ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   عشر سنين منقطعه عن الدراسه!!! (https://vb.ckfu.org/showthread.php?t=339070)

فرييز 2012- 5- 30 05:49 AM
عشر سنين منقطعه عن الدراسه!!!
 
السلام عليكم ورحمة الله و بركاته
مرحباً بلجميع
انا منقطعه عن الدراسه ولي تقريباً عشر سنين لظروف خاصه ولي رغبه الان انو اكمل دراستي
ومو عارفه خايفه ادخل الجامعه وافشل فياليت تنصحوني اذا انو اقدر اكمل بعد هاذي السنين
ولا اريح نفسي من بدري قبل لا اسجل لانو فعلاً خاااايفه من الفشل
والله يوفقكم جميعاً وتنجحون بأعلى المعدلات

DewDrop 2012- 5- 30 05:53 AM
رد: عشر سنين منقطعه عن الدراسه!!!
 
وعليكم السلام ورحمه الله وبركاته

توكلي على الله وسجلي
هناك معنا من هم أكبر منك وهم الآن على ابواب التخرج

موفقه :106::106:

آآريج 2012- 5- 30 06:00 AM
رد: عشر سنين منقطعه عن الدراسه!!!
 
كثير من المسجلين تعليم عن بعد او انتساب هم في الاساس منقطعين عن الدراسة وكبار في السن
ولهم كل الاحترام والتقدير على شجاعتهم واصرارهم على تكملة مسيرتهم التعليميه..
في رايي اتوكلي على الله وسجلي والفشل غير وارد والرسوب في مادة او مادتين هو تراجع بسيط ودرس نتعلم منه.. ان شاء الله التعليم ميسر ولا فيه صعوبة اطردي احساس الفشل من داخلك وصدقيني بتكونين بعد اربع سنوات بإذن الله فخوره بنفسك
موفقة:106:

اكاديمي منتسب 2012- 5- 30 06:02 AM
رد: عشر سنين منقطعه عن الدراسه!!!
 
توكلي على الله:53: الوضع ممتاز ويبغى له متابعة على خفيف:(269):

بالتوفيق،،

احب الانجليزي 2012- 5- 30 06:04 AM
رد: عشر سنين منقطعه عن الدراسه!!!
 
:انا عن نفسي تغيرت حياتي وصار لها معنى بعد الدراسة وحسيت ان لاااااازم اكمل دراستي مهما كانت الصعاب:53:

laly 2012- 5- 30 06:10 AM
رد: عشر سنين منقطعه عن الدراسه!!!
 
توكلي على الله
واجتهدي
ولكل مجتهد نصيب :004::rose:
موفقه يارب :004:

اياد الشهراني 2012- 5- 30 06:13 AM
رد: عشر سنين منقطعه عن الدراسه!!!
 
مساء / صباح الخير

الدراسه ممتازه والمهم الكل يساعد :064:وما تحتاجين غير تخصيص وقت للدراسه ساعه يوميا :33_asmilies-com:تكفي بادن الله


الله يوفقك :oao:

زهرة الخليج وبس 2012- 5- 30 06:40 AM
رد: عشر سنين منقطعه عن الدراسه!!!
 
صباح الخير للجميع اختي انا منقطعه من15سنه ومع ذلك عندي طموح وواصلت والحمد لله عديت اول سمستر بمعدل عالي ولله الحمد وان شاء الله بعد السمستر ذا الله يجيب اللي فيه الخير

نعسآنه 2012- 5- 30 06:46 AM
رد: عشر سنين منقطعه عن الدراسه!!!
 
اعرف اشخاص انقطوا من 13 سنه و فوق و رجعوا كملوا وماشاءالله ماباقي شي على تخرجهم

توكلي على الله وكملي دراسه وتذكري ان

من سلك طريقاً يلتمس به علماً سهل الله له به طريقاً الا الجنه

bader358 2012- 5- 30 06:54 AM
رد: عشر سنين منقطعه عن الدراسه!!!
 
توقفت عن الدراسة لمدة 15 سنة بعد ما تخرجت من الكلية

والآن رجعت للدراسة والحمدلله كل شيء على ما يرام.

أبـو سعيد 2012- 5- 30 06:57 AM
رد: عشر سنين منقطعه عن الدراسه!!!
 
توكلي على الله ، فالدراسة بالجامعة عن بعد شئ ممتع جداً .........

أنا منقطع عن الدراسة أكثر من خمسة وعشرين سنة ومع ذلك سجلت ولله الحمد أكملت إلى الآن أربعة مستويات وكلها ممتازة ومعدل فوق 4 ......... ما عليك سوى المتابعة اليومية للمنتديات وتنزيل المحاضرات ومتابعتها أول بأول وإلى الأمام .

نسأل الله التوفيق للجميع ، ، ،

فرييز 2012- 5- 30 07:21 AM
رد: عشر سنين منقطعه عن الدراسه!!!
 
الف شكر لكل الي ردو على موضوعي
وفعلاً تجاربكم تشجع انو الواحد يكمل ماشاءالله عليكم
والله يعطيكم العافيه :004:

خالدعبدالعزيز 2012- 5- 30 07:26 AM
رد: عشر سنين منقطعه عن الدراسه!!!
 
السلام عليكم
انا منقطع عن الدراسه اكثر منك
والحمدلله الامور زينه توكلي على الله وقدمي والله الدراسه عن بعد ممتاز ولا يقطعك عن شي
ولو اهتميتي شوي بالمراجعه النجاح حليفك
وبالتوفيق
التقديم بشهر رمضان جهزي شهادتك وبشرينا بالقبول
واسال الله لك التوفيق

الماَسه 2012- 5- 30 07:43 AM
رد: عشر سنين منقطعه عن الدراسه!!!
 
كل شي سهل
لبدت الدراسه عليك تابعين الافتراضي للواجبات والنقاشات موجوده بلمنتدى تحصلينهم والمحاضرات مسجله فقط فتح لو5دقايق والمحاضره المباشره في وقته او تحملينه بعد ماتنزل فقط هذا كل شي
والتقويم و التعليم عن بعد للخدمات الطلابيه

واتابعين المنتدى
تاخذين ملخصات واسئله العام للمذاكره

موفقه

محمد بن قحطان 2012- 5- 30 08:29 AM
رد: عشر سنين منقطعه عن الدراسه!!!
 
انا اكثر منك منقطع واللحين مستوى رابع الحمدلله صدقيني الأمور سهالات وماعليك من الي يقول كل يوم ساعه وخرابيط ذاكري قبل الاخبارات بثلاث اسابيع بسسسس وتمشي امورك بأذن الله

Another day 2012- 5- 30 08:33 AM
رد: عشر سنين منقطعه عن الدراسه!!!
 
اقتباس:
المشاركة الأصلية كتبت بواسطة فرييز (المشاركة 6679573)
السلام عليكم ورحمة الله و بركاته

مرحباً بلجميع
انا منقطعه عن الدراسه ولي تقريباً عشر سنين لظروف خاصه ولي رغبه الان انو اكمل دراستي
ومو عارفه خايفه ادخل الجامعه وافشل فياليت تنصحوني اذا انو اقدر اكمل بعد هاذي السنين
ولا اريح نفسي من بدري قبل لا اسجل لانو فعلاً خاااايفه من الفشل

والله يوفقكم جميعاً وتنجحون بأعلى المعدلات
دام فكرتي وخايفه من الفشل اجل باذن الله راح تنجحين اهم شي العزيمه وتنظيم الوقت والتزام بخطه دراسيه انتي تضعينها لك وحطي في بالك انك تكونين مواظبه على المذاكره اول باول لا تسوفين شي وفالك الفل مارك

تاريخي 2012- 5- 30 09:00 AM
رد: عشر سنين منقطعه عن الدراسه!!!
 
اقتباس:
المشاركة الأصلية كتبت بواسطة فرييز (المشاركة 6679573)
السلام عليكم ورحمة الله و بركاته
مرحباً بلجميع
انا منقطعه عن الدراسه ولي تقريباً عشر سنين لظروف خاصه ولي رغبه الان انو اكمل دراستي
ومو عارفه خايفه ادخل الجامعه وافشل فياليت تنصحوني اذا انو اقدر اكمل بعد هاذي السنين
ولا اريح نفسي من بدري قبل لا اسجل لانو فعلاً خاااايفه من الفشل
والله يوفقكم جميعاً وتنجحون بأعلى المعدلات

السلام عليكم و صباح الخير

اخوك الصغير تاريخي:(284):

خريج الثانوية العامة 1408ه :71: يعنى 25سنة ربع قرن

الحمدلله أنا الان ان شالله رايح مستوي خامس:53:

شوف اختى اذا عندك نية انك تكمل دراسة ان شالله رب يسهل عليك

تحياتى لك:oao:

الطالب الموهوب 2012- 5- 30 09:04 AM
رد: عشر سنين منقطعه عن الدراسه!!!
 
لا شي صعب مع الجد والاجتها :119:

سماء الفجر 2012- 5- 30 09:06 AM
رد: عشر سنين منقطعه عن الدراسه!!!
 
توكلي على الله وهذه فرصه ماتتفوت وعشر سنين مده ليست طويله بالبدايه راح تحسين بصعوبه بالحفظ شوي بعدين راح تتسهل انصحك تسجلين وتجربين واذا بدت الدراسه مرني نفسك واقري المحاضرات لاتخلين المعلومات تتكدس لوقت الاختبار والله يوفقك:rose::rose::rose::rose::rose::rose:

عوعو1 2012- 5- 30 09:14 AM
رد: عشر سنين منقطعه عن الدراسه!!!
 
لاتحطين فبالك الفشل والحمدالله دامك نويتي تكملين فأنتي ناااجحه
وغيرك من 15 سنه والحمدالله ناجحين .
انتي عليك بالقسم اللي تتقبلينه والدراسه مسليه وموصعبه لهدرجه
والله يوفقك وييسر امرك ..

صالحـ 2012- 5- 30 09:15 AM
رد: عشر سنين منقطعه عن الدراسه!!!
 
توكل على الله وسجل وان شاء الله ماتندم .. انا لي منقطع 16 سنة :019: والحين متندم اني ما كملت طوال هالسنين ..

بالتوفيق ،،

tofincaramel 2012- 5- 30 09:28 AM
رد: عشر سنين منقطعه عن الدراسه!!!
 
لا تخافي توكلي على الله انا زيك في البداية كنت خايفه حتى ما علمت احد اني ادرس عشان لو فشلت لا من شاف ولا من درى بس الحمدالله ناطره نتايج المستوى الاول والاختبارات ما تخوف اختيار من متعدد يعني سهله توكلي على الله وصدقيني بتحسين بفرق وطعم غير لحياتك

معشي الجن 2012- 5- 30 09:34 AM
رد: عشر سنين منقطعه عن الدراسه!!!
 
انا لي 12 سنه ما درست و دخلت الجامعة والله وفقني الحمد الله وانا اللحين رايح للمستوى الرابع انتي ادخلي و توكلي على الله

فتاة الغد 2012- 5- 30 09:35 AM
رد: عشر سنين منقطعه عن الدراسه!!!
 
كلنا زيك وخايفين بس الحمدلله كل شي عدى على خير والتعاون موجود بالكل اجزمي وتوكلي على الله .

وادي زاعم 2012- 5- 30 09:41 AM
رد: عشر سنين منقطعه عن الدراسه!!!
 
وعليك السلام ورحمة الله وبركاته

اذا كنتي منقطعه عن الدراسه 10 سنوات , فانا منقطع عنها 15 سنه تقريبا , وكنت ما احب الدراسه ولا اطيقها , بس الفراغ ما بعد الدوام جعلني افكر كثيرا وقررت العوده , والحمدلله والتعليم عن بعد فيه مميزات تجعلك تعودي وانتي مطمانه وهي درجات السنه اللي هي 30 درجه لكل ماده وتستطيعي تاخذيها بكل سهوله , يعني عن النجاح باقي لكي 30 درجه من 70 , وايضا من الاسباب الرئيسه هو هذا المنتدى الرائع وما سوف تجديه من تعاون كبير جدا و مساعده , فا انصحك انك تتوكلي على الله وتكوني زميلتنا الترم الجاي , اهم شيء انك تختاري القسم المحبب لكي ,,,,,,,,,,,,,

@بوفهد 2012- 5- 30 10:02 AM
رد: عشر سنين منقطعه عن الدراسه!!!
 
انا مثل الاخ تاريخي تخرجت من الثانوية عام 1408 يعني لي 25 سنه منقطع عن الدراسه
والحمدلله صحيح اني في مستوى اول لكن لقيت المسألة اسهل مما توقعت بكثير
وصدقيني لو مايعطوني شهاده اني بكمل واكمل
يكفي انني ملأت وقتي بما يفيد واحتككت بهذه العقول النيرة بعد ان كاد ان يهلكني اليأس
والملل

والان انتظر السمستر القادم على احر من الجمر
توكلي على الله

على فكره عملي قطاع خاص الدوام من 8 الي 5
وطبعاعائلة وبيت واطفال ومسؤلية رب الاسرة معروفه

أنور جنبي 2012- 5- 30 10:06 AM
رد: عشر سنين منقطعه عن الدراسه!!!
 
طول أو قصر فترة الانقطاع عن الدراسة مالها علاقة بالنجاح أو الفشل، اذا عندك الارداة .. و الرغبة ، ثم توفيق الله بتنالي الشهادة بعد اربع سنوات ... انا مثال آخر لمنقطع عن الدراسة ... وموظف و وقتي قليل يسمحلي للدراسة ... لكن جدا سعيد اني اتخذت قرار الاكمال ... و الحمدلله ان الجامعة قبلتني

ليمونة حامضة 2012- 5- 30 10:12 AM
رد: عشر سنين منقطعه عن الدراسه!!!
 
ما يهمك, صدقيني ما راح تفشلين لو كانت عندك العزيمة

انا لي 6 سنوات مخلصة دراسة وجيت وسجلت في الجامعة ومع هذا موظفة

الحمد لله اموري تمام وعال العال

إتكلي على ربك قبل كل شي

وسجلي خلينا نكسبك زميلة دراسة :tongue:

Lailak Tree 2012- 5- 30 12:25 PM
رد: عشر سنين منقطعه عن الدراسه!!!
 
,وعليكم السلام ورحمة الله وبركاته
ي أختي كملي وبصراحة مابتخسرين شيء
فوالله ان تتغير نفسيتك 180 درجة
والخيرة فيما أختار الله
والله ولي التوفيق .

Lailak Tree 2012- 5- 30 12:26 PM
رد: عشر سنين منقطعه عن الدراسه!!!
 
وبتستفيدين من المواد التعليمية
والنظام حلو فيه مشاركات وواجبات

آلمستشآر 2012- 5- 30 12:31 PM
رد: عشر سنين منقطعه عن الدراسه!!!
 
توكلي ع آلله وسجلي ــ آلدرآسه في آلجآمعه تختلف كثير عن المراحل السآبقه
وآلآهم تختآري القسم اللى لك رغبه فيه وينآسب قدرآتك وآهدآفك آلمستقبليه

وكل آو آلآغلب هم موظفين ورب آسره انقطووع عن الدراسه من فترات يمكن اطول منك
وعزوومو وتوكلو ع الله ،، والامور سهله بس تحتاج تتابعي اول بآول كل مادة تاخذيها من المحاضره الاولي
وتعملي لها ملخصات لنفسك ،، ولا تتركي الامور لحد النهايه حتي مآ تسعب عليك
التنظم وآلمتآبعه هي اول نصحيه لازم تهتمي فيهآآ

وربي يووفقك

haskfusa 2012- 5- 30 12:38 PM
رد: عشر سنين منقطعه عن الدراسه!!!
 
سجلي عندك

العمر فوق الأربعين بسنة (41)

متأهل ورب أسرة

موظف

منقطع عند الدراسة أكثر من 21 سنة خلصت الكلية وسلكت مجال العمل مباشرة ورجعت الأن للدراسة ولي سنة وبتخصص من أصعب التخصصات وهو إدارة أعمال ولله الحمد المعدل فوق 4.5

علماً بأن الشهادة إذا أراد الله وأخذتها لن تغير من وضعي الوظيفي كوني أعمل بمرتبة أعلى من المراتب التي يتم التوظيف عليها لحاملي مؤهل الماجستير وليس البكالوريوس.


بإختصار توكلي على لله ودربك خضر المهم الإرادة والرغبة الجادة

والجميع بهذا المنتدى أكبر محفز للنجاح بصراحة قمة في التعاون والتكاتف بالعكس راح تلاحظون أن الجميع هنا يد واحدة ويتنافسون لخدمة أي محتاج لمشورتهم وهذا يجعلك تتقدم للدراسة بكل ارياحية واطمئنان نفسي.

تحياتي ...

Manseetk 2012- 5- 30 01:26 PM
رد: عشر سنين منقطعه عن الدراسه!!!
 
بآلعكس هذي فرصتك وبإآذن آلله تتغير حيآتك للآفضل ويكون لك هدف ...
آلدرآسه سهله جدآ وبآقل مجهود رآح تعدين .. إآنتي وكلي آلله وفآلك إآلتوووفيق ...
كل آلووووووود ...

ღ ℓσνє яσѕє ღ 2012- 5- 30 01:57 PM
رد: عشر سنين منقطعه عن الدراسه!!!
 
:106::106::106:

run2fast 2012- 5- 30 02:17 PM
رد: عشر سنين منقطعه عن الدراسه!!!
 
العلم ماله سن محدد ان شاء الله منقطعة اربعين سنة المهم انت وش تبي :(204):
استمري في الدراسة لاخر نفس ....... طبعا الله يعطيك طولت العمر

co2 2012- 5- 30 02:20 PM
رد: عشر سنين منقطعه عن الدراسه!!!
 
توقفت عن الدراسة من عام 1414هـ

والان رجعت اكمل الدراسه فتكولي على الله
وراح يسهل لك كل صعب

وردة الحجاز 2012- 5- 30 02:34 PM
رد: عشر سنين منقطعه عن الدراسه!!!
 
انا ازود منك هههههههه

اعقليهاوتوكلي المهم الهمه ..

موفقه :rose:

$$سيف$$ 2012- 5- 30 02:42 PM
رد: عشر سنين منقطعه عن الدراسه!!!
 
مثل ما قالو الاخوان والاخوات

توكلي على الله وسجلي

وبداية الطريق خطوة وبالتوفيق انشالله

راجية الجنة 2012- 5- 30 03:00 PM
رد: عشر سنين منقطعه عن الدراسه!!!
 
شدي الهمه وواصلي دراستك

ترا بتحسين ان الحياه لها معنى

والله يوفقك:106:

هتآآن 2012- 5- 30 03:13 PM
رد: عشر سنين منقطعه عن الدراسه!!!
 
توكلى على ربك وتتسهل ..

انا منقطع اكثر منك :53: ودرست والحمد لله الامور طيبه

نور القحطاني 2012- 5- 30 03:16 PM
رد: عشر سنين منقطعه عن الدراسه!!!
 
توكلي على الله ودربك خضر

JJS 2012- 5- 30 04:21 PM
رد: عشر سنين منقطعه عن الدراسه!!!
 
يعني أنا أصغر واحد فيكم :(269):

يا أختي في الله سجلي و لا راح تفشلي بإذن الله .

أنا من تخرجت من الثانويه صار لي أكثر من أحم أحم سنه :biggrin: و هذا أنا أدرس في ذا .

بالتوفيق بإذن الله :rose:

مهــاآابــهـ 2012- 5- 30 04:25 PM
رد: عشر سنين منقطعه عن الدراسه!!!
 
احيي فيكم شجاعتكم وبصراحة اول مرة سجلت بالجامعة كنت مترددة اخاف افشل بس كنت اشوف حريم كبار الشيب براسهم ومع دلك مصرين يكملون ماشاء الله عليهم ,, حمسوووني بصراحة وبالتوفيق اهم شي الطمووووح وماتحطين ببالك فكرة الفشل ابدآ:004:

عمدة المنتسبين 2012- 5- 30 04:29 PM
رد: عشر سنين منقطعه عن الدراسه!!!
 
أختنا الفاضلة ... توكّلي على الحي القيّوم .. ولاتترددي .. العلم ليس له عمرٌ ولا زمن .. وإن كان مضى على تخرجك من الثانويّة عشر سنين-كما ذكرتِ- فأنا مضى عليّ -بعد الثانويّة- أضعافها من السنين(!!!) ..بل أنني على وشك التقاعد ..ولن أستفد من إكمال دراستي الجامعيّة أيّ شيءٍ -وظيفيّاً- .. بل أن حب العلم وتحقيق الطموح الذي حالت دون تحقيقه الظروف هو ماشجّعني على اتخاذ قرار المواصلة بعد هذا العمر .. ولا أنسى ماوجدته من دعمٍ وتشجيعٍ وترحيبٍ من الأفاضل والفاضلات الزملاء هنا عندما أعلنت رغبتي..داعياً لهم جميعاً بالخير والتوفيق والسداد ..
توكّلي على الله .. واعقدي العزم ..
ودعواتي لك وللجميع بالتوفيق في كل الأمور

miss mrasy 2012- 5- 30 04:36 PM
رد: عشر سنين منقطعه عن الدراسه!!!
 
يعجبوني النااس المصرين والمكافحين ...:(204):ربي يوفقك واحييكي على اصرااارك ... ربي يووفقك وينجحك
وتوكلي ع ربك وقدمي ... وكل الطلاب متعاونين هنااا ...ماراح يقصرو معاكي :(204):

ابن خلدوون 2012- 5- 30 04:48 PM
رد: عشر سنين منقطعه عن الدراسه!!!
 
والله يابنتي ( حلوه يابنتي ) كانك منقطعه عشر سنوات ..

أنا منقطع عن الدراسة ( 20 ) سنه .. تخرجت من الثانويه العامه عام 1992 ..

وماالله أراد اني أدخل الجامعه .. توظفت وتزوّجت وإنشغلت بمسئوليات البيت والعيال ..

لكن ظلّت الرغبة موجودة بمواصلة التعليم .. ماهو على شان الوظيفه لأني موظّف ولله الحمد

لكنها رغبة وحلم قديم ..

وشّجعتني المدام والأخوان .. ودخلت الجامعه وانا عمري 41 ( ربيعاً ) أمحق من ربيع ..

والسنوات وانا اخوك تمر سواء بدراسه أو بدونها لذلك خلّيها تمر بشيء مفيد ..

لذلك توكّلي على الله وسجّلي وبأذن الله تتخرّجين ..

وبالنسبه لي .. كان الله أحياني تبين تشوفين إبن خلدون عالم اجتماع خطير ..

والله إبن خلدون الأوّل ماهو أحسن مني ..

حتّى أنا أبسوّي لي مقدّمه بعلم الإجتماع ههههههههه :(177):

منوة الخيال 2012- 5- 30 04:54 PM
رد: عشر سنين منقطعه عن الدراسه!!!
 
طلب العلـــــــــــم لايعرف العمر

فرييز 2012- 5- 30 05:39 PM
رد: عشر سنين منقطعه عن الدراسه!!!
 
مشكورين حبايبي والله يعطيكم العافيه
فعلاً تجاربكم تشجع انو الواحد يكمل دراسته:(204):
وبعد الاراء هاذي كلها ان شاءالله راح اكون معكم السنه الجايه:53:
هذا اذا انقبلت طبعاً:24_asmilies-com:
لكم كل الحب والاحترام:rose:

بدر 2011 2012- 5- 30 06:20 PM
رد: عشر سنين منقطعه عن الدراسه!!!
 
اقتباس:
المشاركة الأصلية كتبت بواسطة فرييز (المشاركة 6679573)
السلام عليكم ورحمة الله و بركاته

مرحباً بلجميع
انا منقطعه عن الدراسه ولي تقريباً عشر سنين لظروف خاصه ولي رغبه الان انو اكمل دراستي
ومو عارفه خايفه ادخل الجامعه وافشل فياليت تنصحوني اذا انو اقدر اكمل بعد هاذي السنين
ولا اريح نفسي من بدري قبل لا اسجل لانو فعلاً خاااايفه من الفشل

والله يوفقكم جميعاً وتنجحون بأعلى المعدلات



وعليكم السلام ورحمة الله وبركاته
هلابك ومرحبا فيك بين اخوة واخوات لك في هذا الصرح الكبيراذا منقطعة عن الدراسة عشر سنوات فالكثير بالجامعة منا تعدى اكثر من عشر سنوات في انقطاعه عن الدراسه بل انه درس من السابق ولم يتبقى على تخرجه الا القليل ولكن شاءت الظروف وحالت دون ذلك الحلم واعاد الدراسة مره اخرى بتخصص مخالف لتخصصه وجامعة غير جامعته ولم يقف حائل دون اكمال طموحه بان يتخرج ولديه من الشهادات الكثير ولكن طموحه ان يكمل البكالوريوس وان يصل الى الدكتوراه اذا اراد الله وامد بعمره
لان لا يعلم الغيب سوى الله سبحانه وتعالى الجميع او الاغلبية لهم من الظروف ماتفوق طاقة اي انسان ولا يستفيد من هذه الشهادة بعملة كون انه وصل بمراتبه وبعمله الى اعلى المراتب وليس له حاجه بالشهادة كون انه تعدى المرتبه التي توازي الشهاده الجامعية ولكن الطموح اكبر من ان يوازي فرحة الدراسة وكذلك النجاح بعد كل جهد ولكل مجتهد نصيب فتوكلي على الله سبحانه وتعالى وتقدمي وصدقيني مع مرور الوقت والايام وسوف نشاركك الفرح بنجاحك وتخرجك فالايام كفيلة بذلك ولا تترددي او تخافي من الفشل لان الجميع بهذه الجامعه يعلم الله شهادتي فيهم مجروحه على مايبذلونه من جهد وتعب بمساعدة اخوانهم الطلبة والطالبات ولن يذخر اي احد منا او يتردد بتقديم اي مساعده لاي احد من الموجودين اتمنى لك السعاده في الدنيا والاخره وان يوفقك ربي لما يحبه ويرضاه
واسف على الاطالة ولكن احببت بان تكون دافع لك في الدراسة فتوكلي على الله بكل شي :(204)::106:

farahq8 2012- 5- 30 06:30 PM
رد: عشر سنين منقطعه عن الدراسه!!!
 
اعرف لي ناس منقطعين عن الدراسه لهم 16 سنه!!!!
وسجلوا بالجامعه ومستمتعين بالدراسه!!!!عاااااادي لا تخلين هالهاجس ياثر علي طموحك:004:

شموخ & انسان 2012- 5- 30 06:38 PM
رد: عشر سنين منقطعه عن الدراسه!!!
 
التوكل على الله والاصرار والعزيمة تجعل كل الطرق سهله
واولى الخطوات ان هناك نية بمواصلة التعليم

أبو فيصل رويلي 2012- 5- 30 06:48 PM
رد: عشر سنين منقطعه عن الدراسه!!!
 
اقول ان انقطعت عن الدراسة 13 سنة وأول ترم جبت معدل 4.76 من 5
وش رأيك

ندى العالم 2012- 5- 30 08:05 PM
رد: عشر سنين منقطعه عن الدراسه!!!
 
عزيزتي توكلي على الله وكملي مادام الإنسان بصحة وعافية فهذه نعمة كبيرة نحمد الله عليها واصلي العلم نور ربي عطا الإنسان نعمة العقل يستغله فيما يفيده

عبدالله سليمان 2012- 5- 30 08:10 PM
رد: عشر سنين منقطعه عن الدراسه!!!
 
أجل وش أقول أنا ؟؟

الستر زين :biggrin:

والحمد لله أدرس أفضل من تلك الأيام الخوالي التي كنت فيها صغير السن ..

واهتم أكثر ونتائجي بفضل من الله أفضل بكثير ...

مادامت الإرادة والرغبة موجودة فبإذن الله تعالى ستكون النتيجة فتاكة :33_asmilies-com:

بالتوفيق ....

وليد مساعد 2012- 5- 30 08:10 PM
رد: عشر سنين منقطعه عن الدراسه!!!
 
توكلي على الله يا بنت الحلال

انا كنت منقطع عن الدراسة لي 8 سنين والحمدلله ربي يسر الأمر

لا تشيلين هم وشدي حيلك وإن شاءالله بتستعيد لياقة الدراسة شوي شوي :cheese:

F!x 2012- 5- 30 08:19 PM
رد: عشر سنين منقطعه عن الدراسه!!!
 
أهم شئ الرغبه بالدراسه
ولا كل شئ يهون

اابومشعل 2012- 5- 30 08:22 PM
رد: عشر سنين منقطعه عن الدراسه!!!
 
توكلي على الله

من توكل على الله فهو حسبه

ومع هذا الملتقى المبارك ان شاء الله تجدين كل شي ميسر ومفهوم من الاخوه والاخوات جميعاً دون استثناء

Ransy 2012- 5- 30 08:30 PM
رد: عشر سنين منقطعه عن الدراسه!!!
 
توكلي على اللمه ياصاحبه الموضوع وكملي جامعتك
كنت دائما اقول لي 9 سنين متخرجه الثانوي ويا الله كيف بارجع تكيف مع الدراسه علما باني درست اربع مستويات بجامعه غير .. لكن كان عقدتي اني كيف اتاقلم وانا دايم افكر بزميلاتي الي تخرجوا وانا لا وممكن توضفوا
لكن عديت السمستر الاول بمعدل حلو وعقبال السمستر هذا
لكن بعد ماشفت ماشاء الله عليهم الي ردو على موضوعك الي متخرج من 20 و25 سنه ومعدلات ممتازه
والله حمسوني انا بعد الله يسعد اللجميع ويوفق الجميع :rose:

Nكش ملكN 2012- 5- 30 08:38 PM
رد: عشر سنين منقطعه عن الدراسه!!!
 
توكلي على الله ولاتفكري بمدة انقطاعك عن الدراسه
فالمشاهد ان اغلب اللي ينقطعون عن الدراسه هم اللي يبدعون في دراستهم بعد عودتهم
ربي يوفقك
:rose:

أبو عبدالله13 2012- 5- 30 08:47 PM
رد: عشر سنين منقطعه عن الدراسه!!!
 
انا منقطع عن الدراسة عشرين سنة

والآن رايح مستوى خامس بأذن الله

توكلي على الله وسجلي الامور سهلات ولله الحمد

هتآآن 2012- 5- 30 09:08 PM
رد: عشر سنين منقطعه عن الدراسه!!!
 
يعجبنى تعزيز الطلبه :biggrin:

@بوفهد 2012- 5- 30 09:22 PM
رد: عشر سنين منقطعه عن الدراسه!!!
 
يبدو انني والاخ تاريخى اصحاب الرقم القياسي فى الانقطاع عن الدراسة 1408هـ

الاخت صاحبة الموضوع اعتقد انها قامت عليك الحجة واصبح اكمال الدراسة بالنسبة لك (كالواجب ) الذي يثاب فاعله ويعاقب تاركه .

جوجيه 2012- 5- 31 12:37 AM
رد: عشر سنين منقطعه عن الدراسه!!!
 
توكلي على الله وسجلي بالجامعه ,انا عن نفسي منقطعه لي 20 سنه وهذي تجربه لي وان شاء الله تضبط معاي .دعوات الجميع لي بالتوفيق والصبر

فرييز 2012- 5- 31 01:40 AM
رد: عشر سنين منقطعه عن الدراسه!!!
 
يعطيكم الف عافيه
ومشكورين ع الردود وذكر تجاربكم
وفعلاً شجعتوني و عطيتوني امل انو ممكن اكمل دراستي
تسلمووو وفالكم النجاح :d5:

صافي ناز 2012- 5- 31 01:58 AM
رد: عشر سنين منقطعه عن الدراسه!!!
 
ياسلام عالطموح
منقطعه اكثر منك وكنت خايفه مثلك
والدنيا فرص مادام فيه فرصه للدراسه استغليها
يمكن ما تتاح مره ثانيه
راح تلقين صعوبه اول الامر
المخ مهنق بحكم الانقطاع
يبيله وقت لما يشتغل :lllolll:
بس بعدين تقولين ياليت من زمان مسجله
بالتوفيق

واثق الخطى 2012- 5- 31 02:03 AM
رد: عشر سنين منقطعه عن الدراسه!!!
 
توكلي على الله اختي
انا تارك الدراسه من عام 1418ه والحمد لله تشجعت ودخلت الجامعه والحين انا مستوى ثاني رايح بإذن الله مستوى ثالث
ويكفيني اني لقيت في هذه الجامعه أخواني يوزنون بماء الذهب
اخوان تعين وتعاون
اخوان الله يجمعني معهم بجناته

هنـــاء 2012- 5- 31 02:03 AM
رد: عشر سنين منقطعه عن الدراسه!!!
 
يووو الاغلبيه منقطعين اكثر منك

معانا بقاعه الاختبار طالبات قد امممي

كملي وانتي مغمضه
اطلبوووو العلم من المهد الى اللحد :rose:

هنـــاء 2012- 5- 31 02:05 AM
رد: عشر سنين منقطعه عن الدراسه!!!
 
اقتباس:
المشاركة الأصلية كتبت بواسطة @بوفهد (المشاركة 6683362)
يبدو انني والاخ تاريخى اصحاب الرقم القياسي فى الانقطاع عن الدراسة 1408هـ

الاخت صاحبة الموضوع اعتقد انها قامت عليك الحجة واصبح اكمال الدراسة بالنسبة لك (كالواجب ) الذي يثاب فاعله ويعاقب تاركه .
ماشاء الله تبارك الله

ماقد ولدت وقتها لسى ببطن امممي :019:

العتـيبي 2012- 5- 31 02:07 AM
رد: عشر سنين منقطعه عن الدراسه!!!
 
اول شي صراحه شفت الموضووع ومن القافه لازم ارد<< :biggrin:


الدارسه سهله على الي يذاكر وصعبه على الي مايذاكر <<ادري ماجبت شي جديد :biggrin:

المهم انا انصحك نصيحه انك تكملين حتى لو تفشلين الدراسه حلوه اوي اوي

ربي يوفقك ويسهل عليك يارب

العتـيبي 2012- 5- 31 02:11 AM
رد: عشر سنين منقطعه عن الدراسه!!!
 
انا امي ما شاء الله عليها تقول بتكمل ماستر


يعني الدراسه حلوه مره

بس انا جد قلت لي امي انتظريني اخذ الجامعه وندرس ماستر نفس التخصص :biggrin:

قالت لا :Cry111:

هتان بن محفوظ 2012- 5- 31 09:20 AM
رد: عشر سنين منقطعه عن الدراسه!!!
 
الله يوفقك ويسهل دربك ، خلك متفائله وشيلي من مخك موضوع الفشل ، وننتظر منك تبشرينا في نهاية السمستر الاول بنتيجتك وانشاء الله كلها a+

خـوخ ـاآ ..~ 2012- 5- 31 12:54 PM
رد: عشر سنين منقطعه عن الدراسه!!!
 
توگلي على الله اخيتي :004:

المنصور 2012- 5- 31 03:40 PM
رد: عشر سنين منقطعه عن الدراسه!!!
 
انا منقطع عن الدراسة من عام 1419هــ
وبدية بداية السنه والحمد لله معدل تمام
وبعدين الدراسة عن بعد ميسره كثير
اهم شي ابعدي التررد وتوكلي على الله
وابدي بعزم وتشوفي الفرق بعد ترم وترمين

فرييز 2012- 5- 31 03:56 PM
رد: عشر سنين منقطعه عن الدراسه!!!
 
مشكورين حبايبي ع ردودكم ونصائحكم:004:
ماقصرتو يعطيكم الف عافيه:biggrin:

ناردين 1 2012- 5- 31 05:56 PM
رد: عشر سنين منقطعه عن الدراسه!!!
 
ماشاء الله كلام الاخوة والاخوات عين العقل ويشجع ويحمس الصراحة:33_asmilies-com:
الله يوفقكم جميعا وانا رايي نفس الاراء السابقة..

بنت السعوديةksa 2012- 5- 31 06:31 PM
رد: عشر سنين منقطعه عن الدراسه!!!
 
وعليكم السلام ورحمة الله وبركاته

هلا بك اختي الكريمة .. الدراسة لا تقف عندنا توقفنا او انقطاعنا فسعي على تحيقيق ما بداخلك

ورغبتك .. فانا معك قد يكون الانقطاع يسبب لشخص هاجس بالفشل وعدم القدره على تخطي

تلك الخطوه بنجاح ولكن عندما يتوقف الموضوع عند تحدي النفس فكل شخص بداخله قدره

تحطمها الخوف اكسري هذا الخوف وادرسي فانا لا اقول لكلي انها سهله لا بل تحتاج لجهد

كبير وخصوصا بعد الانقطاع لكن مع المثابره والاجتهاد بتعدي وتكدي كل شي

ببدايته صعبه لكن مع الوقت تتسهل .. وانا من الناس اللي انقطعت 4 سنوات لظروف خاصه بعد

حصولي على دبلوم الحاسب وما ان تاحت لي الفرصه رجعت ودرسة من جديد صح اول مستوى

حصلت صعوبه لكن بفضل الله ومنه علي تجاوزتها ولله الحمد زادني تشبث في الاكمال

واسئل الله المولى عز وجل ان ييسر طريقك لما فيه الخير والصلاح لكِ

تقبلي مروري :rose:

المصباح 2012- 5- 31 07:06 PM
رد: عشر سنين منقطعه عن الدراسه!!!
 
اقتباس:
المشاركة الأصلية كتبت بواسطة فرييز (المشاركة 6679573)
السلام عليكم ورحمة الله و بركاته
مرحباً بلجميع
انا منقطعه عن الدراسه ولي تقريباً عشر سنين لظروف خاصه ولي رغبه الان انو اكمل دراستي
ومو عارفه خايفه ادخل الجامعه وافشل فياليت تنصحوني اذا انو اقدر اكمل بعد هاذي السنين
ولا اريح نفسي من بدري قبل لا اسجل لانو فعلاً خاااايفه من الفشل
والله يوفقكم جميعاً وتنجحون بأعلى المعدلات
السلام ،،،،
،ااه اه اه اختي الكريمة ، حيثُ اني ولله الحمد عشرين سنه ونيف اقول توكلي على الحي الذي لا يموت ،،،

لك فائق احترامي

gєℓηαя 2012- 5- 31 07:38 PM
رد: عشر سنين منقطعه عن الدراسه!!!
 
:71::71:

كملي كملي


لو ما كملتي جيت رنيت جرس بابكم وانحشت

أشراف بلا تردد 2012- 5- 31 08:25 PM
رد: عشر سنين منقطعه عن الدراسه!!!
 
انقطعت عن الدراسه 17 سنه مع حلم الرجوع والحمد لله تحقق حلمي ما شاء الله على الاعضاء في قمه التعاون والاجتهاد ومنهم نستفيد :004:

بن صقر 1 2012- 5- 31 08:36 PM
رد: عشر سنين منقطعه عن الدراسه!!!
 
توكلي على الله:53: الوضع ممتاز ويبغى له متابعة على خفيفhttp://www.ckfu.org/vb/images/avatar.../%28269%29.gif

النورس2006 2012- 5- 31 08:37 PM
رد: عشر سنين منقطعه عن الدراسه!!!
 
انا انقطعت 20 سنه :lllolll:
توكلي على الله مافي شي صعب
اولها بتحسيه عبئ انه ياربي وش اللي حطيت نفسي فيه وكنت مرتاحه
بس بالعكس الدراسه حلوه وسهله ومعلومات رائعه وشهاده تفتخري فيها

استخيري وقولي يارب

آآريج 2012- 5- 31 09:03 PM
رد: عشر سنين منقطعه عن الدراسه!!!
 
ماشاء الله تبارك الله
والله اني افخر بزملاء طموحين امثالكم
خلاص مالك حجه بعد الاخوان والاخوات وماراح نكتفي بـ البكالوريوس ان شاء الله نواصل ماجستير ودكتوراة
ننتظر منك تسجيلك :119:
الله يوفق الجميع يارب:106:

بوعبدالله منتسب 2012- 5- 31 09:06 PM
رد: عشر سنين منقطعه عن الدراسه!!!
 
التعليم عن بعد لاينظر الى العمر ..

القدس 2012- 5- 31 09:08 PM
رد: عشر سنين منقطعه عن الدراسه!!!
 
:d5:دام الرغبة موجودة تعتبر خطوة ممتازة gooooooooooooooooooooooooooooooo

سو84س 2012- 5- 31 09:20 PM
رد: عشر سنين منقطعه عن الدراسه!!!
 
كملي دراستك يختي وش وراك :biggrin:

والعلم زين - على الاقل نقضي العمر بشي فيه خير ،،،،، :rose::004:

مكافحه 2012- 6- 1 01:55 AM
رد: عشر سنين منقطعه عن الدراسه!!!
 
الله يوفقك :d5:توكلى على الله :(204):

جنيهات 2012- 6- 1 09:32 AM
رد: عشر سنين منقطعه عن الدراسه!!!
 
توكلي على الله

البياعي 2012- 6- 1 01:26 PM
رد: عشر سنين منقطعه عن الدراسه!!!
 
10 سنوات ماهي شي ..حصلت على الثانوية في عام 1413 والسنة هذي 1433 عدت الى مقاعد الدراسة يعني 20 سنة لم تشكل فرق امام الطموح والعزيمة والاصرار رغم المشاغل والاطفال ...على فكرة انا تركت الدراسة ولم اتزوج وحالياً انا وبنتي بالجامعة سوا ...

ابو عشوان 2012- 6- 1 01:35 PM
رد: عشر سنين منقطعه عن الدراسه!!!
 
طلع اكثر المنتسبين شيبان


:cheese::cheese::cheese:

Kadi li 2012- 6- 1 05:37 PM
رد: عشر سنين منقطعه عن الدراسه!!!
 
انا كمان انقطعت وبعد 8 سنوات رجعت والحمدلله ..المهم النية والعزم .. ويكون انك انتي من تبغى تدرس ..لا تقليد .. ولا ارضاء لاحد ..والتوكل على الله

loler 2012- 6- 1 07:53 PM
رد: عشر سنين منقطعه عن الدراسه!!!
 
يااختي الفاضله اذا خايفه من الفشل انك تقعين فيه
فأعلمي عدم اكمالك وعدم محاولتك لأكمال دراستك هذا هو الفشل بأم عينه
كلنا قاطعين لدراسه وابناءنا اصبحوا يدرسون بالمدارس وفوق هذا ندرس ونمتحن مثلنا مثلهم
ولاقلنا بنفشل ولاخفنا من الفشل
والعيب ليس بلفشل وانما العيب للأستسلام ليه والتسلم ليه
وخير ياطير اذا فشلنا نطرق كل الأبواب الين نصل
اهم شي لديك الطموح والمثابره والهدف
قبل كل شي اسألي نفسك انا ايش ابغي
احصل علي شهادة ولاا اجلس اتردد ومدري ايش ابغي
اذا عرفتي بقرارة نفسك ايش تريدي هذاك الوقت افعلي ماتريدي
لاتجعلي احد يكون وصي عليك او يملي عليك ماتعمليه
لانه حتي لو حفزناك بكلمات وبعبارات بنصف الطريق حتملي حتتعرضي للفشل
وللرسوب بكذا مادة والخوف في نصف الطريق او بدايته تتراجعي وقتها هذا هو العيب
فأشحذي الهمه بكل مالديك وادخلي عراك الدراسه واحصلي علي مبتغاك

W A R D 2012- 6- 1 08:14 PM
رد: عشر سنين منقطعه عن الدراسه!!!
 
ما شاء الله تبارك الله على الأعضاء
ماقصروا الله يوفقهم و يسعدهم بالدارين يارب
كملي ياأختي
لأنك ماراح تحسي بقيمة الحياة إذا ماكان لك هدف فيها
نقول إن شاء الله أنا و إنتي من طالبات السنه الجديده بإذن الله
موفقه يارب
:106:

جذور 2012- 6- 1 08:16 PM
رد: عشر سنين منقطعه عن الدراسه!!!
 
خيتي الغاليه انا عن نفسي بكتبل لك تجربتي يمكن تنفعك المهم الان انا بروح مستوى خا مس وانشا الله التخصص اعاقه عقليه تجربتي اقولها وبكل فخر كنت من العاشقين للدراسه لاكن سا ئت الاقدار والضروف بعد تخرجي من الثا نويه والزواج والاطفال المهم رزقت ستتة ابناء الاكبر في الجامعه والاصغر روضه اولى المهم بعدمعرفتي با الانتساب بلا تفكيربلا تردد اتممت التسجيل وحصلت كم كلمه من المحيط والعقول الفارغه ما علينه الطامه الكبره كنت كل من راحت عا مله اقدم على غيرها وصارت توقيف العاملات صدقوني من اول ما دخلت الى الان لم احصل علىعامله اطفال ومنزل دورين ومرافق ولاكن في الحقيقه الانسان بستطاعته ان يصنع المعجرات ما اقولكم تعب وموت والام ولاكن بفضل الله وتكا لي عليه جميع المستويات عديتهم وبنجاح منه الجيد ومنه الممتاز اهم شي الجد وتنضيم الوقت :064: ابي اقول للسائله اني من تخرجت من الثا نويه ما صا رلي كثير احم احم بس 22 سنه بس يوم شفت في الاختبارات وحده ما شا الله عليها عمرها في الخمسين لا ما شا الله دفره كل البنات يبون يقعدون يمها تحمست وبشركم بعدبحمدالله المحيط المقصود الزوج والاقارب ما تتخيلون الحماس الي يعطوني خا صه بعد ما شا فو النتائج :d5:

سعودي طموح 2012- 6- 2 12:27 AM
رد: عشر سنين منقطعه عن الدراسه!!!
 
هذا قلق طبعيي يصيب الانسان وهو شيئ ايجابي

ويجب عليكِ ان تستثمري هذا القلق ليكون حافزاً لكي في المستقبل

لان لكل شيئ ظل ولكل مرحلة شعورها الخاص

حسن المعيلي 2012- 6- 2 12:51 AM
رد: عشر سنين منقطعه عن الدراسه!!!
 
انا انقطعت عن الدراسة اكثر من 15 سنه ورجعت وكل شي تمام والله حلوة بالمرة

Roory_91 2012- 6- 2 02:50 AM
رد: عشر سنين منقطعه عن الدراسه!!!
 
-


توكلي ع الله وكممليَ :004:
بس يبي لج شوية تركيز وكل شي بيكون تمـآم بـآذن الله :004::rose:

star 4 2012- 6- 2 04:30 AM
رد: عشر سنين منقطعه عن الدراسه!!!
 
توكلي على الله طالما عندك رغبة مافي سن معين للدراسة الانسان يطلب العلم لاخر يوم في عمره :(204):موفقه


All times are GMT +3. الوقت الآن حسب توقيت السعودية: 09:05 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه