ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   لأي أسـئلـة متـعلقة بـ الإنسـحـاب ..!! (https://vb.ckfu.org/showthread.php?t=228677)

Asus 2011- 10- 2 07:36 PM
لأي أسـئلـة متـعلقة بـ الإنسـحـاب ..!!
 
بسم الله الرحمن الرحيم ..


السلام عليكم ورحمته وبركاته .. مسـاء الخـير ..



بكرهـ .. 5\11\1432 هـ الموافق 2\10\2011 باروح للجامعة أسحب شهادتي والمبلغ من الجامعة ..


اللي يحب يرسل معي سؤال للجامعة أو استعلام عن شيء .. يكتبه هناا ..


يا ليت تكون الأسئلة والردود قبل الساعه 9 صبااحاا .. عشان يمدي اشيك عليهم ..


البعض تمت قراءة مواضيعهم بخصوص الإنسحاب .. وهم :


-النـايف-

اقتباس:
السلام عليكم
انا قررت من الترم الي راح انسحب انسحاب كلي من الجامعة
بس الي ابي اعرفه كيف اقدر استرجع الشهادة من الجامعة..وباقي مبلغ لي عند الجامعة كيف استرجعه بعد
الي يعرف ياليت يقولي
انا بالرياض
فيه طريقة والا لازم اروح للجامعة بنفسي
والله يعطيكم العافية

دفرهـ .. محد يعبرها :

http://www.ckfu.org/vb/t225183.html


مشاري المطيري :

http://www.ckfu.org/vb/t228241.html

Yoti :

http://www.ckfu.org/vb/t224609.html



أي شخص آخر يريد الإستفسار .. يتفضل ويسأل ..


الموضوع لـوجه الله .. " حب لأخيك المسلم كما تحب لنفسك "

اللـهم صلي وسلم وبارك على نبينا وحبيبنا محمد وعلى آله وصحبه أجمعين ..






ادعـوا لنـا بالتوفيـق .. وعدم التعقيد .. من الجامعة .., :wink:



* رجاء .. لا احد يرد إلا من عنده استفسار .. أو معلومه مهمة .

YOTI 2011- 10- 2 08:27 PM
رد: لأي أسـئلـة متـعلقة بـ الإنسـحـاب ..!!
 
,

الله يوفقك ويسسهل لك اخويآ
مشكلتيً اني كاتبة تعهد في جامعة تانية اني ح جيب لهم الشهادة الاصلية
خلال 3 اسابيع
وانا سحبت من هنا تاريخ
29 /10 /1432هـ
والي الان ماجاني شي وكل مايمر الوقت اتضايق اكثر


-

اسالهمً كم ياخذ وقت ولا الافضل اخلي ولي امري يجي ياخذ الشهادةة .؟!
معنو ماحد فاضيلي يروح يجيبها :icon9:

العبير2 2011- 10- 2 08:59 PM
رد: لأي أسـئلـة متـعلقة بـ الإنسـحـاب ..!!
 
جزاك الله خير
انا قدمت اعتذار لهذا الترم قبل يومين ومافي احد رد ؟؟؟؟

silєит мσσи 2011- 10- 2 09:44 PM
رد: لأي أسـئلـة متـعلقة بـ الإنسـحـاب ..!!
 
ينطيكم الف عااااااااااافيه والى الامام سر

مستريح البآل 2011- 10- 2 09:50 PM
رد: لأي أسـئلـة متـعلقة بـ الإنسـحـاب ..!!
 
طيب متى آخر موعد للإنسحاب من هالترم ؟؟

نــقَــآء.. 2011- 10- 2 11:18 PM
رد: لأي أسـئلـة متـعلقة بـ الإنسـحـاب ..!!
 

لو سمحت آخوي تسال هل يطول آرسال الشهاده ..؟

والشي الثاني المبلغ كيف آستلمه ؟

وبعدين اذا بغيت آخلي ولي آمري يروح للحساء يكون آسرع استلامي للشهاده .؟

خـآيفه شهادتي ما تجيني والمبلغ المالي يروح علي :Cry111:

MishariI 2011- 10- 3 12:50 AM
رد: لأي أسـئلـة متـعلقة بـ الإنسـحـاب ..!!
 
الله يجزاك الجنه اي والله اسال عن استفساري ، انا قدمت اعتذار ولا انقبل للحين الحاله فعال وسددت ولا ابي ارجع رسوم بخليها بس ابي اكمل ، الترم الجاي كيف الطريقه وشلون راح تكون والفلوس وشلون بتبقى برصيدي ولا وشلون ؟؟


الله يوفقك ويعطيك على قد نيتك ويرزقك من حيث لاتحتسب

ام يوني 2011- 10- 3 03:06 AM
رد: لأي أسـئلـة متـعلقة بـ الإنسـحـاب ..!!
 
انا ابغى اعتذر وسجلت المواد في البنر وما دفعت الروسم اقدر اعتذر وهل العودة ميسرة

Asus 2011- 10- 3 03:50 AM
باقي 5 ساعات ع الأسئله ..
 
جـزاكـم .. الله كـل خير .. ولـكم بـالمثل ..,



الأسئله كلها بإذن الله وبعونه .. راح استفسر عنها ..


واحاول اخذ منهم ارقام هواتفهم .. لمن يريد أن يستزيد ..,

Asus 2011- 10- 3 11:02 PM
رد: لأي أسـئلـة متـعلقة بـ الإنسـحـاب ..!!
 
بسم الله الرحمن الرحيم

السلام عليكم ..



Yoti


مشكلتك لها حل .. وحلها بسيط بالحيل ..


الشهادة راح تتأخر عندهم تقريباً شهرين .. مع المبلغ .. لأنهم للحين ما فرزوا الملفات ..!!

عشان كذا كنسليهم من راسك .. وروحي لـ اقرب وزارة تربية وتعليم .. وطلعي منهم بدل فاقد ..,

بدل الفـاقد على طول يطلعونها لك .. الوالد ولا اخوك يروح يمهم بـ كرت العايلة ويطبعون له شهادة جديدهـ .. ويختمونها .. من عندهم ..!

ما يجلس ربع ساعه إلا والشهاده معاهـ .. ووديها لـ الجامعه اللي مسجله فيها ..! و انتهت المشكله ..


انا شهاداتي واوراقي كلها بدل فاقد .. وقال لي احمد الشعيبي :

بنعطيك ورقه لـ التربيه والتعليم .. إنها ضاعت من عندنا .. ويعطونك بدل فاقد ..!

قلت له .. انا اخذها وانا واقف من عندهم بدون ورقه منكم ولا شي .. بس المبلغ ..؟!

قال المبلغ لازم [ الإرشيف ] يطلعون ملفك ويكتبون عليه منسحب .. ويرسلونه لـ الماليه عشان تكتب لك شيك بأسمك .. ويرسلونه لك عن طريق البريد الممتاز ..


أو .. نعطيك خطاب من عندنا بأسمك ورقم السجل ونختمه .. وتوديه لـ الجامعه اللي بتسجل فيها ..!


بس حاولت إنهم يعطوني خطاب بدون اسم وبدون رقم السجل .. لكنه مختوم بختمهم .. [ عشان ارسله للي يحتاجه ويكتب عليه اسمه وسجله .. ويصير له وعليه الختم ..] رفضوا .. وقالوا لازم اساميهم مطبوعه بالورقه نفسها .. [ الخطاب ] .. وقال كم تبي وحدهـ ..؟! قلت .. خمس .. :biggrin:

.. قال عطني اساميهم قلت .. بس ما اعرف ارقام السجل حقهم .. قال ما عليك نجلس انا واياك ونطلع ارقامهم بالجهاز ..! وصرفت الموضوع .. :(269):

حاولت احتال عليهم .. بس ما نفعت .. هه


قلت له طيب ترسلونهم بالبريد .. قال ما نقدر ..! عشان الختم ..


[ الخطاب لازم حضور ولي أمرك عشان تاخذينه ] .. وبدل فاقد اسهل واسرع .. وأضمن ..!!


لأن واحد منهم قال لي انت منين قلت من القصيم .. قال ما يقبلونها جامعة القصيم ..!!

فيه ناس اخذوها وما قبلتها منهم الجامعه .. وطلعوا بدل فاقد وسلموها للجامعه ..! [ على ذمه الراوي ] :119:



يقولون على حسب الفرز إذا فرزوا ملفك بدري .. يرسلونه بدري .. مع البريد ..!

بس الأفضل لك لا تنتظرهم .. روح وطلع بدل فاقد .. وينتهى موضوعك ..,


ومن كلامهم يقولون لا تعتمد على الموقع .. لأنه يطول ما يحدّث ..!!


عموماً جبت لك ارقامهم .. واتصلي عليهم اذا حبيتي ..


احمد الشعيبي يقول لي .. اتصل علي من 2 إلى 3 الظهر .. عشان ما فيه مراجعين ..!



أحمد الشعيبي : سكرتير العميد ومدير الشؤون الأكاديمية

رقم جواله : 0507074891


فهد النويحل : سكرتير العميد ( 2 )

رقم جواله : 0506690774


عمر العمير : الشؤون الأكاديمية ( أخلاقي بقوّه ) :(204):

رقم جواله : 0552864690


أحمد الحليبي : شؤون اكاديمية

رقم جواله : 0530705264


صالح الهديب : شؤون مالية

رقم جواله : 0501628681


يوسف الجوهر : شؤون مالية

رقم جواله : 0554938343


عبدالعزيز الشيخ حسين : BlackBoard

رقــم جـوالــه : 0501628353




الأرقام الباقية .. سريّـه .. :biggrin:


لا بس .. اعتقد إن الأسماء هذي كافيه .. لـ تحل معظم المشاكل إن شاء الله ..



BrB

Asus 2011- 10- 3 11:48 PM
رد: لأي أسـئلـة متـعلقة بـ الإنسـحـاب ..!!
 
الـعـبيـر2 + مشـاري = نفـس التساؤل ..


يقولون اللي قدم اعتذارهـ .. المبلغ يكون برصيده عندنا .. إلى الترم الجاي ..,

يعني اعتذاره مقبول .. حتى لو ما حدثوا الموقع ..!


لا تخافون الفلوس برصيدكم .. وهم يدرون إن فيه ناس قدمت اعتذار .. بس ما طلع لهم شيء ..

عشان كذا يقولون اللي قدم أي شي بالموقع .. يوصلهم بس الموقع ما يحدث ..!

وللـتأكيد اتصلوا على عمر العمير أو احمد الحليبي ..


:|
|:


مستريح البآل

آخـــر موعـــد مع

الاثنين
12/11/1432
10/10/2011
آخر موعد للانسحاب من البرنامج مع استرداد 100% من الرسوم

استرداد المبلغ بالكامل 100%

يوم الإثنين : الموافق 12\11\1432هـ .. [ 10 \ 10 \ 2011 ]

يعني باقي عليه إسبوع ..!!


في كل الحالتين سواءً .. انسحاب أو اعتذار ..

لأنو حتى الإعتذار ياخذون نصف المبلغ إذا تأخرت .. وإذا تأخرت أكثر ياخذون المبلغ كلّه ..

لكن واحد من شؤون الأكاديمية يقول العام .. سمحنا للطلاب اللي اعتذروا بآخر السنه إنهم ياخذون المبلغ كله ..!

شيـّك على الرابط هذا :

http://www.kfu.edu.sa/ar/Deans/elearning/Pages/calender.aspx


:|
|:




نقــآء ..,


الشهادة والمبلغ .. بالكثير بياخذوا شهرين ..!

المبلغ يرفق مع الشهادة بشيك بأسمك تستلمينه من بنك الرياض ..,


ما انصحك ترسلين اخوك لهم ويتعنى ويتعب مثلي .. وبدون فايدهـ ..!


الشهادهـ .. تقدرين تاخذينها من التربيه والتعليم اللي عندكم .. بسهوله ..


بس قلت امرهم خوفي يسحبون علي وما يدرون إني قدمت طلب انسحاب .., ويروح علي المبلغ .. ولا الشهادهـ .. بسيطه وما تحتاج مشواار .. ههه


Don't Worry .. see ya




BrB

Asus 2011- 10- 4 12:23 AM
رد: لأي أسـئلـة متـعلقة بـ الإنسـحـاب ..!!
 
ALSHMoooo5

+

دفــره مـحـد معـبرها

+

- الـنـايـف -



تــم إرسال لـهم تـنويـه .., على الملف الشخصي




:| لآ تـنسوني من دعـائكم , الله يوفقكم ويرزقكم ويبارك لكم بأعماركم ويرضى عليكم .. :119: |:

ام عبدالرحمن21 2011- 10- 4 12:45 AM
رد: لأي أسـئلـة متـعلقة بـ الإنسـحـاب ..!!
 
السلام عليكم ورحمهـ الله

اخي قريت موضوعك وحبيت اسألك
وين بتروح با الجامعه لمين اي بوابه لاني انا بعد بروح بكرة
ممكن تساعدني

ام عبدالرحمن21 2011- 10- 4 12:59 AM
رد: لأي أسـئلـة متـعلقة بـ الإنسـحـاب ..!!
 
يقولون فيه ناس راحت وخلصت وسحبو ملفهم واستلمو الشيك
انا عشان كذا ابروح ابغي اخلص بااقرب وقت

Asus 2011- 10- 4 01:06 AM
رد: لأي أسـئلـة متـعلقة بـ الإنسـحـاب ..!!
 
أم عبدالرحمن .. حي ـآكِ الله ..


بوابة البنات مع الجهة الشرقية .. إذا دخلتي اسألي الأمن اللي على الباب ..


قولي لهم أبي مبنى رقم 50 .. وهم يدلونك عليه ..,


بس ما ادري يمكن فيه قسم خاص بالبنات ..


اسمه [ مبنى التعليم المطور عن بعد ] ..



بس انا شفت اليوم .. اكثر من واحد معاهم كرت العايله .. ويسألون الشؤون الأكاديمية


انا اشوف ولي امرك .. يكفي ويوفي .. ما يحتاج تتعبين وتروحين .. وهم بالحيل متساعدين ..



* نقطه مهمه ما ذُكرت : قولي لولي أمرك .. يدخل على المدير ويكلمه ..

لأنه واضح إنه إنسان محترم .. ويقول للي عنده اي واحد يبي يدخل ويستفسر مني .. خلوه يدخل .. لا تمنعون احد .. وهم ماهم مقصرين أبد ..



وفقكِـ .. الله ويسـر أمورك وأعانك .. على قضاء حاجتك ..


.. أي استفسار أو توضيح انا حاضر

ام عبدالرحمن21 2011- 10- 4 01:08 AM
رد: لأي أسـئلـة متـعلقة بـ الإنسـحـاب ..!!
 
لا مستحيل اروح لقسم النساء ولا تصير جرايم هناك :017:
بروح من قسم الرجال :53:اطلب عبدالله النجار ولا
المبني الى قلت عنه تابع للرجال صح

Asus 2011- 10- 4 01:22 AM
رد: لأي أسـئلـة متـعلقة بـ الإنسـحـاب ..!!
 
اقتباس:
المشاركة الأصلية كتبت بواسطة ام عبدالرحمن21 (المشاركة 4559441)
يقولون فيه ناس راحت وخلصت وسحبو ملفهم واستلمو الشيك
اقتباس:
المشاركة الأصلية كتبت بواسطة ام عبدالرحمن21 (المشاركة 4559441)
انا عشان كذا ابروح ابغي اخلص بااقرب وقت




اليوم انا عندهم .. ابي اسحب شهادتي واستلم المبلغ .. رفضوا ..


ازعجتهم .. ونشبت لهم .. واخذوني وودوني لـ الإرشيف ..


وقالوا شف الملفات .. ما فتحت ولا شفنا إلا ربع الملفات ..


يقول حنا من يومين بدينا نشيّك على التقديمات هي مطابقه لـ الموقع أو لا ..!!


اللي شفته : كومة أكياس من قماش فيها ملفات .. قالوا لي تبي تطلع ملفك من كل هذي ..؟! ههه

تقريباً 30 الف ملف .. :biggrin:

والله هذا ما شفته انا بنفسي .. ما اقول احد قال لي ..

.
.
.


لكن إذا كنتي بتـطمنين روحي لهم .. ويمكن يكون ملفك من الملفات اللي شيكوا عليها ..


لكن إذا كنتي محتاجه للشهادة عشان تقدمين على جامعه او كليه ..

تاخذين منهم [ خطاب لمن يهمه الأمر ] .. كاتبين فيه التالي :


لـمـن يـهـمـه الأمـر


تشهد عمادة التعلم الإلكتروني والتعليم عن بعد بجامعة الملك فيصل بالأحساء
أن الشهادة الأصلية للطالب : [ اسمي ] صاحب السجل المدني : [ رقم الأحوال ]
موجودة لدى جامعة الملك فيصل , ولا تستطيع الجامعة إعطائها للطالب لعدم الإنتهاء من ترتيب الإرشيف .

ولطلب الطالب أعطي هذا الشعار دون أدنى مسؤلية على الجامعة والله الموفق .




الخـتـــم الـــرســــمــــي




أو تاخذين منهم استخراج بدل فاقد [ خطاب لـ التربية والتعليم ] .. عشان يطلعون لك شهادة بدل فاقد بأسرع وقت ..


[ طويله ومافيني حيل اكتبها ] .. ههه


التربيه والتعليم ما يحتاج خطاب ولا شي .. تروحين لهم ويطلعون لك بسرعه ..!



وفقكِـ .. ـآلله وأعـانك ..

Asus 2011- 10- 4 01:27 AM
رد: لأي أسـئلـة متـعلقة بـ الإنسـحـاب ..!!
 
إيـه إيـه .. روحـي ,.. وما يحتـاج اوصيك فيهم .. :53:



عـ ن ـدي فكرهـ ..*


قولي لهم ابي صوره للشهاده طبق الأصل .. وإذا جابوا شهادتك .. خذيها وحطّـي رجلك .. :biggrin:




صدق والله اليوم اسمع واحد يقول ابي صوره لـ طبق الأصل ..


وقال له أحمد الشعيبي .. تعال معاااي .. بس ما ادري هو بيعطيه ولا بيدخله على المدير .. يفهمه .. :biggrin:



كـوني , بـ خير .. وانتـبهي لـنفسك ..

YOTI 2011- 10- 4 10:08 AM
رد: لأي أسـئلـة متـعلقة بـ الإنسـحـاب ..!!
 
اقتباس:
المشاركة الأصلية كتبت بواسطة asus (المشاركة 4558421)
بسم الله الرحمن الرحيم

السلام عليكم ..



yoti


مشكلتك لها حل .. وحلها بسيط بالحيل ..


الشهادة راح تتأخر عندهم تقريباً شهرين .. مع المبلغ .. لأنهم للحين ما فرزوا الملفات ..!!

عشان كذا كنسليهم من راسك .. وروحي لـ اقرب وزارة تربية وتعليم .. وطلعي منهم بدل فاقد ..,

بدل الفـاقد على طول يطلعونها لك .. الوالد ولا اخوك يروح يمهم بـ كرت العايلة ويطبعون له شهادة جديدهـ .. ويختمونها .. من عندهم ..!

ما يجلس ربع ساعه إلا والشهاده معاهـ .. ووديها لـ الجامعه اللي مسجله فيها ..! و انتهت المشكله ..


انا شهاداتي واوراقي كلها بدل فاقد .. وقال لي احمد الشعيبي :

بنعطيك ورقه لـ التربيه والتعليم .. إنها ضاعت من عندنا .. ويعطونك بدل فاقد ..!

قلت له .. انا اخذها وانا واقف من عندهم بدون ورقه منكم ولا شي .. بس المبلغ ..؟!

قال المبلغ لازم [ الإرشيف ] يطلعون ملفك ويكتبون عليه منسحب .. ويرسلونه لـ الماليه عشان تكتب لك شيك بأسمك .. ويرسلونه لك عن طريق البريد الممتاز ..


أو .. نعطيك خطاب من عندنا بأسمك ورقم السجل ونختمه .. وتوديه لـ الجامعه اللي بتسجل فيها ..!


بس حاولت إنهم يعطوني خطاب بدون اسم وبدون رقم السجل .. لكنه مختوم بختمهم .. [ عشان ارسله للي يحتاجه ويكتب عليه اسمه وسجله .. ويصير له وعليه الختم ..] رفضوا .. وقالوا لازم اساميهم مطبوعه بالورقه نفسها .. [ الخطاب ] .. وقال كم تبي وحدهـ ..؟! قلت .. خمس .. :biggrin:

.. قال عطني اساميهم قلت .. بس ما اعرف ارقام السجل حقهم .. قال ما عليك نجلس انا واياك ونطلع ارقامهم بالجهاز ..! وصرفت الموضوع .. :(269):

حاولت احتال عليهم .. بس ما نفعت .. هه


قلت له طيب ترسلونهم بالبريد .. قال ما نقدر ..! عشان الختم ..


[ الخطاب لازم حضور ولي أمرك عشان تاخذينه ] .. وبدل فاقد اسهل واسرع .. وأضمن ..!!


لأن واحد منهم قال لي انت منين قلت من القصيم .. قال ما يقبلونها جامعة القصيم ..!!

فيه ناس اخذوها وما قبلتها منهم الجامعه .. وطلعوا بدل فاقد وسلموها للجامعه ..! [ على ذمه الراوي ] :119:



يقولون على حسب الفرز إذا فرزوا ملفك بدري .. يرسلونه بدري .. مع البريد ..!

بس الأفضل لك لا تنتظرهم .. روح وطلع بدل فاقد .. وينتهى موضوعك ..,


ومن كلامهم يقولون لا تعتمد على الموقع .. لأنه يطول ما يحدّث ..!!


عموماً جبت لك ارقامهم .. واتصلي عليهم اذا حبيتي ..


احمد الشعيبي يقول لي .. اتصل علي من 2 إلى 3 الظهر .. عشان ما فيه مراجعين ..!



أحمد الشعيبي : سكرتير العميد ومدير الشؤون الأكاديمية

رقم جواله : 0507074891


فهد النويحل : سكرتير العميد ( 2 )

رقم جواله : 0506690774


عمر العمير : الشؤون الأكاديمية ( أخلاقي بقوّه ) :(204):

رقم جواله : 0552864690


أحمد الحليبي : شؤون اكاديمية

رقم جواله : 0530705264


صالح الهديب : شؤون مالية

رقم جواله : 0501628681


يوسف الجوهر : شؤون مالية

رقم جواله : 0554938343


عبدالعزيز الشيخ حسين : Blackboard

رقــم جـوالــه : 0501628353




الأرقام الباقية .. سريّـه .. :biggrin:


لا بس .. اعتقد إن الأسماء هذي كافيه .. لـ تحل معظم المشاكل إن شاء الله ..



brb
جزاك الله خير .., والله يسهلها علينا وعليكمً
عن جد شكرا , شكرا

الله يوفقكً

ام عبدالرحمن21 2011- 10- 4 11:03 AM
رد: لأي أسـئلـة متـعلقة بـ الإنسـحـاب ..!!
 
ابشرك رحت وخلصت اموري رحت على 8:45
ورح زوجي وخلص اوراقي وطلعنا 9ونص
المهم هناك ناس كثير من ابها ومن جدة كلهم انسحااااب

وطبعا مثل ماقلت الشيك والاورق بتنرسل لى بعد شهرين
قلت لهم والله ان صار شي للشيك اجيكم اخذه كاش:53:

ام عبدالرحمن21 2011- 10- 4 11:05 AM
رد: لأي أسـئلـة متـعلقة بـ الإنسـحـاب ..!!
 
انا بشوف اذا قبلتني كليه ثانيه ان شاء الله


ادعوو لى

توآقه للقمه 2011- 10- 4 11:19 AM
رد: لأي أسـئلـة متـعلقة بـ الإنسـحـاب ..!!
 
انسحبتي يا ام عبد الرحمن ربي يوفقك
دعواتك
لضايعين وش بيقررون مثلك ولا :53:

Asus 2011- 10- 4 07:23 PM
رد: لأي أسـئلـة متـعلقة بـ الإنسـحـاب ..!!
 
حي ـاك الله .., YoTi


ما سويت إلا الواجب .., والله يسهلها وييسرها لك وللجميع ,..


أم عبدالرحمن


الحـمدلله .., إنك فنشتـي منهم ..,


إن شاء الله إنهم ما يطولون علينا .. ويخلصونا ,..



ربي يوفق ويسهل ,..

ام عبدالرحمن21 2011- 10- 4 10:22 PM
رد: لأي أسـئلـة متـعلقة بـ الإنسـحـاب ..!!
 
توأقهـ الله يسهل علينا وعليكم

اخي
Asus اشكرك جزيل الشكر على مساعدتك والله يوفقك با الدارين

توآقه للقمه 2011- 10- 6 06:59 AM
رد: لأي أسـئلـة متـعلقة بـ الإنسـحـاب ..!!
 
اممممممممممم من باقي يفكر في الأنسحاب

توآقه للقمه 2011- 10- 6 07:09 AM
رد: لأي أسـئلـة متـعلقة بـ الإنسـحـاب ..!!
 
هل اذا انسحبت حاليا وفكرت أقدم في السنوات القادمه مسموح ولا خلاص مافيه تقديم
انتظر الجواب


Asus 2011- 10- 6 07:47 AM
رد: لأي أسـئلـة متـعلقة بـ الإنسـحـاب ..!!
 
تـواقـة للـقمـة ..,


مسـموح .., لـكن السـؤال ليه تـنسحبـين ..؟!


..,

توآقه للقمه 2011- 10- 6 07:57 AM
رد: لأي أسـئلـة متـعلقة بـ الإنسـحـاب ..!!
 
مافيه سبب لكن الصعوبات هي السبب
وفكرت اربع سنوات وانا مقابله الكمبيوتر ولحق وراء اما مناقشه او واجب او محاضره احملها
مافيه جدول غير اوقات الأختبار

خلال هذا الفتره مو عارفه وش اسوي لامحاضرات ولا ملازم ولامحتوى طبعته فكيف بالترم الجاي او السنوات القادمه
فكرت وعلى أساس كذا قررت

Asus 2011- 10- 6 08:23 AM
رد: لأي أسـئلـة متـعلقة بـ الإنسـحـاب ..!!
 



لا لا .. انااا ماني معك بهالموضوع هذا ابداً ..


الصعوبات دايماً بأول شي .. بديهي شي ما تعرفه لازم تواجه فيه صعوبه بتعلمه ..,


لكن هو سهل واللي بالمنتدى ما قصروا .. موضحين كل شي بالصور .. وشارحينها ..,


الحمدلله < كنت جالس اوضح بالصور كيف تنسحبين .. بس الحمدلله ما نزلتهم .. هه



انا من رايي أنتي بنت .. وصعبه عليك مواصلة الدراسه انتظام .. والإنتساب اللحين بين يديك .. لا تضيعي الفرصه


الإنسحـاب لـ حالتين .. إما ضروف قاسيه .. مثلاُ ضروف مادية ..

أو الإنسحاب عشان تدرسين انتظام .. وهذا افضل .. بس إذا ما قدرتي انتظام انتساب متوفر وبسهوله ..,


حتى الإختبارات تكون بالمدينه اللي انتي فيها ..


لا تفوتين الفرصه عليك إذا كنتي تقدرين .. صدقيني سهله بكل شي ..,

يوم واحد من الإسبوع يكفي إنك تنجحين من الماده بتقدير ممتاز أو جيد جداً ..

انا ما جربت لكن كلام اللي اعرفهم يكملون انتساب .. وانا اشوفه سهل بالحيل ..

انا ما كانت عندي نيّه انسحب .. لكن الحمدلله وافقوا لي العمل وراح ادرس انتظام وانسحبت ..,



انا ما اشوف المشاكل اللي ذكرتيها .. مشاكل بالأساس ..

شوفي الإسبوعين هذي .. وجربي .. ما راح تخسرين شي.. بس لا تستعجلين ..!



الله يوفقك وييسر لك اموركـ .. ويعينك على طاعته ..,



في حفظ الرحمن ..

توآقه للقمه 2011- 10- 6 08:41 AM
رد: لأي أسـئلـة متـعلقة بـ الإنسـحـاب ..!!
 
اقتباس:
المشاركة الأصلية كتبت بواسطة Asus (المشاركة 4576941)


لا لا .. انااا ماني معك بهالموضوع هذا ابداً ..


الصعوبات دايماً بأول شي .. بديهي شي ما تعرفه لازم تواجه فيه صعوبه بتعلمه ..,


لكن هو سهل واللي بالمنتدى ما قصروا .. موضحين كل شي بالصور .. وشارحينها ..,


الحمدلله < كنت جالس اوضح بالصور كيف تنسحبين .. بس الحمدلله ما نزلتهم .. هه



انا من رايي أنتي بنت .. وصعبه عليك مواصلة الدراسه انتظام .. والإنتساب اللحين بين يديك .. لا تضيعي الفرصه


الإنسحـاب لـ حالتين .. إما ضروف قاسيه .. مثلاُ ضروف مادية ..

أو الإنسحاب عشان تدرسين انتظام .. وهذا افضل .. بس إذا ما قدرتي انتظام انتساب متوفر وبسهوله ..,


حتى الإختبارات تكون بالمدينه اللي انتي فيها ..


لا تفوتين الفرصه عليك إذا كنتي تقدرين .. صدقيني سهله بكل شي ..,

يوم واحد من الإسبوع يكفي إنك تنجحين من الماده بتقدير ممتاز أو جيد جداً ..

انا ما جربت لكن كلام اللي اعرفهم يكملون انتساب .. وانا اشوفه سهل بالحيل ..

انا ما كانت عندي نيّه انسحب .. لكن الحمدلله وافقوا لي العمل وراح ادرس انتظام وانسحبت ..,



انا ما اشوف المشاكل اللي ذكرتيها .. مشاكل بالأساس ..

شوفي الإسبوعين هذي .. وجربي .. ما راح تخسرين شي.. بس لا تستعجلين ..!



الله يوفقك وييسر لك اموركـ .. ويعينك على طاعته ..,



في حفظ الرحمن ..

جزاك الله خير كلامك مقنع وزياده
لكن بفكر واعيد التفكير وربي يكتب لي الخير ولك وللجميع
أمين واياك
بحاول رغم محاولات من حولي بالأستمرار الا اني اممممم لا اعلم من التفكير عادي ما وهمني المبلغ بس مهتمه كيف ادرس صعبه نحول كل ماده من بوربونت الى ورد ونطبع
واذا بنشتري ملازم قالو تأكدو مين الدكتور .. صراحه احس ضايعين :mh12:
مافيه شي اكيد نتوجه له واذا فيه تحويل وياخذ وقت

الحمدلله < كنت جالس اوضح بالصور كيف تنسحبين .. بس الحمدلله ما نزلتهم .. هه


طيب نزل التوضيح لي بالصور وبشوف خلال الأسبوعين بجرب
وربي يوفق


Asus 2011- 10- 6 08:49 AM
رد: لأي أسـئلـة متـعلقة بـ الإنسـحـاب ..!!
 
إسـتـخـيري ..
إسـتـخـيري ..
إسـتـخـيري ..




من ناحية المذاكرة .. فيه ملخصات عند مكتبات معروفة .. تشترينها لو حبيتي ..


وش تقصدين : إذا فيه تحويل ياخذ وقت ..!!



بالنسبة للإنسحـاب .. ادخلي ع الموضوع هذا ..:


http://www.ckfu.org/vb/t230244.html


رد [ 4 ]



بـ التوفيق .. يآرب

توآقه للقمه 2011- 10- 6 09:09 AM
رد: لأي أسـئلـة متـعلقة بـ الإنسـحـاب ..!!
 
اقتباس:
المشاركة الأصلية كتبت بواسطة Asus (المشاركة 4577007)
إسـتـخـيري ..
إسـتـخـيري ..
إسـتـخـيري ..


ان شاء الله

من ناحية المذاكرة .. فيه ملخصات عند مكتبات معروفة .. تشترينها لو حبيتي ..


وش تقصدين : إذا فيه تحويل ياخذ وقت ..!!

اقصد تحويل البوربونت الى ورد عندنا في البلاك بورد

بالنسبة للإنسحـاب .. ادخلي ع الموضوع هذا ..:


http://www.ckfu.org/vb/t230244.html


رد [ 4 ]



بـ التوفيق .. يآرب

جزاك الله خير

الظبيانيه 2011- 10- 6 10:18 AM
رد: لأي أسـئلـة متـعلقة بـ الإنسـحـاب ..!!
 
يسلمووووووووو اخي

منااير 2011- 10- 6 11:00 AM
رد: لأي أسـئلـة متـعلقة بـ الإنسـحـاب ..!!
 
السلام عليكم ورحمة الله وبركاته ..

الله يعافيكم انا مرره متردده بالانسحاب .. بس لني اخترت قسم تاريخ وقبلوني فيه
وسمعت كثير يقولون القسم فاشل وماينفع بشي ..:(177):
وفكرت كثير انسحب .. لان اخاف مااقدر احول لقسم ثاني او اني اواجه صعوبات ..!!

وش رايكم تنصحوني انسحب .. والا شسوي ..!

ترى مررره حايسه ..:Cry111:

فواز بن ناصر 2011- 10- 6 02:43 PM
رد: لأي أسـئلـة متـعلقة بـ الإنسـحـاب ..!!
 
طيب انا انسحبت من الجامعة كلياً , عن طريق ايقونة الانسحاب المتواجدة في الخدمات الطلابية
..
ولكن الي الان استطيع الدخول الي الانظمة .. يعنى الي الان ما فعلوا انسحابي ؟؟؟!!!
..
متى حيفعلون انسحابي ؟
..
صراحة لا اضمن هذه الانظمة البته .. ولكم الشكر

Asus 2011- 10- 6 11:16 PM
رد: لأي أسـئلـة متـعلقة بـ الإنسـحـاب ..!!
 
وعليكم السلام ورحمته وبركاته ..


منـايـر .. الإنسحاب مددوا فترته إلى 24\11


قدامك 18 يوم تقريباً .. جربي وإسألي اللي يدرسون هـ التخصص .. صدق الكلام اللي سمعتيه أو لا ..!


ونصيحتي ادخلي منتديات [ جامعات أخرى ] مثلا الإمام أو الملك سعود .. وأسألي هناكـ ..!


وش ممكن يصير لك بعد ما تتخرجين .. مضمونه الوظيفة أو لا ..! مقبوله الشهاده أو لا ..!


اضرب لك مثال : تخصص إدارة أعمال .., إنتساب أو انتظام ما فيه فرق كبير .. بالتوظيف أو القبول ..,


لأن ممكن تخصصي إدارة أعمال واشتغل بشركة بس ماني على مكتب ولا وظيفتي إدارة أعمال ..


لكنهم قبلوني .. لأنهم يقبلون التخصص هذا .., لكن التاريخ .. إما تدريس أو اسم [ جامعية ] فقط ..! فهمتي علي ..؟!


أسألي واستفسري .. عن الوظائف المتاحه للتخصص هذا .. وشهي ..!؟ وهل يقبل الانتساب ..؟

وهل الجامعة تعطيك فترة تطبيق بالمدينة اللي انتي فيها ..! لأن التخصص هذا مطلوب فيه التطبيق وأقل شي ست شهور .. وعليها معدل زين .. وتفيدك بالقبول الوظيفي ..!


معنى القبول الوظيفي : إني كـ شركة أو جهة حكومية .. أقبل تخصصك .. حتى ولو ما كانت وظيفتك على نفس التخصص < هالمعنى من تأليفي .. :biggrin:



انتظري ولا تستعجلين .. للحين معاك وقت كثير تفكرين فيه وتحسبين حساباتك ..



وفقك الله ويسر لك امورك .. وهونها عليك .. وقدّر لكي الخير كلّه ..

Asus 2011- 10- 6 11:21 PM
رد: لأي أسـئلـة متـعلقة بـ الإنسـحـاب ..!!
 
فـواز .. حي ـاك ربّي ..



انا مثلك كنت أشك بأنظمتهم .. بس رحت للجامعه ولقيتهم عارفين وكل شي طالع قدامهم ..



لكن للحين ما فرزوا الملفات عشان يتخذون القرار ويحدثون النظام ..



إن شاء الله خير .. بس اتوقع ماهو قبل إسبوعين ثلاثـه ..,


خذ راحتك .. وناظر وتفرج .. يمكن تطلع بفايدهـ .. لين ما يقفلونه عليك ..




وفق الله .. وأزاح همك وغمك ..

منااير 2011- 10- 7 09:23 AM
رد: لأي أسـئلـة متـعلقة بـ الإنسـحـاب ..!!
 
اقتباس:
المشاركة الأصلية كتبت بواسطة asus (المشاركة 4581323)
وعليكم السلام ورحمته وبركاته ..


منـايـر .. الإنسحاب مددوا فترته إلى 24\11


قدامك 18 يوم تقريباً .. جربي وإسألي اللي يدرسون هـ التخصص .. صدق الكلام اللي سمعتيه أو لا ..!


ونصيحتي ادخلي منتديات [ جامعات أخرى ] مثلا الإمام أو الملك سعود .. وأسألي هناكـ ..!


وش ممكن يصير لك بعد ما تتخرجين .. مضمونه الوظيفة أو لا ..! مقبوله الشهاده أو لا ..!


اضرب لك مثال : تخصص إدارة أعمال .., إنتساب أو انتظام ما فيه فرق كبير .. بالتوظيف أو القبول ..,


لأن ممكن تخصصي إدارة أعمال واشتغل بشركة بس ماني على مكتب ولا وظيفتي إدارة أعمال ..


لكنهم قبلوني .. لأنهم يقبلون التخصص هذا .., لكن التاريخ .. إما تدريس أو اسم [ جامعية ] فقط ..! فهمتي علي ..؟!


أسألي واستفسري .. عن الوظائف المتاحه للتخصص هذا .. وشهي ..!؟ وهل يقبل الانتساب ..؟

وهل الجامعة تعطيك فترة تطبيق بالمدينة اللي انتي فيها ..! لأن التخصص هذا مطلوب فيه التطبيق وأقل شي ست شهور .. وعليها معدل زين .. وتفيدك بالقبول الوظيفي ..!


معنى القبول الوظيفي : إني كـ شركة أو جهة حكومية .. أقبل تخصصك .. حتى ولو ما كانت وظيفتك على نفس التخصص < هالمعنى من تأليفي .. :biggrin:



انتظري ولا تستعجلين .. للحين معاك وقت كثير تفكرين فيه وتحسبين حساباتك ..



وفقك الله ويسر لك امورك .. وهونها عليك .. وقدّر لكي الخير كلّه ..
الله يجزاك الجنه أخوي ويوفقك يارب ويفتح لك الخير كله ،
كفيت ووفيت ،
راح أسأل ، الله يكتب لنا اللي فيه خير ..،

نــواف بن راشد 2011- 10- 7 11:39 AM
رد: لأي أسـئلـة متـعلقة بـ الإنسـحـاب ..!!
 
الله يعطيك العافيه
والله يوفق الجميع

Asus 2011- 10- 7 11:47 PM
رد: لأي أسـئلـة متـعلقة بـ الإنسـحـاب ..!!
 
اللـه يرزقنـا أجمعين جنـات النـعيم ..,


ولـكِـ .. بالمثل أختي مناير .., شكراً لكـ ..



الله يعافيك يـا نـواف .., ويجـزاك الله كل خير على الحضور ..,

yooosef15 2011- 10- 8 01:00 AM
رد: لأي أسـئلـة متـعلقة بـ الإنسـحـاب ..!!
 
مشكور

الأريج 2011- 10- 8 09:07 AM
رد: لأي أسـئلـة متـعلقة بـ الإنسـحـاب ..!!
 
قررت الانسحاب بس مو عارفة اش اكتب العنوان بالضبط

ساعدوني :Cry111:

الأريج 2011- 10- 8 10:21 AM
رد: لأي أسـئلـة متـعلقة بـ الإنسـحـاب ..!!
 
السلام عليكم

ممكن استفسر

حابة أنسحب من البرنامج وطالبين مني اكتب العنوان اللي حيرسلوا لي الملف عليه

شو اكتب بالضبط

المدينة والحي والشارع ولا ايش

مشكورين والله اني مو عارفة :Cry111:

9a3b,ansak 2011- 10- 9 11:29 PM
رد: لأي أسـئلـة متـعلقة بـ الإنسـحـاب ..!!
 
تكتبوووون صندوووق البريييد :53:

مستريح البآل 2011- 10- 9 11:34 PM
رد: لأي أسـئلـة متـعلقة بـ الإنسـحـاب ..!!
 
واللي يسوي طلب انسحاب
ويشيك ويطلع له فعآل فعآل فعآل وش يسوووي

^ q8 2011- 10- 9 11:38 PM
رد: لأي أسـئلـة متـعلقة بـ الإنسـحـاب ..!!
 
ابي انسحب شنو اكتب العنوان !!!!!!!!!!!!


يعني اكتب عنواني بالكويت ولا اكتب عنوان سعودي

ام عبدالرحمن21 2011- 10- 9 11:42 PM
رد: لأي أسـئلـة متـعلقة بـ الإنسـحـاب ..!!
 
لا الى يبي ينسحب العنوان الله يسلمكم هو عنوان البريد تبعكم
صندوق البريد مع الرمز البريد

^ q8 2011- 10- 9 11:44 PM
رد: لأي أسـئلـة متـعلقة بـ الإنسـحـاب ..!!
 
زين انا ما عندي بريد شلوووون

ام عبدالرحمن21 2011- 10- 10 04:42 AM
رد: لأي أسـئلـة متـعلقة بـ الإنسـحـاب ..!!
 
بريد ابوك ولا اخوك عمك خالك
يعني اي احد تعرفينه امين علميه وبيعطيك البريد

حكايه لاتنسى 2011- 10- 10 07:48 AM
رد: لأي أسـئلـة متـعلقة بـ الإنسـحـاب ..!!
 
:(204):

^ q8 2011- 10- 10 08:16 AM
رد: لأي أسـئلـة متـعلقة بـ الإنسـحـاب ..!!
 
ما عرف احد عنده برييييد :Cry111:


شسوي الحين :bawling:

قمة التفآئل 2011- 10- 23 01:56 PM
رد: لأي أسـئلـة متـعلقة بـ الإنسـحـاب ..!!
 
الله يعطيك العافيه
أنا غلطت غلطه كبيرررره مادري أقدر أصلحها أو لا :Cry111:

قررت أنسحب وكتبت مكان العنوان أرغب بالإنسحاب وسويت أرسال بدون ما أكتب عنوان البريد :mh12:

وش السواة الحين أقدر أعيد الإرسال مره ثانيه :bawling:

العيون الساهرهـ 2011- 10- 23 03:34 PM
رد: لأي أسـئلـة متـعلقة بـ الإنسـحـاب ..!!
 
اقتباس:
المشاركة الأصلية كتبت بواسطة ام يوني (المشاركة 4551786)
انا ابغى اعتذر وسجلت المواد في البنر وما دفعت الروسم اقدر اعتذر وهل العودة ميسرة


اختي انا بعد مثلك ابقى انسحب ومادفعت السداد
تكفووون ساعدووني وش اسوي ؟؟؟:41jg:
:bawling: :bawling:


All times are GMT +3. الوقت الآن حسب توقيت السعودية: 03:38 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه