصي موارد بشريه وجبت الأول على دفعتي .. وفي قلبي نار ودي أكمل دراستي رحت لجامعه الملك سعود الي كليه المجتمع تتبع لها .. قالوو مانعادلك الا ترم واحد وانا موعود بوظيفه وش رايكم.. ياناس أقسم بالله أحس أني ببحر والموج يلعب فيني مدري وين أروح ابي فزعتكم .. انا ابي أتخصص إداره أعمال وودي لو فيه موارد بشريه يكون أحسن لأن التخصص أفضل من أني أخذ إداره أعمال .. والرجال الي متوسط لي يقول ياعبدالله نصيحه اذا بتكمل كمل موارد بشريه عشان في نفس مجال تخصص .. طيب وش رايكم بجامعه الملك عبدالعزيز.. فيها تخصص موارد بشريه في كليه رابغ للأعمال.. طيب هل الدارسه في جامعه الملك فيصل صعبه أنها صعبه والي مصعبها أكثر الدكاتره .. جامعه الملك عبدالعزيزلا فيه ملخصات ولا فيه شي ولا فيه محاضرات موجوده بالموقع وجامعه الملك فيصل ملخصات وكتب وكل شي موجود بالموقع وفوق هذا كله تقدر تختبر بالمنقطه الي أنت ساكن فيها .. والأسئله اختيارات وبالعربي .. طيب الحين أدرس أداره اعمال عامه طيب متى أتخصص ولا هذا هو التخصص إداره أعمال .. لا تخلوني ..:bawling: |
رد: ابي فزعتكم
:106:
|
رد: ابي فزعتكم
ادارة اعمال اورجينال ماعندنا تخصص ومافي خطة واضحة للحين يعني وصلنا للسمستر الخامس فقط وانت الشئ الوحيد اللي تسويه تستخير ,, وشف جامعه الامام حطها بالمقارنة وترى فيها سمستر صيفي وناس عارفة وش تبي بالضبط والله يوفقك يارب :biggrin:
|
رد: ابي فزعتكم
خذ الوظيفة وكمل معنا اتوقع بيعادلو لك 15 ساعة
|
رد: ابي فزعتكم
وعليكم السلام ورحمة الله وبركاته اخوي عبدالله حاس بوضعك والحيره الي انت فيها الان اول شي مبروك التخرج بعدها الوظيفة الي موعود فيها اذ هي الان توكل على الله توظف وكمل دراستك الا اذ الوظيفة مرتبطه بك بعد الجامعه توكل على الله وادخل انتظام على ما اعتقد عمرك صغير اذ راح تكمل انتساب جامعه الملك فيصل ممتازه وتخصصك موجود طبعا تتخصص من اول ترم وعندك 30 درجه وتختبر من 70 والامور سهالات وقبل كل هالكلام هذا كله اول شي تسويه الاستخاااااااااااااااااااااااااااااره وربك بيسر لك امورك اتمنى اني قدرت اخفف عليك شوي او اني افدتك |
رد: ابي فزعتكم
حياك الله اخوي عبدالله ..*
ماشاء الله تبارك الله عليك ربي يبارك فيك وينفع بك ... صحيح انا مو تخصص اداره لكن اقدر افيدك من الناس اللي اعرفهم تخصص اداره ..* اولا مافيه تخصصات هي ادارة اعمال فقط .. واذا حاب تخصصك اسأل في جامعة الملك عبدالعزيز يمكن يكون موجود .واذا ممكن برضو شوف الجامعة العربيه .. . والخطه الدراسيه لتخصص ادارة الاعمال تحت الدراسه لكن تقدر تشوف المقررات من المستوى الاول الى الخامس ..* ونقطه كمان انو مافيه سنه تحضيريه !! على طول تخصص .. بالنسبه للمعادله ماراح تتعادل جميع المواد اللي درستها عدا 15 ساعه بالكثير .. بتقدير لا يقل عن جيد او C ...* ثانيا صحيح اللي قلته انو التساهيل في جامعة الملك فيصل اكثر وافضل .. منها 30 درجة بيدك طول السمستر موزعه بين الواجبات والمحاضرات والمشاركات و 70 على النهائي واختيار من متعدد .. طبعا غير التعاون منقطع النظير اللي بين الطلاب .. بسهولة تلاقي محتوى الماده وبرضو بسهولة تلاقي ملخصات رااائعه من جهود الاعضاء من الطلاب ...*بالاضافه لسهولة التواصل مع الاساتذه وسعة صدورهم .. والاختبار في مقر اقامتك بدون رسوم اضافيه ... وطبعا مافي جهة سواء حكوميه او خاصه تخلو من العيوب !!!* قبل كل شي استخير والله يكتب لك اللي فيه الخير وين ماكان ويرضيك فيه ~* والوظيفه اذا جاتك فرصه لاتطوفها و كمل دراسه .. سواء معنا في جامعة ( الفيصل ) او في جامعة أخرى ..* ربي يسهل امورك يااارب ..** :rose::rose: |
رد: ابي فزعتكم
اقتباس:
ياشيخ الله يوفقكم .. ريحتو قلبي الله يريح قلوبكم .. توني وانا خوك عمري 21 داخل ب22 بس وانا خوك انا النار الي بقلبي لأني أكبر عيال أبوي ودي ابين له أنك جبت رجال ودي أرفع راسه والله ياناس أني أحس أن الدبلوم مهي شهاده ماناسبني انا أكبر من الدبلوم والكبير الله سبحانه .. طيب عندي أستفسار .. أقدر أكمل ماجستير بنفس جامعه الملك فيصل وأتخصص في قسم الموارد البشريه .. |
رد: ابي فزعتكم
احصل على الوظيفه وكمل ادارة اعمال انتساب من جاامعة فيصل والله يوفقك ويخليك لعين ترجيك وترفع راس تاج راسك |
رد: ابي فزعتكم
اقتباس:
انا ودي أكمل بجامعه الملك فيصل لأنها عربي هذا اول شي .. وثاني شي اذا ودك تختبر في نفس المكان الي فيه يعني مافيه داعي أني اسافر أو اي شي في نفس المنطقه الي أنت ساكن فيها وهذي نقطه تؤخذ بالحسبان .. وأيضاً متعرف فيها ومعتمده من التعليم العالي والخدمه المدنيه وأيضاً التربيه والتعليم .. وكل أسلتهم أختيارات وملخصات وكل شي متوفر يعني مافيه عنى بالدراسه .. وكل الي سئلتهم مدحون الدارسه فيها .. والي عندي راي لايبخل علي .. |
رد: ابي فزعتكم
اسأل الله ان يلهمك الاختيار الصحيح وييسر امرك
|
رد: ابي فزعتكم
الله يساعدك يارب ويكتب لك الخير
|
رد: ابي فزعتكم
مافي تخصص موارد بشريه
|
رد: ابي فزعتكم
اقتباس:
ويسسرلك دربك ياخوووي وينولك مرادك :d5::d5::d5::d5::d5::d5::d5:والف مبروك التخرررج:d5::d5::d5::d5::d5::d5::d5: دعواتي :004::106: لك |
رد: ابي فزعتكم
ماقصروا الاعضاء الحلوين :106::106:الله يوفقك ويرزقك من حيث لاتحتسب :106::106:
|
رد: ابي فزعتكم
ما قصر الاخوان والاخوات الله يجزاهم خير ويعطيهم العافيه
|
رد: ابي فزعتكم
إذا أنت محتار مالك الا الإســــــــــتـــــــــــــــخــــــــــــــاره |
رد: ابي فزعتكم
شوف اخوي عبدالله في جامعة فيصل مافيه تخصص في ادارة الاعمال
الجامعة من ناحية الدراسة فيها مرررررة حلوة وسهلة للي يذاكر ويبذل مجهود بس مقارنة بغيرها من هالناحية هي اسهل على حسب ماسمعت انا ماجربت الباقي بس لي زميلة جربت عبد العزيز وطلعت يمكن يكون هي مش مجتهده مدري الله اعلم هي تقول انها صعبة بالنسبة للمعادلة فيصل راح يعادلون لك 15 ساعة فقط . وخذ الوظيفة بعدين خطط موضوع الدراسة بالاخير اقولك استخير في امرك كله بالتوفيق |
رد: ابي فزعتكم
اقتباس:
ماقصرا الاخوان بالنسبه الدراسه عندنا في جامعة الملك فيصل اسوف اتكلم عن الماجستير انا سمعت ان في جامعة الملك عبدالعزيز بجده هنا مجستير 72 الف ريال ودراسه تكون الاربعاء والخميس والجمعه فتره مسائيه على حسب ماسمعت وانت تأكد الله يوفقك |
رد: ابي فزعتكم
الفلوس ماعلي والله منها بحريقه لو أنها ب100 الف أدرس ماعندي مشكله ابي شهاده ترفع الراس
الشهاده تدوم والفلوس والله ماتدوم ومايدوم غير وجه الله سبحانه وتعالى .. .. :) |
رد: ابي فزعتكم
حياك الله يا عبدالله عندي سؤال إذا ممكن / كان عندكم دكتور اسمه الوليد سعود ؟
|
رد: ابي فزعتكم
اقتباس:
|
رد: ابي فزعتكم
مشكور على الرد ... والله يوفقك ويدلك على طريق النجاح :106:
|
رد: ابي فزعتكم
نصيحتي لك اخذ الوظيفه وكمل دراستك عن بعد
الله يوفقك :rose: |
رد: ابي فزعتكم
التخصص ادارة اعمال مافي مسارات وللحين الخطه مانزلت كامله
واهم شي المواد اللي درستها قبل وتبي تعادلها تكون مشابهه لمواد التخصص لان المعادله من المستوى الثاني والمستوى الاول اجباري تدرس كل المواد الخطه انصحك تكمل وعندك المنتدى ماراح يقصرون معك الطلاب |
| All times are GMT +3. الوقت الآن حسب توقيت السعودية: 07:14 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه