|
إنشاء نقابة للطلاب ومتحدث رسمي لهم
السلام عليكم ورحمة الله ،،
كثيرة هي مواضيع الشكاوي لطلاب وطالبات الأنتساب ، واعتقد انه بالطريقة هذه ما راح توصل شكاوانا للمسئوولين ، بعد الأختبار الأول صراحة الوضع ما ينسكت عليه ، لا تقولوا لي نتعود ، المسألة مسألة حقوق ، احنا ناس دافعين فلوس ونضحي ، اللي موظف واللي كبير بالسن واللي ربة بيت او موظفة ، جد صراحة نتعب ، من هذا المنطلق لازم يتم ترشيح طالب وطالبة ليكونوا بمثابة متلقي شكاوينا وترتيبها وإيصالها للمسؤؤولين وبالطريقة هذه يكون أفضل لنا ولللجامعة . أتمنى أنه المرشح يكون من مستوى ثالث أو رابع لأنه عنده خبرة عن الجامعة وأنظمتها اكثر منا ، وعن نفسي ما عندي مانع أقدم مبلغ مالي للمرشح كمكافأة على جهده لأنه يتفرغ بجزء من وقته لهذه المهمة . نقاط جمعتها على السريع : - مشاكل البلاك بورد (أقترح أن تضع الجامعة مركز كول سنتر كدعم فني) وتطور النظام وتزيد سعته حتى يتحمل دخول العدد الهائل من الطلبة . - توزيع الطلاب والطالبات على مراكز الأختبار (لازم يكون منظم وكل طالب أو طالبة يختبر بأقرب مكان له) - أسئلة الأختبار يجب أن تراعي القدرة العامة للطلاب . |
رد: إنشاء نقابة للطلاب ومتحدث رسمي لهم
كفكرة تعتبر جيدة ولكن لابد من إعطاءها الوقت الكافي للمناقشة وللتقييم ولعل اذكر ان بعض الاخوان المشرفين هنا في الملتقى ومن غيرهم لهم جهود طيبة في مراجعة الجامعة ومحاولة ايجاد الحلول المناسبة.
ولا اعتقد ان هنالك مايمنع من بلورة هذه الجهود في إطار اكثر تنظيماً . بإنتظار مزيداً من الاراء... مع تمنياتي لك بدوام التوفيق،،، |
رد: إنشاء نقابة للطلاب ومتحدث رسمي لهم
فكره طيبه وجميله بس بناء على كلامي مع الأستاذ الشعيبي ان الموقع هذا الكريم غير معترف فيه عندهم الظاهر المعترف فيه هو الملتقى الرسمي للجامعه .. على العموم مجرد ما يشوفون كلمة متحدث رسمي ما اتوقع يوافقوا لان عندهم حساسيه من هذا الإسم واتمنى تفهمونها وهي طايره تحياتي |
رد: إنشاء نقابة للطلاب ومتحدث رسمي لهم
وش رايكم نتقاط في المنتدى كل واحد يقط عشرين ريال ونجيب اللواء منصور التركي المتحدث الرسمي لوزارة الداخليه ونحتكره في عقد لمدة اربع سنوات يكون المتحدث الرسمي باسم طلاب الانتساب ونخليه يسحب على وزارة الداخليه طبعا نعطيه عرض مغري احسن من راتبه الي يمشي له من الوزارة اذا الوزاره تمشي له الفين وثمان ميه حنا نعطيه الفين وتسع ميه نعطيه عرض مغري
http://www.burnews.com/contents/newsm/30500.jpg يالله الهمه ياشباب ابي اسوي صندوق تبرعات وكل واحد يقط الي يقدر عليه عشان نجيب منصور التركي |
رد: إنشاء نقابة للطلاب ومتحدث رسمي لهم
كنت مفكرة فيها من الاسبوع اللي راح
توارد خواطر ههههه الأبراج قوية ههههه إيه وجدول الاختبارات نبي استفتاء عليه حنا نحطه بالاستفتاء |
رد: إنشاء نقابة للطلاب ومتحدث رسمي لهم
انا معاكم ومن عندي 50 ريال ونخليه المحامي لنا والمتحدث الرسمي
|
رد: إنشاء نقابة للطلاب ومتحدث رسمي لهم
بأقط 100 ريال بس لا تجيبون حق الداخليه |
رد: إنشاء نقابة للطلاب ومتحدث رسمي لهم
اجل وش رايكم نجيب المتحدث الرسمي للبيت الابيض يقولون بيحيل للتقاعد بداية السنه بس المشكله وش نحط مهنته في الاقامه ؟؟ سواق ولا مربي مواشي واغنام
http://www.assawsana.com/portal/uplo...1201142498.jpg |
رد: إنشاء نقابة للطلاب ومتحدث رسمي لهم
فكره حلوه وياليت تصير باسرع وقت
وموفقين ,, |
رد: إنشاء نقابة للطلاب ومتحدث رسمي لهم
جيوبا ابراهيم الفاريان
نشبة بالحلق ولا يكل ولايمل ا ووجه مغسول ب أولاي هع هع |
رد: إنشاء نقابة للطلاب ومتحدث رسمي لهم
فــــكرهـ ممتـــازهـ
وأرشـح نفســـي ,,وأقدم هذه الخـدمــــه (دون مقــابل مادي ) وأجرهـا يعووود لكل طلاب وطالبات جامعـة الملــك فيصـل ,, المرشـح نمبر 1 رنـــو ^ :love080:نضيـع من وقتــنا الكثيـر لكي نصل للمفيـد ,,هذا منطقنــا جميعا في هذا الملتقى المبارك :love080: |
رد: إنشاء نقابة للطلاب ومتحدث رسمي لهم
موضوع مهم ويحتاج إلى اتفاق واجتماع ايضاً ولا يحتاج دراسة
اقترح في بداية الترم القادم يكون هناك اجتماع في جميع المدن ويتم الاتفاق فيه على مرشح من كل مدينة ويكون هولاء المرشحين من كل مدينه اعضاء في مجلس الطلاب او مسمى اخر بعدها يتم الترشيح لعضو يكون المتحدث الرسمي لهم ولنا |
رد: إنشاء نقابة للطلاب ومتحدث رسمي لهم
ههههههههههه وش رايكم ننبش قبر القذافي ونجيبه عشان يقول اخلي الدنيا جمر ونار معاي الملايين وفي النهايه جحدوه الملايين |
رد: إنشاء نقابة للطلاب ومتحدث رسمي لهم
فكره اكثر من ممتازة تشكر عليها
اختي رنو لو مارشحتي نفسك كان قلتلك ترشحي وصوتي لك من الحين عشان اثبت لك كلامي رنو :oao: رنو :oao: |
رد: إنشاء نقابة للطلاب ومتحدث رسمي لهم
اقتباس:
ويارب نكون قـد هالثـقه الساميـه ,, |
رد: إنشاء نقابة للطلاب ومتحدث رسمي لهم
بعد الاختبارات ع طول مجتمعين هون
ربعنا فيه ويومهم بسنة |
رد: إنشاء نقابة للطلاب ومتحدث رسمي لهم
أنا عارف أنه فيه اخوة لهم جهود بالتواصل مع الجامعة بس نبغى ننظم وصدقوني هذا الشي لصالحنا ولصالح العمادة ، أختي رنو جهودك واضحة بالمنتدى ومثل ما قالوا الاخوة والأخوات لو ما رشحتي نفسك كنا بنرشحك غصب ههههههه ، أتمنى أحد الاخوان من الذكور يقوم بالترشح أيضاً ، فكرة أنه يكون فيه ممثل من كل مدينة جداً حلوة . وهذا برضو راح يساعد في تنظيم مراكز الأختبار
وياريت أختي رنو أو أحد المشرفين يتابع هذه الفكرة ، كان ودي اكون معاكم لكن دوام وشفتات يالله نفتح الكتب . الله يوفقكم جميعاً ،،:(204): |
رد: إنشاء نقابة للطلاب ومتحدث رسمي لهم
عني انا صراحه ورأيي يحتمل الصواب والخطأ ولا شك في قدرات الأخت رنو لكن الجامعه يبيلهم واحد يزبد لهم ويتكلم معاهم على اننا نطالب بأشياء من حقوقنا ملخص مكالمتي مع احد اعمدة الجامعه الأستاذ الشعيبي غريب الحال: السلام عليكم ورحمة الله وبركاته الأستاذ الشعيبي : وعليكم بدون نفس غريب الحال:بالنسبه لتغيير مراكز الاختبار الايقونه مقفله الشعيبي: ايه خلاص قفلناها مو فاضين نخليها مفتوحه كل شوي يجي واحد يغير مركز الامتحان وملتقاكم ترى مو معترفين فيه المعترف فيه عندنا ملتقى الجامعه الرسمي يعني مو كل خبر عندكم يعتبر صحيح ! غريب الحال: عفوا وش الي مو فاضيين هذا حق من حقوقنا تفتحون الايقونه متى ما شئتم وتقفلونها على كيفكم الشعيبي: هذا النظام غريب الحال: اقول تراني مو قاعد استرجي منك شيء او اطلب منك شيء الظاهر دافعين فلوس حنا الشعيبي: مو عاجبك غير الجامعه غريب الحال: وش تقول انت وش الاسلوب هذا وين مكانك اجيك الحين اتفاهم معاك ومع من هم اعلى منك وشو اذا مو عاجبني اغير الجامعه لا يكون جامعتك وانا ما ادري الشعيبي: لا مو قصدي كذا بس انت اسلوبك ما ادري كيف غريب الحال: وانت وشو متخصص نفسي حكمت على اسلوبي من اول دقيقتين الشعيبي: خلاص يا اخوي وين تبي نخلي مركز اختبارك غريب الحال : ابي يتغير من الخبر الى جده الشعيبي: خلاص غيرناه غريب الحال: مشكور وانتهت المكالمه الي ابي اوصله لكم انه ما ينفع معاهم غير الي يجيهم حاااار بأسلوبه هذا الي استنتجته من تعاملهم وانا ارشح رنو بس حبيت اوصل فكره تحياتي |
| All times are GMT +3. الوقت الآن حسب توقيت السعودية: 09:07 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه