|
تعذيب مركز شمال الرياض 2
السلام عليكم ورحمة الله وبركاته مركز شمال الرياض 2 مدارس تحفيظ القرآن في عرقة طبعا جامعتنا العزيزة كي تتاكد ان نتعذب على اكمل وجه ما اكتفت بالمراكز البعيد لأغلب الموجودات ان لم يكن الكل عرقة غير الكروكي الغير واضح لا كان يجيب عليها ان توفر لنا اشياء اشد تعذبنا فيها قاعة فيها اكثر من 50 بنت نااااااااااار المكيف في شدة هذا الحر كأنه غير موجود الممرات ضيقة امارس التامل واليوغا وانا انتظر دوري كي تاتيني ورقتي بالاضافة الى التعامل الراقي من المراقبات !!!!!! صراخ كاننا اطفال وصوت عالي في قاعة امتحان حتى مكان نضع فيه حقائبنا واغراضنا لم يوفر لنا الا في زاوية ضيقة تتجمع الاشياء فوق بعض تكون اكوام هذا غير اذا طلبت مااء بارد في هذا الحر الفظيع وعدد الانفاس الذي يساعد على الاختناق يأتيك بماء بارد مشكورين ولكن سجل اسمك سوف تطارد ما ان تخرج من باب القاعة لتدفع ريالان مقابل قارورة مياه هنا 0.33 لتر =) غير نظافة المكان الادراج والكراسي تغطيها طبقة اتربة والمكان كأنه مهجور لايوجد مكان نستطيع الجلوس فيه بدون ان نتسخ مكان مزعج موتر اقل مايقال عنه |
رد: تعذيب مركز شمال الرياض 2
افا حتى الماء بفلوس عندنا رحمه والله
|
رد: تعذيب مركز شمال الرياض 2
ويييييييييييييييييييين
وش ذا الاسلوب حنا عطونا مجاني اكيد المركز استغلوا عدم المراقبه المباشرة من الجامعة :sm4: |
رد: تعذيب مركز شمال الرياض 2
اقتباس:
الواحد مايكفيه قلق الامتحانات لا بعد يشيل هم المركز |
رد: تعذيب مركز شمال الرياض 2
اقتباس:
مادري عنهم والله اسلوبهم سيئ يضيق الصدر |
رد: تعذيب مركز شمال الرياض 2
- احنآ عندنآ والحق يقال .. من زود احترام المراقبات ودهآ تحل عني .. آول مادخلت قالت هلااااااااا دودي .. شخبارتس .. هاه مذاكره .. والقاعه كانت بررررررررد .. وقلت لها قصروه قالت مانقدر بس بنفتح النافذه .. و يجونآ تبون منآديل - اقلام - مويآ ؟؟ احد نافصه شي ولا شي .. ويجون يشيكون على بياناتنآ ولا اذا نسينآ شي .. وبرآ عندنآ حلويات و كرسبي كريم .. و فطآير و شآهي وكوفي ..< للبيع طبعاً .. عموماً بقولتس .. هذا موب من الجامعه / الجامعه تدفع لهم عشان يزينون لكم المركز .. فِ الغلط منهم .. الله يعينكم .. والحمدلله ع اللي عندنآ الله لا يغير علينآ .. |
رد: تعذيب مركز شمال الرياض 2
:000: .. يألله رحمتك .. كل هذا ؟؟
وش فيها الجامعه ؟؟ ليش ماتعطيهم قوانين صارمه .. المفروض يعرف الطالب أيش له وأيش عليه قبل المركز .. عشان ماننظلم يااازيين مركز الحمااد بالخبر .. اول مركز اختبرت فيه .. في كل فصل كراتيين أقلام والعاملات يمرون بالمويه كل نص ساعه .. يعني من جد أهتمام .. أما مدارس السلام .. هي والمسرح حقهم :139: والحين الرابعة المتوسطه |
رد: تعذيب مركز شمال الرياض 2
اقتباس:
الله لا يغير عليكم احنا مدري ادرس مهارات والمادة سهلة واذا ذكرت بكرة المركز انسدت نفسي وجاني احباط :sm1: |
رد: تعذيب مركز شمال الرياض 2
اقتباس:
:Cry111: حالنا حال يارب سهل وعدي هالامتحانات على خير |
رد: تعذيب مركز شمال الرياض 2
الجامعه ماتدري عن اللي قاعد يصير لكم ولو توصلينها للشعيبي راح يتعامل معهم السمستر اللي راح وصلت تعامل مركز 23 شمال الرياض للجامعة وطريقة تعاملهم السيئة مع الطالبات وكلمت بنفسي الشعيبي مكالمه طويله واخذ رقم المركز وتم التواصل والحمد لله تغيرت معاملتهم لنا لانهم مو جايين ببلاش الجامعة تعطيهم مبلغ وقدرة عشان المراقبه وهم جايين ينفاخون وصلي صوتك للجامعة وهم راح يتفاهمون معهم وبالتوفيق لكم |
رد: تعذيب مركز شمال الرياض 2
الجامعه ماتدري عن اللي قاعد يصير لكم ولو توصلينها للشعيبي راح يتعامل معهم السمستر اللي راح وصلت تعامل مركز 23 شمال الرياض للجامعة وطريقة تعاملهم السيئة مع الطالبات وكلمت بنفسي الشعيبي مكالمه طويله واخذ رقم المركز وتم التواصل والحمد لله تغيرت معاملتهم لنا لانهم مو جايين ببلاش الجامعة تعطيهم مبلغ وقدرة عشان المراقبه وهم جايين ينفاخون وصلي صوتك للجامعة وهم راح يتفاهمون معهم وبالتوفيق لكم |
رد: تعذيب مركز شمال الرياض 2
:139: أنآ حآطيني هنآك مررررهـ بعيييد عني مركز شمآل 4 أقرب لي :icon9: للحين مآبدأت أختبر فيه بس أختبآري بكرآ والله يستر إللي قلتيه مآيطمن :000: المشكلة هذي عرقه أول مرهـ أسمع فيهآ وسمعت إن فيهآ أمآكن مهجورهـ وشي يخوووف :bawling: من جدهم ذول حآطينآ هنآك !! :sm1: عموماً المرآقبآت لأزم يحترمون نفسهم ., أنآ الحمدلله بـِ العآدهـ المرآقبآت محترمآت معي لأني مآأعطيهم فرصة للغلط .. إللي بتحترمني أعآملهآ بـِ المثل والعكس صحيح مآ أجآمل ع حسآب نفسي :sm4: الله يعدي هـ الأسبوعين على خير يآرب :rose: |
رد: تعذيب مركز شمال الرياض 2
احلى شي الكروكي( المركز بالحي المقابل للامارة :biggrin: ) >> لغز تراه ههههههههههه
قسم بالله قعدنا انا و الوالد ندور نشوف اي مبنى للمركز بالاخير لقينا عمال مصريين و سألناهم و طبعا رقم المشرف ما يــــرد :(269): من جد الموية اللي بنص ريال بريالين ههههههههههههههههههههه حنا متعودين بكل المراكز المويه تتوزع مجاناً مثل الاقلام و غيرها بس هذي تجي للقاعه تقول احد يبي مويه و يوم قالو ايه و عطتهم قالت بس سجلي اسمك عشان لما تطلعين تدفعين :biggrin: وردة وابشرك البطاطس عندهم بريالين :(269): >> شفت بنت صغيره تشتري حسبتها الحبه بريالين :hahahahahah::hahahahahah: فكرت افتح لي بسطه هناك اكسر سوقها :33_asmilies-com: بس سالفة 40 بنت في قاعه قووووويه انا القاعه اللي دخلتها كلنا 17 بس المكيفات باارده بس بجد لاحظت فيه زحمة كراسي و طاولات مدري وش سالفتها :(107): ولا وزعو الاوراق علينا الساعه 7:15 و الساعه 9 قالو انتهى الوقت شكلي برسل مسج للجامعه ولا اتصل عليهم الصباح و انتي بعد حاولي تكلمينهم |
رد: تعذيب مركز شمال الرياض 2
اقتباس:
اجل الله يعينك بالحي المقابل للامارة ههههههههههههههههههههه لانها صادة من جوا شوي و لا فيه اي لوحات هي في عرقه الجديده مو القديمه |
رد: تعذيب مركز شمال الرياض 2
اقتباس:
لاهنتي رقم الشعيبي بروح بكرة ان حصل مثل ماحصل امس بتصل فيه اخبره |
رد: تعذيب مركز شمال الرياض 2
اقتباس:
وبقولك ماتدرين يمكن يتعدل الحال بكرة |
رد: تعذيب مركز شمال الرياض 2
اقتباس:
المشرف استلمته لين رد علي ربع ساعة ماسكة خط عليه لان ضعنا وهو ولا عنده نية يرد بالنسبة للمكيف وعدد البنات شوفي القاعة الثانية الدور الثانية بتلقين كلامي صحيح |
رد: تعذيب مركز شمال الرياض 2
:: نفس الحالة قعدت أدور على المكان بصعوبة لقيناه وصلت الساعة سبعة وربع بس زين مابعد وزعوا أوراق الاختبار آآآآه وصلت وريقي ناااشف عطش طلبت مويا وسحبت علي والمكان يجيب الكآبة مرره بعيد وموحش وربي وضع بالمرة متعب بس الحمدلله على كل حال :: |
رد: تعذيب مركز شمال الرياض 2
انا معاكم بنفس مركز عرقة يجيب الهم
الاسنكرز ابو 3 ريال عندهم ب5ريال :g2: الله يعين ونعدي هاالاسبوعين على خير:Cry111::Cry111::Cry111: |
رد: تعذيب مركز شمال الرياض 2
يمكن حظكم الي راقبو عليكم انا نفس الشي بعرقه وكان عندي السلوك التنظيمي لجنه ثلاثه بالعكس كانت مكيفه والمراقبات محترمات اما الماء من نفسي اجيب لي احتياط :biggrin:
|
رد: تعذيب مركز شمال الرياض 2
اقتباس:
واثقه ان كلامك صحيح ما قلت شي بس اقولك عن القاعه اللي كنت فيها احسب الطاولات من بعد الطالبات ما ما توقعت انهم مسوين هالزحمه عشانا يعني انا يوم جت تمر المراقبه تركت القلب لا احوس الاوراق فيه لانها تمشي و تصقع فينا من ضيق الممر |
رد: تعذيب مركز شمال الرياض 2
كله كوم .. وفنجال القهوة بريالين !! :biggrin:
شدعوا ع الاقل حطوه بكاس ورق مو فنجال كبر اصبعي الصغير ..!!! بس الكروكي واضح انا دليته على طول الحمدلله ماضيعت .. بس استغربت انهم قالعينا في عرقة مايعتبر شمال الرياض ..! ليتهم خلونا في الرواد اصرف |
رد: تعذيب مركز شمال الرياض 2
انا قاطع قلبي وش دخل عرقه بالشمااااال:(107):
الترم الجاى بحط شرق الرياض شي اهون من شي اجل مركز الازدهار جنبي ويحذفوني فى قلعة وادرين وكلنا 3 بنات اللى نفس قسمي |
رد: تعذيب مركز شمال الرياض 2
اقتباس:
يا ليل الاغلاط قصدي القلم مو القلب :hahahahahah: بنات كيف المركز اليوم |
رد: تعذيب مركز شمال الرياض 2
اليوم الي راح الي هو السبت
ممنوع الطرح قالوا لنا شيلو الطرح موسوسين احد حاط جوال ونفس اسلوب الصراخ والمكيفات الميتة هي هي |
رد: تعذيب مركز شمال الرياض 2
ركزي الأن على الاختبارات وبعدها قدمي ملاحظاتك عن مركز اختبارك عن طريق الخدمات الطلابية |
رد: تعذيب مركز شمال الرياض 2
السلام عليكم ... يسعد مساكم ياحلوات البنت اللي قالت الشعيبي ممكن يخدمنا بهالموضوع ممكن رقمه :sdfgdsf: وايش وضعه بالضبط انا ابي اعرف السقيم:(177): اللي يختار مراكز الاختبار وش يحس فيه:(107): الحين شمال الرياض فيها اكثر من عشر أحياءوكل حي ع الأقل بتكون فيه مدرستين لكل مرحله من غير الأهلية والمعاهد ضااااقت عليه الا قلايع وادرين "عرقه":sm1: هي سالفة انتقام يعني والا لعانه .. تلاقيه يقول ليش طول السنه مايداومون خلني اطلعها من عيونهم :bawling: انسان سقييييم مريض نفسياً :139:حسبي الله عليه وليته قالعنا على سنع :mad: حسبي الله عليه :41jg: ترك أحياء الشمال كلها " المرسلات , المصيف , النزهه , المروج , الازدهار , التعاون , الوادي , النفل , الغدير , الربيع ,......الخ " واختار عرقه :017::017::017::017: حسبي الله ونعم الوكيل . |
رد: تعذيب مركز شمال الرياض 2
الشعيبي اتوقع تقصد هو شي في شؤون الطلبه سبق و كلمته من فترة اذا تبون الرقم اعطيتكم اياه :biggrin:
|
رد: تعذيب مركز شمال الرياض 2
هذا رقم الاستاذ احمد الشعيبي 0507074891 تواصلي معاه بالواتس اب راح يرد عليك بسرعه توني مكلمته اشكره على التمديد اللي صار بالبلاك برود ورد على شكري له وصدقيني راح يتجاوب معكم على طول وسوري على التاخير بالتوفيق لكم جميعا ,, :106: |
رد: تعذيب مركز شمال الرياض 2
يابنات معاد في الحكي فايده يعني بينقلون الحين مراكز الاختبار مافيه امل
وبالنسبه للمركز انا اختبرت فيه الخميس والسبت القاعات مبرده وكويسه والمراقبات مؤدبات وقاعاتى كلها تحت مابعد طلعت فوق يمكن هي اللى مكيفاتها عطلانه انا الومهم على كميه الغبار شي مو طبيعي ماعلقو على وضع الطرحه ولا دققو في البطاقات الشخصيه بس اكتفو بالتعريف اما البسطه شوفي من اللى مشرف عليها ذيك الطويله تحسب السعوديات ينلعب عليهم والا كلهم تجار علقوا عليها والا اتركو بضاعتها من زينها |
رد: تعذيب مركز شمال الرياض 2
لا بصراحه احنا بنختبر باكاديمه الريان الراقبات رووعه يحسسوكي كأنك بنتهم
ويجيبو مويه من غير ماتطلبي بصراحه المكان والناس اللي فيه بقممه الروعه |
رد: تعذيب مركز شمال الرياض 2
بس ما توصل يحشرون 40 طالبه في قاعه كل ما مرت مراقبه صقعت فيك من الضيق مع العلم ان وقت اختباري كنا 17 طالبه
بس فعلا الفصل صغير و الطاولات مرره متقاربه حتى ما يمديك تجلسين و تقومين الا صدمتي باللي قدامك و اللي وراك :017: |
رد: تعذيب مركز شمال الرياض 2
انا نفس المركز شمال 2 عرقه
الوصف مو واضح ودرنا السبع دورات لاحظت في القاعات ازدحام طاولات وكراسي كثيره والمكان يصير ضيق بس المكيفات بارده بالنسبه للمراقبات الى الان الحمدلله اللي راقب علينا :(204): :53: كل قاعاتي كانت تحت والحمدلله البنات اقل عدد من فوق ان شاء الله مايراقب علينا اللي راقب عليكم :mh12: |
رد: تعذيب مركز شمال الرياض 2
:rose:بصراحه المركز صدمه ياليتهم يبيعون المويه ممكن نستوعبها المشكلة يتاجرون فيها وأسعار سياحية :lllolll: يستغلووووون الوضع أما التعامل :007: كاننا اطفاااال:icon120: المشكلة اللي تاثيرها مباشر ع الاختبار تاخييييييييير توزيع الاوراق سواء ورقة الاجابة اللي تاخذ مننا وقت طويل المفروض خارج زمن الاختبار ورقة الاسئلة تضرب بالصمييييييييم واذا عصبنا وشدينا معاهم قالوا اسكتوا انتوا باختبار الحين الساعه تتعدي 4 ونص ولا توزع اي ورق والااا الحركة البدائية لتعليق الاسماء كقائمة من عدة اورااااق فووووق بعض مثبته وكل وحدة تجي تسوي بحث بنفسها عن اسمها :hahahahahah: كنا بالمراكز السابقة نلاقي الاسماء مثبته ورقة ورقة نكتفي بالنظر من بعيد ونعرف مكاننا ضغغغغغط نفسي هالمركز :(177): مشكوووورة اختي عالموضوع :rose: |
رد: تعذيب مركز شمال الرياض 2
والله ياورده عندنا وعندكم خير
انا في مركز شرق الرياض 29 مدارس الشورى كأننا بهايم ننتظر برا تحت درجة حراره 45 ومايفتح الباب الا قبل الاختبار ب 10 دقايق المويه مجانيه بس مع الاسف حاااره كلمت اللي جالس عند الباب قلت أبغى أتفاهم مع المسئول أو المشرف مارضس يدخلني يالله الله يكون في عوننا وعونكم |
رد: تعذيب مركز شمال الرياض 2
اطلعو بدري لاتتاخرون يابنات الطرق مقفله
عشان ماتجي الابلى تهاوشك :hahahahahah: :hahahahahah: |
رد: تعذيب مركز شمال الرياض 2
بكره اول اختبار لي خوفتوني من المكان ياربي لا تجيني صدمه ومقدر احل شي
اخاف اجلس اصيح :( رحت انا وعمي امس عشان نشوف مكان المركز عشان اروح مع السواق الوحدي بس من شفته بعيد قسمت مهام توصيلي للمركز لخواني وخوالي :( كل يوم واحد فيهم يوديني بس زين علمتوني انه حر عشان احسب حسابي بمويه بارده معي والبس شي خفيف الله يعين بس |
| All times are GMT +3. الوقت الآن حسب توقيت السعودية: 08:00 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه