ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   ابي رد سنع (https://vb.ckfu.org/showthread.php?t=268763)

خيااليه 2011- 12- 21 02:52 AM
ابي رد سنع
 
السلام عليكم ورحمة الله وبركاته


الله يسعدكم نبي احد يقولنا الخطوات حبه حبه عشان محد يسال مره ثانيه لو احد يرد علينا رد يوضح فيه كل شي بالنقاط من دون روابط لان الموقع شايفينه ومطلعين عليه بس فيه اشياء مافهمناها

والشي الثاني انا اليوم سددت عن طريق الاهلي وتفاجات فيه بعض الاعضاء يقولون من بنك الرياض وتعطينهم ورقه وتاخذين نسخه من البنك وترسلينها مع الاوراق يعني الحين وش اسوي

واتمنى القى رد وافي...

أحمد باسمح 2011- 12- 21 02:57 AM
رد: ابي رد سنع
 

خيااليه 2011- 12- 21 03:02 AM
رد: ابي رد سنع
 
الله يسعدك اخوي هذا وانا قايله من دون رابط
دخلت على هالموضوع وارسلت امس وردوا علي برابط الظاهر بتجيني عقده من هالروابط
تكفووون انتم اعرف منا نبي نقاط مختصره
مابقى احد ماسالته عن الطريقه :Cry111:

الـ ح ـسـآم 2011- 12- 21 03:27 AM
رد: ابي رد سنع
 
وعليكم السسلآإم
أول شيء تجمعين هالأشيآء

- أصل الشهادة الثانوية.
- صورة من بطاقة الأحوال المدنية للطالب/الطالبة (أو صورة من بطاقة العائلة للطالبة التي لاتملك بطاقة الأحوال المدنية ).
- نموذج إرسال وثائق القبول (يطبع من موقع الجامعه بعد اعلان نتيجة القبول)
ونؤكد على الطالب ضرورة الإحتفاظ بنسخة مصدق (مختومة) من نموذج إرسال الوثائق الأصلية للبريد الممتاز


ومن ثم تسددين عبر الصرآفة أو الأنترنت المصرفي
وطريقة التسديد أدخلي على الرابط وأخر شيء تعليمات السداد الرسوم

http://www.kfu.edu.sa/ar/Lists/Admis...orm.aspx?ID=18

وتأخذين ألي جمعتي وتروحبين للبريد وتعطينه وراح يعطيك نسخةة الطالب مختومةة
وتمت العمليةة :biggrin:

خيااليه 2011- 12- 21 03:47 AM
رد: ابي رد سنع
 
يعطيك الف عاااافيه والله يجزاك خيير
بس الرابط مافتح معي قلتها مسببلي عقده
المهم اني سددت عن طريق الصراف الالي وحفظت العمليه وطلعة ورقه التسديد مااحتاجها صح لاني ماارسلها لهم مع الاوراق
وسؤال نايم بس معليش وثائق القبول اطبعها بلون ولا عادي عشان الختمه وبس

Dtahani 2011- 12- 21 04:01 AM
رد: ابي رد سنع
 
عادي بدون لون مو مشكله.. بعدين وش اللي ماترسلينها مع الاوراق !!
البنك لازم يعطيك ورقه انك سددتي ترسلينها مع الاوراق

أسومآ 2011- 12- 21 04:20 AM
رد: ابي رد سنع
 


اكثر انسانه تستفسر بالمنتدى هي انا
والحمدلله عرفت الطريقه

مثل ماقال أخوي الحسام جهزي ملفك اللي هو :
أصل الشهاده الثانويه
صورة من بطاقة الأحوال أو كرت العايله
نموذج ارسال وثائق القبول .. يكون مع النتيجه اللي مكتوب نموذج البريد الممتاز اضغطي عليه واطبعيه نسختين وخذيهم معك للبريد وحده يرسلونها مع الاوراق ووحده تحتفظين فيها انتي
السداد اللحين سهلوا على الطلاب بنظام سداد يا تروحين للصرافه او من اون لاين او مباشر
هذي طريقه السداد عن طريق الصراف
http://www.kfu.edu.sa/ar/Deans/elear...ns_Via_ATM.pdf
وهذي عن طريق النت ( أون لاين بنك الرياض )
http://www.kfu.edu.sa/ar/Deans/elear...s_internet.pdf

اذا سددتي من الصراف اذا خلصتي عملية السداد يطلع لك من الصراف ايصال اللي فيه معلومات السداد والمبلغ ... الخ
واذا سددتي من النت فيه خيار طباعة ايصال

هـ الايصال اللي هو يثبت انك سددتي تاخذينه وتصورينه النسخه الاصليه تحطينها مع الملف والنسخه اللي صورتيها تحتفظين فيها

والبريد بيرسل اوراقك للجامعه .. إذا وصلت أوراقك بيرسلون لك رساله الجامعه رساله انها وصلت وبيرسلون رقمك الجامعي والباسوورد علشان تقدرين تدخلين البلاك بورد


والله يوفقنا يارب

خيااليه 2011- 12- 21 04:22 AM
رد: ابي رد سنع
 
الله يعطيك الف عااافيه خيتوو
يعني ارسل الايصال مع الاوراق طيب وش اللي احتفظ فيها اجل والله انلحست

أسومآ 2011- 12- 21 04:25 AM
رد: ابي رد سنع
 
اقتباس:
المشاركة الأصلية كتبت بواسطة خيااليه (المشاركة 5219887)
الله يعطيك الف عااافيه خيتوو
يعني ارسل الايصال مع الاوراق طيب وش اللي احتفظ فيها اجل والله انلحست
الله يعافيك
ايه الاصلي ترسلينه لهم بس لازم تصورين النموذج حق ارسال الوثائق والايصال علشان لا صار شي يكون عندك اثباتات

نموذج ارسال الوثائق تطبعين نسختين وتاخذينهم للبريد يختمونها لك نسخه تحطينها مع الملف ونسخه تاخذينها معك للبيت تحتفظين فيها

والايصال بعد النسخه الاصليه تحطينها مع الملف وتصورين نسخه تحتفظين فيها لك انتي

خيااليه 2011- 12- 21 04:29 AM
رد: ابي رد سنع
 
اسوما الله يسعدك وين مارحتي وجيتي ويجزاك جنة الفردوس الاعلى
وينك من اول ريحتيني الله يريحك
والله يوفقك ويسهل لك كل امورك....

أسومآ 2011- 12- 21 04:38 AM
رد: ابي رد سنع
 
اقتباس:
المشاركة الأصلية كتبت بواسطة خيااليه (المشاركة 5219945)
اسوما الله يسعدك وين مارحتي وجيتي ويجزاك جنة الفردوس الاعلى
وينك من اول ريحتيني الله يريحك
والله يوفقك ويسهل لك كل امورك....

ومن قالت يارب :love080:.:love080:

بدر 2011 2011- 12- 21 04:56 AM
رد: ابي رد سنع
 
:mh12:وش له بعد ترسل رقم الحساب حق الجامعه وراح يوصل انها سددت للجامعه عن طريق الحساب
احتفظي بوصل السداد وخليه عندك لو احتجتيه بيوم تقدرين تقولين سددت وهذا الوصل او عملية
السداد من حسابك راح يبان فيها العمليه كلها يسعدكم ربي ويوفقكم

خيااليه 2011- 12- 21 05:08 AM
رد: ابي رد سنع
 
يعني ارسل الايصال ولا ماارسله

أسومآ 2011- 12- 21 05:11 AM
رد: ابي رد سنع
 

^

ارسليه علشان نظام سداد جديد توهم مطبقنيه فبتصير حوسه
زيادة اثبات ارسلي الوصل وانا برسله بعد

مالنا بالقروشه :biggrin:

خيااليه 2011- 12- 21 05:16 AM
رد: ابي رد سنع
 
شورك وهداية الله نرسله اجل
وبالتوفيق للجمييع:106:

C E T 6 6 6 2011- 12- 21 05:34 AM
رد: ابي رد سنع
 
اسوما كفيتي ووفيتي :love080:

عوافي تسلم يدك ..

وانا شكلي برسل الوصل مثلكم :biggrin:




ست الستات ~..! :mh318:*

C E T 6 6 6 2011- 12- 21 05:34 AM
رد: ابي رد سنع
 
..........................

¬»ģє6άř●● 2011- 12- 21 05:49 AM
رد: ابي رد سنع
 
مو من بنك الرياض عادي من اي بنك انا من ساب

بدر 2011 2011- 12- 21 05:56 AM
رد: ابي رد سنع
 
ارسلوه وصوري صوره طيب منه
وخلوه عندكم للاحتياط
ويوفقكم رب العالمين :mh12:

خيااليه 2011- 12- 21 02:28 PM
رد: ابي رد سنع
 
مكتوب في السداد عن طريق الصراف الالي الطريقه الثامنه اخر شي انه مايحتاج ترسلون الايصال لانه يتم اشعار الجامعه بشكل الي وحتفضوا بالايصال
يعني اللي فهمته مانرسل لهم الايصال ونحتفظ
والي حاب يتاكد يضغط هنا

الدلوووعة 2011- 12- 21 02:28 PM
رد: ابي رد سنع
 
انا سددت عنطريق الانترنت المصرفي
وطبعت الوصل وبرسلة مع اوراقي
وطبعت نسسخة لي

خيااليه 2011- 12- 21 03:05 PM
رد: ابي رد سنع
 
والله بسوي اللي قالولي وهم ماطلبوا مني الوصل ليش ارسله

أسومآ 2011- 12- 22 05:07 PM
رد: ابي رد سنع
 
^

انا والله ما ادري علشان كذا قلت لك ارسليه
مادريت انه يسجل عندهم انك سجلتي
تراي دبشه ما اعرف :biggrin:
مابقى احد ما هزاني بسالفة طباعة الوصل :hahahahahah:

hajs altkra 2011- 12- 22 06:11 PM
رد: ابي رد سنع
 
موفقه

mercy 2011- 12- 23 01:09 PM
رد: ابي رد سنع
 
الله يعطيكم العافيه كفيتو وفيتو والله كنت منحاسه مثلكم انا باقي ما ارسلت وجالسه اقرى كيف والحين استوعبت الموضوع تساهيل ان شالله

تحياتي:106:

خيااليه 2011- 12- 26 02:26 PM
رد: ابي رد سنع
 
اقتباس:
المشاركة الأصلية كتبت بواسطة أسومآ (المشاركة 5242795)
^


انا والله ما ادري علشان كذا قلت لك ارسليه
مادريت انه يسجل عندهم انك سجلتي
تراي دبشه ما اعرف :biggrin:
مابقى احد ما هزاني بسالفة طباعة الوصل :hahahahahah:
محشومه اسوما
الدبشه هم مهوب حنا
امس ارسلت اوراقي من دون الوصل حق التسديد وقالوا لازم الوصل ورحت صورته وعطيتهم الاصل
مع انهم قايلين مايحتاج
بس مدري متى يرسلون القبول النهائي على الجوال
وبالتوفيييق للجميع يارب....


All times are GMT +3. الوقت الآن حسب توقيت السعودية: 03:30 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه