|
جبت العيد وش السواه؟
صباح الخير لكم جميعا
ومبروك النجاح للي نجحوا والبقيه تعوضونها بعدين ان شاء الله نجي لموضوعي مع الاسف جبت العيد في كل المقررات :mh12: وش السواه اللحين اكمل قصدي اعيد المستوى والا انسحب اصرف وانا ودي بالانسحاب اكثر فكيف الطريقه ؟ لاحد يشره علي لي 13 سنه عن الدراسه والمذاكره:cheese: |
رد: جبت العيد وش السواه؟
اذا تبي نصيحتي لا كمل بس تابع المحاضرات اول باول ووصدقني هالمره بتكون اسهل لانو بيكون عندك فكره عن المواد :106:
|
رد: جبت العيد وش السواه؟
اخوي حتى انا جبت العيد فكل عام وانت بخير :Cry111:
|
رد: جبت العيد وش السواه؟
أخوي خل هذي القاعده نصب عينيكـ ( الفشل بدايه لكل نجاح
)وانا اعتبرها مو فشل بل تجربه لكـ وأكيد انت ومن اخفق في هذا المستوى بأنكم قدها وطبعاً انت قادر انكـ تجيب معدل بإذن الله وبداية الألف ميل تبدأ بخطوه .. لاتنسحب وانا اختكـ اعتبرها تجربه وبإذن الله تستطيع ان تعلو القمه في المستويات القادمه .. توكل على الله ولا تفكر في الانسحاب ونصيحتي لكـ سر إلى الأمام لاتتراجع ابد وربي بيسر لكـ كل شي .. تمنياتي لكـ بالتوفيق .. |
رد: جبت العيد وش السواه؟
لا تنسحب ابدا تعوذ من الشيطان وكمل وتوكل على الله:(204):
|
رد: جبت العيد وش السواه؟
كمممممممممممممممممممممممممل والله يوفقك
|
رد: جبت العيد وش السواه؟
لاوالله كمل يالذيب .. مافيه أكسل مني الآ عامل الغنم اللي عندنا زول بس حبوب:24_asmilies-com: شف خلني قدوه لك هالترم بس :41jg: كل ترم أحمل ماده مادتين ولآ فكرت لحظه أني أنسحب لو أحمّلها كلها :53: شد حيلك وأقطع هالصفحه من كتاب حياتك ..:oao: والمسلم مبتلى .. وتأكد هذي نقطة إنطلآق لك إلى القمه بإذن الله..:(204): موفق خير :106: |
رد: جبت العيد وش السواه؟
لاتنسحب وجيب العيد مره ومرتين والثالثه ثابته ان شاء الله المهم تستمر والله بيوفقك بس شد حيلك شوي وابشر بالتوفيق من الله تعالى :53:
|
رد: جبت العيد وش السواه؟
كمل وشد حيلك والله يوفقك دنيا واخره |
رد: جبت العيد وش السواه؟
استعن بالله وكثر من السجود وطول فيه عشان تنشط ذاكرتك من تقرا شئ يتخزن باذن الله ....
واصل والله معاك وصدقني بتصير سوالف يكفيك ان الشجر والحجر تستغفر لطالب العلم جعلنا الله واياك منهم .. |
رد: جبت العيد وش السواه؟
كمل والله بيعينك الا أن كنت أنت ماتحب الدراسة فهذا راجع لك
والله يوفق الجميع |
رد: جبت العيد وش السواه؟
ياااهلا كل عام وانت بخير انا جبت العيد الاكبررر :53:
|
رد: جبت العيد وش السواه؟
كمل ي ابو عزوز وعسى الله يوفقك،، |
رد: جبت العيد وش السواه؟
اتوقع اغلبنا في اول ترم جاب العيد ورمضان لكن بعدها شدينا على عمرنا والحمدالله وانت شد حيلك والله يوفقك:106::106::106:
|
رد: جبت العيد وش السواه؟
كمل انا زيك جبت عيد الفطر وعيد الأضحئ:71: ولا فكرت اني انسحب ابد ابد باكمل إن شاء الله لين انجح سنه عشر مو مهم المهم ادرس واتخرج ودي والله اكمل بعد ماجستير ودكتوراه }} تحلم
ج |
رد: جبت العيد وش السواه؟
لاتنسحب خليك قوي لاتكون من اول تجربه لك تتهرب
عادي شد حيلك مافي شي يجي بالساهل اتعب على نفسك وان شاء الله تبيض الوجه |
رد: جبت العيد وش السواه؟
وااااااااااااااااااصل
والله يوفقكـــ |
رد: جبت العيد وش السواه؟
اقتباس:
اخوي يمكن تقولي كيف طريقة تكملة الدراسة اذا حملت مادة كيف اسوي ادرس هالمادة مع المستوى الثاني وكيف اختبرها مع مواد المستوى الثاني يجزاك ربي كل خير |
رد: جبت العيد وش السواه؟
أوصيك----- أستعن بالله ولاتعجز=====واصل والله معاك
|
رد: جبت العيد وش السواه؟
مرحبا كيف حالك اخوي لا يا خوي كمل وشد حيلك الله يوفقك :d5:
|
رد: جبت العيد وش السواه؟
كمل كمل كمل (( واصعد القمه )) والله يوفقك (( أختك توآقه للقمه ))
لا يهمك عدد السنوات أكبر منك يدرسون وياخذون المجستير اعتبر نفسك دارس ماجستير والله يوفقك |
رد: جبت العيد وش السواه؟
كمل ولآ تيأس .. مب عيب آلوآحد يفشل .. وكل إنسآن يمر بظروف .. كمل وتوكل على آللهـ وهآلمرهـ بتجيب معدل حلو .. لأنهـ بتكون عندك فكرهـ عن آلموآد نفسهآ .. وكمل وشيل فكرة آلإنسحآب نهآئي ألحين أو بعدين .. وآللهـ يوفقك ويسعدك يآ رب :106: |
رد: جبت العيد وش السواه؟
مبروك للناجحين
شقول انا احمل ماده الانجليزي علشان درجتين ثاني مره احمل يعني احمله ثالث مره حرام حسبي الله ونعم الوكيل |
رد: جبت العيد وش السواه؟
:33_asmilies-com:نصحتي لك كمل وكل شي بدايتة تعب نهايتة راحة باذن الله
|
رد: جبت العيد وش السواه؟
اعتبر هالفصل إحماء واستمر |
رد: جبت العيد وش السواه؟
والله وضعك صعب
ودامك رسبت في كل المواد فمعناته انك كنت داخل الاختبارات بدون مذاكرة + انك ما كملت درجات المشاركة واكيد الترم الجاي بتستمر بنفس الوضع او بتتحسن شوي والمعدل ما يتحمل كثرة الرسوب لان نزول المعدل تحت 2 الظاهر 3 اترم ورى بعض ممكن يطوي قيدك من الجامعة . انا عارف ان ردي مافيه اي تشجيع لكن انت طلبت رأينا وهذا رأيي ممكن اقول لك كمل اذا انت متأكد انك بتغير من وضعك وبتبدأ تذاكر من اول يوم اذا هذا الشي ببالك كمل اذا غير كذا انسحب ووفر فلوسك |
رد: جبت العيد وش السواه؟
لا والله كمل يالذيب انا صارلي 20 سنه منقطع عن الدراسه والحمد لله اطيح واقول وعلي الله المستعان |
رد: جبت العيد وش السواه؟
تعوذ من ابليس وجرب نفسك الفصل الجاي وبتشوف الدراسة صارت اسهل بكثير يمكن التخصص اللي إنت داخل فيه ما لائمك حاول تغير التخصص إلى شي ثاني وإن شاء الله الله راح ييسرها لك شوف تخصصات الجامعة وايش اقربها لنفسك وطموحك وبتلاقيها بتصير سهله ولا تنسى ترى كلها 5 سنوات لو ماخذها ع الراحة وبتخلص ... والايام تركض والسنوات تطير ... :lllolll: بس لا تنسى تعزمنا على كيكة التخرج .. :33_asmilies-com: دمت بخير |
رد: جبت العيد وش السواه؟
واإاإاإاإاإاإاصل ليش تنقطع :119:
والواد اللي حملتها ترجع تدفع رسوم دراستها وتنزلها من جديد اتمنى فهمت علي وبالتووووووفيق |
رد: جبت العيد وش السواه؟
لاتراجع لا للامام لامام :biggrin:
اقول اذا ماكوا مذاكرة لاتعب نفسك ذاكر زينا قبل الاختبار باسبوعين اسبوع وتابع معنا بالمنتدي والاخوان مايقصروا ودرجات المشاركة احرص ع انك تجيب الدرجة كاملة واذا احتجت شي مابنقصر معك وان شاء الله تتوفق .. |
رد: جبت العيد وش السواه؟
مع التحيه
تبي شوري أفصل يارجال وترى ياما في السجن مظاليم ( او ماله دخل *_* ) تبي الصراحه وبدون مجامله أنت شكلك داخل الجامعه على اساس تنجح وبدون أي مجهود مثل واحد من الشباب يقولي ان عندهم واحد في القاعه في الاختبارات الماضيه سلم الورقه وهو ماحل فيها أي شي !!! اذا كنت كذا وناوي تستمر على هذا الوضع فرأيي أفصل من الحين ولاتخسر فلوسك ( لا حظ ماقلت لك ولا تتعب عشانك اصلا ماتعبت نهائياً ) لكن اذا ناوي تعدل من وضعك وتتعب وتجيب مدرسين مثل غيرك فالله يوفقك أستمر وربي معك وموفقين |
رد: جبت العيد وش السواه؟
كمل ولآ تفكر تنسحب |
رد: جبت العيد وش السواه؟
كمـــــــــــــــــــــــــــــــل
مثل ماقالووو ابدا من جديد وبيكون اسهل باذن الله |
رد: جبت العيد وش السواه؟
ماهو عذر انا لي 15 سنه ولله الحمد عدد ماكان وعدد مايكون نجحت بكل المواد والعدل فوق 4
|
رد: جبت العيد وش السواه؟
واصل ولاتفكر بالانسحاب
وخذ وعد ع نفسك انك تعدي هالترم وتجيب معدل بعد لكل جواد كبوه خيووو ومونهاية العالم ترى .. انا عن نفسي الفشل كان حليفي فتره ومرافقني زي ظلي والكل كان معترض دخولي هالجامعه لانهم متوقعين فشلي بس عاهدت نفسي وتحديت الكل والحمدلله نجحت وبمعدل سكتهم وظروفي فترة الاختبارات كانت سيئه فوق ماتتخيل بس الحمدلله حطيت النجاح قدام عيني ،، معليش طولت عليك بس ابيك تعرف موانت الوحيد اللي فشلت كمل كمل كمل ولاتلتفت وراك ولاتسمع لأحد وربي يوفقك |
رد: جبت العيد وش السواه؟
توكل على الله وكمل هذه بتكون لك حافز على التقدم والنجاح لاتيئس |
رد: جبت العيد وش السواه؟
:119:[frame="11 98"]
أخوي توكل على الله وكمل وأغلبنا كانت بدايتهم كذا وواصلو والحمدلله عدوا نصحيتي واااااااااااااااااااااااااااااااصل وبالتوفيق لك [/frame] |
رد: جبت العيد وش السواه؟
لا ياأخوي ماهودليل انك مبطي انا عن الدراسه
انا لي 23 سنه والحمدلله ولكن الأمر راجع لك ولمقدرتك على استيعاب الدروس وظروفك المحيطه والجامعه ليست بالسهله وفي نفس الوقت ليست بالصعبه فقط تحتاج الى الرغبه منك شخصياً حتى يكون هناك دافع لك لمساعدتك في مسيرتك الدراسيه . لك مني كل التحايا |
رد: جبت العيد وش السواه؟
الله يعينك برايي لا تنسحب كمل
|
رد: جبت العيد وش السواه؟
السلام عليكم
اخوي كلنا صارلنا زمان عن الدراسة لكن بالارادة والعزيمة نحقق اهدافنا انشاء الله ولاتيأس |
رد: جبت العيد وش السواه؟
ايش تنسحب الا حاول مره واثنين وثلاثه وماهو عذر تارك الدراسة لك 13 سنة انا تراكها للي 20سنة ونجحت بس اغلبها على الحفه يعني ممكن تشوف أثر(شوته ) على الشهادة يعني بالغصب
|
رد: جبت العيد وش السواه؟
جايب العيد و بكل المواد !!!
يعني انت ما درست شيء نهائيا و لا عندك رغبة و من اولها اول سمستر المفروض يكون عندك الحماس اعلى شيء :41jg: |
رد: جبت العيد وش السواه؟
don't wory this is your bad destiny what u can do about it:d5:
|
رد: جبت العيد وش السواه؟
اذا انت مقتدر ماليا
انا اقول كمل ولا تتراجع ابدا وخلها تجارب وتحديات لك وصدقني اغلب الملتحقين بجامعات التعلم عن بعد منقطعين فتره طوييله عن الدراسه وعندهم ظروف لكن لابد ان يؤمن الشخص بقدراته العقليه وامكاناته ربي اكرمنا بالعقل ليش نتهاون فيه ونعطله ونبي كل شيء يجينا بالراحه والسهوله لابد من الإجتهاد والعزيمه .............................. اما لو كنت توجد المبلغ بصعوبه بقولك انسحب وربي بيعوضك خير وقبل كل شيء الإستخاره |
رد: جبت العيد وش السواه؟
الله يعطيكم العافيه كلكم ماقصرتوا
انابستخير والله يكتب الي فيه الخير وبالنسبه للي قالوا اني ما اجتهدت او دخلت الاختبار بدون مذاكره او شي انا ممكن اكون قصرت شوي ولاكن الي سبق وقرى موضوعي بيعرف الضرف الي مريت فيه انا مادريت عن الاختبار الا قبل يوم وفاتني اختبار اول يوم لاني ما كنت اعرف وهنا فيه لوم على الجامعه كان المفروض ارسلوا عالجوال ان الاختبارات الاسبوع القادم مثلا او انه نزل الجدول انا كنت امر بظرف صحي ماقدرت ادخل النت لمده اسبوعين وهي الي كانت قبل الاختبار . والله يسيرنا لمافيه خير لنا |
رد: جبت العيد وش السواه؟
انا زيك لي عن الدراسه اكثر من 15 سنه لكن معدلي ولله الحمد من قبل وبعد الان 4.8 العزيمه والأصرار انا كنت وكان يامكان طالب في البترول امضيت فيها 4 سنوات لكن تعلمت من خطايا
نصيحتي لا تتردد وكمل وتوكل على الله وبالتوفيقِ |
رد: جبت العيد وش السواه؟
اقتباس:
I am totally agree with u,my advise you shouldn't look to the back just ignore all these issues and go ahead direct to the point, wish you all good luck |
رد: جبت العيد وش السواه؟
لا تنسحب والله تمشي الأيام بسرعه بكرا تندم انك ما كملت
لاتقول المشوار طويل و معرف ايش بغمضة عين و انت متخرج باذن الله :106: توكل على الله و كمل و حاول تشد حيلك أول بأول لاتقول صعب .. مافي شي بهالدنيا صعب و الشهاده هي اللي تحدد مكانتك بالمجتمع :wink: |
| All times are GMT +3. الوقت الآن حسب توقيت السعودية: 12:55 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه