|
عمادة التعلم عن بعد حسبي الله عليكم
السلام عليكم ورحمة الله وبركاته
صراحة اتعجب من هذا المنتدى فقط ملخصات متكرره ومعضمها عبارة عن محتوى المحاضرات نفسها مجمعينها pdf ولكن الهدف الي هو ان قلوبنا تكون على بعض ما اشوفه يتحقق والدليل مشكلتي التي هي مشكلة الكثير منهم من يعتقد انها عامه وهي عليه فقط مع بعض من زملائه اليلااااااااك بورد من اسبوعين ما يشتغل وكتبت موضوع والمشاهدات اكثر بكثير من المشاركات والسبب كل واحد يقول مالي شغل انا شغال معي ميه ميه انا فاهم في البرامج واعرف المتصفحات وليس عندي مشكله من هذه الناحيه اتصلت بجميع قنوات الاتصال المنشوره في موقع الجامعة سواءً ايميل او هاتف ولكن لا حياة لمن تنادي حتى سنترال الجامعه انا الان اخر محاضرة نزلتها محلظرة 10 يعني بقي لي 4 محاضرات حسب علمي من المواضيع المطروحه في المنتدى يعني 20 محاضرة كم يبي لها الخلاصة لو كنت اعلم الغيب كان ما ورطت نفسي ثانياً الى الان الرغبه موجوده فيما يخص ان تعود لي خدمة البلاك بورد ان لم تعود سوف الجأ للقنوات الاعلاميه العامه وسيتم فتح موضوع بهذا الخصوص لمن يرايد ان ينصر اخوانه المظلومين امثالي ثالثاً المواضيع الي كل شوي احد منزلها ويقول تم حل مشكلة البلاك بورد ليه الكذب يا ناس لا وحاط رابط ما يشتغل اصلاً والمشرفين نايمين وفي النهاية اقول اتقو الله فينا حسبي الله ونعم الوكيل |
رد: عمادة التعلم عن بعد حسبي الله عليكم
انا معاااااااك من بدايه الترم جالسين يلعبون فينا بقى المحاضرات والواجبات والمناقشات ترا معطينكم بيزات نبي الخدمه تشتغل حتى الانترنت على حسبنا والتعب علينا بس افتحو البلاك بورد
|
رد: عمادة التعلم عن بعد حسبي الله عليكم
وعليكم السلام ورحمة الله وبركاته
حياك الله يالامير :) وسع صدرك يبن الحلال ولكل مشكلة حل المهم هد اعصابك :mh12: ممكن انت عارف بكل شي بالبرامج والمتصفحات بس ممكن فيه مشكله بسيطه انت ما انتبهت لها لانك معصب او مستعجل او متوتر انت بس ياطويل العمر قولنا لما تبي تفتح البلاك بورد وش المشكله الي تطلع لك ومثل ماحصلت فرصه انك تنزل عشر محاضرات بتحصل الفرصه الي تخليك تكمل الباقي وادري مو هذا الطموح اننا ندور فرصه من نظام متطور كلنا كان عندنا طموح اننا نحصل الشي الي يناسبنا ويناسب تفكيرنا ويريحنا ويطورنا اكثر بس ماكان التصور السوء الي حنا شايفينه ان شاءالله انك بتروووق وبتنحل المشكله ياليت بس لو تقول وش يطلع لك لابغيت تفحت البلاك بورد وايش المتصفحات الي تفتح فيها وان شاءالله ماهم مقصرين معاك الشباب |
رد: عمادة التعلم عن بعد حسبي الله عليكم
Mfhe
على راسي اخوي المشكلة شفت رابط الدخول الي فيه الرقم الجامعي والرقم السري لما ادخل الرقم الجامعي في خانة اسم المستخدم وارقم السري الي عطونا اضغط على تسجيل الدخول يرجع لنفس الصفحه ولا ازيدك من الشعر بيت فيه واحد اعرفه نفس الكليه مسجل وياه يدخل هو وانا لما ادخل معلوماتي مشكله المشكله من الجامعه المحترمه المتطوره |
رد: عمادة التعلم عن بعد حسبي الله عليكم
نفس الشيء .... جامعة مخيسة
|
رد: عمادة التعلم عن بعد حسبي الله عليكم
شوف يالغالي انا بقولك وش صار معاي وهي نفس مشكلتك وانت حلل الموضوع
انا قبل ماكان يفتح معاي البلاك بورد نهائي ويرجعني لنفس الصفحه حاولت باكثر من متصفح عندي مانفع وغيرت الجهاز وجربت جهازين عندي هم مانفع لكن لما رحت للاستراحه جربت بجهاز واحد من الشباب دخلني على طول ؟؟؟؟؟؟؟؟ وبصراحه استغربت قلت وحده من الثنتين يان الجامعه عندهم ضغط والدخول للبلاك بورد مبني على الصدفه والحظ او ان المشكله عندي الي صار معاي بعد محاولات متكرره وفرمت جهازي من قوة اللحسه الي صارت فيني @@ قبل العيد باسبوع او اقل صار يفتح معاي البلاك بورد ومافيه اي مشكله عموما يالغالي انت ليش ماتشوف احد من الشباب الي تعرفهم يكون البلاك بورد يفتح عنده وتعطيه الباسورد والرقم الجامعي تشوف يقدر يدخل باسمك ولا لا ؟؟؟ اذا قدر يدخل يعني المشكله عندك بالاتصال انه بطيئ او متصفحك فيه شي ان شاءالله اكون قدرت اساعدك بشي |
رد: عمادة التعلم عن بعد حسبي الله عليكم
سويتها
وقبل العشا كلمت خويي جاري بعد وعطيته ولو تبيني اعطيك اياه الان انت مستعد |
رد: عمادة التعلم عن بعد حسبي الله عليكم
مصدق ياطويل العمر
طيب اذا تحب اني اجرب من عندي بعد شوف طريقه ترسل لي الباس ورقمك الجامعي وابشر من عيوني بجرب لك من عندي بعد |
رد: عمادة التعلم عن بعد حسبي الله عليكم
اسمع يالذيب
لاهمك شي انت حل الواجبات والماقشات وحمل المحاضرات وابحث عن اتصال قوي ترى له دور وبعدين عندك المواد الي تبي فهم خذ المحتوى حق الماده وعطه مدرس خصوصي يلخصلك ويشرحلك وخليها سهلات |
رد: عمادة التعلم عن بعد حسبي الله عليكم
الله يسهل دربكم ، انا كنت اصادف هالمشكله لما كنت افتح الموقع على الانترنت اكسبلورر بس يوم نزلت فايرفكس اشتغل وصار احسن ما يكون
|
رد: عمادة التعلم عن بعد حسبي الله عليكم
اقتباس:
:(177): |
رد: عمادة التعلم عن بعد حسبي الله عليكم
وانا بعد من امس دي المشكله والا اول زي الفل شغال واحمل واحل وجبات واحسن ما يكون
|
رد: عمادة التعلم عن بعد حسبي الله عليكم
والله انا طفشت مثلكم عقدني هذا الي يقولكم يامن شراله من حلاله عله تبون الصراحه ودي افتك منهم وبس يحطون فوق همنا هم
نظام عقيم الصراحه:017: |
رد: عمادة التعلم عن بعد حسبي الله عليكم
اييييييييييه يالتعصيب امشش هههههه<<شر البليه مايضحك وربي كان غيرك اشطر
انا حتى شد الشعر سويته ووحده من صديقاتي طبت هناك للحساء ويقولون لها خلال ذي اليومين ههههههههه لو قالو خلال ذي الشهرين اكان ابرك معك حق والله هونها وتهون مالك الا الصبر ولا توقف عشان بلاك وقف والا اعضاء ماردو على موضوعك الدنيا والشهاده اكبر من كيذا ووش عرفك يمكن عضو يفيدك اكثر من الف عضو والبلاك ماعليك مصيره يفتح وتذاكر |
رد: عمادة التعلم عن بعد حسبي الله عليكم
لا سااااااالفة اتصال ولا جهااااااز
أنا ادخل فجأه وأحمل عاااااادي الا وفجأه يشوووووووتني برا وجربت ودخلت بحساااب خالتي وحسابي نفس الوقت و بنفس الجهاز ونفس الاتصال ونفس الحاله صار يشتغل البلاك ساعه او ساعتين باليوم ويفصل عاد أجلس راقبهم 24 ساعه شف متى يفتح كأن ماورانا الا جلسة نت :41jg: يعني الحاله هذي من النظاام يمكن ضغط :(177): ويمكن أهماااااال الله أعلم .... |
رد: عمادة التعلم عن بعد حسبي الله عليكم
:(269): يردون قلت لازم يردون وين مني يروحون هذا طبع الي يحبون :53::53::53::53::53:
والفراق ويلي منك يالفراق تخلي الدمع حراق وانا قول بالي معهم مشغول ويارب الفرقى ماطول مصيرهم يردون :24_asmilies-com: احلا اغنيه للبلاك بورد الايامطولك ياروح قولو معي يالليل ماطولك :bawling: تصدقون للحين مانزلت محاضرات وكم واجب ماحليته ولا ناقشت |
رد: عمادة التعلم عن بعد حسبي الله عليكم
اوكي هو يفصل بس هم له وقت يششبكك يعني انا طول الوقت اجرب بدخول واحيان يدخل واحيان لا << احسسس اككثر شي اخر الليل << ششغال طول بالكك وعادي وسع صدركك اششتر الملازم ووقت مايفتح معكك حل الواجب << طبعا من الملتقى >> وضبط المشارككات وحمل المحاضرات وقت مايفتح اساسا انت بتذاكر من الملازم يعني التحميل من شان تحصل ع درجات الحضور وبسسسس |
رد: عمادة التعلم عن بعد حسبي الله عليكم
اذا ع الواجب << محلول بالملتقى هون بس عليككم تحلون والمناقششه االعالم ككلهم نسخ لصق بس اول واحد يكتب والباقي كلهم نسخ منه وتنحسسب الدرجه |
رد: عمادة التعلم عن بعد حسبي الله عليكم
لاعة جبدي منهم روح و القلب داعي لك و اكتب في وسائل الاعلام عسى انهم يشوفون لنا حل |
رد: عمادة التعلم عن بعد حسبي الله عليكم
انا مايفتح معي ابدا من 3 اسابيع
وقبلها تفتح المحاضره شوي وتقفل |
رد: عمادة التعلم عن بعد حسبي الله عليكم
اقتباس:
نفس الحااااااااااااااااااااااااااااااااااااااااااااااا اااااااااااااااااااااااااااله:017::017::017::017: |
رد: عمادة التعلم عن بعد حسبي الله عليكم
:hhheeeart4::Cry111::Cry111::Cry111::Cry111::hhhee eart4:
|
رد: عمادة التعلم عن بعد حسبي الله عليكم
ياربي انا بعد مايفتح معي البلاك خير:24_asmilies-com:
|
رد: عمادة التعلم عن بعد حسبي الله عليكم
جامعه ماعندك احد انسحبت من ثاني اسبوع لما شفت انه البلاك بورد حقهم زي الزفت مايفتح قلت اكيد القادك احلا وقررت الانسحاب وحتى الحين ماوصلتني لا الشهاده ولا الفلوس
|
رد: عمادة التعلم عن بعد حسبي الله عليكم
وعليكم السلام ورحمة الله وبركاتة
اخوي الله يهديك هدي , انا 8 مواد ماسويت شيء :biggrin: اتوقع الثقل يصير من بعض الطلاب الله يهديهم اللي يشوفون المحاضرات من البلاك :(177): هذا غلط المفروض يحملها ويسكر البلاك , عشان غيرة يقدر يكمل اشغالة واحنا كثير شيء طبيعي بيكون فيه ضغط , ويصير يفتح مع البعض والبعض لا عندي لك حل ادخل الصبح وربي مافي احسن منه انا الحمد الله يفتح معي بس مرات مايفتح وهذا طبيعي , اكيد في طلاب يكملون اشغالهم والمفروض يكون فيه تعاون بينا , وهذا موضوع طرحه احد الاخوان :biggrin: ولا تنسى اخوي ان البلاك بيكون مفتوح الى مابعد الاختبارات باسبوع فحمل المحتويات وذاكر منها وخل المحاضرات والمشاركات والواجبات اذا قضيت من المذاكرة :(204): الله يوفقنآ ان شاء الله .. :love080: |
رد: عمادة التعلم عن بعد حسبي الله عليكم
والله انا نفس الحاله يضبط يومين ويرجع يتعطل ما نزلت الا على 7 بس مدري وش الحل:icon9::000::mad::017::bawling::mh318:
|
رد: عمادة التعلم عن بعد حسبي الله عليكم
استغفر الله
أستغفر الله أستغفر الله اذكرو الله والله يسهل الله يعين |
رد: عمادة التعلم عن بعد حسبي الله عليكم
وبالله المستعان
|
رد: عمادة التعلم عن بعد حسبي الله عليكم
الأسبوع اللي معطينا ما يكفي لان التحميل يطول ويمكن يتعطل ونتورط:000:
|
رد: عمادة التعلم عن بعد حسبي الله عليكم
هلا بك اخوي (راعي السالفه ):biggrin:
لا والله قلوبنا على بعض :love080::love080: بس المشكله من الجامعه :bawling: والله حالتي حاله من البلا ذا البلاك بورد :mad: |
رد: عمادة التعلم عن بعد حسبي الله عليكم
انا الموقع بكبره مايفتح معي جربت بكل الأجهزه الي عندي..
المشكله مو مشكلة جهاز.. المشكله مشكلة نظام..! هم حتى بالمحاضرات والواجبات مو منتظمين...يعني الواحد منا ماعنده شغله غيرهم..! تراكمت علينا الواجبات والمناقشات والمحاضرات بسبب عدم التنظيم.. هذي عماده المفروض يكون تنزيل المحاضرات والواجبات بأنتظام.. ما أقول الا حسبنا الله ونعم الوكيل:bawling: |
رد: عمادة التعلم عن بعد حسبي الله عليكم
والمشككله والي رافع ضغطي ماتصير حركاتهم ذي الا آذآ قرررررربت
آلآختباااااااارااااااات :mad: |
رد: عمادة التعلم عن بعد حسبي الله عليكم
الله يوفقك ويسهلك امرك وامر الباقين يااااااااااارب
انت بس ماعليك اهم شي حمل المتصفح قوقل كروم وبس والله يسهل يارب |
رد: عمادة التعلم عن بعد حسبي الله عليكم
الله يسامحهم يعني اخذوا الفلووووس وبسسسسسسسسسس
حراااااااااااااااااااااااااااااااااااااااااااااااا اااااااااام المفروض يحسبون لنا درجات كااااااااااااااااااااملة لان التقصير منهم ماصااااااااااااااااااارت تعبنا |
رد: عمادة التعلم عن بعد حسبي الله عليكم
(لو كنت اعلم الغيب كان ما ورطت نفسي )
اتق الله فيما تقول -و(لو) تفتح عمل الشيطان فانتبه والحمد لله على كل حال كلنا معاك والله يعين |
رد: عمادة التعلم عن بعد حسبي الله عليكم
:71::71::71:
|
رد: عمادة التعلم عن بعد حسبي الله عليكم
ياااااااااااااااجماعة الكل نفس الشـــــــــــي يعنى ما احد يشتغل عنــــــــــده
صحيح ان الكــــــــــــــل منزعج و:017: وانا وحــــــــــــــده منكم:53: لكـــــــــــــــن لازم نهدء اكـثر :119: ونخـــــــــــــلي كل طاقتنا في الاختبارات ................ ونحاول نجمع الي نحتاجة للمـــــــــــذاكرة بالتعاون مع بعض واذا فتح الــــــــــــــبلاكـ :24_asmilies-com: نهــــــــــــــجم علـــــــــــــــــــيه ونحاول نخلص الي بقي لـــــــــــنا:71: |
رد: عمادة التعلم عن بعد حسبي الله عليكم
:017: ماقول إلا حسبي الله ونعم الوكيل على هالجامعة الزفة :mad:
|
رد: عمادة التعلم عن بعد حسبي الله عليكم
فتح معي النظام الخايس اليوم بدون ما اسوي شي
وهذا اكبر دليل على وحود مشكلة في النظام ويجب تعويضنا بأي شيء تراه الجامعه ويجب علينا المطالبه اقلها احتساب درجات المشاركه انا الان جالس احل الواجبات والنقاش واحمل الي بقي من المحاضرات وكل هذا خوفاً من هذه الحمى تعود مرة اخرى الي من الغد |
رد: عمادة التعلم عن بعد حسبي الله عليكم
اخوي اذكر الله وانا عرفت وش السالفه ..
بالنسبه لك .. النت عندك بطئ ولمن تجي تدخل اللي سرعت نته عاليه يدخل اسرع منك وبعدين يخوي صلى على النبي عليه افضل الصلاة والسلام ادخل الصباح والله ياخوي كان قبل العيد مايفتح عندي البلاك بورد بسبب الضغط والصبح ماشاء الله يتفح بسرعه او ادخل على هذا الرابط فيه جميع المحاضرات http://www.ckfu.org/vb/t210277.html بس الله يقطعهم :mh12: سكروا علي البلاك بورد عشاني ماسددت رسوم الجامعه بالتوفيق ياخوي ولا تظلم اخوانك بس اكيد كان بعض القارئين ماعندهم خلفيه عن حل مشكلتك .. |
رد: عمادة التعلم عن بعد حسبي الله عليكم
صصراححه انصصدمت من بعض الردود ، يعني مسستحيل هالردود تكون من طلبه جامعيين . .
في اسسلوب احسسن من كذا بـ مليون مرره . . كلنا البلاك مايفتح معنا ومشاكله كثيره ، بس الححمدلله وصصلت المستوى الخامس ومعدلي ماينزل عن 4 . . يعني ع كثر مشاكله وتعليقه الا انهم مايظلمون اححد يعطونك الـ 30 درججـه كامله . . وانا ما اقول هالكلام من راسي ، اقوله عن تججربه . . يعني والله مو محتاج هالعصبيه كلها ، كل شي وله ححل بس مو بـ هالاسلوب < كلامي موججه للكل مو لـ صاحب الموضوع فقط . . آسستهدوا بـ الله وركزوا ع مذاكرتكم احسسن من هالكلام ، و ع فكره البلاك فاتح معاي الحين وتمام . . واذا مافتح معاكم الحين افتحوه الصباح بـ يكون شغال تمام وماعليه ضغط . . بـ التوفيق يَ رب . . :(204): |
رد: عمادة التعلم عن بعد حسبي الله عليكم
يمكن من المتصفح عندك انا قبل كان كيذا بس يوم غيرته ضبط الكلام ذاا قبل عاد تعرفون ابو النكبـــــــــــات ((البلاك بورد)) خلاني انسحب وبكل قناعه >>>سيد المطفشين الله يعينكم من جد تراقبونه كانكم في حرب اذا فتح انقضيتوا عليه الله يوفقكم ويسهل اموركم وييسرها لكم امين |
رد: عمادة التعلم عن بعد حسبي الله عليكم
اخى العزيز تعوذ بالله من الشيطان واعلم ان مااصابك قد اصابنا ومع ذلك لم نجزع مثلك , فالصبر ياعزيزى مفتاح الفرج , والرجل مثلك يكون ذا عزم وشده ولا ( يطيح من اول شوط ) والجامعه ياعزيزى لم تقصر معنا للامانه وليتك ياعزيزى جربت مثلى النظام القديم للأنتساب لكنت علمت مدى المعاناة الحقيقيه في هذا وليس الان في عصر العولمه والانترنت فالمجال الان سهل جدا وحلقة التواصل موجوده ياعزيزى ولا داعى للقلق ابداً . والامور ( وانا اخوك كلها تياسير ) انشاء الله ,,,,,
** اخوانى واخواتى الطلاب ** احبائى اقول لكم اليوم ( خلاص ملينا ) من كثرة التذمر والشكاوى من النظام والجامعه فقد اصابنى انا شخصياً ملل واحباط وضيق في نفسى كل ماقرأت مثل تلك الامور فدعونا نواصل مشاورنا ونرى ماذا تخبىء لنا الايام , واعلموا يااعزائى ان المكتوب يجب ان نراه جميعاً ونحن مؤمنين بالله عز وجل والحمد لله على كل حال ,,, بالعربى كذا ( سوو اللى تقدرون عليه والباقى على الله ) وتذكروا قول الشاعر / تجلد يافتى ولا تستكين لليالى فما فاز بها الا الصبور الجليد :d5::d5::d5: |
رد: عمادة التعلم عن بعد حسبي الله عليكم
اقتباس:
بـ التوفيق يََ رب . . :(204): |
رد: عمادة التعلم عن بعد حسبي الله عليكم
حسبنا الله ونعم الوكيل
:017::017::017: |
رد: عمادة التعلم عن بعد حسبي الله عليكم
عزيزتى ( بنت جده ) ليت مثلك 10 في هذا الملتقى , لكان بألف خير لان الوضع الان لم يعد يطاق ابداً وصار كله تذمر وقلق ...
فلا حول ولا قوة لنا الا بالله , ونسأل الله السلامه .... |
رد: عمادة التعلم عن بعد حسبي الله عليكم
اقتباس:
كلامــك يقدر بماء الذهب ماشاء الله عليـك ,, تجلد يافتى ولا تستكين لليالى من أكثر الأشخاص متابعة لردودهم المميزهـ وتفائلـهم اللامحدود,, أستمر بهذا النهـج وأبشرك بمستقبل زاهر بإذن الله تحياتي |
| All times are GMT +3. الوقت الآن حسب توقيت السعودية: 07:22 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه