|
لمن لديه او لديها إستفسار من الجامعه سأكون هناك
بإذن الله سوف اكون متواجد بمقر الجامعه غداً لبعض شئون التسجيل الخاصه بي ومن باب حب الخير والمساعده لكل من هو بحاجه إستفسار او شيء يتعلق بالإنتساب المطور يبلغني بأسرع وقت أو برساله وسأكون الأسعد بذلك |
رد: لمن لديه او لديها إستفسار من الجامعه سأكون هناك
ياليت تسالهم اخوي متى بيرسلون لنا الارقام السرية ؟؟ وهل سترسل على الجوال ولا كيف ؟؟ ومتى بتبدئ الدراسة الفعلية للطلبه الجدد
|
رد: لمن لديه او لديها إستفسار من الجامعه سأكون هناك
اي والله جيت بوقتك
بس نبي نعرف متى بيرسلوووون الارقااام للمنتسبين الجدد ......ترى في مجال ننسحب وبيتندموووون ع:41jg: |
رد: لمن لديه او لديها إستفسار من الجامعه سأكون هناك
اقتباس:
اقتباس:
|
رد: لمن لديه او لديها إستفسار من الجامعه سأكون هناك
يرحم والديك. عن النار
اسأل اللي عند امه وأبوه ضمان اجتماعي وش المطلوب علماً انه أنا ماعندي ضمان بس الوالده والوالد |
رد: لمن لديه او لديها إستفسار من الجامعه سأكون هناك
الله يعافيك اسألهم هل اقدر اروح كم يوم الجامعه يعني احضر محاضرات مباشرة ولا ممنوع
وجزاك الله الف خير |
رد: لمن لديه او لديها إستفسار من الجامعه سأكون هناك
اقتباس:
|
رد: لمن لديه او لديها إستفسار من الجامعه سأكون هناك
عاشق الله لايهينك اسال عن معادلة مواد المعهد المهني
تخصص صيانة حاسب الالي مدة الدراسة ثلاث فصول يعني سنه هل لها معادلة علماً بانه يوجد لدي سجل اكاديمي بنظام الساعات واذا جابة الاستفسارات اسدحها بشكل واضح من شان نحصل عندك العلم وجزاك الله خير |
رد: لمن لديه او لديها إستفسار من الجامعه سأكون هناك
تكفي ياغالي اسالهم كيف نعرف الضمان ردو عليكم او لا لانو بدنا نعرف عشان نعمل حساب وانا من القدامي ورفعت او راقي قبل ماتقفل الايوقونه وانا حريصه لانو لازم نعرف اقل شي قبل لا يضيع وقت السداد ونحاول ندبرها بس
|
رد: لمن لديه او لديها إستفسار من الجامعه سأكون هناك
اقتباس:
مثل ماتفضلو الاخوة اسأل متى تبدأ الدراسة الفعليه للطلبة الجدد ومتى يرسلون الارقام؟ وجزاك الله الجنه ع روح التعاون :love080::love080::love080: |
رد: لمن لديه او لديها إستفسار من الجامعه سأكون هناك
اممممم :(107):
لا والله سلامتك مابغا شي طلع سؤالي مثلهم عن الارقام وش بعد وش بعد :g2::g2::g2: عساك عالقوة وشكرا لاتاحة هالفرصة |
رد: لمن لديه او لديها إستفسار من الجامعه سأكون هناك
اي والله ياليت احد يفيدنا بخصوص مستحقين الضمان الاجتماعي انا مستجدة وعندي اثبات حالة لكي اعفاء من الرسوم ...
السوال/الترم الثاني كيف راح يكون النظام ارسل اثبات للمرة الثانية اني مستحقه من الضمان ولا خلاص اثبات واحد يكفيني طووول دراستي بالجامعة لحد مااتخرج ولا كل مررة اجدد الاثبات وارسلة ؟؟؟؟ امنى اجابه تبرد التسبد:mh318: |
رد: لمن لديه او لديها إستفسار من الجامعه سأكون هناك
اقتباس:
+1 نفس سؤاله وبيض الله وجهك ... |
رد: لمن لديه او لديها إستفسار من الجامعه سأكون هناك
اخوي الله يجزاك الجنه ويفرج عنك اسألهم انا دبلوم كلية الدراسه التطبيقيه وخدمة المجتمع جامعة الملك فيصل قدمت الثلاثاء اللي فات وعبيت نموذج طلب ولحد الحين ماجاني رد بالقبول متى بيجي رد القبول؟
واذا انقبلت فيه مادتين بالمستوى الاول محاسبه1 ورياضيات1 درستهم من قبل وغيرها مواد مابغى ادرسها مره ثانيه شالطريقه اللي يعادلون فيها المواد عشان ادرس مواد جديده واخذ بكالريوس ان شاءالله؟ اااااسفه على الاطاله وبيض الله وجهك:d5: |
رد: لمن لديه او لديها إستفسار من الجامعه سأكون هناك
الله يعطيك العافيه ممكن تسألهم بخصوص الشهاده الثانويه ممكن استرجعها عشان العمل يطلبون اشهادة الاصل بخصوص الترقيه ولك كل التقدير والاحترام |
رد: لمن لديه او لديها إستفسار من الجامعه سأكون هناك
الله يجزاك خير ياليت تسالهم عن الضمان انا ارسلت لهم من الايقونه يعني صوره من الجهاز
معطوني خبر ولا رجعو لي الفلوس ومدري ادفع لهم الترم هذا ولا الله يوفقك وينور درربك واسفه ع الاطاله :106::106: |
رد: لمن لديه او لديها إستفسار من الجامعه سأكون هناك
السلام عليكم ورحمة الله حبايبي انا واقع في مشكلة طالب منتسب في الجامعة تخصص إدارة أعمال درست فصل واحد وعديت جميع المواعد ثم اجلت الدراسة لفصلين متتاليين وطلبت عودة وتم الموافقة عليها وطلبت تغيير تخصص وغيرو تخصصي تربية خاصة حسب طلبي بس فوجئت انهم اوقفوا حسابي الجامعي يقولون عليك رسوم متأخرة 1170 ريال وأنا ماعلي شي متأخر أصلا درست ترم واحد وسددت المبلغ كامل قبل ماأدرس أصلا وحذفت ترمين يعني ماعلي شي إلا حق الرسائل الضاهر 30 ريال اذا موجوده وش اسوي ماحد يرد على الجوالات والا أعرف ايميل معين أراسله وأصلا ادخل على أي خدمة طلابيه يرفض يقول لايمكنك الدخول يجب السدادا حتى البريد الاكتروني وش الحل الي يقدر يفيدني يلحق علي تكفون جا وقت تنزيل المواد ولا أقدر أنزل شي
مشكورين مقدما لتجاوبكم:bawling: وهذا رقمي الأكاديمي210065590 |
رد: لمن لديه او لديها إستفسار من الجامعه سأكون هناك
عاشق اتوقع اعتزل من كثر الأسأله عليه :lllolll:
|
رد: لمن لديه او لديها إستفسار من الجامعه سأكون هناك
لو سمحت اذا قدرت عن التحويل للانتظام هل اكيد راح تطلع النتايج السبت ؟؟ :000:
وجزاك الله الف خير :106: |
رد: لمن لديه او لديها إستفسار من الجامعه سأكون هناك
جزاك الله خير
طيب ممكن تسأل عن المسجلين في الضمان من القدامى لأن فيه ناس دخلو بياناتهم عن طريق الخدمات فقط وما ارسلوا شهادة الانتماء هل يقبلون ولا ايش وضعهم والله يوفق الجميع لكل خير |
رد: لمن لديه او لديها إستفسار من الجامعه سأكون هناك
اقول الله يعينك :53:
|
رد: لمن لديه او لديها إستفسار من الجامعه سأكون هناك
اقتباس:
اقتباس:
للأسف دام ما عندك ضمان لا يقبلونه كلام الموظف لي . اقتباس:
الحضور على الموقع الله يعافيك ويوفقك . اقتباس:
أبد طال عمرك المعادله لها وقت تسجيل محدد وما عليك إلا إرسالها لهم بعد ما تخلص الترم الأول لأنه اجباري . اقتباس:
[QUOTE=زهرة الريف;4390674]اخوي الله يجزاك الجنه ويفرج عنك اسألهم انا دبلوم كلية الدراسه التطبيقيه وخدمة المجتمع جامعة الملك فيصل قدمت الثلاثاء اللي فات وعبيت نموذج طلب ولحد الحين ماجاني رد بالقبول متى بيجي رد القبول؟ واذا انقبلت فيه مادتين بالمستوى الاول محاسبه1 ورياضيات1 درستهم من قبل وغيرها مواد مابغى ادرسها مره ثانيه شالطريقه اللي يعادلون فيها المواد عشان ادرس مواد جديده واخذ بكالريوس ان شاءالله؟ اااااسفه على الاطاله وبيض الله وجهك:d5:[/ QUOTE] إذا تقصد قبول في الإنتساب المطور فـ هذا أنتهى من رمضان أما غيره لا اعلم وانا حاضر بأي إستفسار اخر . اقتباس:
اقتباس:
خليك متماشيه معاهم وترى يرجعونها في حال قبول الضمان . اقتباس:
أعطيته رقمك الجامعي وبحث ولم يطلع اي نتيجه لذا يجب عليك مراجعتهم بأسرع وقت . [QUOTE=ARWA DH;4393116]لو سمحت اذا قدرت عن التحويل للانتظام هل اكيد راح تطلع النتايج السبت ؟؟ :000: وجزاك الله الف خير :106:[/ QUOTE] قالو ربما . اقتباس:
لا يقبلون إلا بم يثبت لهم ذلك . اقتباس:
يالله يا كريم . |
رد: لمن لديه او لديها إستفسار من الجامعه سأكون هناك
الله يجزاك كل خير لك كل الشكر والتقدير |
رد: لمن لديه او لديها إستفسار من الجامعه سأكون هناك
بيض الله وجهك اخوي ع خدمتك..
|
رد: لمن لديه او لديها إستفسار من الجامعه سأكون هناك
لو سمحت
انا بسال بخصوص اللي مسجل جديد بالجامعه وتم قبوله باداره اعمال ويرغب بتغيير التخصص يقدر ولا لا ؟؟ |
رد: لمن لديه او لديها إستفسار من الجامعه سأكون هناك
والله انك ماقصرت عسى الله يكتب لك الاجر اخوي |
رد: لمن لديه او لديها إستفسار من الجامعه سأكون هناك
الله يجزاك الف خير
ويعطيك العافيه مااقصرت :106: |
رد: لمن لديه او لديها إستفسار من الجامعه سأكون هناك
:106:
|
رد: لمن لديه او لديها إستفسار من الجامعه سأكون هناك
:(204): ماشاء الله عليك
تلقاها بأذن الله في ميزان حسناتك للك خالص احترامي:106: |
رد: لمن لديه او لديها إستفسار من الجامعه سأكون هناك
الف شكر ياعاشق الطموح
بس يليت توضح الاجابه الي اشوي هم قالو يقبلون مثل هالمعاهد ولالا |
رد: لمن لديه او لديها إستفسار من الجامعه سأكون هناك
كفيت ووفيت يا عاشق الطموح .. تدري المفروض يحطوك مسؤول في الجامعة :lllolll: ربي يسهلك كل امورك :(204): |
رد: لمن لديه او لديها إستفسار من الجامعه سأكون هناك
اقتباس:
وانا ليش ما في اجابة :(107): |
رد: لمن لديه او لديها إستفسار من الجامعه سأكون هناك
:106:
|
رد: لمن لديه او لديها إستفسار من الجامعه سأكون هناك
ماقصرت جزاك الله الف خير
|
رد: لمن لديه او لديها إستفسار من الجامعه سأكون هناك
معليش ترى مو داخل الملتقى على طول واللي يحب يواصلني على الإيميل عشان نقدر نحقق شيء :
nbc12342@hotmail.com |
| All times are GMT +3. الوقت الآن حسب توقيت السعودية: 03:37 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه