ملتقى طلاب وطالبات جامعة الملك فيصل,جامعة الدمام - -‍ ‍‍ ‍ ‍‍‍‍ ‍‍ ‍‍ ‍‍ ‍ ‍‍‍‍ ‍‍ ‍‍ ‍‍ ‍ ‍‍‍‍ ‍‍ ‍‍ ‍‍ ‍ ‍‍‍‍ ‍‍ حرام يَ جامعتي ..!

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)

- - -‍ ‍‍ ‍ ‍‍‍‍ ‍‍ ‍‍ ‍‍ ‍ ‍‍‍‍ ‍‍ ‍‍ ‍‍ ‍ ‍‍‍‍ ‍‍ ‍‍ ‍‍ ‍ ‍‍‍‍ ‍‍ حرام يَ جامعتي ..! | خاص طلاب و طالبات الرياض | (https://vb.ckfu.org/showthread.php?t=263160)

έ7ṩąṩ

2011- 12- 13 05:12 PM

-‍ ‍‍ ‍ ‍‍‍‍ ‍‍ ‍‍ ‍‍ ‍ ‍‍‍‍ ‍‍ ‍‍ ‍‍ ‍ ‍‍‍‍ ‍‍ ‍‍ ‍‍ ‍ ‍‍‍‍ ‍‍ حرام يَ جامعتي ..! | خاص طلاب و طالبات الرياض |

.

.
:
:

السلام عليكم ..!

يسعد مساكم يَ رب :106:

أول شي .. أسأل الله العلي القدير أن يوفقنا و اياكم
و نحصل على أعلى الدرجات .. :119:

ثآني شي ..
عندي موضوعٍ لاعبن في أبو تسبدي << :biggrin:
بخصوص مراكز الاختبار ..

بقول لكم معاناتي .. و أدري انها معاناة الجميع ..،
و بقولكم الحل .. اللي عجزت أوصله لـ النجار :017:
على الرغم من محاولاتي الكثيرة ..:icon9:
تحددت مراكز الاختبارات ..

و اخوكم في الله .. شاتوه في ديراب :bawling:
و انا ساكن في شرق الرياض ..!!

كم يبي لي عشان اوصل .؟
وش اللي حادني بس على زحمة الدائري الجنوب و شاحناته .. ؟

خصوصاً إن حولنا في الشرق مراكز اختبار للجامعة ..!
ليش التشويت العشوائي ..!!

انا فكرت من اول ترم سجلت فيه ..
وطلعت بحل يرضينا و يرضي الجامعة ..

- أول شي أبي آخذ فيهم جولة بالرياض .. عشان يصدقون انها دولة مو مدينة عادي و مايلوموني ليش مسوي كل هذا ..<< رايق :biggrin:

- ثاني شي ..
بدل ماتحطون اختيار مركز الاختبار ( الرياض ) بس ..
حطوا أربع اختيارات ..

* شرق الرياض
* غرب الرياض
* شمال الرياض
* جنوب الرياض

قسموا الرياض لأربع مناطق و ريحونا ..
وكل واحد يختار اللي يناسبه ..
أما سالفة التشويت ماله داعي و الله ..

أجل أقطع الرياض رايح جاي عشان اختبار .. :017:؟

أخيراً ..
ياليت اللي يخبر لي شقة للايجار في ديراب بس لفترة الاختبارات يساعدني بالله << :(284):

دعواتي لكم
و دعواتكم لي أوصل بالسلامة للمركز و انجح :biggrin:

| :love080: |

:
:
.
.

¬»ģє6άř●●

2011- 12- 13 05:17 PM

رد: -‍ ‍‍ ‍ ‍‍‍‍ ‍‍ ‍‍ ‍‍ ‍ ‍‍‍‍ ‍‍ ‍‍ ‍‍ ‍ ‍‍‍‍ ‍‍ ‍‍ ‍‍ ‍ ‍‍‍‍ ‍‍ حرام يَ جامعتي ..! | خاص طلاب و طالبات الرياض |

الله يوصصلك بالسسلامهه

وتنجججح :biggrin:

RoshoF

2011- 12- 13 05:20 PM

أسأل الله أن يحفظك رآيح جآي ,
قبل لا تطلع إستودع الله نفسك وأحبـآبك

:biggrin:

Lavender flower

2011- 12- 13 05:20 PM

اويلاه اما ديراب مره وحده :icon9:
لو تنام في مركز الاختبار ارحم لك من المشوار :biggrin:

فيلسوف الكلمة

2011- 12- 13 05:22 PM

اي والله صدقت الرياض دولة مومدينة

ابو الخل

2011- 12- 13 05:24 PM

يارجال ثلاث اترام واحنا نمشور للشرق الغثيث واخر ترم على طريق الدمام :41jg:

اقتراح حلو حق تقسيم الرياض

بس ما شالله هالترم قربو مره مره والله خفت اول ماشفت الكروكي حسبت فيه غلط

أحمد الشعيل

2011- 12- 13 05:25 PM

الله يعينك انا مراكز الختبار 20 الله يستر لا يكون في الشفاء او السويدي مع اني في شرق الرياض

وردة سلام

2011- 12- 13 05:27 PM

ديراب :000:
انا الترم الي راح حطوني في العبير عند الجسر المعلق وانا في الشمال :(177):
اقتراح طيب بس من بيطبق

المشاغبه

2011- 12- 13 06:11 PM

:d5: والله كلامك حلو ياأخوي ...
لكن مافيه ناسن توحي ...:41jg:
الله يعينك ... مايحس بك الا اللي ذاق المرارة نفسهااا ... الترم اللي راح مشوااااااار لمدارس العبير
وليتها حلوة عشان نقول معليه كل هـ المشوار ويجينا راحه....:bawling::017:

والمشكله الاكبر اللي عندنا نحن الصبايا >>> احلى

المشكله ان ماعندنا احد يوصلنا فــ ندور او بالاصح نشحذ الشنبات من يحن علينا ..
فــ بدل مانذاكر نشيل هم من يودينا ....:Cry111:
لكن مالك الا الدعاء بالصبر وانا اختك ..
ومشكلتك بتهون لان عندك سيارة :biggrin:..,,
والا احنا :(269):

الا وش رايكم نسوي حمله نهجم عليهم:lllolll:

فنانه

2011- 12- 13 06:41 PM

ياحظك عند اهلك :biggrin:
تف ما شاء الله :biggrin:
انا من برا الرياض :Cry111:
وابي اعرف مكان اختباري عشان احجز شقه قريبه :icon9:

المفروض يختبرون كل واحد بمكان محافظته :017:
يعني اللي مثلي من خارج الرياض وببعد عن اهلي اسبوعين :Cry111:
وعلى الله مايطلع تعيين اخوي هاليومين ويسحب علي :biggrin::000:

والله مدري اخاف من اختبارات ولا من مكاني اللي مابعد ادري وينه
ولا من تعيين اخوي ولا فراق اهلي :bawling::bawling::bawling::bawling:

im Diamond

2011- 12- 13 06:41 PM

والله انك صادق ورى مايخلونا مثل مانحدد مكان الاختبار نحدد المركز بعد كل واحد يشوف وش اقربله

وش بيضرهم يعني وش هالشحططه من دخلنا هالجامعه واحنا متشحططين من البلاك للمحاضرات

والحين مراكز الاختبارات الله يعين بس:Cry111:

ARYAM

2011- 12- 13 06:53 PM

انا اتوقع تقسيمهم ع التخصص والمستوى...

انا 24 مدري وين,,الله يفرجها

فلسفة..~

2011- 12- 13 07:09 PM

ماشاء الله 24 مركز
ومع هالعدد تعانون من المسافه:(177):

الله يعينكم ي اهل الرياض
اقتراحك حلوو بالنسبه لتقسسيم
حاولوا انكم اتوصلونه للجامعه

ملح البنات

2011- 12- 13 07:43 PM

خذ شقه آحسن حل :hahahahahah:

طيب آحنا حددوا لنا جامعة مقربعه والمشكله احترقت اليوم وغصب نختبر فيهآ بآموت على يدهم :biggrin:

ابوفهد100

2011- 12- 13 07:52 PM

هلا اخوي

اليوم كان فيه محادثه بيني وبين الدكتور مصلح ونقلت له نفس كلامك

عدد مراكز الأختبار في الرياض 21 مركز

ان شاء الله الترم القادم يكون فيه حل يرضي الجميع

تحياتي

مناااااير

2011- 12- 13 09:50 PM

انا ووووووووووووووووين بيحطوني

يوه عاد وين ساكنه ؟؟؟

بالشمال الغربي

لا يحطووووووووووووووني بديراب مثل الاخ

يمامي وش بسوي وقتها:bawling:

بصراحه شي ما ينسكت عنه ابد
لازم نحكي لهم انو وش هالحركات كل ترم بيحونا بالمكان الي يعجبهم

έ7ṩąṩ

2011- 12- 15 09:25 PM

.
.

هلا فيكم ..
مشكورين على تواجدكم ..،

اللي خلاني ارجع للموضوع مره ثانية ..،
هو القلق اللي صار اليوم ..
مركز اختبار 9 في طريق ديراب ..
زيادة على انه بعيد .. وزحمة طريق
صارت زحمة مدرسة بعد .. و عشوائية مو طبيعية ..
و الله بحياتي ماشفت تنظيم سيء لـ هالدرجة ..
تخيلوا .. بدينا اختبار 4 و ربع او اكثر مدري بالضبط ..
و صجونا الساعة 6 إلا ربع .. سلم الورقة !! سلم الورقة !!
المفروض ساعتين ..!!
لكن الشلة يبون يطلعون و بس ..!!

الله يعيين ..

اللي اقترحه ..
ان كل واحد معنا ولاحظ هالمهزلة اللي صارت ..
يكتب ملاحظته هنا :
http://del.kfu.edu.sa/entisab_app/exam_notes/id_ad_entsab.asp
و لا اوصيكم فيهم ..
إذا كل اختبار راح يختصرون الوقت .. صراحة كارثة ..!!
الله يستر من باقي المواد ..

:000:

عاشق ومحروم

2011- 12- 15 09:59 PM

عموماً الموقع ليس في ديراب مركز رقم 9 في حي الشفاء

صح انه بعيد عن اهل شرق الرياض انا مع اقتراح العضو الغالي لابد من الجامعة وضع اختيارات لمدينة الرياض
انا من سكان غرب الرياض فاالموقع هالسنه قريب حد ما من مواقع الامتحانات الماضيه كلها كانت في شرق الرياض وانا من غرب الرياض يعني ياخوك ضق مثل ماضقنا وربي الله يعينك على هالزحمة

اكليل البنفسج

2011- 12- 15 11:16 PM

اقتباس:

- أول شي أبي آخذ فيهم جولة بالرياض .. عشان يصدقون انها دولة مو مدينة عادي و مايلوموني ليش مسوي كل هذا ..

اقتباس:

أجل أقطع الرياض رايح جاي عشان اختبار .. ؟

أخيراً ..
ياليت اللي يخبر لي شقة للايجار في ديراب بس لفترة الاختبارات يساعدني بالله <<

دعواتي لكم
و دعواتكم لي أوصل بالسلامة للمركز و انجح

من قلبببببببببببب :(177):

najlaa

2011- 12- 16 01:20 AM

معك حق وفكرتك مرره حلوة لو يحطونها تقسيمات شمال جنوب .......etc
مترنا الرياض وحنا من جهه لجهه
اما حكاية التنظيم السيء واجهتنا اليوم بالمركز ايضا ما استلمنا اوراقنا الا اربعه وعشر :017::017::017::017::017:
ولو وحده من الطالبات متأخره ربع ساعه مادخلوها بس حضراتهم يتاخرون اربعين دقيقه عاااادي
:017::017::017::017:

سارونه "

2011- 12- 16 02:56 AM

الله يعيين

عاد عسسى ورا هالقروشه اللي يسسونها فينا

يسااعدونا بالاختبارات ونجيب a+

:(269):

έ7ṩąṩ

2011- 12- 16 01:41 PM

هلا فيكم نورتوا يالغالين ..

اقتباس:

عموماً الموقع ليس في ديراب مركز رقم 9 في حي الشفاء

اقتباس:

صح انه بعيد عن اهل شرق الرياض انا مع اقتراح العضو الغالي لابد من الجامعة وضع اختيارات لمدينة الرياض

انا من سكان غرب الرياض فاالموقع هالسنه قريب حد ما من مواقع الامتحانات الماضيه كلها كانت في شرق الرياض وانا من غرب الرياض يعني ياخوك ضق مثل ماضقنا وربي الله يعينك على هالزحمة

يالغالي ..،
أول شي حياك ربي ..،
والف مبروك عليك مركز الاختبار القريب ..،
إذا انت مرتاح الآن في المركز .. فالاختبارات القادمة الله العالم بوضعك !

هدفي من طرح الموضوع هو لفت انتباه الطلاب بإنه باستطاعتنا ايصال الحل للجامعة .،
و تلافي هالمشكلة في الاختبارات القادمة ..،

ماكان هدفي إني أتذمر من موقع الاختبار فقط ..! لكن إن شاء الله إني اكون قدمت حل للموضوع .!!
بالنسبة لنا الشباب معاناتنا أقل صعوبة من البنات ..! ومع ذلك مشكلة كبيرة لنا ..!
فما بالكم في معاناة البنات ..!!

أتمنى منكم ايصال رغبة ( طلاب و طالبات الرياض ) للجامعة ..
سواء بـ اتصال أو ايميل أو بالحضور للجامعة .. على حسب الاستطاعة ..!

ودِّي لَكُم
:106:

All times are GMT +3. الوقت الآن حسب توقيت السعودية: 10:46 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه