ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   صدقوني جهزت المشنقة حقتي لو ماتردون علي بنفذ الحكم (https://vb.ckfu.org/showthread.php?t=219557)

صدر حنون 2011- 9- 15 11:38 AM
صدقوني جهزت المشنقة حقتي لو ماتردون علي بنفذ الحكم
 
زهقت خلالالاص سنين راحت من عمري كلما اجي اقدم يقفل التسجيل مقرود قسم بالله ويوم انقبلت مبدئيا برمضان هذا 1432 تعليم عن بعد جامعة الملك فيصل كلية الاداب قسم اجتماع بغيت اذبح ذبايح من الفرحة :53: لاتلوموني معاناة ويوم جيت بسدد الرسوم ماقدرت اسددها الا بعد العيد من نظام بنك الرياض الخايس كل يوم متعطل النظام سددنا ووصلت الاوراق اتابع عن طريق النت موقع البريد خدمة تقفي الاثر انه وصل لاكن السؤال هو كيف اعرف اني انقبلت لاني اول ماسجلت ناسي مادري دخلت اسم مستخدم ولالا والله ناسي وناسي كلمة المرور وجيت بخش اليوم يقولي خطا وش الحل بالله وكلما اجي بخش يقولي

عفوا .. لم يتم قبولك في الجامعة
أو
البيانات المدخلة غير صحيحة



هاه وش الحل مع العلم بياناتي صحيحة وجاتني رسالة تقولي يجب تسديد الرسوم وسددت وارسلت الاوراق بس وش الحل مع سالفة الرقم الجامعي وكلمة المرور الي مادري من وين اجيبها انا اكلمكم واليوم التاريخ 17/10/1432 هـ وش الحل ياخوان وياخوات وادق على الشيوخ الدكاترة والله من الدجة دكاترة بيطرة مو اساتذة كلما ادق على واحد مشغول ولا يقفل بوجهي واحسهم يغازلون قسم بالله مادري هل فاتني شي من الدراسة ولالا تكفون والله نفسيتي تعبت ماسجلت الا هي اخر امل بحياتي لانسبة زينة ولا وظيفة زينة والي يجاوبني لاينسى يشرح لي بالتفصيل حتى اعرف من وين اطلع الرقم الجامعي واسم المستخدم وجوالي ماجاة ولا رسالة للحين الخميس

ABO NWAF 2011- 9- 15 11:47 AM
رد: صدقوني جهزت المشنقة حقتي لو ماتردون علي بنفذ الحكم
 
اذكر الله كلنا مثلك ماجانا شي الصبر زين
كل ما نحتاجه الصبر *

Nashmi 2011- 9- 15 11:57 AM
رد: صدقوني جهزت المشنقة حقتي لو ماتردون علي بنفذ الحكم
 
انت لما سددت الرسوم اكيد عندك الرقم الجامعى

يعنى انت من طلبة الجامعه

اما الرساله اللى توصلك ماعليك منها

بعدين مهلة السداد مددوها الى راتب شوال يعنى فيه وقت

وانت مسدد وخالص

مشاكل فى النضام وتتصلح

حياك الله فى جامعة الملك فيصل اخوى

مجنونه رسمي 2011- 9- 15 12:14 PM
رد: صدقوني جهزت المشنقة حقتي لو ماتردون علي بنفذ الحكم
 
بسم الله عليك لاتخاف
انت يوم تروح تسدد مكتوب رقمك الجامعي بورقه الجامعه الي وديتها للبريد انت
لاتخاف بيردون لك رقمك السري والجامعي بالجوال الي انت سجلت فيه اهم شي لاتضيع هالجوال لانه بيجيك
عليه الارقام حقتك
الله يوفقك

ابو نجلاء 2011- 9- 15 12:36 PM
رد: صدقوني جهزت المشنقة حقتي لو ماتردون علي بنفذ الحكم
 
ان الله مع الصابرين

صدر حنون 2011- 9- 15 01:13 PM
رد: صدقوني جهزت المشنقة حقتي لو ماتردون علي بنفذ الحكم
 
زين الله يبشركم بالخير خصوصا الاخت مجنونة يوم تقول اكيد بيردون لك برسالة على الجوال الرقم الجامعي وكلمة المرور بس ياناس متى القبول النهائي وكيف اعرف انقبلت نهائيا ولالا

'سمآ 2011- 9- 15 01:25 PM
رد: صدقوني جهزت المشنقة حقتي لو ماتردون علي بنفذ الحكم
 
خلاااص انقبلت انت الباقي بس يرسلوون الارقاام
وتشووف محاضراتك..

شهم وكريم 2011- 9- 15 01:30 PM
رد: صدقوني جهزت المشنقة حقتي لو ماتردون علي بنفذ الحكم
 
مبروك مقدما والله يوفقك

كلنا كذا ............ نفس الشي

الاسبوع القادم يرسلون الرقم الجامعى والرقم السري
وسع صدرك

صدر حنون 2011- 9- 15 01:52 PM
رد: صدقوني جهزت المشنقة حقتي لو ماتردون علي بنفذ الحكم
 
الله يبارك فيكم والف الف شكر طمنتوني الله يطمنكم بالجنة يارب

احساس نعومه 2011- 9- 15 01:54 PM
رد: صدقوني جهزت المشنقة حقتي لو ماتردون علي بنفذ الحكم
 
انت مقبول يالجامعي :53:
و كلنا ننتظر منهم رساله

آلمآسة آلحسآسة 2011- 9- 15 01:59 PM
رد: صدقوني جهزت المشنقة حقتي لو ماتردون علي بنفذ الحكم
 
وعليكم السلام والرحمة

اخوي تطمن انت كذه خلص مقبول نهائي بالجامعة ...الف مبروووك ... وعقبال ما نباركم لكم بالتخرج ...:tongue:

والرقم الجامعي تحصله مكتوب بورقة البريد الممتاز نسخة الطالب

يتبقى الرقم السري راح يرسلونه قريب بأذن الله

الترم اللي فات اللي انقبلو بالدفعه الاولى وصلتهم الارقام أول ناس وهكذه يعني توصلكم دفع مثل القبول لحد يخاف ويتوتر

واذا تحاتون المحاضرات بدت ومدري شنو مو مشكلة ممكن انزل المحاضرات الاول من كل مادة هنــا

:106:

j0o0ry 2011- 9- 15 02:00 PM
رد: صدقوني جهزت المشنقة حقتي لو ماتردون علي بنفذ الحكم
 
موفق اخوي :(204):

sense-71 2011- 9- 15 02:05 PM
رد: صدقوني جهزت المشنقة حقتي لو ماتردون علي بنفذ الحكم
 
يارجال لاتشيل هم ..تساهيل كلنا بالهوا سوا ..وانا بعد انتظر الارقام ماجاني شي ..
الصبر زين وكل مطرود ملحوق :53:

HEeMoOo 2011- 9- 15 02:08 PM
رد: صدقوني جهزت المشنقة حقتي لو ماتردون علي بنفذ الحكم
 
بالتوفيق ان شاء الله :53:

جاري الانتظار............

sense-71 2011- 9- 15 02:09 PM
رد: صدقوني جهزت المشنقة حقتي لو ماتردون علي بنفذ الحكم
 
واشر لي بمنديله :53:

ام وسيم 2011- 9- 15 02:36 PM
رد: صدقوني جهزت المشنقة حقتي لو ماتردون علي بنفذ الحكم
 
الله يوفقنا جميعا يارب وتساهيل لا تعقدو المسأله

حكايه لاتنسى 2011- 9- 15 02:38 PM
رد: صدقوني جهزت المشنقة حقتي لو ماتردون علي بنفذ الحكم
 
باذن الله راح ينزل لنا الرقم السري بالجوال انت لاتحاتي وسع صدرك ياحنون
ودامك انقبلت خلاص اهلا بك في جامعة الملك فيصل :53:

القلم الصادق 2011- 9- 15 03:01 PM
رد: صدقوني جهزت المشنقة حقتي لو ماتردون علي بنفذ الحكم
 
لاتنسى الشهادتين الله يرحمك ويسكنك الجنة

فيلسوف الكلمة 2011- 9- 16 01:08 AM
رد: صدقوني جهزت المشنقة حقتي لو ماتردون علي بنفذ الحكم
 
لاحول ولاقوة الا بالله

العمر مرهـ 2011- 9- 16 01:22 AM
رد: صدقوني جهزت المشنقة حقتي لو ماتردون علي بنفذ الحكم
 
هههههههههه مسوي زحمه قول ابي انتحر اسهل لك :(284): )))) برااا:41jg:
لا تشيل هم اخوي كلنا بالهوا سوا وفرحنا اننا انقبلنا هنا ولا تستعجل اصبر شويات بس ويجينا الرقم الجامعي والله يوفقنا يارب ..:mh12:

«★ツSTAR SAMA★ツ» 2011- 9- 16 02:01 AM
رد: صدقوني جهزت المشنقة حقتي لو ماتردون علي بنفذ الحكم
 
بسم الله عليك وش هالكلام الله يبعد عنا وعنكم النكد والزعل يااارب:106:
الامور بسيطه جدااا جداااا اجدااا ماله داعي هالخوف والتوتر كله:106:
انتو كلكم مقبوليين مجرد ماترسلون اوراقك وتسددون الرسوم:106:
صدقووني انكم مقبولييين:106: بس مطلوب منكم شوي صبر:106:

وكلنا مرينا بنفس تجاربكم وكان المطلوب مننا الصبر:106:

والامور مشت معانا 100%100

واحنا كلنا هنا معاكم وبنسساعدك ع طوووول:106:

انتو انتظرو شوي والارقام بتوصل لكم ع الجوااال:106:

والدراسه راح تبلش سوا كلنا مع بعض:106:

ولا تنسون انكم تدرسون ع طريق نت يعني لابد من وجود مشاكل وضغط شوي:106:

والله يوفقكم يااااارب واتمنى مااسمع هالكلام منكم لانكم اقوى من هالكلام:106:

وانا واثقه فيكم ولازم نخفف عن بعض مو نخوف بعض:106:

المنصور 2011- 9- 16 02:16 AM
رد: صدقوني جهزت المشنقة حقتي لو ماتردون علي بنفذ الحكم
 
الله مشنقه على شان الرقم السري ماوصل
زين كيف لو جاك الرد عدم القبول يمكن تنط
من فوق عماره ولا تموت سكته قلبيه
الصبر واتباع الحكمه طيب

L,v 2011- 9- 16 02:39 AM
رد: صدقوني جهزت المشنقة حقتي لو ماتردون علي بنفذ الحكم
 
يارب يسر امووورناااا ..|)~

يارا2012 2011- 9- 16 03:03 AM
رد: صدقوني جهزت المشنقة حقتي لو ماتردون علي بنفذ الحكم
 
ياخوي هد اللعب شوي ..

كلنا بإذن الله مقبولين

ولكن للآن ماتسجلنا بالنظام رسمي تدري ليه ؟

لأن أمس الخميس كان آخر يوم لسداد الرسوم وتسليم الوثائق

سلطانة زماني 2011- 9- 16 08:43 AM
رد: صدقوني جهزت المشنقة حقتي لو ماتردون علي بنفذ الحكم
 
زميلي صدر حنون كل الي ابيه منك لا تقلق واجد هدي شوي والف الـــــف مبروك قبولك

ثاني شي هم ارسلولك رساله بالقبول صح ؟ خلاص اجل انت رووح ادخل على هذي الصفحه

عشان تطلع رقمك الجامعي ادخل اول شي على صفحه بوابه الطلبه المستجدين

http://www.kfu.edu.sa/ar/Deans/Admis...wstudents.aspx

بعد ماتفتح الصفحه اختار استخراج الرمز السري بيعطيك خيارين اما انك تدخل رقم السجل ورقم الجوال اوو رقم السجل المدني والرمز السري انت اختار رقم السجل المدني ورقم الجوال اسرع عشان ما تتخربط وبعدها بتدخل على صفحتك وهذي هي الصفحه

http://www.kfu.edu.sa/ar/Deans/Admis...wstudents.aspx

راح تلقى فيها رقمك الجامعي والجامعه برضه بيرسلون لك رساله برقمك الجامعي والرقم السري

وبالنسبه للتسديد ترا فترة التسديد للطلبه الجدد محدوده مو مثل الطلاب القدامى لحد نهاية الشهر
وانت دامك سددت ماعليك لا تشيل هم بس لا زم تتاكد من التسديد عن طريق صفحتك الخاصه
الي هي صفحة الخدمات الطلابيه افتح الصفحه وبعدها دخل رقمك الجامعي وكلمة المرور وراح تدخل على صفحه الخدمات الطلابيه الخاصه فيك الي فيها المواد وسجلك الاكاديمي وسداد الرسوم وكل شي

http://del2.kfu.edu.sa/entisab_app/index.asp

انت ادخلها وعندك ايقونة سداد الرسوم اضغط عليها وشوف اذا المبلغ تسدد ولا لا
وشوف سجلك الاكاديمي وعندك فوق ايقونه الطلبة الجدد هناك راح تلاقي موادك كلها

لازم تحرص وتتاكد وتتابع الموقع دايم ولا تشيل هم ابد ترا الموقع مرات يتخربط ويتعطل وكلنا جربنا
وشلنا هم بالبدايه بس بعدين تعودنا والامور بتتسهل انت بس لا تقلق وانا اختك
اهم شي الحين تاكد من سجلك الاكاديمي والتسديد اذا تاكد او لا والباقي سهالات

اتمنى اني افدتك وربي حاسه بحوستك وربي يعينك :106:

صدر حنون 2011- 9- 16 04:17 PM
رد: صدقوني جهزت المشنقة حقتي لو ماتردون علي بنفذ الحكم
 
ايوة ارسلو لي القبول وبعدها سددت الرسوم بس مارسلو الرقم الجامعي وانا لقيت الرقم الجامعي على ورقة كنت طابعها يوم سجلت بياناتي بنموذج بنك الرياض بس يوم دخلتة مادري دخلت ارقام سرية يوم تسجليلي بالبداية والان جربت كم رقم سري ويقولي بيناتك غير صحيحة بس مادري الاخوان يقولون راح يرسلون الرقم الجامعي والرقم السري من عندهم على الجوال يعني ويفعلون الرقم السري من النظام عندهم هذا الي فهمتة من الاخوان على فكرة انتي مكررة نفس الروابط الثنين الاولات

مناير 655 2011- 9- 16 05:36 PM
رد: صدقوني جهزت المشنقة حقتي لو ماتردون علي بنفذ الحكم
 
حسيت بمأساتك :000:

كلمت انا مدير مكتب العميد وماقصر معي من قبل التسجيل وبعده والرقم الجامعي على هالاسبوع ان شالله
بيجيك على جوالك
وبالتوفيق قبل الفطسه :biggrin:

«★ツSTAR SAMA★ツ» 2011- 9- 16 06:08 PM
رد: صدقوني جهزت المشنقة حقتي لو ماتردون علي بنفذ الحكم
 
اقتباس:
المشاركة الأصلية كتبت بواسطة صدر حنون (المشاركة 4416345)
ايوة ارسلو لي القبول وبعدها سددت الرسوم بس مارسلو الرقم الجامعي وانا لقيت الرقم الجامعي على ورقة كنت طابعها يوم سجلت بياناتي بنموذج بنك الرياض بس يوم دخلتة مادري دخلت ارقام سرية يوم تسجليلي بالبداية والان جربت كم رقم سري ويقولي بيناتك غير صحيحة بس مادري الاخوان يقولون راح يرسلون الرقم الجامعي والرقم السري من عندهم على الجوال يعني ويفعلون الرقم السري من النظام عندهم هذا الي فهمتة من الاخوان على فكرة انتي مكررة نفس الروابط الثنين الاولات


ممكن طول بالك وانا اختك:106:
ليش هالخوف كله والتوتر والله الامور ابسسط من كذا بكثير:106:

صدقني وبتقول ستار قالت:106: الامور راح تمشي 100%100 معاكم ان شاء الله:106:

بس يبغالكم شوي صبر:106: وانا اتكام عن تجربه صارت:106: مو كلام فاضي:106:
الرقم الجامعي والباسوورد بيوصل لكم ان شاء الله خلال هالفتره القادمه:106:

بس انتو توكلو ع الله ومايكون خاطركم الا طيب:106:

واحنا كلنا معااكم وبنسساعدكم لا تخاافون:106:

وبخصوص القبول انت انتقبلت والكل انقلب دامهم طلبو منكم تسديد الرسوم ورسل الاوراق المطلوبه:106:

والله يوفق الجميييع:106:

واي خدمه اتفضلـــــــــــــو:106:

صدر حنون 2011- 9- 16 08:30 PM
رد: صدقوني جهزت المشنقة حقتي لو ماتردون علي بنفذ الحكم
 
اقتباس:
المشاركة الأصلية كتبت بواسطة مناير 655 (المشاركة 4416932)
حسيت بمأساتك :000:

كلمت انا مدير مكتب العميد وماقصر معي من قبل التسجيل وبعده والرقم الجامعي على هالاسبوع ان شالله
بيجيك على جوالك
وبالتوفيق قبل الفطسه :biggrin:


هههههههههه الله يرجك يسعدني مرورك قال بالتوفيق قبل الفطسة لوووووووووووووووووووووول:53:

سلطانة زماني 2011- 9- 19 11:23 AM
رد: صدقوني جهزت المشنقة حقتي لو ماتردون علي بنفذ الحكم
 
صدر حنون انت جربت ودخلت على الراوبط الي قلت لك عليها ؟؟؟ هو مش مكرر بس انا من الحرص
اعطيتك الرابط المفروض تفتحه من البدايه بس اتمنى انك شيكت عليهم

دافنشي كود 2011- 9- 19 11:43 AM
رد: صدقوني جهزت المشنقة حقتي لو ماتردون علي بنفذ الحكم
 
:d5:

مبرووك قبلوك الجامعه

وكلنا ننتظر الرقم السري

وسالفة تمديد التسديد الى راتب شوال .. بس للطلبه القدامى :biggrin: على ما اعتقد وسمعت

اما حنا .. نظاميين معنا من اول مره :mh12: ما فيه تأخير بالتسديد والي يتأخر عن الموعد المحدد ما يقبلون اوراقه ..

ابو جنااا 2011- 9- 19 02:03 PM
رد: صدقوني جهزت المشنقة حقتي لو ماتردون علي بنفذ الحكم
 
لازم الواحد ياخذ بالله عليك
لازم تحضر على راس كل ساعه


حبيبي انت كاسك هذا كلنا شربنا منه

طريقة تفكير اتجاه نفسك لازم تغيرها وراك مشوار طويل وانا اخواك

مشكلتك بسيطه

غير اسلوبك في طريقة المعيشه حبيبي

كان من الاول ورقه خارجيه او مستند على سطح المكتب
تحفظ فيها اسمي الدخول و كلمات السر

اثنين اختار دايم مواعيد على راس الاسبوع
كسداد او مراجعه جامعه او اي دايره حكوميه

الله ييسر امرك قول امين

ايش اللي 2011- 9- 19 02:21 PM
رد: صدقوني جهزت المشنقة حقتي لو ماتردون علي بنفذ الحكم
 
اصبر الصبررر زين ي ولددددددي:biggrin:

دمعة الأحزان 2011- 9- 19 03:19 PM
رد: صدقوني جهزت المشنقة حقتي لو ماتردون علي بنفذ الحكم
 
أمورك خالصه وكلنا مثلك نتتتتتظر الرقم السرى والجامعي وأنشاء الله أخر موعد مع نهاية هذا الأسبوع بتوصلك عن طريق رساله على الجوال اللي سجلته في بيناتك وقت التسجيل بس يبغاااااالك شوي صبر وشوى تفاؤل مع الدعاء وحسن الظن بالله وأن شاء الله يسهلك ربي حيييياتك :oao:

alsho0oq 2011- 9- 19 03:55 PM
رد: صدقوني جهزت المشنقة حقتي لو ماتردون علي بنفذ الحكم
 
<< جايب لك حبل :mh35:

والله يالغالي كلنا سيم سيم حالتك

rmmunajam 2011- 9- 19 04:11 PM
رد: صدقوني جهزت المشنقة حقتي لو ماتردون علي بنفذ الحكم
 
تفألوبالخير تجدوه
انشاالله انقبلتي
فالك .. الخير..

حايره في الدنيا 2011- 9- 19 04:16 PM
رد: صدقوني جهزت المشنقة حقتي لو ماتردون علي بنفذ الحكم
 
انت انقبلت في الجامعه اصلا بس استنى الباسوورد وكلنا نستنى معك :mh12: والله يعين

رضااك يااربي 2011- 9- 19 04:53 PM
رد: صدقوني جهزت المشنقة حقتي لو ماتردون علي بنفذ الحكم
 
اصبر يا اخوي
ربك يعين


All times are GMT +3. الوقت الآن حسب توقيت السعودية: 09:09 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه